231	GEN 9:25	é zɛba é ɠɛ ma: «Kanaan ɠotoʋɛ! Toɠa ɠɛ ga kɛɛɠɛleaiti ta-luɔiti tɔnɔ ma luɔi!»
318	GEN 12:19	Lee vaa zu è ɠɛai mà: ‹Bàazeelai ʋe?› Naa ɠa é kɛai gè seɠeai ga ànza. È-anzai ɠaa niina, seɠena, è li!»
357	GEN 14:20	Mamagi ɠa GALA bɛ, nii é Anii-Pɛ-Unda, nii é vaa bu, è zobogi zɔlɔɔ è zili nuiti ma!» Aɓalame kɔɔzoganiiti pɛ ma ʋuusiɛi veeni zea.
467	GEN 19:9	Ti ɠɛni ma: «Zeɠe lɛɛ ʋɛ!» Ti ɠɛni ma mɔnɔ: «Ɗɛi è ga seikɔɠɔma nu nɔ, è ʋaai, ɗa pɔ è ɠɛ ga tukpɔɠaaleʋe nu! Ɓe nɔ, nii gi kɛɛzu ga ɗe, naa ɠa ɲɔu tɔnɔi ʋa.» Ti Lɔte ɓakpani ga ɲɔuɗa, ti maaɓuɠani kpogi ʋa, ga ti koloɠolo.
472	GEN 19:14	Lɔte ɠulani, é li, é ɓɔɛ naati pɔ, niiti ti ná-doun anzanuiti maazoni, é ɠɛ ti ma: «À wuzeɠe, wo ɠula niima adaʋɛ ʋa, mazɔlɔɔ Ɠɔoɠɔ GALAGI ɠana ʋa taai ɠoloɠolosu!» Kɛlɛ naati ti naama wooiti kaani ga ɲɛɛvae faa nɔ.
549	GEN 22:1	Niima vaiti pɛ poluma, GALA ge Aɓalaame zuɠɔɠɔni, é ɠɛ ma: «Aɓalaame!» Naa gooɠaaʋoteni, é ɠɛ ma: «Nà ɠaa!»
559	GEN 22:11	Gaamago nɔ, Ɠɔoɠɔ GALAGI ná-geezuɠeelai yɛni geezuʋɛ, é toli, é ɠɛ ma: «Aɓalaame! Aɓalaame!» É gooɠaaʋoteni, é ɠɛ ma: «Nà ɠa!»
610	GEN 24:18	É gooɠaaʋoteni, é ɠɛ ma: «Ɓɔɔle, màliɠii!» É ná-ziɛ liɠii maayeini gaazuvilɛi zu, é ziɛi ve zea, é ɓɔɔle.
652	GEN 24:60	Ti tuya looni Eleɓɛka ʋɛ, ti ɠɛ ma: «Ɗɛi è ga gi-ʋaazeelai, ɗa ɠɛ ga waawaagiti ti-lee! È-mavofodai zobo sɔlɔɔ siliɲɔɠɔiti ma faan!»
713	GEN 26:20	Baala makɛ nuiti ti ɠɛni Geelaal, ti kpɔɛi ʋɛɛni Izaake ná-baala makɛ nuiti ba, ti ɠɛ ma: «Ziɛi ɠa ga gɔnɔ!» É ziɛyeɠei laasei pɛɛni ga Esɛke (nii poluʋɛ ga «maaɠaalii»), tɔɔzei ti kpɔɛi ʋɛɛni ba ziɛyeɠei ná-faa zu.
729	GEN 27:1	Izaake ɠɛni ʋɔlɔzaɠasu, gaazuʋɛti maa ɠɛni ɓidizu, é la mɔ ɠɛni wozaɠaazu ɲɛgɛlɛin. É ná-doun zunu mɔungi Ezawu lolini, é ɠɛ ma: «Dòun zunu!» Naa gooɠaaʋoteni, é ɠɛ ma: «Nà ɠaa!»
762	GEN 27:34	Siɛgi zu Ezawu kɛɛɠɛ wooiti mɛnini da, é ɓainni ga woo wola, é ziiɠaawana ɓeei wola looni, é ɠɛ kɛɛɠɛ ma: «Kɛ̀ɛ, tuya loo bɛ̀, nà ɓalaagi!»
764	GEN 27:36	Ezawu ɠɛni ma: «Tɛi daaseigi ʋɛai ga Zakɔɓe, naa ɠa é yàavaai la ná zeizu ɠɛ fele ɓaa? É nà-doun mɔun tosuʋɛ zeɠea, é ʋaa mɔnɔ niizu, é nà-tuyai zeɠe!» É ɠɛni kɛɛɠɛ ma: «È la tuyai ta makɛni bɛ̀ ɓaa?»
