23231	MAT 1:18	Apa nda ununa a matsain Kristi Zamawawa. Mma va̱ yi eegeɓe a vuma ro ɗa na a̱ tsu ɗe Isuhu. Babu u reve vali, a̱vu u tsura̱ a̱a̱tsuma̱ o ure wa̱ Ruhu va Akiza.†
23232	MAT 1:19	Isuhu gba vuma va̱ a̱ɓula̱ ɗa za na shi a yuwusan ili i na i ri mejege; agba u ciga u ca Meri wono a alanga e eteshe shi, ɗaɗa u foɓoi wu kasa na̱ a̱yi usokowu.
23236	MAT 1:23	a na, “Usheli u na koto u revei vali shi u ta yuwan a̱a̱tsuma̱, u ta matsan ulobo, reve a ca yi aala Imanuwe.” Urevu wa̱ yi a̱yi ɗa, “A̱sula̱ oɓolo na̱ a̱tsu.”
23242	MAT 2:4	Reve u ɓoloto nan ganu a gbagbain na̱ munlu n Wila̱† suru, a̱vu we ece le, “Te ɗa aa matsan Kristi Zamawawa?”
23244	MAT 2:6	‘A̱vu gba Batalami, vi iɗa ya Yahuda, ili i ro i ɗa shi a̱tsuma̱ e ilyuci ya Yahuda. Mogono ma̱ to uta̱ ya̱ꞌa̱ wu. Za na oo oꞌwo ana za va aguɓa va aza a Israꞌila, ama a̱ va̱.’ ”
23264	MAT 3:3	Ishaya† vumava̱sula̱ yuwan ta̱ ɗe adanshi a Yahaya ana u dammai: “Nanza te ɗewu a̱tsuma̱ o una, ‘Foɓoyi Zagbain ure, i yuwan ure u na wa̱a̱ kuru mejege!’ ”
23271	MAT 3:10	Ko gogo tsunda, aaɓau a̱ ta̱ lo ufoɓu adama wu koɗo ɗanga a aralu e le. Uɗanga u na u matsain muwun n saꞌani shi, suru o to koɗo yi reve a vari yi akina.
23273	MAT 3:12	U tu ufoɓu na aaɗanga a faba na aakpatalutsu o uyeluwu adama u zangaɗa ishina. U ta kakasa ishina no owopo. Reve u tsun ishina i saꞌani o mopon ma̱ yi, owopo gba shi a̱vu u kula̱to le na akina a na a̱ ri n kima̱ shi.”
23291	MAT 4:13	U fara ta̱ ꞌya̱wa̱ a̱ lyuci va Nazara, a̱vu u ꞌyon u ka̱ra̱ a̱ tyo Kafarnahum na̱ nden, a̱ mɓa̱nga̱ m Mala ma̱ Ga̱lili, upasu wi iɗa ya Zebelun na̱ Nafutali.
23299	MAT 4:21	Ana u lyuwai elime, reve u cina ama e re muwun ma̱ a̱na̱wu waru, Yakubu na̱ Yahaya, olobo a̱ Za̱ba̱di. A̱ shi ta̱ a wantsun u le oɓolo na̱ dada le, o foɓuso igolo i le. A̱vu u damma le a̱ kuru yi.
23301	MAT 4:23	Yesu ꞌya̱wa̱ ta̱ uba̱ta̱ suru a̱tsuma̱ a̱ Ga̱lili. U ritosu ta̱ a̱tsuma̱ a̱ a̱ꞌisa̱. Waru u yuwusan ta̱ alajiya a Alabari a Saꞌani† o tsugono tsa zuva. A̱vu waru u ka̱mba̱tosu a̱za̱ o ubanakun na̱ a̱za̱ a̱ mɓa̱la̱ gbaga.
