29	GEN 1:29	GALA ge ɠɛni ma: «Wɛlɛ, tufai nii ma waai su a ɠɛ ga ma zuwui, zooi ɠa ná pɛ, gè naa vea wo ʋɛ, ta gului nii ma waai su a ɠɛ ga ma zuwui, naa ɠa ɠɛ ga wo-laamianigi.
78	GEN 3:22	Ɠɔoɠɔ GALAGI ɠɛni ma: «Pɛtɛ, zunui ɠɛa eɠɛ ade taɠila, faa ʋagɔi ta faa ɲɔi yɔɠɔzuɠwɛɛ fai zu. Ade pele leʋe tuɠɔ niina, é mina yeemaale, é ʋa zɛnvu wului ma waai ɠula, a ʋa mi, a ʋa yɛ vulua ɠɔoɠɔ.»
215	GEN 9:9	«Wɛlɛ, gè minazeɠea wo ʋɛ, wa wo-mavofodai,
273	GEN 11:6	Ɠɔoɠɔ GALAGI ɠɛni ma: «Wɛlɛ, ta ga zii ɠilagi nɔ, woo ɠilagi nɔ ɠa é ti-la. Ni ta tɔɔzeina ɠani, ani nɔpɛ ge la mɔ pele ɓesaga ti luɠɔ naa ɠɛɛ vai zu, nii a ɠɛ ti ɠisu.
310	GEN 12:11	Siɛgi zu é ɠɛni ʋaazu maaɓuɠazu la Ezipete ʋa, é ɠɛni anzai Salayi ma: «Wɛlɛ, gè kwɛɛ ɗa ga anzanui nii pagai.
362	GEN 15:1	Naama vaiti poluma, Ɠɔoɠɔ GALAGI ɓɔɛni Aɓalame ʋɔ segi zu, é ɠɛ ma: «Aɓalame, mina lua ɲɛgɛlɛin, nà ɠa gè ga è makɛ nui, ɗa-ɠulanumai ɠa wɔɔlɔ.»
363	GEN 15:2	Aɓalame gooɠaaʋoteni, é ɠɛ ma: «Màliɠii, Ɠɔoɠɔ GALAGI, lee ɠa è feezu zèa? Tɔɔzei doun la zèa, nà-pɛlɛi wu ʋogani zeɠe nui ɠa é ga Eliyezɛɛl, Damase nui.»
369	GEN 15:8	Aɓalame gooɠaaʋoteni, é ɠɛ ma: «Màliɠii, Ɠɔoɠɔ GALAGI, nà kwɛɛ ɠale ɠiteɠite ga nà sɔlɔɔsu?»
370	GEN 15:9	GALA ge ɠɛni ma: «Li, è kona saʋagɔ nikɛ ɓeai zo, ta kona saʋagɔ woli zaai, ta kona saʋagɔ ʋaala sinɛ wolai, è kpɔ kpumagoi ʋa, ta poopogi, è ti ɠula ga zalaɠai.»
393	GEN 16:11	É ɠɛni ma mɔnɔ: «Wɛlɛ, ɗa doun zɔlɔɔsu, toɠa ɠɛ ga zunu loun. Ɗa daasei pɛɛ ga Isemayɛle, mazɔlɔɔ Ɠɔoɠɔ GALAGI è woomɛnini ɗa-ɠoozuʋiligi zu.
402	GEN 17:4	«Wɛlɛ, nà-minazeɠegi ɠaa, gè kɛɛzu è ʋɛ: ɗa ɠɛɛzu ga zii mɔinmɔingaa ti-ɠɛɛ.
407	GEN 17:9	GALA ge ɠɛni Aɓalaame ma mɔnɔ: «Ɗɔun, ɗa nà-minazeɠegiti makɛ, wa è-mavofodaiti kpein.
428	GEN 18:3	É ɠɛni ti ma: «Màliɠii, nà è maanɛɛnɛzu, nɛ̀i gè ga ɗa-wotiɠɛ nui, nii gè zaalai zɔlɔɔgɛ è ɠaazu, mina leʋe, è ʋa maaɠooza bà.
