35	GEN 2:4	Geeɠɔlɔgi ta zooi ti-lɔɔzeigi ɠa é ga nii, siɛgi zu ti ɓɛtɛni la. Siɛgi zu Ɠɔoɠɔ GALAGI zooi ta geeɠɔlɔgi ɓɛtɛni la,
36	GEN 2:5	dɔɓɔ ɠila kpalaa ge la ɠɛni dɛ eteai zu, tufa ɠila kpalaa ge la ɠɛni dɛ ʋɔnɔni, mazɔlɔɔ Ɠɔoɠɔ GALAGI la ɠɛni dɛ tona ʋuuni zooi ma, nu la ɠɛni dɛ ná ɲɛgɛlɛin, é ʋa ɗa boti ɠɛ zooi ma.
38	GEN 2:7	Ɠɔoɠɔ GALAGI zooi ma ʋɔlɔi zeɠeni, é kpɛtɛ ga zunui, é zɛnvu viilɛi ʋu sokpayeɠeiti su, zunui ɠɛ ga zɛnvu su anii.
39	GEN 2:8	Naa ʋolu Ɠɔoɠɔ GALAGI kpelei leʋeni Edɛn yooi zu, folo ɠulazu ʋelei. É zunui ʋilɛni su, nii é kpɛtɛai.
46	GEN 2:15	Ɠɔoɠɔ GALAGI zunui zeɠeni, é pilɛ Edɛn kpelei zu, ga é tii ɠɛ ná, ta é makɛ.
49	GEN 2:18	Ɠɔoɠɔ GALAGI ɠɛni ma: «É la ʋani ga zunui ɠila ko yɛ de. Nà kpɔba nu ʋagɔ ɓɛtɛzu bɛ.»
50	GEN 2:19	Ɠɔoɠɔ GALAGI dɔɓɔ zuaiti ta wɔniiti kpɛtɛni ga pɔlɔi. É ʋaani ga tiye zunui ʋɔ, é pɛtɛ, ʋelei a ti-laaseigiti pɛɛ la, naa ɠa a kɛ ti kpein ti daaseigi zɔlɔɔ, nii zunui a pɛɛ ti ʋa.
52	GEN 2:21	Ɠɔoɠɔ GALAGI ɲiimɛni wolai lɔɔni zunui ɠaazu, é ɲi. É kaka ɠaegi gila seɠeni, é ma zuai laaɠulu pogi zu.
53	GEN 2:22	Ɠɔoɠɔ GALAGI anzanui ɓɛtɛni ga naama ɠaka ɠaegi, nii é seɠeni, é kula zunui ɠakai zu, é ʋaani la zunui ʋɔ.
57	GEN 3:1	Kaalii ɠeleɠelega ɠɛni de, é leʋe dɔɓɔ zuaiti kpein ba, niiti Ɠɔoɠɔ GALAGI ti ɓɛtɛni. É ɠɛni anzanui ma: «GALA ge bogɛ nɛi ga ɠite, ga wo mina guluiti kpein ma waai mi, niiti ti kpelei zu?»
64	GEN 3:8	Kpɔkɔ lɛilɛigi, ti Ɠɔoɠɔ GALAGI lugi mɛnini, é ɗa ziɛziɛ kpelei zu. Zunui ta anzai ti lɔɔɠuni poun Ɠɔoɠɔ GALAGI ʋa kpele zu wuluiti saama.
65	GEN 3:9	Ɠɔoɠɔ GALAGI zunui lolini, é ɠɛ ma: «Mini ɠa è ná?»
67	GEN 3:11	Ɠɔoɠɔ GALAGI ɠɛni ma: «Ɓɛ ɠa kɛai è ma, è ɠabei ʋe? È gulu waai naa ta mia ɓaa, nii gè ɠɛni è ma, mina ta mi?»
