59	GEN 3:3	Kɛlɛ nii é ga gului é loni kpelei zaamaʋɛ, naa ma waai, GALA ge ɠɛni ma: ‹À mina ta mi, wo mina vɔɔɠu ba, naa ɠa a kɛ wo mina za.› »
311	GEN 12:12	Siɛgi zu Ezipete nuiti ti è ɠaazu la, ta ɠɛ ma: ‹Anzai ʋe!› Ta pàa, ti è yɛ vulua.
318	GEN 12:19	Lee vaa zu è ɠɛai mà: ‹Bàazeelai ʋe?› Naa ɠa é kɛai gè seɠeai ga ànza. È-anzai ɠaa niina, seɠena, è li!»
360	GEN 14:23	nii dɔin é ga ɗɔnɔi, gè la ani nɔpɛ seɠea naa ʋa, anɛɛ geze ɠaali ɠilagi ɓaa saʋala galu ɠilagi, naa ɠa a kɛ è mina ɠɛ ma: ‹Gè Aɓalame ɠɛɛʋɛ ga kpɛtɛ nu.›
438	GEN 18:13	Ɠɔoɠɔ GALAGI ɠɛni Aɓalaame ma: «Lee vaa zu Sala ɲɛɛi wogai, é ɗa ɠɛ: ‹Gaama ʋe nɛi ɓaa, ga nà doun zunu zɔlɔɔsu, nɛ̀igi pɔ̀lɔzaɠagai na?›
501	GEN 20:5	Sinigi ɓɔɠɔi lɛi kɛai mà: ‹Bàazeelai ʋe?› Ta anzanui ɓɔɠɔi ɓalaa bogɛ ga: ‹Dìɛi ʋe?› Gè kɛɛʋɛ kisiɛ ʋagɔi zu, ta sɔbalalai zu.»
509	GEN 20:13	Siɛgi zu GALA ge kɛ̀ɛni la ga teʋeteʋe nu, gè ɠula kɛ̀ɛ ná-pɛlɛyeɠei wu, gè ɠɛni Sala ma: ‹Ʋɛ nɔpɛ de liizu ná, kɛni è ɗa màalobo, è ɗa ɠɛ ti ma: Dìɛi ʋe.› »
606	GEN 24:14	Anzalopoi nɔpɛ gè ɠɛɛzu ma: ‹Nà è maanɛɛnɛzu, ɗa-ɗɛ liɠii yei lɛɛ, gè ɓɔɔle,› a gooɠaaʋotena ga: ‹Ɓɔɔle, nà ziɛ veezu ɓalaa ɲɔmɛiti zea, ti ɓɔɔle,› naa ɠɛ ga naama anzanui, nii è devea ɗa-wotiɠɛ nui Izaake ʋɛ. Nà kwɛɛ ga naa maaʋele ga è ɗa-wooɠɛɠiladai ɠula kɛlɛma màliɠii ʋɛ.»
630	GEN 24:38	Kɛlɛ ɗa liizu kɛ̀ɛ ʋɛlɛyeɠei wu, nà-bolodai zu, miná ɠa ɗa anzai zeɠe ná dòun zunui ʋɛ.›
631	GEN 24:39	Gè ɠɛni màliɠii ma: ‹Tanisu anzanui la kɛa, é ʋa ʋilɛ pòlu.›
633	GEN 24:41	Siɛgi zu è liizu la nà-bolodai zu, ni ta ɠɛlɛna, ti la anzalopo veeni è ya, ɗa vie minazeɠegi vaa zu, è bosu bɛ̀.›
636	GEN 24:44	Ni a gòoɠaaʋotena ga: Ɓɔɔle ɗa ɓɔɠɔi, nà zoo ɓalaa gè ziɛi zaɠa ɗa-ɲɔmɛiti bɛ, naama anzalopoi ɠɛ ga anzanui naa, nii Ɠɔoɠɔ GALAGI devea màliɠii ná-doun zunui ʋɛ.›
637	GEN 24:45	Gè ɠɛɛzu gè ɓe ga ɓɔɛ zìimaʋɛ, Eleɓɛka ɠanu é ʋaazu, ná-ziɛ liɠii zeini kɔma, é yei ziɛungi zu, é ziɛi zaɠa. Kɛ̀ɛʋɛ ma: ‹Nà è maanɛɛnɛzu, ziɛi ve zèa, gè ɓɔɔle.›
638	GEN 24:46	É ɠaazuvilɛʋɛ ga é ná-ziɛ liɠii maayei, nii é ɠɛni zeini kɔma, é ɠɛ mà: «Ɓɔɔlena, nà ziɛi veezu ɓalaa ɗa-ɲɔmɛiti zea, ti ɓɔɔle.› Gè ɓɔɔleʋɛ, é ta ve ɲɔmɛiti zea, ti ɓɔɔle ɓalaa.
