2	GEN 1:2	Kɛʋele ɠila ge la ɠɛni zooi ʋa, suɲakai ɠɛni de. Kpidii ʋɛɛni ziɛ wolai ɠa. GALA Zɛnvui ɠɛni leʋeteʋesu ziɛi ɠa.
6	GEN 1:6	GALA ge ɠɛni ma: «Zɔɠɔzu ɠɛ ziɛiti ba, é ziɛiti zeeɠaaɠwɛ ta ziɛiti.»
9	GEN 1:9	GALA ge ɠɛni ma: «Ziɛiti ti geeɠɔlɔgi wu, naati ti ɠaalɛ ba ada ɠila, ada vɔɔi ɠula kɛlɛma.» Naa ɠɛɛni ɠana nɔ.
10	GEN 1:10	GALA ge ma vɔɔi laasei pɛɛni ga zooi. Ziɛiti ti ɠaalɛai ba, é naati daasei pɛɛ ga kpoloɗɛiti. GALA ge kaani ga naa ʋagɛ.
11	GEN 1:11	Naa ʋolu GALA ge ɠɛni ma: «Zooi pɔnɔba aniiti kula, eɠɛʋelei ti-ma ziiti ti la: tufai nii ma waai su a ɠɛ ga ma zuwui, ta gwaa wuluiti, niiti ti-ma waai ti zu ta ɠɛ ga ma zuwui.» Naa ɠɛɛni ɠana nɔ.
12	GEN 1:12	Zooi pɔnɔba aniiti kulani, eɠɛʋelei ti-ma ziiti ti la: tufai nii ma waai su a ɠɛ ga ma zuwui, ta gwaa wuluiti, niiti ti-ma waai ti zu ta ɠɛ ga ma zuwui. GALA ge kaani ga naa ʋagɛ.
20	GEN 1:20	GALA ge ɠɛni ma: «Ziɛ wu ani vuluiti ti wola mɔin ziɛiti bu, wɔniiti ti ɗa ɠoʋe geezuʋɛ, zooi maazu.»
24	GEN 1:24	GALA ge ɠɛni ma: «Zooi fuluaniiti kula, eɠɛʋelei ti-ma ziiti ti la: toganiiti, ta kpokpo ganiiti, ta dɔɓɔ zuaiti, eɠɛʋelei ti ɠilagilagi ti-ma ziiti ti la.» Naa ɠɛɛni ɠana nɔ.
40	GEN 2:9	É gului ma zii kpein pɔnɔni zooi ɠa, ti ʋɛtɛga maanɛai, ti-ma waaiti nɛai. Zɛnvu wului ɠɛni loni kpelei zaamaʋɛ, naa ʋɛɛ gului ʋa, nii é faa ʋagɔi ta faa ɲɔi yɔɠɔzuɠwɛɛ pelei lɛɛzu.
41	GEN 2:10	Ziɛ wolai ɠɛni ɠulazu Edɛn yooi zu, é ɗa ʋu kpelei ma. Kulaai ma ná ʋa, gaaɠwɛɛni su ga ma ɓeke naanigɔ.
42	GEN 2:11	Ma mɔungi laaseigi ɠɛni ga Pison, naa ɠa kakuɠakugai Ɠavila yooi ná pɛ su. Zanugi ɠa ɗa ɠa zooi naa zu,
45	GEN 2:14	Saʋasiɛi laaseigi ɠɛni ga Tigele, naa ɠa é yeizu Asuul laai zu folo ɠulazu ʋelei. Ziɛ wolai naanisiɛi ɠa é ga Ufelate.
51	GEN 2:20	Zunui daaseigiti pɛɛni toganii pɛ ba, ta wɔniiti, ta dɔɓɔ zuaiti kpein. Kɛlɛ zunui la ɠɛni kpɔba nu ʋagɔ zɔlɔɔni.
54	GEN 2:23	Zunui ɠɛni ma: «Niizu nii ɠa é ga kaei, nii é ga mà ɠaei, kpusɛi nii é ga kpùsɛi. Daaseigi ɠa ʋɛɛ ga anzanui, mazɔlɔɔ kulaʋɛ zunui zu.»
