8	GEN 1:8	Ʉꞌmʉarõpʉ oꞌmecurari nirõpʉre “ʉꞌmʉse” wãmeyecʉ niwĩ. Aꞌtere weecʉ niwĩ Õꞌacʉ̃, niꞌcã nʉmʉ beꞌro cja nʉmʉrẽ.
14	GEN 1:14	Iꞌtia nʉmʉ beꞌro Õꞌacʉ̃ nicʉ niwĩ tja: “Ʉꞌmʉsepʉre sĩꞌose cũurõʉaꞌa. Tojo weecã, ʉmʉcore, ñamirẽ dʉcawaarosaꞌa. Te meꞌrã ĩꞌamasĩnoꞌrõsaꞌa ʉmʉcori, ñamirĩ, cʉ̃ꞌmarĩ, puꞌecʉri waꞌasere.
27	GEN 1:27	Õꞌacʉ̃ masʉ̃rẽ daꞌregʉ, cʉ̃ weronojõ niseti, bajugʉre weecʉ niwĩ. Ʉmʉ, numio daꞌrecʉ niwĩ majã.
32	GEN 2:1	Ʉꞌmʉse, tojo nicã aꞌti diꞌtare Õꞌacʉ̃ nipeꞌtise cʉ̃ weeꞌquere tuꞌajanʉꞌcõcʉ niwĩ.
35	GEN 2:4	Ʉꞌmʉse, diꞌta nipeꞌtise Õꞌacʉ̃ cʉ̃ weeꞌque aꞌtiro weenoꞌcaro niwʉ̃. Ne waro Õꞌacʉ̃ aꞌti diꞌta, ʉꞌmʉsere wéégʉ,
57	GEN 3:1	Ʉmʉ, numio Õꞌacʉ̃ cʉ̃ narẽ weebosáca wesepʉ nicãrã niwã. Topʉ na niseti, na pʉarã nirĩ curare, niꞌcʉ̃ pĩrõ numio tiropʉ etacʉ niwĩ. Cʉ̃ nipeꞌtirã waꞌicʉrã yʉꞌrʉoro nisoomeꞌrĩgʉ̃ nicʉ niwĩ. Co tiro etagʉ, core sẽrĩtiñaꞌcʉ niwĩ: —¿Nirõta Õꞌacʉ̃ mʉsãrẽ aꞌtepagʉ dʉcare baꞌadutitiati? nicʉ niwĩ.
106	GEN 4:26	Beꞌro cʉ̃ Set quẽꞌrã bʉcʉa, nʉmoticʉ niwĩ. Cʉ̃ nʉmo niꞌcʉ̃ põꞌrãtico niwõ. Cʉ̃rẽ Enós wãme õꞌocʉ niwĩ. Cʉ̃ bajuáca beꞌro masã Õꞌacʉ̃rẽ “Ʉ̃sã wiogʉ niꞌi” ni ẽjõpeo, sẽrĩnʉꞌcãcãrã niwã.
108	GEN 5:2	Ʉmʉ, numio weecʉ niwĩ. Narẽ bajurẽgʉ̃, “Ãꞌrã masã nima; narẽ añurõ waꞌato” ni, cũucʉ niwĩ.
153	GEN 6:15	Aꞌtocãꞌrõ pajipjʉ weeya. Ciento treinta y cinco metro yoapjʉ nirõsaꞌa. Eꞌsaro peꞌe veintidos metro, ape metro deco nirõsaꞌa. Ʉꞌmʉarõ peꞌema trece metro, ape metro deco ʉꞌmʉapjʉ nirõsaꞌa.
206	GEN 8:22	Apeye aꞌtiro nicʉ niwĩ: “Aꞌti ʉmʉco nirĩ curare masã ote, te dʉcare mii, baꞌanuꞌcũrãsama. Aꞌti nucũcãpʉre asise, yʉsʉase ninuꞌcũcãꞌrõsaꞌa. Cʉ̃ꞌma, puꞌecʉ quẽꞌrã ninuꞌcũcãꞌrõsaꞌa. Ʉmʉcori, ñamirĩ quẽꞌrã ne peꞌtisome. Tojo ninuꞌcũcãꞌrosaꞌa téé aꞌti ʉmʉco peꞌticãpʉ”, nicʉ niwĩ Õꞌacʉ̃.
208	GEN 9:2	Niꞌcãrõacã meꞌrã nipeꞌtirã waꞌicʉrã aꞌti nucũcãcjãrã mʉsãrẽ uirãsama. Ʉꞌmʉarõpʉ wʉʉrã, diꞌtapʉ sĩꞌcõsijarã, bʉarã, dia pajiri maapʉ nirã́ nipeꞌtirã uirãsama. Mʉsã na wiorã nirãsaꞌa.
