3	GEN 1:3	GALA ge ɠɛni ma: «Wozakalagi ɠula.» Wozakalagi ma ge ɠula.
6	GEN 1:6	GALA ge ɠɛni ma: «Zɔɠɔzu ɠɛ ziɛiti ba, é ziɛiti zeeɠaaɠwɛ ta ziɛiti.»
9	GEN 1:9	GALA ge ɠɛni ma: «Ziɛiti ti geeɠɔlɔgi wu, naati ti ɠaalɛ ba ada ɠila, ada vɔɔi ɠula kɛlɛma.» Naa ɠɛɛni ɠana nɔ.
11	GEN 1:11	Naa ʋolu GALA ge ɠɛni ma: «Zooi pɔnɔba aniiti kula, eɠɛʋelei ti-ma ziiti ti la: tufai nii ma waai su a ɠɛ ga ma zuwui, ta gwaa wuluiti, niiti ti-ma waai ti zu ta ɠɛ ga ma zuwui.» Naa ɠɛɛni ɠana nɔ.
14	GEN 1:14	GALA ge ɠɛni ma: «Wozakalagiti ti ɠɛ geezuʋɛ geei ɠaaʋɛ, ti foloi ta kuai yeeɠaaɠwɛ. Naati ti ɠɛ ga poogiti, é lo siɛgiti ba, ta foloiti, ta konagiti,
15	GEN 1:15	ti ɠɛ ga wozakalagiti geei ɠaaʋɛ, ti eteai zuɠala.» Naa ɠɛɛni ɠana nɔ.
20	GEN 1:20	GALA ge ɠɛni ma: «Ziɛ wu ani vuluiti ti wola mɔin ziɛiti bu, wɔniiti ti ɗa ɠoʋe geezuʋɛ, zooi maazu.»
22	GEN 1:22	GALA ge tuya looni ti ʋɛ, é ɠɛ ma: «À ɓuɠu, wo mɔin, wo kpoloɗɛiti buulaave, wɔniiti ti mɔin eteai zu.»
24	GEN 1:24	GALA ge ɠɛni ma: «Zooi fuluaniiti kula, eɠɛʋelei ti-ma ziiti ti la: toganiiti, ta kpokpo ganiiti, ta dɔɓɔ zuaiti, eɠɛʋelei ti ɠilagilagi ti-ma ziiti ti la.» Naa ɠɛɛni ɠana nɔ.
26	GEN 1:26	GALA ge ɠɛni ma: «Ade nuɓusɛi ɓɛtɛ ga ade-maaniinigi, é ɠɛ ga de-ʋaaɠulabai, é zei kaleiti unda, ta wɔniiti, ta toganiiti, ta eteai pɛ, ta aniiti kpein ti ɓokposu zooi ma.»
28	GEN 1:28	GALA ge tuya looni ti ʋɛ, é ɠɛ ti ma: «À ɓuɠu, wo mɔin, wo eteai laave, wo maaɠolo. À zei kaleiti unda, ta wɔniiti, ta suai kpein é yɛnvuzu zooi ɠa.»
29	GEN 1:29	GALA ge ɠɛni ma: «Wɛlɛ, tufai nii ma waai su a ɠɛ ga ma zuwui, zooi ɠa ná pɛ, gè naa vea wo ʋɛ, ta gului nii ma waai su a ɠɛ ga ma zuwui, naa ɠa ɠɛ ga wo-laamianigi.
30	GEN 1:30	Gè tufa undui vea ga daamianigi zou ɠa zuaiti pɛ bɛ, ta wɔniiti, ta nii kpein é ɓokposu zooi ma, nii nɔpɛ zɛnvu viilɛi su.» Naa ɠɛɛni ɠana nɔ.
47	GEN 2:16	É devei nii veeni zunui ya, é ɠɛ ma: «Ɗa zoo è guluiti kpein ma waaiti ta mi, niiti ti kpelei zu,
48	GEN 2:17	kɛlɛ nii é faa ʋagɔi ta faa ɲɔi yɔɠɔzuɠwɛɛ pelei lɛɛzu, mina naama waai ta mi, mazɔlɔɔ voloi ɗa naa ta miina la, ɗa za.»
49	GEN 2:18	Ɠɔoɠɔ GALAGI ɠɛni ma: «É la ʋani ga zunui ɠila ko yɛ de. Nà kpɔba nu ʋagɔ ɓɛtɛzu bɛ.»
54	GEN 2:23	Zunui ɠɛni ma: «Niizu nii ɠa é ga kaei, nii é ga mà ɠaei, kpusɛi nii é ga kpùsɛi. Daaseigi ɠa ʋɛɛ ga anzanui, mazɔlɔɔ kulaʋɛ zunui zu.»
57	GEN 3:1	Kaalii ɠeleɠelega ɠɛni de, é leʋe dɔɓɔ zuaiti kpein ba, niiti Ɠɔoɠɔ GALAGI ti ɓɛtɛni. É ɠɛni anzanui ma: «GALA ge bogɛ nɛi ga ɠite, ga wo mina guluiti kpein ma waai mi, niiti ti kpelei zu?»
58	GEN 3:2	Anzanui kaalii wooɠaaʋoteni, é ɠɛ ma: «Gá zoo gi kpelei zu wuluiti ma waai mi.
59	GEN 3:3	Kɛlɛ nii é ga gului é loni kpelei zaamaʋɛ, naa ma waai, GALA ge ɠɛni ma: ‹À mina ta mi, wo mina vɔɔɠu ba, naa ɠa a kɛ wo mina za.› »
60	GEN 3:4	Kaalii ɠɛni anzanui ma: «Wo la zaa ɲɛgɛlɛin!
61	GEN 3:5	Kɛlɛ GALA ge kwɛɛ ga foloi nɔpɛ wo ta miizu la, wo-ɠaazuʋɛti ta zeɠe ma, wa ɠɛ eɠɛ GALA, wa faa ʋagɔi ta faa ɲɔi yɔɠɔzuɠwɛɛ.»
65	GEN 3:9	Ɠɔoɠɔ GALAGI zunui lolini, é ɠɛ ma: «Mini ɠa è ná?»
66	GEN 3:10	É gooɠaaʋoteni, é ɠɛ ma: «Gè è-lugi mɛnigɛ kpelei zu. Dùaʋɛ, mazɔlɔɔ kàbei ʋe, naa ɠa é kɛa gè lɔɔɠua.»
67	GEN 3:11	Ɠɔoɠɔ GALAGI ɠɛni ma: «Ɓɛ ɠa kɛai è ma, è ɠabei ʋe? È gulu waai naa ta mia ɓaa, nii gè ɠɛni è ma, mina ta mi?»
68	GEN 3:12	Zunui gooɠaaʋoteni, é ɠɛ ma: «Anzanui nii è fea zèa, ga gi eteai ziɛ ʋɔɔma, naa ɠa é gulu waai vea zèa, gè ta mi.»
69	GEN 3:13	Ɠɔoɠɔ GALAGI ɠɛni anzanui ma: «Leeni vaa zu è naa ɠɛai?» É gooɠaaʋoteni, é ɠɛ ma: «Kaalii ɠa é yàava, gè gulu waai ta mi.»
70	GEN 3:14	Ɠɔoɠɔ GALAGI ɠɛni kaalii ma: «Tɛi è naa ɠɛa, gè è ɠotoa, toganiiti kpein ta dɔɓɔ zuaiti saama. Ɗa ɗa ɓokpo è-ɠogi ma, è ɗa pɔlɔi mi, è-zii ma voloi pɛ su.
71	GEN 3:15	Nà kpaai lɔ wo yɔɠɔzu wa anzanui, naa ɠa ɠɛ mavofodai ta ɗɔnɔi ti zɔɠɔzu. Nɔnɔi ɠa ɗɔungi maawana, ɗɔun ɗa kɔɠɔ libiligi maawana.»
