54	GEN 2:23	Tamoot ighita livaa tana, ve isaav ighe: “Aa ŋgarig gha leg etag ee! Tuua, ene yau tuag. Ve miiza, ene yau mizag. Yau aat nawaato naghe ‘livaa.’ Pasaa, i ivot ila to yau tamoot.”
244	GEN 10:9	Ve i ŋeer to ilooŋ ŋgai sagsag. Tauvene murei, isaav ighe tipait ŋeer eta eeza, mako tiparim pani tauvene: ‘Ŋeer tane, Yoova igham le ŋgar tiina pa ilooŋ ŋgai sagsag imin Nimrot.’
276	GEN 11:9	Nugh tiina tawe, tiwaat eeza tighe ‘Babel.’ Pasaa, indeeŋ saawe tau tamtamon tisov to taan tilup zi izi nugh tana, Yoova itoor aliŋazi, ve ivarewai zi gha tighau tila tileep lez lez irau taan isov.
311	GEN 12:12	Tauvene isaav ighe yes Isipa tighit ghom, ene pale tigham ŋgar tighe: ‘Ewe Abram azaawa.’ Mako tirav ghau namaat, ve yo uzi uleep tomani zi.
354	GEN 14:17	Abram iliiv Kedorlaomer tomania kinik siriv tana, ra imuul ilam, ve kinik to Sodom ilam izaa tooni izi taan duduuŋa tau eeza Save. (Taan tawe, eeza ite ‘Taan duduuŋa to yes kinik.’)
395	GEN 16:13	Yoova isavsaav tomania Agar le isov, ra Agar igham ŋgar pa gabua tau ivot pani na, ve isaav ighe: “I tau ighitghit ghau irau saawe, tauta yau naghita izi sene.” Tauvene iwaat Yoova eeza ighe ‘El-Roi.’ Saveeŋ tane, puughu tauvene: ‘Maaron tau ighitghit ghau.’
396	GEN 16:14	Tauta tiwaat yaa naliu to nugh tawe tighe: ‘Yaa bolokbolokia to Maaron maata yaryaare tau ighitghit ghau.’ Yaa tawe igheen bodbodaaŋ pa nugh Kades ve nugh Bered.
507	GEN 20:11	Abaram iyol aliiŋa ighe: “Saawe tau yau nalam nugh tsio soone, matag iŋgal naghe: ‘Zeran to nugh tawe tiwatagh Maaron mako, ve tiroi pani mako. Pale tirav ghau namaat, ve tigham azuwag.’
509	GEN 20:13	Muuŋ, saawe tau nalepleep tomania tamaŋ, Maaron isaav payau ighe napul nugh to tamaŋ, ve nala nalaghlaagh pa taan sirivu ite. Saawe tana, yau nasaav pa Sara tauvene: Isaav ighe lolom isaghav ghau kat ve ughe ugham poghani ghau, na nugh sindei tau ituru tala pani, ve ighe tighason ghom payau, mako usaav pazi ughe: ‘Abaram, ene yau livug.’”
521	GEN 21:7	Ve Sara isaav muul ighe: “Muuŋ, sei irau isaav pa Abaram ighe: ‘Azuwam Sara pale ipoop ve ipaghun tauu naatu?’ Mako. Eemon aazne, Abaram imin kooŋ wa, ve yau napoop le naatu tamoot ee.”
562	GEN 22:14	Abaram iwaat nugh tawe eeza ighe ‘Yoova pale iuul ghiit ve igham leen gabua.’ Tauta aazne paam, tamtamon tisavsaav tighe: “Yoova pale iuul ghiit ve igham leen gabua popoia izi loloz tooni.”
565	GEN 22:17	Ighe: ‘Yau aat naghur poia tsiau tiina kat izaa tsio, ve nagham paaghu tsio timasa timin naol timin pitum to sambam saamba, ve sausau to nari. Ve paaghu tsio pale tiyooz ariaaŋ pa malmal le tiliiv koiazŋa, ve tigham nugh toozi imin lezi.
606	GEN 24:14	Tauvene yau aat nasaav pa livaa eta naghe: ‘Uit uur tsio izi, upaŋgeua, ve naghun leg yaa rigta.’ Ve isaav ighe i iyol aliŋag ighe: ‘Poia. Ughun lak. Ve yau aat nativ pa kamel tsio paam.’ Ighe i iyol aliŋag tauvene, ene livaa tana tau yo taum usiigho pa besooŋa tsio Isak. Leso nawatagh naghe lolom isaghav tiina tsiau Abaram ve ughe uule itaghon saveeŋ mbuaaŋ tsio.”