430	GEN 18:5	Nà liizu, gè ʋa ga ɓulu go wo ʋɔ, wo zɛbɛ zɔlɔɔ ʋolu, naa ʋolu wa li niina, naa ɠa a kɛ wo mina leʋe ɠana nɔ pɔ̀ bɛ, nɛ̀i gè ga wa-wotiɠɛ nui.» Ti gooɠaaʋoteni, ti ɠɛ ma: «Ungo, kɛ, eɠɛʋelei è bogai la.»
431	GEN 18:6	Aɓalaame liini gaamago nɔ ná-seɠe ɠotai wu, é ɠɛ Sala ma: «Suvilɛ, è kɔɠɔ ganii ɲɛ saʋagɔ zeɠe ɓulu vukɔi zu, è gaayɔ, è ɓulu ʋɛlɛʋɛlɛgiti kpɛtɛ.»
452	GEN 18:27	Aɓalaame kpɔɛi zeɠeni ʋolu, é ɠɛ ma: «Wɛlɛ, nà zoosu gè ɓɔɛ Màliɠii ʋɔ, nɛ̀i gè ga pɔlɔi nɔ, ta zuʋui.
455	GEN 18:30	Aɓalaame ɠɛni ma: «Màliɠii, soma kae è mina yiiɠaawana, tɔɔzei nà ɠilizu faa ɠilagi ʋa. Tanisu telebo nu ʋuusaʋagɔ (30) ɠa é ná.» Ɠɔoɠɔ GALAGI ɠɛni ma: «Ni nà telebo nu ʋuusaʋagɔ (30) ɠaana ná, gè la taai zuɠoloɠologa.»
456	GEN 18:31	Aɓalaame ɠɛni ma: «Wɛlɛ, nà zoosu gè ɓɔɛ Màliɠii ʋɔ. Tanisu telebo nu ʋuufelegɔ (20) ɠa é ná.» Ɠɔoɠɔ GALAGI ɠɛni ma: «Gè la taai zuɠoloɠologa nu ʋuufelegɔi (20) maaʋele ma.»
457	GEN 18:32	Aɓalaame ɠɛni ma: «Màliɠii, soma kae è mina yiiɠaawana, gè la mɔ kpɔɛ ɠili nɔpɛ bosu, é ɠula nii ʋolu. Tanisu telebo nu puugɔ ɠa ɠɛ ná.» Ɠɔoɠɔ GALAGI ɠɛni ma: «Gè la Sɔdɔme zuɠoloɠologa naama nu puugɔiti maaʋele ma.»
465	GEN 19:7	É ɠɛni ti ma: «Ɓa, kɛ̀ɛleaiti, nà wo maanɛɛnɛzu, à mina faa ɲɔi ɠɛ.
473	GEN 19:15	Geelaalao siɛgi zu, geezuɠeelaiti ti ɠilini Lɔte ma, ti ɗa ɠɛ ma: «Wuzeɠe, è-anzai zeɠe ta è-loun anzanu felegɔiti niiti ti ʋɛ, naa ɠa a kɛ è undaa mina ʋili taai ná-undaaʋiligi zu.»
475	GEN 19:17	Ti ɠulaai ma taai ʋa, geezuɠeelai gila ge ɠɛni ma: «Ɓizɛ, è è-yɛnvui ɠizo! Mina wɛlɛ ʋolu, mina lo nɛmɛi zu ada nɔpɛ! Ʋela, è lɛ gizei ma, ni ɗa pɔ ga è undaa mina ʋili.»
479	GEN 19:21	Geezuɠeelai ɠɛni ma: «Wɛlɛ, gè vaa naa wu, ga gè kɛ è ʋɛ ga faaɓɔɠɔ, gè la taai tɔna koloɠologa, nii è ná-fai wosu.
492	GEN 19:34	Naa ʋolu zobui, nu ɠitei ɠɛni loungo gelei ma: «Wɛlɛ, dàaʋɛ kɛ̀ɛ ɠoba kpɔkɔ ná. De dɔɔi ʋu da mɔnɔ za kpɔkɔi, è li, è la koba, naa ɠa a kɛ de-ɠɛɛ mavofodai ɠɛ ná.»
499	GEN 20:3	Naazu, GALA ge ɠulani kɛlɛma segi zu Aɓimeelɛke ʋɛ kpidii, é ɠɛ ma: «Wɛlɛ, ɗa ʋaazu zaazu, tɔɔzei anzanui naa ná-faa zu, nii è seɠeai, mazɔlɔɔ zini ka bɛ.»