69	GEN 3:13	Ɠɔoɠɔ GALAGI ɠɛni anzanui ma: «Leeni vaa zu è naa ɠɛai?» É gooɠaaʋoteni, é ɠɛ ma: «Kaalii ɠa é yàava, gè gulu waai ta mi.»
70	GEN 3:14	Ɠɔoɠɔ GALAGI ɠɛni kaalii ma: «Tɛi è naa ɠɛa, gè è ɠotoa, toganiiti kpein ta dɔɓɔ zuaiti saama. Ɗa ɗa ɓokpo è-ɠogi ma, è ɗa pɔlɔi mi, è-zii ma voloi pɛ su.
77	GEN 3:21	Ɠɔoɠɔ GALAGI sua ɠɔlɔi ɓɛtɛni ga seɠei Adama ta anzai ʋɛ, é too ti ɠɔba.
78	GEN 3:22	Ɠɔoɠɔ GALAGI ɠɛni ma: «Pɛtɛ, zunui ɠɛa eɠɛ ade taɠila, faa ʋagɔi ta faa ɲɔi yɔɠɔzuɠwɛɛ fai zu. Ade pele leʋe tuɠɔ niina, é mina yeemaale, é ʋa zɛnvu wului ma waai ɠula, a ʋa mi, a ʋa yɛ vulua ɠɔoɠɔ.»
79	GEN 3:23	Ɠɔoɠɔ GALAGI zunui ɠulani Edɛn kpelei ʋa, ga é ɗa zooi woli, ʋɛ kulaai ná.
81	GEN 4:1	Zunui anzai Ɛve laani ʋolu, naa kogi zeɠe, é sɔlɔɔ ga Kayɛn, é ɠɛni ma: «Gè zunu zɔlɔɔga ga Ɠɔoɠɔ GALAGI ná-kpɔbai maaʋele.»
83	GEN 4:3	Yeeɠɛɠalai ta laawu, Kayɛn ʋaani ga zooi ʋa lɔnɔgi tanigaa, é kɛ ga vebɛanii Ɠɔoɠɔ GALAGI ʋɛ.
84	GEN 4:4	Aɓɛle ɓalaagi ʋaani ga ná-baala kpulugi ma yiʋo mɔungi tanigaa, é ti-ma zuai ʋasuʋɛti kula ga zalaɠai. Ɠɔoɠɔ GALAGI yeezeini Aɓɛle ta ná-vebɛanii wu ga pagɔ.
86	GEN 4:6	Ɠɔoɠɔ GALAGI ɠɛni Kayɛn ma: «Lee vaa zu è yiiɠaawanaai, è ɠaazuɠili?
89	GEN 4:9	Naa ʋoluma, Ɠɔoɠɔ GALAGI ɠɛni Kayɛn ma: «È-leɠei Aɓɛle ɠa mini?» É gooɠaaʋoteni, é ɠɛ ma: «Gè la kwɛɛ. Nà ɠa gè ga dèɠei makɛ nui ɓaa?»
93	GEN 4:13	Kayɛn ɠɛni Ɠɔoɠɔ GALAGI ma: «Nà-faa ɲɔi ma ɓakɔi wola wuiʋɛ ga gè ʋa ziɛ bu.
95	GEN 4:15	Ɠɔoɠɔ GALAGI ɠɛni ma: «Ɓa-o! Ni nui ta a Kayɛn ʋaana, Kayɛn nɔnɔi ʋoto ka ɠula naama nui ma, ná zeizu ɠɛ lɔfela.» Ɠɔoɠɔ GALAGI poogi ʋɛɛni Kayɛn ʋa ga nu nɔpɛ ka kaana, é mina paa.