72	GEN 3:16	É ɠɛni anzanui ma: «Nà ta la ɗa-ɓɔlɔi ma, kogi a ɠɛna è ma, ɗa ɓɔlɔ pɛ, ɗa ʋa dointi sɔlɔɔ. È yiima vai ɠa è mɛɛn è-zinigi ʋɔ pelei, toɠa zei è unda.»
73	GEN 3:17	É ɠɛni zunui ma: «Tɛi è woiloga è-anzai wooi ma, è gulu waai mi, nii gè ɠɛni è mina mi, zooi ɠa ɠoto è maaʋele ma. Kɛni è zuvikɛi ɠula, è ɓɔlɔ pɛ, é ʋa leɠa è-laamianigi zɔlɔɔ, è-zii ma voloi pɛ su.
75	GEN 3:19	Ɗa è-laamianigi zɔlɔɔ, kɛlɛ kɛni fɔdɔi ɠula è-loʋalaʋɛ, eyɛsu è ɠale ma zooi wu, ʋɛ è zeɠeni ná. Mazɔlɔɔ è ɓɛtɛʋɛ ga pɔlɔi, ɗa ɠale ma pɔlɔi zu.»
78	GEN 3:22	Ɠɔoɠɔ GALAGI ɠɛni ma: «Pɛtɛ, zunui ɠɛa eɠɛ ade taɠila, faa ʋagɔi ta faa ɲɔi yɔɠɔzuɠwɛɛ fai zu. Ade pele leʋe tuɠɔ niina, é mina yeemaale, é ʋa zɛnvu wului ma waai ɠula, a ʋa mi, a ʋa yɛ vulua ɠɔoɠɔ.»
81	GEN 4:1	Zunui anzai Ɛve laani ʋolu, naa kogi zeɠe, é sɔlɔɔ ga Kayɛn, é ɠɛni ma: «Gè zunu zɔlɔɔga ga Ɠɔoɠɔ GALAGI ná-kpɔbai maaʋele.»
86	GEN 4:6	Ɠɔoɠɔ GALAGI ɠɛni Kayɛn ma: «Lee vaa zu è yiiɠaawanaai, è ɠaazuɠili?
87	GEN 4:7	Gaaɠalagɛ ga ni ɗa faa ʋagɔi ɠɛɛna, ɗa ɠaazuʋɛ wuzeɠe, kɛlɛ ni ɗa faa ɲɔi ɠɛɛna, kotoi ɠa laani ɗa-ʋɛlɛlaʋɛ. Ziima vai ɠa ɠɛ ga é zei è unda, kɛlɛ ɗɔun, vɔni ma.»
89	GEN 4:9	Naa ʋoluma, Ɠɔoɠɔ GALAGI ɠɛni Kayɛn ma: «È-leɠei Aɓɛle ɠa mini?» É gooɠaaʋoteni, é ɠɛ ma: «Gè la kwɛɛ. Nà ɠa gè ga dèɠei makɛ nui ɓaa?»
90	GEN 4:10	Naa ɠɛni ma: «Lee ɠa è kɛai? È-leɠei ma ɲamai ɓain gooi ɠa zeelizu mà, é zeɠe zooi ma.
92	GEN 4:12	Siɛgi zu è boti ɠɛɛzu la zooi ma, é la mɔ ná-kulanuma vea è ya. Ɗa ɠɛ ga pela nu, è ɗa leʋeteʋe eteai zu.»
93	GEN 4:13	Kayɛn ɠɛni Ɠɔoɠɔ GALAGI ma: «Nà-faa ɲɔi ma ɓakɔi wola wuiʋɛ ga gè ʋa ziɛ bu.
94	GEN 4:14	Wɛlɛ, ɗa kpɛ̀ɛzu za tii ɠɛɛ yooi ma, gè maaɠooza, gè lɔɔɠu è ʋa. Nà ɠɛ ga pela nu, gè ɗa leʋeteʋe eteai zu. Ni nu a kàana, toɠa pàa.»
95	GEN 4:15	Ɠɔoɠɔ GALAGI ɠɛni ma: «Ɓa-o! Ni nui ta a Kayɛn ʋaana, Kayɛn nɔnɔi ʋoto ka ɠula naama nui ma, ná zeizu ɠɛ lɔfela.» Ɠɔoɠɔ GALAGI poogi ʋɛɛni Kayɛn ʋa ga nu nɔpɛ ka kaana, é mina paa.
103	GEN 4:23	Leemɛke ɠɛni anzaiti ma: «Ada ta Sila, à woilo gòoi ma, Leemɛke anzaiti, à woilo ga pagɔ gòoi ma. Gè zunui ʋaani màawana vai zu, ta zunu loungoi nà-palai vaa zu.
104	GEN 4:24	Potokulai a ɠɛna Kayɛn ma, ná zeizu ɠɛ lɔfela, Leemɛke nɔnɔi zeizu ɠa ɠɛ ga puulɔfela (70).»
105	GEN 4:25	Adama anzai laani ʋolu mɔnɔ, naa kogi zeɠe, é doun zunu zɔlɔɔ, é daasei pɛɛ ga Sɛte, mazɔlɔɔ é ɠɛ ma: «GALA ge doun zunu ɠili fea zèa Aɓɛle ʋotogi zu, nii Kayɛn paani.»
135	GEN 5:29	É daasei pɛɛni ga Nowe. É ɠɛni ma: «Nii ɠa ade ɠaanɛɛnɛ ada-wotiiti ta ada-ɓɔlɔiti kpein faa zu, é zɔlɔɔsu zooi ʋa, nii Ɠɔoɠɔ GALAGI foovoai.»
141	GEN 6:3	Názu ɠa Ɠɔoɠɔ GALAGI ɠɛni ma la: «Nà-zɛnvui la yɛga nuɓusɛi zu ɠɔ, mazɔlɔɔ nui ɠa ga saa ani nɔ, sii ma voloi ɠa ɠɛ ga kona ungila puufelegɔ (120) nɔ.»
145	GEN 6:7	É ɠɛni ma: «Nà nuɓusɛi ma zuwu ɠaaleʋezu zooi ɠa, nui nii gè kpɛtɛai, naa ʋɛɛ toganiiti ba, ta kpokpo ganiiti, ta wɔniiti, mazɔlɔɔ zìiɠoloɠologɛ ga leeni vaa zu gè ti ɓɛtɛai.»
151	GEN 6:13	GALA ge ɠɛni Nowe ma: «Gè devea ga gè kpɛtɛanii kpein sii ɠaaɓela, mazɔlɔɔ nuiti ti eteai laavega ga toomai. Naa ɠa é ba, nà ti undaaʋilisu zooi ɠa.
159	GEN 6:21	Ɗa daamianigiti kpein seɠe, è makɛ ɠoba, naa ɠa a kɛ é ɠɛ ga daamianigi è ʋɛ ta tiya ɓalaa bɛ.»
161	GEN 7:1	Ɠɔoɠɔ GALAGI ɠɛni Nowe ma: «Lɛ keingi zu, ɗa-o, ɗa-ʋɛlɛyeɠei-yo, mazɔlɔɔ gè è ʋɛtɛgɛ ga telebo nu niima yeeɠɛɠalai zu nuɓusɛiti saama.
164	GEN 7:4	Mazɔlɔɔ é yɛga ga folo lɔfela, gè tonai ʋu eteai zu, folo ʋuunaanigɔ (40) ta kpidi ʋuunaanigɔ (40) laawu, fuluaniiti kpein gè ti ɓɛtɛai, gè ti-ma zuwu ɠaaleʋe zooi ɠa.»