56	GEN 2:25	Zunui ta anzai ti felegɔ ti ɠabei ɠɛni de, kɛlɛ ti la ɠɛni unfesu ɓɔɠɔ ɠaazu.
64	GEN 3:8	Kpɔkɔ lɛilɛigi, ti Ɠɔoɠɔ GALAGI lugi mɛnini, é ɗa ziɛziɛ kpelei zu. Zunui ta anzai ti lɔɔɠuni poun Ɠɔoɠɔ GALAGI ʋa kpele zu wuluiti saama.
68	GEN 3:12	Zunui gooɠaaʋoteni, é ɠɛ ma: «Anzanui nii è fea zèa, ga gi eteai ziɛ ʋɔɔma, naa ɠa é gulu waai vea zèa, gè ta mi.»
81	GEN 4:1	Zunui anzai Ɛve laani ʋolu, naa kogi zeɠe, é sɔlɔɔ ga Kayɛn, é ɠɛni ma: «Gè zunu zɔlɔɔga ga Ɠɔoɠɔ GALAGI ná-kpɔbai maaʋele.»
87	GEN 4:7	Gaaɠalagɛ ga ni ɗa faa ʋagɔi ɠɛɛna, ɗa ɠaazuʋɛ wuzeɠe, kɛlɛ ni ɗa faa ɲɔi ɠɛɛna, kotoi ɠa laani ɗa-ʋɛlɛlaʋɛ. Ziima vai ɠa ɠɛ ga é zei è unda, kɛlɛ ɗɔun, vɔni ma.»
138	GEN 5:32	Nowe ná-konagi ɠɛai ma ga undɔɔlugɔ (500), é Sɛme ta Same ta Zafɛteni sɔlɔɔni.
148	GEN 6:10	Nowe doun zunu saʋagɔ zɔlɔɔni: Sɛme, ta Same, naa ʋɛɛ Zafɛte ʋa.
173	GEN 7:13	Naama voloi ɓɔɠɔi nɔ ɠa Noweni ti lɛɛni la keingi zu, tɔun be, Sɛme ʋe, Same ʋe, ta Zafɛte, é ɓɔ anzai ʋa ta ná-doun anza saʋagɔiti,
177	GEN 7:17	Ziɛve golai yɛni lɛɛzu, é kɛ ga folo ʋuunaanigɔ (40) eteai zu. Ziɛi veni, é keingi wuzeɠe zooi maazu.
178	GEN 7:18	Ziɛi veni, é wola lɛ su eteai zu. Keingi ɠɛni ziɛzu ziɛi ɠa.
179	GEN 7:19	Ziɛi ɠɛni lɛɛzu su nɔ, eyɛsu é gize ɠaaɠoozagiti pɛ maaɓɔɔle geeɠɔlɔgi wu eteai zu ná pɛ.
180	GEN 7:20	Ziɛi lɛɛni gizeiti maazu ga mɛtɛlɛ lɔfela ɠɛɠala, ti pɛ maalɔɔɠuni.
184	GEN 7:24	Ziɛvegi yɛni eteai zu eyɛsu folo ungila folo ʋuulɔɔlugɔ (150).
186	GEN 8:2	Zooi wu ɗɛungiti ta geeɠɔlɔgi ma ʋɛlɛlaʋɛti daaɠuluni, tonai teʋe.
187	GEN 8:3	Ziɛi maa ɠɛni yeizu vaa, é ɗa zeɠe zooi ma, maalɔini folo ungila folo ʋuulɔɔlugɔ (150) laawu.
189	GEN 8:5	Ziɛi ɠɛni ba maa ɗa yei, eyɛsu alugi ʋuusiɛi. Naama alugi ma volo mɔungi, gizeiti tɔungiti ti ɠulani kɛlɛma.
212	GEN 9:6	Zɔi a nu ɲama ʋu, tɔ ɓalaa nu ɠili ka ma ɲamai ʋu, mazɔlɔɔ GALA ge nui ɓɛtɛʋɛ ga maaniinigi ɠɛʋele.
221	GEN 9:15	nà ɠizɛ nà-minazeɠegi zu, é ade yɔɠɔzu, nà-o, wa-o, ta nii kpein é vulua. Ziɛi la mɔ vega, é ʋa fuluanii kpein koloɠolo.
