23244	MAT 2:6	‘Bëtrëhëm, manih pa muhin va Jiutiaꞌ, eën se nat nom vasuksuk vatëh nom maꞌ a ma vöön apaꞌpuh varih to teꞌ ne manih Jiutiaꞌ. Suk ataeah, amot manih pën no a pah teꞌ sunön se tavus, pareꞌ matop non a napan peöꞌ varih Israël.’”
23264	MAT 3:3	E Jon pamëh no a teꞌ vanënën soe vëh eꞌ Aisaëaꞌ, to soe suk voh pan, “Manih pa moeh upin no a pah teꞌ to vavaoe non maꞌ pan, ‘Vamatop öm a hanan pe Sunön, paröm vatotoopin a ma hanan peꞌ.’”
23282	MAT 4:4	Ivëhkëk, e Ieesuꞌ to piun va in a soe pe susun po oraꞌ hat pamëh manih pan, “O Puk Vapenpen to soe ka rora sih pan, ‘O muꞌ to hikta onöt non a heꞌ o toꞌtoꞌ tamoaan manih pa napan, a ma soe varoe pe Sosoenën to antoen ne pa heꞌ a ra o toꞌtoꞌ pamëh.’”
23285	MAT 4:7	E Ieesuꞌ to piun poan, pareꞌ soe, “O Puk Vapenpen to soe pet e non pan, ‘Eën se nat nom pupunöꞌ nom pa vöknah e Sunön pën e Sosoenën.’”
23288	MAT 4:10	Ke Ieesuꞌ piun varuꞌ va in a soe pe susun po oraꞌ hat pamëh vamanih pan, “Susun po oraꞌ hat, nö na, o Puk Vapenpen pe Sosoenën to soe non pan, ‘Eën se vasunön varoe ko e Sunön Sosoenën pën. Parën vatet varoe ko o iu peꞌ.’”
23351	MAT 5:48	Ka ma taateꞌ peöm sih teꞌ totoopin va ne manih pa ö no a taateꞌ pe Tamëneöm vöh pa vöön va kin to teꞌ totoopin va non.’”
23364	MAT 6:13	Parën nat nom vaonöt a punöꞌ, keꞌ tavus manih pemöm, kon këh a möm a ma punöꞌ pe susun po oraꞌ hat.’”
23390	MAT 7:5	Eën a teꞌ mokoꞌ rivon, kon momoaan a tanaon apuh vëh to teꞌ non pa matömah. Ko vasuksuk poꞌ nën se ep vamaaka nom, parën pah kan takin poꞌ a tapisik soneꞌ vëh to teꞌ non pa matan e kea pën. A pusun in a soe vaꞌih to soe va non manih pan, ‘Eën se ep momoaan voh pa hat pën, parën pah vatotoopin poꞌ e kea pën.’”
23408	MAT 7:23	Köꞌ se soe vamaaka rakah keoꞌ pee pan, ‘Këh a na neoꞌ öm, peöꞌ to hikta nat noꞌ peöm. Suk eöm o teꞌ va pa nok vatëh a ma taateꞌ hat.’”
23454	MAT 9:6	Ivëhkëk, eöꞌ se vamaaka ka neöm a pah tah, köm se vaman, ko nat ka neoꞌ e Koaꞌ Teꞌ pa Napan Kurus to teꞌ me noꞌ pa tasun manih po oeh marën a ihan anoe a ma hat. Ivëh, köꞌ taꞌ eoꞌ pa teꞌ tëtënkun pamëh pan, ‘Sun ah, parën kon o pan pën, ko nö eom manuh pa iuun pën.’”
23534	MAT 11:6	Ko teꞌ varih to vaman a ne neoꞌ, me pa ma tah nöꞌ to nonok noꞌ, ee se nat ne haraꞌ vahat ne, ee se vaeö, suk e Sosoenën se tapui en pee.’”
23538	MAT 11:10	Ke Jon ko pamëh no a soe to takiun suk voh manih po Puk pe Sosoenën to soe non pan, “Pënton ah, eöꞌ se vanö nös a teꞌ vëh se teꞌ vovoh nös a soe peöꞌ manem pën, eꞌ se vovoh ka oah, pareꞌ vamatop a hanan pën.” “Manih pa moeh upin no a pah teꞌ to vavaoe no maꞌ pan, ‘Vamatop öm a hanan pe Sunön, paröm vatotoopin a ma hanan peꞌ.’”