631	GEN 24:39	Saawe tau naghe napaburigin laghooŋ tsiau, naghason tiina tsiau naghe: ‘Isaav ighe nandeeŋ livaa eta, ve tiini imum pa ilam tomani ghau, ene pale nagham mindai?’
632	GEN 24:40	I iyol aliŋag ighe: ‘Lepoogh tsiau tomania laghooŋ tsiau, yau matag iŋgalŋgal Yoova ve nataghon eez tooni irau saawe. I tauu pale imbaaŋ aŋela tooni ilat tomani ghom, ve iuul ghom. Leso uraat tsio ighur anooŋa. Tauvene yo aat ugham livaa eta to ziiri waaro to tamaŋŋa pa natug Isak.
635	GEN 24:43	Ughita. Yau nayozyooz igharau yaa taiŋ tane. Isaav ighe livaa paaghu eta ilam pa tivuuŋ yaa, yau aat naghasoni tauvene: ‘Irau naghun yaa rigta ila uur tsio?’ Ve ighe i iyol aliŋag ighe: ‘Poia. Ughun lak. Ve yau aat nativ pa kamel tsio paam.’ Ighe iyol aliŋag tauvene, ene livaa tana, ta yo taum usiigho pa tiina tsiau naatu Isak.”
637	GEN 24:45	“Nasuŋsuŋ soone, ve naghita Rebeka ibaad uur ila avaara ve ilam peria. I izila itiv yaa le isov, ve imuul izalam, ra yau nasaav pani naghe: ‘Ai, irau ugham yaa rigta ilam naghun?’
638	GEN 24:46	“Rekia mon ve i ighur uur tooni izi, ve isaav payau ighe: ‘Poia. Ughun lak. Ve yau aat nativ yaa pa kamel tsio paam.’ Tauvene yau naghun le isov, ve i itiv pa kamel tsiau paam, ve tisov tighun le irau zi.
639	GEN 24:47	“Ra naghasoni naghe: ‘Yo tamam sei?’ “I iyol aliŋag ighe: ‘Yau tamaŋ Betuel. Ve tibugŋa ta Naor gha Milka.’ Nalooŋ saveeŋ tane, ve naghur ŋoor ee ila uuzu, ve nazuz mbi ru ila niima.
735	GEN 27:7	‘Esau, ugham aniiŋ ziigha eta to su ilam ve ugharaat leg sur poia tau lolog pani kat na, ve ughamu ilam naghun. Mako naghur palotiiŋ tsiau izaa tsio ila Maaron maata. O ighe namaat, na namaat lak.’
882	GEN 31:8	Saawe tau tamamim isaav payau ighe: ‘Mekmek galgaliiŋ pale timin lem atuya’, mekmek tisov tipoop galgaliiŋ mon. Ve saawe tau i ighe: ‘Mekmek butbutuuŋ pale timin lem atuya’, ene mekmek tisov tipoop butbutuuŋ mon.
885	GEN 31:11	Ra aŋela to Maaron ipoi ghau ighe: ‘Yakop!’ Ve yau nayok pa aliiŋa naghe: ‘Taug ene.’
886	GEN 31:12	“I isaav payau muul ighe: ‘Ŋgar isov tau Laban ighamgham payo na, yau naghita wa. Matam ila ve ughita. Mekmek zitamoot tau tiip pa mekmek upin, ewe butbutuuŋ ve galgaliiŋ mon.
887	GEN 31:13	‘Maaron tau ivot payo izi nugh Betel, ene yau taug tane. Saawe tau uleep ta sewe, yo upayooz maet ve uliŋ ŋgoreeŋ izala paavo, ve umbu saveeŋ ariaaŋa payau. Yau nasaav payo: Uburig ta aazne, upul nugh tane, ve umuul ula pa nugh tau tinam ipoop ghom ve matam igheen pani na.’”
903	GEN 31:29	Yau tapirig irau navaghamun gham. Eemon mboŋ, Maaron to tamam isaav payau ighe: ‘Matam imomoos pa aliŋam. Usik saveeŋ ariaaŋa eta to uparoi Yakop sov.’ Tauta tambaaŋo, aat ula.
933	GEN 32:5	I isaav ariaaŋ pazi ighe: “Yam ala avot to tiina tsiau Esau, mako asaav pani aghe: ‘Besooŋa tsio Yakop isaav tauvene: Yesuru waagha Laban tikaria lepoogh wa. Tauta aazne, i ighe imuul ilam.
946	GEN 32:18	Ve Yakop isaav ariaaŋ pa besooŋa tau ilaagh muŋgaaŋ na tauvene: “Isaav ighe toghag Esau ilam le izaa tsio, ve ighason ghom ighe: ‘Yo besooŋa to sei? Ve ula sindei? Ve ŋgai ŋgun tana to sei?’
