99	GEN 4:19	Lamek ivai ndiliva ru. Eez iza Ada, ve ite iza Zila.
102	GEN 4:22	Lamek azuwa ite Zila ipoop Tuval-Kain. Tuval-Kain papaghu toni, to tighagharaat ain ve baras tinim mbeb pida to uraat. Tuval-Kain livu iza Naama.
103	GEN 4:23	Sawa eez, Lamek isaav pa ndizuwa ru ighaze: “Ada yamru Zila, alooŋ aliŋag. You Lamek ndizwag to yamru. Aghur taliŋamim pa saveeŋ tiou. Ighaze ŋgeu eta irab ghou le siŋ tiou izi, you pale narabi imaat. Ve ighaze pain eta ipambar ghou, nene pale narabi imaat paam.
329	GEN 13:10	Tovenen Lot mata ila ve iŋgabiiz ndug, ve ighita taan raapa to ineep ya Yordan dige ve ila imuul izi ndug Zoar. Taan tonowen poia, ve le ya katindi inimale uum to Maaron, ma taan to yes Isipa to paghuna kat. Pasa, sawa tonenen, Yoova iwaghamun ndug Sodom ve Gomora sone.
338	GEN 14:1	Sawa tonenen, Bera, ye kinik to ndug Sodom. Birsa, ye kinik to ndug Gomora. Sinap, ye kinik to ndug Adma. Semeba, ye kinik to ndug Zebo. Ve Kedorlaomer, ye kinik to ndug Elam. Kedorlaomer iŋgin kinik paaŋ tonowen toman kinik to ndug Bela (iza ite Zoar), irau ndaman saaŋgul ve ru wa. Ve ndaman ite inim saaŋgul ve tol, nene kinik liim tonowen timundig ve tizoor kinik Kedorlaomer aliŋa. Tovenen ndaman inim saaŋgul ve paaŋ, kinik Kedorlaomer imbaaŋ ila pa ndita tol ve tinim. Izadi tovene: Amrapel, ye kinik to ndug Sinar, Ariok, ye kinik to ndug Elasa, ve Tidal, ye kinik to ndug Goi. Kinik paaŋ tonowen toman ndaaba todi tila, ve yesŋa yes ndiran to Repaim tigham malmal izi ndug Asterot-Karnaim le tilib padi. Ghoro tila pa ndug Am, ve yesŋa ndiran to Zuzim tigham malmal le tilib padi paam. Ghoro tila pa taan raapa to Kiriataim, ve yesŋa ndiran to Enim tigham malmal le tilib padi. Ghoro tila pa taan Seir dige to lolooza katindi, ve yesŋa ndiran to Or tigham malmal le tilib padi, ve tinaan di tila pa ndug El Paran, to ineep igharau ndug balim. Ghoro, timuul tila pa ndug Kades to iza ite En Mispat. Ve yesŋa ndiran to Amalek, ve ndiran to Amor to tineep izi ndug Azezon Tamar, tigham malmal le tilib padi paam. Kedorlaomer toman ndita tilib pa yes kinik tonenen le isob, ghoro kinik liim to Sodom, Gomora, Adma, Zebo, ve Bela tilup di, ve tila pa taan raapa to iza Sidim. Tineep tonowe ve tisaŋan Kedorlaomer toman ndita leso yesŋa tigham malmal. Tipamundigin malmal tonowe, ve Kedorlaomer toman ndita tilib pa kinik liim tonowen.
480	GEN 19:22	Eemoghon yam alaagh rikia! Pasa, you irau nagham mbeb eta ivot sone, le ala avot ndug tonowen.” Ndug kainaŋen tonowen, iza Zoar.
481	GEN 19:23	Sawa to Lot ila ivot ndug Zoar, ndag iza inim wa.
488	GEN 19:30	Lot lolo pa ineep mala izi ndug Zoar maau. Pasa, imatughez. Tovenen igham ndinatu liva ru, ve tighau tizala pa lolooz, ve tineep ila yaam saambu eez lolo tonowe inim inadi to nepooŋ.
580	GEN 23:8	“Poia. Ighaze yam ayok payou pa naghur mateeŋ tiou izi ndug tonene, ghoro ala to Zoar natu Epron, ve aghasoni pa yaam saambu to ineep izi taan toni Makpela dige. Ndug tonowen to naghaze nagholi inim leg, ve naghuri inim mateeŋa tiei inadi. Atia piiz to ye ighuri, nene pale naghol motini ila yam asob matamim.”