23302	MAT 4:24	A̱vu alabari a̱ yi o uta̱ a alanga a̱tsuma̱ e iɗa ya̱ Ga̱lili, adama o ndolo a ɗa a̱za̱ o ubanakun, hali na aza a na a̱ ri e iɗa ya Suriya, a̱ ta̱wusa̱i adama a̱ ka̱mba̱to le gbaga a banakun icuꞌun icuꞌun na̱ mɓa̱la̱ n lipu. Ozo o ro e le a̱ shi ta̱ no otoni a̱ lima̱ na̱ a̱bunda̱, ozo o ro gba shi a̱ shi ta̱ a̱tsuma̱lima̱ na̱ tsudaꞌun, ozo o ro waru gba a̱kutsuma̱ a ɗa a̱ shi. A̱vu gba Yesu ka̱mba̱to le gbaga suru.
23303	MAT 4:25	A̱vu oɓolo a amaꞌa na̱ a̱bunda̱ a̱ kuru yi uba̱ta̱ u na u ꞌya̱wa̱i suru: ama diga Ga̱lili, na̱ Dikafoli, na̱ Urishelima, na̱ Yahuda suru, na̱ diga asana o Uɗolu wa̱ Urdu.
23304	MAT 5:1	Ana Yesu enei oɓoloꞌo, reve u kumba a aagaɗi a masasan a̱vu u da̱nu. A̱vu aza a na oo tono yi a rawa zuzu,
23311	MAT 5:8	Aza a abaꞌun a ɗa aza a na okolo e le a̱ ri cece, adama a na a̱ ta̱ da̱nu oɓolo na̱ A̱sula̱.
23318	MAT 5:15	Waru a tsu kaɓato fitila reve a̱ kpa̱to yi na aasaꞌatsu shi. E eelele a ɗa a̱ tsu zuwa yi adama ekan e ikana, tsa̱ra̱ ama a na a̱ ri pe o uꞌwaꞌa suru e ene ure.
23319	MAT 5:16	Ne ɗa fo, yo oꞌwo ekan e ekere a ama o ro. I yuwan ili i saꞌani i na ee ene adama a ciɓala Dada ɗu na ri zuva.”
23321	MAT 5:18	Amayun a ɗa maa dansaa ɗu, ko ili i ta̱ ya̱a̱ pusa̱n a̱tsuma̱ a̱ Wila̱ꞌa̱ shi, she ni iɗa na̱ zuva o koto. Ko ɗani a̱a̱ puwa̱n shi waru ko madaɓi me iɗani ma̱a̱ puwa̱n shi, she ni ili biti i shiwan.
23325	MAT 5:22	Gogo gba n ta dansaa ɗu: na̱ vu yuwan upan na̱ za va̱ wu, a̱ ta̱ geꞌeto wu. Na̱ vu ɗe za va̱ wu, ‘A̱a̱ta̱mu,’ a ta tara wu a̱ tyo uba̱ta̱ wa Azagbain a Mbara.† Na̱ vu ɗe za va̱ wu, ‘A̱vu a̱a̱ta̱mu za na ri na̱ a̱ɓula̱ shi,’ vu ta̱ zuzu na vaa uwa a akina a na a̱ ri n kima̱ shi.
23342	MAT 5:39	Gogo gba n ta dansaa ɗu: na̱ za ro nusaan wu, she vu tsupa wan. Nna̱ za ro ɓasa wu o ugbaguzu wu ukere usaꞌani vu lyawa yi u koso ɓasa wu o ugbaguzu wu ukere wu ugula̱.
23347	MAT 5:44	A̱mu gba n ta dansaa ɗu, i ciga nꞌyuwatan n ɗu, reve i yuwaan aza a na oo ɓongishi ɗu avasa.
23348	MAT 5:45	Ni i yuwan ne, i to oꞌwo muwun ma amayun ma Dada ɗu na ri zuva. U tsu zuwa ta̱ urana wu uta̱ uba̱ta̱ wa ama a̱ a̱ɓula̱ nu uba̱ta̱ wa ama a vama. Waru u tsu yuwan ta̱ iroꞌi uba̱ta̱ wa aza a na aa yuwusan ili i na i ri mejege nu uba̱ta̱ wa aza a na aa yuwusan ili i babu ulobonu.