947	GEN 32:19	Ighe i ighason ghom tauvene, o uyol aliiŋa ughe: ‘Ŋgai tane, to besooŋa tsio Yakop. I ighe igham zi sorok pa tiina tooni Esau. I tauu ilaghlaagh murei.’”
949	GEN 32:21	Ve asaav pani aghe: ‘Tiina, besooŋa tsio Yakop ilaghlaagh murei.’” Yakop igham tauvene pasaa, maata iŋgal ighe: “Yau aat nagham gabua naol tane imuuŋ ila pani sorok. Leso nagharaat loolo, ve saawe tau nala peria tooni, i aat loolo poia payau.”
1104	GEN 37:20	Tala taravu imaat, ve tasiki izila puura to yaa taiŋ eta. Ighe tighason ghiit pani, o taghe: ‘Yei nikankaan pani. Aat ŋgai sagsag eta ighani wa.’ Mako taleep ve taghita: Vivuuŋ tooni pale ighur anooŋa mindai?”
1284	GEN 42:31	Eemon yei nisaav pani nighe: ‘Ee-e, yei tane zeran to padewaaŋ mako. Yei zeran to saveeŋ onoon.
1286	GEN 42:33	“Yei nisaav pa daaba tawe tauvene, ve i iburig ve isaav payei ighe: ‘Yam aat apul tsiam ee izi ileep tomani ghau, ve yam siriv aghol lemim aniiŋ, ve aghamu ala pa zeetmimŋa tau tilepleep toman pitool we. Eemon saawe tau aghe amuul alam, matamim iŋgal tazimim tau muria kat na, ve yamŋa alam. Leso nawatagh naghe yam zeran to padewaaŋ mako, ve avomim onoon mon. Mako napul ŋeer tsiam tau ileep ila ruum to yavyavuuŋ loolo ne ivot, ve imuul ilat payam. Ve nayok payam to alaghlaagh izi nugh tane ve araraukol.’”
1298	GEN 43:7	Yes tiyol aliiŋa tighe: “Ŋeer tawe ighason rarai ghei pa ziiri waaro tsiei ighe: ‘Tamamim ilepleep, ma imaat wa? Ve tazimim ite paam ilepleep, ma mako?’ Tauta yei niyol ghasoniiŋ tooni. Ve ŋgar tooni tau ighe yei nigham tazimai tane gha yeŋa nizila, ene yei nikankaan pani.”
1329	GEN 44:4	Yes tipul nugh tiina, ve tilaagh tila rig, ra Yosep isaav pa besooŋa tooni tau iŋgin ruum tooni na ighe: “Uburig ve ulaan taghon zi ula. Saawe tau uzaa toozi, usaav pazi ughe: ‘Ai, tiina tsiau itotoi ŋgar poia payam. Puughu mindai ta ayoli pa ŋgar saghati?
1344	GEN 44:19	“Muuŋ, yo ughason ghei ughe: ‘Tamamim ilepleep? Ma lemim tazimim ite paam, ma mako?’
1345	GEN 44:20	“Ve yei niyol ghasoniiŋ tsio nighe: ‘Vee. Tiina tsiei, tamamai yesuru tazimai muria, ta tilepleep we. Tazimai tawe, tamamai imin olman, ra tiina ipoopa. Ve tinamai tawe, i ipoop natŋa ru mon. Ŋeer olman, i imaat wa. Tauvene ŋeer muria mon ta ilepleep. Tamamai ipulpuli mako. Pasaa, i loolo igheen tooni kat.’
1347	GEN 44:22	“Ve yei niyol aliŋam nighe: ‘Tazimai tawe pale irau ipul tamamai ne mako. Pa ighe ipuli, ene pale tamamai loolo isaghat pani, ve imaat.
1351	GEN 44:26	Tauvene yei nisaav pani nighe: ‘Tamamai, yei irau nizila sorok mako. Pa ighe yeŋa tazimai nizila mako, ene aat irau nila nivot to daaba tawe mako. Tauvene uyokia tazimai payei, o nizila. Ve ighe uŋguruuta, ene aat nileep.’
1352	GEN 44:27	“Tauvene tamamai tau besooŋa tsio na, isaav payei ighe: ‘Yam awatagh: Azuwag Rael ipoop leg natugŋa ru mon.
1368	GEN 45:9	“Yau naghe yam rekia amuul ala to tamaŋ, ve asavia aliŋag pani aghe: ‘Natum Yosep aliiŋa ilat payo ighe: ‘Maaron ighur ghau namin tiina, ve naŋgin taan dodoli to Isip. Yau naghe yo upul taan Kanaan, ve rekia mon uzilam tsiau. Uzuar sov.