500	GEN 20:4	Aɓimeelɛke la ɠɛni dɛ daani ʋolu, é gooɠaaʋoteni, é ɠɛ: «Màliɠii, ɗa sɔbalala nuiti paa ɓaa?
531	GEN 21:17	GALA ge zunu loungoi wooi mɛnini, GALA ná-geezuɠeelai yɛni geezuʋɛ, é Agaal loli, é ɠɛ ma: «Agaal, leeni ɠa é è ya? Mina lua, mazɔlɔɔ ʋɛ è doungoi yɛgai ná, GALA ge goomɛnigɛ ná.
587	GEN 23:15	«Màliɠii, woilo gòoi ma, leeni ɠa a ɠɛ ga naa de yɔɠɔzu da ɗe, zooi naa vaa zu nii sɔngɔi ga wali ɠae unnaanigɔ (400)? È-anzai maaɠulu ná.»
598	GEN 24:6	Aɓalaame gooɠaaʋoteni, é ɠɛ ma: «Dama, è mina li ga dòun zunui ná.
610	GEN 24:18	É gooɠaaʋoteni, é ɠɛ ma: «Ɓɔɔle, màliɠii!» É ná-ziɛ liɠii maayeini gaazuvilɛi zu, é ziɛi ve zea, é ɓɔɔle.
623	GEN 24:31	É ɠɛni ma: «Ʋa, ɗɛi Ɠɔoɠɔ GALAGI tuya loai è ʋɛ! Lee vaa zu è yɛsu eteaʋɛ? Gè pɛlɛi wu ɠɛʋele ɓɛtɛa, ta adaʋɛ ʋɛ ɲɔmɛiti ta ɠɛ ná.»
638	GEN 24:46	É ɠaazuvilɛʋɛ ga é ná-ziɛ liɠii maayei, nii é ɠɛni zeini kɔma, é ɠɛ mà: «Ɓɔɔlena, nà ziɛi veezu ɓalaa ɗa-ɲɔmɛiti zea, ti ɓɔɔle.› Gè ɓɔɔleʋɛ, é ta ve ɲɔmɛiti zea, ti ɓɔɔle ɓalaa.
650	GEN 24:58	Ti Eleɓɛka lolini, ti ɠɛ ma: «Ɗa pɔ wo li, wa zunui nii?» É ti wooɠaaʋoteni, é ɠɛ ma: «Ungo, gá li.»
691	GEN 25:32	Ezawu ɠɛni ma: «Wɛlɛ, nà ga ʋa zaazu ga pului, naama loun mɔun tosuʋɛ ɠa leeni ɠɛ bɛ̀?»
709	GEN 26:16	Aɓimeelɛke ɠɛni Izaake ma: «Liina, è zeɠe gi ʋɔ bɛ, mazɔlɔɔ é yeeɠaaɓa, é leʋe gi ʋa.»
715	GEN 26:22	É zeɠeni miná, é li, é ziɛyeɠei taɠili bɔ, niigi kpɔɛ vaa la ɠɛni wuzeɠeni, é ʋa lo ba. É naa laasei pɛɛni ga Leɠɔɓɔte (nii poluʋɛ ga «suwɔɔlɔa»), mazɔlɔɔ é ɠɛni ma: «Niizu, Ɠɔoɠɔ GALAGI suwɔɔlɔa gi ʋɛ, gi undaa ɠa nɛɛ zooi zu niina.»
734	GEN 27:6	Eleɓɛka ɠɛni ná-doun zunui Zakɔɓe ma: «Wɛlɛ, gè è-ɠɛɛ woomɛnigɛ, é ɗa ɓɔɛ è-liɛ Ezawu ʋɔ, é ɠɛ ma:
739	GEN 27:11	Zakɔɓe dee wooɠaaʋoteni, é ɠɛ ma: «Ungo, kɛlɛ dìɛ Ezawu ɠa ga deɠaleɠa nu, nɔ̀un nà, gè la ga naama nu.
755	GEN 27:27	Zakɔɓe maaɓuɠani ba, é nɛɛnɛ ga daaʋɛ komagai. Izaake ná-seɠeiti makugi mɛnini. Naa ʋoluma, é tuya looni bɛ, é ɠɛ ma: «Ungo, dòun zunui makugi ɠɛɛʋɛ eɠɛ kpalagi makugi, nii Ɠɔoɠɔ GALAGI tuya loai bɛ.