23545	MAT 11:17	‘Emöm to piu kem peöm po piu, ivëhkëk, eöm to hikta pinoꞌ. Kemöm vaëhëh kem peöm pa tah okook vatamak, ivëhkëk, eöm to hikta tamak to ook.’”
23835	MAT 19:4	Ke Ieesuꞌ piun a hi pee pareꞌ soe pan, “Vahvapoꞌnih köm pupunöꞌ e nem peöꞌ? Eöm to hikta ëh pöꞌ voh a soe vëh to kiun non manih po Puk Vapenpen to soe non pan, ‘Moaan rakah voh ne Sosoenën to nok o oeh me a ma moeh tah kurus, pareꞌ pah nok poꞌ a teꞌ, a teꞌ oeteꞌ, me e köövo.’”
23836	MAT 19:5	“Ivëh ne Sosoenën to soe suk vavoh manih pan, ‘E voe se këh maꞌ e sinaneah pen tamaneah, pareꞌ teꞌ vatös me e non pe köövo peꞌ, kee tavus ee pon a paeh.’”
23900	MAT 21:5	“Soe ke ra napan va Jerusalëm, ‘E sunön peöm to nö en maꞌ. Eꞌ to nö va maꞌ manih pa teꞌ akuk to hikta teꞌ me non to ëhnan, pareꞌ tok maꞌ pa tönkiꞌ sekaꞌ.’”
23911	MAT 21:16	O teꞌ susunön ësës heꞌ, me ro teꞌ vavaasis to nat i ne o Vavaasis pe Mosës to nö ee manuh pe Ieesuꞌ, pare hi poë pan, “Eën nat kës e nom pa tah no koaꞌ varih to sosoe ne, ha?” Ke Ieesuꞌ piun rapoë, pareꞌ soe pan, “A, eöꞌ to pënton e noꞌ, paröꞌ nat e noꞌ pa tah nee to sosoe ne. Ke eöm poꞌ, eöm to hikta ëh pöꞌ voh a soe to kiun non manih po puk pe Sosoenën to soe non pan, ‘Eën koman to vavaasis voh o koaꞌ sosoneꞌ rakah, pa kë a ëhnöömah.’”
23985	MAT 22:44	‘E Sosoenën to soe ke Devit pan, “E Kristo e Sunön pën.” ‘Ke Sosoenën sosoe avoeꞌ ke non pe Kristo pan,’ “Ihoꞌ ah manih pa papmatö peöꞌ, ko teꞌ nom nën keꞌ onöt po poen nöꞌ se vahoꞌ o teꞌ varih to vakihat me a nom oah manih paan a matop pën.’”
24026	MAT 23:39	Eöꞌ to soe va keoꞌ peöm manih pan, eöm hikta se ep hah a nem neoꞌ manih po oeh vëh, keꞌ onöt rakah pa ö söꞌ hah va maꞌ manih pe Sunön peöm, köm soe em pan, ‘E Sosoenën se tapui a teꞌ vëh to nö maꞌ pa ëhnan e Sunön.’”
24055	MAT 24:29	E Ieesuꞌ to vavaato avoeꞌ e non, pareꞌ soe vamanih pan, “O poen no a ma punis poë varih to hik ee, ka ma teꞌ tah varih tanok pet, ‘A potan se popoen, ka sivö hikta se paapa non. O vesun se vuꞌvuꞌ taneꞌ ee maꞌ akis. Ko kikis vöh akis se panih, ko takö ee.’”
24089	MAT 25:12	Ivëhkëk, e voe tövaen to soe maꞌ pan, ‘Eöꞌ to soe vaman rakah keoꞌ peöm, Eöꞌ to hikta nat noꞌ peöm.’”
24141	MAT 26:18	Ke Ieesuꞌ soe ken pee pa pah teꞌ, pareꞌ soe pan “Eöm se nö na pa vöön va Jerusalëm, paröm nö manuh pa teꞌ vëh, paröm soe keah pan, ‘E Apuh to soe maꞌ pan, o poen mët peꞌ to öök vatët en, ke eꞌ me ra ma vamomhë peꞌ se ëën a Taëën Apuh va po Pasovaꞌ manih pa iuun pën.’”
