24968	LUK 1:6	Aabilene yaali owogoowa murima vameentoni va Mulugu, yohariha mowaakwanela malamulo ni magano a Nabwiya.
24970	LUK 1:8	Nlabo nimohi, Zakariya ahiddaga mabasa aaye oonamakutha vameentoni va Mulugu. Waali mudhidhi wa nikuru naaye na oonamakutha nowimelela,
24971	LUK 1:9	moharihedha mukalelo weewa wonamakutha, ahimoreliwa gari mosakuliwa ovolowa mburo woweela wa Nabwiya, wi apahe dhoonukwela dha mukutho.
24973	LUK 1:11	Mungero a Nabwiya ahidha vowambeela, wiimela omoononi wooja wibuwani wapahiwa dhoonukwela dha mukutho.
24977	LUK 1:15	Vowi oliye onakale mulubale vameentoni va Nabwiya. Kadha ang'wa yoong'wa yolezeliha, onaakale oodhaaliwa Muneba Woweela, naari ahinabaliwe.
24978	LUK 1:16	Onodha atthwaruse amwaana Ezarayeli ajinjeene wa Nabwiya Mulugu aaye.
24979	LUK 1:17	Vano oneere okala vasogolo va Nabwiya mmunebani ni kopolo dha Eliyazi, wi atthwaruse murima dha ababiinya wa aaniwa, atthwaruse avuruvuru wi ekanne zelu ya athu oharihamo, asasanyedhe athu wa Nabwiya nlogo nooharihamo.”
24980	LUK 1:18	Nuwindo Zakariya ahimukoha mungero: “Ginanone addi dhendo, vowi miyo ni mwihiyanaga nihuluvala?”
24986	LUK 1:24	Nuwindo egavirile malabo ayene Ezabeli ahikanna wari, ofiyedha mweeri mitanu kavenya vade.
24987	LUK 1:25	Ezabeli ahiira: “Ndala Nabwiya ohiirana wa miyo, ohudhiveliwa ni miyo, ohumaaliha manyazo aaga, yanna miyo vaari va athu.”
24988	LUK 1:26	Vigavirile mweeri mitanu na mmohi Ezabeli aganna wari, mungero Gabiriyeli ahirumiwa ni Mulugu murudda wa elabo ya oGalileya nluwa no oNazareti. Wewo wadhowiliye omfwanya namwali, eeriwa Mariya.
24990	LUK 1:28	Mungero agafiyile, ahimulojelaga, wiira: “We ohukanna mahala! Nabwiya Oli ni we.”
24994	LUK 1:32	Onaakale mulubale, akopolo. Oneethaniwege Mwaana a Mudhulu-dhulu. Nabwiya Mulugu oneere omvaha othonga wa babaye Davidi.
25000	LUK 1:38	Vano Mariya omwaakula, wiira: “Gili va, mwiimeleli a Nabwiya. Dhiireye wa miyo dhatedhene mooligana ni madhu eenyu.” Vano mungero ovenyavo vemeliligiiye.
25005	LUK 1:43	Asaa! Dhandeyile a ddi wi amaaye a Nabwiya aaga, egeeddele miyo?
25007	LUK 1:45	Muli oorelihiwa mwaha wororomela wi Nabwiya dhuwaaddeliyeni, dhineere wiireya!”
25008	LUK 1:46	Nuwindo, Mariya ahiira: “Egumi yaaga enomuriha Nabwiya,
25020	LUK 1:58	Amwaaddamani ni amudhi aaye egeewile wi Nabwiya ohumweddiwela thagaraga volubalevene, yahihagalala ni oliye.
25022	LUK 1:60	Amaaye yahaakula, wiira: “Naari! Eeriwege Zhuwawu.”
25025	LUK 1:63	Ahilobaga ntabwa olebavo: “Ndina naaye di Zhuwawu.”
25030	LUK 1:68	“Otamaaliwa akale Nabwiya, Mulugu a Ezarayeli, vowi oheeddela ni woobola nlogo naaye.
25038	LUK 1:76	We mwaanaga, oneerege wiithaniwa namavuhulela a Mudhulu-dhulu. Vowi oneere odhowa vasogolo va Nabwiya wi osasanyedhe dila yaaye.
25039	LUK 1:77	Ni waalaleyela athu a Mulugu, ovulumusiwa weewa odheela mooleveleliwa dhoothega dheewa,
25046	LUK 2:4	Mwaha wa ela, Zhuuze ahivenya mudhi wo oNazareti, wo oGalileya. Odhowa nluwa no oBetelemi, oZhudeya, wewo wabaliwe kingi Davidi. Vowi oliye aali a nlogo na Davidi.