23351	MAT 5:48	Adama o ndolo, yo oꞌwo a̱za̱ a̱ a̱ɓula̱, ununa Dada ɗu za na ri zuva ri na̱ a̱ɓula̱.”
23357	MAT 6:6	A mantsa ma na yaa yuwan avasa, i uwa a aasula reve i ɓa̱ru una̱ntsu. Reve i yuwan avasa a̱ tyo ya Dada ɗu na ri uba̱ta̱ o usokowuꞌu. Ne ɗa Dada ɗu za na tse ene ili i na yaa yuwusan usokowu, waa ca ɗu iliyinkapa i ɗu.
23370	MAT 6:19	Yesu lyuwa ta̱ elime adansa, “She i ɓolotowo aciya̱ɗu uzuwa pa o uvaɗi wan! Ikupu na̱ matsafi ma̱ ta̱ lungusa̱ le, waru evu a ta gura ɓoso a uwa pe e iva̱ le.
23371	MAT 6:20	Amma, i yuwan izuwa i ɗu zuva, uba̱ta̱ u na ikupu na̱ matsafi ma̱a̱ lungusa̱ le shi, waru evu aa gura ɓoso a uwa pe e iva̱ le shi.
23373	MAT 6:22	“Esu ele ɗa o oꞌwoi ana fitila lipu. Ne esu a̱ wu a̱ ri ulobonu, lipu va̱ wu suru u to oꞌwo ne ekan ma̱ɓula̱.
23374	MAT 6:23	Amma ne esu a̱ wu a̱ ri ulobonu shi, lipu va̱ wu ma̱ɓula̱ u ta̱ da̱na̱ a̱tsuma̱ e irumbu. Ne ekan a na a̱ ri pe ya̱ꞌa̱ wu wo oꞌwo irumbu, to, amayun vu ta̱ a̱tsuma̱ e irumbu i gbain.
23381	MAT 6:30	A̱sula̱ o to foɓuso anlya o ogozo, aza a na a̱ ri wuma anaꞌan, nfaꞌan gba shi a̱ kula̱to. U lobono ta̱ i gura reve A̱sula̱ a ta ca ɗu itana yu uꞌotosu. She i da̱na̱ nu ucawu wo okolo waꞌa wan!
23396	MAT 7:11	A̱ɗu na i ri a̱za̱ o unusu, i reve ta̱ cine yaa ca muwun n ɗu ili i saꞌani. Dada ɗu gba na ri zuva, za na ri na̱ a̱ɓula̱, u tu ufoɓu u na waa ca aza a na a pati niyi ili i saꞌani!
23398	MAT 7:13	Reve Yesu damma, “I uwa o tsugono tsa̱ A̱sula̱ nu una̱ntsu wu uɓoru. Adama a na ure nu una̱ntsu u na wa̱a̱ ꞌya̱wa̱ o uꞌwa wa akina a̱ ta̱ washin waru a̱ ri usa̱n wu mmalu shi, waru ama na̱ a̱bunda̱ oo tono ureꞌe.
23399	MAT 7:14	Amma una̱ntsu u na u ri a̱ tyo uba̱ta̱ u wuma u na woo koto shi, u tu uɓoru waru ureꞌe u tu usa̱n wu mmalu, waru ama waꞌa ɗa oo tono ureꞌe.”
23401	MAT 7:16	I te reve le e ili i na aa yuwusan, ununa vee reve uɗanga nna̱ ve ene umatsun wa̱ yi. A̱ tsu taɓa ubiri o uɗanga wa awanda shi, ko a̱ɗyumbu a ataci† shi.
23402	MAT 7:17	Uɗanga u saꞌani u tsu matsan ta̱ muwun n saꞌani ma̱ a̱ɓula̱, agba uɗanga u babu a̱ɓula̱ u tsu matsan muwun n saꞌani shi.
23403	MAT 7:18	Uɗanga u saꞌani u tsu matsan muwun m babu ulobonu shi, waru uɗanga u babu a̱ɓula̱ u tsu matsan muwun n saꞌani shi.
23404	MAT 7:19	Ama o tsu koɗo ta̱ uɗanga suru u na u tsu matsan muwun ma̱ a̱ɓula̱ shi, reve a̱ kula̱to yi.
23409	MAT 7:24	A̱vu Yesu damma, “Adama o ndolo, za na aa uwwusa ili i na maa dansa, reve u yuwan tsutoni ne ele, u ta̱ vadamma suwi va̱ a̱ɓula̱ na suwai uꞌwa wa̱ yi a aatali.