766	GEN 27:38	Ezawu kɛɛɠɛ wooɠaaʋoteni, é ɠɛ ma: «Naama luya ɠilagi nɔ ɠa é è ya ɓaa, kɛ̀ɛ? Nà ɓalaa tuya loo bɛ̀, kɛ̀ɛ!» Ezawu tɔɔzeini ga ɓainga, é ɗa wɔlɔ.
778	GEN 28:4	É Aɓalaame ná-tuyai ve è ya, é ʋɛɛ è-mavofodai ʋa, nii a kɛ zooi è zeini su ga seikɔɠɔma nui, è naa zɔlɔɔ, zooi nii GALA ge feeni Aɓalaame ya!»
790	GEN 28:16	Zakɔɓe wuunni, é ɠula ná-ɲiimɛnii zu, é ɠɛ ma: «Gaamazu Ɠɔoɠɔ GALAGI ɠa niima adaʋɛ, nɔ̀un gè la ɠɛa suɠwɛɛ!»
832	GEN 30:1	Tɛi Lasɛle kaani ga é la doun zɔlɔɔsu Zakɔɓe ʋɛ, é toloi ɠulani ga baazeelai, é ɗa ɠɛ Zakɔɓe ma: «Dounɠa ve bɛ̀, ni naa laade, kɛni gè za!»
842	GEN 30:11	Lea ɠɛni ma: «Niima undaanɛɛ ɠa lee!» É daasei pɛɛni ga Gade.
855	GEN 30:24	É daasei pɛɛni ga Zozɛfe. É GALA falini, é ɗa ɠɛ ma: «Ɠɔoɠɔ GALAGI doun zunu ɠila kpɔ ba bɛ̀!»
932	GEN 32:4	Zakɔɓe ti ɠaai ma, é ɠɛni ma: «GALA ná-kɔɔlaɠai ɠa!» É naama adaʋɛ laasei pɛɛni ga Maɠanayime (nii poluʋɛ ga «kɔɔlaɠa felegɔi»).
976	GEN 33:15	Ezawu ɠɛ ma: «Nà pɔ tɔun gè nà-nuɓusɛiti gilazuʋɛ yɛ è ʋa.» Zakɔɓe gooɠaaʋoteni, é ɠɛ ma: «Lee vaa zu naa a ɠɛ? Gè zaalai zɔlɔɔ nɔ màliɠii ɠaazu!»
1111	GEN 37:27	Ade li, de pɔdi Isemayɛle nuiti ma, de mina yeevɔɔɠu ba, mazɔlɔɔ de-leɠei ɠa ga de-ma ɲamai ta!» Kɛɛɠɛleaiti ti woiloni goo ma.
1117	GEN 37:33	Zakɔɓe kwɛɛni, é ɠɛ ma: «Dòun zunui ná-seɠei ʋe! Sua vilɛi ta soga! Zozɛfe ʋaliʋalia ga!»
1119	GEN 37:35	Ná-doun zunuiti ta ná-doun anzanuiti kpein ti ʋaani gaanɛɛnɛzu, kɛlɛ é la ɠɛni yeezeini gaanɛɛnɛ nɔpɛ bu. É ɠɛni ɠɛɛzu ti ma: «Nà yɛsu wɔlɔzu, eyɛsu gè yei dòun zunui ʋɔ bɛ gɔvɛalaazu!» É ɠɛni ba nɔ, é ɗa wɔlɔ ná-doun zunui zaa vai zu.
1149	GEN 38:29	Kɛlɛ é yeei lɔɔɠuni mɔnɔ, bɔɔlai ɠula etea mɔunpa. Maavie bo anzanui ɠɛni ma: «È ɠulaʋɛ ga zeeɠaaɓaai!» Ti daasei pɛɛni ga Peelɛse (nii poluʋɛ ga «kulazuʋɛ»).
1162	GEN 39:12	É soni ná-seɠei ʋa, é ɠɛ ma: «Laa ga ze!» Zozɛfe ná-seɠei yɛni zea, é ʋela, é ɠula etea ʋelei.
1239	GEN 41:43	É tɛɛni ná-wotoloi velesiɛi zu. Teʋesuʋɛ, ti ɗa zeze kakala ʋelei, ti ɗa ɠɛ: «À ʋilɛ ɲiibiɠa!» Zekana Falaɠɔn Zozɛfe zeini la Ezipete yooi kpein unda.