759	GEN 27:31	Tɔ ɓalaagi é daamiani nɛɛnɛgi ɠɛʋele ɓɛtɛni, é ʋaa la kɛɛɠɛ ʋɔ bɛ, é ɠɛ kɛɛɠɛ ma: «Kɛ̀ɛ, wuzeɠena, è è-loun zunui ná-suai ta mi, naa ɠa a kɛ è tuya loo bɛ̀.»
762	GEN 27:34	Siɛgi zu Ezawu kɛɛɠɛ wooiti mɛnini da, é ɓainni ga woo wola, é ziiɠaawana ɓeei wola looni, é ɠɛ kɛɛɠɛ ma: «Kɛ̀ɛ, tuya loo bɛ̀, nà ɓalaagi!»
765	GEN 27:37	Izaake ɠɛni Ezawu ma: «Wɛlɛ, gè seiɗa ga è-maliɠii, gè kɛɛɠɛlointi kpein kɛa ga ná-botiɠɛ nuiti, gè moloi ta dɔɔi vea zea. Lee ɠa deɠɛmu nà zoo gè kɛ è ʋɛ, dòun zunu?»
767	GEN 27:39	Kɛɛɠɛ Izaake gooɠaaʋoteni, é ɠɛ ma: «Pɛtɛ, è-zeizuʋɛ ɠa ʋala zooi ma ɠulanumai ma, ta geeɠɔlɔgi ma nɔɗagi ma.
770	GEN 27:42	Ti Eleɓɛka ná-doun zunu mɔungi Ezawu wooiti boni ma. É ná-doun zunui loungo gelei Zakɔɓe lolini, é ɠɛ ma: «Wɛlɛ, è-liɛ Ezawu ɠa ɠɛɛzu é potokulai ɠɛ, é è ʋaa.
791	GEN 28:17	É luani, é ɠɛ ma: «Aɛ, niima adaʋɛ maayikiʋɛ! Ʋɛ ɠa ná ga GALA ná-pɛlɛi, geeɠɔlɔgi ma ʋɛlɛlaʋɛ ʋe.»
800	GEN 29:4	Zakɔɓe ɠɛni togani makɛ nuiti ma: «Kɛ̀ɛleaiti, mini nu ɠa ga woye?» Ti gooɠaaʋoteni, ti ɠɛ ma: «Gá ga Ɠalan nuiti.»
801	GEN 29:5	É ɠɛni ti ma: «Wo Laɓan ɠwɛɛ nɛi ɓaa, nii é ga Naɠɔɔl ná-doun zunui?» Ti gooɠaaʋoteni, ti ɠɛ ma: «Uun, gi kwɛɛ.»
802	GEN 29:6	É ɠɛni ti ma: «Kɛdɛgɛ nɛi ɓaa?» Ti gooɠaaʋoteni, ti ɠɛ ma: «Kɛdɛgɛ, wɛlɛ nuu, ná-doun anzanui Lasɛle ʋa, é ʋaazu ga togani goiti.»
803	GEN 29:7	Zakɔɓe ɠɛni ma: «Wɛlɛ, foloi wɔɔlɔʋɛ dɛ, yeeɠɛɠala la ga nii, ga nu togani ɓulugiti gaalɛ ba. À ziɛi ve togani goiti zea, naa ʋolu, wo li ga tiye ga ti daami wo.»
810	GEN 29:14	Laɓan ɠɛni ma naazu: «Gaamazu, ɗa ga màvofoda ɓɔɠɔɓɔɠɔgi.» Zakɔɓe alu gila kɛɛni Laɓan ʋɔ bɛ.
898	GEN 31:24	Kɛlɛ GALA ge ɠulani kɛlɛma kpidii segi zu Alame nui Laɓan ʋɛ, é ɠɛ ma: «Dama, mina ɓɔɛ Zakɔɓe ʋɔ ga ɲɔuɗa.»
