23219	MAT 1:6	David lhitsukul Salomón tejkan tꞌatsukul ixanati aqayntaun xapay yu ixjunkan Urías.
23221	MAT 1:8	Asa lhitsukul Josafat, Josafat lhitsukul Joram, Joram lhitsukul Uzías.
23222	MAT 1:9	Uzías lhitsukul Jotam, Jotam lhitsukul Akaz, Akaz lhitsukul Ezequías.
23288	MAT 4:10	Ex ni Jesús va junil: —Uxintꞌi Satanás, va kapiticha. La ixchivinti Dios najun: “Kꞌatꞌoꞌoyatꞌi vamun miJalhachimoꞌonu Dios yu alintachal laktꞌiyan, y vamun yuꞌ kꞌatꞌapꞌatsꞌanin.”
23316	MAT 5:13	’Uxiknankꞌan va tacha matsati para tachun ni lapanakni para ox kaval lakamunukpaꞌ. Pero incha jantu ox katꞌaylhipꞌintꞌik ex xajachipitik tacha matsati yu jantucha ox. ¿Tas pulaycha kan kajunchoqol? Jantucha tuꞌuchun xtapal kaval. Va kamajꞌankalcha lakatin para ancha katachꞌintaxapalcha ni lapanakni.
23324	MAT 5:21	’Uxiknankꞌan asmaktꞌatꞌik tacha jalakjunkal yu maqancha mimpayankꞌan, va jalakjunkal: “Jantu kꞌamaqnin. Yu kamaqnininaꞌ ni yucha kamukꞌanikanaꞌ ixlaqtaqal.”
23325	MAT 5:22	Ni yu kitꞌin iklajunau yu kalukujlayaꞌ kun ixlaqaj, yucha kamukꞌanikanaꞌ ixlaqtaqal. Mas va taꞌayuchacha lapanaki kaval incha va kaxkayl ixlaqaj y kajunil laqxtoqnuꞌ chivinti, yucha kamukꞌanikanaꞌ ixlaqtaqal u incha kajunil: “¡Uxintꞌi nitacha mijatapastakꞌati!”, ex ni yucha kapaxtoqniyaꞌ ixmaqanlqajnati la xajikmi laqnin.
23330	MAT 5:27	’Uxiknankꞌan asmaktꞌatꞌik tacha jalakjunkal yu maqancha mimpayankꞌan: “Jantu katꞌatꞌamatꞌi qayntaun yu jantu minavin kaval.”
23423	MAT 8:9	Kitꞌin klhitꞌajun kiꞌukxtin, vachuꞌ la kintamakaꞌ alin tropas yu kintaꞌaqtayjuyan. Tejkan xaqayntaun ijkuniy kaꞌal avintꞌi, ex ni yucha va niman an. Yu aqayntaun tejkan ijkuniy kamil, va niman min. Yu kiꞌoqxtamati tejkan ijkuniy kamakal tuꞌuchun, yucha va niman makay. Uxintꞌi vachu chun lay kꞌalhinau palay kajunchoqol ni kiꞌoqxtamati.
23517	MAT 10:31	Xlhiyucha jantu maqskꞌiniy katꞌalhanantꞌik. Uxiknankꞌan apalay xtapal untꞌatꞌik xajantu lhuvajcha tsꞌoꞌon.
23619	MAT 13:11	Ex ni Jesús va lakjunil: —Uxiknankꞌan Dios tamasuniyan tacha lhachimoꞌonun laktꞌiyan yu jantu takꞌatsay alati lapanakni. Jantu jamasuniy yu alati lapanakni.
23764	MAT 16:23	Chuncha ni Jesús talaqaspꞌiklhi, va junil ni Pedro: —Yu uxintꞌi, Satanás, tumpajcha kꞌaꞌuntꞌi kun kitꞌin. Uxintꞌi vamun makꞌay para kꞌimapꞌutsꞌanꞌanitꞌi. Uxintꞌi mejatapastakꞌati jantu chun tacha ixjatapastakꞌati Dios, va pastakꞌa tacha yu valiꞌiy lapanakni.
23828	MAT 18:32	Ex chuncha yu jalhachimoꞌonu va malaqachanal ixjuntaꞌika, va junil: “Uxintꞌi jalaktuꞌunuꞌ oqxtamati kꞌatꞌi, kitꞌin ikmaqantaulnin tachun yu ixkꞌilhipꞌinin, va por kꞌintꞌapꞌayninin.
23876	MAT 20:15	Ni kintumin yucha kinavin, va kitꞌin kimpaxtoqniy kakmakal yu ikmakaputun. U ¿va akchꞌipꞌin va por ikqalꞌox lapanaki kunita?”, va naul ni maqaliꞌ.