270	GEN 11:3	Topʉ nírã, niꞌcã nʉmʉ aꞌmerĩ ucũcãrã niwã: “Marĩ diꞌta cujirire daꞌrerã. Beꞌro te cujirire, añurõ bʉtiato nírã, pecameꞌepʉ ʉ̃jʉ̃arã”, nicãrã niwã. Na daꞌreꞌque cujiri meꞌrã wiꞌserire yeecãrã niwã. Ʉ̃tãpaga meꞌrã weeticãrã niwã. Tojo nicã ope meꞌrã yeemʉjãcãrã niwã.
366	GEN 15:5	Cʉ̃ tojo nitojanʉꞌcõ, Abrãrẽ wijaaropʉ pijiwijaacʉ niwĩ. Cʉ̃rẽ nicʉ niwĩ: —Ʉ̃ꞌmʉarõpʉ ĩꞌamorõña. Mʉꞌʉ põtẽorõ ñocõarẽ baꞌpaqueoya. Na ñocõa pãjãrã weronojõ mʉꞌʉ pãrãmerã nituriarã nirãsama, nicʉ niwĩ Õꞌacʉ̃.
463	GEN 19:5	Na to sʉtʉanʉꞌcã, cʉ̃rẽ caricũcãrã niwã: —¿Ʉmʉa noꞌopʉ niti ñamipʉ mʉꞌʉ tiro etaꞌcãrã? Narẽ oꞌowĩrõña. Numia meꞌrã weewʉasenojõrẽ weesĩꞌrĩsaꞌa na meꞌrã, nicãrã niwã.
467	GEN 19:9	Cʉ̃ tojo nicã tʉꞌorã, aꞌtiro yʉꞌticãrã niwã: —Siapeꞌe waꞌaya. Mʉꞌʉ aperocjʉ̃ niꞌi. Ʉ̃sã mʉꞌʉ dutinoꞌboꞌcãrã niweꞌe. To pũrĩcãrẽ niꞌcãrõacã ʉ̃sã narẽ tojo weesĩꞌrĩrõ nemorõ mʉꞌʉrẽ ñaꞌarõ weerãti, nicãrã niwã. Na Lore pũrõ tuuquenʉꞌcõcãrã niwã. Ti wiꞌi sopere tuupãꞌrẽsĩꞌrĩmicãrã niwã.
578	GEN 23:6	—Ʉ̃sãrẽ tʉꞌoníña yujupʉ. Mʉꞌʉ ʉ̃sã waꞌterore niꞌcʉ̃ Õꞌacʉ̃ beseꞌcʉ, wiogʉ macʉ̃ weronojõ niꞌi. Tojo weegʉ mʉꞌʉ nʉmorẽ ʉ̃sã ye ʉ̃tã tutiri waꞌtero añurĩ tutipʉ yaaya. Ne niꞌcʉ̃ ʉ̃sã waꞌteropʉ nigʉ̃́, “Ya tuti niꞌi, yaaticãꞌña”, nisome.
589	GEN 23:17	Tojo weero nipeꞌtise Efrṍ duaꞌque diꞌta Abrahã ye tojacaro niwʉ̃. Ʉ̃tãtuti, yucʉpagʉ nipeꞌtise cʉ̃ ye tojacaro niwʉ̃. Ti diꞌta Macpela wãmeticaro niwʉ̃. Mamre mujĩpũ mʉjãtiro peꞌe tojacaro niwʉ̃. Hitita masã, tojo nicã nipeꞌtirã ti macã sãjãrĩ sopere yʉꞌrʉarã ĩꞌorõpʉ wapayecʉ niwĩ.
617	GEN 24:25	Ʉ̃sã ya wiꞌipʉre mʉsã cãrĩatjo niapʉ. Tojo nicã cameyoa na baꞌase tá peje niapʉ.
642	GEN 24:50	Cʉ̃ tojo nicã tʉꞌorã, Labán, Betuel yʉꞌticãrã niwã: —Aꞌte nipeꞌtise Õꞌacʉ̃ weese niꞌi. Ʉ̃sã ne “Tojota waꞌato, tojo waꞌaticãꞌto”, nímasĩtisaꞌa.
650	GEN 24:58	Tojo weerã Rebecare pijio, sẽrĩtiñaꞌcãrã niwã: —¿Mʉꞌʉ ãꞌrĩ ʉmʉ meꞌrã waꞌasĩꞌrĩsari? —Ʉ̃ʉ, waꞌagoti, ni yʉꞌtico niwõ.