200	GEN 8:16	«Ɠula keingi zu, wa è-anzai, wa è-loun zunuiti, ta è-loun anzaiti.
201	GEN 8:17	Fuluanii ma zii kpein kula, niiti ti è ɠoba: wɔniiti, suaiti, ta kpokpo ganiiti, ti vaza eteai zu, ti ɓuɠu, ti mɔin ná.»
205	GEN 8:21	Ɠɔoɠɔ GALAGI zalaɠai naama maku nɛɛnɛgi mɛnigai ma, é boni yiimaʋɛ, é ɠɛ ma: «Gè la mɔ eteai ɠotoa nui maaʋele ma, anɛɛ ɓalaa nui yiimaʋɛ ma ɠisiɛiti togɛ faa ɲɔi ʋa, é lɔɔzei ma loungo ziɛgi zu ma. Gè la mɔ fuluanii kpein koloɠologa, eɠɛʋelei gè kɛai la.
206	GEN 8:22	Ni nɔ eteai ɠa dɛ ná, anii vaza fai ta teʋe vai, diegi ta kɔɔlɛi, foɠoi ta samai, foloi ta kpidii, naati ti la ɓega ɲɛgɛlɛin.»
207	GEN 9:1	GALA ge tuya looni Nowe ʋɛ ta ná-doun zunuiti, é ɠɛni ti ma: «À ɓuɠu, wo mɔin, wo eteai laave.
213	GEN 9:7	Wɔun wa, à ɓuɠu, wo mɔin eteai zu.»
215	GEN 9:9	«Wɛlɛ, gè minazeɠea wo ʋɛ, wa wo-mavofodai,
217	GEN 9:11	Gè minazeɠea wo ʋɛ ga: fuluanii pɛ undaa la mɔ ʋiliga ga ziɛve golai, ziɛve gola la mɔ ɠɛa ná, é ʋa eteai ɠoloɠolo.»
218	GEN 9:12	GALA ge ɠɛni ma mɔnɔ: «Nii ɠa é ga minazeɠegi ma ʋoogi eyɛsu ɠɔ, gè kɛɛzu ade yɔɠɔzu, nà-o, wa-o, ta anii kpein ti yɛnvuzu wo ɠoba.
222	GEN 9:16	Kpazamanamanagi ɠa ɠɛ tonaɓiingi zu, nà wɛlɛna ba, nà ɠizɛ ɠɔoɠɔ minazeɠegi zu, nii é gi yɔɠɔzu gá fuluaniiti kpein ti eteai zu.»
223	GEN 9:17	GALA ge ɠɛni Nowe ma mɔnɔ: «Naa ɠa é ga minazeɠegi ma ʋoogi, nii gè kɛa gi yɔɠɔzu gá fuluaniiti kpein ti eteai zu.»
231	GEN 9:25	é zɛba é ɠɛ ma: «Kanaan ɠotoʋɛ! Toɠa ɠɛ ga kɛɛɠɛleaiti ta-luɔiti tɔnɔ ma luɔi!»
232	GEN 9:26	Naa ʋolu é ɠɛni ma: «Mamagi ɠa Ɠɔoɠɔ GALAGI ʋɛ, Sɛme ná-GALAGI, Kanaan ɠa ɠɛ ga Sɛme ná-duɔi!
233	GEN 9:27	GALA ge Zafɛte zeizuʋɛ maawɔɔlɔ, é zei Sɛme ná-seɠe ɠotaiti bu, Kanaan ɠa ɠɛ ga ná-duɔi!»
244	GEN 10:9	É ɠɛni ga doso wola Ɠɔoɠɔ GALAGI ɠaazu, naa ɠa é ba, a ɗa wo da ga: «Doso wolai Ɠɔoɠɔ GALAGI ɠaazu, eɠɛ Nimelɔde.»
270	GEN 11:3	Ti ɠɛni ɓɔɠɔ ma: «Ade li, ade ɓilikiiti doɠa, ade ti ɠala abui zu.» Ɓilikii ɠɛni ti ʋɛ ga pɛlɛ lo kɔtui, ti ɗa sei ga managi.
271	GEN 11:4	Ti ɠɛni ɓɔɠɔ ma mɔnɔ: «Ade li, de taai ta lo ɓɔɠɔ ʋɛ, ta pɛlɛ ɠaaɠoozagi nii nɔungi a zei geei ʋa. Ade ɓɔɠɔ lɔɠɔ ɠula, naa ɠa a kɛ ade mina vaza zooi ɠa ná pɛ.»
273	GEN 11:6	Ɠɔoɠɔ GALAGI ɠɛni ma: «Wɛlɛ, ta ga zii ɠilagi nɔ, woo ɠilagi nɔ ɠa é ti-la. Ni ta tɔɔzeina ɠani, ani nɔpɛ ge la mɔ pele ɓesaga ti luɠɔ naa ɠɛɛ vai zu, nii a ɠɛ ti ɠisu.
274	GEN 11:7	Ade yei, de li, de ti-laawooi zupu, naa ɠa a kɛ, ti mina ɓɔɠɔ laawooiti mɛni.»
300	GEN 12:1	Ɠɔoɠɔ GALAGI ɠɛni Aɓalame ma: «Zeɠe ɗa-yooi zu, ɗa-wolodai zu, è ɠula è-ɠɛɛ ʋɛlɛi wu, li zooi naa zu, ʋɛ gè ná lɛɛzu ga ɗe.
302	GEN 12:3	Nà tuya loo naati bɛ, niiti ta tuya loo è ʋɛ, nà naati foovo, niiti ta è voovo, etea ʋɛlɛyeɠei kpein ka tuyai zɔlɔɔ è maaʋele ma.»
306	GEN 12:7	Ɠɔoɠɔ GALAGI ɠulani kɛlɛma Aɓalame ʋɛ, é ɠɛ ma: «Nà zooi nii veezu è-mavofodai ya.» Aɓalame zalaɠa ɠulazuʋɛ ɓɛtɛni ná Ɠɔoɠɔ GALAGI ʋɛ, nii é ɠulani bɛ kɛlɛma.
310	GEN 12:11	Siɛgi zu é ɠɛni ʋaazu maaɓuɠazu la Ezipete ʋa, é ɠɛni anzai Salayi ma: «Wɛlɛ, gè kwɛɛ ɗa ga anzanui nii pagai.
311	GEN 12:12	Siɛgi zu Ezipete nuiti ti è ɠaazu la, ta ɠɛ ma: ‹Anzai ʋe!› Ta pàa, ti è yɛ vulua.
312	GEN 12:13	Ɗa ɠɛ ti ma mu, ɗa ga bàazeelai, naa ɠa a kɛ ti sò ga pagɔ è maaʋele ma, zɛ̀nvui yɛ zèa è-zaalai zu.»
317	GEN 12:18	Falaɠɔn zɛba é Aɓalame loli, é ɠɛ ma: «Leeni ɠa è kɛai ga ze? Lee vaa zu è la boni mà ga è-anzai ʋe?
318	GEN 12:19	Lee vaa zu è ɠɛai mà: ‹Bàazeelai ʋe?› Naa ɠa é kɛai gè seɠeai ga ànza. È-anzai ɠaa niina, seɠena, è li!»
327	GEN 13:8	Aɓalame ɠɛni Lɔte ma: «Nà è maanɛɛnɛzu, maaɠaali mina ɠɛ de yɔɠɔzu da ɗe, ɓaa nà-togani makɛ nuiti ta ɗɔnɔiti zɔɠɔzu. Mazɔlɔɔ da ga kɛɛɠɛlointi.
328	GEN 13:9	Zooi kpein ka è ɠakala. De ɠaaɠwɛɛna ma mu, ni ɗa liina ga nu ɠɔʋɛzu ʋelei, nà li ga nu yeezazu ʋelei, ni ɗa liina ga nu yeezazu ʋelei, nà li ga nu ɠɔʋɛzu ʋelei.»