639	GEN 24:47	Gè gaazaɠagɛ, gè ɠɛ ma: ‹Ɓɛ ná-doun anzanu ɠa ga ɗe?› É gòoɠaaʋotegɛ ga: ‹Nà ga Ɓetuwɛle ná-doun anzanui, Naɠɔɔl ta Mileka ti-lounloin.› Gè balaɠaegi lɔɔʋɛ sokpai ʋa, gè balaiti dɔ zeeiti ba.
702	GEN 26:9	Aɓimeelɛke Izaake lolini, é ɠɛ ma: «Gaamai zu, è-anzai ʋe! Lee vaa zu è ɠɛni ma: ‹Bàazeelai ʋe?› » Izaake gooɠaaʋoteni, é ɠɛ ma: «Kpɔ̀ɛʋɛ ɠana, nii a kɛ gè mina za maaʋele zu.»
735	GEN 27:7	‹Ʋa bɛ̀ ga sua, è daamiani nɛɛnɛ kpɛtɛ bɛ̀, nii nà mi, nà tuya loozu è ʋɛ Ɠɔoɠɔ GALAGI ɠaazu pɛ, gè ʋa leɠa za.›
882	GEN 31:8	Siɛgi zu é ɠɛni ɠɛɛzu la mà: ‹Ma ʋodapodagiti ta ɠɛ ga è-zalai,› toganiiti ti ɓena pu ga ma yiʋoiti ti ʋodapodagai. Ta siɛgi zu a la ɠɛna la mà: ‹Ma ʋɔnɛgiti ta ɠɛ ga è-zalai,› toganiiti kpein ti ɓena sɔlɔɔga ma yiʋo ʋɔnɛgiti.
885	GEN 31:11	GALA ná-geezuɠeelai ɠɛni mà segi zu: ‹Zakɔɓe.› Gè gooɠaaʋoteni, gè ɠɛ ma: ‹Nà ɠaa.›
887	GEN 31:13	Nà ɠa gè ga Ɓeetɛle ƓALAGI, ʋɛ è gulɔi ziɛni ná kɔtui ma, è gaalɔ ga ɠizɛsui, ʋɛ è minazeɠeni ná bɛ̀. Niizuʋɛ wuzeɠena, ɠula niima yooi ʋa, è ɠale ma è zɔlɔɔ zooi zu.› »
903	GEN 31:29	Zobogi ɠa bɛ̀, gè faa ɲɔu ɠɛ ga woye, kɛlɛ wo-ɠɛɛ ná-GALAGI ɠɛni mà wogi ɓidii: ‹Dama, mina ɓɔɛ Zakɔɓe ʋɔ ga ɲɔuɗa.›
935	GEN 32:7	Nikɛiti ta zèa, ta soovalegiti, ta baalagiti, ta botiɠɛ zunuiti, ta botiɠɛ anzanuiti. Gè keelaiti teʋegɛ ga ti naama wooi laazeeli è ma, màliɠii, naa ɠa a kɛ gè zaalai zɔlɔɔ è ɠaazu.› »
939	GEN 32:11	Naa ʋoluma Zakɔɓe maanɛɛnɛi woni, é ɠɛ ma: «Kɛ̀ɛ Aɓalaame ná-GALAGI, ta kɛ̀ɛ Izaake ná-GALAGI, Ɠɔoɠɔ GALAGI, ɗɛi è ɠɛni mà: ‹Ɠalena ma ɗa-yooi zu, ɗa-ʋɛlɛyeɠei wu, nà faa ʋagɔ ɠɛʋele ɓɛtɛzu è ʋɛ.›
942	GEN 32:14	Ɗa ma, è ɠɛni mà: ‹Nà faa ʋagɔ ɠɛʋele ɓɛtɛzu è ʋɛ, gè è-mavofodai ɠɛ eɠɛ kpoloɗɛi ɠoba ɲaɠaegi, é wola mɔin su, nu la zooga é ʋa gaalu.› »
947	GEN 32:19	É niima levei veeni ma mɔungi ya, ga: «Siɛgi zu dìɛ Ezawu wo laaɠomisu da, é wo ɠaazaɠa ga: ‹Ɗa ga ɓɛ ná-nu? Mini ɠa è liizu ná?› A ɠɛna ma: ‹Ɓɛ nɔnɔ ɠa ga togani ɓulugi, nii é è ɠakala?›
948	GEN 32:20	ɗa gooɠaaʋote ga: ‹Ɗa-wotiɠɛ nui Zakɔɓe nɔnɔi ʋe, é teʋegɛ màliɠii Ezawu ma ga sabai. Wɛlɛ tɔ ɓɔɠɔgoi ʋa, é ʋaazu gi ʋolu ʋelei.› »
950	GEN 32:22	Wa ɠɛɛzu ma ɓalaa: ‹Wɛlɛ, ɗa-wotiɠɛ nui Zakɔɓe ʋa, é ʋaazu gi ʋolu ʋelei.› » Mazɔlɔɔ é ɠɛni ɠɛɛzu ma: «Nà ziilɛizu ga ɓɔɠɔ maazoloo ganii, nii é liizu tùɠɔ, naa ʋolu nà gaazuʋɛ ʋɛtɛ niina, tanisu toɠa yeezei bù ga pagɔ.»
