4090	NUM 13:14	Nabi, pikinini man bilong Vopsi. Em i bilong lain Naptali.
12291	EZR 10:34	Na Madai na Amram na Uel na Benaia na Bedea na Keluhi na Vania na Meremot na Eliasip na Matania na Matenai na Jasu na Bani na Binui na Simei na Selemia na Natan na Adaia na Maknadebai na Sasai na Sarai na Asarel na narapela Selemia na Semaria na Salum na Amaria na Josep, bilong lain bilong narapela Bani.
12715	EST 1:9	Na long dispela taim tu Kwin Vasti i mekim bikpela kaikai bilong olgeta meri tasol, long haus bilong king.
12717	EST 1:11	Na king i tokim ol long bringim Kwin Vasti i kam. Kwin Vasti i mas putim hat bilong kwin long het na i kam. Kwin em i naispela meri tru, olsem na king i laik soim em long ol kiap na long olgeta man i kam long bikpela kaikai bilong en.
12718	EST 1:12	Ol hausboi i go tokim Kwin Vasti long tok bilong king, tasol kwin i no laik i kam. Olsem na king i kros nogut tru.
12721	EST 1:15	Orait na em i tokim ol dispela man olsem, “Mi King Serksis, mi bin salim ol hausboi bilong mi i go tokim Kwin Vasti long ol samting mi laik em i mas mekim, tasol em i sakim tok bilong mi. Lo i tok wanem long dispela? Bai yumi mekim wanem long kwin?”
12722	EST 1:16	Orait Memukan i tokim king wantaim ol ofisa bilong king olsem, “King, harim. Kwin Vasti i no bin mekim rong long yu wanpela tasol. Nogat. Em i mekim rong long olgeta hetman na long olgeta man bilong olgeta provins bilong yu.
12723	EST 1:17	I no longtaim na olgeta meri long olgeta hap yu bosim bai i harim tok long dispela pasin bilong kwin. Na ol bai i tok olsem, ‘King Serksis i bin tokim Kwin Vasti long em i mas i go lukim em, tasol kwin i bikhet, na i sakim tok bilong king.’ Na ol meri tu bai ol i bikhet long ol man bilong ol.
12725	EST 1:19	Orait king, sapos yu ting dispela tok i gutpela, yu salim wanpela tok i go long ol manmeri olsem, Vasti i no ken kam lukim yu gen. Raitim dispela tok long buk bilong lo bilong ol Persia na Midia. Olsem bai dispela lo i no inap senis. Na yu mas senisim Vasti na kisim gutpela meri na putim em i stap kwin.
12729	EST 2:1	Taim kros bilong king i pinis, orait em i tingting gen long pasin Vasti i bin mekim long em. Em i tingting long em i bin tok long rausim Vasti bai em i no moa i stap kwin.
12732	EST 2:4	Orait sapos yu laikim tumas wanpela bilong ol dispela meri, yu ken makim em i kamap kwin na em i ken kisim ples bilong Kwin Vasti.” King i harim na em i laikim dispela tok, olsem na em i bihainim.
12745	EST 2:17	Na king i laikim em tumas. King i no laikim ol arapela meri olsem em i laikim Esta. Em i lukim Esta i winim ol arapela meri, na em i gutpela meri tru. I no gat narapela meri i bin katim lewa bilong king olsem Esta. Olsem na king i putim hat bilong kwin long het bilong en. Na Esta i senisim Vasti, na i kamap kwin.
12845	EST 9:7	Na ol i kilim ol 10-pela pikinini man bilong Haman, dispela birua bilong ol Juda. Nem bilong ol i olsem, Parsandata na Dalfon na Aspata na Porata na Adalia na Aridata na Parmasta na Arisai na Aridai na Vaisata. Tasol ol Juda i no kisim ol samting bilong ol birua.
17383	PRO 31:29	“Viles na taun bilong yumi i gat planti meri i save mekim gutpela pasin tru, tasol yu winim ol moa yet.”
27076	ACT 3:11	Ol manmeri i harim tok long dispela samting i kamap, na ol i kirap nogut tru na ol i ran i kam bilong lukim dispela man. Na ol i lukim em i holimpas Pita wantaim Jon na i sanap i stap long dispela veranda bilong tempel ol i kolim Veranda bilong Solomon.
31767	ESG 1:9	Na long dispela taim Kwin Vasti tu i mekim bikpela kaikai long haus bilong king. Dispela kaikai em i bilong ol meri tasol.
31769	ESG 1:11	Na king i tokim ol long bringim Kwin Vasti i kam. King i laik putim hat bilong kwin long het bilong Vasti. Kwin em i naispela meri tru, olsem na king i laik soim em long olgeta man i bin kam long bikpela kaikai bilong em.
31771	ESG 1:13	Em i tokim ol saveman bilong lo olsem Vasti i bin sakim tok bilong em, na em i askim ol, em i mas mekim wanem samting nau?
31772	ESG 1:14	Orait tripela ofisa i poroman bilong king na i stap bikman tru, tripela i kam. Tripela i skulim em long lo na tripela i tokim king long samting em i mas mekim bilong bekim dispela pasin Kwin Vasti i bin mekim. Nem bilong tripela ofisa i olsem, Arkeseus na Sarsateus na Malesear. Tripela i bilong kantri Persia na Midia.
31774	ESG 1:16	Orait king i stori long olgeta ofisa bilong em na long ol hetman bilong Midia na Persia, long dispela pasin kwin i bin mekim bilong sakim tok bilong em. Orait Mukeus i tokim king wantaim ol hetman bilong em olsem, “King, harim. Kwin Vasti i no bin mekim rong long yu wanpela tasol. Nogat. Em i mekim rong long yumi olgeta.
31775	ESG 1:17	I no longtaim na olgeta meri bilong yumi bai i harim tok long dispela pasin bilong kwin. Na ol meri bai i bikhet long man bilong ol, long wankain pasin olsem Vasti i bin bikhet long yu.
31777	ESG 1:19	Olsem na king, sapos yu ting dispela tok i gutpela, yu mas salim em i go nabaut long olgeta pipel. Yu mas tok olsem, i tambu long Vasti i kam lukim yu gen. Raitim dispela tok long buk bilong lo bilong ol Persia na Midia. Na yu mas senisim Vasti na kisim wanpela gutpela meri na putim em i stap kwin. Em tasol.
31798	ESG 2:1	Bihain kros bilong king i pinis. Tasol planti taim em i save tingting bek long taim em i bin rausim Vasti long i stap kwin.
31801	ESG 2:4	Na sapos yu laikim tumas wanpela bilong ol dispela meri, orait yu ken makim em bilong i stap kwin na em i ken kisim ples bilong Vasti.” King i laikim dispela tok, olsem na em i bihainim.