16	GEN 1:16	Tojo weegʉ Õꞌacʉ̃ pʉarã mujĩpũa weecʉ niwĩ. Niꞌcʉ̃ mujĩpũ pajigʉ ʉmʉcore sĩꞌoacjʉre, apĩ cãꞌgʉ̃acã ñamirẽ sĩꞌoacjʉre weecʉ niwĩ. Ñocõa quẽꞌrãrẽ weecʉ niwĩ.
143	GEN 6:5	Titare masã ñaꞌabutiaro weeseticãrã niwã. Ñaꞌarõ weese diaꞌcʉ̃rẽ wãcũcãrã niwã. Õꞌacʉ̃ na tojo weeseticã ĩꞌagʉ̃, narẽ ne tʉꞌsaticʉ niwĩ. “Yʉꞌʉ masãrẽ weeticã, añubopã”, ni wãcũcʉ niwĩ. Tojo ni, pũrõ bʉjawetise meꞌrã aꞌtiro nicʉ niwĩ: “Masã yʉꞌʉ weemiꞌcãrãrẽ cõꞌapeꞌocʉ̃ti. Tojo nicã waꞌicʉrã, nucũcãpʉ nirã́, wʉʉrã, nipeꞌtirãrẽ cõꞌapeꞌocʉ̃ti. Yʉꞌʉ pũrõ bʉjawetiꞌi. Yʉꞌʉ narẽ weeticã, añubopã”, nicʉ niwĩ.
351	GEN 14:14	Abrã cʉ̃ acabiji macʉ̃rẽ “Ñeꞌe, mia waꞌama” nisere tʉꞌogʉ, cʉ̃ tiro masãꞌcãrã, cʉ̃rẽ daꞌracoꞌterãrẽ neocũucʉ niwĩ. Tojo weetjĩagʉ̃, Lore miaꞌcãrãrẽ sirutucʉ niwĩ. Abrã meꞌrã waꞌaꞌcãrã trescientos dieciocho ʉmʉa nicãrã niwã. Na sirutuwãꞌcã, téé Dan wãmetiropʉ wiorãrẽ bocaejacãrã niwã.
448	GEN 18:23	Cʉ̃ pʉꞌtocure waꞌa, sẽrĩtiñaꞌcʉ niwĩ: —¿Ñaꞌarã meꞌrã añurã quẽꞌrãrẽ cõꞌagʉ̃sari?
492	GEN 19:34	Ape nʉmʉ masã maꞌmio co acabijore nico niwõ: —Ñamicaꞌa ñami yʉꞌʉ marĩ pacʉ meꞌrã cãjĩapʉ. Aꞌti ñami quẽꞌrãrẽ cʉ̃rẽ queꞌacã weerã́. Tojo weego mʉꞌʉ cʉ̃ meꞌrã cãjĩgõ waꞌapa. Tojo weerã marĩnʉcʉ̃ põꞌrãtirãsaꞌa.
505	GEN 20:9	Narẽ wéréca beꞌro Abrahãrẽ pijio, aꞌtiro nicʉ niwĩ: —¿Deꞌro weeati mʉꞌʉ ʉ̃sãrẽ? ¿Ñeꞌenojõ yʉꞌʉ mʉꞌʉrẽ ñaꞌarõ weeꞌque wapa to cãꞌrõjo yʉꞌʉre, tojo nicã yarãrẽ ñaꞌabutiaro tojacã weemiati? Mʉꞌʉ yʉꞌʉre tojo weeꞌque ne niꞌcʉ̃ tojo weeya marĩsere weeapʉ.
506	GEN 20:10	¿Deꞌro weegʉ tojo weeati? ¿Ñeꞌenojõrẽ wãcũgʉ̃, tojo weeati? ni sẽrĩtiñaꞌcʉ niwĩ.
555	GEN 22:7	To beꞌroacã Isaa cʉ̃ pacʉre nicʉ niwĩ: —¡Pacʉ! —¿Ñeꞌenojõ ʉati, macʉ̃? ni yʉꞌticʉ niwĩ. Isaa cʉ̃rẽ sẽrĩtiñaꞌcʉ niwĩ: —Marĩ peca, tojo nicã pecameꞌe cʉoꞌo. ¿Oveja wĩꞌmagʉ̃ marĩ ʉ̃jʉ̃amorõpeoacjʉ noꞌopʉ niti?
740	GEN 27:12	Yʉꞌʉ pacʉ yʉꞌʉre daꞌrañaꞌa, “Cʉ̃ mejẽta nimi”, ni masĩgʉ̃, “Mʉꞌʉ yʉꞌʉre bujicãꞌgʉ̃ weeꞌe”, nibosami. Yʉꞌʉre “Añurõ waꞌato” ni sẽrĩbosaronojõ oꞌogʉ, “Ñaꞌarõ peꞌe waꞌabataꞌto mʉꞌʉrẽ”, nibosami, nicʉ niwĩ.
741	GEN 27:13	Cʉ̃ paco cʉ̃rẽ yʉꞌtico niwõ: —Mʉꞌʉrẽ ĩꞌamasĩcãma, mʉꞌʉrẽ “Ñaꞌarõ waꞌato” nise yʉꞌʉ peꞌere tojato. Mʉꞌʉ peꞌe yʉꞌʉ dutiro weeya. Sõjã cabracãrẽ miigʉ̃ waꞌaya, nico niwõ.
757	GEN 27:29	Pãjãrã masã mʉꞌʉ dutise doca niato. Peje diꞌtacjãrã mʉꞌʉ dʉporo ejaqueꞌa, mʉꞌʉrẽ ẽjõpeoato. Mʉꞌʉ niꞌcʉ̃ põꞌrãpʉreta dutigʉsaꞌa. Mʉꞌʉ paco põꞌrã ʉmʉa mʉꞌʉrẽ ẽjõpeorã paamuꞌrĩqueꞌato. Mʉꞌʉrẽ ‘Ñaꞌarõ waꞌato’ nirã́ nemorõ ‘Ñaꞌabutiaro waꞌato’, ninoꞌrãsama. Mʉꞌʉrẽ ‘Añurõ waꞌato’ nirã́ peꞌe ‘Añurõta waꞌato’ ninoꞌrãsama”, nicʉ niwĩ Isaa.