1101	GEN 37:17	Zunui ɠɛni ma: «Ti zeɠeʋɛ, ti li, tɔɔzei gè mɛnini, ti ɗa ɠɛ: ‹Ade li Dɔtan.› » Zozɛfe ʋilɛni diɛni kɔɠɔ ʋogi ʋa, é ɗa li, é ti ɠa Dɔtan.
1142	GEN 38:22	É ɠaleni ma, é li, é ɠɛ Zuda ma: «Gè la kaani, náʋɛ nuiti ti ɠɛɛʋɛ mà: ‹Koloɠolo anzanu la dɛ ná yɔɠɔzuʋɛ ɲɛgɛlɛin.› »
1275	GEN 42:22	Luɓɛn kpɔɛi zeɠeni, é ɠɛ ti ma: «Gè la ɠɛni bosu wo ma ɓaa, ga: ‹À mina ɲama ɠula gaazu vaa ɠɛ ga doungoi nii?› Kɛlɛ wo la ɠɛni woiloni gòo ma ɲɛgɛlɛin. Ma ɲamai ɠa niizu maaɠaazaɠa ge wosu de ma.»
1285	GEN 42:32	Gá ga kɛɛɠɛloun puugɔ maazu felegɔ (12), gi pɛɛ ga kɛɛɠɛi ma. Gilagi la mɔ ná, doungo gelei ɠa gi-ɠɛɛ ʋɔ bɛ za, Kanaan yooi zu.›
1287	GEN 42:34	À li, wo ʋa ga wo-leɠei pɔ̀. Nà kwɛɛ ga naa maaʋele ga wo la ga nɛnɛgaa, kɛlɛ wa ga sɔɓelama nuiti. Nà wo-ɠɛɛloin ve wo ya, wa zoo wo ziɛziɛ zooi zu, maaɠili la ɠɛa wo ma.› »
1294	GEN 43:3	Zuda gooɠaaʋoteni, é ɠɛ ma: «Zunui naa boni, é maaɓakpa, ga: ‹Wo la mɔ ɠaazulaa gàazuʋɛ ma, kɛni wo-leɠei a yɛ ná wo ʋolu, wo ʋa.›
1296	GEN 43:5	Kɛlɛ ni è la pɔ, è ʋa teʋe, gi la kɛa, gi ʋa yei pɛ, mazɔlɔɔ zunui naa ɠɛɛʋɛ gi ma: ‹Wo la mɔ ɠaazulaa gàazuʋɛ ma, kɛni wo-leɠei a yɛ ná wo ʋolu, wo ʋa.› »
1298	GEN 43:7	Ti gooɠaaʋoteni, ti ɠɛ ma: «Zunui naa gi ɠaazaɠagɛ ga fɛɠɛlɛfɛɠɛlɛgi gá-vaiti ma, ta gá-ʋɛlɛyeɠe vaiti, é ɠɛ ma: ‹Wo-ɠɛɛ ɠa dɛ vulua ɓaa? Kɛɛɠɛloun ɠili ka wo ʋɛ?› Gá ma, gi gooɠaaʋotegi veeni naati pɛ su, gá la zoo ɠale gi kwɛɛ ga toɠa ɠɛ gi ma: ‹À li, wo ʋa ga wo-leɠe zunui?› »
1330	GEN 44:5	Leeni vaa zu wo màliɠii ná-kpɔɔle wɔwɔi unmaai, nii a ɗa ɓɔɔle su, é ɗa seɠe, é adɔi ɓɛɛ la ʋelela ʋele vai zu? Faa ɲɔu wola ɠana wo kɛai ga ná.› »
1344	GEN 44:19	Mɔunpa, màliɠii ɗa-wotiɠɛ nuiti gaazaɠani, é ɠɛ gi ma: ‹Kɛɛɠɛ ɠa wo ʋɛ nɛi, ɓaa wo-ɠɛɛloin taɠili?›
1346	GEN 44:21	È ɠɛni ɗa-wotiɠɛ nuiti gi ma: ‹À li, wo ʋaa la pɔ̀, gè ka ga ɠaazuʋɛ nà ɓɔɠɔi.›
1348	GEN 44:23	È ɠɛni ɗa-wotiɠɛ nuiti gi ma: ‹Ni wo-leɠei la yɛni wo ʋolu, wo ʋa ʋa, wo la mɔ ɠaazulaa gàazuʋɛ ma pɛ.›
1350	GEN 44:25	«Siɛgi zu gi-ɠɛɛ ɠɛni ma la: ‹À ɠale ma, wo li, wo daamianigi ta ɠeya ade ʋɛ,›
1351	GEN 44:26	gi gooɠaaʋoteni, gi ɠɛ ma: ‹Gi la zooga ɠalesu ma ná, kɛni ni gi-leɠe zunui ɠa gi ʋa, gá yei naazu, mazɔlɔɔ ni gi-leɠe zunui la gi ʋa, gi la zooga gi ʋa ɠaazula zunui naa ɠaazuʋɛ ma.›