1372	GEN 45:13	Tauvene yam ala ve asaav pa tamaŋ tauvene: ‘Natum Yosep eeza imin tiina kat izi taan Isip.’ Ve apaes pani pa gabua naol isov tau yam aghita izi nugh tane. Mako aghamu ve rekia mon amuul azilam tsiau.”
1418	GEN 46:31	Ra Yosep isaav pa tooghŋa ve taazi, tomania tamtamon toozi siriv tau yesŋa tilam na ighe: “Yau aat namuul nala to kinik, ve napaes pani naghe: ‘Tamaŋ, tazig ve toghagŋa tipul taan Kanaan, ve tilam tivot wa.
1420	GEN 46:33	Yau aat nala tooni ve nasaav pani tauvene. Ve alooŋ. Yes Isipa lolozi pa tilup zi tomania yes zeran to ŋginiiŋ ŋgai mako kat. Tauvene saawe tau kinik ipoi gham ala tooni, ve ighason gham pa uraat tsiam, yam asaav pani tauvene aghe: ‘O tiina tsiei, saawe tau yei kukuamai ve ilam aazne, yei tamtamon to ŋginiiŋ ŋgai imin timbumaiŋa.’ Ighe asaav pani tauvene, i pale iyok payam to aleep izi taan sirivu to Gosen tane.”
1455	GEN 48:3	ve isaav pa Yosep ighe: “Ulooŋ. Maaron Saksaki Tau Iliiv Zimaronŋa Tisov na, ivot tsiau izi nugh Lus tau igheen ila taan to Kanaan, ve ighur poia tooni izaa tsiau, ve isaav payau ighe: ‘Yau aat nagham paaghu tsio timasa timin eval kat, ve rumei katini tivot ilat tsio. Ve yau aat nagham taan tane imin lezi. Leso tileep pani taghon taghon gha ila.’”
1472	GEN 48:20	Tauvene saawe tana, Yakop ighur poia to Maaron izaa to Yosep natŋa ru, ve isaav pazi ighe: “Murei, isaav ighe yes Israela tighur poia to Maaron izaa to tamtamon, ene pale tiwaat ezamim tighe: ‘Maaron pale ighur poia tooni izaa tsiam imin igham pa Epraim gha Manase.’” Tauvene i iit Epraim eeza izaa le iliiv toogha Manase.
1518	GEN 50:11	Tauvene yes Kanaana tau tileep nugh tawe tilooŋ taŋiiz toozi, ve tighe: “Wai, ewe yes Isipa lolozi isaghat tiina kat, tauta titaŋtaŋ we.” Puughu tane ta tiwaat nugh tawe eeza ‘Abel Mizraim.’ Nugh tawe igheen ila yaa Yordan paaŋa ite.
1524	GEN 50:17	‘Yam ala ve asavia aliŋag pa natug Yosep tauvene: Yo irau lolom isaghatin toghamŋa, ve upul sosor toozi, ve lolom iveghai ŋgar saghati tau tigham payo na.’ Tamaan isaav tauvene, tauta yei besooŋa to Maaron tau tamaan ibesbees pani na, nitaŋ rarai ghom nighe: Lolom isaghatin ghei, ve upul sosor tsiei.” Yosep ilooŋ saveeŋ toozi, ve itaŋ.
1593	EXO 3:13	Mose iyol Maaron aliiŋa ighe: “Ene poia. Ve isaav ighe namuul nala, ve nasaav pa yes Israela naghe: ‘Maaron to timbuunŋa, ta imbaaŋ ghau nalam payam,’ yes aat tighason ghau tighe: ‘Saa Maaron tana. Eeza sei?’ Pale nayol ghasoniiŋ toozi mindai?”
1594	EXO 3:14	Maaron isaav pani ighe: “YAU TAUG NALEPLEEP. Ene yau ezag ve gabuag. Tauvene usaav pa yes Israela ughe: ‘I TA ILEPLEEP’ tauta imbaaŋ ghau payam.”
1595	EXO 3:15	Ve Maaron isaav pa Mose muul ighe: “Usaav pa yes Israela tauvene: ‘Yoova, Maaron to timbuunŋa Abaram, Isak, ve Yakop, ta imbaaŋ ghau nalam payam. I eeza “YAU TAUG NALEPLEEP.” ’ Ezag tane pale igheen le alok. Tauvene tamtamon tau pale tivot murei na, aat matazi iŋgal ezag tane taghon taghon gha ila.