96	GEN 4:16	Naa ʋolu, Kayɛn maaɠoozani Ɠɔoɠɔ GALAGI ʋa, é li, é zei Nɔde yooi zu, Edɛn folo ɠulazu ʋelei.
98	GEN 4:18	Ɠeenɔke Iilade zɔlɔɔni, Iilade Meɠuyayɛle zɔlɔɔ, Meɠuyayɛle Metusayɛle zɔlɔɔ, Metusayɛle Leemɛke zɔlɔɔ.
106	GEN 4:26	Sɛte doun zunu zɔlɔɔni ɓalaa, é daasei pɛɛ ga Enɔse. Názuʋɛ ɠa ti tɔɔzeini la ga Ɠɔoɠɔ GALAGI valia.
135	GEN 5:29	É daasei pɛɛni ga Nowe. É ɠɛni ma: «Nii ɠa ade ɠaanɛɛnɛ ada-wotiiti ta ada-ɓɔlɔiti kpein faa zu, é zɔlɔɔsu zooi ʋa, nii Ɠɔoɠɔ GALAGI foovoai.»
141	GEN 6:3	Názu ɠa Ɠɔoɠɔ GALAGI ɠɛni ma la: «Nà-zɛnvui la yɛga nuɓusɛi zu ɠɔ, mazɔlɔɔ nui ɠa ga saa ani nɔ, sii ma voloi ɠa ɠɛ ga kona ungila puufelegɔ (120) nɔ.»
143	GEN 6:5	Ɠɔoɠɔ GALAGI kaani ga nuɓusɛiti ta-vaa ɲɔi wola wɔɔlɔni zooi ɠa, ti-yiimaʋɛ ma ɠisiɛiti ti ɠɛni losu nɔ faa ɲɔi ʋa folo-o-folo.
144	GEN 6:6	Ɠɔoɠɔ GALAGI yiiɠoloɠoloni nuɓusɛi ɓɛtɛ vai zu, é pilɛ zooi ɠa, gola ɠaazuɠilini.
146	GEN 6:8	Kɛlɛ Nowe zaalai zɔlɔɔni Ɠɔoɠɔ GALAGI ɠaazu.
161	GEN 7:1	Ɠɔoɠɔ GALAGI ɠɛni Nowe ma: «Lɛ keingi zu, ɗa-o, ɗa-ʋɛlɛyeɠei-yo, mazɔlɔɔ gè è ʋɛtɛgɛ ga telebo nu niima yeeɠɛɠalai zu nuɓusɛiti saama.
165	GEN 7:5	Nowe naa kpein kɛɛni, nii Ɠɔoɠɔ GALAGI ma levei veeni zea.
176	GEN 7:16	Ti ɠilagilagi lɛɛni ma zinɛ ma zaa, ti ma ziiti kɛʋelei, eɠɛʋelei GALA ge ma levei veeni la Nowe ya. Naa ʋolu Ɠɔoɠɔ GALAGI daaɠuluni ma.
204	GEN 8:20	Nowe zalaɠa ɠulazuʋɛ ɓɛtɛni Ɠɔoɠɔ GALAGI ʋɛ. É ta zeɠeni suaiti su, niiti ti ɲadegai, ta wɔniiti su, niiti ti ɲadegai, é ti ɠɛ ga gala zalaɠai, zalaɠa ɠulazuʋɛ.
205	GEN 8:21	Ɠɔoɠɔ GALAGI zalaɠai naama maku nɛɛnɛgi mɛnigai ma, é boni yiimaʋɛ, é ɠɛ ma: «Gè la mɔ eteai ɠotoa nui maaʋele ma, anɛɛ ɓalaa nui yiimaʋɛ ma ɠisiɛiti togɛ faa ɲɔi ʋa, é lɔɔzei ma loungo ziɛgi zu ma. Gè la mɔ fuluanii kpein koloɠologa, eɠɛʋelei gè kɛai la.
232	GEN 9:26	Naa ʋolu é ɠɛni ma: «Mamagi ɠa Ɠɔoɠɔ GALAGI ʋɛ, Sɛme ná-GALAGI, Kanaan ɠa ɠɛ ga Sɛme ná-duɔi!
244	GEN 10:9	É ɠɛni ga doso wola Ɠɔoɠɔ GALAGI ɠaazu, naa ɠa é ba, a ɗa wo da ga: «Doso wolai Ɠɔoɠɔ GALAGI ɠaazu, eɠɛ Nimelɔde.»