1354	GEN 44:29	Wa niima gelei zeɠena mɔnɔ, wo lii la, wo maaɠooza la bà, faa ɲɔu a ɠɛɛna la, wa nɔ̀undeɠa ɠolegi yeizu gɔvɛalaazu soolɛi zu.›
1357	GEN 44:32	É ɓudɛ naa maazu, nɛ̀i gè ga ɗa-wotiɠɛ nui, gè yeelaani doungoi ná-fai ɠa. Gè ɠɛni kɛ̀ɛ ma: ‹Ni gè la ʋaani la ʋolu è ʋɔ, nà ɠɛ ga sɔba nu è letema eyɛsu ɠɔ.›
1370	GEN 45:11	Miná ɠa nà è-maavai pɛ kɛ ná, naa ɠa a kɛ è la ʋala ga ani nɔpɛ ma, ɗa-o, ɗa-ʋɛlɛyeɠei-yo, ta nii kpein é ga ɗɔnɔi, mazɔlɔɔ kona dɔɔlugɔ ʋului ɠa dɛ ʋaazu.›
1377	GEN 45:18	wo wo-ɠɛɛ zeɠe ta wa-ʋɛlɛyeɠe wu nuɓusɛiti, naa ʋolu wo ɠale ma, wo ʋa pɔ̀ bɛ. Nà zooi ʋasuʋɛti fe wo ya Ezipete yooi zu. Wa zooi ná-kulanuma ʋagɔiti sɔlɔɔ, wo mi.›
1379	GEN 45:20	Wo-yii mina ɠoloɠolo wo-ɠɔligiti faa zu, mazɔlɔɔ anii ʋagɔiti ti Ezipete yooi zu, naati ta ɠɛ ga wɔnɔ.› »
1419	GEN 46:32	Niima nuiti ta ga togani makɛ nuiti, mazɔlɔɔ togani lo nuiti be, ti ʋaaʋɛ ga ta-ʋaalagiti, ta ta-woliiti, ta ta-nikɛiti, ta nii kpein é ga ti-ɠɔligiti.›
1420	GEN 46:33	Siɛgi zu Falaɠɔn a wo lolina da, é ɠɛ wo ma: ‹Ɓɛgele ɠa wa ɗa kɛ?›
1421	GEN 46:34	wa gooɠaaʋote ga: ‹Ɗa-wotiɠɛ nuiti gá ga togani lo nuiti, é tɔɔzei gi-ma loungo yeei ma, eyɛsu niizu, giya-o, gi-mɛmɛwolani-yo.› Naa ɠɛʋele ma, toɠa vaazu bu, wo zei Gɔsɛn yooi zu, mazɔlɔɔ togani lo nuiti bɛlɛzeɠeʋɛ Ezipete nuiti bɛ.»
1456	GEN 48:4	É ɠɛni mà: ‹Nà è ɠɛɛzu ga kpuɠu nu, gè è ɠaawɔɔlɔ, gè è ɠɛ ga zii mɔinmɔin. Nà niima yooi ve è-mavofodai ʋɛ, ɗɔun ɗa zeɠena ná, toɠa ɠɛ ɠɔ ga è-mavofodai nɔnɔ.›
1472	GEN 48:20	Naama volo ná, é tuya looni ti felegɔ ʋɛ, é ɠɛ ma: «Izelayɛle nuɓusɛiti ta wo-laaseigi wo ta-luyai zu, ti ɠɛ ma: ‹GALA ge è ɠɛ ga Efelayime ta Manasee ɠɛʋele.› » Zekana é Efelayime leʋeni da Manasee luɠɔ.
1512	GEN 50:5	‹Kɛ̀ɛ ɠɛni gè ɠona bɛ, é ɠɛni mà: Nà ga ʋa zaazu. Ɗa màaɠulu kabayeɠei zu, nii gè bɔɔni Kanaan yooi zu. Nà pɔ gè lɛ ná, gè kɛ̀ɛ maaɠulu, naa ʋolu, nà ɠalesu ma, gè ʋa.› »
1524	GEN 50:17	‹Wa ɓɔɛ Zozɛfe ʋɔ ɠani ga: Nà è maanɛɛnɛzu, è-ɠɛɛleaiti ta-ɲamaba vai zuvaayɛ, ta ta-ɠotoi, mazɔlɔɔ ti faa ɲɔi ɠɛɛʋɛ ga ɗe.› Gá è maanɛɛnɛzu, è-ɠɛɛ ná-GALAGI ná-botiɠɛ nuiti gá-ɠotoi zuvaayɛ niizu!» Zozɛfe wɔlɔni, siɛgi zu ti ɓɔɛni pɔ la ɠana.