910	GEN 31:36	Cʉ̃ bocaticã ĩꞌagʉ̃, Jacob ua waꞌacʉ niwĩ. Tojo weegʉ “Mejõ waro dioapã” nígʉ̃, Labã́rẽ aꞌtiro nicʉ niwĩ: —¿Ñeꞌenojõ mʉꞌʉrẽ ñaꞌarõ weeati? Mʉꞌʉ yʉꞌʉre ñaꞌabutiaro wééca beꞌro weronojõ yʉꞌʉre sirutubutiapã.
914	GEN 31:40	Ʉmʉcjore yʉꞌʉ asise poowʉ. Ñami peꞌere yʉsʉabʉꞌa narãsãwʉ̃. Apeterore ne cãrĩtiwʉ.
1086	GEN 37:2	Aꞌte Jacob niꞌcʉ̃ põꞌrã nisetiꞌque queti niꞌi. José diecisiete cʉ̃ꞌmarĩ cʉogʉ, cʉ̃ maꞌmisʉmʉa meꞌrã oveja coꞌtegʉ weecʉ niwĩ. Na cʉ̃ pacʉ nʉmosãnumia peꞌsu daꞌreꞌcãrã numia Bilha, Zilpa põꞌrã nicãrã niwã. José na daꞌraropʉ cʉ̃ maꞌmisʉmʉa ñaꞌarõ weeseticã ĩꞌagʉ̃, na pacʉpʉre “Ñaꞌarõ weeama”, ni weredajamʉjãcʉ niwĩ.
1099	GEN 37:15	cãpũpʉ wisia waꞌacʉ niwĩ. Tojo weegʉ niꞌcʉ̃ masʉ̃ cʉ̃rẽ bocaeja, sẽrĩtiñaꞌcʉ niwĩ: —¿Ñeꞌenojõrẽ aꞌmacusiagʉ weeti?
1136	GEN 38:16	Cʉ̃ macʉ̃ nʉmo níꞌco nisamo, ni masĩtigʉ, maꞌapʉ níꞌcʉ co tiro ojanʉꞌcã, core aꞌtiro nicʉ niwĩ: —Yʉꞌʉ, mʉꞌʉ meꞌrã nisĩꞌrĩsaꞌa, nicʉ niwĩ. Co peꞌe “¿Ñeꞌenojõ yʉꞌʉre wapayegʉsari?” nico niwõ.
1138	GEN 38:18	—¿Ñeꞌenojõrẽ yʉꞌʉ cũucã ʉati? ni sẽrĩtiñaꞌcʉ niwĩ. —Mʉꞌʉ wãmerẽ ñacũurõrẽ ti da bʉsari da meꞌrã, tojo nicã mʉꞌʉ tuacjʉ mʉꞌʉ cʉocjʉre cũuña, nico niwõ. Judá core tere oꞌotoja, co meꞌrã nicʉ niwĩ. Tojo wee co nijĩpaco tojaco niwõ.
1188	GEN 40:15	Yʉꞌʉre hebreo masã ya diꞌtapʉ tutuaro meꞌrã ñeꞌe, miitiwã. Ñaꞌarõ weetimigʉ̃, mejõ waro buꞌiri daꞌreri wiꞌipʉ dujisaꞌa, nicʉ niwĩ José.
1275	GEN 42:22	Rubén narẽ nicʉ niwĩ: —Yʉꞌʉ pũrĩcã marĩ acabijire “Ñaꞌarõ weeticãꞌña”, nimiwʉ̃. Mʉsã peꞌe yʉꞌʉre tʉꞌotiwʉ. Niꞌcãrõacãrẽ majã cʉ̃ wẽrĩꞌque wapa marĩ wapaseenoꞌrãsaꞌa, nicʉ niwĩ.
1501	GEN 49:27	Benjamí niꞌcʉ̃ yai uagʉ weronojõ nimi. Ñamiñaꞌcũrõrẽ waꞌicʉre ñeꞌebaꞌaꞌcʉ weronojõ nimi. Ñamicaꞌa peꞌere cʉ̃ baꞌadʉꞌaꞌque diꞌire ãpẽrãrẽ dʉcawaagʉ weronojõ nimi”, nicʉ niwĩ Jacob.
1583	EXO 3:3	Tere pũrõ ĩꞌagʉ̃, Moisé aꞌtiro wãcũcʉ niwĩ: “¿Ñeꞌenojõ niti tojo waꞌase? ¿Deꞌro weero ti zarza ʉ̃jʉ̃peꞌtiweti? nígʉ̃, ĩꞌagʉ̃ waꞌagʉti,” ni wãcũcʉ niwĩ.
1701	EXO 7:15	Ñamiacã ñamicure, cʉ̃ diapʉ buꞌari cura cʉ̃ meꞌrã ucũrã waꞌaya. To dia sumutopʉ coꞌteapa. Mʉꞌʉ yagʉ tuacjʉ aña dojocã weeꞌcʉ meꞌrã waꞌaya.
1721	EXO 8:6	—Ñamiacãta sẽrĩbaqueꞌoya, nicʉ niwĩ faraṍ. Moisé peꞌe cʉ̃rẽ yʉꞌticʉ niwĩ: —Mʉꞌʉ nírõnojõta waꞌarosaꞌa. Te meꞌrã ne apĩ Õꞌacʉ̃ ʉ̃sã wiogʉ weronojõ tutuagʉ marĩmi nisere masĩgʉ̃saꞌa.