909	GEN 31:35	Lasɛle ɠɛni kɛɛɠɛ ma: «Màliɠii, mina yiiɠaawana, ni gè la zooni gè ʋa wuzeɠe ɗɔun è ɠakala, mazɔlɔɔ nii a ɗa ɠɛ ga anzanuiti pɔlɔmazu, naa ɠa é bà.» É pɛlɛ wu zaleiti gaiziɛni, é la ti ɠaani ɲɛgɛlɛin.
1013	GEN 35:1	GALA ge ɠɛni Zakɔɓe ma: «Wuzeɠe, è lɛ Ɓeetɛle, è zei ná. Ɗa zalaɠa ɠulazuʋɛ ta ɓɛtɛ ná GALAGI ʋɛ, nii é ɠulani è ʋɛ kɛlɛma, siɛgi zu è ɠɛni ʋelazu la è-liɛ Ezawu ʋa.»
1097	GEN 37:13	Izelayɛle ɠɛni Zozɛfe ma: «Nà pɔ gè è leʋe è-liɛni pɔ bɛ, ti togani ɓulugi makɛsuʋɛ Sikɛme.» É gooɠaaʋoteni, é ɠɛ ma: «Kɛ̀ɛ, nà ɠaa.»
1098	GEN 37:14	Izelayɛle ɠɛni ma: «Li, è è-liɛni pɛtɛ, ni ti ɠɛdɛgɛ, ta ni faa nɔpɛ ge la toganiiti ba, è ɠale ma, è ʋa ga ti-maawoo ʋagɔi pɔ̀.» É Zozɛfe leʋeni ɠana, é zeɠe Ɠeeɓelɔn nɛmɛi zu, é li Sikɛme ʋele zɔli.
1128	GEN 38:8	Zuda ɠɛni naazu Wɔnan ma: «Li, è ʋilɛ è-liɛ anzai ʋolu, è-nimɔɠɔi ʋe, sei, è pɔnɔ to è-liɛ ʋa.»
1133	GEN 38:13	Ti ɠɛni Tamaal ma: «Wɛlɛ, è-ɠɛɛmɔɔin ɠa lɛɛzu Timena, ná-baalagiti maaleɠa leʋezuʋɛ.»
1169	GEN 39:19	Kpegai ma ga anzai ɓɔɛ wooiti mɛni, é ɗa ɠɛ ma: «Wɛlɛna, naa ɠa ɗa-luɔi kɛa,» Zozɛfe maliɠii wola yiiɠaawanani.
1237	GEN 41:41	Falaɠɔn ɠɛni Zozɛfe ma: «Wɛlɛ, gè è zeiɗa Ezipete yooi kpein unda, devei ɠa ɗa nɔ è ya.»
1274	GEN 42:21	Ti ɠɛni ɠɛɛzu ɓɔɠɔ ma: «Ungo, ade ɠɛɛʋɛ ga sɔba nu de-leɠei letegi, mazɔlɔɔ de ná-ziizoolɛi ɠaani, siɛgi zu é ɠɛni de maanɛɛnɛzu la, de la ɠɛni woiloni ma ɲɛgɛlɛin! Naa ɠa é kɛa niima maanɔɠɔ vai zeelia ade ma la.»
1329	GEN 44:4	Ti ɠulaai ma taai ʋa, ti maa la ɠɛni dɛ ɠoozani, Zozɛfe ɠɛni ná-naavolo unda nui ma: «Wuzeɠe, li, è ʋilɛ nui niiti polu. Siɛgi zu è ti ɠɔɠɔzu mɛɛnsu da, ɗa ɠɛ ti ma: ‹Lee vaa zu wo faa ʋagɔi zuloozu ga faa ɲɔi?
1343	GEN 44:18	Zuda maaɓuɠani Zozɛfe ʋa, é ɠɛ ma: «Màliɠii, soma, è va bu ɗa-wotiɠɛ nui ɓɔɛ è ʋɔ, naa mina ɠɛ ga ɗa-yiiɠaawana vaa wola ɗa-wotiɠɛ zunui laalɔɠɔma, mazɔlɔɔ è ɠɛɛʋɛ eɠɛ Falaɠɔn.