1593	EXO 3:13	Moize ɠɛni GALA ma: «Nà liizu Izelayɛle nuɓusɛiti pɔ bɛ, gè ɠɛ ti ma: ‹Wo-mɛmɛwolani ta-ƓALAGI tèʋegɛ wo ʋɔ bɛ.› Kɛlɛ ni ta gàazaɠana ga ‹daasei ka lee?› Nà ti wooɠaaʋote ɠale?»
1594	EXO 3:14	GALA ge ɠɛni Moize ma: «Nà ga naa, nii é ná.» É ɠɛni ma mɔnɔ: «Pele ɠa ɗa Izelayɛle nuiti gooɠaaʋote da: ‹Zɔi é lolisu ga: Nà ná, naa ɠa é tèʋegai wo ʋɔ bɛ.› »
1595	EXO 3:15	GALA ge ɠɛni Moize ma mɔnɔ: «Ɗa ɓɔɛ ɠani Izelayɛle nuiti pɔ: ‹Ɠɔoɠɔ GALAGI, é ga wo-mɛmɛwolani Aɓalaame, Izaake, ta Zakɔɓe ta-ƓALAGI ɠa é tèʋegai wo ʋɔ bɛ.› Dàaseigi ɠana eyɛsu ɠɔ, pele ɠana gè pɔ ga ti ɗa wooɠula mà la, yeeɠɛɠalaiti pɛ su.
1597	EXO 3:17	Gè devea ga nà ʋaazu lɛɛzu ga woye, gè wo ɠula Ezipete yooi ʋa, ʋɛ wo ná kpɔlɔi zu, gè li ga woye Kanaan nuiti ta-yooi zu, ta Ɠɛte nuiti, ta Amɔɔl nuiti, ta Feeleeze nuiti, ta Ɠeeve nuiti, ta Yeeɓuse nuiti, ʋɛ nɔnɔi ta kɔin gulɔi ʋooʋaai ná.›
1598	EXO 3:18	Ta woilo è-woo ma. Ɗa-o, Izelayɛle ɠɛwolaiti-yo, wa li Ezipete masagi ʋɔ bɛ, wo ɠɛ ma: ‹Ɠɔoɠɔ GALAGI, Eɓulu nuiti ta-ƓALAGI ʋaaʋɛ gi ʋɔ. Va bu niizu, gi folo saʋagɔ ziɛ wo teʋebai zu, ga gi li, gi zalaɠaiti kula Ɠɔoɠɔ GALAGI ʋɛ, é ga gá-ƓALAGI.›
1603	EXO 4:1	Moize gooɠaaʋoteni, é ɠɛ ma: «Ti la ʋaazu laazu dà, ti la woiloga gòoi ma. Kɛlɛ ta ʋaazu ɠɛɛzu mà: ‹Ɠɔoɠɔ GALAGI la ɠulani è ʋɛ kɛlɛma.› »
1625	EXO 4:23	Gè bo è ma: Ɓe dòun zunui ʋa, é li, é boti ɠɛ bɛ̀. Ni è la ɠɛ kɛɛni, è ʋa ɓe ba, é ʋa li, nà è-loun zunu mɔungi undaaʋili.› »
1634	EXO 5:1	Naama vaiti teʋegai ma, Moize ta Aalɔn ti liini Falaɠɔn ʋɔ bɛ, ti ɠɛ ma: «Ɠɔoɠɔ GALAGI, Izelayɛle ná-GALAGI wooi ɠaa: ‹Ɓe nà-nuɓusɛiti ba, ti li, ti fɛtii ɠula teʋebai zu dàaseigi lɛbi vaa ma.› »
1641	EXO 5:8	Anɛɛ naa ʋe, ɓilikii liegɔi ti ɠɛa doɠazu mɔungi zu, wa naa nɔ la ti ɠakala. À mina ta ɠula naa la ga tago ɓalaa, mazɔlɔɔ ta ga dɔɔʋɛ nuiti, naa ɠa é kɛɛzu, ti kpeei loozu, ti ɗa ɠɛ: ‹Ɓe gi ʋa, gi li, gi zalaɠaiti kula gá-ƓALAGI ʋɛ.›
1644	EXO 5:11	Wa ɓɔɠɔi, à li, wo tufai ɠaiziɛ ɓɔɠɔ ʋɛ, ʋɛ nɔpɛ wa ka ná. Anɛɛ naa ʋe, tanɔpɛ ge la ɠulazu wa-wotii la.› »
1649	EXO 5:16	Ti la mɔ tufa veezu gi ya, gɛi gi ga ɗa-wotiɠɛ nuiti, ti ɗa ɠɛ gi ma: ‹À ɓilikiiti doɠa!› Gɛi gi ga ɗa-wotiɠɛ nuiti, ta gi loɠazu, tama ɗa-nuɓusɛiti ka ti faaɠaazagi ɠɛai.»