668	GEN 25:9	Abaram ndinatu ru, Isak ve Ismael, tighur paatu ilooŋ ila yaam saambu to ineep ila taan Makpela igharau ndug Mamre. Muuŋ, taan tonowen to Zoar natu Epron. Zoar, ye Hit taamdi.
851	GEN 30:20	Ve isaav ighaze: “Aazne, Maaron igham leg mbeb poia eez. Tovenen azuwag pale lolo imuul payou ve ipakur ghou. Pasa, napoop le ndinatu liim ve eez wa.” Tauto iwaat natu tonowen iza Zebulun.
1035	GEN 35:23	Lea ipoop Ruben, ye Yakop natu aidaba, ghoro Simeon, Levi, Yuda, Isakar, ve Zebulun.
1043	GEN 36:2	Esau ivai Kanaan tidi ru: Ada ve Oholibama. Ada, ye Elon natu liva. Ve Elon, ye Hit taamdi. Oholibama tama Ana, ve timbu Zibeon. Zibeon, ye Ep taamdi.
1055	GEN 36:14	Esau azuwa ite Oholibama. Ye Ana natu liva, ve Zibeon timbu liva. Yesuru Esau tipoop ndinatudi tol: Yeus, Yalam, ve Kora.
1058	GEN 36:17	Esau natu Reuel ndinatu, nene: Naat, Zera, ve Samma. Yes paam tila tineep ledi ledi izi taan suruvu to Edom, ve tinim ndimaronŋa pa rumai todi todi. Nenen Esau papaghu toni to tivot ila to azuwa Basemat.
1061	GEN 36:20	Ŋgeu eez ineep izi taan suruvu to Edom paam, iza Seir. Ye Or taamdi. Seir ndinatu, nene: Lotan, Sobal, Zibeon, Ana, Dison, ve Ezer. Yes tila tineep ledi ledi izi taan suruvu to Edom, ve tinim ndimaronŋa pa yes Ora.
1065	GEN 36:24	Zibeon ndinatu, nene: Aya ve Ana. Ana tonene, to iŋginŋgin esele to tama izi ndug balim, ve indeeŋ ya tuntunu eez tonowe.
1068	GEN 36:27	Ezer ndinatu, nene: Bilan, Zaaban, ve Akan.
1070	GEN 36:29	Tovenen Or papaghu toni to tivot ve tinim ndimaronŋa pa rumai todi todi, nene Lotan, Sobal, Zibeon, Ana, Dison, Ezer, ve Disan. Yes tonenen, to tiŋgin yes Ora, ve tineep ledi ledi izi taan suruvu to Seir.
1074	GEN 36:33	Bela imaat, ve Zera natu Yobab igham ina. Yobab ndug toni Bosra.
1080	GEN 36:39	Bal-Anan imaat, ghoro Aad igham ina. Aad ndug toni Pau, ve azuwa iza Meetabel. Meetabel tina iza Matret, ve timbu liva iza Me-Zaab.
1150	GEN 38:30	Ghoro ita ite to timbit waar kaviaaŋa ila nima, ana izi. Ve tiwaat iza Zera.
1241	GEN 41:45	Kinik iwaat Yosep iza paghu Zapenat-Panea. Ve igham ŋgeu eez, iza Potipera, natu liva Asenat ila inim Yosep azuwa. Potipera tonowen, ye ŋgeu to watooŋrau to ndug On. Sawa to Yosep ndaman toni irau tamoot ee saaŋgul (30), ye ipamundigin uraat to kinik to Isip ighuri ila nima. Tovenen ipul kinik, ve ilaghlaagh irau ndug ndug to Isip, ve ighitghita di pa uraat todi.
1397	GEN 46:10	Ve Simeon ndinatu, nene: Yemuel, Yamim, Oat, Yakin, Zoar, ve Saul. Saul tina, ye Kanaan tidi.
1399	GEN 46:12	Ve Yuda ndinatu, nene: Er, Onan, Sela, Peres, ve Zera. Eemoghon Er yesuru Onan timaat izi Kanaan. Yuda natu Peres, ye ipoop ndinatu nditamoot ru, izadi Ezron ve Amul.
1401	GEN 46:14	Ve Zebulun ndinatu, nene: Seret, Elon, ve Yalel.
1403	GEN 46:16	Gat ndinatu, nene: Zipion, Agi, Suni, Ezbon, Eri, Arodi, ve Areli.
1487	GEN 49:13	Zebulun papaghu toni pale tineep tigharau te, ve ledi soso poia pa waaŋ tilooŋ tila. Taan todi pale ila imuul izi ndug Sidon.