24184	MAT 26:61	pare soe ee pan, “A teꞌ vëh to soe voh pan, ‘Eöꞌ se miröꞌ eoꞌ pa Iuun Hinhin Apuh pe Sosoenën, paröꞌ eok hah eoꞌ peꞌ po kukön poen.’”
24271	MAT 28:7	paröm nö vëhöꞌ na manuh pa ma vamomhë peꞌ, ko soe ke raoe pan, ‘E Ieesuꞌ to sun taneꞌ hah en po vapeepe. Eꞌ se vovoh ken peöm manuh Galiliꞌ. Ke eöm se nö, paröm ep eah nën.’” A ankeroꞌ to vavaato avoeꞌ me e non pa poa köövo, pareꞌ soe pan, “Eöm se nat nem anoe a soe vëh nöꞌ to heꞌ a neöm kuru.”
24287	MRK 1:3	“Manih pa moeh upin a pah teꞌ to vavaoe no maꞌ pan, ‘Vamatop öm a hanan pe Sunön, paröm vatotoopin a ma hanan peꞌ.’”
24404	MRK 4:12	‘Ee se epep ne ko sih epep vatëh va kov e ne manih, ivëhkëk, ee hikta se nat i ne ta pah tah, ee se tëtënan ne ko sih tëtënan vatëh va kov e ne manih, ivëhkëk, ee hikta se maaka i ne a pusun in a soe pamëh. Ee se keh maaka i ne a pusun in a soe pamëh, ee se tarih ke na manuh pe Sosoenën, ke Sosoenën se ihan anoe en pa ma hat pee.’”
24500	MRK 6:24	Ke koaꞌ sepeꞌ pamëh tavus, pareꞌ hi en pe sinaneah pan, “Eöꞌ se hin ataeah manih pe Hëërot?” Ivëh, ke sinaneah Hëëroteas taum poꞌ en pa hanan va pa ö ne se ip vamët koe in e Jon Tövapupui, pareꞌ soe ke semoneah pan, “A, eën se nö hah manuh pe Hëërot, parën soe va in eah manih pan, ‘Eöꞌ to iu noꞌ o kahoꞌ pe Jon Tövapupui neꞌ se heꞌ maꞌ oah.’”
24664	MRK 10:7	Ivëh, ne voe se këh suk maꞌ e tamaneah pen e sinaneah, pareꞌ teꞌ vatös me e non pe köövo peꞌ, kee tavus ee pon a paeh.’”
24712	MRK 11:3	Ka ta pah teꞌ se keh hi a neöm pan, ‘Eöm nok suk vamanih ataeah?’ Köm soe keah pan, ‘E Topoan to iu non poan. Eꞌ se vanö ohoꞌ hah en maꞌ peꞌ.’”
24753	MRK 12:11	E Sunön to nok a vös pamëh, keꞌ tavus en o toon to toon vakis non a iuun, pareꞌ paraꞌ ep vamanin manih pa mataara.’”
24772	MRK 12:30	‘Eöm se iu rakah nem e Sunön e Sosoenën peöm manih pa ma kupu peöm, me manih pa ma apeneöm, me manih pa ma kokoman peöm, me manih pa ma kikis kurus rakah peöm.’”
24773	MRK 12:31	“Ka vapöök taateꞌ to teꞌ va non manih, ‘Eën se iu nom a meh teꞌ vamanih pa ö ne eën to iu hah va ka nom.’” “Ahikta meh taateꞌ to teꞌ apuh non, pareꞌ teꞌ oah non a poa taateꞌ varih.”
24778	MRK 12:36	A Tuvuh Vasioꞌ to heꞌ e Devit o kokoman, keꞌ soe vamanih pan, ‘E Sosoenën to soe ke Devit pan, “E Kristo e Sunön pën.” ‘Ke Sosoenën sosoe avoeꞌ ke non pe Kristo pan,’ “Ihoꞌ ah manih pa papmatö peöꞌ, ko teꞌ nom nën keꞌ onöt po poen nöꞌ se vahoꞌ o teꞌ varih to vakihat me a nom oah manih paan a matop pën.’”