1740	EXO 8:25	Moisé cʉ̃rẽ yʉꞌticʉ niwĩ: —Maata aꞌto níꞌcʉ wijaagʉta, Õꞌacʉ̃ yʉꞌʉ wiogʉre sẽrĩgʉ̃ti. Ñamiacãta nurũrũa mʉꞌʉ tiropʉre, mʉꞌʉ docacjãrã wiorã tiropʉre, mʉꞌʉ yarã masã tiropʉre marĩrãsama. Mʉꞌʉ “Aꞌtiro weegʉti” ni weecã, tojo nicã Israe curuacjãrãrẽ, Õꞌacʉ̃ ʉ̃sã wiogʉre waꞌicʉrãrẽ wẽjẽ ʉ̃jʉ̃amorõpeodutigʉ duꞌuoꞌocã, tojo waꞌarosaꞌa, nicʉ niwĩ Moisé.
1748	EXO 9:5	Õꞌacʉ̃ cʉ̃ buꞌiri daꞌreatji nʉmʉrẽ cũutojacʉ niwĩ. Aꞌtiro niami: —Ñamiacã tere tojo weegʉti, niami.
1756	EXO 9:13	Beꞌro Õꞌacʉ̃ Moisére nicʉ niwĩ: —Ñamiacã ñamicure wãꞌcã, faraṍrẽ aꞌtiro nigʉ̃ waꞌaya: “Õꞌacʉ̃, hebreo masã wiogʉ, aꞌtiro niami: ‘Yarã masãrẽ yʉꞌʉre eꞌcatipeorã waꞌacã duꞌuoꞌoya.
1761	EXO 9:18	Mʉꞌʉrẽ aꞌtiro weegʉti. Ñamiacã aꞌti orata yʉsʉase aco peri bʉꞌaꞌque peri paca bʉrʉcã weegʉti. Ne niꞌcãti Egiptopʉre tojo waꞌatiꞌquere waꞌacã weegʉti.
1811	EXO 11:4	Moisé faraṍrẽ nicʉ niwĩ: —Aꞌtiro niami Õꞌacʉ̃: “Ñami deco nicã nipeꞌtiro Egiptopʉre sijagʉsaꞌa.
1825	EXO 12:8	Ñamipʉ te pecameꞌepʉ pʉ̃oꞌque diꞌire, tá sʉ̃ꞌese meꞌrã morẽꞌquere baꞌarãsaꞌa. Tojo nicã pã́ bʉcʉase meꞌrã morẽtiꞌquere baꞌarãsaꞌa.
1846	EXO 12:29	Ñami deco nicã, Õꞌacʉ̃ nipeꞌtirã Egiptocjãrã masã maꞌmisʉmʉarẽ wẽjẽcʉ niwĩ. Faraṍ ti diꞌta wiogʉ macʉ̃ masã maꞌmi meꞌrã wẽjẽnʉꞌcã, téé buꞌiri daꞌreri wiꞌipʉ dujirã põꞌrã masã maꞌmisʉmʉapʉre wẽjẽtʉocʉ niwĩ. Tojo nicã waꞌicʉrã bajuamʉꞌtãꞌcãrãrẽ wẽjẽcʉ niwĩ.
1889	EXO 13:21	Õꞌacʉ̃ na dʉporo waꞌayucʉ niwĩ. Ʉmʉcjore oꞌmepõꞌrã meꞌrã narẽ maꞌa sʉꞌori ĩꞌogʉ̃, baꞌpaticʉ niwĩ. Ñami peꞌere niꞌcã pecameꞌe ʉ̃jʉ̃rĩ põꞌrã meꞌrã, narẽ sĩꞌoo, baꞌpaticʉ niwĩ. Cʉ̃ tojo weecã, ñami, ʉmʉco waꞌamʉjãcãrã niwã.
1890	EXO 13:22	Oꞌmepõꞌrã peꞌe ʉmʉcore na dʉporo ʉꞌmʉtãcaro niwʉ̃. Ñami peꞌema pecameꞌe ʉ̃jʉ̃rĩ põꞌrã ʉꞌmʉtãcaro niwʉ̃. Tojo diaꞌcʉ̃ waꞌanuꞌcũcãꞌcaro niwʉ̃.
1910	EXO 14:20	Tojo wee ti põꞌrã Egiptocjãrã surara, Israe curuacjãrã decore ejanʉꞌcãcaro niwʉ̃. Ñamipʉ ti oꞌmepõꞌrã Egiptocjãrãrẽ naꞌiatĩꞌacã weecaro niwʉ̃. Israe curuacjãrã peꞌema boꞌreyucaro niwʉ̃. Tojo weerã Egiptocjãrã ti ñamirẽ Israe curuacjãrãrẽ ne ẽmʉticãrã niwã.
1955	EXO 16:7	Ñamiacã ñamicure peꞌere Õꞌacʉ̃ cʉ̃ asistesere ĩꞌarãsaꞌa. Mʉsã cʉ̃rẽ ũrũsãsere tʉꞌoami. ¿Deꞌro weerã ʉ̃sãrẽ ũrũsãti? Ʉ̃sã mejõ nirã niꞌi, nicãrã niwã.
1956	EXO 16:8	Moisé apeye narẽ ninemocʉ niwĩ: —Ñamicaꞌa nicã Õꞌacʉ̃ mʉsã baꞌatji diꞌirore oꞌogʉsami. Boꞌreacãma mʉsãrẽ peje baꞌase pã́ weronojõ nisere oꞌogʉsami. Mʉsã cʉ̃rẽ ñaꞌarõ ucũ, ũrũsãsere tʉꞌoami. Mʉsã ũrũsãrã, ʉ̃sã mejẽtare ñaꞌarõ ucũrã weeapʉ. Õꞌacʉ̃ peꞌere ñaꞌarõ ucũrã weeapʉ. Ʉ̃sã mejõ nirã niꞌi.
1960	EXO 16:12	—Israe curuacjãrã na ñaꞌarõ ũrũsãsere tʉꞌoapʉ. Narẽ aꞌtiro ni wereya: “Naꞌiqueꞌari cura mʉsã waꞌicʉ diꞌi baꞌarãsaꞌa. Ñamiacã ñamicure peꞌere pã́ mʉsã baꞌasĩꞌrĩrõ põtẽorõ baꞌarãsaꞌa. Te meꞌrã mʉsã ‘Yʉꞌʉ mʉsã wiogʉ Õꞌacʉ̃ niꞌi’, nisere masĩrãsaꞌa”, niña, nicʉ niwĩ.
