24402	MRK 4:10	I'sia be'erõ'õ Jesúre ĩ'rĩkaja imaeka ᵽoto kiᵽõ'irã imaekarã suᵽabatirã kika wãrũrimajaᵽitiyika rẽrĩtirã ikuᵽaka kire narĩka: —¿Marãkã'ã ãrĩrika mibojawãrõyu?—
24432	MRK 4:40	Torãjĩrã mae, —¿Dako baaerã mija kĩkiko'o je'e? ¿Jia yire yi'riberiwa'ri “Yijare ĩarĩrĩwãrũiki kime”, yireka ãrĩbeyukajirã mija ime bai?— nare kẽrĩka.
24442	MRK 5:9	I'suᵽaka kẽᵽakã'ã ikuᵽaka Jesúre kire ãrĩka: —¿Marãkã'ã miwãmea?— I'suᵽaka kire kẽᵽakã'ã, —Legión ñime, rĩkimarã ba'irã yija ima simamaka.—
24464	MRK 5:31	I'suᵽaka kẽᵽakã'ã kika wãrũrimajare ikuᵽaka ãrĩka: —Miᵽõ'irã rĩkimarãja imarã mire rabeirã. ¿Marãkã'ã simamaka “¿Maki yijariroaka rabeko'oka?”, meñu?—
24592	MRK 8:23	I'suᵽaka naᵽakã'ã Jesúre kire tĩtiwa'rika weje a'riwa'ri ᵽañakarã. Torã kire e'eeyatirã, rijo'kakaᵽi kiñakoa wi'etirã, kiᵽitaka kire kija'aᵽeaeka. Suᵽabatirã ikuᵽaka kire kẽrĩka: —¿Yaje miyoiyu?—
24596	MRK 8:27	I'sia be'erõ'õ Jesús kika wãrũrimajaᵽitiyika a'ririjarikõrĩ, Cesarea de Filiᵽo wãmeika wejekoyikurirã neyarijarika. Torã ma'aᵽi na'ririjarika ᵽoto, kika wãrũrimajare ikuᵽaka kijẽrĩaeka: —Yireka ᵽuᵽajoatirã, “¿Maki kime”, ᵽo'imajare yireka ãñu?— nare kẽrĩka.
24598	MRK 8:29	—Mija je'e, “¿Maki kime”, yireka mija ãñu?— Toᵽiji ikuᵽaka Ᵽedrote kire yi'rika: —Mi'iji mime Jã'merũkika Tuᵽarãte wã'maekaki,— kire kẽrĩka.
24617	MRK 9:10	I'suᵽaka kẽrĩka jia yi'rikarã imarĩ, aᵽerãte sanabojaberika. I'suᵽaka simako'omakaja natiyiaja ᵽuri ikuᵽaka narĩbu'aeka: —¿Marãkã'ã ãrĩwa'ri “Reyariᵽotojo ate õñia yijariᵽe'rirãñu”, kẽrĩko'o ruku?— narĩka.
24618	MRK 9:11	I'suᵽaka ãrĩkarã imarĩ ikuᵽaka kire najẽrĩaeka: —¿Dako baaerã, “Ᵽo'imajare jã'merũkika Tuᵽarãte ᵽũãtaerã baarãka ruᵽu Elías imaki mamarĩ etaũ'murãki”, Moiséte jã'meka wãrõrimajare ãñu?— narĩka.
24628	MRK 9:21	I'suᵽaka kibaamaka ĩatirã ikuᵽaka kiᵽakire kijẽrĩaeka: —¿Dikarakakuri wejejẽ'rãka mimakire eyawa'yu i'suᵽaka kima?— kire kẽrĩka. I'suᵽaka kẽᵽakã'ã, ikuᵽaka kiyi'rika: —Kũᵽajĩka kimaeka ᵽotorãja i'suᵽaka yimakire imaũ'mueka.
24659	MRK 10:2	Ᵽo'imajare wãrõbaraka kimaeka ᵽoto fariseokaka ᵽuᵽajoairãte kiᵽõ'irã etaeka. “Jia kiyi'riwãrũberirũ”, ãrĩwa'ri ikuᵽaka kire najẽrĩaeka: —¿Ĩmirĩji kirũmure kija'ataika, ba'iaja baarika sime bai?— kire narĩka.