25051	LUK 2:9	Vano vowaaguva mungero a Nabwiya Mulugu ahifiya vameentoni veewa. Mungero ole agafiyile, waara wa nthithimiho na Nabwiya Mulugu wahamoneyela vaaligiisu, aliwa yahirurumuwaga ni woova.
25053	LUK 2:11	Vuruwanani, muselu ya buula: Muhubaliweliwa peeno veva, muluwani na Davidi, Mvulumusi, Kirixtu, Muthikitheliwi a Mulugu, Nabwiya.
25057	LUK 2:15	Vano, dhahipadduwa angero egavenyile vameentoni va anamajiha mabila, odhowa odhulu, yegi owoga mmohi ni mukwaaye: “Kabeni dhiinoveva oBetelemi noone dhendo dhipadduwile dhinoonihile Nabwiya Mulugu.”
25064	LUK 2:22	Egaakwanile malabo oweelihiwa, woona malamulo a Mozezi yahimuthukulela mwaanaya oZheruzalemi wi oonihiwe wa Nabwiya,
25065	LUK 2:23	(Woona mulebeliwiwa mmalamuloni a Nabwiya: “Anapongwe ateene owambeela eneerege oveleeliwa wa Nabwiya.” )
25066	LUK 2:24	ni nvahi wa mukutho, woona dhilebiwe mmalamuloni wa Nabwiya: “paara emohi maziya naari kangayiwa biili dhing'onong'ono.”
25068	LUK 2:26	Wahimvuhulela Muneba Woweela wihina kanaakwe ahimoonile Kirixtu a Nabwiya.
25071	LUK 2:29	“Vano, Nabwiya, gipaganyeni ni murenddele miyo, mwiimeleli eenyu, woona mwagiroromelihe nyo.
25077	LUK 2:35	Oliye onodha oneeyihe mobuwelo a mmirimani mwa athu ajinjeene. Nyo mmani okubanya onodha olate murima weenyu woona supadda.”
25079	LUK 2:37	Nuwindo okala maamukwele yaaka makumi matanu namaraaru ni yaaka nayi. Kaavenyamo munyuba ya Mulugu, mbwenye owebedha mahiyu ni mutana ni othuga.
25081	LUK 2:39	Egamalile oharihamo dhawoga malamulo a Nabwiya yahiwelela o Galileya oluwani weewa, oNazareti.
25093	LUK 2:51	Omaruwa vamohi ni aliwa odhowaga oNazareti. Amaaye yoologolela dhego dhatedhene dhedhi mmurimani.
25098	LUK 3:4	Woona mwalebeliwiwa muniivuruni na madhu a namavuhulela Ezaya: “Ndhu nnakuwa mwiiddeddereni: ‘Sasanyedhani rampa a Nabwiya, moogolele dila yaaye.
25101	LUK 3:7	Anamwinji yodhowa wi yabathiziwe. Zhuwawu oowoga, eeraga: “Nyo mulogo wa dhivili! Wuwaaddelileni ottawa owali wa Mulugu onafuna odha baani?
25102	LUK 3:8	Mvahe dhoovaha dhebaribari dhowoneyiha otthwaruwa. Muhambeele owoga wekiinyu: ‘Nihikanna baba eehu Abarahamu.’ Miyo ginowuwaaddelani wi Mulugu onowanda, osaddula mabwe alena wi ekale ahima a Abarahamu.