1281	GEN 42:28	É ɠɛni kɛɛɠɛleaiti ma: «Nà-walii ɠaaɠalegɛ ma ʋolu, wɛlɛ lɛɛ ba nà-ɓɔlɔi zu!» Ti ɠoozuʋilini, ti ɗa lua, ti ɗa ɠɛ ɓɔɠɔ ma: «Leeni ɠa GALA ge kɛa ga adeye?»
1305	GEN 43:14	GALA Zɛbɛi-Pɛ-Maliɠii zaalai ve wo ya zunui naa ɠaazu, é va bu, é yeeɓe wo-ɠɛɛloin zɔi ʋa, ta Ɓɛnzamɛn, ga ti ɠale ma wo ʋɔ. Nɔ̀un nà, ni nà ʋalasu dòinti ma, gè ʋala ti ma!»
1320	GEN 43:29	Zozɛfe wɛlɛni, é Ɓɛnzamɛn ɠa, nii é ɠɛni ga deɠei, dee ná-doun zunui. É gaazaɠagi woni, é ɠɛ ma: «Wo-leɠe zunu ɠaaɓelagi ɠaa, nii wo ná-fai woni mà?» É ɠɛni naa ma: «GALA ge è ɠaazumaawɔinɠa, dòun zunu!»
1359	GEN 44:34	Nà zoo lɛɛzu ɠale kɛ̀ɛ ʋɔ bɛ, ni zunu loungoi la liini pòlu? Ee! Gè mina nimizai ɠa, nii é ʋaazu zeelizu kɛ̀ɛ ma!»
1360	GEN 45:1	Zozɛfe la mɔ ɠɛni ziɛni ná wu, é ʋa ɓɔɠɔ zuzo naati kpein gaazu, ti ɠɛni loni maaɠoolii zu. É wooɠulani, é ɠɛ ma: «À nuiti kpein kula!» Nu nɔpɛ ge la ɠɛni yɛni Zozɛfe ɠoba, siɛgi zu é ɠɛni ɓɔɠɔ lɛɛzu la ga kɛɛɠɛleaiti.
1389	GEN 46:2	GALA ge ɓɔɛni Izelayɛle ʋɔ kulakɛlɛmaiti su kpidii naa. É tolini, é ɠɛ ma: «Zakɔɓe! Zakɔɓe!» Izelayɛle gooɠaaʋoteni, é ɠɛni ma: «Nà ɠaa!»
1417	GEN 46:30	Izelayɛle ɠɛni Zozɛfe ma: «Nà zoo zaazu niina, tɔɔzei gè è-ɠaazuʋɛ ɠaa, ɗa dɛ vulua!»
1522	GEN 50:15	Zozɛfe kɛɛɠɛleaiti ti kaai ma ga ti-ɠɛɛ zaa, ti ɠɛni ma: «Ni sɛi Zozɛfe a ɠɛna, é ɠɛ ga ade zili nu, faa ɲɔi kpein de kɛɛni la, é ti ʋotokula ade ma!»
1524	GEN 50:17	‹Wa ɓɔɛ Zozɛfe ʋɔ ɠani ga: Nà è maanɛɛnɛzu, è-ɠɛɛleaiti ta-ɲamaba vai zuvaayɛ, ta ta-ɠotoi, mazɔlɔɔ ti faa ɲɔi ɠɛɛʋɛ ga ɗe.› Gá è maanɛɛnɛzu, è-ɠɛɛ ná-GALAGI ná-botiɠɛ nuiti gá-ɠotoi zuvaayɛ niizu!» Zozɛfe wɔlɔni, siɛgi zu ti ɓɔɛni pɔ la ɠana.
1584	EXO 3:4	Ɠɔoɠɔ GALAGI kaani ga toɠa na lati ga é ná ɠa. GALA ge yɛni kpɔvɔ goi zaamaʋɛ, é toli, é ɠɛ ma: «Moize! Moize!» É gooɠaaʋoteni, é ɠɛ ma: «Nà ɠaa!»
1638	EXO 5:5	Falaɠɔn ɠɛni ma: «Niizu, niima nuɓusɛiti ti mɔinɗa zooi zu, wa ta-wotiiti suɠoloɠolosu!»
1726	EXO 8:11	Názu ɠa molikulagiti ti ɠɛni la Falaɠɔn ma: «GALA ɓɔɠɔi yee ʋogi ʋe!» Kɛlɛ Falaɠɔn ɠigi ɓaani, é la woiloni Moizeni ta Aalɔn woo ma, eɠɛʋelei Ɠɔoɠɔ GALAGI bogai la.
1789	EXO 10:11	Kɛlɛ é la ɠɛɛzu ɠana! Zunuiti à li, wo Ɠɔoɠɔ GALAGI lɛbi, mazɔlɔɔ naa ɠa wo maaɠaazaɠaboni!» Ti ti ɓɛɛni Falaɠɔn ʋɔ bɛ.