23410	MAT 7:25	Ko na̱ mini ma gbain ma̱ ta̱wa̱, ko na̱ ɗolu ta̱wa̱, waru nu upepu u keɓe yi usaaꞌa, wa̱a̱ riya̱ shi, adama a na a suwa yi ta̱ a aatali.
23412	MAT 7:27	Nna̱ mini ma gbain ma̱ ta̱wa̱, ko ɗolu ta̱wa̱, waru nu upepu u keɓe yi she u ra̱mo, reve wu ɓoso suru suru.”
23413	MAT 7:28	Ana Yesu kotoi a yuwusan adanshi a nda, reve oɓolo a amaꞌa a uwa asalama nu cuꞌun vu uritosu wa̱ yi.
23415	MAT 8:1	Ana Yesu cipa̱i zuva masasaꞌan, reve a̱ba̱jini o oɓolo a ama o toni yi.
23425	MAT 8:11	Ama na̱ a̱bunda̱ a̱ to uta̱ asana na̱ a̱livu, a̱ ta̱ da̱nu, reve a lyuwa oɓolo na̱ Ibrahim, na̱ Ishiyaku, na̱ Yakubu a̱tsuma̱ o tsugono tsa zuva.
23430	MAT 8:16	Nu ulivu u ndolo ama a̱ ta̱wa̱a̱ yi ta̱ na ama a̱ a̱bunda̱ a na a̱ ri no otoni a̱ lima̱.† Reve u ɓara otoni a̱ lima̱ꞌa̱ ɗaɗa a lyawai amaꞌa, reve u ka̱mba̱to a̱za̱ o ubanakuꞌun suru gbaga.
23431	MAT 8:17	U yuwan ta̱ ili i nda tsa̱ra̱ u shiton ili i na Ishaya vumava̱sula̱ dammai: “U tara ta̱ banakun tsu, reve waru u tawa mɓa̱la̱ n tsu.”
23432	MAT 8:18	Ana Yesu enei a̱ba̱jini o oɓolo a ama zuzu na̱ a̱yi, reve u damma a̱ ꞌya̱wa̱ upasalai u mala u ndeɗe.
23437	MAT 8:23	A̱vu Yesu uwa a̱tsuma̱ a wantsun, tsa̱ra̱ u ꞌya̱wa̱ upasu u mala u ndeɗe oɓolo no ojoro a̱ yi.
23439	MAT 8:25	Reve ojoro a̱ yi a̱ ꞌya̱wa̱ uba̱ta̱ wa̱ yi, a̱vu a̱ ꞌya̱sa̱n yi na̱ yisaali, “Zagbain, wawa tsu! Tsu ciga ta̱ maliɓaa!”
23440	MAT 8:26	A̱vu u usu le, “Adama a̱ nye yu uwwai wovon? I ri nu ucawu wo okolo a̱bunda̱ shi.” Reve u ꞌyon a̱vu u ɓara upepuꞌu ni ikeɗu i miniꞌi, a̱vu upepuꞌu u von kwin.
23444	MAT 8:30	Zuzu nu uba̱ta̱ꞌa̱, oɓolo a̱ ngurusumu a̱ da̱na̱ ta̱ lo a alyuna.
23445	MAT 8:31	A̱vu otoni a̱ lima̱ꞌa̱ a pati yi, “Na̱ vu uta̱a̱ tsu a̱tsuma̱ a ama a nda, vu yuwan ankuri vu ca̱co tsu a̱tsuma̱ o oɓolo a̱ ngurusumu a̱ ndeɗe.”
23447	MAT 8:33	Reve ama a na a̱ da̱na̱i a aguɓa a̱ ngurusumuꞌu, a suma a̱ tyo a̱ lyuci, reve a damma ili i na i farai suru, hali ni ili i na i farai na ama e reꞌe.