246	GEN 10:11	Naama yooi ʋoluma, Nimelɔde liini Asiili yooi zu, é Ninive laa wolai lo, ta Leɠɔɓɔte-Iil, ta Kala,
272	GEN 11:5	Ɠɔoɠɔ GALAGI yeini taai ʋɛtɛsu ta pɛlɛ ɠaaɠoozagi, nii nuiti ti ɠɛni tosu.
273	GEN 11:6	Ɠɔoɠɔ GALAGI ɠɛni ma: «Wɛlɛ, ta ga zii ɠilagi nɔ, woo ɠilagi nɔ ɠa é ti-la. Ni ta tɔɔzeina ɠani, ani nɔpɛ ge la mɔ pele ɓesaga ti luɠɔ naa ɠɛɛ vai zu, nii a ɠɛ ti ɠisu.
275	GEN 11:8	Ɠɔoɠɔ GALAGI ti zuvazani, ti maaɠooza ná ʋa, ti li eteai zu ná pɛ. Ti looɠoni taai lo fai ʋa.
276	GEN 11:9	Naa ɠa é kɛai taai naa laasei pɛai ga Ɓaɓɛle, mazɔlɔɔ miná ɠa Ɠɔoɠɔ GALAGI eteai kpein gooi zupuai ná. Ná ɠa Ɠɔoɠɔ GALAGI ti zuvazani ná, ti li eteai zu ná kpein.
300	GEN 12:1	Ɠɔoɠɔ GALAGI ɠɛni Aɓalame ma: «Zeɠe ɗa-yooi zu, ɗa-wolodai zu, è ɠula è-ɠɛɛ ʋɛlɛi wu, li zooi naa zu, ʋɛ gè ná lɛɛzu ga ɗe.
303	GEN 12:4	Aɓalame liini, eɠɛʋelei Ɠɔoɠɔ GALAGI boni ma la, Lɔte ʋilɛni polu. Aɓalame ná-konagi ɠɛni ga puulɔfela maazu lɔɔlugɔ (75), siɛgi zu è ɠulani la Ɠalan taai ʋa.
306	GEN 12:7	Ɠɔoɠɔ GALAGI ɠulani kɛlɛma Aɓalame ʋɛ, é ɠɛ ma: «Nà zooi nii veezu è-mavofodai ya.» Aɓalame zalaɠa ɠulazuʋɛ ɓɛtɛni ná Ɠɔoɠɔ GALAGI ʋɛ, nii é ɠulani bɛ kɛlɛma.
307	GEN 12:8	Naa ʋolu, é zeɠeni ná, é li ga gize yooi zu ʋelei, Ɓeetɛle folo ɠulazu ʋelei. É ná-seɠe ɠotai loni Ɓeetɛle folo liizu ʋelei ti yɔɠɔzuʋɛ ta Ayi, nii é folo ɠulazu ʋelei. É zalaɠa ɠulazuʋɛ ɓɛtɛni ná Ɠɔoɠɔ GALAGI ʋɛ, é wooɠula Ɠɔoɠɔ GALAGI ma.
316	GEN 12:17	Kɛlɛ Ɠɔoɠɔ GALAGI maanɔɠɔ vaa wolaiti pɛɛni Falaɠɔn ta ná-pɛlɛyeɠei ʋa, Salayi maaʋele ma, nii é ga Aɓalame anzai.
323	GEN 13:4	ʋɛ é zalaɠa ɠulazuʋɛ loni ná mɔunpa. Miná ɠa Aɓalame wooɠulani ná, Ɠɔoɠɔ GALAGI ma.
329	GEN 13:10	Lɔte ɠaazuwuzeɠeni, é wɛlɛ, é Zuludɛn nɛmɛ wolai ɠa, nii zɛɓɛa ɠɛni de ɲɛgɛlɛin. Ɠɔoɠɔ GALAGI ɠɛɛzu é ʋa Sɔdɔme ta Gɔmɔɔl ɠoloɠolo, ná ɠɛni eɠɛ Ɠɔoɠɔ GALAGI ná-kpelei, eyɛsu é zeeli Sɔwaal, kulaai ga Ezipete yooi ɠɛʋele.