24811	MRK 13:25	O vesun se vuꞌvuꞌ taneꞌ ee maꞌ akis. Ko kikis vöh akis se panih, ko takö ee.’”
24881	MRK 14:58	“Emöm to pënton voh nem eah to soe pan, ‘Eöꞌ se miröꞌ eoꞌ pa Iuun Hinhin Apuh vëh no a napan to eok voh pa ma koreere, ko murin in o kukön poen, eöꞌ se eok hah a meh Iuun Hinhin Apuh na to hikta onöt no a eok pa koreera.’”
25016	LUK 1:54	Ivëh, keꞌ soe ke voh a kën sipuura pan, ‘Eöꞌ se ururuan e Abraham me ro vuteꞌ peꞌ varih se tavus amot maꞌ, keꞌ nö ko tavus amot na manuh. Pareꞌ nat avoeꞌ e non po ururuan voh peꞌ. Eꞌ to nat e non pa soe vaman neꞌ to soe ke voh a kën sipuura, Ko vaꞌaus en pa napan peꞌ Israël.’” O vaëhëh pe Mariaꞌ to hik en.
25100	LUK 3:6	Ka ma napan se ep in a kiu vih pe Sosoenën pa ö neꞌ se kon hah a ma napan kurus.’”
25136	LUK 4:4	Ke Ieesuꞌ piun va in a soe pe susun po oraꞌ hat manih pan, “O Puk Vapenpen to soe ka rora sih pan, ‘A taëën varoe to hikta onöt non a heꞌ o toꞌtoꞌ tamoaan manih pa napan.’”
25140	LUK 4:8	Ke Ieesuꞌ piun va in a soe pe susun po oraꞌ hat vamanih pan, “O Puk Vapenpen to soe va non manih pan, ‘Eën se kë varoe ko nom a ëhnan e Sunön Sosoenën pën. Parën vatet varoe ko nom o iu peꞌ.’”
25142	LUK 4:10	Suk o Puk Vapenpen to soe non pan, ‘E Sosoenën se soe ke ro ankeroꞌ peꞌ, kee ut vavih rakah e ne pën.’”
25143	LUK 4:11	“Eꞌ to soe pet non pan, ‘O ankeroꞌ se öt ee pën pa ma koreere, ka hikta pah vös to onöt non a ruk a momah.’”
25144	LUK 4:12	Ke Ieesuꞌ piun poan, pareꞌ soe pan, “O Puk Vapenpen to soe pet e non pan, ‘Eën se nat nom pupunöꞌ nom pa vöknah e Sunön pën e Sosoenën.’”
25151	LUK 4:19	Me a ö nöꞌ se vatvus a soe po poen vih vëh, ne Sunön se kon hah a napan peꞌ.’”
25155	LUK 4:23	Ke Ieesuꞌ soe ke raoe pan, “Eöm to pënton voh em pa soe to soe non pan, ‘Vataare a möm ah, pan eën e röktaꞌ pa ö sën vavih koman hah eöm pa sioniumah’. A pusun in a soe pamëh to soe vamanih pan, ‘Eën se keh teꞌ nom pan, eën e Kristo, a, eën se nok a ma tah vatoksean manih koman a vöön pea vamanih pa ö nemöm to pënton pan eën to nok vavoh manuh pa vöön va Kapaneam.’”
25257	LUK 6:42	Vahvanih kën se soe ke kea pën pan, ‘Kea, eöꞌ to iu kan këh nom oah pa tapisik vëh pa matömah,’ parën hikta ep momoaan voh pa tanaon apuh vëh to teꞌ non pa matömah? Eën a teꞌ mokoꞌ rivon, kon momoaan a tanaon apuh vëh to teꞌ non pa matömah. Ko vasuksuk poꞌ nën se ep vamaaka nom parën pah kan takin poꞌ a tapisik soneꞌ vëh to teꞌ non pa matan e kea pën. A pusun in a soe vaꞌih to soe va non manih pan, ‘Eën se ep momoaan voh pa hat pën, parën pah vatotoopin poꞌ e kea pën.’”
25296	LUK 7:32	Ee to teꞌ va ne manih po koaꞌ to ihoꞌ ne pa ma ö totoaan, pare vavaasis piu ne, ivëhkëk o meoh upöm pee to hikta vaëhëh ne. Kee varek ke raoe, pare soe pan, ‘Emöm to piu kem peöm po piu, ivëhkëk, eöm to hikta pinoꞌ. Kemöm vaëhëh kem peöm pa ta okook vatamak, ivëhkëk eöm to hikta tamak to ook.’”