2444	EXO 32:5	Siɛgi zu Aalɔn miná ɠaani la, é zalaɠa ɠulazuʋɛ ta ɓɛtɛni nikɛ yiʋoi maaniinigi ʋɛ. É wooɠulani, é ɠɛ ma: «Fɛti wola ɠa ɠɛ ga lina Ɠɔoɠɔ GALAGI lɛbi vai ma!»
2465	EXO 32:26	Moize loni ti-ʋuuzuʋɛ ma ʋɛlɛlaʋɛ, é ɠɛ ti ma: «À ʋa pɔ̀, wɔiti wo ga Ɠɔoɠɔ GALAGI nɔnɔiti!» Leevi ná-bolodamaiti kpein ti ɠaalɛɛni ba koba.
2492	EXO 33:18	Moize ɠɛni ma: «Soma kae, è ɗa-lɛbiyai lɛ ga ze!»
4024	NUM 10:35	Minazeɠe kesui lii la ɠilagila, Moize ɠɛni GALA falii ɠɛɛzu, é ɗa ɠɛ: «Wuzeɠe Ɠɔoɠɔ GALAGI, è zili nuiti ti vaza, niiti ti è wɔinzeɠezu, naati ti ʋela è ʋa!»
4025	NUM 10:36	Siɛgi zu ta la zeina la, é ɠɛni ɠɛɛzu ma: «Ʋa ʋolu Ɠɔɔɠɔ GALAGI, ɗa-nuɓusɛ ɓulu mɔinmɔingiti saama, ti ga Izelayɛle nuiti!»
4031	NUM 11:6	Niizu gá ga ɠaɲa. Gi ʋalagɛ anii kpein ma, kɛni nɔ manegi, yeenɔpɛ nɔ manegi!»
4040	NUM 11:15	Ni ɗa pɔ è zaalai la mà, zɛ̀nvui zeɠe, aisa è ʋa sò ɠani, gè mina nà-maanɔɠɔi ɠa!»
4053	NUM 11:28	Nun ná-doun zunui Zozuwe, nii é ɠɛni ga Moize ná-kpɔba nui, é zo ná-doungo ziɛgi zu ma, naa ɠɛni ma: «Màliɠii, Moize, pele leʋe ti luɠɔ, ti ɓe naa ɠɛɛzu!»
4054	NUM 11:29	Moize ɠɛni ma: «Ɗa mà lolo ɠulazu? Ɠɔoɠɔ GALAGI ná-Zɛnvui yei Izelayɛle nuɓusɛiti pɛ ma, ti ɠɛ ga GALA goo wo nuiti!»
4062	NUM 12:2	Ti ɠɛni ma: «Moize ɠila nɔ lɛi Ɠɔoɠɔ GALAGI ɓɔɛai pɔ! Kpɔɛʋɛ gá ɓalaagi gi ʋɔ!» Ɠɔoɠɔ GALAGI ti-wooi mɛnini.
4073	NUM 12:13	Moize wooɠulani Ɠɔoɠɔ GALAGI ma, é ɠɛ ma: «Ee, GALA, nà è maanɛɛnɛzu, kɛdɛ!»
4109	NUM 13:33	Gi kooza nuiti kaaʋɛ ná ɓalaa, Anake mavofodaiti, nu ɠoozagiti ma zuwuzui. Gi ɠɛa ti ɠoba, é ɠɛ gi ɠaazu, eɠɛ gá ɠɛ ga kotogiti nɔ, tiya ɓalaa, ti ɠaazu, gi ɠɛni eɠɛ kotogaa nɔ!»
4113	NUM 14:4	Ti ɠilagilagiti ti ɠɛni ɠɛɛzu ɓɔɠɔ ma: «Ade yeelo kundiɠi ɠila ba, de ɠale ma Ezipete yooi zu!»
4118	NUM 14:9	Toɠa nɔ ga, à mina wuzeɠe Ɠɔoɠɔ GALAGI laalɔɠɔma. À mina lua zooi naa zu nuiti ba, mazɔlɔɔ ta ɠɛɛzu nɔ ga ade-ɠɔnɔ, niinigi é ɠɛa ti makɛsu, naa maaɠooza ti ʋa, tama Ɠɔoɠɔ GALAGI ɠa ade ʋa. Deɠɛmu, à mina lua ti ʋa pa!»