23461	MAT 9:13	ꞌYa̱wa̱i i rito ili i nda i na Adanshi a̱ A̱sula̱ aa dansa, ‘Ana yaa yuwaan mu kucci, u laꞌaa ɗu ta̱ ye ene iliyali yo ozo o ro.’ N ta̱wa̱ adama m banu ama a̱ a̱ɓula̱ tsa̱ra̱ o oꞌwo a̱za̱ e itoni a̱ va̱ shi. Amma n ta̱wa̱ ta̱ m banu a̱za̱ o unusu.”
23463	MAT 9:15	A̱vu Yesu usu, “Ama a vali vu kasaꞌavu a tsu yuwan a̱tsumola̱ngu shi, nu u ri oɓolo ne ele. Amma mantsa ma̱ ta̱ ta̱wa̱ a na aa tara valiꞌi e memere me le, a mantsa ma ɗaɗa aa yuwan akuli.
23465	MAT 9:17	Waru, a̱a̱ tsun ribina saꞌavu a akuci e itsa̱n yu kwan shi, adama a na ribinaꞌa nu u kutsa, u to ɓoso itsa̱ꞌa̱n, reve woo oco waru itsa̱ꞌa̱n a̱ la̱nga̱. Amma ama a̱ tsu tsun ta̱ ribina saꞌavu kuci e itsa̱n i saꞌavu. A̱vu suru nle a̱ da̱na̱ gbaga.”
23471	MAT 9:23	Reve Yesu lyuwa elime na̱ mmalu oɓolo na̱ zagbaiꞌin a̱ tyo o uꞌwa wa̱ yi, a̱vu we ene a̱za̱ e ishipa ya̱ a̱ciɗa̱ na ama a̱ a̱bunda̱ e mesun.
23481	MAT 9:33	Ana Yesu loyi otoni a̱ lima̱ꞌa̱, a̱yi za na shi tsu gura yuwan adanshi shi, a̱vu u fara adanshi. A̱vu oɓolo a amaꞌa a uwa asalama reve a damma, “Koto tse ene cuꞌun vi ili i nda a̱tsuma̱ a Israꞌila shi.”
23483	MAT 9:35	Yesu tonishi ta̱ a burusa ilyuci na̱ mulyuci suru. U ritosu ta̱ a̱ a̱ꞌisa̱, u yuwan ta̱ alajiya a Alabari a Saꞌani adama o tsugono tsa̱ A̱sula̱, a̱vu u ca ama a na a̱ ri ubanakun na̱ mɓa̱la̱ icuꞌun icuꞌun lafiya.
23484	MAT 9:36	Ana we enei oɓolo a amaꞌa, reve we ene le iliyali lon, adama a na a̱ da̱na̱ ta̱ udamu waru babu ikambi, gashi ikyon i na i ri babu za va aguɓa.
23487	MAT 10:1	A̱vu Yesu ɗe ojoro† a̱ yi uba̱ta̱ u ta̱, a̱vu u ca le ucira o lo otoni a̱ lima̱, a̱vu a̱ ka̱mba̱to a̱za̱ o ubanakun na̱ mɓa̱la̱ suru gbaga.
23489	MAT 10:3	Filibu fo, oɓolo na̱ Batalamawu, ne ɗa fo Toma, ozo o ro waru ele ɗa Matta za vu uꞌushishi wu utafa,† na̱ Yakubu ulobo wa Alfa, na̱ Tadawu ele fo ajiya ɗa a̱ da̱na̱i.
23495	MAT 10:9	She i ɓa̱na̱ ikebe,† ko zinariya, ko azurufa, ko ikebe vu rumushili wan.
23497	MAT 10:11	“Ni i uwa a̱ lyuci ko a̱ ma̱lyuci, i zami vuma va̱ a̱ɓula̱ i da̱nu oɓolo na̱ a̱yi hali i lyawa uba̱ta̱ꞌa̱.
23508	MAT 10:22	Ama suru a ta ꞌyuwan ɗu adama a̱ va̱. Amma aza a na a kaɓai asuvu a̱tsuma̱ o ucawu wo okolo e le a̱ tyo o ukosu, A̱sula̱ a ta wawa le. Na ama o ɓongi ɗu a̱ lyuci ro, i lyawa yi i tyo a̱ lyuci ro.