333	GEN 13:14	Ɠɔoɠɔ GALAGI ɓɔɛni Aɓalame ʋɔ, Lɔte zeɠea ʋoluma polu, é ɠɛ ma: «Adaʋɛ è ná loni, ɠaazuwuzeɠe, è wɛlɛ, nu ɠɔʋɛzu ʋelei ta nu yeezazu ʋelei, folo ɠulazu ʋelei ta folo liizu ʋelei.
336	GEN 13:17	Wuzeɠena ʋɛ, è zooi zuɓizɛ, è ziɛ sakpai ta kogi ma, mazɔlɔɔ nà ʋaazu feezu è ʋɛ.»
356	GEN 14:19	É tuya looni Aɓalame ʋɛ, é ɠɛ ma: «GALA ge tuya loo Aɓalame ʋɛ, GALAGI nii é Anii-Pɛ-Unda, é geeɠɔlɔgi ta zooi ɓɛtɛai!
357	GEN 14:20	Mamagi ɠa GALA bɛ, nii é Anii-Pɛ-Unda, nii é vaa bu, è zobogi zɔlɔɔ è zili nuiti ma!» Aɓalame kɔɔzoganiiti pɛ ma ʋuusiɛi veeni zea.
358	GEN 14:21	Sɔdɔme masagi ɠɛni Aɓalame ma: «Nuiti fe zèa, è naavoloiti ta sɔɔlaiti seɠe ʋɛ.»
359	GEN 14:22	Aɓalame ɠɛni Sɔdɔme masagi ma: «Gè ɠonaa Ɠɔoɠɔ GALAGI ma, nii é Anii-Pɛ-Unda, é geeɠɔlɔgi ta zooi ɓɛtɛai,
360	GEN 14:23	nii dɔin é ga ɗɔnɔi, gè la ani nɔpɛ seɠea naa ʋa, anɛɛ geze ɠaali ɠilagi ɓaa saʋala galu ɠilagi, naa ɠa a kɛ è mina ɠɛ ma: ‹Gè Aɓalame ɠɛɛʋɛ ga kpɛtɛ nu.›
361	GEN 14:24	Gè la ani nɔpɛ makɛsu nà ɓɔɠɔi bɛ̀, kɛni niigi zunu loungoiti ti miai, ta zunui naati tɔnɔi, niiti gi ɠɛa siɛi zu, Anɛɛl ta Esekɔle ta Mamelee, naati ta tɔnɔ zeɠe.»
362	GEN 15:1	Naama vaiti poluma, Ɠɔoɠɔ GALAGI ɓɔɛni Aɓalame ʋɔ segi zu, é ɠɛ ma: «Aɓalame, mina lua ɲɛgɛlɛin, nà ɠa gè ga è makɛ nui, ɗa-ɠulanumai ɠa wɔɔlɔ.»
363	GEN 15:2	Aɓalame gooɠaaʋoteni, é ɠɛ ma: «Màliɠii, Ɠɔoɠɔ GALAGI, lee ɠa è feezu zèa? Tɔɔzei doun la zèa, nà-pɛlɛi wu ʋogani zeɠe nui ɠa é ga Eliyezɛɛl, Damase nui.»
364	GEN 15:3	É ta laani ma mɔnɔ, é ɠɛ ma: «È la màvofoda ɓɛtɛni, zɔi sɔlɔɔgai nà-pɛlɛi wu, naa ɠa é ɠɛɛzu ga nà-pogani seɠe nui.»
365	GEN 15:4	Ɠɔoɠɔ GALAGI ɓɔɛni pɔ, é ɠɛ ma: «Ɓa-o, naa laade, é ʋa ɠɛ ɠɛɛzu ga ɗa-ʋogani zeɠe nui, kɛlɛ kɛni zɔi é ɠulazu è ɠoozu, naa ɠa a ɠɛ ga ɗa-ʋogani zeɠe nui.»
366	GEN 15:5	Naa ʋolu GALA ge ɠulani la eteaʋɛ ná-seɠe ɠotai ʋoluʋɛ, é ɠɛ ma: «Geeɠɔlɔgi ɠaaʋɛ ʋɛtɛ, è somideɠaiti gaalu, ni ɗa zoo è ti ɠaalu.» É ɠɛni ma mɔnɔ: «Zekana è-mavofodaiti tiegɔi a ɠɛ la.»
368	GEN 15:7	É ɠɛni ma: «Nà ɠa gè ga Ɠɔoɠɔ GALAGI, nii é è ɠula Uul taazuʋɛ Kaledee yooi zu, gè niima yooi ve è ya ga ɗɔnɔ.»
369	GEN 15:8	Aɓalame gooɠaaʋoteni, é ɠɛ ma: «Màliɠii, Ɠɔoɠɔ GALAGI, nà kwɛɛ ɠale ɠiteɠite ga nà sɔlɔɔsu?»
370	GEN 15:9	GALA ge ɠɛni ma: «Li, è kona saʋagɔ nikɛ ɓeai zo, ta kona saʋagɔ woli zaai, ta kona saʋagɔ ʋaala sinɛ wolai, è kpɔ kpumagoi ʋa, ta poopogi, è ti ɠula ga zalaɠai.»
374	GEN 15:13	Ɠɔoɠɔ GALAGI ɠɛni Aɓalame ma: «Suɠwɛɛ ga è-mavofodaiti ta ɠɛ ga seikɔɠɔma nuiti zooi taɠili su, ta ɠɛ ná ga duɔiti, ti ti zopele ɲɔu kona unnaanigɔ (400) laawu.
377	GEN 15:16	È-mavofodai ma yamanii naanisiɛi ɠa ʋa ʋolu ʋɛ, mazɔlɔɔ Amɔɔl nuiti ta-vaaɠaaza golai laa la dɛ zeelini.»
379	GEN 15:18	Naama yee ná, Ɠɔoɠɔ GALAGI minazeɠeni Aɓalame ʋɛ, é ɠɛ ma: «Gè niima yooi kpein fea è-mavofodai ʋɛ, é zo Ezipete ɗɛ wolai ma, é zeeli ziɛ wolai Ufelate ma,
382	GEN 15:21	Amɔɔl nuiti, Kanaan nuiti, Giilegase nuiti, ta Yeeɓuse nuiti.»
384	GEN 16:2	É ɠɛni Aɓalame ma: «È kaa ga Ɠɔoɠɔ GALAGI la vaani bu ga gè doun zɔlɔɔ. Li, è ʋilɛ nà-duɔ anzanui ʋolu, tanisu nà doun zunu zɔlɔɔ ga maaʋele.» Aɓalame ziɛni ga anzai Salayi ná-tɛnɛ gooi.
387	GEN 16:5	Salayi ɠɛni Aɓalame ma: «Poomugi é zeelizu mà, ɗa ɠa è unma ɠasɔ ʋe. Nà ɓɔɠɔi ɠa gè nà-duɔ anzanui zeɠea, gè da è ʋolu, siɛgi zu é kaa la ga kogi ɠa ma, é ɗa bɛlɛlala wɛlɛi wo ga ze. Ɠɔoɠɔ GALAGI ɠɛ ga tukpɔɠaaleʋe nui de yɔɠɔzu.»
388	GEN 16:6	Aɓalame Salayi wooɠaaʋoteni, é ɠɛ ma: «Ɗa-luɔ anzanui ɠa è yeezu. So, eɠɛʋelei nɛai la è ʋɛ.» Salayi zɛba é ɗa sopele ɲɔu, eyɛsu naa ʋela ba.
390	GEN 16:8	É ɠɛni ma: «Salayi ná-duɔ anzanui Agaal, mini ɠa è zeɠeai ná, mini ɠa è liizu ná?» É gooɠaaʋoteni, é ɠɛ ma: «Nà ʋelazu nà-duɔ deei Salayi ʋa.»