4121	NUM 14:12	Nà ɗɔfɔ zeeɓɛi ʋɛɛzu ti ʋa, gè ti-ma zuwu ɠaaleʋe, naa ʋolu nà zii ɓɛtɛzu, é ɠula è zu, nii sɛbɛi a wɔɔlɔ, ta é mɔin Izelayɛle ʋa!»
4202	NUM 16:7	ti ti laave ga abulekaiti, ti ani maku nɛɛnɛgi ʋu ga, Ɠɔoɠɔ GALAGI ɠaazu. Nii Ɠɔoɠɔ GALAGI a yiimazeɠe la, naa ɠa ɲadegai. É kula ɠɛa, Leevi ma zuwuzuiti!»
4209	NUM 16:14	È la ʋaani ga giye zou zu, ʋɛ nɔnɔi ta kɔin gulɔi ʋooʋaai ná! È la kpalagaa veeni gi ya, ɓaa kpelea ga gɔnɔ. Ɗa niima nuiti kpein kaazu ga gaazuɠole nuiti? Ɓa-o, gi la liizu pɛ!»
4210	NUM 16:15	Moize wola yiiɠaawanani, é ɠɛ Ɠɔoɠɔ GALAGI ma: «Mina yeezei ta-vebɛanii wu! Gè la ta-ɠɔli nɔpɛ kulani zea, folo ɠila ɓalaa, anɛɛ soovale gila pa, gè la dɛ faa ɲɔu ɠɛɛni ga taɠila ɓalaa!»
4216	NUM 16:21	«À ɠula niima nuɓusɛiti saama, nà ti undaaʋilisu ɠaniɠanigi nɔ!»
4221	NUM 16:26	É ɠɛni nuɓusɛiti ma: «À maaɠooza kotoba nui tɛiti ta-zeɠe ɠotaiti ba. À mina vɔɔɠu ti-yeaɠɔligi tanɔpɛ ba, ni wo la wɔinni, wo undaa ʋa ʋili ta-ɠotoiti faa zu!»
4229	NUM 16:34	Ta-ɓee wooi mɛnigai ma, Izelayɛle nuiti kpein ti ɠɛni loni ná maaɠoolii zu, ti ɓizɛni, ti ɗa kpeei loo, ti ɠɛ ma: «Ade ɓizɛ, zooi mina ade ɓɔle, ada ɓalaa!»
4251	NUM 17:21	Poluma zobui Izelayɛle nuɓusɛiti kpein ti ɠɛni zelii losu Moize ta Aalɔn ma, ti ɠɛ ma: «Wo Ɠɔoɠɔ GALAGI ná-nuɓusɛiti paaʋɛ!» Moize naama leveiti feeni Izelayɛle nuiti zea. Bolodama ɠundiɠiiti gilagilagi tukpɔ ɠilagila feeni zea, é ɠɛ ga tukpɔ puugɔ maazu felegɔ (12). Aalɔn ná-tukpɔi ɠɛni tɔnɔiti saama.
4332	NUM 20:20	Masagi ti wooɠaaʋoteni, é ɠɛ ti ma: «Wo la leʋesu ʋɛ!» Edɔme nuiti ti Izelayɛle laaɠomini ga kɔɔɓɔgi, ti wola mɔin, ti wola yeeɠaaɓaai,
4346	NUM 21:5	Ti tɔɔzeini ga ɓɔɛa GALA daalɔɠɔma ta Moize, ti ɗa ɠɛ ma: «Lee vaa zu wo gi ɠulaai Ezipete yooi ʋa, wo ʋa ga giye, gi ʋa za teʋebai zu? Mazɔlɔɔ ɓulu la ná, ziɛ la ná, niima maanɔɠɔ laamianigi wɔinzeɠea gi ma!»
4348	NUM 21:7	Nuɓusɛiti ti ʋaani, ti Moize ɠa, ti ɠɛ ma: «Gi kotoi ɠɛɛni, siɛgi zu gi ɓɔɛa la Ɠɔoɠɔ GALAGI laalɔɠɔma ta ɗa ɓɔɠɔi. Niizu, soma è Ɠɔoɠɔ GALAGI maanɛɛnɛ, é kaali tɛiti kula gi ma!» Moize maanɛɛnɛi woni nuɓusɛiti bɛ.
4371	NUM 21:30	Gi gá-mɛɛinti pilini Amɔɔl nuiti ma! Niizu zooi pɛ ge ɠoloɠologa, é zo Ɠɛseɓon, eyɛsu é zeeli Diɓon. Eyɛsu é li Nɔfa, é li ɠite Meedeɓa, gi ti kpein koloɠoloni!»