1963	EXO 16:15	Na Israe curuacjãrã tere ne ĩꞌamasĩtirã, “¿Ñeꞌenojõ niti?”, ni aꞌmerĩ sẽrĩtiñaꞌcãrã niwã. Moisé narẽ nicʉ niwĩ: —Aꞌte mʉsã pã́ weeatje Õꞌacʉ̃ cʉ̃ oꞌose niꞌi.
1971	EXO 16:23	Na tere werecã tʉꞌogʉ, Moisé narẽ nicʉ niwĩ: —Õꞌacʉ̃ aꞌtiro dutiami: “Ñamiacã mʉsã sooatji nʉmʉ nirõsaꞌa. Yʉꞌʉre wãcũ, eꞌcatipeoatji nʉmʉ mʉsãrẽ cũuꞌu. Mʉsã baꞌase doꞌasenojõrẽ niꞌcãcã doꞌaweꞌocãꞌña. Mʉsã baꞌase pʉ̃osenojõrẽ pʉ̃oweꞌocãꞌña. Mʉsãrẽ baꞌase dʉꞌsacã, ‘Ñamiacãpʉ baꞌarãti’ nírã dʉꞌaya”, niami Õꞌacʉ̃, nicʉ niwĩ Moisé.
2014	EXO 18:14	Cʉ̃ mañecʉ̃ nipeꞌtise Moisé masãrẽ weebosaꞌquere ĩꞌagʉ̃, aꞌtiro nicʉ niwĩ: —¿Ñeꞌenojõ weegʉ weemiti mʉꞌʉ, ãꞌrã masã meꞌrã? ¿Deꞌro weegʉ mʉꞌʉ seꞌsaro tere weeti? Na peꞌe mʉꞌʉ tiro tojo nuꞌcũnaꞌia waꞌama.
2038	EXO 19:11	Ñamiacã yʉꞌrʉro apoyuꞌquepʉ nitojato. Ti nʉmʉ yʉꞌʉ, mʉsã wiogʉ, nipeꞌtirã ĩꞌorõpʉ ʉ̃rʉ̃gʉ̃ Sinaípʉ dijatagʉsaꞌa.
2042	EXO 19:15	Na suꞌtire coéca beꞌro Moisé narẽ aꞌtiro werecʉ niwĩ: —Ñamiacã yʉꞌrʉro apoyuꞌcãrãpʉ nitojaya. Tojo nicã aꞌte nʉmʉrĩ mʉsã nʉmosãnumia meꞌrã ne wʉacãjĩticãꞌña, ni werecʉ niwĩ.
2444	EXO 32:5	Na tojo weecã ĩꞌagʉ̃, Aarṍ wecʉ wĩꞌmagʉ̃ queose põtẽorõpʉ waꞌicʉrãrẽ ʉ̃jʉ̃amorõpeorore niꞌcã mesã ʉ̃tã meꞌrã seeneocũucʉ niwĩ. Tuꞌajanʉꞌcõ, masãrẽ werecʉ niwĩ: —Ñamiacã marĩ wiogʉ Õꞌacʉ̃rẽ bosenʉmʉ wee eꞌcatipeorãsaꞌa, nicʉ niwĩ.
2499	EXO 34:2	Ñamiacã ñamicurero ʉ̃rʉ̃gʉ̃ Sinaípʉ mʉjãgʉ̃tigʉ̃ apoyuya. Tigʉ dʉposãrĩpʉ waꞌa, yʉꞌʉ tiro ejaya.
2746	EXO 40:38	Israe curuacjãrã noꞌo na waꞌaro nipeꞌtirã ĩꞌorõpʉ Õꞌacʉ̃ ya oꞌmecurua, ʉmʉcore ti wiꞌi buꞌipʉ nimʉjãcaro niwʉ̃. Ñami peꞌema ti curua poꞌpeapʉ pecameꞌe ʉ̃jʉ̃rĩ põꞌrã nicaro niwʉ̃.
5861	JOS 1:8	Yʉꞌʉ dutise cũuꞌquere masãrẽ buꞌenuꞌcũcãꞌña. Ñamirĩnʉcʉ̃, ʉmʉcori quẽꞌrãrẽ wãcũnʉrʉ̃nuꞌcũcãꞌña. Tere weecã, nipeꞌtise mʉꞌʉ weesetise queoro waꞌarosaꞌa.
5900	JOS 3:5	Tere na wéréca beꞌro Josué aꞌtiro nicʉ niwĩ tja: “Ñamiacã Õꞌacʉ̃ cʉ̃ tutuasere ĩꞌarãsaꞌa. Tojo weerã mʉsã Õꞌacʉ̃ ĩꞌorõpʉ ñaꞌase marĩrã niato nírã, mʉsã ye suꞌtire coe, tojo nicã mʉsã ya upʉre uꞌacoecãꞌña”, nicʉ niwĩ Josué.
5989	JOS 7:11	Israe curuacjãrã yʉꞌʉ dutisere yʉꞌrʉnʉꞌcãma. Yʉꞌʉ mʉsãrẽ “Weeticãꞌña” níꞌquere queoro weetiama. Yʉꞌʉ Jericó cjasere, yʉꞌʉ miidutitiꞌquere miama. “Ñaꞌa niꞌi”, ni masĩmirã, yajama. Tere miitoja, na ye apeyenojõ waꞌteropʉ nʉoama.
5991	JOS 7:13	Masãrẽ neocũu, narẽ weregʉ waꞌaya: “Õꞌacʉ̃ mʉsãrẽ aꞌtiro niami: ‘Mʉsã Israe curuacjãrã, yʉꞌʉ mʉsãrẽ “Miaticãꞌña” níꞌque mʉsã waꞌteropʉ niꞌi. Mʉsã tere cõꞌapeꞌoticãma, ne mʉsã meꞌrã aꞌmewẽjẽrãrẽ docaqueꞌacã weesome. Ñamiacãrẽ yʉꞌʉ ĩꞌorõpʉ nuꞌcũrãsaꞌa. Tojo weerã yʉꞌʉ ĩꞌorõpʉ ñaꞌase marĩrã niato nírã, mʉsã ye suꞌtire coe, mʉsã ya upʉre uꞌacoecãꞌña. Apoyuꞌcãrãpʉ nitojaya.