224	GEN 9:18	Nowe ná-doun zunuiti ti ɠulani keingi zu, ti ɠɛni ga niiti: Sɛme, Same, ta Zafɛte. Kanaan kɛɛɠɛ ɠɛni ga Same.
229	GEN 9:23	Sɛme ta Zafɛte ti tookɔba wolai zeɠeni, ti pɛɛ ɠɔma, ti ziɛ ga ʋolu ʋelei, ti pɛɛ ti-ɠɛɛ ma, kabei lɔɔɠu. Tɛi ti ʋoluavega ɠɛni de, ti la ɠɛni ti-ɠɛɛ ɠabei ɠaani ɲɛgɛlɛin.
233	GEN 9:27	GALA ge Zafɛte zeizuʋɛ maawɔɔlɔ, é zei Sɛme ná-seɠe ɠotaiti bu, Kanaan ɠa ɠɛ ga ná-duɔi!»
234	GEN 9:28	Ziɛve golai ʋoluma, Nowe kɛɛni ga kona unsaʋagɔ puulɔɔlugɔ (350).
236	GEN 10:1	Ziɛve golai leʋega ʋoluma, Nowe ná-doun zunuiti, Sɛme, Same ta Zafɛte, ti dointi sɔlɔɔni. Ti-mavofodaiti daaseigiti ti ɠɛni ga:
237	GEN 10:2	Zafɛte mavofodaiti ti ɠɛni ga: Gɔmɛɛl, Magɔge, Madayi, Yavan, Tuɓale, Meesɛke, ta Tilase.
256	GEN 10:21	Sɛme doun zunuiti ɓalaa sɔlɔɔni, toɠa é ɠɛni ga Eɓɛɛl lointi kpein ti-mɛmɛwolai, Zafɛte nɔnɔ liɛi.
277	GEN 11:10	Sɛme mavofodai ɠaa: Ziɛve golai leʋegai ma, é ɠɛ ga kona felegɔ, Sɛme ná-konagi ɠɛni ga ungila (100), é Aalepakesade zɔlɔɔni.
300	GEN 12:1	Ɠɔoɠɔ GALAGI ɠɛni Aɓalame ma: «Zeɠe ɗa-yooi zu, ɗa-wolodai zu, è ɠula è-ɠɛɛ ʋɛlɛi wu, li zooi naa zu, ʋɛ gè ná lɛɛzu ga ɗe.
328	GEN 13:9	Zooi kpein ka è ɠakala. De ɠaaɠwɛɛna ma mu, ni ɗa liina ga nu ɠɔʋɛzu ʋelei, nà li ga nu yeezazu ʋelei, ni ɗa liina ga nu yeezazu ʋelei, nà li ga nu ɠɔʋɛzu ʋelei.»
329	GEN 13:10	Lɔte ɠaazuwuzeɠeni, é wɛlɛ, é Zuludɛn nɛmɛ wolai ɠa, nii zɛɓɛa ɠɛni de ɲɛgɛlɛin. Ɠɔoɠɔ GALAGI ɠɛɛzu é ʋa Sɔdɔme ta Gɔmɔɔl ɠoloɠolo, ná ɠɛni eɠɛ Ɠɔoɠɔ GALAGI ná-kpelei, eyɛsu é zeeli Sɔwaal, kulaai ga Ezipete yooi ɠɛʋele.
330	GEN 13:11	Lɔte yiimazeɠeni ga Zuludɛn ma nɛmɛ wolai kpein, é liini ga folo ɠulazu ʋelei. Ʋele ɠana ti felegɔ ti ɠaaɠwɛɛni ma la.