23883	MAT 20:22	Ex ni Jesús va lakjunil: —Uxiknan jantu malaꞌasiyatꞌik yu skꞌinatꞌik. ¿Lhilayatꞌik kalayaꞌ kꞌapꞌuꞌoqnunapitik yu xavaso maqanlqajnati yu kitꞌin kakpuꞌoqnunaꞌ? ¿Lhilayatꞌik kalayaꞌ kꞌapꞌuꞌaqchꞌajꞌauyapitik yu lhitaꞌay aqchajꞌauti yu kitꞌin kakpuꞌaqchajꞌauyaꞌ? Ex tanaul ni Juan kun Santiago: —Chun, kalayaꞌ.
23911	MAT 21:16	Va tajunil ni Jesús: —¿Asmatꞌa yu tatꞌajun naunan? Va lakjunil ni Jesús: —Chun, ijqasmatꞌa. ¿Jantu pꞌutꞌeꞌeyatꞌik ixchivinti Dios taꞌan tsꞌoqkanta yu lhichiviniy ni aniy? Inchine najun: Uxintꞌi laqxtaqniy jatapastakꞌati yu lakstꞌuniy jasꞌatꞌan mas yu vananaj tatsꞌikꞌiy para ay katamakan kun kꞌus milpati.
24000	MAT 23:13	’Payniꞌincha ni uxiknankꞌan yu fariseos untꞌatꞌik y vachuꞌ yu masuyatꞌik ixlhachimoꞌonkꞌan ni israelitas. Va tꞌuy ukxpuꞌ makꞌayatꞌik. Uxiknankꞌan va malakchꞌauniyatꞌik xapuerta taꞌan ixlhachimoꞌon laktꞌiyan para jantu lay katatanuchal yu alati lapanakni. Ni uxiknankꞌan jantu tꞌanuyatꞌik y vachu jantu xtꞌaqniyatꞌik lakatin katatanuchal yu alati.
24011	MAT 23:24	Uxiknankꞌan lakmapꞌulayatꞌik yu alati mas va laꞌachꞌixin untꞌatꞌik. Va tacha kꞌamaxtꞌu lakatꞌuniy xqan la mivaso pero jantu laqtsꞌin ni ancha karran tajun laqataun juki y valiꞌiy katꞌaloqtꞌi.
24014	MAT 23:27	’Payniꞌincha ni uxiknan yu fariseos untꞌatꞌik y vachu yu masuyatꞌik ixlhachimoꞌonkꞌan ni israelitas. Va tꞌuy ukxpuꞌ makꞌayatꞌik. Untꞌatꞌik va tacha putaknun yu kꞌus maqayaqaq manikanta ixlhimaqspaꞌ pero yu ixpulakna tus ox aqtsamanta xalukuti ni janinin kun tachun yu jantu ox.
24032	MAT 24:6	Uxiknankꞌan kꞌaꞌasmakyapitik ni alinta lachꞌapati aniy kun avintꞌi pero jantu maqskꞌiniy katꞌalhanantꞌik. Va chuncha maqskꞌiniy katapasaꞌelayaꞌ pero jantukaꞌ xaputamaktanacha ni lakamunukpaꞌ.
24098	MAT 25:21	Ex yu xaꞌukxtin va junil: “¡Ayaj ox! ¡Uxintꞌi va ox oqxtamati kꞌatꞌi y ayaj ox jalakpastaknan! Uxintꞌi la ox makꞌatꞌi mas va kun tsꞌuniy, xlhiyucha chavay kakxtaqniyan apalay lhuu jatalhistakꞌati. Kꞌatꞌanutꞌicha y kꞌatꞌaꞌachꞌaꞌutꞌicha kun kitꞌin.”
24100	MAT 25:23	Ex yu xaꞌukxtin va junil: “¡Ayaj Ox! ¡Uxintꞌi va ox oqxtamati kꞌatꞌi y ayaj ox jalakpastaknan! Jalakpastaknancha lakatsꞌuniy yu tacha ixmakꞌay, xlhiyucha chavay kakxtaqniyan apalay lhuu jatalhistakꞌati. Kꞌatꞌanutꞌicha y kꞌatꞌaꞌachꞌaꞌutꞌicha kun kitꞌin.”
24103	MAT 25:26	Ex yu jaꞌukxtin va naul: “¡Uxintꞌi va malhaqniꞌ y jalaktuꞌunuꞌ oqxtamati unitꞌa! Uxintꞌi kꞌatsꞌay va kxqaꞌiy taꞌan jantu ikchꞌan y klaksakꞌa taꞌan jantu kmamay xatꞌin.