25104	LUK 3:10	Nuwindo anamwinji yahimukohaga, yiiraga: “Nneere hiyo ddi?”
25106	LUK 3:12	Yahifiyaga anamakoha-musoko wi ebathiziwe. Yomukohaga, yiiraga: “Namasuuziha, ki nneerege ddi?”
25107	LUK 3:13	Ahawaakulaga, eeraga: “Naari kamwenjedhedhe okwaranyiha mwaaddeleliwinyu.”
25112	LUK 3:18	Nuwindo, oolaleya muselu wapama alibihaga ni madhu majinjene.
25119	LUK 3:25	Zhuuze mwaana a Matathiya, Matathiya mwaana a Amosi, Amosi mwaana a Nahumu, ola di mwaana a Esili, mwaana a Nagayi,
25120	LUK 3:26	Nagayi mwaana a Maathi, Maathi mwaana a Matathiya, Matathiya mwaana a Semeyini, ola di mwaana a Yoseki, mwaana a Yoda,
25121	LUK 3:27	Yoda mwaana a Yowanane, Yowanane mwaana a Resa, Resa mwaana a Zorobabeli, ola di mwaana a Salatiyeli, mwaana a Neri,
25122	LUK 3:28	Neri mwaana a Meliki, Meliki mwaana a Addi, Addi mwaana a Kosamu, ola di mwaana a Elemadamu, mwaana a Eri,
25125	LUK 3:31	Eliyakimu mwaana a Meleya, Meleya mwaana a Menna, Menna mwaana a Matatha, ola di mwaana a Nathani, mwaana a Davidi,
25126	LUK 3:32	Davidi mwaana a Yese, Yese mwaana a Obeddi, Obeddi mwaana a Bowazi, ola di mwaana a Sala, mwaana a Naaxoni,
25127	LUK 3:33	Naaxoni mwaana a Aminaddabe, Aminaddabe mwaana a Adimini, Adimini mwaana a Arini, Arini mwaana a Hesiromo, ola di mwaana a Perezi, mwaana a Zhuda,
25128	LUK 3:34	Zhuda mwaana a Yakobo, Yakobo mwaana a Ezaaki, Ezaaki mwaana a Abarahamu, ola di mwaana a Teera, mwaana a Nakori,
25129	LUK 3:35	Nakori mwaana a Seruge, Seruge mwaana a Ragawu, Ragawu mwaana a Pelege, ola di mwaana a Eberi, mwaana a Sala,
25130	LUK 3:36	Sala mwaana a Kayinani, Kayinani mwaana a Arifaxadi, Arifaxadi mwaana a Semu, ola di mwaana a Nowe, mwaana a Lameki,
25140	LUK 4:8	Yesu ahimwaakulaga, wiira: “Dhihilebiwa: ‘Omwebedhe Nabwiya Mulugu aawo, omwiimelela Oliyeeneve, baahi.’ ”
25141	LUK 4:9	Nuwindo Sathana ahimuthukula, omudhowana oZheruzalemi, omugweliha vadhulu vanyuba ya Mulugu, omwiirela: “Akala Muli Mwaana a Mulugu, mulupele vati,
25144	LUK 4:12	Yesu ahaakulaga, wiira: “Nda dhihiwogiwa: ‘Ohumweehe Nabwiya Mulugu aawo.’ ”
25148	LUK 4:16	Nuwindo Yesu ahidhowa oNazareti wewo waleliwiye. Nlabo na Sabuddu woona molemeelela, ahivolowaga nyuba ya malobelo. Ahiimelaga wi eelenge wewule.
25155	LUK 4:23	Yesu ahawaaddela, wiira: “Mohanganyedha munodha mugiwogele nigano: ‘Nowi we oli ng'anga, wiyilihe wekaawo! Dhatedhene mwiwiliihu mwiirilinyuna oKafaranawu, Mwiirena owaninyu wuno.’”
25159	LUK 4:27	Mudhidhi wa Elizewu, muEzarayeli mwahikala aliba maredda gwee, kaavo naari mmohi eelihiwe – aali Naamani, baahi, muSiriya.”
25163	LUK 4:31	Vano Yesu ahikitelaga oKafaranawu, mudhi mulubale wa oGalileya. Nlabo na Sabuddu egi wasuuziha athu munyuba ya malobelo.
25166	LUK 4:34	“Iii! Ninna ddi hiyo ni nyo, Yesu a oNazareti? Mudheele ontolosa? Miyo guhuunonani wi Muli Oweela a Mulugu!”
25173	LUK 4:41	Vaaligi, mineba dhabure dhegi okuma mwa athu ajinji. Dhigakumile, dhookuwaga, dhiiraga: “Nyo Muli Mwaana a Mulugu!” Yesu oohihaga wi dhihiwoge vowi dhahinona wi Oliye di Kirixtu.
25176	LUK 4:44	Nuwindo, oolaleyela munyuba dha malobelo dha oZhudeya.
25177	LUK 5:1	Nlabo nimohi Yesu ahiimelaga seresere ya nyaza yo oGenazareti, athu ajinji yegi ompinyaminya wi yiiwe madhu a Mulugu.
25181	LUK 5:5	Simawu ahaakulaga, wiira: “Namasuuziha, mahiyu mateene nihilaba kanipile yego. Mbwenye, vowi di Nyo munagiruma waabwiniha, miyo gineere orumeedha.”
25184	LUK 5:8	Simawu Peduru agoonile nde, ahikokoraga vakuukuvi ni Yesu, wiira: “Nabwiyani, mususe wa miyo vowi gili namathega.”
25188	LUK 5:12	Dhahipadduwa ayi, Yesu aaligi nluwa nimohinene, mwahikala mulobwana mmohi anna maredda mumwiilini wateene. Agamoonile Yesu, ahikokoraga, oworomihedha kove vati, omuloba, wiira: “Nabwiya, Nyo muhukanna owodha, mwafuna, mugeelihe.”