342	GEN 14:5	Kona puugɔ maazu naanisiɛi (14) ma, Kedɔɔl-Lawɔmɛɛl ta masagiti ti ɠɛni polu, ti ʋaani, ti zobo sɔlɔɔ Leefa mavofodaiti ma Asetelɔte-Kaalenayime, ta Zuze mavofodaiti ti Ɠame, ta Eme mavofodaiti ti Savee-Kiliyatayime,
366	GEN 15:5	Naa ʋolu GALA ge ɠulani la eteaʋɛ ná-seɠe ɠotai ʋoluʋɛ, é ɠɛ ma: «Geeɠɔlɔgi ɠaaʋɛ ʋɛtɛ, è somideɠaiti gaalu, ni ɗa zoo è ti ɠaalu.» É ɠɛni ma mɔnɔ: «Zekana è-mavofodaiti tiegɔi a ɠɛ la.»
399	GEN 17:1	Aɓalame ná-konagi ɠɛai ma ga puutaaʋuu maazu taaʋuu (99), Ɠɔoɠɔ GALAGI ɠulani bɛ kɛlɛma, é ɠɛ ma: «Nà ɠa gè ga GALA Zɛbɛi-Pɛ-Maliɠii. Ɗa-eteai ziɛ gàazu ga pagɔ, zelilomazu mina ɠɛ è ʋa.
403	GEN 17:5	Za ʋoluma, è la mɔ loliga ga Aɓalame, kɛlɛ è-laaseigi ɠa ɠɛ ga Aɓalaame, mazɔlɔɔ nà è ɠɛɛzu ga zii mɔinmɔingaa ti-ɠɛɛ.
410	GEN 17:12	Zunuiti kpein ta ɠɛ wo zaama, wa ɗa ti lati pɛlɛʋolu foloi lɔsaʋasiɛi ma, é ɠɛ ɠana wo-mavofodaiti kpein su, é zɔlɔɔni pɛlɛi wu, ɓaa é ɠeyani ga walii, wɛɛin é ga duɔi, niiti ti la ga è-mavofoda.
412	GEN 17:14	Zunui nii é la latini pɛlɛʋolu kpusɛi zu, naa ɓe ka leʋe ná-nuɓusɛiti ba, tɔɔzei é nà-minazeɠegi ɠoloɠologa.»
425	GEN 17:27	Zenɔ ɠana é ɠɛni la ga ná-pɛlɛ wu zunuiti kpein, niiti ti zɔlɔɔni ná-pɛlɛi wu, ta wɛɛinti ti ɠeyani ga walii, ti pɛ ti latini pɛlɛʋolu ta tiye.
441	GEN 18:16	Zunuiti ti wuzeɠeni ga ti li, ti wɛlɛ ga Sɔdɔme ʋele. Aɓalaame ti ʋuuni ga pele, é vali ti ma.
443	GEN 18:18	Zii wolai nii zeeɠaaɓaai, toɠa ɠɛɛzu ga naa mɛmɛwola. Eteai zu zii kpein ka tuyai zɔlɔɔ maaʋele ma.
447	GEN 18:22	Zunui naati ti liini ga Sɔdɔme ʋele, siɛgi zu Aɓalaame ɠɛni loni la dɛ Ɠɔoɠɔ GALAGI ɠaazu.
463	GEN 19:5	Ti Lɔte lolini, ti ɠɛ ma: «Zunuiti ta mini, niiti ti ʋaai è ʋɔ bɛ kpidii? Ti ɠula, è ʋa ga tiye gi ʋɔ, gi ɓɛdɛ ɠula ga tiye.»
467	GEN 19:9	Ti ɠɛni ma: «Zeɠe lɛɛ ʋɛ!» Ti ɠɛni ma mɔnɔ: «Ɗɛi è ga seikɔɠɔma nu nɔ, è ʋaai, ɗa pɔ è ɠɛ ga tukpɔɠaaleʋe nu! Ɓe nɔ, nii gi kɛɛzu ga ɗe, naa ɠa ɲɔu tɔnɔi ʋa.» Ti Lɔte ɓakpani ga ɲɔuɗa, ti maaɓuɠani kpogi ʋa, ga ti koloɠolo.