1596	EXO 3:16	“Tauvene yo ula ulup zolman to yes Israela, ve usaav pazi tauvene: ‘Yoova, Maaron tau timbuunŋa Abaram, Isak, ve Yakop tibesbees pani na, tauta ivot tsiau, ve aliiŋa ilat payam ighe: I maata payam irau saawe. Tauvene ŋgar sasaghati naol tau yes Isipa tighamgham payam na, i ighit zi wa.
1598	EXO 3:18	“Tauvene yo ula usavia aliŋag tane pa zolman to yes Israela. Yes pale tilooŋ ghom. Mako ugham zi gha yamŋa ala avot to kinik to yes Isipa, ve asaav pani aghe: ‘Yoova, Maaron to yei Hibrua, i ivot tsiei wa. Tauvene nighe yo uyok payei, leso nila nugh ŋginaaŋa ve nigham watooŋrau pani izi ta sewe. Pale nilaagh irau mboŋ tol, mako nila nivot.’
1603	EXO 4:1	Yoova isavsaav le isov, ve Mose isaav pani ighe: “Poia. Eemon isaav ighe yes Israela tighur ila saveeŋ tsiau mako, ve tilooŋ ghau mako, ve tisaav payau tighe: ‘Waa, Yoova ivot tsio onoon, ma ugham karom?’ Ene pale nasaav pazi mindai?”
1624	EXO 4:22	Murei, o uvotia aliŋag pani ughe: ‘Yoova isaav payo tauvene: “Tamtamon to Israel, yes timin natug aidaaba.
1625	EXO 4:23	Yau nasaav payo wa naghe: ‘Upul natugŋa tilam, leso tibees payau ve tisuŋ payau.’ Eemon yo uzoor aliŋag, ve uŋguruut zi. Tauvene yau aat narav natum aidaaba imaat.’”
1662	EXO 6:6	“Tauvene yo aat ula ve uvotia aliŋag pa yes Israela ughe: ‘Yau Yoova nalepleep. Aazne, yam amin besooŋa pa yes Isipa, ve tapirizi itatan gham le lemim eez eta mako. Eemon yau aat nagham gabua ŋgeretazi tintiina siriv, leso nagham mulin gham ila yes Isipa nimazi. Pale natotoi tapirig tiina ivot ighazooŋ, ve naghur atuya iŋarui zi pa sosor toozi. Leso napas gham avot pa pataŋani tsiam.
1702	EXO 7:16	mako usaav pani ughe: ‘Yoova tau Maaron to yei Hibrua na, imbaaŋ ghau nalam ve nasavia aliiŋa payo wa. I ighe yo upul tamtamon tooni Israel tila, leso tibees pani ve tisuŋ pani izi nugh ŋginaaŋa. Eemon saawe tana ve ilam aazne, yo ulooŋ aliiŋa rigta mako.
1712	EXO 7:26	Mboŋ liim ve ru tana isov, ra Yoova isaav pa Mose ighe: “Ula ughita kinik to Isip muul, ve usaav pani ughe: ‘Yoova aliiŋa ilat payo ighe: Upul tamtamon tooni Israel tila, leso tibees pani ve tisuŋ pani.
1775	EXO 9:32	Eemon aniiŋ wit tomania aniiŋ toozi ite tau tiwaato tighe ‘spelt’ na, tipaar soone. Tauta ais paatu paatu tana ivaghamun zi mako.
1780	EXO 10:2	Ve murei imin sinaiŋ pa yam Israela, leso asavia pa natmimŋa ve timbumimŋa, ve asaav pazi aghe: ‘Muuŋ, Yoova itotoi tapiri pa yes Isipa. I igham gabua ŋgeretazi tintiina tivot ila sosozi, ve ipamogherai zi le tivaghamgham kat.’ Ve yam asov pale awatagh aghe yau Yoova nalepleep, ve aghazooŋ pa gabuag tomania ŋgar tsiau.”
1811	EXO 11:4	Tauvene Mose isaav pa kinik ighe: “Ulooŋ! Yoova aliiŋa ilat payo tauvene. Ighe: ‘Mboŋ anooŋa, yau aat nazilam ve nalaagh irau taan isov to Isip.
1815	EXO 11:8	Ve Mose isaav muul ighe: “O kinik, gabua tane ighe ivot, uraata tsio tane pale tisov tilam tiput aghezi payau, ve titaŋ rarai ghau tighe: ‘Yo tomania tamtamon tisov tau titaghon ghom na, apul ghei ve aghau ala!’ Murei pa gabua tana ivot, yau aat napul ghom.” Mose aate yavyav kat. Tauvene ipul kinik ileep, ve ivot ila muuri.