24125	MAT 26:2	—Uxiknan kꞌatsꞌayatꞌikcha va tꞌuxaun kaꞌalinaꞌ xakꞌatan Paxku. Ex yu kitꞌin Sasꞌatꞌa Lapanaki kakmaqxtaqkanacha para kakxtukmukꞌakal laka kurus.
24191	MAT 26:68	Ex tajunil: —¡Uxintꞌi naꞌun ni Cristo kꞌatꞌi! Chavay kꞌamispꞌatꞌi taꞌayucha ixlakapusayancha.
24192	MAT 26:69	Chavay yu Pedro ixvil maqspaꞌ laka puchꞌanan, ex qayntaun maqtsukuꞌ va talakanunil, va junil: —Uxintꞌi vachuꞌ ixtꞌaꞌukxuyatꞌi ni Jesús yu machaqaꞌ Galilea.
24209	MAT 27:11	Ex chuncha va lhaꞌankal ni Jesús kun ni gobernador. Yucha va lhisakmil: —¿Uxintꞌi va yu ay xajalhachimoꞌonuꞌ kꞌatꞌi ni israelitas? Ex va naul ni Jesús: —Va tacha ni uxintꞌicha nau.
24215	MAT 27:17	Ex chuncha tejkan ixtaꞌaqxtoqnun ni lapanakni, ni Pilato va laklhisakmil, va naul: —¿Taꞌayucha naunatꞌik oxamaktaun kakmakaul? ¿U va Barrabás u va Jesús yu junkan Cristo?
24238	MAT 27:40	va ixtajuniy: —¡Uxintꞌi yu ixmaqtꞌatꞌi ni ay kilakatajtankꞌan ex paqtꞌutu julchan ixmaꞌayauchꞌoꞌoꞌ! Incha laqsaval va Sasꞌatꞌa Dios unitꞌa, chavay kꞌalaqtꞌaxtꞌu meꞌeman y kapꞌatꞌaꞌutꞌi laka kurus.
24277	MAT 28:13	Va taxaqalal, va tajunil: —Uxiknankꞌan kꞌalaqpꞌutꞌeꞌeyapitik ni tejkan tsꞌis ixjunita va iltꞌatꞌatꞌatꞌik ex yu ixtꞌaltanan ni Jesús va kitaꞌalhaumaxtul ixlakatunaj.
24295	MRK 1:11	Va qasmajkal taun chivinti ni laktꞌiyan, va junkal ni Jesús: —Uxintꞌi, kesꞌatꞌa kꞌatꞌi, ayaj ikpaxkayan. Va ayaj klhiꞌachantajuy por uxintꞌi.
24416	MRK 4:24	Ex va lakjunil ni Jesús: —Kamakꞌatꞌikcha kuenta yu klajunau. Ni papulkan yu mapꞌatsꞌayatꞌik ni uxiknan vachu va yu papulkan katapulkaniyan ni Dios. Uxiknan yu asmatꞌatꞌik, ni Dios apalay lhuu katamasuniyan.
24441	MRK 5:8	Yu Jesús va ixjunitacha: —Uxintꞌi, yu jantu ox espíritu kꞌatꞌi, ¡va kꞌamakꞌaucha ni aniy joꞌati!
24513	MRK 6:37	Ex ni Jesús va lakjunil: —Uxiknankꞌan kalakvavatꞌik. Ex yuꞌuncha va tanaul: —¿Ex kijnankꞌan kajkꞌanau inin vayti para kaklakvavayau? Maqskꞌiniy lhuu tumin ni kaklhiꞌiu yu kataꞌul, kaval 200 julchan lhitapatsa.
24598	MRK 8:29	Ex chuncha ni Jesús va lakjunil ni ixtꞌaltanan: —Chavay yu uxiknankꞌan, ¿tasꞌayucha naunatꞌik ijkunita ni kitꞌin? Ex chuncha yu Pedro va junil: —Uxintꞌi va Cristo kꞌatꞌi yu malaqachatan ni Dios.
24632	MRK 9:25	Ex chuncha ni Jesús tejkan jalaqtsꞌil ni tatakyauminta alati lapanakni va aqtaynil laqꞌaymay yu jantu ox espíritu, va naul: —¡Uxintꞌi janunuꞌ aqatapa espíritu kꞌatꞌi, kitꞌin kunan kꞌamakꞌaunchꞌoꞌocha ni aniy tsꞌal. Jantucha aaqtaun kachꞌapꞌachꞌoꞌo!