468	GEN 19:10	Zunu felegɔiti ti ɠɛni Lɔte ʋɔ bɛ, ti soni, ti mɛɛn pɛlɛi wu, ti pɛlɛi laaɠulu.
470	GEN 19:12	Zunu felegɔiti ti ɠɛni Lɔte ma: «Ɓɛgele ɠa é è ya ʋɛ mɔnɔ? È-nɛkoiti, è-loun zunuiti, è-loun anzanuiti, nii kpein é ga ɗɔnɔ taazuʋɛ ʋɛ, ti pɛ kula niima adaʋɛ ʋa.
495	GEN 19:37	Nu ɠite gelei doun zunu zɔlɔɔni, é daasei pɛɛ ga Moaɓe. Zaaɠaza toɠa é ga Moaɓe nuiti ti-mɛmɛwolai.
496	GEN 19:38	Loungo gelei ɓalaagi doun zunu zɔlɔɔni, é daasei pɛɛ ga Ɓɛne-Ami. Zaaɠaza toɠa é ga Amɔn nuiti ti-mɛmɛwolai.
566	GEN 22:18	Ziiti kpein ti eteai zu, ta tuyai zɔlɔɔ è-mavofodai maaʋele ma, tɔɔzei è gòoi zogɛ.»
589	GEN 23:17	Zekana Efelon ná-kpalagi é Makepeela, Mamelee letemaʋɛ, kpalagi ta pugi é ná, guluiti ti kpalagi zu, kwɛpelemaʋɛ maaɠoolii zu,
613	GEN 24:21	Zunui la ɠɛni faa nɔpɛ boni, é ɠɛni nɔ ɓɔɠɔ ɠaazaɠasu, é ɗa wɛlɛ, ni Ɠɔoɠɔ GALAGI ɠa ná-siɛi nɛɛzu, ɓaa ni é la nɛɛzu.
618	GEN 24:26	Zunui nɔkɔni Ɠɔoɠɔ GALAGI wu,
661	GEN 25:2	Dointi é ti zɔlɔɔni bɛ ti-laaseigiti ti ɠɛni ga: Zimelan, Yɔkesan, Medan, Madiyan, Yiseɓake, ta Sua.
676	GEN 25:17	Isemayɛle zii ma voloi kpein ge ɠɛni ga kona ungila puusaʋagɔ maazu lɔfela (137). Zii looni, é za, é li mɛmɛwolani pɔ ti zaai.
682	GEN 25:23	Ɠɔoɠɔ GALAGI ɠɛni ma: «Zii felegɔ ɠa é è ɠoozu, nuɓusɛiti ma zii felegɔ ɠa ɠaaɠwɛɛzu, ta ɠɛna zɔlɔɔga, ti ɠula è ɠoozu. Gilagi zɛbɛi ɠa wɔɔlɔ é leʋe zɔi ʋa, nu ɠitei ɠa lɔ loungoi yeezu.»
685	GEN 25:26	Naa ʋoluma, deɠei zɔlɔɔni, zeei Ezawu ɠɔɠɔ libiligi zogai. Ti daaseigi ʋɛɛni ga Zakɔɓe. Kona ʋuulɔzita (60) ɠa Izaake kɛɛni kpein, ti zɔlɔɔ siɛgi zu.
686	GEN 25:27	Doun zunu felegɔi niiti ti kulasui woni. Ezawu ɠɛni ga dosoi zeeletegai, ta dɔɓɔ ziɛ nui, kɛlɛ Zakɔɓe ɠɛni ga zunui ná-fai ɠaalɛiɗai, é nɛɛni bɛ ga é yɛ nɔ seɠe ɠotaiti bu.
687	GEN 25:28	Izaake Ezawu nɛɛni ʋɛ, tɔɔzei dɔɓɔ zuai nɛɛni bɛ. Kɛlɛ Eleɓɛka Zakɔɓe nɛɛni ʋɛ.
688	GEN 25:29	Foloi ta, Zakɔɓe ɠɛai ma tɔɠɔi ɓɔlɔzu, Ezawu zeɠeni dɔɓɔi zu, gola ɓɔlɔai.
689	GEN 25:30	Ezawu ɠɛni Zakɔɓe ma: «Tɔɠɔ ɓɔi kpɔlɔi nii ta ve zèa, gè mi, mazɔlɔɔ kpɔ̀lɔʋɛ gola.» Naa ɠa é kɛɛni ti Edɔme laaseigi ʋɛɛni la Ezawu ʋa.