6038	JOS 8:34	Beꞌro Josué nipeꞌtise Moisé cʉ̃ dutiꞌquenʉcʉ̃ buꞌeñocʉ niwĩ. “Añurõ waꞌarosaꞌa” níꞌquere, tojo nicã “Ñaꞌarõ waꞌarosaꞌa” níꞌquere buꞌecʉ niwĩ.
6075	JOS 10:9	Ñamipʉ Josué Gilgapʉ wija, waꞌaboꞌrea, amorreo masã ne masĩtiri cura na meꞌrã aꞌmewẽjẽnʉꞌcãcʉ niwĩ.
6115	JOS 11:6	Na tojo weecã ĩꞌagʉ̃, Õꞌacʉ̃ peꞌe Josuére “Narẽ ne uiticãꞌña. Ñamiacã aꞌti orata na pãjãrãrẽ mʉsã wẽjẽpeꞌocã weegʉti. Mʉsã peꞌe na yarã cabayua dʉꞌpocãrĩ ʉꞌtacũuse wadarire dʉtesureapa. Tojo nicã na tũrũsepawʉ aꞌmewẽjẽsepawʉ cabayua na wejesere ʉ̃jʉ̃apa”, nicʉ niwĩ.
6715	JDG 7:19	Ñami deco nicã, madianita masã surara coꞌterã dʉcayúca beꞌro Gedeṍ cien surara cʉ̃ meꞌrã nirã́ madianita masã surara nerẽrõ ape pãꞌrẽpʉ etacãrã niwã. Topʉ eta, na ye putise capesaꞌrire puti, sʉtʉparʉ na cʉoseparʉre bopecãrã niwã.
6813	JDG 9:57	Tojo nicã Õꞌacʉ̃ Siquẽcjãrã ʉmʉarẽ na ñaꞌarõ weeꞌque wapare tojo weecʉ niwĩ. Tojo wee Jotam, Gedeṍ macʉ̃ Siquẽcjãrãrẽ “Ñaꞌarõ waꞌarosaꞌa” níꞌque narẽ queoro waꞌacaro niwʉ̃.
6843	JDG 11:12	Beꞌro Jefté queti wererãrẽ amonita masã wiogʉ tiro oꞌócʉ niwĩ. Cʉ̃rẽ aꞌtiro ni sẽrĩtiñaꞌduticʉ niwĩ: “¿Ñeꞌe buꞌiri mʉꞌʉ ʉ̃sã ya diꞌtapʉ sãjãti, ʉ̃sã meꞌrã aꞌmewẽjẽsĩꞌrĩti?” ni queti oꞌócʉ niwĩ.
6961	JDG 16:10	Tojo waꞌacã, Dalila Sansṍrẽ aꞌtiro nico niwõ: —Yʉꞌʉre bujicãꞌpã. Tojo nicã, yʉꞌʉre nisooapʉ. Wereya. ¿Ñeꞌenojõ da meꞌrã mʉꞌʉrẽ dʉꞌtebosari, mʉꞌʉ sureticã? nico niwõ.
7182	RUT 3:8	Ñami deco ʉcʉamajã wãꞌcã, majãmiqueꞌamigʉ̃, niꞌcõ numio cʉ̃ dʉꞌpocãrĩ tiro cũñacã ĩꞌamarĩacʉ niwĩ.
7187	RUT 3:13	Aꞌti ñamirẽ aꞌtopʉta tojáníña. Ñamiacã cʉ̃ mʉꞌʉ acaweregʉ nisetisere queoro weecã, añurõsaꞌa. Cʉ̃ mʉꞌʉrẽ nʉmotigʉsami. Cʉ̃ weeticãma, Õꞌacʉ̃ tʉꞌoropʉ “Yʉꞌʉ mʉꞌʉrẽ nʉmotigʉti”, nigʉ̃ti. Niꞌcãrõacãrẽ aꞌtopʉta cãrĩboꞌretõꞌoña.
23272	MAT 3:11	Yʉꞌʉ mʉsãrẽ na ñaꞌarõ weeꞌquere bʉjaweti, duꞌuama nígʉ̃, aco meꞌrã wãmeyeꞌe. Yʉꞌʉ beꞌro apĩ yʉꞌʉ nemorõ tutuagʉ aꞌtigʉsami. Cʉ̃ añugʉ̃ waro nimi. Yʉꞌʉ peꞌe mejõ nigʉ̃ tʉꞌoñaꞌa. Ne cʉ̃rẽ niꞌcãrõwijimasĩtisaꞌa. Cʉ̃ pũrĩcã Espíritu Santure mʉsãrẽ oꞌógʉsami. Cʉ̃rẽ masã meꞌrã ninuꞌcũcã weegʉsami. Ñaꞌarõrẽ ʉ̃jʉ̃aweero weronojõ mʉsãrẽ añurõ tojato nígʉ̃, ñaꞌarõ weeꞌquere cõꞌagʉ̃sami.
23332	MAT 5:29	”Tojo weerã mʉsã caperi meꞌrã ñaꞌarõ weesĩꞌrĩrã, tigare orewee cõꞌaboꞌcaro weronojõ maata ĩꞌaduꞌucãꞌña. Ñaꞌarõ weeduꞌutirã, pecameꞌepʉ waꞌarãsaꞌa. Mʉsã capeare cõꞌarã, ti capea diaꞌcʉ̃rẽ bajuriorãsaꞌa. Nipeꞌtiro mʉsã upʉ pecameꞌepʉ waꞌacã, ñaꞌayʉꞌrʉsaꞌa.