24674	MRK 10:17	Toᵽi Jesúre a'rirã baaeka ᵽoto kiᵽõ'irã ĩ'rĩka ĩmirĩjite rĩrĩeyaeka. Jesús wãjitãji ñukuruᵽatirã ikuᵽaka kire kẽrĩka: —Jiitaki mime wãrõrimaji. Tuᵽarãka õñia ñimajiᵽariyaᵽayu. I'suᵽaka imaokaro'si ¿marãkã'ã yibaajĩñu ruku?— kire kẽrĩka.
24693	MRK 10:36	I'suᵽaka kire naᵽakã'ã, ikuᵽaka kiyi'rika: —¿Marãkã'ã mijaro'si yibaarika mija yaᵽayu?—
24708	MRK 10:51	Kiᵽõ'irã keyaeka ᵽoto, ikuᵽaka Jesúre kire ãrĩka: —¿Marãkã'ã mire yibaarika miyaᵽayu?— —Mia'mitiᵽe wãrõrimaji. Jia ĩaiki yire mijariᵽe'rirũjerika yiyaᵽayu ate,— kire kẽrĩka.
24713	MRK 11:4	I'suᵽaka kẽrĩka ã'mitiritirã, na'rika. Torã eyatirã ma'arã burrowẽko makarãka niatõᵽoeka. Koᵽereka wã'tarã naji'aᵽããekaki kimaeka. Kire tõᵽotirã kire nakuteka. I'suᵽaka nabaamaka ĩatirã torã imaekarãre ikuᵽaka nare jẽrĩaeka: —¿Dako baaerã burrowẽko makarãka mija kuteyu?— narĩka.
24737	MRK 11:28	Torã eyatirã ikuᵽaka kire najẽrĩaeka: —¿Dako baaerã Tuᵽarãte jiyiᵽuᵽaka õrĩriwi'iaᵽi ᵽo'imajare miᵽoataraᵽe? Suᵽabatirã ¿makire jã'meikaᵽi i'suᵽaka mibaaraᵽe?— kire narĩka.
24741	MRK 11:32	I'suᵽaka simako'omakaja, “Ᵽo'imajaja Juanre jã'mekarã”, marĩjĩka, ᵽo'imajare mare boebarirãñu. “Tuᵽarã Juanre ᵽũataekaki kiro'si bojaĩjirimaji kimaokaro'si”, ᵽo'imajare ãrĩᵽuᵽajoaika simamaka, ¿marãkã'ã Jesúre mayi'rirãñu ruku?— natiyiaja najaibu'aeka.
24756	MRK 12:14	Kiᵽõ'irã eyatirã ikuᵽaka narĩka: —Mia'mitiᵽe wãrõrimaji. Rita oyiaja bojaiki mime. Ᵽo'imajare mire jaiyuyekoᵽeika dakoa jo'abeyua mire. Imatiyairã, imatiyabeyurãro'sioka kĩkibekaja Tuᵽarãrikakaka wãrõiki mime. Suᵽa imarĩ ikuᵽaka mire yija jẽrĩayu: ¿Yaje Romawejeakaki ĩᵽire jã'meika uᵽakaja imᵽuestos kire yija waᵽaĩjijĩñu ruku? Kire yija waᵽaĩjijĩkareka ¿Moisés imaekakite jã'meka ba'iaja baairã yija jarijĩñu bai?—
24758	MRK 12:16	I'suᵽaka kẽᵽakã'ã ã'mitiritirã, ĩ'rãto niñerũ kiro'si ne'era'aeka. Sĩatirã ikuᵽaka nare kẽrĩka: —¿Maki ᵽema sime samija ĩamaka? Suᵽabatirã, ¿maki wãmea sareka o'oeka sime?— nare kẽrĩka. I'suᵽaka kẽᵽakã'ã ikuᵽaka kire nayi'rika: —Ĩᵽi César ᵽema uᵽaka sime,— kire narĩka.
24765	MRK 12:23	“Ᵽo'imaja reyariᵽotojo õñia jariᵽe'rirãñurã”, ãñuka mime. Karemarĩa rita bojaiki mimarãkareka, ¿ritaja narũmu koimaeka simamaka, ni'ika kotĩmiaritiyarãñu ruku õñia kojariᵽe'rirãka ᵽoto?— saduceokaka ᵽuᵽajoairãte ãrĩka Jesúre.