690	GEN 25:31	Zakɔɓe gooɠaaʋoteni, é ɠɛ ma: «Ɗa-loun mɔun tosuʋɛ ʋɔdi mà dɛ.»
692	GEN 25:33	Zakɔɓe ɠɛni ma: «Ɠonana dɛ bɛ̀.» Ezawu ɠonani bɛ, é ná-doun mɔun tosuʋɛ ʋɔdi Zakɔɓe ma.
693	GEN 25:34	Názu ɠa Zakɔɓe ɓului ta tɔɠɔ ɓɔlɔiti feeni la Ezawu ya. É daamii woni, é ɓɔɔle. Naa ʋolu é wuzeɠeni, é li. Zekana Ezawu doun mɔun tosuʋɛ ʋɛlɛʋɛlɛni da.
706	GEN 26:13	Zunui nii ɓɛtɛni, é ɠɛni liizu nɔ ga ɓɛtɛa, eyɛsu é ɠɛ ga kpɛtɛ nu wola.
713	GEN 26:20	Baala makɛ nuiti ti ɠɛni Geelaal, ti kpɔɛi ʋɛɛni Izaake ná-baala makɛ nuiti ba, ti ɠɛ ma: «Ziɛi ɠa ga gɔnɔ!» É ziɛyeɠei laasei pɛɛni ga Esɛke (nii poluʋɛ ga «maaɠaalii»), tɔɔzei ti kpɔɛi ʋɛɛni ba ziɛyeɠei ná-faa zu.
727	GEN 26:34	Ezawu ná-konagi ɠɛai ma ga puunaanigɔ (40), é Ɠɛte nui Ɓeeli ná-doun anzanui Zudite zeɠeni ga anza, ta Ɠɛte nui Elon ná-doun anzanui Ɓasemate.
734	GEN 27:6	Eleɓɛka ɠɛni ná-doun zunui Zakɔɓe ma: «Wɛlɛ, gè è-ɠɛɛ woomɛnigɛ, é ɗa ɓɔɛ è-liɛ Ezawu ʋɔ, é ɠɛ ma:
739	GEN 27:11	Zakɔɓe dee wooɠaaʋoteni, é ɠɛ ma: «Ungo, kɛlɛ dìɛ Ezawu ɠa ga deɠaleɠa nu, nɔ̀un nà, gè la ga naama nu.
742	GEN 27:14	Zakɔɓe liini, é ti zeɠe, é ʋa ga tiye dee ʋɔ. Naa daaɠolii woni, eɠɛʋelei nɛai la kɛɛɠɛ ʋɛ.
743	GEN 27:15	Naa ʋolu, Eleɓɛka ná-doun zunu mɔungi Ezawu ná-seɠeiti seɠeni, niiti ti wola ʋaga ɠɛni de, ti ɠɛni pɛlɛi wu, é ti loo ná-doun zunui loungo gelei Zakɔɓe ɠɔba.
745	GEN 27:17	Daamiani nɛɛnɛgi ta ɓului niiti é ti ɓɛtɛni, é naati feeni ná-doun zunui Zakɔɓe ya.
747	GEN 27:19	Zakɔɓe kɛɛɠɛ wooɠaaʋoteni, é ɠɛ ma: «Nà ga Ezawu, è-loun zunu mɔungi. Gè naa ɠɛa, nii è bogai mà. Nà è maanɛɛnɛzu, wuzeɠe, è zei, è nà-sua ɓɛtɛai mi, naa ɠa a kɛ è tuya loo bɛ̀.»
748	GEN 27:20	Izaake ɠɛni ná-doun zunui ma: «È kɛɛʋɛ ɠale, dòun zunu, è suai ta zɔlɔɔgai gaamanɔ?» Zakɔɓe gooɠaaʋoteni, é ɠɛ ma: «Ɠɔoɠɔ GALAGI ɗa-ƓALAGI ɠa é ʋaa la pɔ̀.»