25324	LUK 8:10	Ke Ieesuꞌ soe, “E Sosoenën koman to vataare vahik voh en peöm pa pusun in a soe vakoaan in a Matop Vih Peꞌ. Ivëhkëk, a ma upöm teꞌ to pënton koe ne sih pa ma soe vapipinoꞌ. Ivaꞌih, ‘Kee ut ne, pare hikta ep in ta pah tah. Ee to tënan e ne, pare hikta maaka ne a pusun in a soe.’”
25467	LUK 10:35	Po meoh poen neꞌ to heꞌ en pe tövaneah pa iuun pa moniꞌ to antoen non a matop a teꞌ pamëh, pareꞌ soe ke tövaneah pa iuun pan, ‘Eën se matop nom a teꞌ vëh, ka ta ma meh moniꞌ peo pën se keh hik pa matop a teꞌ vëh, a, eöꞌ se hah maꞌ, ko piun hah ka oah.’”
25478	LUK 11:4	Ihan anoe a ma hat pemöm, suk emöm to ihan anoe voh a ma hat, no upöm teꞌ to nok ka möm. Parën nat nom vaonöt a punöꞌ, keꞌ tavus manih pemöm.’”
25596	LUK 13:9	O naon se pöꞌ voaꞌ en po kirismas vöh. Keꞌ se keh hikta voaꞌ, a, kën taka poꞌ eom peꞌ.’”
25622	LUK 13:35	Pënton öm. E Sosoenën to këh voh en pa vöön peöm me a Iuun Hinhin Apuh peöm. Eöꞌ to soe ka neöm, eöm se hikta ep ka neöꞌ, keꞌ onöt rakah o poen nöm se soe pan, ‘Ea se kë a ëhnan a teꞌ apuh vëh to taneꞌ maꞌ manuh pe Sosoenën.’”
25646	LUK 14:24	Eöꞌ to soe ka neöm, a ma teꞌ kurus varih moaan voh nöꞌ to vipuh raoe, eꞌe to hikta onöt rakah ne a vaëën me a neoꞌ.’”
25689	LUK 15:32	Ivëhkëk, kuru ea se vaeö ko kokoman pea se teꞌ vavih rakah non. Suk e kea pën vaꞌih to mët voh en, ivëhkëk, kuru eꞌ to toꞌtoꞌ hah en. Eꞌ to ro voh en, ivëhkëk, kuru ea to taum hah ee peꞌ.’”
25718	LUK 16:29	Ivëhkëk, e Abraham to soe maꞌ pan, ‘O Vavaasis pe Mosës me ro Vavaasis po Teꞌ Vanënën Soe to teꞌ e ne, ee se tënan ee pa ma Vavaasis poë varih, pare vatet ee.’”
25720	LUK 16:31	Ivëhkëk e Abraham to soe ke poan pan, ‘Eꞌe se keh hikta tënan o Vavaasis pe Mosës, me ro Vavaasis po Teꞌ Vanënën Soe, a, ka ta pah teꞌ se keh sun taneꞌ hah maꞌ pa nap mët, eꞌe to hikta onöt ne a vaman pet poë.’”
25730	LUK 17:10	Ivëh, ke eöm me, eöm se keh nok vahik kurus em pa ma tah ne Sosoenën to soe ka neöm, a, eöm se soe vamanih pan, ‘Emöm o teꞌ kikiu varoe. A ma tah nemöm to nonok nem, eꞌ a kiu akuk ko pemöm. Ivëh, kemöm hikta iu nem a soe vavihvih.’”
25741	LUK 17:21	Eꞌe to hikta onöt ne a soe pan, ‘Ep öm a Matop Vih ivëh, keꞌ ivöh, suk ataeah a Matop Vih pe Sosoenën nöm to teꞌ me e nem.’”
25762	LUK 18:5	Ivëhkëk, e köövo mahu vëh to pah vëhvaꞌ e non peöꞌ pa nö vatëh maꞌ. Rakah ah, köꞌ vaꞌaus momoaan eoꞌ peꞌ manih po vahutët. Eꞌ tomeꞌ vatëh sionin pa nö vatëh maꞌ manih peöꞌ.’”