24676	MRK 10:19	Uxintꞌi ka mispꞌaycha tacha lhinaunkan: “Jantu kꞌatꞌatsꞌukꞌu aqayntaun yu jantu minavin, jantu kꞌamaqnin, jantu kaꞌalhavan, jantu kꞌamanunin jalaklkanti matichun, jantu kꞌamakꞌanun, ox katꞌoꞌoyatꞌi yu mimpay ali minati.”
24756	MRK 12:14	Ex chuncha ni anchanuꞌ lapanakni va talaqꞌal ni Jesús: —Jamalaniniꞌ, laqsaval ni kijnankꞌan ijkꞌatsayau ni uxintꞌi laqpꞌutꞌeꞌey vamun yu laqsaval, jantu pastakꞌuyan yu katanaul ni lapanakni. Uxintꞌi jantu makꞌay kuenta taꞌayucha ni lapanaki, va laqsaval jamalaninin tacha junita ixlakatin ni Dios. Chavay klalhisakmiyau, ¿maqskꞌiniy kamapalniu impuestos yu ay jalhachimoꞌonu Roma? ¿Kamapalau u jantu kamapalau?
24884	MRK 14:61	Pero yu Jesús vamun saq val, jantu tsij kanaul. Ex yu xaꞌukxtin kura va aaqtaun lhisakmichoqol ni Jesús, va junil: —¿Uxintꞌicha ni Cristo kꞌatꞌi yu Dios naul kamalaqachayaꞌ? ¿Va uxintꞌi yu Sasꞌatꞌa Dios yu toꞌoyakan?
24893	MRK 14:70	Pero yu Pedro aqtalaqtaun jantu kalhitaulal. Ex taun panchꞌix val, yu ancha ixtaꞌalinta va aaqtaun tajunchoqol ni Pedro, va tanaul: —Laqsaval ni uxintꞌi vachu va xaqayntaun ni yuꞌuncha. Uxintꞌi vachu machaqa kꞌatꞌi xalakatꞌun Galilea.
24897	MRK 15:2	Ex chuncha ni Pilato va junil ni Jesús: —¿Uxintꞌi ni xalhachimoꞌonuꞌ kꞌatꞌi ni israelitas? Ex yu Jesús va naul: —Chun, va tacha uxintꞌi xanaꞌun.
24924	MRK 15:29	Yu ancha ixtatapasay va laqxtoqnuꞌ chivinti ixtajuniy, ixtamalaklay ixꞌaqtsulkꞌan, va ixtajuniy: —¡Joj! ¡Uxintꞌi yu ixmaqtꞌatꞌi ni ay kilakatajtankꞌan y kun paqtꞌutu julchan ixmaꞌayauchꞌoꞌoꞌ!
24993	LUK 1:31	Uxintꞌi aynacha kꞌaꞌuneꞌe, kꞌalhitsꞌukꞌuyeꞌe qayntaun tsꞌal, kꞌaꞌuneꞌe ixtaqaꞌuti va Jesús.
25116	LUK 3:22	Va taꞌeltujunil ni Espíritu Santo va tacha taun palumax. Vachuꞌ chivinkal ni laktꞌiyan, va junkal ni Jesús: —Uxintꞌi, kesꞌatꞌa kꞌatꞌi, ayaj ikpaxkayan. Va ayaj klhiꞌachantajuy por uxintꞌi.
25140	LUK 4:8	Ex ni Jesús qaltayl: —[Uxintꞌi Satanás, va kapiticha.] La ixchivinti Dios najun: “Katꞌoꞌoyatꞌi vamun miJalhachimoꞌonu Dios yu alintachal laktꞌiyan, y vamun yuꞌ kꞌatꞌapꞌatsꞌanin.”
25173	LUK 4:41	La lhuvaj aqmoqxnun tataxtul la ixlakatunajkꞌan ni lapanakni, talaktꞌasal, va tanajun: —Uxintꞌicha ni Sasꞌatꞌa Dios kꞌatꞌi. Pero ni Jesús, yucha jalaqꞌaymal ni aqmoqxnun para jantucha katachivinil. Ixtakꞌatsay ni Jesús va yu laksakta Dios.
25272	LUK 7:8	Kitꞌin klhitꞌajun kiꞌukxtin, vachuꞌ la kintamakaꞌ alin tropas yu kintaꞌaqtayjuyan. Tejkan xaqayntaun ijkuniy kaꞌal avintꞌi, ex ni yucha va niman an. Yu aqayntaun tejkan ijkuniy kamil, va niman min. Yu kiꞌoqxtamati tejkan ijkuniy kamakal tuꞌuchun, yucha va niman makay. Uxintꞌi vachu chun lay kalhinau palay kajunchoqol ni kiꞌoqxtamati.