391	GEN 16:9	Ɠɔoɠɔ GALAGI ná-geezuɠeelai ɠɛni ma: «Ɠale ma ɗa-luɔ deei ʋɔ bɛ, è ɓɔɠɔ unmaayei bɛ.»
392	GEN 16:10	Ɠɔoɠɔ GALAGI ná-geezuɠeelai ɠɛni ma mɔnɔ: «Nà è-mavofodai mɔinzu, toɠa mɔin gola, nu nɔpɛ ge la zooga é ʋa gaalu.»
393	GEN 16:11	É ɠɛni ma mɔnɔ: «Wɛlɛ, ɗa doun zɔlɔɔsu, toɠa ɠɛ ga zunu loun. Ɗa daasei pɛɛ ga Isemayɛle, mazɔlɔɔ Ɠɔoɠɔ GALAGI è woomɛnini ɗa-ɠoozuʋiligi zu.
394	GEN 16:12	Toɠa ɠɛ ga dɔɓɔi zu zoovalegi, toɠa ɠɛ ɛsɛ pɛ daalɔɠɔma, ɛsɛ pɛ ge ɠɛ daalɔɠɔma, toɠa zeɠe kɛɛɠɛlointi pɛ ba, é zei yɛ.»
395	GEN 16:13	Agaal ɓɔɠɔ ɠaazaɠani, é ɠɛ ma: «Gè GALA ɓɔɠɔi ɠaaʋɛ nɛi ɓaa, nii é nɔ̀un kaazu?» Ɠɔoɠɔ GALAGI nii é ɓɔɛni tɔun pɔ, é naa laasei pɛɛni ga Ata-Ɛle-Lɔyi.
399	GEN 17:1	Aɓalame ná-konagi ɠɛai ma ga puutaaʋuu maazu taaʋuu (99), Ɠɔoɠɔ GALAGI ɠulani bɛ kɛlɛma, é ɠɛ ma: «Nà ɠa gè ga GALA Zɛbɛi-Pɛ-Maliɠii. Ɗa-eteai ziɛ gàazu ga pagɔ, zelilomazu mina ɠɛ è ʋa.
400	GEN 17:2	Nà minazeɠezu è ʋɛ, nà è-mavofodai mɔinzu gola.»
402	GEN 17:4	«Wɛlɛ, nà-minazeɠegi ɠaa, gè kɛɛzu è ʋɛ: ɗa ɠɛɛzu ga zii mɔinmɔingaa ti-ɠɛɛ.
406	GEN 17:8	Nà Kanaan yooi kpein fe è ʋɛ, ɗa-o, è-mavofodaiti-yo, ʋɛ è ná ga seikɔɠɔma nui niizu. Toɠa ɠɛ ga wɔnɔ eyɛsu ɠɔ. Nà ɠɛ ga è-mavofodai ná-GALAGI.»
407	GEN 17:9	GALA ge ɠɛni Aɓalaame ma mɔnɔ: «Ɗɔun, ɗa nà-minazeɠegiti makɛ, wa è-mavofodaiti kpein.
412	GEN 17:14	Zunui nii é la latini pɛlɛʋolu kpusɛi zu, naa ɓe ka leʋe ná-nuɓusɛiti ba, tɔɔzei é nà-minazeɠegi ɠoloɠologa.»
413	GEN 17:15	GALA ge ɠɛni Aɓalaame ma: «È la mɔ è-anzai Salayi loliga ga Salayi, kɛlɛ daaseigi ɠa ɠɛ ga Sala.
414	GEN 17:16	Nà tuya loo bɛ, nà doun zunu ve è ya ga tɔun maaʋele, nà tuya loozu bɛ, toɠa ɠɛ ga zii mɔinmɔingaa ti-lee, nuɓusɛiti ma mɔinmɔingaa ta-masagiti ta ɠula tɔun su.»
415	GEN 17:17	Aɓalaame maaʋɛɛni, é nɔkɔ zooi ma, é ɲɛɛi wo, é ɠɛ yiimaʋɛ: «Doun zunu ɠa zɔlɔɔ nɛi zunu ʋa, nii é kona ungila (100) kɛai na? Ta ànzai Sala é kona ʋuutaaʋuugɔ (90) ɠɛai na, naa ɠa zoo é doun zɔlɔɔ ɓaa?»
416	GEN 17:18	Aɓalaame ɠɛni GALA ma: «Nii gè falizu è ma, naa ɠa é ga Isemayɛle ɠula su, è makɛ ma kpaan.»
417	GEN 17:19	GALA ge ɠɛni ma: «Ɓa-o, è-anzai Sala ɠa doun zunu zɔlɔɔsu è ʋɛ, ɗa daasei pɛɛ ga Izaake. Nà-minazeɠegi ɠa ɠɛ ga ɠɔoɠɔ faa, gi yɔɠɔzu gá tɔ, ta gi yɔɠɔzu gá mavofodaiti.
419	GEN 17:21	Kɛlɛ nà nà-minazeɠegi ɠɛ gi yɔɠɔzu gá Izaake, doun zunui nii Sala sɔlɔɔsu è ʋɛ, niima yeeɠɛɠalai nɔ zu, konagi nii é ʋaazu.»
428	GEN 18:3	É ɠɛni ti ma: «Màliɠii, nà è maanɛɛnɛzu, nɛ̀i gè ga ɗa-wotiɠɛ nui, nii gè zaalai zɔlɔɔgɛ è ɠaazu, mina leʋe, è ʋa maaɠooza bà.
430	GEN 18:5	Nà liizu, gè ʋa ga ɓulu go wo ʋɔ, wo zɛbɛ zɔlɔɔ ʋolu, naa ʋolu wa li niina, naa ɠa a kɛ wo mina leʋe ɠana nɔ pɔ̀ bɛ, nɛ̀i gè ga wa-wotiɠɛ nui.» Ti gooɠaaʋoteni, ti ɠɛ ma: «Ungo, kɛ, eɠɛʋelei è bogai la.»
431	GEN 18:6	Aɓalaame liini gaamago nɔ ná-seɠe ɠotai wu, é ɠɛ Sala ma: «Suvilɛ, è kɔɠɔ ganii ɲɛ saʋagɔ zeɠe ɓulu vukɔi zu, è gaayɔ, è ɓulu ʋɛlɛʋɛlɛgiti kpɛtɛ.»
434	GEN 18:9	Naa ʋolu ti ɠɛni ma: «Mini ɠa è-anzai Sala ná?» É ti wooɠaaʋoteni, é ɠɛ ti ma: «Toɠa ʋɛ seɠe ɠotai wu.»
435	GEN 18:10	Gila ge ɠɛni ma: «Konagi nii é ʋaazu, niima yeeɠɛɠalai zu, nà ʋaazu ʋolu è ʋɔ bɛ, è-anzai Sala ɠa doun zunu zɔlɔɔ.» Sala yɛni poluʋɛ seɠe ɠotai wu, é niima wooiti mɛni.
437	GEN 18:12	Sala ɲɛɛi woni ɠoozu, é ɠɛ ma: «Niizu gè ʋɔlɔzaɠaga, zini pɛlɛ wu wɔin ɠa ɠɛ mà mɔnɔ ɓaa? Màliɠii ɓalaa ʋɔlɔzaɠaga.»
438	GEN 18:13	Ɠɔoɠɔ GALAGI ɠɛni Aɓalaame ma: «Lee vaa zu Sala ɲɛɛi wogai, é ɗa ɠɛ: ‹Gaama ʋe nɛi ɓaa, ga nà doun zunu zɔlɔɔsu, nɛ̀igi pɔ̀lɔzaɠagai na?›
439	GEN 18:14	Faa ɠa ná nɛi ɓaa, nii Ɠɔoɠɔ GALAGI la zooga kɛɛzu? Konagi nii é ʋaazu, niima yeeɠɛɠalai nɔ zu, nà ʋaazu ʋolu è ʋɔ bɛ, Sala ɠa doun zunu zɔlɔɔ.»