332	GEN 13:13	Sɔdɔme nuiti ti wola zuɲɔuni, ti ɠɛni ga kotoba nu wolaiti Ɠɔoɠɔ GALAGI laalɔɠɔma.
333	GEN 13:14	Ɠɔoɠɔ GALAGI ɓɔɛni Aɓalame ʋɔ, Lɔte zeɠea ʋoluma polu, é ɠɛ ma: «Adaʋɛ è ná loni, ɠaazuwuzeɠe, è wɛlɛ, nu ɠɔʋɛzu ʋelei ta nu yeezazu ʋelei, folo ɠulazu ʋelei ta folo liizu ʋelei.
337	GEN 13:18	Aɓalame ná-seɠe ɠotaiti seɠeni, é li, é zei Mamelee ná-sɛne guluiti bu, Ɠeeɓelɔn ɠobaʋɛ. É zalaɠa ɠulazuʋɛ loni ná Ɠɔoɠɔ GALAGI ʋɛ.
356	GEN 14:19	É tuya looni Aɓalame ʋɛ, é ɠɛ ma: «GALA ge tuya loo Aɓalame ʋɛ, GALAGI nii é Anii-Pɛ-Unda, é geeɠɔlɔgi ta zooi ɓɛtɛai!
359	GEN 14:22	Aɓalame ɠɛni Sɔdɔme masagi ma: «Gè ɠonaa Ɠɔoɠɔ GALAGI ma, nii é Anii-Pɛ-Unda, é geeɠɔlɔgi ta zooi ɓɛtɛai,
362	GEN 15:1	Naama vaiti poluma, Ɠɔoɠɔ GALAGI ɓɔɛni Aɓalame ʋɔ segi zu, é ɠɛ ma: «Aɓalame, mina lua ɲɛgɛlɛin, nà ɠa gè ga è makɛ nui, ɗa-ɠulanumai ɠa wɔɔlɔ.»
363	GEN 15:2	Aɓalame gooɠaaʋoteni, é ɠɛ ma: «Màliɠii, Ɠɔoɠɔ GALAGI, lee ɠa è feezu zèa? Tɔɔzei doun la zèa, nà-pɛlɛi wu ʋogani zeɠe nui ɠa é ga Eliyezɛɛl, Damase nui.»
365	GEN 15:4	Ɠɔoɠɔ GALAGI ɓɔɛni pɔ, é ɠɛ ma: «Ɓa-o, naa laade, é ʋa ɠɛ ɠɛɛzu ga ɗa-ʋogani zeɠe nui, kɛlɛ kɛni zɔi é ɠulazu è ɠoozu, naa ɠa a ɠɛ ga ɗa-ʋogani zeɠe nui.»
367	GEN 15:6	Aɓalame laani Ɠɔoɠɔ GALAGI la, naa naa leveni bɛ ga telebodai.
368	GEN 15:7	É ɠɛni ma: «Nà ɠa gè ga Ɠɔoɠɔ GALAGI, nii é è ɠula Uul taazuʋɛ Kaledee yooi zu, gè niima yooi ve è ya ga ɗɔnɔ.»
369	GEN 15:8	Aɓalame gooɠaaʋoteni, é ɠɛ ma: «Màliɠii, Ɠɔoɠɔ GALAGI, nà kwɛɛ ɠale ɠiteɠite ga nà sɔlɔɔsu?»
374	GEN 15:13	Ɠɔoɠɔ GALAGI ɠɛni Aɓalame ma: «Suɠwɛɛ ga è-mavofodaiti ta ɠɛ ga seikɔɠɔma nuiti zooi taɠili su, ta ɠɛ ná ga duɔiti, ti ti zopele ɲɔu kona unnaanigɔ (400) laawu.