749	GEN 27:21	Izaake ɠɛni Zakɔɓe ma: «Maaɓuɠa lɛɛ bà, dòun zunu, gè yeevɔɔɠu è ʋa, gè ɠɛ kwɛɛ, ni ɗa ga dòun zunui Ezawu, ɓaa ni é la ga tɔun.»
750	GEN 27:22	Zakɔɓe maaɓuɠani kɛɛɠɛ Izaake ʋa, naa yeeʋɛɛpɛɛ ba, é ɠɛ ma: «Kpɔɛ ʋelei ɠa ga Zakɔɓe ɓɔɛ ʋelei, kɛlɛ zeeiti ta ga Ezawu yeeiti.»
752	GEN 27:24	É gaazaɠani dɛ, é ɠɛ ma: «Ɗa ɠa nɛi è ga dòun zunui Ezawu ɓaa?» Zakɔɓe gooɠaaʋoteni, é ɠɛ ma: «Nà ʋe.»
753	GEN 27:25	Izaake ɠɛni ma: «Dòun zunu, ɗa-zuai ta veena zèa, naa ɠa a kɛ gè mi, gè tuya loo è ʋɛ.» Zakɔɓe feeni zea, é mi, é ʋa pɔ ga dɔɔi ɓalaa, é kpɔle.
755	GEN 27:27	Zakɔɓe maaɓuɠani ba, é nɛɛnɛ ga daaʋɛ komagai. Izaake ná-seɠeiti makugi mɛnini. Naa ʋoluma, é tuya looni bɛ, é ɠɛ ma: «Ungo, dòun zunui makugi ɠɛɛʋɛ eɠɛ kpalagi makugi, nii Ɠɔoɠɔ GALAGI tuya loai bɛ.
757	GEN 27:29	Nuɓusɛiti ti ɠolo è ʋɛ, ziiti ti boti ɠɛ è ʋɛ. È ɠɛ ga è-ɠɛɛleaiti ti-maliɠii, è-leelointi ti boti ɠɛ è ʋɛ. Zɔi a è voovo, naa ɠa voovo, zɔi a tuya loo è ʋɛ, tuya ɠa naa ʋɛ.»
758	GEN 27:30	Izaake ɓeni nɔ ga tuya loo Zakɔɓe ʋɛ, Zakɔɓe zeɠezuʋɛ nɔ feya kɛɛɠɛ Izaake ʋɔ bɛ, diɛ Ezawu ɗa unkula, é zeɠe doso ziɛ bosuʋɛ.
764	GEN 27:36	Ezawu ɠɛni ma: «Tɛi daaseigi ʋɛai ga Zakɔɓe, naa ɠa é yàavaai la ná zeizu ɠɛ fele ɓaa? É nà-doun mɔun tosuʋɛ zeɠea, é ʋaa mɔnɔ niizu, é nà-tuyai zeɠe!» É ɠɛni kɛɛɠɛ ma: «È la tuyai ta makɛni bɛ̀ ɓaa?»
769	GEN 27:41	Ezawu Zakɔɓe wɔinzeɠeni, tɔɔzei tuyai ʋa kɛɛɠɛ boni bɛ, é ɗa ɠɛ yiimaʋɛ: «Kɛ̀ɛ zaa voloi maa ɠana ɓuɠa, nà dèɠei Zakɔɓe ʋaa naama yeei.»
770	GEN 27:42	Ti Eleɓɛka ná-doun zunu mɔungi Ezawu wooiti boni ma. É ná-doun zunui loungo gelei Zakɔɓe lolini, é ɠɛ ma: «Wɛlɛ, è-liɛ Ezawu ɠa ɠɛɛzu é potokulai ɠɛ, é è ʋaa.
774	GEN 27:46	Eleɓɛka ɠɛni Izaake ma: «Zɛnvui wɔinzeɠea mà, Ɠɛte ná-doun anzanui niiti ta-vaa zu. Ni Zakɔɓe ɓalaa ka zooi niizu anzanui ta zeɠena, zɛnvui ɠa bɛ̀ ga leeni názu?»