24770	MRK 12:28	Toᵽi mae saduceokaka ᵽuᵽajoairãte Jesúka jaika ᵽoto Moiséte jã'meka wãrõrimajire sã'mitiritirã, “Jia Jesúre nare yi'yu”, kẽrĩᵽuᵽajoaeka. Suᵽa ãrĩwa'ri Jesús ᵽõ'irã ke'rika kire jẽrĩaokaro'si. —¿Dika sime Tuᵽarãte jã'meika imatiyaika?— ãrĩwa'ri Jesúre kijẽrĩaeka.
24790	MRK 13:4	—Mibojaika, ¿marãᵽate i'suᵽaka simarãñu? I'suᵽaka simarũki ruᵽu, ¿dakoa yija ĩaũ'murãñu ruku?— kire narĩka.
24842	MRK 14:19	I'suᵽaka kẽᵽakã'ã ã'mitiritirã, ba'iaja naᵽuᵽarika. Toᵽi mae nimarakamakiji ikuᵽaka kire ãᵽaraka najẽrĩaũ'mueka: —¿Yi'imarĩka i'suᵽaka baarãki ruku?— ãᵽaraka kire najẽrĩaeka.
24868	MRK 14:45	I'suᵽaka nare kẽrĩweaeka be'erõ'õ Jesús ᵽõ'irã eyatirã ikuᵽaka kire kẽrĩka: —¿Yaje mime wãrõrimaji?— I'suᵽaka kire ãrĩtirã kire kiu'sueka.
24884	MRK 14:61	I'suᵽaka kẽrĩko'omakaja Jesúre kire okae'eberika. I'suᵽaka kimekã'ãja ikuᵽaka kurarãka ĩᵽamakite kire jẽrĩaeka ate: —¿Mi'iji bai mime Jã'merũkika Kiwã'maekaki, Tuᵽarã Maki?— kire kẽrĩka.
24887	MRK 14:64	Mijaoka ã'mitiriko'orã ba'iaja Tuᵽarãreka kijaiko'a. Suᵽa imarĩ ¿marãkã'ã kire mabaarãñu je'e mijareka?— ãrĩwa'ri kijẽrĩaeka kĩᵽarimarã jeyomarã imaekarãte. I'suᵽaka kẽᵽakã'ã ã'mitiritirã, —Oka ba'iaja kiro'si ima simamaka jããrikaja sime kire,— nimarakamakiji narĩᵽataeka.
24897	MRK 15:2	Kiᵽõ'irã kire ne'eeyaeka ᵽoto ikuᵽaka Ᵽilatore kire jẽrĩaeka: —¿Mi'i bai judíotatarã ĩᵽamaki?— kire kẽrĩka. I'suᵽaka kire kẽᵽakã'ã, ikuᵽaka Jesúre kire ãrĩka: —Mi'iji ãñuka i'suᵽaka,— kire kẽrĩka.
24929	MRK 15:34	Saborika ᵽoto jãjirokaᵽi ikuᵽaka Jesúre jaiwataeka: —Eloí, Eloí, ¿lama sabactani?— kẽrĩka. (Hebreo okaᵽi ikuᵽaka ãrĩrika simaeka: “Tuᵽarã, Yiᵽaki, ¿dako baaerã yire miarĩrĩrija'atayu?”, ãrĩrika simaeka).
24945	MRK 16:3	Suᵽabatirã natiyiaja ikuᵽaka najaibu'arijarika: —Ãta jo'bakaᵽi ãta wi'ia natãteka, ¿maki maro'si se'etarãki ruku?— narĩbu'arijarika. Torã neyaeka ᵽoto ãta jo'baka aᵽerõ'õrã sataᵽamaka niaeka.
27030	ACT 2:12	Ᵽuᵽatatiyawa'ri, marãkã'ã ãrĩrika imabeᵽakã'ã ikuᵽaka narĩka: —¿Dakoaᵽi ãrĩwa'ri suᵽa nabaayu?—
27055	ACT 2:37	I'suᵽaka kẽᵽakã'ã ã'mitiritirã, jimarĩa ba'iaja ᵽuᵽariwa'ri ikuᵽaka Ᵽedrorãkare narĩka: —¿Yija jeyomarã, marãkã'ã yija baarãñu je'e mae?—
27098	ACT 4:7	Suᵽa imarĩ Ᵽedro, Juanᵽitiyika wẽkomaka imariwi'iarã imaekarãte Anáre akarũjeka. Mae kiᵽõ'irã eyatirã kiwã'tarã narĩkataeka ᵽoto, ikuᵽaka nare kijẽrĩaeka: —¿Maki i'suᵽaka baarika mijare jã'meraᵽaki? Suᵽabatirã, ¿marãkã'ã simamaka bitamajite mija jieraᵽe?— nare kẽrĩka.