23376	MAT 6:25	”Mʉsãrẽ aꞌtiro weregʉti: ‘¿Ñeꞌenojõ baꞌarãsari? ¿Ñeꞌenojõ sĩꞌrĩrãsari? ¿Ñeꞌenojõ sãñarãsari?’ ni wãcũqueꞌtiticãꞌña. Marĩ catise baꞌase nemorõ wapatiꞌi. Marĩ upʉ quẽꞌrã suꞌti nemorõ wapatiꞌi.
23382	MAT 6:31	Tojo weerã ‘¿Ñeꞌenojõrẽ baꞌarãsari? ¿Ñeꞌenojõrẽ sĩꞌrĩrãsari? ¿Ñeꞌenojõrẽ sãñarãsari?’ ni wãcũqueꞌtiticãꞌña.
23385	MAT 6:34	Tojo weerã ‘¿Ñamiacã deꞌro waꞌarosari?’ ni wãcũqueꞌtiticãꞌña. Niꞌcãcãrẽ mʉsã ñaꞌarõ yʉꞌrʉatje nitojaꞌa. Tojo weerã niꞌcãcã cjase diaꞌcʉ̃rẽ wãcũña. Ape nʉmʉ cjasere wãcũqueꞌtiticãꞌña. Ʉmʉcorinʉcʉ̃ Õꞌacʉ̃ mʉsãrẽ weetamugʉ̃sami”, nicʉ niwĩ.
23388	MAT 7:3	Mʉsã basu ñaꞌarã nimirã, ¿deꞌro weerã ãpẽrã peꞌere ‘Ñaꞌarã nima’, niti? Ãpẽrãrẽ ‘Mʉsã ñaꞌarã niꞌi’ nise dʉporo mʉsã ye peꞌere ĩꞌamʉꞌtãña.
23402	MAT 7:17	Tojo weero añucjʉ yucʉgʉ añuse diaꞌcʉ̃ dʉcatiꞌi. Ñaꞌacjʉ quẽꞌrã ñaꞌasere dʉcatiꞌi.
23403	MAT 7:18	Ne niꞌcãgʉ̃ yucʉgʉ añuse dʉcaticjʉ ñaꞌase dʉcatitisaꞌa. Ñaꞌase dʉcaticjʉ quẽꞌrã añuse dʉcatitisaꞌa.
23412	MAT 7:27	Beꞌro acoro pejaa, dia puꞌeejasaꞌa. Ti wiꞌi ʉpʉtʉ wĩꞌrõ wẽecã, nucũporopʉ wééca wiꞌi niyuro, maata wẽecõꞌapeꞌocãꞌnoꞌsaꞌa. Ñaꞌabutiaro waꞌasaꞌa ti wiꞌi”, nicʉ niwĩ Jesú.
23441	MAT 8:27	Tojo waꞌacã ĩꞌarã, cʉ̃ buꞌerã ĩꞌamarĩarã, aꞌtiro nicãrã niwã: —¿Ñamʉnojõ masʉ̃ nimiticʉ̃ ãꞌrĩ? Wĩꞌrõ, pãꞌcõrĩpʉta cʉ̃rẽ tʉꞌomaatidojacãꞌa, nicãrã niwã.
23458	MAT 9:10	Beꞌro ya wiꞌipʉ cʉ̃ buꞌerã meꞌrã baꞌagʉ waꞌawĩ. Na baꞌari cura ãpẽrã quẽꞌrã pãjãrã niyeru wapaseeri masã, tojo nicã judío masã “Ñaꞌarõ weeri masã nima” ninoꞌrã quẽꞌrã baꞌarã ejawã.
23565	MAT 12:7	Mʉsã Õꞌacʉ̃ ye queti ojáca pũrĩpʉ níꞌquere tʉꞌomasĩweꞌe. Aꞌtiro ojanoꞌcaro niwʉ̃: “Yʉꞌʉ masãrẽ aꞌmerĩ pajañaꞌcã ʉaꞌa. Waꞌicʉrã ʉ̃jʉ̃amorõpeoꞌcaro nemorõ te peꞌere ʉasãyʉꞌrʉnʉꞌcãꞌa”, ni ojanoꞌwʉ̃. Mʉsã tere tʉꞌomasĩrã pũrĩcã, masã mejẽcã weetirãrẽ “Ñaꞌarõ weema”, nitibosaꞌa.
23591	MAT 12:33	Jesú ninemowĩ: —Yucʉgʉ añucjʉ nicã, tigʉ dʉca meꞌrã “Añucjʉ niꞌi”, ninoꞌo. Yucʉgʉ ñaꞌacjʉ nírõ, tigʉ dʉca meꞌrã “Ñaꞌacjʉ niꞌi”, ni ĩꞌamasĩnoꞌo. Yucʉgʉre tigʉ dʉca meꞌrã ĩꞌamasĩnoꞌo.
23592	MAT 12:34	Mʉsã aña weronojõ pũrĩrã niꞌi. Ñaꞌarã nitjĩarã, ¿deꞌro wee añusere ucũmasĩbosaʉ? Marĩrẽ ñaꞌase púúturo, ñaꞌaseta marĩ ucũse wijaꞌa. Añuse nicã, añuseta wijaꞌa.
23646	MAT 13:38	Ti wese peꞌe aꞌti turi nisĩꞌrĩrõ weeꞌe. Añuse cape yʉꞌʉre ẽjõpeorã Õꞌacʉ̃ põꞌrã nima, nisĩꞌrĩrõ weeꞌe. Ñaꞌase cape pĩꞌrĩꞌque peꞌe wãtĩ yarã nima, nisĩꞌrĩrõ weeꞌe.
23648	MAT 13:40	Ñaꞌasere curewee ʉ̃jʉ̃acõꞌasama. Na tojo weeꞌcaro weronojõ aꞌti turi peꞌticãpʉre ñaꞌarãrẽ cõꞌarãsama.
23656	MAT 13:48	Tigʉ muꞌmuyʉꞌrʉcã ĩꞌarã, waꞌi wẽjẽrĩ masã dia sumutopʉ wejemajãsama. Topʉ waꞌire besedujisama. Añurãrẽ piꞌipʉ besesãasama. Ñaꞌarãrẽ doqueñocãꞌsama.