4405	NUM 22:29	Ɓalaame gooɠaaʋoteni, é ɠɛ ma: «Mazɔlɔɔ è ɲɛɛɠulaʋɛ sù. Ee, ni boɠa zɔkpɔ ɠɛni zèa, gè ɠɛa è ʋaazu ɠani nɔ!»
4428	NUM 23:11	Ɓalake ɠɛni Ɓalaame ma: «Leeni ɠa è kɛa ga ze? Gè è zeɠeʋɛ ga è sìli nuiti foovo, wɛlɛ ɗa ba, è ɗa tuya loo ti ʋɛ!»
5680	DEU 28:67	Sobui a zeelina, wo ɗa ɠɛ: «Ee, ni kpɔkɔi ɠɛni de!» Kpɔkɔi wo ɠɛ ma: «Ee, ni sobui ɠɛni de!» Tɔɔzei dualuagi maaʋele ma, nii wo sɔlɔɔsu wo-yiimaʋɛ, ta naama vaiti maaʋele wa ɠɛ ti ɠaazu.
5821	DEU 33:9	Leevi, nii é ɠɛɛzu kɛɛɠɛ ta dee ta-vaa ma: «Gè la wɛlɛzu ti ʋa!» Tɛigi é la zeelɔzɔɠɔzu ɠɛɛni ná-doun zunuiti ta kɛɛɠɛlointi zɔɠɔzu, kɛai ga wooɠɛɠila nu è-laawooi ɠila nɔ ʋɛ, ta ɗa-minazeɠegi.
5871	JOS 1:18	Zɔi nɔpɛ a ɓakana ɗa-ɠundiɠilai laalɔɠɔma, é la ɠoloni ɗa-leveiti kpein bɛ, ta naama nui ʋaa. Yiilɔɔ nɔ, è zɛbɛzeɠe!»
5892	JOS 2:21	É ɠɛni ti ma: «É ɠɛ, eɠɛʋelei wa-minazeɠegi la!» É ɓeni ti ʋa, ti li. É galu ɓɔigi ɠilini ná-fenɛtɛlɛi laaʋɛ.
6003	JOS 7:25	Zozuwe ɠɛni Akan ma: «Lee vaa zu è maanɔɠɔi zeiɗai gi ma? Ɠɔoɠɔ GALAGI maanɔɠɔi zei è ma za!» Gaamanɔ Izelayɛle nuiti pɛ ti sɔɔni ga kɔtui, é za. Ti ná-nuiti pɛ sɔɔni ga kɔtui, ti za. Naa ʋolu, ti ti pɛ gala ta zeaɠɔligiti.
6078	JOS 10:12	Naama volo ná, Zozuwe wooɠulani Ɠɔoɠɔ GALAGI ma, yeei Ɠɔoɠɔ GALAGI feeni la Izelayɛle nuiti bɛ ga ti pilɛ sɔlɔɔ Amɔɔl nuiti ma. Zozuwe wooɠulani Izelayɛle nuiti kpein gaazu, é ɠɛ: «Foloi, lo kpɛ Gaɓaɠɔn maazuʋɛ! Alugi, lo Ayalon nɛmɛi maazuʋɛ!»
6619	JDG 4:18	Yayɛle ɠulani, é Sisela laaɠomi, é ɠɛ ma: «Lɛ ʋɛ, màliɠii, lɛ pɔ̀ bɛ. Mina lua!» É lɛɛni ná-seɠe ɠotai wu, naa pɛɛmazeɠei ʋɛɛni ma.
6648	JDG 5:23	Ɠɔoɠɔ GALAGI ná-geezuɠeelai ɠɛni ma: «À Meelɔze voovo! À foovo, wo ná-taai zu nuiti foovo! Mazɔlɔɔ ti la ʋaani, ti ʋa ɓɔ Ɠɔoɠɔ GALAGI ʋa, ti ʋa ɓɔ Ɠɔoɠɔ GALAGI ʋa, kɔɔɠɔ ɠundiɠiiti saama!»
6668	JDG 6:12	Ɠɔoɠɔ GALAGI ná-geezuɠeelai ɠulani kɛlɛma bɛ, é ɠɛni ma: «Ɠɔoɠɔ GALAGI ɠa è ʋa, kɔɔɠɔ nu wolai!»
6716	JDG 7:20	Ti-zeizu saʋagɔiti pɛ ti puʋugi ʋɛɛni, ti ta-ʋɔlɔ liɠiiti golo. Ti sɔmɔgi zoni ga ti-ɠɔʋɛi, puʋugi ɠɛ ti-yeezai ɠa, ti ɗa fɛ, ti ɗa kpeei loo, ti ɠɛ ma: «À sogi wo ga wa-woɠa zɔkpɔi Ɠɔoɠɔ GALAGI ʋɛ, ta Zeedeyɔn ʋɛ!»