1650	EXO 5:17	Falaɠɔn ti wooɠaaʋoteni, é ɠɛ ma: «Wa ga dɔɔʋɛ nuiti, dɔɔʋɛ nu wolaiti! Naa ɠa é kɛɛzu, wo ɠɛɛzu ma: ‹Ɓe gi ʋa, gi li, gi zalaɠaiti kula Ɠɔoɠɔ GALAGI ʋɛ.›
1664	EXO 6:8	Nà lɛɛzu ga woye zooi naa zu, nii gè ma ɠonai woni ga nà fe Aɓalaame ya, ta Izaake, ta Zakɔɓe. Nɔ̀un nà, nà feezu wo ya, é ɠɛ ga wɔnɔ. Nà Ɠɔoɠɔ GALAGI ʋe.› »
1695	EXO 7:9	«Ni Falaɠɔn a ɓɔɛna wo ʋɔ, é ɠɛ wo ma: ‹À laavɔɔ vaa ɠila kɛ,› ɗa ɠɛ Aalɔn ma: ‹Ɗa-lukpɔi zeɠe, è pili Falaɠɔn ɠakala zooi ma.› Toɠa ɠɛ ga kaalii.»
1704	EXO 7:18	Kaleiti kpein ti ziɛ wolai Nile wu, ta za, ziɛ wolai Nile makugi ɠa ɠula, Ezipete nuiti ta ɠaaɓa wafuun ga ti ziɛ wolai Nile ta ɓɔle.› »
1705	EXO 7:19	Ɠɔoɠɔ GALAGI ɠɛni Moize ma: «Ɠɛ Aalɔn ma: ‹Ɗa-lukpɔi zeɠe, è yeemaale Ezipete nuiti ta-ɗɛiti ma: ta-ɗɛ wolaiti, ta-ma ɓekegiti, ta-ɓoigiti, ta ta-ɗɛ yeɠe goiti. Ta ɠɛ ga ɲamai, ɲamai ɠa ɠɛ Ezipete yooi kpein su, gulu aniɲakaiti su ta kɔtu aniɲakaiti.› »
1712	EXO 7:26	Ɠɔoɠɔ GALAGI ɠɛni Moize ma: «Li Falaɠɔn ʋɔ bɛ, è ɠɛ ma: ‹Ɠɔoɠɔ GALAGI wooi ɠaa: Ɓe ná-nuɓusɛiti ba, ti li, naa ɠa a kɛ ti dɛ̀bi. Ɠɔoɠɔ GALAGI ɠɛni Moize ma: «Ɠɛ Aalɔn ma: ‹Yeemaale ga ɗa-lukpɔi ziɛ wolaiti ma, ta ma ɓekegiti, ta kpoigiti, zɔlɔgiti ti lɛ Ezipete yooi ɠa.› »
1715	EXO 7:29	Zɔlɔgiti ta lɛ wo ma, wa ɗa-nuɓusɛiti, ta ɗa-wotiɠɛ nuiti kpein.› » Falaɠɔn Moizeni ta Aalɔn lolini, é ɠɛ ti ma: «À Ɠɔoɠɔ GALAGI maanɛɛnɛ, naa ɠa a kɛ é zɔlɔgiti maaɠooza gi ʋa ga nà-nuɓusɛiti. Nà ɓesu wa-nuɓusɛiti ba, ti li, ti zalaɠaiti kula Ɠɔoɠɔ GALAGI ʋɛ.»
1723	EXO 8:8	Ɠɔoɠɔ GALAGI ɠɛni Moize ma: «Ɠɛ Aalɔn ma: ‹Ɗa-lukpɔi maale, è zooi ma vufiligi loɠa. Toɠa latisu ga sosoligiti Ezipete yooi zu ná kpein.› »
1730	EXO 8:15	Nà zeeɠaaɠwɛɛzu ɠɛɛzu nà-nuɓusɛiti ta ɗa-nuɓusɛiti ba. Laavɔɔ vai ma ʋoogi naa ɠa ɠula kɛlɛma lina.› »
1747	EXO 9:4	Kɛlɛ Ɠɔoɠɔ GALAGI ɠa zeeɠaaɠwɛɛzu ɠɛ Izelayɛle ná-toganiiti ba ta Ezipete nuiti ta-loganiiti. Niiti ti ga Izelayɛle nuiti tɔnɔi, gila kpalaa ge la zaa ti ʋa.› »
1762	EXO 9:19	Deɠɛmu, ɗa-loganiiti makɛsu ɓɛtɛna ga pagɔ, ta nii kpein é ga ɗɔnɔ, é è ya eteaʋɛ. Sakɔtui ɠa ʋaazu ʋuuzu nuiti kpein ma ta suaiti, niiti ti ʋaazu yɛsu eteaʋɛ, ti la lɔɔɠuni pɛlɛiti bu, naati ta za.› »
1784	EXO 10:6	Ta ɗa-ʋɛlɛiti buulaave, ta ɗa-wotiɠɛ nuiti kpein ta-ʋɛlɛiti, ta Ezipete nuiti kpein ta-ʋɛlɛiti. È-ɠɛɛni, ta è-ɠɛɛni ti-ɠɛɛni ti la ɠɛni naa ɠɛɠala ɠaani, kaipa ti ɠulani, ti ɗa yɛnvu zooi nii zu, eyɛsu niima voloi.› » Moize ʋoluaveni, é ɠula Falaɠɔn ʋɔ bɛ.