27136	ACT 5:8	Koetaeka ᵽoto, —¿Simauᵽatiji bai sime ika riowaᵽa mija tõᵽoraᵽaka?— Ᵽedrote kore ãrĩka. —Ã'ã, simauᵽatiji sime,— kõrĩka.
27186	ACT 7:1	Torãjĩrã mae ikuᵽaka Estebanre kẽrĩka kurarãka ĩᵽamaki imatiyaiki: —¿Yaje rita sime i'suᵽaka nañua?— kire kẽrĩka.
27275	ACT 8:30	Suᵽa imarĩ kire rĩrĩeyatirã, Tuᵽarãte bojaĩjirimaji Isaíare o'oekakaka ĩabaraka kijaiᵽatemaka, kiã'mitirika. Toᵽi mae, —Torã mijaiᵽateika ¿yaje miõrĩwãrũyu?— Feliᵽete kire ãrĩka.
27281	ACT 8:36	A'ririjari ma'arijerã ᵽa'wa imaekarõ'õrã neyaeka. —Ĩakõrĩ, õ'õrã sime okoa. Maekaka ruᵽuko'a yire mijũjebe ñarĩjĩka ¿yaje rukuya jia simajĩñu?— Etioᵽíakakire kire ãrĩka.
27290	ACT 9:5	Sã'mitiritirã, —¿Maki mime je'e Ñiᵽamaki?— kẽrĩka. —Ba'iaja mibaawã'imarĩrijayuka Jesús ñime,— kire kẽrĩka.
27295	ACT 9:10	I'sia wejearã Jesúre yi'yuka, ĩ'rĩka Ananías wãmeikite imaeka. Makãrãrũñuroka uᵽakaᵽi kire ᵽemakotowiritirã, —¿Yaje mime Ananías?— Jesúre kire ãrĩka. —Ã'ã Ñiᵽamaki, õ'õrã ñime,— kire kẽrĩka.
27332	ACT 10:4	Toᵽi mae, kireka ñakoariji, —Aya, ¿marãkã'ã sime je'e ñiᵽamaki?— ᵽuᵽatawa'ri kire kẽrĩka. I'suᵽaka kẽᵽakã'ã —Tuᵽarãte mijeñerijayu rakakaja mire kiã'mitiyu. Suᵽabatirã wayuoka baairãte mijeyobaaikarekaoka jĩjimaka kime. I'suᵽaka mimamaka mireka ᵽuᵽajoajiᵽaiki kime.
27346	ACT 10:18	Torã eyatirã ikuᵽaka najẽrĩaeka: —¿Õ'õrã yaje Simón Ᵽedro wãmeikite ime?— narĩka.
27357	ACT 10:29	Suᵽa imarĩ Cornelio majaroka yire nabojaraᵽaka ᵽotojo ñojimarĩji miᵽõ'irã yi'taraᵽe. Suᵽa imarĩ ¿marãkã'ã ãrĩwa'ri oka yire mija ᵽũataraᵽe?— Ᵽedrote nare ãrĩka.
27418	ACT 12:12	I'suᵽaka kiᵽuᵽaka imekã'ãja Juan Marcos ᵽako, María wi'iarã ke'rika. Satõsirõ'õrã rĩkimarãja Tuᵽarãte jaibaraka ᵽo'imajare imaeka. I'suᵽaka nimaekarõ'õrã eyatirã koᵽerekaᵽi, —¿Yaje mija ime?— nare kẽrĩka. Sã'mitiritirã ĩ'rãko torã ba'iraberimajo, Rode, koᵽerekarã eyarĩkaritirã, ã'mitirikako, “¿Maki kime?”, ãrĩwa'ri.
27422	ACT 12:16	I'suᵽaka narĩko'omakaja, —¿Yaje mija ime?— ᵽẽteᵽi Ᵽedrote ãrĩrĩkamarika. I'suᵽaka simamaka koᵽereka wiwatatirã kire ĩawa'ri koᵽakaja naᵽuᵽataeka.