379	GEN 15:18	Naama yee ná, Ɠɔoɠɔ GALAGI minazeɠeni Aɓalame ʋɛ, é ɠɛ ma: «Gè niima yooi kpein fea è-mavofodai ʋɛ, é zo Ezipete ɗɛ wolai ma, é zeeli ziɛ wolai Ufelate ma,
384	GEN 16:2	É ɠɛni Aɓalame ma: «È kaa ga Ɠɔoɠɔ GALAGI la vaani bu ga gè doun zɔlɔɔ. Li, è ʋilɛ nà-duɔ anzanui ʋolu, tanisu nà doun zunu zɔlɔɔ ga maaʋele.» Aɓalame ziɛni ga anzai Salayi ná-tɛnɛ gooi.
387	GEN 16:5	Salayi ɠɛni Aɓalame ma: «Poomugi é zeelizu mà, ɗa ɠa è unma ɠasɔ ʋe. Nà ɓɔɠɔi ɠa gè nà-duɔ anzanui zeɠea, gè da è ʋolu, siɛgi zu é kaa la ga kogi ɠa ma, é ɗa bɛlɛlala wɛlɛi wo ga ze. Ɠɔoɠɔ GALAGI ɠɛ ga tukpɔɠaaleʋe nui de yɔɠɔzu.»
389	GEN 16:7	Ɠɔoɠɔ GALAGI ná-geezuɠeelai kaani ziɛungi ɠobaʋɛ teʋebai zu, nii é Suul ʋelei zu.
391	GEN 16:9	Ɠɔoɠɔ GALAGI ná-geezuɠeelai ɠɛni ma: «Ɠale ma ɗa-luɔ deei ʋɔ bɛ, è ɓɔɠɔ unmaayei bɛ.»
392	GEN 16:10	Ɠɔoɠɔ GALAGI ná-geezuɠeelai ɠɛni ma mɔnɔ: «Nà è-mavofodai mɔinzu, toɠa mɔin gola, nu nɔpɛ ge la zooga é ʋa gaalu.»
393	GEN 16:11	É ɠɛni ma mɔnɔ: «Wɛlɛ, ɗa doun zɔlɔɔsu, toɠa ɠɛ ga zunu loun. Ɗa daasei pɛɛ ga Isemayɛle, mazɔlɔɔ Ɠɔoɠɔ GALAGI è woomɛnini ɗa-ɠoozuʋiligi zu.
395	GEN 16:13	Agaal ɓɔɠɔ ɠaazaɠani, é ɠɛ ma: «Gè GALA ɓɔɠɔi ɠaaʋɛ nɛi ɓaa, nii é nɔ̀un kaazu?» Ɠɔoɠɔ GALAGI nii é ɓɔɛni tɔun pɔ, é naa laasei pɛɛni ga Ata-Ɛle-Lɔyi.
397	GEN 16:15	Agaal doun zunu zɔlɔɔni Aɓalame ʋɛ, naa daasei pɛɛni ga Isemayɛle.
398	GEN 16:16	Aɓalame ná-konagi ɠɛni ga puulɔsaʋa maazu lɔzita (86), siɛgi zu Agaal Isemayɛle zɔlɔɔni la bɛ.
399	GEN 17:1	Aɓalame ná-konagi ɠɛai ma ga puutaaʋuu maazu taaʋuu (99), Ɠɔoɠɔ GALAGI ɠulani bɛ kɛlɛma, é ɠɛ ma: «Nà ɠa gè ga GALA Zɛbɛi-Pɛ-Maliɠii. Ɗa-eteai ziɛ gàazu ga pagɔ, zelilomazu mina ɠɛ è ʋa.
405	GEN 17:7	Nà nà-minazeɠegi zo è letema eyɛsu ɠɔ, nà kɛ ɠana nɔ è-mavofodai kpein bɛ. Niima minazeɠegi maaʋele ma, nà ɠɛ ga ɗa-ƓALAGI, ta è-mavofodai nɔnɔ è zeɠea ʋoluma ná.