1814	EXO 11:7	Kɛlɛ Izelayɛle nuiti pɔ bɛ, nu la ɠite ɓalaa gilɛ ɓɔzɔ woomɛniga nu ma, ɓaa mu sua ma, naa ɠa a kɛ wo kwɛɛ ga Ɠɔoɠɔ GALAGI zɔɠɔzu ɠɛɛʋɛ Ezipete ʋa ta Izelayɛle.›
1815	EXO 11:8	Naazu, ɗa-wotiɠɛ nuiti kpein ta ʋa, ti nɔkɔ bù, ti ɠɛ ma: ‹Ɠula ʋɛ ʋa, wa nuɓusɛiti pɛ, niiti ti è ʋolu!› Naa ʋoluma nà ɠula, gè li.» Moize ɠulani Falaɠɔn ʋɔ bɛ ga ziiɠaawana wolai.
1837	EXO 12:20	À mina ɓulu mi nii lɛʋɛi su. Adaʋɛti kpein wo zeini náti, wa ɓuluiti mi nii lɛʋɛ la su.› »
1843	EXO 12:26	Siɛgi zu wo-lointi ta ɠɛna la wo ma: ‹Niima vai ʋoluʋɛ ɠa wo ʋɛ ga ɓɛgele?›,
1844	EXO 12:27	wa gooɠaaʋotegi ve, wo ɠɛ ma: ‹Pakegi ma zalaɠai ʋe, Ɠɔoɠɔ GALAGI lɛbi vai ma, nii é ɓudɛni Izelayɛle nuiti ta-ʋɛlɛiti maazu Ezipete yooi zu, siɛgi zu é Ezipete nuiti paani la, é ada-ʋɛlɛiti makɛ.› » Nuɓusɛiti ti maayeini, ti nɔkɔ.
1876	EXO 13:8	«Naama voloi zu, wa suɠula wo-loun zunui ma ga: ‹Toɠa ga naama vai, nii Ɠɔoɠɔ GALAGI kɛɛni bɛ̀, siɛgi zu gè ɠulani la Ezipete yooi ʋa.›
1882	EXO 13:14	Siɛgi zu wo-loun zunuiti ti wo ɠaazaɠasu la lina ɠa lina, ga: ‹Naa ʋoluʋɛ ɠa ga ɓɛgele?›, wa gooɠaaʋote ga: ‹Ɠɔoɠɔ GALAGI ná-zeeɠaaɓaai maaʋele ɠa é ade ɠulani la Ezipete yooi ʋa, duɔla ʋɛlɛi wu.
1883	EXO 13:15	Tɛi Falaɠɔn ɠɛni ɠɛlɛzu ga kikpaai, ga é mina ɓe ade ʋa, de ʋa li, Ɠɔoɠɔ GALAGI doun zunu mɔungi kpein paani Ezipete yooi zu, é zo nuiti ti-loun zunu mɔungiti ma, é li suaiti ti-ma yiʋo zinɛ mɔungiti pɔ. Naa ɠa é kɛɛzu, ade ma zinɛ mɔungiti kpein kulazu la ga zalaɠai Ɠɔoɠɔ GALAGI ʋɛ, ta de doun zunu mɔungiti kpein unmɔɔsu la.›
1893	EXO 14:3	Falaɠɔn ɠa ʋaazu ɠɛɛzu ma: ‹Izelayɛle nuiti ti loa ya zooi zu, teʋebai ti maaɓɔɔlega.›
1902	EXO 14:12	Naa laade gi ɓena bo è ma Ezipete yooi zu ɓaa ga: ‹Gi yɛ ná, gi botii ɠɛ Ezipete nuiti bɛ?› Mazɔlɔɔ fizɔgɛ gi ma ga gi botii ɠɛ Ezipete nuiti bɛ, é leʋe gi zaa vai ʋa teʋebai zu.»
1930	EXO 15:9	Sili nui ɠɛni ɠɛɛzu ma: ‹Nà ʋilɛ ti ʋolu, gè ti zo. Nà ta-naavoloi ɠaaɠwɛ, gè ta mi. Nà boɠa zɔkpɔi mɛɛn, gè yeei ʋɛɛ ti ma.›
1960	EXO 16:12	«Gè Izelayɛle nuiti ta-yelilomaiti mɛnigɛ. Ɠɛ ti ma: ‹Kpɔkɔi wa suai miizu, sobui wa yiɠo ga ɓului, wa ʋaazu kwɛɛsu ga nà ga Ɠɔoɠɔ GALAGI, wa-ƓALAGI.› »
2033	EXO 19:6	wɔun wa, wa ɠɛ bɛ̀ ga zalaɠa ɠula zii, nii ɲadegai.› Wooiti kana ɗa ti wo Izelayɛle nuiti ma.»
2040	EXO 19:13	Nu la yeevɔɔɠua ba, kɛlɛ toɠa zɔɔ ga kɔtui, ɓaa ti bɔ ga mɛɛinti, é ɠɛni ga sua, ɓaa nu, é la yɛga vulua ɲɛgɛlɛin.› Siɛgi zu baala sinɛ minɛi ma ʋuʋugi a vɛɛna la, tanigaa ta lɛ gizei ma názu.»