713	GEN 26:20	Gerapʉ nirã́ ovejare coꞌteri masã ti pere ãpẽrã Isaa yarã ovejare coꞌterã meꞌrã dʉꞌsasoocãrã niwã. Na “Ʉ̃sã ya pe niꞌi”, nicãrã niwã. Isaa yarã ovejare coꞌterã peꞌe quẽꞌrã “Ʉ̃sã ya pe peꞌe niꞌi”, ni aꞌmerĩ dʉꞌsasoomʉjãcãrã niwã. Tojo weegʉ Isaa ti pere “cumuca pe” wãme õꞌocʉ niwĩ. Na dʉꞌsasooyucã, tojo wãme õꞌocʉ niwĩ.
721	GEN 26:28	Na cʉ̃rẽ yʉꞌticãrã niwã: —Ʉ̃sã mʉꞌʉrẽ ĩꞌacã, Õꞌacʉ̃ mʉꞌʉ meꞌrã nimi. Tojo weerã “Mʉꞌʉ ʉ̃sãrẽ ñaꞌarõ weeri nírã, mʉꞌʉ meꞌrã Õꞌacʉ̃ tʉꞌoropʉ aꞌmerĩ aporoʉaꞌa”, ni wãcũasʉ.
722	GEN 26:29	Mʉꞌʉrẽ ne cãꞌrõ caribotiwʉ. Ʉ̃sã mʉꞌʉrẽ cariboronojõ oꞌorã, añurõ wejepeowʉ. Añurõ meꞌrã mʉꞌʉrẽ weꞌriti oꞌówʉ. Õꞌacʉ̃ mʉꞌʉrẽ niꞌcãrõacãrẽ añurõ weetamugʉ̃ weemi, nicãrã niwã.
767	GEN 27:39	Cʉ̃ tojo nicã tʉꞌogʉ, Isaa cʉ̃rẽ nicʉ niwĩ: “Mʉꞌʉ diꞌta añuse nitiropʉ nisetigʉsaꞌa. Ʉꞌmʉarõ cjase aco pejase marĩrõpʉ nigʉ̃saꞌa.
791	GEN 28:17	Cʉ̃ ʉpʉtʉ ui, aꞌtiro wãcũcʉ niwĩ: “Aꞌto wiobutiaꞌa. Õꞌacʉ̃ cʉ̃ nirṍ waro niꞌi. Cʉ̃ ya wiꞌi niꞌi. Ʉꞌmʉse sãjãrĩ sope pʉꞌto niꞌi”, nicʉ niwĩ.
800	GEN 29:4	Jacob oveja coꞌterãrẽ sẽrĩtiñaꞌcʉ niwĩ: —¿Ne, noꞌocjãrã niti mʉsã? —Ʉ̃sã Harã́cjãrã niꞌi, ni yʉꞌticãrã niwã.
802	GEN 29:6	—¿Cʉ̃ dutimarĩati? ni sẽrĩtiñaꞌnemocʉ niwĩ. —Ʉ̃́ʉ, duti marĩami, ni yʉꞌticãrã niwã. Beꞌro Jacore ninemocãrã niwã: —Ĩꞌaña. Sico Raquel, Labán macõ co yarã oveja meꞌrã aꞌtimo, nicãrã niwã.
803	GEN 29:7	Jacob narẽ aꞌtiro nicʉ niwĩ: —Ʉmʉcjo waro niꞌi yujupʉ. Ovejare biꞌasõrõrõ mejẽta niꞌi. ¿Deꞌro weerã mʉsã ovejare aco tĩa, beꞌro tá baꞌadutirã, cãpũpʉ mianʉꞌcõweti?
888	GEN 31:14	Tojo nicã tʉꞌorã, Raquel, Lea cʉ̃rẽ yʉꞌticãrã niwã: —Ʉ̃sã, ʉ̃sã pacʉ tiroma beꞌropʉre apeyenojõ ñeꞌeatje ne moosaꞌa.
889	GEN 31:15	Tojo weronojõ oꞌogʉ, ʉ̃sãrẽ aperocjãrãrẽ weronojõ tojo ĩꞌacõꞌacãꞌmi. Ʉ̃sãpʉreta mʉꞌʉrẽ nʉmotidutigʉ duasãjãwĩ. Nipeꞌtise ʉ̃sãrẽ duaꞌque wapare cõꞌastepeꞌocãꞌmi.
890	GEN 31:16	Diacjʉ̃ta niꞌi. Ʉ̃sã pacʉre Õꞌacʉ̃ cʉ̃ cʉosere ẽꞌmaꞌque ʉ̃sã ye, ʉ̃sã põꞌrã ye niꞌi. Õꞌacʉ̃ mʉꞌʉrẽ níꞌcaronojõta weeya, nicãrã niwã.