406	GEN 17:8	Nà Kanaan yooi kpein fe è ʋɛ, ɗa-o, è-mavofodaiti-yo, ʋɛ è ná ga seikɔɠɔma nui niizu. Toɠa ɠɛ ga wɔnɔ eyɛsu ɠɔ. Nà ɠɛ ga è-mavofodai ná-GALAGI.»
416	GEN 17:18	Aɓalaame ɠɛni GALA ma: «Nii gè falizu è ma, naa ɠa é ga Isemayɛle ɠula su, è makɛ ma kpaan.»
417	GEN 17:19	GALA ge ɠɛni ma: «Ɓa-o, è-anzai Sala ɠa doun zunu zɔlɔɔsu è ʋɛ, ɗa daasei pɛɛ ga Izaake. Nà-minazeɠegi ɠa ɠɛ ga ɠɔoɠɔ faa, gi yɔɠɔzu gá tɔ, ta gi yɔɠɔzu gá mavofodaiti.
418	GEN 17:20	Isemayɛle letemazu, gè ɗa-vali wooi mɛnigɛ ná-faa zu. Ungo, nà tuya loo bɛ. Toɠa ɓuɠu, nà mavofodai ɠaawɔɔlɔ gola. Masa puugɔ maazu felegɔ (12) ɠa ɠula tɔun su, toɠa ɠɛ ga zii wola ma mɛmɛwolai.
419	GEN 17:21	Kɛlɛ nà nà-minazeɠegi ɠɛ gi yɔɠɔzu gá Izaake, doun zunui nii Sala sɔlɔɔsu è ʋɛ, niima yeeɠɛɠalai nɔ zu, konagi nii é ʋaazu.»
421	GEN 17:23	Aɓalaame ná-doun zunui Isemayɛle zeɠeni, ta nii kpein é zɔlɔɔni ná-pɛlɛi wu, ta nii kpein é geyani ga walii, zunuiti kpein ná-pɛlɛ wu nuiti saama, é ti latini pɛlɛʋolu naama voloi, eɠɛʋelei GALA ge devei veeni la zea.
423	GEN 17:25	Ná-doun zunui Isemayɛle ná-konagi ɠɛni ga puugɔ maazu saʋagɔ (13) niina, siɛgi zu é latini da pɛlɛʋolu.
424	GEN 17:26	Aɓalaame ta ná-doun zunui Isemayɛle ti latini pɛlɛʋolu naama voloi nɔ zu.
426	GEN 18:1	Ɠɔoɠɔ GALAGI ɠulani kɛlɛma Aɓalaame ʋɛ Mamelee ná-sɛne guluiti kobaʋɛ. Aɓalaame ɠɛni zeini ná-seɠe ɠotai laaʋɛ. Folo kpaai ɠɛni de.
438	GEN 18:13	Ɠɔoɠɔ GALAGI ɠɛni Aɓalaame ma: «Lee vaa zu Sala ɲɛɛi wogai, é ɗa ɠɛ: ‹Gaama ʋe nɛi ɓaa, ga nà doun zunu zɔlɔɔsu, nɛ̀igi pɔ̀lɔzaɠagai na?›
439	GEN 18:14	Faa ɠa ná nɛi ɓaa, nii Ɠɔoɠɔ GALAGI la zooga kɛɛzu? Konagi nii é ʋaazu, niima yeeɠɛɠalai nɔ zu, nà ʋaazu ʋolu è ʋɔ bɛ, Sala ɠa doun zunu zɔlɔɔ.»