25309	LUK 7:45	Uxintꞌi tejkan iktanuchil la minchaqaꞌ jantu kꞌimastꞌakꞌatꞌi kun taun lakiltastukni pero ni yucha tejkan chilcha tus chavaycha jantu makajun kiltastukꞌa kinchꞌajaꞌ.
25324	LUK 8:10	Ni Jesús lakjunil: —Uxiknankꞌan Dios tamasuniyan tacha lhachimoꞌonun yu jantu takꞌatsay alati lapanakni. Pero yu alati lapanakni klakpumalaniy chivinti yu xtaꞌa jatapastakꞌati. Ex chuncha mas talaqtsꞌin yu kmakay, va tacha jantu katamispal, mas taqasmatꞌacha kinchivinti, jantu tamalaqasiy.
25383	LUK 9:13	Ex ni Jesús va jalakjunil: —Uxiknankꞌan kꞌalaqxtꞌaqnitꞌik ixvaytkꞌan. Ex tanaul: —Jantu kaklhitsukuu ni vayti. Klhitꞌaunau vamun aqskis pan kun aqxtꞌuy jatanti. ¿Va naꞌun kajkꞌau inin vayti para katalaqchaꞌanꞌol ixvaytkꞌan tachun ni aniy lapanakni?
25390	LUK 9:20	Ex naul ni Jesús: —Chavay klalhisakmiyau yu uxiknankꞌan, ¿tas ayucha kilalhilayaucha ni kitꞌin? Ex yu Pedro va junil: —Uxintꞌi ni Cristo kꞌatꞌi yu ixtanajun kamalaqachayaꞌ ni Dios.
25447	LUK 10:15	Uxiknan, xalapanakni Kapernaum, ¿lhakꞌapꞌupꞌinatꞌikcha ni kapꞌinapitik laktꞌiyan? Yu uxiknan kꞌatꞌanꞌalhukꞌanapitik laqnin.
25535	LUK 12:7	Mas miꞌajikꞌan yu alin la miꞌaqtsulkꞌan tus taputeꞌeniꞌotan ni maqatamin por maqatamin. Xlhiyucha jantu maqskꞌiniy katꞌalhanantꞌik. Uxiknankꞌan apalay xtapal untꞌatꞌik xajantu lhuvajcha tsꞌoꞌon.
25568	LUK 12:40	Uxiknankꞌan vachu kꞌakꞌujtꞌikcha. Jantu kꞌatsꞌayatꞌik tavanancha kakminchoqoyaꞌ kitꞌin yu kval Sasꞌatꞌa Lapanaki.
25584	LUK 12:56	Tꞌuy ukxpuꞌ makꞌayatꞌik. Uxiknankꞌan kꞌatsꞌayatꞌik tas katapasayaꞌ lakamunukpaꞌ kun laktꞌiyan. ¿Valiꞌiycha jantu malaꞌasiyatꞌik yu tapasay chavaycha aniy taꞌan tꞌaunatꞌik?
25627	LUK 14:5	Ex lakjunil ni alati lapanakni: —Uxiknankꞌan va katajqajul mimburrokꞌan u mivakaxkꞌan lakxkan va niman kꞌamakꞌutꞌutꞌik mas va xajulchan jastaknati.
25696	LUK 16:7	Ex va lhisakmil aqayntaun: “¿Uxintꞌi tachuncha lhipꞌinincha?” Ex va naul ni lapanaki: “Va klhaaniy cien medidas trigo.” Ex ni xaꞌay oqxtamati va junil: “Aniy minkuenta, katsꞌoqmulatꞌi vamun ochenta.”
25704	LUK 16:15	Pero ni Jesús lakjunil: —Uxiknankꞌan va meꞌemankꞌan makꞌakꞌanatꞌik para katalhilal ni lapanakni va la ox metsukuntikꞌan. Pero Dios tamispaniyan yu melhanutikꞌan. Ni Dios jantu pastakꞌa tacha lapanakni. Yu la lajꞌoxi talhilay ni lapanakni va yucha ni Dios lakxkajiy.
25777	LUK 18:20	Uxintꞌi kꞌatsꞌaycha tacha junita ixlhachimoꞌon Dios. Va najun jantu kꞌamaꞌanchꞌaꞌoluxnun, jantu kꞌamaqnin, jantu kaꞌalhavan, jantu kalaklkꞌan y katꞌoꞌoyatꞌi mimpay ali minati.