23521	MAT 10:35	N ta̱wa̱ ta̱ ‘m ɓolo dada na̱ mawun ma̱ yi nla̱ngi, usheli waru na̱ mma va̱ yi, jene na̱ a̱na̱wa̱le.
23527	MAT 10:41	Za na ushiyi vumava̱sula̱ adama a na waa yuwusan adanshi a̱ A̱sula̱, A̱sula̱ a ta ca yi cuꞌun vi iliyinkapa i na waa ca vumava̱sula̱ꞌa̱. Waru vuma na ushiyi vuma va̱ a̱ɓula̱ adama a̱ a̱ɓula̱† a na u ri na̱ a̱yi, u ta̱ tsura̱ cuꞌun vi iliyinkapa yi za va̱ a̱ɓula̱.
23535	MAT 11:7	Ana ojoro a Yahaya a̱ ka̱ra̱i, a̱vu Yesu ka̱ra̱ a adanshi a̱ yi uba̱ta̱ wo oɓolo a ama. U damma, “Cuꞌun vuma ne ɗa i ꞌya̱wa̱i ye ene a̱tsuma̱ o ogozo? U rotso ta̱ apumpu a na upepu wa̱a̱ jinga̱ɗa̱sa̱?
23538	MAT 11:10	A̱sula̱ a yuwan ta̱ adanshi a̱ yi a̱tsuma̱ a Adanshi a̱ A̱sula̱: ‘N ta̱ lyungu malingata ma̱ va̱ elime a̱ wu, tsa̱ra̱ u foɓoo wu ure.’
23559	MAT 12:1	Urana wa Ashibi,† Yesu oɓolo no ojoro a̱ yi a ɓatsasa ta̱ a̱tsuma̱ a̱ a̱ɗuma̱ e ishina. Ojoroꞌo a̱ da̱na̱ ta̱ a uwwusa ambulu, reve e teme a picirasa ishina na a tami.
23573	MAT 12:15	Yesu reve ta̱ ifoɓi i na Afarishi aa yuwusan, ɗaɗa u lyawai uba̱ta̱ꞌa̱. Ama na̱ a̱bunda̱ o toni yi ta̱, reve u ka̱mba̱to ama a na a̱ da̱na̱i na̱ banakun suru gbaga.
23576	MAT 12:18	“Apa aagbashi a̱ va̱, za na n ɗangwai. N ciga yi ta̱, waru u tsu yuwan ta̱ ili i na yoo yoꞌonotosu mu okolo. N ta zuwaa yi Ruhu va̱, waru u ta damma ama suru adama a̱ a̱ɓula̱ a̱ va̱.
23588	MAT 12:30	“Za na aa kambusa mu shi, u ta tsurala na̱ a̱mu. Za na waru aa yuwusan ulinga oɓolo na̱ a̱mu shi, amayun u ta̱ tsushuꞌun na̱ a̱mu.
23593	MAT 12:35	Vuma va̱ a̱ɓula̱ u tsu uta̱a̱ ta̱ ni ili i saꞌani i na u zuwai o ookolo, za vu ulambu wa̱ a̱ɓula̱ waru e ili yu ulambu wa̱ a̱ɓula̱ a na u zuwai o ookolo pe ɗa a̱ tsu uta̱.
23597	MAT 12:39	Reve u usu le, “I ciga ta̱ iroci adama a na a̱ɗu ama e iwuya na̱ a̱za̱ o ulambu wa̱ a̱ɓula̱ a ɗa, agba yaa ca okolo shi! Amma iroci i na ya̱a̱ tsura̱ a̱yi ɗa iroci ya Yunana† vumava̱sula̱.
23599	MAT 12:41	O urana wu ugeꞌetosu, ama a̱ Niniva† e te isawan oɓolo na̱ a̱ɗu a̱vu e geꞌeto ɗu. Ana Yunana yuwain alajiya, a vadala† ta̱ a̱ ka̱mba̱ uba̱ta̱ wa̱ A̱sula̱. Gogo vuma na laꞌai Yunana ta̱ pa.