440	GEN 18:15	Sala luani, é zɛɛi wo, é ɠɛ ma: «Gè la ɲɛɛ woni.» Kɛlɛ Ɠɔoɠɔ GALAGI ɠɛni ma: «Ga ɠite, è ɲɛɛi wogɛ.»
442	GEN 18:17	Ɠɔoɠɔ GALAGI ɠɛni ma: «Gè la naa lɔɔɠuzu Aɓalaame ʋa, nii gè ʋaazu kɛɛzu.
444	GEN 18:19	Mazɔlɔɔ gè yiimazeɠeʋɛ la, nii a kɛ, é devei ve ná-dointi zea, ta mavofodaiti, ga ti Ɠɔoɠɔ GALAGI yiimai ɠɛ, ti yɛ sɔledai ta telebodai ɠɛɛzu, naa ɠa a kɛ gè minazeɠegiti daazeeli, niiti gè ti woni bɛ.»
445	GEN 18:20	Ɠɔoɠɔ GALAGI ɠɛni Aɓalaame ma: «Sɔdɔme ta Gɔmɔɔl ti maalɔɔ ɓee wooi zuwɔɔlɔa, ta-ɠotoi ɓaaɠoa gola.
447	GEN 18:22	Zunui naati ti liini ga Sɔdɔme ʋele, siɛgi zu Aɓalaame ɠɛni loni la dɛ Ɠɔoɠɔ GALAGI ɠaazu.
451	GEN 18:26	Ɠɔoɠɔ GALAGI ɠɛni ma: «Ni nà telebo nu ʋuulɔɔlugɔ (50) ɠaana Sɔdɔme taazuʋɛ, nà taai kpein suvaayɛ ti maaʋele ma.»
453	GEN 18:28	Tanisu telebo nu ʋuulɔɔlugɔi (50) ɠaaɠaaʋoola ga dɔɔlugɔ, dɔɔlugɔ vai zu, ɗa taai kpein suɠoloɠolo ɓaa?» Ɠɔoɠɔ GALAGI ɠɛni ma: «Gè la taai zuɠoloɠologa, ni nà telebo nu ʋuunaanigɔ maazu lɔɔlugɔ (45) ɠaana ná.»
454	GEN 18:29	Aɓalaame kpɔɛi zeɠeni ʋolu mɔnɔ, é ɠɛ ma: «Tanisu telebo nu ʋuunaanigɔ (40) nɔ ɠa é ná.» Ɠɔoɠɔ GALAGI ɠɛni ma: «Gè la suɠoloɠologa naama nu ʋuunaanigɔi (40) maaʋele ma.»
455	GEN 18:30	Aɓalaame ɠɛni ma: «Màliɠii, soma kae è mina yiiɠaawana, tɔɔzei nà ɠilizu faa ɠilagi ʋa. Tanisu telebo nu ʋuusaʋagɔ (30) ɠa é ná.» Ɠɔoɠɔ GALAGI ɠɛni ma: «Ni nà telebo nu ʋuusaʋagɔ (30) ɠaana ná, gè la taai zuɠoloɠologa.»
456	GEN 18:31	Aɓalaame ɠɛni ma: «Wɛlɛ, nà zoosu gè ɓɔɛ Màliɠii ʋɔ. Tanisu telebo nu ʋuufelegɔ (20) ɠa é ná.» Ɠɔoɠɔ GALAGI ɠɛni ma: «Gè la taai zuɠoloɠologa nu ʋuufelegɔi (20) maaʋele ma.»
457	GEN 18:32	Aɓalaame ɠɛni ma: «Màliɠii, soma kae è mina yiiɠaawana, gè la mɔ kpɔɛ ɠili nɔpɛ bosu, é ɠula nii ʋolu. Tanisu telebo nu puugɔ ɠa ɠɛ ná.» Ɠɔoɠɔ GALAGI ɠɛni ma: «Gè la Sɔdɔme zuɠoloɠologa naama nu puugɔiti maaʋele ma.»
458	GEN 18:33	Siɛgi zu ti ɓeni la ga yɛpɛ ta Aɓalaame, Ɠɔoɠɔ GALAGI liini. Aɓalaame ɓalaagi ɠaleni ma seizuʋɛ.