25817	LUK 19:17	Ex ni jalhachimoꞌonu va junil: “Ox oqxtamati kꞌatꞌi. Uxintꞌi la ox makꞌatꞌi mas va kun tsꞌuniy, xlhiyucha kꞌalhachꞌimoꞌonuneꞌe lakakau putaulan.”
25869	LUK 20:21	Xlhiyucha talhisakmil, va tanaul: —Jamalaniniꞌ, ni kijnankꞌan ijkꞌatsayau va si laqsaval yu naꞌun y si laqsaval yu lakmalaniy ni lapanakni. Vachuꞌ jantu makꞌay kuenta taꞌayucha ni lapanaki. Uxintꞌi ayaj ox jamasuniy ixchivinti Dios.
25991	LUK 22:58	Ex taun panchꞌix val, aqayntaun laqtsꞌil, va naul, junkal ni Pedro: —Uxintꞌi vachuꞌ ixtꞌaltanaꞌ kꞌatꞌi. Pero ni Pedro va junil: —Joꞌati, jantu kitꞌin.
26007	LUK 23:3	Ex ni Pilato va lhisakmil: —¿Uxintꞌi xajalhachimoꞌonuꞌ kꞌatꞌi ni israelitas? Ex ni Jesús va junil: —Chun, tacha naꞌun uxintꞌi.
26134	JHN 1:21	Ex astan tajunchoqol: —¿Ex tasꞌayucha kꞌatꞌi? ¿Uxintꞌicha kꞌatꞌi ni Elías yu maqancha ixlaqputeꞌey ixchivinti Dios? Ex yu Juan naul: —Jantu yuꞌ kakval. Ex aaqtaun tajunil: —¿Ex tasꞌayucha unitꞌa ni uxintꞌi? ¿Uxintꞌicha ni lapanaki yu maqancha ixtanajun tsꞌanqay kamil astan laqputeꞌeniꞌ ixchivinti Dios? Ex qaltayanal: —Jantu yuꞌ kakval.
26138	JHN 1:25	Ex aaqtaun talhisakmichoqol, tajunil: —Uxintꞌi naꞌun ni jantu Cristo kaꞌuntꞌi, nisin Elías, vachu jantu kaꞌuntꞌi ni anchanu lapanaki yu maqancha ixtanajun kaminaꞌ laqputeꞌeniꞌ ixchivinti Dios. ¿Ex valiꞌiycha maqchꞌajꞌavanancha?
26155	JHN 1:42	Taval ni Andrés lhaꞌal ni Simón taꞌan ixyal ni Jesús. Tejkan laqtsꞌil Jesús ni Simón, va junil: —Uxintꞌi va Simón kꞌatꞌi, yu istsꞌal Jonás. Pero chavaycha kaꞌunkꞌaneꞌe Cefas (yucha naunputun Pedro, yu naunputun Chiyux).
26162	JHN 1:49	Ni Natanael junil: —Uxintꞌi jamalaniniꞌ kꞌatꞌi, va Sasꞌatꞌa Dios unitꞌa, vachu uxintꞌi va yu ay xaJalhachimoꞌonuꞌ Israel.
26199	JHN 3:10	Ex ni Jesús junil: —Uxintꞌi mas ay jamalaniniꞌ kꞌatꞌi aniy xalakatꞌun Israel, ¿jantu malaꞌasiy yu tacha kunan?
26217	JHN 3:28	Uxiknan ox kilaqalasmakvi ni vas klajuniu ni kitꞌin jantu yu Cristo kakval. Kitꞌin kunita va qayntaun yu malaqachakal, yu japꞌulminta, ex astan ni yucha.
26234	JHN 4:9	Ni israelitas jantu ox ixtalalhaꞌan kun yu machaqan Samaria, xlhiyucha ni xanati va junil: —Uxintꞌi va israelita kꞌatꞌi. ¿Valiꞌiycha kꞌiskꞌiniycha xkan? Kitꞌin va aniy machaqaꞌ Samaria kunita.
26242	JHN 4:17	Ex ni anu xanati qaltaychoqol, va junil: —Jantu kaklhitsukul kixapay. Ex ni Jesús junchoqol: —Uxintꞌi ox xaꞌaltꞌayanan ni naꞌun jantu kꞌalhitsꞌukꞌu mixapay.
26246	JHN 4:21	Ex ni Jesús junil: —Uxintꞌi, xanati kꞌatꞌi, kꞌilhakꞌapꞌupꞌinincha yu kunan. Kaminaꞌ ni julchan tejkan uxiknankꞌan jantucha katꞌoꞌoyayapitik ni kimPay Dioskꞌan mas aniy laka aspajun, mas kaval laka putaulan Jerusalén.