25827	LUK 19:27	‘Ivëhkëk, a ma teꞌ varih to vakihat me a no neoꞌ, pare hikta iu ne a ö nöꞌ se teꞌ noꞌ a teꞌ sunön pee, eöm se me maꞌ raoe, paröm ip vamët manih pa mataneoꞌ.’”
25831	LUK 19:31	Ta pah teꞌ se keh hi a neöm pan, ‘Suk ataeah, köm ihihan nem a tönkiꞌ manem?’ Eöm se soe keah pan, ‘E Topoan to teꞌ me non a kiu manih peꞌ.’”
26067	LUK 24:7	Eꞌ to soe voh ka neöm pan, ‘Ee se heꞌ e Koaꞌ Teꞌ Pa Napan Kurus manih pa koreera nap hat kee ni poë pa kuruse, ko vakön poen neꞌ se toꞌ ko sun hah en.’”
26128	JHN 1:15	E Jon to vavatvus non a soe, pareꞌ soe pan, “Ivaꞌih a teꞌ nöꞌ to sosoe suk voh noꞌ, paröꞌ soe pan, ‘A teꞌ vëh se suk a maꞌ neoꞌ no a tasun peꞌ to teꞌ oah e non pa teꞌ tasun peöꞌ. Suk ataeah, eꞌ to teꞌ momoaan voh ke non peöꞌ.’”
26136	JHN 1:23	Ke Jon piun raoe, pareꞌ vahoꞌ a soe peꞌ manih pa soe voh pa teꞌ vanënën soe vëh e Aisaëaꞌ, pareꞌ soe pan, “Manih pa moeh upin a rivoneoꞌ to teꞌ va non manih pa rivon a pah teꞌ to vavaoe non maꞌ pan, ‘Vatotoopin öm a hanan pe Sunön.’”
26357	JHN 6:31	A kën sipuura to ëën voh o manaꞌ manih pa moeh upin vamanih pa ö no o Puk pe Sosoenën to soe va non, ‘Eꞌ to heꞌ voh a napan a taëën va pa vöön va kin, kee ëën ee.’”
26391	JHN 6:65	Ivëh, ne Ieesuꞌ to soe suk va i raoe manih pan “Ivaꞌih a tah nöꞌ to koman voh noꞌ, paröꞌ soe pan, ‘Ahikta pah teꞌ to antoen non a nö maꞌ manih peöꞌ, pa ö ne Tamön se keh hikta vanö maꞌ poan, keꞌ nö maꞌ peöꞌ.’”
26433	JHN 7:36	Ataeah neꞌ to koman non, pareꞌ soe suk vamanih pan, ‘Eöm se iu ep e nem peöꞌ, ivëhkëk, eöm hikta onöt nem a taum a neoꞌ paröm hikta onöt me nem a nö pa vöön nöꞌ se teꞌ noꞌ.’”
26435	JHN 7:38	O Puk Vapenpen pe Sosoenën to soe ka rora pan, ‘Etereh to vaman ne a ma soe peöꞌ, a ruen va po toꞌtoꞌ tamoaan se nönö va kov e non maꞌ manih pa ma kupu pee.’”
26439	JHN 7:42	suk ataeah, o Puk Vapenpen pe Sosoenën to soe non pan, ‘E Kristo se koaꞌ manih po vuteꞌ pe Devit. E koaꞌ pamëh se koaꞌ manih pa vöön pe Devit, ka ëhnan a vöön vëh neꞌ se tavus, ivëh Bëtrëhëm.’”
26812	JHN 16:17	Ko upöm vamomhë peꞌ vaiihi koman e ne pan, “A soe vaꞌih teꞌ vah va non nih? Eꞌ to sosoe ka rora pan, ‘A siꞌ ö hat ka hikta se ep hah no eah, me a siꞌ ö hat na se ep hah ee peꞌ.’ Eꞌ me to soe en pan, ‘A pusun in a soe vaꞌih to teꞌ va non manih, eöꞌ se nö eoꞌ manuh pe Tamön.’”
26901	JHN 19:7	Ko Jiuꞌ soe ke na e Paëlat pan, “Ea to teꞌ me no a taateꞌ to soe non pan, a teꞌ vëh eꞌ se mët rakah. Suk ataeah, eꞌ to soe voh pan, ‘Eöꞌ E Koaꞌ Pe Sosoenën.’”