23658	MAT 13:50	Ñaꞌarãrẽ pecameꞌepʉ cõꞌarãsama. Topʉ na pũrĩnoꞌrã, upicari cũꞌrĩdio, utirãsama, niwĩ Jesú.
23669	MAT 14:3	Cʉ̃ Herodeta todʉporopʉre Juãrẽ ñeꞌeduticʉ niwĩ. Ñeꞌe, buꞌiri daꞌreri wiꞌipʉ dʉꞌtecũuduticʉ niwĩ. Aꞌte ye buꞌiri tojo weecʉ niwĩ. Herode cʉ̃ acabiji Felipe nʉmo, Herodía wãmetigore Felipe cʉ̃ catimicã, core ẽꞌma, nʉmoticʉ niwĩ.
23674	MAT 14:8	Co peꞌe co pacore “¿Ñeꞌenojõrẽ sẽrĩgõsariba?” nico niwõ. Co paco wéréca beꞌro Herode tiropʉ waꞌa, cʉ̃rẽ nico niwõ: —Juã masãrẽ wãmeyeri masʉ̃ dʉpoare dʉtesure, niꞌcã papʉ miiti, yʉꞌʉre oꞌoya, nico niwõ. ¿Diacjʉ̃ta Juãrẽ wẽjẽgʉ̃sari? nígõ, tojo weedutico niwõ.
23803	MAT 18:7	Masãrẽ ñaꞌarõ weecã weese ñaꞌabutiaꞌa. Ñaꞌarõ weenuꞌcũcãꞌrãsama, wéérã peꞌea. Mejõ tojo weegʉnojõ ʉpʉtʉ waro buꞌiri daꞌrenoꞌgʉ̃sami.
23851	MAT 19:20	Maꞌmʉ Jesure yʉꞌtiwĩ: —Yʉꞌʉ wĩꞌmagʉ̃pʉta aꞌtere queoro weemʉjãtiwʉ. ¿Ñeꞌenojõ apeyenojõ yʉꞌʉ weenemogʉ̃sari? niwĩ.
23869	MAT 20:8	»Ñamipʉ ti wese wiogʉ sʉꞌori daꞌragʉre pijio, nisami: “Daꞌrarãrẽ pijíne, wapayeya. Beꞌropʉ ejaꞌcãrãrẽ wapayemʉꞌtãña. Beꞌro ñamiacãcure daꞌranʉꞌcãꞌcãrãrẽ wapayetuꞌajanʉꞌcõña”, nisami.
23882	MAT 20:21	Jesú core niwĩ: —¿Ñeꞌenojõrẽ yʉꞌʉ weecã ʉasari? niwĩ. Cʉ̃rẽ yʉꞌtiwõ: —Mʉꞌʉ wiogʉ sãjãgʉ̃, ãꞌrã yʉꞌʉ põꞌrã pʉarãrẽ mʉꞌʉrẽ dutitamudutigʉ sõrõapa. Niꞌcʉ̃ mʉꞌʉ diacjʉ̃ peꞌe, apĩ cũpe peꞌe dʉpoapa, niwõ.
23908	MAT 21:13	Beꞌro narẽ niwĩ: —Õꞌacʉ̃ ye queti ojáca pũrĩpʉ aꞌtiro ojanoꞌwʉ̃: “Ya wiꞌi ‘Ñubueri wiꞌi niꞌi’, ninoꞌca wiꞌi niꞌi.” Mʉsã peꞌe queoro weetiapã. Yajarã ya wiꞌire weronojõ tojacã weeꞌe, ni tuꞌtiwĩ narẽ.
23926	MAT 21:31	Cʉ̃ macʉ̃ ¿niꞌinojõ peꞌe cʉ̃ ʉaro weepari? ni sẽrĩtiñaꞌwĩ narẽ. Na aꞌtiro yʉꞌtiwã: —Cʉ̃ dutimʉꞌtãꞌcʉ queoro weepĩ, ni yʉꞌtiwã. Tere tʉꞌogʉ, Jesú narẽ niwĩ: —Diacjʉ̃ mʉsãrẽ weregʉti. “Ñaꞌarã”, mʉsã nirã́, niyeru wapaseeri masã, tojo nicã ʉmʉarẽ aꞌmetãrãwapataꞌari masã numia mʉsã ʉꞌmʉsepʉ waꞌatiri cura na peꞌe waꞌarãsama.
23927	MAT 21:32	Juã masãrẽ wãmeyeri masʉ̃ Õꞌacʉ̃ ʉaronojõ aꞌtiro añurõ nisetiroʉami nisere buꞌecã, mʉsã ẽjõpeotiwʉ. Na mʉsã “Ñaꞌarã waro nima” nirã́ pũrĩcã cʉ̃ weresere ẽjõpeo, na wãcũsere dʉcayucãrã niwã. Na tojo weecã ĩꞌamirã, mʉsã peꞌe dʉcayuti, cʉ̃ weresere ẽjõpeoticãrã niwʉ̃, niwĩ Jesú.
24003	MAT 23:16	»Ñaꞌarõ waꞌarosaꞌa mʉsãrẽ. Caperi bajutirãrẽ aꞌmerĩ wejero weronojõ niꞌi. Aꞌtiro ni buꞌeꞌe masãrẽ: “Niꞌcʉ̃ ‘Aꞌtiro weegʉti’, nisami Õꞌacʉ̃rẽ. ‘Õꞌacʉ̃ wiꞌi meꞌrã tojo weegʉti’ níca beꞌro cʉ̃ níꞌquere queoro weeticã, ‘Buꞌiri marĩꞌi’ ”, nisaꞌa. “Cʉ̃ ‘Õꞌacʉ̃ wiꞌi cjase uru meꞌrã tojo weegʉti’ níꞌquere queoro weeticã pũrĩcãrẽ, ‘Ñaꞌa niꞌi’ ”, nisaꞌa.