1839	EXO 12:22	Sipsip tana siŋizi, awatoa ila oon, ve agham ai ‘isop’ booga, ve azeeva ila siŋ tana. Mako akumu ila didiiŋaia to ataman tsiam. Ila ziige ru, ve izala pa saaŋa paam. Tsiam eta ivot ila muuri sov. Yam asov aleep ila ruum tsiam tsiam lolozi mon le nughizau.
1844	EXO 12:27	Aghe: ‘Iit tarav gabua tane imin watooŋrau pa Yoova. Leso tapaiti, ve mataan iŋgal saawe to Pasova tau Yoova isal pa ruum toit izi Isip, ve ipul ghiit taleep, ve ila irav yes Isipa natuzŋa.’” Yes Israela tilooŋ saveeŋ tana, ve tiput aghezi, ve tipait Yoova eeza.
1876	EXO 13:8	“Isaav ighe saawe to lupuuŋ tiina tane ivot, na yam eŋaeŋa apaesia puughu pa natmimŋa aghe: ‘Iit tataghon ŋgar tane, leso mataan iŋgalŋgal saawe tau Yoova igham uraat tiina pait, ve igham ghiit tapul Isip ve talam.’
1882	EXO 13:14	“Murei, isaav ighe natmimŋa tighason gham pa ŋgar tane puughu, mako apaes pazi aghe: ‘Muuŋ, iit tamin besooŋa sorok izi Isip. Eemon Yoova itotoi tapiri tiina, ve igham ghiit tapul nugh tawe.
1902	EXO 14:12	Ŋgar tane, ta niroi pani. Tauta saawe tau talepleep izi Isip, yei nisaav payo nighe: ‘Tambaaŋo. Upul ghei nileep, ve nigham uraat pa yes Isipa.’ Eemon yo ulooŋ ghei mako. Imin ta nileep izi Isip gha nibesbees pazi, kanaŋ poia. Eemon mako. Aazne, aat nisov nimataar izi nugh ŋginaaŋa tane.”
1930	EXO 15:9	Koiamaiŋa tigham tinizi tighe: ‘Yei aat nigham taghon yes Israela le nikis zi. Mako niyauur saveeŋ mariŋ toozi ve nireii irau ghei. Saa pataŋani tau nighe nigham pazi, ene aat nighamu mon. Tauvene yei pale nipas mbuzaagh tsiei, ve nitotoi tapirimai pazi, ve nireu mbirisai zi.’
1943	EXO 15:22	Murei ra, Mose isaav pa yes Israela gha tiburig tilaagh muul. Tipul nari to Te Siŋsiŋai, ve tilaagh tiloŋ tila pa nugh ŋginaaŋa tau tiwaato tighe ‘Sur.’ Tilaagh izi ta sewe irau mboŋ tol, eemon tindeeŋ yaa eta mako.
1944	EXO 15:23	Ra tivot nugh marani ee, eeza Mara. Nugh tawe, yaa igheen. Eemon yaa tawe papaii. Tauvene yes Israela irau tighunu mako. Puughu tane ta tiwaat nugh tawe eeza tighe ‘Mara.’
1949	EXO 16:1	Murei ra, yes Israela tiburig gha tipul nugh Elim, ve tilaagh tila tivot nugh ŋginaaŋa tau eeza ‘Siin.’ Nugh tawe igheen bodbodaaŋ pa Elim ve Sinai. Saawe tau tipaburigin laghooŋ toozi izi Isip ve tilam tivot izi Siin, yes tilaagh irau kaiyo ee ve mboŋ saŋavul ve liim wa.
1957	EXO 16:9	Ra Mose isaav pa Aron ighe: “Ula usaav pa yes Israela tauvene: ‘Yoova ilooŋ ŋoŋaaŋ tsiam wa. Tauvene yam asov alam alup gham ila Yoova naagho.’”
1979	EXO 16:31	Aniiŋ tau Yoova igham pa yes Israela na, tiwaat eeza tighe ‘manna.’ Aniiŋ manna, ene pisosooŋa ve ghitooŋa imin gabua siriv uvezi. Ve ghaniiŋa poia kat, imin palawa tau tikepu tomania tok suuru.
1985	EXO 17:1	Ra eval tiina to Israel tipaburigin laghooŋ toozi muul. Tipul nugh ŋginaaŋa tau eeza ‘Siin’ na, ve tilaghlaagh itaghon Yoova aliiŋa. Tighamgham tauvene le tila tivot nugh ee, eeza Repidim. Ra timariau izi ta sewe. Eemon nugh tawe, le yaa mako.
1991	EXO 17:7	Nugh tawe, Mose iwaat eeza ighe ‘Masa’ ve ‘Meriba.’ Pasaa, saawe tau yes Israela tileep ta sewe, tiŋooŋ pani, ve titoov Yoova tighe: “I ileep tomani ghiit onoon, ma mako?”