1534	EXO 1:1	Yes Israela to yesŋa tamandi Yakop, ve ndizwadi ve ndinatudi tizila pa Isip ne izadi tovene: Ruben, Simeon, Levi, Yuda, Isakar, Zebulun, Benyamin, Dan, Naptali, Gat ve Aser. Yakop iza ite Israel. Papaghu toni to yesŋa tizila Isip, yes irau tamoot tol saaŋgul (70). Ve natu Yosep, ye imuuŋ ila ineep pataghaaŋ wa.
1671	EXO 6:15	Yakop natu Simeon ndinatu, nene Yemuel, Yamin, Oat, Yakin, Zoar, ve Saul. (Saul tina, ye Kanaan tidi.) Yes tonene to tivot ila to Simeon. Yes tivot tinim ival, ve muri ghoro tinim rumai liim ve eez.
1677	EXO 6:21	Izar ndinatu, nene Kora, Nepek, ve Zikri.
1892	EXO 14:2	“Usaav pa yes Israela titoor di, ve timuul tila tivot naari to ndug Pi Airot. Ndug tonowen ineep ndug Migdol dige to ineep ila pa te, ve igharau ndug Bal Zepon. Tila tivot, ghoro tigharaat inadi izi tonowe ve atedi izi.
1899	EXO 14:9	Tovenen yes ndaaba to Isip tigham karis toman hos, ve ndiran pida to malmal, ve titaghon yes Israela tila le tivot todi igharau ndug to yes Israela atedi izi pani. Ineep izi naari to ndug Pi Airot ve ndug Bal Zepon.
13955	PSA 2:6	“You naghur tamtoghon tiou eez igham naghog ve inim kinik. Ye ineep izi lolooz tiou patabuaŋ Zion, ve ighamgham pooz.”
14043	PSA 9:12	Ambou ve apait Yoova. Ye ineep izi ndug Zion, ve ighamgham pooz. Uraat tintina to ye ighamgham di, avotia varudi le irau ndug ndug.
14046	PSA 9:15	Leso nayoon ila ataam to ndug Zion, ve nasavia uraat tintina tisob to yom ughamgham di payou. Ve napait ghom toman tinig iza. Pasa, yom to ugham mulin ghou.
14099	PSA 14:7	Oyai, Maaron to ineep izi ndug Zion iuul yes Israela, ve ipas di tivot pa pataŋani todi, ghoro poia! Ighaze Yoova iuul tamtoghon toni ve tineep poia muul, nene pale tinidi iza. Onoon kat, Yakop papaghu toni pale lolodi poia le poia kat.
14100	PSA 15:1	Yoova, sei irau ineep toman ghom ila inam patabuaŋ to suŋuuŋ? Ve sei irau ineep izi lolooz tiom patabuaŋ Zion, ve isuŋ payom?
14199	PSA 20:3	Maaron ineep ila rumai toni patabuaŋ izi lolooz Zion. Ye pale iuul ghom ve ipalot ghom.
14666	PSA 48:2	Yoova iza tiina kat. Tovenen iit to taneep ila ndug toni, tapait iza izala le izala kat. Ndug toni, nene ineep izala lolooz toni patabuaŋ Zion. Lolooz tonowen, paghuna ve izala kat. Tamtoghon tisob to taan lolodi poia pa lolooz Zion ve tipaiti. Pasa, nene Maaron tau ina to nepooŋ. Ndug to kinik tiina ineep tonowe.
14676	PSA 48:12	Gabizooŋ tiom, nene deŋia moghon. Tovenen tamtoghon tisob to ndug Zion, toman ndug ndug to Yudea ne lolodi poia kat, ve tinidi iza.
14677	PSA 48:13	Yam amundig ve alaghlaagh ila ndug Zion lolo. Ala aghita didiiŋ ariaŋa to iluvut ndug ne.
14679	PSA 48:15	Pale asaav padi tovene: “Maaron toit, ye ariaŋa inimale ndug Zion. Ye ineep irau sawa isob. Ve ye pale imuuŋ pait, ve ipatooŋ ataam pait itaghoni taghoni gha ila.”
14702	PSA 50:2	Ndug Zion paghuna le paghuna kat. Maaron ineep tonowe, ve ŋguruba isul ivot.
14743	PSA 51:20	Maaron, ugham poian ndug Zion itaghon taum lolom. Ugharaat mulin didiiŋ ariaŋa to iluvut Yerusalem, le izala iyoon muul.