2416	EXO 30:33	Nu-o-nu a ma zii ɓɛtɛna, ɓaa é ta ziɛ nu ɠili ma, é la ga zalaɠa ɠula nu, naa ɓe ka leʋe ná-nuɓusɛiti ba.› »
2438	EXO 31:17	Toɠa ɠɛ ga poogi, nà-o, Izelayɛle nuiti-yo, gi yɔɠɔzu, eyɛsu ɠɔ, mazɔlɔɔ folo lɔzita laawu, Ɠɔoɠɔ GALAGI geeɠɔlɔgi ta zooi ɓɛtɛni. Folo lɔfelasiɛi é ɓeni ná-botii ʋa, é looɠo.› »
2447	EXO 32:8	Ti zeɠea gaamago nɔ naama ʋelei ʋa, nii gè dɛai ga tiye. Ti nikɛ yiʋoi maaniinigi ɓɛtɛa ɓɔɠɔ ʋɛ, ga zanu gaawuungai, ti nɔkɔ bu, ti zalaɠaiti kula bɛ, ti ɠɛni ma: ‹Izelayɛle nuiti, à wɛlɛ wa-ɠalagi ʋa, é wo ɠulaai Ezipete yooi ʋa.› »
2451	EXO 32:12	Ni ɗa naa ɠɛɛna, Ezipete nuiti ta ɠɛ ma: ‹Ti maanɔɠɔ vai ɠa é ti ɠulaai ma, ga é ti ʋaa gizeiti su, é ti-ma zuwu ɠaaleʋe eteai zu.› Ɗa-yiiɠaawana wolai yɛ ná, è mina faa ɲɔu ɠɛ ga ɗa-nuɓusɛiti.
2452	EXO 32:13	Ɠizɛ Aɓalaame zu, ta Izaake, ta Izelayɛle, ɗa-wotiɠɛ nuiti, niiti è ɠonani ɓɔɠɔ ma ti ʋɛ ga: ‹Nà wo-mavofodai mɔin eɠɛ geeɠɔlɔgi ma zomideɠaiti, zooi nii kpein gè ɓɔɛzu ná-faa zu, ga nà fe wo-mavofodai ya, ta sɔlɔɔ, é yɛ ti ya ɠɔ.› »
2462	EXO 32:23	Ti ɠɛni mà: ‹Galagiti kpɛtɛ gi ʋɛ, ti lo gi luɠɔ, mazɔlɔɔ Moize nii, zunui tɛi é gi ɠulaai Ezipete yooi ʋa, gi la kwɛɛ nii kɛai la.›
2463	EXO 32:24	Gè ɠɛni ti ma: ‹Niiti zanugi ti ya, ti kula ɓɔɠɔ ma.› Ti feeni zèa, gè pilini abui zu, niima nikɛ yiʋoi ɠulani su.»
2466	EXO 32:27	É ɠɛni ti ma: «Ɠɔoɠɔ GALAGI, Izelayɛle ná-GALAGI wooi ɠaa: ‹Wo ɠilagilagi ná-boɠa zɔkpɔ la ɠoba, à leʋeteʋe nuiti puuzuʋɛ, wo lati naa ma, é zo zɔɔma ʋɛlɛlaʋɛ, é li zɔɔla ʋelei, ɛsɛ gilagilagi kɛɛɠɛloun ʋaa, ɓaa bɔɔlai, ɓaa ná-nui.› »
2475	EXO 33:1	Ɠɔoɠɔ GALAGI ɠɛni Moize ma: «Li, zeɠe ʋɛ, ɗa-o, nuɓusɛiti-yo, niiti è ti ɠula Ezipete yooi ʋa. Lɛ zooi ʋɔ pelei, nii gè ma minazeɠeni ga nà feezu Aɓalaame ya, ta Izaake, ta Zakɔɓe, gè ɠɛ ma: ‹Nà feezu è-mavofodai ya.›
2479	EXO 33:5	Ɠɔoɠɔ GALAGI ɠɛni Moize ma: «Ɠɛ Izelayɛle nuiti ma: ‹Wa ga nuɓusɛiti ti zuvɔai. Ni gè lɛɛni wo zaama yeeɠɛɠala go laawu, nà la wo undaaʋili. Niizu, à wa-maaɠili zɔɔla ʋagɔiti kula ɓɔɠɔ ma, nà pɛtɛ, nii gè ʋaazu kɛɛzu wo ʋɛ.› »