24010	MAT 23:23	»Ñaꞌarõ waꞌarosaꞌa mʉsã Moisé ojaꞌquere buꞌeri masãrẽ, tojo nicã fariseo masãrẽ. Mʉsã weetaꞌsasebʉjʉrã niꞌi. Mʉsã otese oꞌmajãcã, menta, anís, comino wãmetise baꞌase sãamorẽsere seeneo, opa sʉ̃ꞌʉrĩ weesaꞌa. Diez sʉ̃ꞌʉrĩ cʉorã, niꞌcã sʉ̃ꞌʉ Õꞌacʉ̃ wiꞌipʉ miaa, Õꞌacʉ̃rẽ wãmepeo, paꞌire oꞌosaꞌa. Mʉsã tojo añurõ weemirã, Moisé ojaꞌque apeye pacase peꞌere weeweꞌe. Ãpẽrãrẽ queoro weesere, pajañaꞌsere, Õꞌacʉ̃rẽ ẽjõpeose peꞌere weeweꞌe. Aꞌtiro peꞌe weeya. Mʉsã otesere cʉ̃rẽ oꞌoduꞌutimirã, aꞌte añuyʉꞌrʉnʉꞌcãsere weeya.
24029	MAT 24:3	Beꞌro ʉ̃sã waꞌa, ʉ̃rʉ̃gʉ̃ Olivo wãmeticjʉpʉ ejawʉ. Jesú topʉ ejanujãrĩ cura ʉ̃sã yaꞌyioropʉ sẽrĩtiñaꞌwʉ̃: —Ʉ̃sãrẽ wereya. ¿Deꞌro nicã tojo waꞌarosari? ¿Ñeꞌenojõ meꞌrã ĩꞌogʉ̃sari mʉꞌʉ apaturi aꞌtiatjere? Tojo nicã aꞌti ʉmʉco peꞌtiatjo dʉporo ¿deꞌro wee masĩrãsari? ni sẽrĩtiñaꞌwʉ̃.
24038	MAT 24:12	Ñaꞌase niyʉꞌrʉmajãrõsaꞌa. Tojo waꞌacã, pãjãrã aꞌmerĩ maꞌiduꞌurãsama.
24040	MAT 24:14	Nipeꞌtiro aꞌti diꞌtapʉ Õꞌacʉ̃ masãrẽ yʉꞌrʉose quetire wereseꞌsabiꞌanoꞌrõsaꞌa. Na quẽꞌrãrẽ masĩdutiro werenoꞌrõsaꞌa. “Ñaꞌarõ weeꞌquere bʉjaweti dʉcayucã, Õꞌacʉ̃ ñeꞌegʉ̃sami”, ni werenoꞌrõsaꞌa. Aꞌte nipeꞌtiropʉ seꞌsáca beꞌro aꞌti ʉmʉco peꞌtirosaꞌa majã.
24041	MAT 24:15	Dʉporocjʉ̃pʉ Õꞌacʉ̃ ye queti weremʉꞌtãrĩ masʉ̃ Danie wãmetigʉ aꞌti ʉmʉco peꞌtiatjo dʉporo waꞌatjere ojayucʉ niwĩ. “Ñaꞌagʉ̃, Õꞌacʉ̃ yabigʉnojõ cʉ̃ ya wiꞌi añurĩ wiꞌipʉ sãjãtígʉnojõ Jerusalẽ́ cja wiꞌipʉ sãjãagʉ̃sami”, ni ojayucʉ niwĩ. Cʉ̃ ti wiꞌipʉ nuꞌcũcã ĩꞌarã, mʉsã aꞌti pũrĩrẽ buꞌe, tʉꞌomasĩña.
24055	MAT 24:29	Jesú aꞌtiro ninemowĩ: —Te piꞌetise nʉmʉrĩ yʉꞌrʉ́ca beꞌro mujĩpũ ʉmʉcocjʉ̃ naꞌitĩꞌa waꞌagʉsami. Ñamicjʉ̃ quẽꞌrã boꞌreyusome. Ñocõa bʉrʉdijarãsama. Nipeꞌtirã ʉꞌmʉarõpʉ nirã́ narãsãcã weenoꞌrãsama.
24103	MAT 25:26	»Cʉ̃ tojo nicã tʉꞌogʉ, wiogʉ aꞌtiro yʉꞌtisami: “Yʉꞌʉ cũuꞌque meꞌrã mʉꞌʉ ñaꞌarõ weeapã. Ñaꞌagʉ̃, nijĩsijagʉ niꞌi. Mʉꞌʉ yʉꞌʉre aꞌtiro wãcũwʉ̃. ‘Daꞌratimigʉ̃, ãpẽrã daꞌrase wapa meꞌrã wapataꞌami’, niwʉ̃.
24199	MAT 27:1	Ñamiacãcure nipeꞌtirã paꞌia wiorã, tojo nicã judío masã bʉcʉrã nerẽcãrã niwã. Nerẽ, niꞌcãrõnojõ wãcũseticãrã niwã. “¿Deꞌro wee marĩ Jesure wẽjẽrãsari?” ni apoyucãrã niwã.
24217	MAT 27:19	Pilato masãrẽ besewʉaropʉ dujicʉ niwĩ. Cʉ̃ topʉ dujicã, cʉ̃ nʉmo aꞌtiro queti oꞌóco niwõ: “Cʉ̃ masʉ̃ buꞌiri moogʉ̃rẽ mejẽcã weeticãꞌña. Ñamipʉ cʉ̃rẽ tojo waꞌatjere wiobutiaro quẽꞌeasʉ”, ni queti oꞌóco niwõ.
24277	MAT 28:13	Aꞌtiro nicãrã niwã: —Aꞌtiro niña masãrẽ: “Ñamipʉ ʉ̃sã cã́rĩ́ca beꞌro Jesú buꞌerã ejacãrã niama. Eja, cʉ̃ ya upʉre yajawãꞌcãcãrã niama”, niña, nicãrã niwã surarare.