26915	JHN 19:21	O teꞌ susunön ësës heꞌ to ep a tah vaꞌih, pare pah heve suntan ee, pare soe ke Paëlat pan, “Eën se nat nom kiun vamanih pan, ‘Sunön po Jiuꞌ’. Eën se kiun vamanih pa ö neꞌ to soe vavoh, ‘Eöꞌ a teꞌ Sunön po Jiuꞌ.’”
27039	ACT 2:21	Ka napan kurus rakah to hinhin ne a ö ne Sosoenën se kon hah raoe, a, e Sosoenën se kon hah raoe, kee teꞌ ne a ma napan peꞌ.’”
27228	ACT 7:43	Eöm to vavaateꞌ vah voh nem a topa vasioꞌ teꞌteꞌ vah pe sosoenën Molëk, me a tah nöꞌnës va pa vesun, nee to pokaꞌ Refan e ne, eꞌ a ma tah nöm to nok tariuk voh, eöm to kë nem raoe vamanih pa ma sosoenën peöm. Ivëh, köꞌ se vanö a neöm, köm teꞌ varo nem maꞌ paan a matop pa Babiron.’”
27235	ACT 7:50	Eöꞌ koman to nok voh a ma tah kurus varih.’”
27472	ACT 13:41	‘Eöm a ma teꞌ varih to vavovoeak me vapikpiuk nem e Sosoenën, eöm se matop nem. A kiu vëh nöꞌ to nonok noꞌ manih po poen nöm to teꞌ toꞌtoꞌ nem, a teꞌ se keh soe vamaaka ro ken peöm pa ma tah nöꞌ to nonok noꞌ, eꞌ a ma tah varih nöm se keh koe a vaman, eöm se mët em.’”
27478	ACT 13:47	E Apuh to soe ka möm pan, ‘Eöꞌ to vahoꞌ a oah vamanih po ëman to vovoh ke non a napan, kën se vaꞌaus a ma meoh upöm napan to hikta teꞌ ne o Jiuꞌ va pa meh vöön manih po oeh kurus, ke Sosoenën se kon hah raoe.’”
27729	ACT 20:35	Eöꞌ to vataare voh a neöm a ma kiu peöꞌ, köm se nok suk a kiu peöꞌ ivaꞌih, ea se vaꞌaus a ma teꞌ to hikta onöt ne a vaꞌaus hah rea, para koman no a soe voh pe Sunön Ieesuꞌ, neꞌ to soe voh pan, ‘O vaeö pa teꞌ vëh to heꞌ a meh teꞌ a tah, to teꞌ oah rakah e non po vaeö pa teꞌ vëh to öt.’”
27743	ACT 21:11	Eꞌ to nö maꞌ pemöm, pareꞌ kon o ka voh pe Pöl, ko noh a koren me a moneah, pareꞌ soe pan, “A Tuvuh Vasioꞌ, to soe vamanih, ‘E tövaneah po ka voh vëh no Jiuꞌ va Jerusalëm se nohnoh va in poë manih, pare heꞌ o teꞌ varih to hikta teꞌ ne pan ee ro Jiuꞌ.’”
27788	ACT 22:16	Suk ataeah, kën anoeh varë nom? Sun ah, kee pupui a oah, parën vaoe na a ëhnan e Ieesuꞌ, keꞌ se pupui këh a oah pa ma hat pën.’”
27793	ACT 22:21	Ivëhkëk, e Apuh to soe ka neoꞌ pan, ‘Nö ah, eöꞌ se vanö varo a oah manuh pa napan to hikta teꞌ ne pan ee ro Jiuꞌ.’”
27807	ACT 23:5	Ke Pöl soe pan, “Kën kea, eöꞌ hikta nat noꞌ eah eꞌ a Teꞌ Susun po Teꞌ Ësës Heꞌ. O Puk Vapenpen to soe va non manih, ‘Eën se nat nom soe vahat a teꞌ susun to matop non a napan.’”