14762	PSA 53:7	Oyai, Maaron to ineep izi ndug Zion, iuul yes Israela, ve ipas di tivot pa pataŋani todi, ghoro poia! Ighaze Maaron iuul tamtoghon toni ve tineep poia muul, nene pale tinidi iza. Onoon kat, Yakop papaghu toni pale lolodi poia le poia kat.
14912	PSA 65:2	Maaron, yei pale nilat ndug Zion ve nipait ghom, ve nigham uraat pa saveeŋ to nimbua toman ghom. Ighaze nitaghon ŋgar tovene, nene deŋia.
14967	PSA 68:15	Sawa to Maaron ariaŋa ireu mbirisan yes kinik, ye igham ais patu patu titaptap tizi ila lolooz Zalmon. Tauto inaan di tighau tila.
14969	PSA 68:17	Lolooz to ndug Basan, yom lem mbuŋa mbuŋa naol. Pughu vena to ughita Maaron igham lolooz Zion inim ina to nepooŋ, ve ireu lolom? Tauto lolom isami pani ne? Onoon kat, ye pale ineep izi lolooz tonene itaghoni taghoni gha ila.
14970	PSA 68:18	Ŋgeu Tiina ipul lolooz Sinai, ve ilaagh toman karis toni ndiŋndiŋ ndiŋndiŋ to malmal, le tila tivot izi ina patabuaŋ to Zion we.
15024	PSA 69:36	Pasa, ye pale igham mulin ndug Zion, ve ipamundigin ndug tisob to Yudea muul. Leso tamtoghon toni timuul tila tonowe, ve tigham mulin taan todi, ve tineep ila.
15105	PSA 74:2	Yei tamtoghon tiom. Muuŋ, yom usia nditimbumai tinim lem, ve uyondyood padi, ve ughamgham mulin di pa pataŋani todi. Tovenen matam iŋgal ghei. Ve matam iŋgal inam to nepooŋ to ineep izi lolooz Zion ne paam.
15140	PSA 76:3	Rumai to Maaron ineep izi Yerusalem. Ve lolooz Zion, nene Maaron ina to nepooŋ.
15183	PSA 78:12	Sawa to nditimbudi tineep izi Isip, Maaron igham mbeb gharatooŋadi tintina izi taan raapa to Zoan, ve tighita pa taudi matadi.
15214	PSA 78:43	Muuŋ, ye igham mbeb gharatooŋadi katindi tivotvot izi Isip pa ipatooŋ tapiri padi. Ye igham uraat tintina izi taan raapa to Zoan. Uraat tonowen, tamtoghon tighita di le avodi ikaak.
15239	PSA 78:68	Ve isia rumai to Yuda, leso tigham pooz pa tamtoghon toni. Ve igham lolooz Zion inim le. Lolooz tonowen, ye lolo pani kat.
15313	PSA 83:12	Yes daba to koiamai, ugham ŋgar raraate padi inimale muuŋ ugham pa Oreb yesuru Zeeb. Ve yes pooza todi tovene paam. Utatan di inimale muuŋ utatan Zeba yesuru Zalmuna.
15326	PSA 84:6	Yes to tighamgham tapiridi ilat tiom, poia tiom izaza todi, ve lolodi poia kat. Lolodi iyaryaaŋ tighaze le titaghon ataam to ila pa lolooz Zion, leso tisuŋ payom tonowe.
15328	PSA 84:8	Tovenen tamtoghon toni tapiridi ivotvot, ve tilaghlaagh titaghon ataam, le tila tivot Maaron nagho izi lolooz Zion.
15366	PSA 87:2	Ye lolo pa ndug Zion kat ilib pa ndug naol to Yakop papaghu toni tinepneep ila.
15369	PSA 87:5	Onoon kat, pale tisavia ndug Zion tighaze: “Maaron Tiina To Ilib Pa Ndimaronŋa Tisob, ye igham tamtoghon to ndug naol tinim Yerusalem tamtoghona. Ndug tonowen, ye tau ipamundigini.”
15552	PSA 97:8	Maaron, yes to ndug Zion tilooŋ varum pa uraat to yom ughamghami, le lolodi poia. Ve ndug ndug to Yuda paam, tisob tinidi iza. Pasa, yom uyondyood pa tamtoghon tiom, ve uluul di pa pataŋani todi.