6740	JDG 8:19	Zeedeyɔn ɠɛni ti ma: «Kɛ̀ɛleaiti kana, gi dee ma. Nà ɠonazu Ɠɔoɠɔ GALAGI ma, nii é vulua, ni wo ti yɛni vulua, wo la ti ʋaani, gè la ɓena wo ʋaa pɛ!»
6741	JDG 8:20	É ɠɛni ná-doun zunu mɔungi Yeetɛɛl ma: «Wuzeɠe, è ti ʋaa!» Kɛlɛ zunu loungoi la ɠɛni ná-boɠa zɔkpɔi ɠulani su, tɔɔzei é ɠɛni luazu, mazɔlɔɔ zunu loungoi nɔ ɠɛni de dɛ.
6742	JDG 8:21	Zeeɓa ta Salemuna ti ɠɛni Zeedeyɔn ma: «Wuzeɠe, è gi ʋaa ɗa ɓɔɠɔi! Mazɔlɔɔ ʋelei zunui la, zekana ná-zɛbɛi la!» Zeedeyɔn wuzeɠeni, é Zeeɓa ta Salemuna ʋaa. Naa ʋolu, é ta-ɲɔmɛiti kɔbu yɔlɔɠɔ ʋagɔiti seɠeni.
6766	JDG 9:10	Guluiti ti ɠɛni naazu kooleɠoole gului ma: «Ʋa, è zei gi unda ga masagi!»
6776	JDG 9:20	Ni naa laade, abu ɠila ka ɠula Aɓimeelɛke zu, nii a Sikɛme nu wolaiti gala, ta Milo ʋɛlɛyeɠei, abu ɠila ka ɠula Sikɛme nu wolaiti su, ta Ɓɛte-Milo nuiti, nii a Aɓimeelɛke ɠala!»
6794	JDG 9:38	Zeɓule gooɠaaʋoteni, é ɠɛ ma: «Ɗa-ɓɔɛzuɠula ʋagɔiti ta mini, ɗɛi è ɠɛni ɠɛɛzu ma: ‹Ɓɛ ɠa é ga Aɓimeelɛke, gi ʋa botii ɠɛ bɛ?› Nuɓusɛiti ta ga naa, è ɠɛni ti ʋɛlɛʋɛlɛsu? Liina niina è kɔɔi ʋɛɛ ba!»
6827	JDG 10:14	À li wo kpeei loo gala kiligiti goizu, niiti wo yiimazeɠeai ga tiye, ti wo ɠizo wa-maanɔɠɔ ziɛgi zu!»
6828	JDG 10:15	Izelayɛle nuiti ti ɠɛni Ɠɔoɠɔ GALAGI ma: «Gi kotoi ɠɛa, gi zo, eɠɛʋelei è pɔ la. Kɛlɛ yiilɔɔ, è gi ɠizo za!»
6858	JDG 11:27	Nɔ̀un nà, gè la kotoba vaa nɔpɛ kɛɛni è laalɔɠɔma, ɗa ɠa è faa ɲɔi ɠɛɛzu ga ze, è kɔɔi ʋɛɛ vai nɔ̀un ba. Ɠɔoɠɔ GALAGI, tukpɔɠaaleʋe ƓALAGI, ɠɛ za ga tukpɔɠaaleʋe nui Izelayɛle nuiti ta Amɔn nuiti zɔɠɔzu!»
6894	JDG 13:8	Manoa Ɠɔoɠɔ GALAGI valini, é ɠɛ ma: «Ee, Màliɠii, GALA nui è teʋeni, é ʋaana mɔnɔ gi ʋɔ bɛ, é gi ɠala ga nii maanɛai gi kɛ doungoi ná-fai zu, nii é zɔlɔɔsu!»
6902	JDG 13:16	Ɠɔoɠɔ GALAGI ná-geezuɠeelai gooɠaaʋoteni, é ɠɛ ma: «Anɛɛ ni ɗa sùzosu, gè la ɗa-laamianigi ta mia, kɛlɛ ni ɗa pɔ è gala zalaɠai ɠula Ɠɔoɠɔ GALAGI ʋɛ, naa ɠɛ!» Manoa la ɠɛni kwɛɛ ga Ɠɔoɠɔ GALAGI ná-geezuɠeelai ʋe.
6927	JDG 14:16	Samesɔn anzai tɔɔzeini ga wɔlɔa daalɔɠɔma, é ɗa ɠɛ: «È la nɛ̀ɛni ʋɛ! Wɔ̀in la è ma! È faalaalii woga nà-zou zu nuiti ma, è la poluʋɛ lɛɛni ga ze!» Kɛlɛ é ɠɛni ma: «Gè la poluwoni kɛ̀ɛ ma, anɛɛ dèe ɓalaa, ɗa ɠa ga poluwo è ma?»