1355	GEN 44:30	«Niizu, ni nà ɠalena ma ɗa-wotiɠɛ nui kɛ̀ɛ ʋɔ bɛ, zunu loungoi la yɛni gi ʋolu, gi ʋa li, ta nii ti ɠiliai ɓɔɠɔ ʋa,
1358	GEN 44:33	«Màliɠii, nà è maanɛɛnɛzu, nɛ̀i gè ga ɗa-wotiɠɛ nui, nà yɛ zunu loungoi ʋotogi zu, gè ɠɛ ga màliɠii ná-duɔi, zunu loungoiti ti li ta diɛni.
1453	GEN 48:1	Naama vaiti poluma, ti ʋaani, ti ɠɛ Zozɛfe ma: «Wɛlɛ, è-ɠɛɛ ɠa zeeɓɛzu.» É ná-doun zunu felegɔiti seɠeni ya, Manasee ta Efelayime.
1513	GEN 50:6	Falaɠɔn gooɠaaʋoteni, é ɠɛ ma: «Lɛ, è è-ɠɛɛ maaɠulu, eɠɛʋelei è ɠonani la tɔun bɛ.»
1606	EXO 4:4	Ɠɔoɠɔ GALAGI ɠɛni Moize ma: «Yeemaale, è so wɔɔngi ʋa.» É yeemaaleni, é so, naa latini, é ɠɛ ʋolu ga tukpɔi zea.
1612	EXO 4:10	Moize ɠɛni Ɠɔoɠɔ GALAGI ma: «Ee, Màliɠii, gè la ga zunui nii daaɠɔlɔai, naa ma ge la tɔɔzeini bà wogi, ɓaa veleina, anɛɛ voloi naa è tɔɔzeiɗa la ga ɓɔɛa pɔ̀, nɛ̀i gè ga ɗa-wotiɠɛ nui, mazɔlɔɔ dàaʋɛ ta nɛ̀gi ti ɠiliʋɛ.»
1615	EXO 4:13	Moize ɠɛni ma: «Ee, Màliɠii, nu ɠili teʋe, nii è pɔ è teʋe.»
1638	EXO 5:5	Falaɠɔn ɠɛni ma: «Niizu, niima nuɓusɛiti ti mɔinɗa zooi zu, wa ta-wotiiti suɠoloɠolosu!»
1655	EXO 5:22	Moize ɠaleni ma Ɠɔoɠɔ GALAGI ʋɔ bɛ, é ɠɛ ma: «Màliɠii, lee vaa zu é faa ɲɔi ɠɛa ga niima nuɓusɛiti? Lee vaa zu è tèʋegai?
1667	EXO 6:11	«Li, è ɓɔɛ Falaɠɔn ʋɔ, Ezipete masagi, é ɓe Izelayɛle nuiti ba, ti li, ti ɠula ná-zooi ʋa.»
1687	EXO 7:1	Ɠɔoɠɔ GALAGI ɠɛni Moize ma: «Wɛlɛ, nà è losu GALA tosuʋɛ Falaɠɔn ʋɛ, è-liɛ Aalɔn ɠɛ ga è laavaawo nui.
1716	EXO 8:1	Moize ɠɛni Falaɠɔn ma: «Masagi, va bu ɗa ɓɔɠɔi è kui lɛ ga ze, yeei gè ʋaazu Ɠɔoɠɔ GALAGI maanɛɛnɛzu la è ʋɛ, wa ɗa-wotiɠɛ nuiti, ta ɗa-nuɓusɛiti, nii a kɛ é zɔlɔgiti maaɠooza è ʋa, ta ɗa-ʋɛlɛiti? Taɠila kpalaa ge la yɛga ná, kɛni ziɛ wolai Nile nɔ wu.»
1736	EXO 8:21	Moize gooɠaaʋoteni, é ɠɛ ma: «Pɛtɛ, nà ga ɠula è ʋɔ bɛ, nà Ɠɔoɠɔ GALAGI maanɛɛnɛzu è ʋɛ. Lina, dɛgiti ta maaɠooza Falaɠɔn ʋa, ta ná-botiɠɛ nuiti, ta ná-nuɓusɛiti, kɛlɛ Falaɠɔn mina yɛ gi yaavazu, é ʋa ɓe yeeɓesu nuɓusɛiti ba, ti ʋa li, ti ʋa zalaɠaiti kula Ɠɔoɠɔ GALAGI ʋɛ.»