26260	JHN 4:35	Uxiknan naunatꞌik: “Ni chavaycha vananaj tsꞌanqay laꞌatꞌati malkuyuꞌ para kalakachil ni jaxqanti.” Pero kitꞌin klajunau tsꞌanqay kꞌamakꞌatꞌik kuenta ni taꞌan jachꞌananti va oxicha para kaxqaꞌikal.
26263	JHN 4:38	Kitꞌin klamalaqachau jaxqanan taꞌan jantu kachꞌantꞌik. Jalakxkꞌauyatꞌik lapanakni yu kintalhakapuꞌal por yu tajunilcha alati lapanakni yu talaqtapatsatacha. Uxiknankꞌan chavaycha aqchꞌapꞌatꞌatꞌik la ixlhitapatsakꞌan.
26273	JHN 4:48	Chuncha yu Jesús va niman naul: —Uxiknankꞌan jantu kilalhakapuꞌaniyau kinchivinti incha jantu pꞌunaj laqtsꞌinꞌelayatꞌik lajꞌay axtoqnu yu kitꞌin kmakay.
26318	JHN 5:39	Uxiknankꞌan laka laksniy lhitꞌamoꞌoyatꞌik ixchivinti Dios taꞌan tsꞌoqkanta, lhilayatꞌik ni va ancha katꞌemayapitik ni jatsukunti yu jantu aqtaun kamiꞌoyaꞌ. Ni anchanu chivinti va yu kilhichiviniy ni kitꞌin.
26393	JHN 6:67	Ex chuncha ni Jesús vachuꞌ jalaklhisakmil yu pumakautꞌuy yu ixjalakmalaniy va jalakjunil: —¿Uxiknan vachuꞌ kilamakauntijlayau?
26405	JHN 7:8	Uxiknankꞌan kapꞌintꞌik laka kꞌatan pero kitꞌin jantukaꞌ. Jantukaꞌ lakachin julchan yu kimpaxtoqniy.
26425	JHN 7:28	Tejkan qasmaklhi ni Jesús tacha ixtatꞌajun juninin, ex aqtayl jalaqxaqalay pꞌaysni ancha ixpulakna laka ay lakatajtan, va jalakjunil: —Uxiknan ox kilamispayau, ox kꞌatsꞌayatꞌik toꞌoxtaycha kminchal. Pero jantu kilaqꞌaman kakmil. Va kimPay kimalaqachal. Yucha najun yu laqsaval pero yu uxiknan jantu mispꞌayatꞌik.
26465	JHN 8:15	Uxiknan mukꞌayatꞌik laqtaqal tacha tamukꞌay yu valiꞌiy lapanakni. Ni kitꞌin jantu matichun kmukꞌaniy laqtaqal.
26469	JHN 8:19	Ex tajunil: —¿Tas ancha vil ni mimpay? Ex ni Jesús jaqaltayanal, jalakjunil: —Uxiknan jantu kilamispayau ni kitꞌin, vachu jantu mispꞌayatꞌik yu kimPay. Incha kilamispau ni kitꞌin ex vachu kꞌamispꞌatꞌik ni kimPay.
26473	JHN 8:23	Ex ni Jesús jalakjunchoqol: —Uxiknan untꞌatꞌik xalapanakni yu aniy lakamunukpaꞌ, pero kitꞌin kminchal laktꞌiyan. Uxiknan va aniy lakamunukpaꞌ aqtꞌaynitꞌik tsukunun, pero kitꞌin jantu aniy kajkꞌaqtaynil.
26491	JHN 8:41	Uxiknan vananaj chun makꞌayatꞌik tacha yu makay mimpaykꞌan. Ex tanaul ni yuꞌuncha: —Kijnan jantu aqchunan kajkuu, va qayntaun yu kimPaykꞌan yucha va Dios.
26497	JHN 8:47	Yu laqsaval ixnavin Dios yucha qasmatꞌa ixchivinti Dios. Uxiknan jantu ixnavin Dios kaꞌuntꞌik, xlhiyucha jantu asmakpꞌutꞌunatꞌik ixchivinti Dios.
26537	JHN 9:28	Chuncha ox talaktuꞌul, va tajunil: —Uxintꞌi maqamayan katꞌapiti ni anchanu lapanaki. Kijnan vamun Moisés kintamaqamayan kaktꞌaꞌau.
26543	JHN 9:34	Ex tajunil ni laꞌachꞌix: —Uxintꞌi tsꞌukꞌu kun lhuu talaqalhin, ex chavay ¿va uxintꞌi kilamalaniputunau ni kijnan? Ex chuncha va nimancha tatinaqxtul ni laqa chaqaꞌ taꞌan ixtataqxtoꞌa ni israelitas para jantucha katanuchoqol.