15567	PSA 99:2	Yoova inepneep izi ndug toni Zion. Iza toman tapiri, tiina kat. Ndug tisob tineep ila samba.
15601	PSA 102:14	Yom lolom isamin ndug tiom Zion. Tovenen yom pale umundig ve uuli. Pasa, sawa to ughur poia tiom iza toni, tauto ivot wa.
15602	PSA 102:15	Onoon, tireu mbirisan ndug Zion, ve mbeb tisob timbiriis tilaledi wa. Yaam popoiadi to tirei ruum pani, tipiyaav di tila saguan saguan tinimale mbeb sorok. Eemoghon mbesooŋa tiom lolodi pa ndug tonowen kat. Tauto tighita mbeb tonenen le lolodi isami kat.
15603	PSA 102:16	Eemoghon muri, Yoova pale igharaat mulin ndug Zion, ve ipatooŋ tau toman tapiri ve poia toni ivot ighazooŋ. Ghoro yes to ndug ndug toman kinik todi todi pale tighilaala tighaze ye iza tiina pa tapiri ve poia toni, ve timatughez pani, ve tineep ila samba.
15609	PSA 102:22	Leso muri, yes ndug ndug toman kinik todi todi tinim tilup di pa suŋuuŋ izi Yerusalem, ve tivotia Yoova varu. Yes pale tipait iza izi lolooz toni Zion.
15856	PSA 110:2	O kinik, aazne yom unepneep izi ndug Zion, ve Yoova igham titi to kinik payom leso ipalot ghom. Tauto tapirim tiina ve pooz tiom ila irau ndug ndug. Yoova isaav payom ighaze: “Utatan koiamŋa to tiluvut ghom, ve ugham di tineep ila sambam.”
16179	PSA 125:1	Yes to tinumeer Yoova, tiyoon ariaŋa tinimale lolooz Zion. Lolooz tonowen, ighaze mbeb eta itoki, irau irur maau. Iyoon tuŋia tovene itaghoni taghoni gha ila.
16184	PSA 126:1	Muuŋ, ndug Zion isami kat. Ve sawa to Yoova iuul ghiit ve taneep poia muul, nene igham lolood poia kat. Eemoghon taghur ila kat maau. Taghaze pa taghita vibiiŋ moghon.
16199	PSA 128:5	Yoova inepneep izi ndug Zion. Ye pale ighur poia toni iza tiom. Ve sawa isob to uneep izi taan, yom pale ughita Yerusalem ineep pooi.
16205	PSA 129:5	Tamtoghon tisob to tighurghur koi pa ndug Zion, Yoova pale ipamuul di tila toman mayadi.
16208	PSA 129:8	Ighaze tamtoghon tilaagh tila le tindeeŋ Zion koiadi izi ataam, yes irau tipalot di pa Yoova iza maau. Irau tisaav padi tighaze: “Ila Yoova iza, yei nisaav payam: Poia toni pale iza tiam.” Vene maau.
16232	PSA 132:13	Yoova isia ndug Zion, ve ighami inim le wa. Ndug tonene, to ye lolo pani ighaze ineep ila.
16234	PSA 132:15	You pale nagham poian tamtoghon to Zion, ve poia tiou tiina iza todi. Leso tiraua kat pa mbeb to naol. Ve nagham aniiŋ pa yes mbolaaŋa todi, ve tighan le apodi isuŋ.
16235	PSA 132:16	Ve yes to watooŋrau to tineep izi Zion, you pale napalot di pa uraat todi. Leso tinim ataam pa ulaaŋ tiou ila pa tamtoghon. Tovenen tamtoghon to Zion to lolodi ineep tuŋia inim tiou ve titaghon ataam tiou, pale tilool ve tipait izag toman lolodi poia kat.
16240	PSA 133:3	Ŋgar to lolood ee moghon, nene inimale waam tiina izi pa lolooz to tigharau ndug Zion, inimale waam to izizi pa lolooz Ermon. Onoon kat, ighaze yes to ndug Zion tilup lolodi inim ee moghon, nene pale Yoova ighur poia toni iza todi. Nene nepooŋ poia to iseeŋga itaghoni taghoni gha ila.
16243	PSA 134:3	Yoova ighur sambam ve taan. Ve ye inepneep izi ndug Zion. Ye tau pale ighur poia toni iza tiam. Onoon.
16264	PSA 135:21	Yoova ina to nepooŋ ineep izi Yerusalem. Tovenen yam to aneep izi ndug Zion, apaiti pa poia toni! Aleluia, tapait Yoova!