25193	LUK 5:17	Nlabo nimohi Yesu eeraga osuuziha. MaFarizi ni anamasuuziha a malamulo yahikaratigi mwemule, yadheelege mirudda dhatedhene dha oGalileya, dha oZhudeya ni dha oZheruzalemi. Owodha wa Nabwiya waaligi ni Oliye wi aayilihe aredda.
25194	LUK 5:18	Nuwindo alobwana amohiwa yahidhaaga yamuthukulege muliba maredda emuthebaga vanteteni. Yoosayelaga vomvolowana wi yamurule vameentoni va Yesu.
25212	LUK 5:36	Nuwindo Yesu ahawogela musibe ola, wiira: “Kalivo muthu onatala ecapa ya yowara exa, acapelana yowara yawale. Eera ndo, enonongeya, yacapeliwana exa, kinafwaneelela ni yawale.
25218	LUK 6:3	Yesu ahawaakulaga, wiira: “Nyo kamweelengile dheerile Davidi ni akwaaye aganna dala?
25220	LUK 6:5	Yesu ahenjedhedhaga, wawaaddela: “Mwana a Muthu dili Nabwiya a Sabuddu.”
25224	LUK 6:9	Vano Yesu ahawiirela aliwa: “Ginowukohani, [munoona havi]? Nlabo na Sabuddu dhinarumeedhiwa siivi? Wiira dhapama, naari dhabure? Ovulumusa, naari opa?”
25227	LUK 6:12	Nlabo nimohi mwa mudhidhi olene, Yesu ahidhowaga wi alobele omwangoni. Ahivireliwaga mahiyu mateene alobelaga wa Mulugu.
25255	LUK 6:40	Namasuuza kanamukwaranya namasuuziha aaye, mbwenye ateene alene enavirihamo masuuziho, enokala woona anamasuuziha eewa.
25257	LUK 6:42	Onanda addi omwiirela ddibilo: ‘Ddibilaaga, mahi givenyihemo ekata eli mwiintonimo,’ ohoonaga emiri eli mwiintoni mwaawo? Namaleketha, vowambeela ovenyihemo ekata eli mwiintoni mwaawo, vano oneerege woona pama wi ovenyihemo ekata eli mwiintoni mwa ddibilo.”
25261	LUK 6:46	“Mwaha wa ddi munagithaninyu ‘aNabwiya’ wula muhiiragana dhinowaaddelimini?
25270	LUK 7:6	Yesu ahidhowa ni aliwa. Aaddamelaga vang'ono ofiya vade, musogoleli ole ahaaruma akwaaye wi yeere: “Nabwiyani, kamukukumuwe, kagifwaneelele wi nvolowe mba mwaaga.
25275	LUK 7:11	Vovira mudhidhi vang'ono, Yesu ahidhowaga oluwani neeriwa Nayimi, vamohi ni anamasuuza aaye ni athu ajinjeene.
25277	LUK 7:13	Nabwiya agamoonile ahimweddiwelaga thagaraga, wiira: “Kawuundde.”
25280	LUK 7:16	Athu ateene yowoovaga. Yoomutamalaga Mulugu, yiiraga: “Namavuhulela mulubale ohooneya vaari va hiyo, Mulugu oheeddela nlogo naaye wi akamihedhe.”
25283	LUK 7:19	waaruma wa Nabwiya wi yamukohe: “Akala dinyeene eeriwa onodha, naari nimujejihege mmohiwa?”
25284	LUK 7:20	Anamasuuza ale egafiyile vaaligi Yesu, yahiiraga: “Zhuwawu Namabathiza ohuniruma wi nuukoheni: ‘Akala dinyeene eeriwa onodha naari nimujejihege mmohiwa?’”
25290	LUK 7:26	Ki-to mwagele woona ddi? Namavuhulela? Eee, Miyo Ginowuwaaddela wi oliye onomukwaranya namavuhulela.
25297	LUK 7:33	Zhuwawu Namabathiza ohudha, ahijaga mukaathe, ahing'waga vinyu, nyo muni: ‘Ohukanna muneba wabure.’
25304	LUK 7:40	Yesu ahiwogaga ni mFarizi, wiira: “Simawu, Gihikanna madhu wi guwaaddele.” Oliye ahiiraga: “Namasuuziha, wogani.”
25312	LUK 7:48	Nuwindo, ahiwogaga ni mwihiyana ole, wiira: “Dhoothega dhaawo dhihileveleliwa.”