26544	JHN 9:35	Ni Jesús niman kꞌatsal ni lapanaki yu laꞌachꞌix ixjunita ixtatinaqxtutacha laqa chaqaꞌ taꞌan ixtataqxtoꞌa ni israelitas. Ex tejkan paxtoqlhi va lhisakmil: —¿Uxintꞌi lhakꞌapꞌupꞌin yu val Sasꞌatꞌa Lapanaki?
26546	JHN 9:37	Ex junil ni Jesús: —Uxintꞌi mispꞌaycha y laqtsꞌintꞌacha. Va kitꞌin kunita yu chavaycha ktꞌaꞌun tꞌachivin uxintꞌi.
26576	JHN 10:26	Uxiknan jantu kiborregos kꞌaꞌuntꞌik xlhiyucha jantu lhakꞌapꞌupꞌinatꞌik.
26583	JHN 10:33	Chuncha ni israelitas taqaltayl, va tajunil: —Kijnan jantu klalhilakatꞌalmayau por yu lajꞌox lhitapatsa yu makꞌatꞌi. Va klalhilakatꞌalmayau por minchivinti. Chuncha tacha naꞌun ayaj tꞌapꞌasaniy ni Dios. Uxintꞌi valiꞌiy lapanaki kꞌatꞌi pero makꞌakꞌan milaqꞌaman tacha Dios kꞌaꞌuntꞌi.
26641	JHN 11:49	Exnicha anchanuꞌ jachꞌitin ixꞌalin qayntaun kuraj yu ixjunkan Caifás yucha jalakjunil: —Uxiknan jantu tuꞌuchun kꞌatsꞌayatꞌik.
26709	JHN 13:10	Chuncha ni Jesús aaqtaun qaltaychoqol, va junil: —Taꞌayuꞌ yu ox laqachaꞌata yucha jantu maqskꞌiniy kalaqachaꞌakal taꞌakchun, vamun ixchꞌajaꞌ. Ox junita taꞌakchun la ixlakatunaj. Uxiknan lajꞌoxin untꞌatꞌik mas jantu mintachunkꞌan.
26712	JHN 13:13	Uxiknan kilajunau ni kitꞌin va jamalaniniꞌ kunita, vachuꞌ kilajunau jalhachimoꞌonuꞌ. Laqsaval ixlaqmiti chuncha kilajuniu, va yucha kunita.
26732	JHN 13:33	Kesꞌatꞌan, kitꞌin jantucha apalay kaktaqmaqayaꞌ kun uxiknan. Uxiknan kilalakxkauyau pero vachu chun klajunau tacha klakjunil mintꞌaꞌisraelitaskꞌan: uxiknan jantu lay kapꞌinapitik taꞌan kitꞌin kajkꞌanaꞌ.
26741	JHN 14:4	Uxiknan mispꞌayatꞌik taꞌan kitꞌin kajkꞌanaꞌ, vachuꞌ mispꞌayatꞌik ni lakatin.
26771	JHN 15:3	Uxiknan laꞌoxitꞌatꞌikcha metsukuntikꞌan por ni chivinti yu klamasuniu.
26782	JHN 15:14	Uxiknan va kintꞌaltanan untꞌatꞌik incha makꞌayatꞌik tacha yu klalhijunau.
26784	JHN 15:16	Uxiknan jantu kilalaksakvi kitꞌin, va kitꞌin klalaksakvi ni uxiknan. Klamalaqachayau ni kaꞌuntꞌik tacha maqlaqapꞌu yu xtaꞌa lajꞌox xaꞌunikan yu jantu aqtaun kamiꞌoyaꞌ. Chuncha ni kimPay kataxtaqniyan tachun yu kꞌaskꞌiniyapitik la kintaqaꞌuti.
26822	JHN 16:27	va yucha taꞌachaniyan. Uxiknan kilaꞌachaniyau vachu lhakꞌapꞌupꞌintꞌatꞌikcha ni kitꞌin va ancha kmintachal kun Dios, xlhiyucha taꞌachaniyan.
26829	JHN 17:1	Tejkan chuncha naunꞌol ni Jesús ex talaqstꞌal laktꞌiyan, va naul: —Uxintꞌi, kimPay kꞌatꞌi, chavay lakachilcha ni hora. Ay kꞌimakꞌatꞌi ni kitꞌin mesꞌatꞌa para vachuꞌ ay kakmakan ni uxintꞌi.