16291	PSA 137:1	Yei mbolemai izi ila ya to yes Babilona digedi, ve niŋazuuv ila pa ndug Zion, le lolomai isami ve nitaŋ.
16293	PSA 137:3	Koiamai to tigham ghei ninim nineep ndug todi, tighaze nimbou mbouŋ pida, leso tilooŋa ve igham lolodi poia. Tisaav payei tighaze: “Ou, ambou mbouŋ tiam eta to ndug Zion ve nilooŋa lak!”
16421	PSA 146:10	Yoova pale igham pooz irau sawa isob. Yam tamtoghon to ndug Zion, pooz to Maaron tiam pale inepneep tovene itaghoni taghoni gha ila. Aleluia, tapait Yoova!
16433	PSA 147:12	Yam Yerusalema, apakur Yoova! Yam tamtoghon to Zion, apait Maaron tiam.
16457	PSA 149:2	Yam Israela, lolomim poia pani. Pasa, ye to ighur gham. Yam tamtoghon to Zion, tinimim iza pa kinik tiam.
23225	MAT 1:12	Sawa to yes Israela tinepneep izi Babilon, Yekonia yesuru azuwa tipoop Sealtiel, ve Sealtiel yesuru azuwa tipoop Zerubabel.
23226	MAT 1:13	Zerubabel natu Abiut, Abiut natu Eliakim, ve Eliakim natu Azor.
23291	MAT 4:13	Eemoghon ila ineep izi ndug toni pughu Nasaret muul maau. Ipuli, ve ila ineep izi ndug Kapernaum to ineep igharau naari to ya naliu Galilaia. Ndug tonowen ineep ila taan to yes Zebuluna ve yes Naptalia.
23293	MAT 4:15	Yam tamtoghon to aneep izi taan to yes Zebuluna ve Naptalia igharau ataam tiina to izila pa te, ve yam tamtoghon to aneep ya Yordan paŋa ite to ineep ila pa ndag iza, alooŋ saveeŋ tonene. Yam Galilaia to aneep toman ndug ndug to Yuda maau ne, saveeŋ tonene ilat payam. Tamtoghon to tinepneep ila ndoroom lolo, tighita ghazooŋa tiina. Ve yes to ndoroom to mateeŋ ikau di, ghazooŋa to Maaron isul di.
23299	MAT 4:21	Tilaagh tila ris, ve Yesu ighita Zebedi ndinatu ru, Yakobus ve Yoan, yesŋa tamandi tinepneep izala waaŋ pogho, ve tiyaim malum todi. Yesu isaav ila padi ighaze tinim titaghoni.
23488	MAT 10:2	Mbaŋooŋa toni saaŋgul ve ru tonowen, izadi tovene: Simon (ye ŋgeu to imuuŋ padi. Tiwaat iza ite tighaze Petrus) yesuru tazi Andreas, Zebedi ndinatu ru, Yakobus yesuru tazi Yoan,
23881	MAT 20:20	Yesu isavia mateeŋ toni le isob, ghoro Zebedi azuwa toman ndinatu ru tila toni, ve tinandi iput aghe izi Yesu nagho ighaze ighasoni pa mbeb eez.
23900	MAT 21:5	“Asaav pa tamtoghon to Zion aghaze: ‘Aghita kinik tiam to ilat. Ye ŋgeu luuma, ve itatan tau iza. Tauto mbole izala esele ve ilat. Mbole izala esele paghu eez ve ilat.’”
24160	MAT 26:37	Ghoro igham Petrus, ve Zebedi ndinatu ru, ve yesŋa tila saguan ris. Sawa tonenen, Yesu lolo ipataŋan le ipataŋan kat, ve igham ŋgar naol pa pataŋani to pale ivot pani.
24254	MAT 27:56	Ndiliva tonowen, tol to tiyoon toman di, nene Maria to ndug Magdala, ve Maria ite to Yakobus yesuru Yosep tinandi, ve Zebedi azuwa to Yakobus yesuru Yoan tinandi.
24303	MRK 1:19	Tilaagh tila ris, ve Yesu ighita Zebedi ndinatu ru, Yakobus ve Yoan, tinepneep izala waaŋ pogho ve tiyaim malum todi.
24374	MRK 3:17	ve Zebedi ndinatu ru, Yakobus yesuru tazi Yoan. (Ndiran ru tonene, Yesu iwaat di ighaze ‘Boanerges.’ Izadi tonene, pughu tovene: ‘Lalaav ndinatu.’)