440	GEN 18:15	Sala luani, é zɛɛi wo, é ɠɛ ma: «Gè la ɲɛɛ woni.» Kɛlɛ Ɠɔoɠɔ GALAGI ɠɛni ma: «Ga ɠite, è ɲɛɛi wogɛ.»
442	GEN 18:17	Ɠɔoɠɔ GALAGI ɠɛni ma: «Gè la naa lɔɔɠuzu Aɓalaame ʋa, nii gè ʋaazu kɛɛzu.
444	GEN 18:19	Mazɔlɔɔ gè yiimazeɠeʋɛ la, nii a kɛ, é devei ve ná-dointi zea, ta mavofodaiti, ga ti Ɠɔoɠɔ GALAGI yiimai ɠɛ, ti yɛ sɔledai ta telebodai ɠɛɛzu, naa ɠa a kɛ gè minazeɠegiti daazeeli, niiti gè ti woni bɛ.»
445	GEN 18:20	Ɠɔoɠɔ GALAGI ɠɛni Aɓalaame ma: «Sɔdɔme ta Gɔmɔɔl ti maalɔɔ ɓee wooi zuwɔɔlɔa, ta-ɠotoi ɓaaɠoa gola.
446	GEN 18:21	Naa ɠa é ba, nà yeizu, gè pɛtɛ, ni ti ɠɛɛʋɛ eɠɛʋelei ma wooi ʋaa la, é zeeli mà, ɓaa ni é la ɠana, nà kwɛɛ.»
448	GEN 18:23	Aɓalaame maaɓuɠani ba, é ɠɛ ma: «Ɗa telebo nui ɓɔ nu ɲɔi ʋa, è ti undaaʋili ɓaa?
450	GEN 18:25	È la zooga è ʋa naa ɠɛ! È la telebo nui ta nu ɲɔi zoga ga ɠɛʋele, è ʋa telebo nui ɓɔ faa ɲɔu ɠɛ nui ʋa, è ʋa ti ʋaa! È la zooga è ʋa naa ɠɛ! Ɗɛi è eteai kpein tukpɔɠaaleʋezu, è la telebodai ɠɛa ɓaa?»
451	GEN 18:26	Ɠɔoɠɔ GALAGI ɠɛni ma: «Ni nà telebo nu ʋuulɔɔlugɔ (50) ɠaana Sɔdɔme taazuʋɛ, nà taai kpein suvaayɛ ti maaʋele ma.»
452	GEN 18:27	Aɓalaame kpɔɛi zeɠeni ʋolu, é ɠɛ ma: «Wɛlɛ, nà zoosu gè ɓɔɛ Màliɠii ʋɔ, nɛ̀i gè ga pɔlɔi nɔ, ta zuʋui.
453	GEN 18:28	Tanisu telebo nu ʋuulɔɔlugɔi (50) ɠaaɠaaʋoola ga dɔɔlugɔ, dɔɔlugɔ vai zu, ɗa taai kpein suɠoloɠolo ɓaa?» Ɠɔoɠɔ GALAGI ɠɛni ma: «Gè la taai zuɠoloɠologa, ni nà telebo nu ʋuunaanigɔ maazu lɔɔlugɔ (45) ɠaana ná.»
454	GEN 18:29	Aɓalaame kpɔɛi zeɠeni ʋolu mɔnɔ, é ɠɛ ma: «Tanisu telebo nu ʋuunaanigɔ (40) nɔ ɠa é ná.» Ɠɔoɠɔ GALAGI ɠɛni ma: «Gè la suɠoloɠologa naama nu ʋuunaanigɔi (40) maaʋele ma.»
455	GEN 18:30	Aɓalaame ɠɛni ma: «Màliɠii, soma kae è mina yiiɠaawana, tɔɔzei nà ɠilizu faa ɠilagi ʋa. Tanisu telebo nu ʋuusaʋagɔ (30) ɠa é ná.» Ɠɔoɠɔ GALAGI ɠɛni ma: «Ni nà telebo nu ʋuusaʋagɔ (30) ɠaana ná, gè la taai zuɠoloɠologa.»
456	GEN 18:31	Aɓalaame ɠɛni ma: «Wɛlɛ, nà zoosu gè ɓɔɛ Màliɠii ʋɔ. Tanisu telebo nu ʋuufelegɔ (20) ɠa é ná.» Ɠɔoɠɔ GALAGI ɠɛni ma: «Gè la taai zuɠoloɠologa nu ʋuufelegɔi (20) maaʋele ma.»
457	GEN 18:32	Aɓalaame ɠɛni ma: «Màliɠii, soma kae è mina yiiɠaawana, gè la mɔ kpɔɛ ɠili nɔpɛ bosu, é ɠula nii ʋolu. Tanisu telebo nu puugɔ ɠa ɠɛ ná.» Ɠɔoɠɔ GALAGI ɠɛni ma: «Gè la Sɔdɔme zuɠoloɠologa naama nu puugɔiti maaʋele ma.»
460	GEN 19:2	É ɠɛni ti ma: «Nà wo maanɛɛnɛzu, màliɠiiti, à ɠale ma, wo ɲi nà-pɛlɛi wu, nɛ̀i gè ga wa-wotiɠɛ nui. Wa zoo wo wo-ɠɔɠɔiti maagba ná, wo ɲi piin, sobui wo wuzeɠe, wo ɗa li wo-liizu ʋelei.» Ti ɠɛni ma: «Ɓa-o, gá ɲiizu koi zaamaʋɛ nɔ.»
463	GEN 19:5	Ti Lɔte lolini, ti ɠɛ ma: «Zunuiti ta mini, niiti ti ʋaai è ʋɔ bɛ kpidii? Ti ɠula, è ʋa ga tiye gi ʋɔ, gi ɓɛdɛ ɠula ga tiye.»
465	GEN 19:7	É ɠɛni ti ma: «Ɓa, kɛ̀ɛleaiti, nà wo maanɛɛnɛzu, à mina faa ɲɔi ɠɛ.
466	GEN 19:8	À woilo, dòun anzanu felegɔiti ti ná, ti la vɔlɔ zunu vaa ɠwɛɛ. Nà ʋaazu ga naati wo ʋɔ eteaʋɛ, wo naa ɠɛ ga tiye, nii nɛai wo ʋɛ. Kɛlɛ à mina vɔɔɠu zunui niiti ba, tɔɔzei ti ʋaaʋɛ, ti laazuʋɛ nà-pɛlɛi wu.»
467	GEN 19:9	Ti ɠɛni ma: «Zeɠe lɛɛ ʋɛ!» Ti ɠɛni ma mɔnɔ: «Ɗɛi è ga seikɔɠɔma nu nɔ, è ʋaai, ɗa pɔ è ɠɛ ga tukpɔɠaaleʋe nu! Ɓe nɔ, nii gi kɛɛzu ga ɗe, naa ɠa ɲɔu tɔnɔi ʋa.» Ti Lɔte ɓakpani ga ɲɔuɗa, ti maaɓuɠani kpogi ʋa, ga ti koloɠolo.
470	GEN 19:12	Zunu felegɔiti ti ɠɛni Lɔte ma: «Ɓɛgele ɠa é è ya ʋɛ mɔnɔ? È-nɛkoiti, è-loun zunuiti, è-loun anzanuiti, nii kpein é ga ɗɔnɔ taazuʋɛ ʋɛ, ti pɛ kula niima adaʋɛ ʋa.