1748	EXO 9:5	Ɠɔoɠɔ GALAGI kui leʋea ba, é ɠɛ: «Lina, Ɠɔoɠɔ GALAGI ɠa naa ɠɛ zooi zu.»
2030	EXO 19:3	Moize lɛɛni GALA pɔ pelei, Ɠɔoɠɔ GALAGI tolini gizei unmaʋɛ, é ɠɛ ma: «Wɛlɛ, nii ɠa ɗa bo Zakɔɓe ná-pɛlɛyeɠei ma, è daazeeli Izelayɛle nuiti ma.
2036	EXO 19:9	Ɠɔoɠɔ GALAGI ɠɛni Moize ma: «Wɛlɛ, nà ʋaazu è ʋɔ tonaɓiin gaaɠiligi zu, naa ɠa a kɛ, siɛgi zu gè ɓɔɛzu la è ʋɔ, nuɓusɛiti ti mɛni, ti la è la ɠɔ.» Moize nuɓusɛiti gooi laazeelini Ɠɔoɠɔ GALAGI ma.
2048	EXO 19:21	Ɠɔoɠɔ GALAGI ɠɛni Moize ma: «Yei, è nuɓusɛiti kwɛteʋe, ta mina ɓudɛ, é ʋa ʋa Ɠɔoɠɔ GALAGI ʋɔ pelei, faazuɓɛɛwo faa ma, ma mɔinmɔin undaa mina ʋa ʋilisu ti zaama.
2051	EXO 19:24	Ɠɔoɠɔ GALAGI ɠɛni ma: «Li, è yei, ɗa lɛɛzu ʋolu wa Aalɔn. Kɛlɛ zalaɠa ɠula nuiti ta nuɓusɛiti ti mina ɓudɛ ɲɛgɛlɛin, ti ʋa lɛ Ɠɔoɠɔ GALAGI ʋɔ bɛ, nii a kɛ saa mina ʋa loozu ti zaama.»
2423	EXO 31:2	«Wɛlɛ, gè yiimazeɠeʋɛ ga Ɓɛsaleyɛle, nii é ga Uli ná-doun zunui, Ɠuul ná-dounloin, Zuda ná-bolodai zu.
2440	EXO 32:1	Nuɓusɛiti ti kaai ma ga Moize lɛbiga, é la yeini, é ʋa zeɠe gizei ma fala, ti ɠaalɛɛni ba Aalɔn maaɠoolii zu, ti ɠɛ ma: «Wuzeɠena, è galagiti kpɛtɛ gi ʋɛ, ti lo gi luɠɔ, mazɔlɔɔ Moize nii, zunui tɛi é gi ɠulaai Ezipete yooi ʋa, gi la kwɛɛ nii kɛai la.»
2446	EXO 32:7	Ɠɔoɠɔ GALAGI ɠɛni Moize ma: «Yei, è li, mazɔlɔɔ ɗa-nuɓusɛiti, è ti ɠulani Ezipete yooi ʋa, ti ɓɔɠɔ ɠɔzɔa.
2450	EXO 32:11	Moize ná-GALAGI maanɛɛnɛni, Ɠɔoɠɔ GALAGI, é ɠɛ ma: «Ee, Ɠɔoɠɔ GALAGI, lee vaa zu ɗa yiiɠaawanai ʋaazu ɗa-nuɓusɛiti daalɔɠɔma, niiti è ti ɠulaai Ezipete yooi ʋa, ga ɗa-zɛbɛ wolai, ta zeeɠaaɓaai?
2461	EXO 32:22	Aalɔn gooɠaaʋoteni ga: «Màliɠii, ná-ziiɠaawanai mina wɔɔlɔ. Ɗa ɓɔɠɔ è niima nuɓusɛiti kwɛɛ, faa ɲɔi ɠa ti polu.
2468	EXO 32:29	Moize ɠɛni ma: «Za, wo vea Ɠɔoɠɔ GALAGI ʋɛ, mazɔlɔɔ wo ɠilagilagi la inɛinɛni ná-doun zunui ɓaa kɛɛɠɛloin ɠula vai zu ga zalaɠai, nii a kɛ é tuyai yei wo ma za voloi.»