27908	ACT 26:17	Eöꞌ se kon hah këh oah pa napan va Israël, ee ro teꞌ koman pën. Eöꞌ se vanö oah manih pee, me o teꞌ varih to hikta teꞌ ne pan ee ro Jiuꞌ, marën a kap a ma matëëre, kee panih këh a taateꞌ popoen ko taneo pa nok a taateꞌ maaka. Ee se këh maꞌ o kikis pe susun po oraꞌ hat, pare teꞌ ne paan o kikis pe Sosoenën. Ivëh, köꞌ se ihan anoe a ma hat pee, suk ee to vaman a no neoꞌ, kee se teꞌ vaꞌpeh me ne a ma napan varih to vaman a no neoꞌ, ee a ma napan koman peöꞌ.’”
27994	ACT 28:27	Suk ma kupu pa napan to vösvös, ka tenëëre to rës e ne pa pënton tah soe. Ka matëëre makus e non. Ee tomeꞌ ep ta tah. A tenëëre tomeꞌ pënton ta tah. O kupu pee to meꞌ maaka in ta tah. Kee tarih hah maꞌ manih peöꞌ. Köꞌ vavih hah raoe. E Sosoenën to soe va nën.’”
28249	ROM 9:26	“Ka manih totoopin rakah pa ma ö nöꞌ to soe ke voh raoe pan, ‘Eöm to hikta teꞌ nem pan eöm a napan peöꞌ’, Amot nee se pokaꞌ ee pee, ‘O pus koaꞌ pe Sosoenën a toꞌtoꞌ tamoaan.’”
28359	ROM 14:11	Peꞌ to kiun va non manih po Puk pe Sosoenën, pareꞌ soe non pan, “A soe pe Sunön ivaꞌih, ‘Suk rakah a ö nöꞌ to teꞌ toꞌtoꞌ noꞌ’, A napan kurus va po oeh se vatokon manih pa mataneoꞌ, pare soe tavus va ee manih pan, ‘Eën e Sosoenën.’”
28984	2CO 6:18	“E Sunön A Kikis Vi to soe vamanih pan, ‘Eöꞌ se teꞌ noꞌ e tamëneöm, köm se teꞌ nem o pus koaꞌ oeteꞌ me ro pus koaꞌ mon peöꞌ.’”
30073	HEB 3:11	Eöꞌ to vovoh paröꞌ soepip vakis rakah eoꞌ pee pan, ‘Eöm se nat nem nö pa vanot manih pa muhin va Keenan vëh, nöꞌ se heꞌ a neöm.’”
30084	HEB 4:3	Ivëh, ke ea varih a napan to pënton para vaman no e Sosoenën, ea varoe to se ho manuh pa vöön vavanot vaꞌpeh me e Sosoenën. Suk ataeah, e Sosoenën to soe suk voh o teꞌ to pënton varo, pareꞌ soe pan, “Eöꞌ to heve voh paröꞌ soepip raoe, ko soe pan, ‘Ee se nat ne nö pa vanot manih pa muhin va Keenan, vëh nöꞌ se heꞌ raoe.’” E Sosoenën to soe voh a soe pamëh, eꞌ he vamatop vahik a vöön vanot peꞌ po poen neꞌ to nok o oeh, keꞌ öök non kuru.
30086	HEB 4:5	E Sosoenën to vavaato avoeꞌ suk e non pa pah soe, ko soe pan, “Ee se nat ne nö pa vanot manih pa muhin va Keenan, vëh nöꞌ se heꞌ raoe.’”
30207	HEB 10:7	Kuru eöꞌ to soe vamanih, ‘Eöꞌ ivëh e Ieesuꞌ, se vatet eoꞌ po iu pën, Sosoenën. Vamanih pa ö nee to kiun suk vavoh ka neoꞌ po Puk Vapenpen.’”
30216	HEB 10:16	“E Sosoenën to soe pan, ‘Ivaꞌih o vatompoan nöꞌ se nok me raoe. Amot nöꞌ se kiun a ma taateꞌ peöꞌ manih po kokoman pee. Me eöꞌ se vahoꞌ manih po toꞌtoꞌ pee.’”
31095	REV 19:9	Ka ankeroꞌ soe ka neöꞌ pan, “Kiun töön a soe vëh, ‘Vaeö rakah pa ma napan varih ne Sosoenën to vaoe manih pa taëën apuh va po vaen va pa Soneꞌ Sipsip.’” Pareꞌ soe pet en pan, “A soe vëh, eꞌ a soe vamaman pe Sosoenën.”