471	GEN 19:13	Mazɔlɔɔ gá ga ʋa niima laai ɠoloɠolosu, tɔɔzei maalɔɔ ɓee wooi wɔɔlɔʋɛ, é zeelizu Ɠɔoɠɔ GALAGI ma. Naa ɠa é ba, Ɠɔoɠɔ GALAGI gi leʋegɛ ga gi taai tɛi koloɠolo.»
472	GEN 19:14	Lɔte ɠulani, é li, é ɓɔɛ naati pɔ, niiti ti ná-doun anzanuiti maazoni, é ɠɛ ti ma: «À wuzeɠe, wo ɠula niima adaʋɛ ʋa, mazɔlɔɔ Ɠɔoɠɔ GALAGI ɠana ʋa taai ɠoloɠolosu!» Kɛlɛ naati ti naama wooiti kaani ga ɲɛɛvae faa nɔ.
473	GEN 19:15	Geelaalao siɛgi zu, geezuɠeelaiti ti ɠilini Lɔte ma, ti ɗa ɠɛ ma: «Wuzeɠe, è-anzai zeɠe ta è-loun anzanu felegɔiti niiti ti ʋɛ, naa ɠa a kɛ è undaa mina ʋili taai ná-undaaʋiligi zu.»
475	GEN 19:17	Ti ɠulaai ma taai ʋa, geezuɠeelai gila ge ɠɛni ma: «Ɓizɛ, è è-yɛnvui ɠizo! Mina wɛlɛ ʋolu, mina lo nɛmɛi zu ada nɔpɛ! Ʋela, è lɛ gizei ma, ni ɗa pɔ ga è undaa mina ʋili.»
476	GEN 19:18	Lɔte ɠɛni ma: «Ɓa-o, màliɠii!
478	GEN 19:20	Wɛlɛ, taai tɛi tago maaɓuɠaʋɛ, ga gè ɓizɛ gè zeeli ná. Dɔiʋɛ, nà zoo gè ʋela, gè li ná, zɛ̀nvui ɠizo! Taai naa la lɔini ɓaa?»
479	GEN 19:21	Geezuɠeelai ɠɛni ma: «Wɛlɛ, gè vaa naa wu, ga gè kɛ è ʋɛ ga faaɓɔɠɔ, gè la taai tɔna koloɠologa, nii è ná-fai wosu.
480	GEN 19:22	Suvilɛ, è ʋela, è li ná, mazɔlɔɔ gè la zooga gè ʋa faa nɔpɛ kɛ, eyɛsu è zeeli ná.» Naa ɠa é kɛa, ti taai naa laasei pɛai ga Sɔwaal.
489	GEN 19:31	Yeeta, nu ɠite gelei ɠɛni loungo gelei ma: «De-ɠɛɛ ʋɔlɔzaɠaga, zunu la zou yɔɠɔzuʋɛ ʋɛ, nii a ʋilɛ de ʋolu, eɠɛʋelei de ɠula de ka la etea.
490	GEN 19:32	De li, de dɔɔi ʋu de-ɠɛɛ la. De la koba, naa ɠa a kɛ, de-ɠɛɛ mavofodai ɠɛ ná.»
492	GEN 19:34	Naa ʋolu zobui, nu ɠitei ɠɛni loungo gelei ma: «Wɛlɛ, dàaʋɛ kɛ̀ɛ ɠoba kpɔkɔ ná. De dɔɔi ʋu da mɔnɔ za kpɔkɔi, è li, è la koba, naa ɠa a kɛ de-ɠɛɛ mavofodai ɠɛ ná.»
498	GEN 20:2	Aɓalaame a la ɠɛna ɓɔɛa, é lo anzai Sala ʋa, é ɠɛni ɠɛɛzu ma: «Toɠa ga bàazeelai.» Geelaal masagi Aɓimeelɛke Sala zeɠeni.
499	GEN 20:3	Naazu, GALA ge ɠulani kɛlɛma segi zu Aɓimeelɛke ʋɛ kpidii, é ɠɛ ma: «Wɛlɛ, ɗa ʋaazu zaazu, tɔɔzei anzanui naa ná-faa zu, nii è seɠeai, mazɔlɔɔ zini ka bɛ.»
500	GEN 20:4	Aɓimeelɛke la ɠɛni dɛ daani ʋolu, é gooɠaaʋoteni, é ɠɛ: «Màliɠii, ɗa sɔbalala nuiti paa ɓaa?
501	GEN 20:5	Sinigi ɓɔɠɔi lɛi kɛai mà: ‹Bàazeelai ʋe?› Ta anzanui ɓɔɠɔi ɓalaa bogɛ ga: ‹Dìɛi ʋe?› Gè kɛɛʋɛ kisiɛ ʋagɔi zu, ta sɔbalalai zu.»
502	GEN 20:6	GALA ge ɠɛni ma segi zu: «Gè kwɛɛ gè ɠɛ è kɛɛʋɛ zii ʋagɔlai zu, naa ɠa é kɛa gè pele ɓesagai è luɠɔ ga è mina koto ɠɛ dàalɔɠɔma. Naa ɠa é ba, gè la vaani bu ga è ʋa da ʋolu.
503	GEN 20:7	Niizu zunui nii anzai ve zea, mazɔlɔɔ toɠa ga GALA goo wo nui. Toɠa maanɛɛnɛi wo è ʋɛ, ɗa yɛ vulua. Kɛlɛ ni è la teʋeni pɔ, suɠwɛɛ ga ɗa za, ɗa-o, ɗa-nuɓusɛiti-yo.»
505	GEN 20:9	Aɓimeelɛke Aɓalaame ɓalaa tolini, é ɠɛ ma: «Lee ɠa è kɛai ga giye? Kotoi ɓɛgele ɠa gè kɛai è laalɔɠɔma, nà-o, nà-masadai-o, è gi lɔai kotoi nii zu? È ziɛ ʋelei é lo nɔ̀un ba, nu maa la nɛɛni ga é ʋa naa ɠɛ.»
506	GEN 20:10	Aɓimeelɛke ɠɛni Aɓalaame ma: «Leeni ɠa é ɠɛa è ɠisu, è niima vai ɠɛai?»
507	GEN 20:11	Aɓalaame gooɠaaʋoteni, é ɠɛ ma: «Gè ɠɛni ɠisiɛzu, gè ɗa ɠɛ ɓɔɠɔ ma, zeɠema nɔpɛ ge la ba, ta ʋaazu pàazu ànzai vai zu, tɔɔzei GALA gaazuluaba ɠila kpalaa ge la niima yooi zu.
509	GEN 20:13	Siɛgi zu GALA ge kɛ̀ɛni la ga teʋeteʋe nu, gè ɠula kɛ̀ɛ ná-pɛlɛyeɠei wu, gè ɠɛni Sala ma: ‹Ʋɛ nɔpɛ de liizu ná, kɛni è ɗa màalobo, è ɗa ɠɛ ti ma: Dìɛi ʋe.› »
511	GEN 20:15	É ɠɛni ma: «Nà-zooi laalaogɛ è luɠɔ, zei ʋɛ nɔpɛ ná nɛɛzu è ʋɛ.»
512	GEN 20:16	É ɠɛni Sala ma: «Gè wali ɠaei waagila (1 000) fea è-liɛ ya, é ɠɛ ga poogi ga è la ga sɔba nu niima vaiti su, è-maaɠoolii zu nuiti gaazu.»
520	GEN 21:6	Sala ɠɛni ma: «GALA ge zobo fea ga gè ɲɛɛi wo ga koozunɛɛi, nu-o-nu nii a nii mɛnina, naa ɠa ɗa ɲɛɛ nɔ kpaain.»
521	GEN 21:7	É ɠɛni ma: «Ɓɛ ɠa a la ɠɛ Aɓalaame ma, Sala ɠa ɲiimi ve dounɠa ya? Tama gè zunu loun zɔlɔɔga bɛ pɔlɔzaɠa siɛgi zu.»