2475	EXO 33:1	Ɠɔoɠɔ GALAGI ɠɛni Moize ma: «Li, zeɠe ʋɛ, ɗa-o, nuɓusɛiti-yo, niiti è ti ɠula Ezipete yooi ʋa. Lɛ zooi ʋɔ pelei, nii gè ma minazeɠeni ga nà feezu Aɓalaame ya, ta Izaake, ta Zakɔɓe, gè ɠɛ ma: ‹Nà feezu è-mavofodai ya.›
2486	EXO 33:12	Moize ɠɛni Ɠɔoɠɔ GALAGI ma: «Wɛlɛ, è ɠɛɛʋɛ mà: ‹Lo niima nuɓusɛiti tuɠɔ, è lɛ ga tiye,› ɗa ma, è la naama nui lɛɛni ga ze, nii gá li, é màaza! Anɛɛ naa ʋe, è ɠɛni mà: ‹Gè è ɠwɛɛ ga è-laaseigi, è zaalai zɔlɔɔgɛ gàazu.›
2506	EXO 34:9	É ɠɛni ma: «Màliɠii, ni gè zaalai zɔlɔɔgɛ è ɠaazu, ɠɛ gi zaama. Anɛɛ ni suvɔɔ nuɓusɛiti be, gá-vaa ɲɔiti suvaayɛ, ta gá-ɠotoiti, gi zeɠe, è gi ɠɛ ga ɗɔnɔ.»
2536	EXO 35:4	Moize ɓɔɛni Izelayɛle ʋɛbɛi kpein pɔ, é ɠɛ ti ma: «Wɛlɛ, nii ɠa Ɠɔoɠɔ GALAGI deveai:
2836	LEV 5:5	«Deɠɛmu, zɔi é ɠɛɛzu ga sɔba nu niima vaiti gila su, toɠa la zɔ ga ga ná-kotoi.
2997	LEV 10:19	Aalɔn ɠɛni Moize ma: «Wɛlɛ, ti ta-ɠoto gba zalaɠai ɠulaa za, ta ta-ɠala zalaɠai Ɠɔoɠɔ GALAGI ɠaazu. È suɠwɛɛni sɔ, nii kɛai ga ze. Ni za gè ɠɛa koto gba zalaɠai miini, naa a la ɠɛ ga faa ʋagɔ Ɠɔoɠɔ GALAGI ɠaazu ɓaa?»
3027	LEV 11:29	«Pɛtɛ, sua goiti saama, ti ɓokposu zooi ma, niiti wa ti leve ga ti ɠɔzɔʋɛ, naati ta ga: inɛgi ma zii pɛ,
3548	LEV 26:23	«Ni, anɛɛ naa ʋe, wo la vaani bu, gè ʋa wo maaɠolo, wa sàkpena,
3552	LEV 26:27	«Ni, anɛɛ naa ʋe, wo la woiloni gòo ma, wa sàkpena,
3705	NUM 3:12	«Wɛlɛ, gè yiimazeɠea ga Leevi nuiti, Izelayɛle nuiti saama, doun zunu mɔungiti kpein potogi zu, Izelayɛle anzanuiti ti-loun mɔungiti. Ta ga nɔ̀nɔiti.
3775	NUM 4:31	«Wɛlɛ, nii ɠa maanɛai ga ti ɗa seɠe, GALA daaɠomi seɠe ʋɛlɛi ma zɔɔlaiti su: seɠe ʋɛlɛ ɲadegai ma ɓɛdɛgiti, ta ma wulu zɔkpɔiti, ta ma lɔkpalaiti, ta ma labuiti,
4053	NUM 11:28	Nun ná-doun zunui Zozuwe, nii é ɠɛni ga Moize ná-kpɔba nui, é zo ná-doungo ziɛgi zu ma, naa ɠɛni ma: «Màliɠii, Moize, pele leʋe ti luɠɔ, ti ɓe naa ɠɛɛzu!»
4073	NUM 12:13	Moize wooɠulani Ɠɔoɠɔ GALAGI ma, é ɠɛ ma: «Ee, GALA, nà è maanɛɛnɛzu, kɛdɛ!»
4217	NUM 16:22	Kɛlɛ Moize ta Aalɔn ti laaʋɛɛni zooi ma, ti maanɛɛnɛi wo, ti ɠɛ ma: «Ee, GALA! GALAGI nii deve kpɛtɛaniiti kpein zɛnvui ma, ɗa ʋaazu bɛbɛi kpein sosu ga nu ɠilagi ná-kotoi?»