6960	JDG 16:9	Kɛlɛ ti nuiti dɔɔɠuni koba pɛlɛi wu. Anzanui ɠɛni ma: «Filiseti nuiti ta ga è zo, Samesɔn!» É kilɛ galui naati suleʋeleʋeni eɠɛ nɔ geze vuɓe ga ɠala abu ɠa. Ná-zɛbɛi zeɠezuʋɛ la ɠɛni ɠwɛɛni.
6963	JDG 16:12	Dalila galu ʋɔɲɔ niinɛiti seɠeni, é gili ga tiye. Naa ʋoluma, é ɠɛ ma: «Filiseti nuiti ta ga è zo, Samesɔn!» Nuiti ma ti ɠɛni loni koba pɛlɛwuʋɛ. Kɛlɛ galuiti ti ɠɛni zeei ʋa, é ti leʋeniga eɠɛ geze ɠaali ɠila nɔ.
6965	JDG 16:14	Kɛai ma ɲiizu, Dalila nɔun kpaɠa lɔfelaiti fɛlɛni geze vɛlɛ ɓakogi zu, è ti zei da ga pagɔ ga gului. É ɠɛni ma: «Filiseti nuiti ta ga è zo, Samesɔn!» É wuunni, é ɠula ná-ɲiimɛnii zu, é kpako guluiti tɔɔɠulani.
6971	JDG 16:20	É ɠɛni ma: «Filiseti nuiti ta ta è zo, Samesɔn!» É wuunni, é ɠula ná-ɲiimɛnii zu, é ɠɛ ɓɔɠɔ ma: «Nà ɠulazu, eɠɛʋelei gè kɛai la mɔungiti su, gè ɓɔɠɔ vie!» É la ɠɛni kwɛɛ ga Ɠɔoɠɔ GALAGI zeɠea polu.
6976	JDG 16:25	Tɛi ti wola ɠoozunɛɛni, ti ɠɛni ma: «À Samesɔn loli, é ʋa é ɠaogi wo gi ʋɛ!» Ti Samesɔn lolini, é ɠula kasoi ɠa, é ɗa ɠaogi wo ti ɠaazu. Ti toni pɛlɛi ma ɓɛdɛgiti zɔɠɔzuʋɛ.
6979	JDG 16:28	Samesɔn wooɠulani Ɠɔoɠɔ GALAGI ma, é ɠɛ ma: «Màliɠii, Ɠɔoɠɔ GALAGI! Nà è maanɛɛnɛzu, ɠizɛ sù, ee, GALA, zɛbɛi ve bɛ̀, niizu, naa ɠɛ ɠila kpe nɔ, gè gàazuɠɛzɛ felegɔi vaa ʋotokula Filiseti nuiti ma!»
6981	JDG 16:30	Naa ʋolu é ɠɛni ma: «Gi za ʋɔɔma gá Filiseti nuiti!» É ti laaʋilini ga zɛbɛi pɛ, pɛlɛi woloni Filiseti nuiti ta-ɠundiɠiiti ma, ta bɛbɛi, nii é ɠɛni ná. Nii é paani saazuʋɛ, naa mɔinni é leʋe kɛai ma vulua gele ʋa.
6984	JDG 17:2	É ɠɛni dee ma: «È-ɠi ka su ga ti wali ɠaei waagila ungila (1 100) unmani è ya, è unma nui voovooni gàazu. Nà ɠa gè walii naa ɠulani è ya, toɠa pɔ̀ bɛ.» Dee ɠɛni ma: «Ɠɔoɠɔ GALAGI tuya loo dòun zunui ʋɛ!»
7048	JDG 19:22	Siɛgi zu ti ɠɛni ɠoozunɛɛzu la, taazuʋɛ zunuiti, nu ɲakaiti, ti ʋaani ti ɠaku pɛlɛi ma, ti ɗa daa ziɠa, ti ɗa ɠɛ kɛwola ʋɔlɔi ma, pɛlɛ kɛɛ nui: «Zunui ɠula, nii tɛai è ʋɔ bɛ, gi ɓɛdɛ ɠula la!»
7054	JDG 19:28	É ɠɛni ma: «Wuzeɠe, de li!» Kɛlɛ gooɠaaʋote ge la ɠɛni veeni. Sinigi seɠeni, é pɛɛ soovalegi gila kɔma, é ʋilɛ pelei zu, é ɗa li ná-taazu.