27610	ACT 17:18	Tokarã eᵽicureoskaka wãrũrimaja, suᵽabatirã estoicoskaka wãrũrimajaoka Ᵽabloka nokatotoeka. Jesús majaroka, suᵽabatirã reyakoᵽeriᵽotojo ate õñia kijariᵽe'rika majaroka nare kibojaeka. Suᵽa imarĩ ĩ'rãrimarã ikuᵽaka ãrĩkarã: —¿Dakoakaka õrĩᵽũabeyukate i'suᵽaka jaiyu?— narĩka. Aᵽerã ᵽuri: —Aᵽeto wejeakarã najiyiᵽuᵽayeeroyirãreka kijaiyu je'e aᵽeyari,— narĩka.
27657	ACT 19:3	Suᵽa imarĩ Ᵽablote nare jẽrĩaeka: —¿Makire yi'riwa'ri ruᵽuko'a mija jũjerũjeraᵽe?— nare kẽrĩka. —Juanre wãrõeka uᵽakaja ruᵽuko'a yijare najũjeraᵽe,— narĩka.
27669	ACT 19:15	Ĩ'rãrĩmi i'suᵽaka narĩko'omakaja, ikuᵽaka Satanárika ima nare yi'rika: —Jesúre ñoñu, suᵽabatirã Ᵽabloteoka yijẽrãko'ayu. Mijare ᵽuri ñiawãrũbeyu. ¿Marã je'e mija?— nare kẽrĩka.
27771	ACT 21:39	I'suᵽaka kẽᵽakã'ã ikuᵽaka Ᵽablote kire ãrĩka: —Jẽno'o aᵽika ñime. Judíotataki ñime yi'i ᵽuri. Tarso wãmeika wejeakaki ñime. Imatiyaiweje Ciliciaka'iarã sime. ¿Yaje ᵽo'imajaka yire mijairũjejĩñu?— Ᵽablote kire ãrĩka.
27797	ACT 22:25	Kire ᵽajerã naᵽi'ᵽerĩkaweaeka ᵽoto ikuᵽaka Ᵽablote jaika tokaki ĩᵽamakire: —¿Ĩ'rĩka Romatatakite mija ᵽajejĩka jia simajĩñu ruku? ¿Ba'iaja yibaaika ĩakoribekaja yire mija ᵽajerã baayu bai?— Ᵽablote kire ãrĩka.
27799	ACT 22:27	I'suᵽaka kẽᵽakã'ã ã'mitiriwa'ri surara ĩᵽamakire ikuᵽaka Ᵽablote jẽrĩaeka: —¿Yaje rita sime Romatataki mima?— —Ikijioka ñime,— Ᵽablote ãrĩka.
27821	ACT 23:19	I'suᵽaka kẽᵽakã'ã ã'mitiriwa'ri, aᵽerõ'õ ᵽañakarã kire e'ewa'ritirã kire kijẽrĩaeka, —¿Dakoa yire bojarika miyaᵽayu?— kẽrĩka.
27836	ACT 23:34	I'sia ᵽaᵽera ĩaweatirã ikuᵽaka Ᵽablote kijẽrĩaeka: —¿No'okaki mime?— kire kẽrĩka. I'suᵽaka kẽᵽakã'ã, —Ciliciaka'iakaki ñime,— Ᵽablote ãrĩka. I'suᵽaka kẽᵽakã'ã ã'mitiriwa'ri,
27899	ACT 26:8	“Reyairãte õñia Tuᵽarãte jariᵽe'rirũjerãñu”, ãñurã imariᵽotojo ¿dako baaerã “Jesúre õñia jariᵽe'riberika”, mija ãñu je'e, judíotatarã õ'õrã imarã?— Ᵽablote ãrĩka.
27919	ACT 26:28	—¿I'suᵽaka yire mijaikajĩkaᵽi “Jesúre kiã'mitiriᵽẽarãñu”, yireka merĩᵽuᵽajoayu bai?— Agriᵽate ãrĩka.
30849	REV 5:2	Toᵽi mae ángel tẽrĩwa'ribaji imatiyaiki ᵽemakotowiritirã ikuᵽaka ãrãᵽaki: —¿Maki imaki Tuᵽarã ñakoareka, ika ᵽaᵽera buᵽeka ᵽaᵽatãteka bebetirã sawierũkika?— ãrĩwa'ri jãjirokaᵽi kijẽrĩakoᵽeraᵽe.
30891	REV 7:13	I'suᵽaka narãᵽaka be'erõ'õ, ĩ'rĩka ᵽakiakite ikuᵽaka yire ãrãᵽe: —¿Marã nime saya uᵽaka ima jariroaka boia jããtirã imarã? ¿No'okarã nime?— yire kẽrãᵽe.