1999	EXO 17:15	Yoova isavsaav le isov, ra Mose igharaat artaal ee, ve iwaat eeza ighe: ‘Yoova, i pilak tsiau.”
2031	EXO 19:4	‘Ŋgar tau yau nagham pa yes Isipa na, yam Israela aghita pa taumim matamim wa. Yam awatagh: Yau nabaad gham imin manbog ibaad natŋa izala baage, ve nagham gham alam avot tsiau izi ta sene.
2125	EXO 22:10	Ene aat gabua tana taama yesuru iitete tau iŋgin gabua tooni na, tila tiyooz ila Yoova naagho. Ve ighe i tau iŋgin gabua na, isaav ighe: ‘Onoon kat, Maaron ighit ghau ve nasaav: Yau nimag isosor pa gabua to etag ite tane mako.’ Saawe tau gabua tana taama ilooŋ saveeŋ ghazooŋa tauvene, ene aat le saveeŋ muul mako, ve i irau ighur maata pa iitete tana to iyol gabua tooni mako.
2446	EXO 32:7	Tighamgham tauvene, ve Yoova isaav pa Mose ighe: “Ai, rekia mon uzila! Pa tamtamon tsio tau ugham zi tipul Isip ve yamŋa alam na, ŋgar toozi isaghat ve tivaghamgham. Eez tau avog iyaryaaŋ pazi naghe titaghoni, ene tipuli wa. Ulooŋ. Tigharaat lezi makau anunu, ve tiput aghezi pani, ve tigham watooŋrau pani. Ve tisavsaav tighe: ‘Yam Israela, aghita. Maaron toit tau igham ghiit tapul Isip ve talam, tauta ene!’
2451	EXO 32:12	Isaav ighe yo uvaghamun zi, ene pale yes Isipa tisaav tighe: ‘Laak, Maaron to yes Israela ighe ivaghamun zi ve ipasov zi pa taan. Tauta itombaan zi, ve igham zi tipul ghiit, ve tila nugh tau bide loloza, leso iravuur zi ta sewe.’ Tauvene uvaghamun zi sov. Onoon, atem yavyav kat. Eemon utatan atem, ve utoor ŋgar tsio. Lolom imuul pa tamtamon tsio, ve ukari zi sov.
2462	EXO 32:23	Yes tisaav payau tighe: ‘Ugharaat leen maaron eta lak! Leso imuuŋ pait ve iŋgin ghiit. Pa ŋeer tau igham gherev pait gha tapul taan to yes Isipa ve talam ne, yei nikankaan pani. Gabua eta aat ivot pani wa.’
2463	EXO 32:24	Yes tisaav payau tauvene, tauta nasaav pazi naghe: ‘Poia. Sei tau ighe ipabood tauu pa gol na, izughu, ve ighamu ilam.’ Tauvene yes tila tiyauur gol toozi ilam tsiau, ve nasuruuv zi tizala yav, ve rekia mon makau anunu ivot!”
2479	EXO 33:5	Pasaa, Yoova isaav pa Mose ighe: “Usaav pa yes Israela tauvene: ‘Yam matamim zoraaŋ saveeŋ. Irau itiŋa tala mako. Pa ighe naleep tomani gham pa sooso ŋgiira rigta mon, ve apas ateg muul, ene aat napasov gham. Tauvene gabua tsiam popoia naol tau atiik taumim pani na, azuzuum zi tisov tizi, o matag iŋgal saa ŋgar ta pale nagham payam.’”
2481	EXO 33:7	Saawe tau yes Israela tilaghlaagh izi nugh ŋginaaŋa, ve ighe timariau izi eez livuugha, mako Mose ipayooz balbaal ee ila soghan pa balbaal siriv. Balbaal tawe, tiwaato tighe ‘Balbaal to lupuuŋ.’ Tamtamon tisov tau tighe tighason Yoova pa gabua eta na, tilala ta sewe, ve tighurghur aliŋazi ila to Mose leso aana isavia ila to Yoova.
2511	EXO 34:14	Yam abees pa maaron ite paam sov. Pa yau Yoova ta Maaron tsiam. Matag pariuriu, ve naghe yam abees pa yau mon. Tauta tiwatwaat ezag tighe ‘I tau maata pariuriu.’
2728	EXO 40:20	Ra Mose igham maet ru tau tutuuŋ to Yoova igheen ila na, ve ighur zi ila Bokis to Saveeŋ Mbuaaŋ loolo. Maet ru tawe, ene to ipalot yes Israela, leso matazi kisin saveeŋ mbuaaŋ toozi tomania Yoova ve titaghoni. Ve Mose izeev siŋ ru itaghon niazi tau igheen Bokis To Saveeŋ Mbuaaŋ ziige leso tibaado. Ve ipagud bokis aavo. Bokis aavo tawe, ene tiwaato tighe ‘Nugh To Rewaaŋ Sosor.’