23610	MAT 13:2	Oɓolo a ama a na o ɓolotoi a̱ da̱na̱ ta̱ a̱bunda̱ lon, hali u zuwa yi u uwa a wantsun, a̱vu u da̱nu pe, ama ɗe a aagaɗi.
23634	MAT 13:26	Ana iweleꞌe i farai a kungusa tsa̱ra̱ a matsan, reve fo ewenweleꞌe a kungwa oɓolo ne ele.
23638	MAT 13:30	Lyawai iweleꞌe a kungwa oɓolo, hali a̱ tyo a mantsa me ikani. Reve n damma aza a zamalinga: Ɓolotoi ewenweleꞌe uba̱ta̱ u ta̱ neꞌen, a̱vu yi nla̱ le tsa̱ra̱ i kula̱to le. A̱vu i ɓoloto iweleꞌe i ta̱wa̱to le o mopon ma̱ va̱.’ ”
23642	MAT 13:34	Yesu yuwusan ta̱ adanshi ni iroci adama u damma oɓolo a ama ili i nda suru. U tsu damma le ili i ro babu na u yuwain adanshi ni iroci shi.
23644	MAT 13:36	Ana Yesu lyawai oɓolo a amaꞌa, a̱vu u uwa a̱tsuma̱ o uꞌwa, reve ojoro a̱ yi a̱ ta̱wa̱ uba̱ta̱ wa̱ yi a̱vu a damma, “Damma tsu urevu wi iroci ye ewenwele a̱tsuma̱ o uɗuma̱ꞌa̱.”
23647	MAT 13:39	Maꞌyuwatan ma na ma zaza nle a̱yi ɗa Mekerenkesu. Mantsa me ikani a̱yi ukosu wu uvaɗi. Aza a zamalinga a na oo ɓoloto le, ele ɗa nlingata ma̱ A̱sula̱.
23648	MAT 13:40	“O tsu ɓoloto ta̱ ewenwele a̱vu a̱ kula̱to. Ne ɗa woo oꞌwo a mantsa mo ukosu.
23650	MAT 13:42	A ta vari le a̱tsuma̱ a̱ a̱a̱ka̱ri a na a̱ ri tapu na akina a na a̱ ri usuɗuwu lon, uba̱ta̱ u na ama a̱ da̱na̱ a̱ shosun na a lumi anga e le na̱ mɓa̱la̱.
23651	MAT 13:43	Ele gba ama a̱ a̱ɓula̱ a̱ te ikana gashi urana o tsugono tsa Dada le. Za na ri na atsuvu, wu uwwa!”
23657	MAT 13:49	Ne ɗa woo oꞌwo mantsa mo ukosu. Nlingata n ta̱ ta̱wa̱ a kakasa a̱za̱ e iwuya a̱tsuma̱ a ama a̱ a̱ɓula̱.
23658	MAT 13:50	Nlingataꞌa n ta vari a̱za̱ e iwuya a̱tsuma̱ a̱ a̱a̱ka̱ri a na a̱ ri tapu na akina a na a̱ ri usuɗuwu lon, uba̱ta̱ u na ama a̱a̱ da̱na̱ a̱ shosun na a lumi anga na̱ mɓa̱la̱.”
23664	MAT 13:56	Muwun ma̱ a̱na̱wu me esheli ma̱ yi suru a̱ ta̱ pa oɓolo na̱ a̱tsu. Cine tsa ɗa waa gura yuwan ulinga u nda suru?”
23672	MAT 14:6	Ana a cuwusan nu urana u na a matsain Hiridu, a̱vu usheli wa Hiridiya u jeꞌeen Hiridu oɓolo no omocin a̱ yi, a̱vu u zuwa okolo a̱ yi o yoꞌono.
23679	MAT 14:13	Ana Yesu uwwai alabari o ndolo, reve u uwa a wantsun, a̱vu u ka̱ra̱ a̱ tyo o una tsa̱ra̱ u da̱na̱ a̱yi a̱ ndeꞌen. Agba ana oɓolo a amaꞌa a uwwai ne, reve o toni yi na̱ mmalu o tono ngeꞌen m mala.