524	GEN 21:10	Sala ɠɛni Aɓalaame ma: «Duɔ anzanui nii ɓɛ ta ná-doun zunui, mazɔlɔɔ niima luɔ anzanui ná-doun zunui ti la ɓɔga poganii ma, ta dòun zunui Izaake.»
526	GEN 21:12	Kɛlɛ GALA ge ɠɛni Aɓalaame ma: «Mina nii wana ɓɔɠɔ ma ɗa-luɔ anzanui ná-doun zunui vaa zu. Naa pɛ kɛ Sala ʋɛ, nii é bosu è ma. Mazɔlɔɔ Izaake ɠa è-mavofodai a ɠula su.
527	GEN 21:13	Anɛɛ naa ʋe, nà ɗa-luɔ anzanui ná-doun zunui ɠɛ ga zii ta mɛmɛwola, mazɔlɔɔ tɔ ɓalaa ɠulaʋɛ è zu.»
530	GEN 21:16	é li, é zei tɔ ɠila ɠoozama, ná tago maaɠoozaai nɔ fɔɛn, mazɔlɔɔ é ɠɛni ɠɛɛzu ma: «Gàazu la yɛsu doin ʋa, é ʋa ɗa za.» É zeini tɔ ɠila ɠoozama, é ɗa ɓalakpala, é ɗa wɔlɔ.
531	GEN 21:17	GALA ge zunu loungoi wooi mɛnini, GALA ná-geezuɠeelai yɛni geezuʋɛ, é Agaal loli, é ɠɛ ma: «Agaal, leeni ɠa é è ya? Mina lua, mazɔlɔɔ ʋɛ è doungoi yɛgai ná, GALA ge goomɛnigɛ ná.
532	GEN 21:18	Wuzeɠe, è zunu loungoi zeɠe, è gaanɛɛnɛ. Mazɔlɔɔ nà zii wola ɓɛtɛzu ba.»
536	GEN 21:22	Naama ziɛgi nɔ zu, Aɓimeelɛke ná-kɔɔɠuluɓai Pikɔle ʋilɛni polu, ti ʋa, ti Aɓalaame ɠa, é ɠɛ ma: «GALA ka naa pɛ suɓɛtɛzu, nii è kɛɛzu.
537	GEN 21:23	Ɠona bɛ̀ niina ga GALA daaseigi, ga è la yàava, ɓaa dòinti, ɓaa màvofodaiti, kɛlɛ ɗa yɛ ɗa-wooɠɛɠiladai ɠilagi nɔ ʋolu nɔ̀un bɛ, ta niima yooi nii è lago zeizu su, eɠɛʋelei gè ɠɛa la è ʋɛ.»
538	GEN 21:24	Aɓalaame ɠɛni ma: «Gè konai naa woga.»
540	GEN 21:26	Aɓimeelɛke gooɠaaʋoteni, é ɠɛ ma: «Gè la kwɛɛ ɓɛ ɠa é naa ɠɛa. Ɗa ɓɔɠɔi è la ɠɛni naa woni mà, za ɠa gè mɛniga da.»
543	GEN 21:29	Aɓimeelɛke ɠɛni Aɓalaame ma: «Leeni vaa zu è niima ʋaala ziʋo zaa lɔfelaiti makɛgai yɛ?»
544	GEN 21:30	É gooɠaaʋoteni, é ɠɛ ma: «Yeezei baala ziʋo zaa lɔfelai niiti bu, gè feezu è ya, naa ɠa ɠɛ bɛ̀ ga zeele wooi ga nà ɠa gè niima ɠɔlɔyeɠei wɔa.»
545	GEN 21:31	Naa ɠa é ba, ti naama adaʋɛ laaseigi ʋɛɛni la ga Ɓeel-Seeɓa (nii poluʋɛ ga «minazeɠe kɔlɔyeɠei»), tɔɔzei miná ɠa ti felegɔ ti minazeɠeni ná ɓɔɠɔ ʋɛ.
549	GEN 22:1	Niima vaiti pɛ poluma, GALA ge Aɓalaame zuɠɔɠɔni, é ɠɛ ma: «Aɓalaame!» Naa gooɠaaʋoteni, é ɠɛ ma: «Nà ɠaa!»
550	GEN 22:2	GALA ge ɠɛ ma: «È-loun zunu ɠila kpegi Izaake zeɠe, nii è nɛai ʋɛ, è li Mɔliya yooi zu, è kula ga gala zalaɠai gizei naa ma, nii ná yeelo ba.»
553	GEN 22:5	É ɠɛni ná-botiɠɛ nuiti ma: «À yɛ ʋɛ soovalegi ɠoba. Nà-o, zunu loungoi-o, gá liizu munu, gi nɔkɔ GALA bu, naa ʋoluma gi ʋa wo ɠoba.»
555	GEN 22:7	Izaake ɓɔɛni kɛɛɠɛ Aɓalaame ʋɔ, é ɠɛ ma: «Kɛ̀ɛ!» É gooɠaaʋoteni, é ɠɛ ma: «Nà ɠaa, dòun zunu.» Izaake ɠɛ ma: «Abui ta koʋiiti kaa, kɛlɛ mini ɠa baala ziʋoi ná, gala zalaɠai vaa zu?»
556	GEN 22:8	Aɓalaame gooɠaaʋoteni, é ɠɛ ma: «Dòun zunu, GALA ɓɔɠɔgoi ɠa ʋa ga baala ziʋoi, gala zalaɠai vaa zu.» Ti felegɔ ti ɠɛni ziɛzu ʋɔɔma, ti ɗa li.
559	GEN 22:11	Gaamago nɔ, Ɠɔoɠɔ GALAGI ná-geezuɠeelai yɛni geezuʋɛ, é toli, é ɠɛ ma: «Aɓalaame! Aɓalaame!» É gooɠaaʋoteni, é ɠɛ ma: «Nà ɠa!»
560	GEN 22:12	Geezuɠeelai ɠɛni ma: «Mina yeevɔɔɠu zunu loungoi ʋa, è ʋa faa nɔpɛ kɛ la. Mazɔlɔɔ gè kwɛɛni niina ga ɗa luazu GALA ba, è la kòmani ga è-loun zunu ɠila kpegi.»
562	GEN 22:14	Aɓalaame naama adaʋɛ laasei pɛɛni ga Adɔnayi-Yiileyee (nii poluʋɛ ga «Ɠɔoɠɔ GALAGI nii é nu ɠulazu faa zu»). Naa ɠa é ba, zaaɠaza ti ɠɛɛzu ná ma: «Ɠɔoɠɔ GALAGI ná-gizei ma, ɗa ɠula su.»
564	GEN 22:16	é ɠɛ ma: «Ɠɔoɠɔ GALAGI laawooi ɠaa: nà ɠonazu nà ɓɔɠɔi ma, tɛi è naa ɠɛa, è la kòmani ga è-loun zunu ɠila kpegi,
566	GEN 22:18	Ziiti kpein ti eteai zu, ta tuyai zɔlɔɔ è-mavofodai maaʋele ma, tɔɔzei è gòoi zogɛ.»
576	GEN 23:4	é ɠɛ ti ma: «Nà ga wɛɛin, gè zeini wo zaama. À maaɠulu bosu ve zèa, gè ànzai maaɠulu, nii saai.»
578	GEN 23:6	«Woilo gi-woo ma, màliɠii. GALA ge è ɠɛɛʋɛ ga nu wola gi zaama. È-anzai maaɠulu gá-ɠabayeɠeiti ma ʋagɔi zu. Gi tanɔpɛ ge la è ɠoma ga ná-kabayeɠe ve vaa è ya è-anzai maaɠulu vai zu.»