7149	RUT 1:20	Eemon Naimi iyol aliŋazi ighe: “Yam awaat ezag Naimi muul sov. Awaat ezag ‘Mara.’ Pa Maaron Saksaki Tau Iliiv Zimaronŋa Tisov na, igham lepoogh tsiau isaghat kat.
13956	PSA 2:7	Kinik to iit Israela isaav tauvene: “Yau aat navotia saveeŋ tau Yoova imbua tomani ghau. I isaav payau ighe: ‘Yau natug yo. Yo tamam ta yau. Aazne, yau naghur ghom pa uraat.
14228	PSA 22:8	Tamtamon tisov tau tighit ghau ne, titurun luazi payau ve tighe: ‘Aa, ughita wa?” Ve tiŋiŋ payau, ve tisik saveeŋ veleghiiŋ naol payau.
15131	PSA 75:5	Yes tau tipapait tauzi ezazi na, yau nasaav pazi naghe: ‘Apait taumim irao!’ Ve nasaav pa zeran sasaghati naghe: ‘Tapirimim igheen sindei? Apait tapirimim irao!
15299	PSA 82:6	Onoon, muuŋ yau nawaat gham naghe ‘zimaronŋa.’ Ve nasaav payam naghe: ‘Yam asov amin Maaron Tiina Tau Iliiv Zimaronŋa Tisov na natŋa.’
15368	PSA 87:4	Maaron isaav ighe: “Yes Isipa ve Babilona pale tiwatagh ghau, ve nawaat zi ‘tamtamon tsiau.’ Ve yau aat nasaav pa yes Pilistia, yes to nugh Tiro, ve yes to Etiopia paam tauvene: ‘Yam amin Yerusalem tamtamona, raraate imin yes tau tipoop zi izi ta sene.’”
15394	PSA 89:4	Muuŋ, yo usaav ughe: “Yau nasiigh besooŋa tsiau David ve nambu saveeŋ tomania. Saveeŋ tane, napariaaŋa le iyaryaaŋ kat naghe: ‘Yau pale napalot paaghu tsio, ve naghur zi timin kinik irau saawe. Yes pale tileep ila niam to ghamuuŋ pooz, ve tiŋgin yes Israela taghon taghon gha ila.’”
15417	PSA 89:27	I pale isaav payau ighe: ‘Yau Tamaŋ yo. Yo ta Maaron tsiau, ve Uleeŋa tsiau ariaaŋa. Yo uponpoon ghau pa koiagŋa imin maet tiina.’
15530	PSA 95:10	Tauta lolog pazi mako kat irau ndaman tamoot ru. Ve nasaav naghe: ‘Zeran tawe, lolozi pa titaghon ŋgar tsiau mako. Monmon tisosor pa eez tsiau.’
15531	PSA 95:11	Tauta nasaav ariaaŋ pazi toman ateg yavyav, ve napariaaŋ saveeŋ tsiau naghe: ‘Onoon kat. Nugh to mariaoŋ tau yau naghuru pazi na, yes irau tiloŋ tila mako le mako kat!’”
23244	MAT 2:6	‘Nugh Betelem tau ugheen taan sirivu to Yudea na, yo nugh sorok mako. Varum pale iliiv nugh tintiina tau tighamgham pooz pa Yudea. Pasaa, ŋeer tiina ee pale ivot ilat tsio. I pale iŋgin tamtamon tsiau Israel, ve igham pooz pazi.’”
23261	MAT 2:23	Tila tivot ta sewe, ve tileep izi nugh Nasaret. Tauta Maaron aliiŋa tau propet tooni tivotia na ighur anooŋa. Saveeŋ tauvene: Tamtamon pale tiwaato tighe ‘Ŋeer to Nasaret.’
23264	MAT 3:3	Yoan tawe ta muuŋ propet Isaia isavia saveeŋ siriv iŋaruini ighe: “Ŋeer ee iboboob izi nugh ŋginaaŋa ighe: ‘Agharaat eez pa Ŋeer Tiina. Apaduduŋai eez ta naol ne pani le tiduduuŋ.’”
23282	MAT 4:4	Eemon Yesu iyol aliiŋa ighe: “Maaron aliiŋa tau tiboode na isaav tauvene: ‘Aniiŋ mon irau igham tamtamon tileep poi ne mako. Saveeŋ isov tau ivot ila Maaron aavo, tauta igham zi tileep poia.’”