914	GEN 31:40	Ʉmʉcjore yʉꞌʉ asise poowʉ. Ñami peꞌere yʉsʉabʉꞌa narãsãwʉ̃. Apeterore ne cãrĩtiwʉ.
920	GEN 31:46	Beꞌro cʉ̃ acawererãrẽ aꞌtiro nicʉ niwĩ: —Ʉ̃tãperire seeneocũuña. Tojo weerã nipeꞌtirã niꞌcã mesãjo seeneocũucãrã niwã. Na nipeꞌtirã ti mesã pʉꞌtopʉ baꞌacãrã niwã.
935	GEN 32:7	Cʉ̃ quetiweredutigʉ oꞌóꞌcãrã dajarã, Jacore aꞌtiro nicãrã niwã: —Ʉ̃sã mʉꞌʉ maꞌmi Esaú tiropʉ ejapʉ. Niꞌcãrõacã mʉꞌʉrẽ põtẽrĩgʉ̃ aꞌtiami. Cuatrocientos ʉmʉa meꞌrã aꞌtiami, nicãrã niwã.
990	GEN 34:9	Mʉsã ʉ̃sã acawererã weronojõ tojarã́saꞌa. Ʉ̃sã mʉsã põꞌrã numiarẽ nʉmoti, mʉsã peꞌe quẽꞌrã ʉ̃sã põꞌrã numiarẽ nʉmotirãsaꞌa.
991	GEN 34:10	Ʉ̃sã meꞌrã aꞌtopʉ tojayá. Aꞌti diꞌta nipeꞌtiro mʉsã ya diꞌta tojarosaꞌa. Diꞌtare duutjĩarã, duase tucũrĩ pãaña, nicʉ niwĩ.
995	GEN 34:14	Aꞌtiro nicãrã niwã: —Ʉ̃sã acabijore õꞌrẽcjʉ yapa casero yejecõꞌanoꞌtigʉre numisomasĩtisaꞌa. Ʉ̃sã tojo weerã bopoyoro weerã weebosaꞌa.
997	GEN 34:16	Tojo wééca beꞌro pũrĩcãrẽ mʉsã, ʉ̃sã põꞌrã numiarẽ nʉmotirãsaꞌa. Ʉ̃sã quẽꞌrã mʉsã põꞌrã numiarẽ nʉmotirãsaꞌa. Marĩ niꞌcãrõ meꞌrã nirãsaꞌa. Niꞌcã macãcjãrãta nirãsaꞌa.
1029	GEN 35:17	Co ʉpʉtʉ pũrĩse piꞌetiri curare, põꞌrãtirãrẽ coꞌteri masõ aꞌtiro nico niwõ: “Uiticãꞌña. Wĩꞌmagʉ̃ bajuatojami. Ʉmʉ nimi tja”, nico niwõ.
1116	GEN 37:32	Tuꞌajanʉꞌcõ, to suꞌtirore na pacʉpʉre mia, ĩꞌocãrã niwã. —Ʉ̃sã aꞌto suꞌtirore bocapʉ. Ĩꞌaña. Apetero weero mʉꞌʉ macʉ̃ yaro nírõ nibosaꞌa, nicãrã niwã.
1117	GEN 37:33	Jacob ti suꞌtirore ĩꞌamasĩgʉ̃, aꞌtiro nicʉ niwĩ: —Ʉ̃ʉ. Yʉꞌʉ macʉ̃ yarota niꞌi. Niꞌcʉ̃ yai nʉcʉ̃cjʉ̃ yʉꞌʉ macʉ̃rẽ ñeꞌe, cũꞌrĩ wẽjẽste, baꞌapĩ, nicʉ niwĩ.
1135	GEN 38:15	Judá core ĩꞌagʉ̃, “Ʉmʉarẽ aꞌmetãrãwapataꞌari masõ nisamo”, ni wãcũcʉ niwĩ. Co diapoare moꞌa, ĩꞌata basiotico niwõ.
1181	GEN 40:8	Na yʉꞌticãrã niwã: —Ʉ̃sã pʉarã mejẽcã bajuse quẽꞌeasʉ. Aꞌtopʉre ne niꞌcʉ̃pʉta ʉ̃sã quẽꞌeꞌquere “Tojo nisĩꞌrĩrõ weeapã” nigʉ̃nojõrẽ bocatisaꞌa, nicãrã niwã. Na tojo nicã tʉꞌogʉ, José aꞌtiro nicʉ niwĩ: —Õꞌacʉ̃ niꞌcʉ̃ta aꞌtenojõrẽ weremasĩsami. Yʉꞌʉre wereya mʉsã quẽꞌeꞌquere, nicʉ niwĩ.
1184	GEN 40:11	Topʉre faraṍ sĩꞌrĩrĩ pare cʉoasʉ. Ʉꞌse tõꞌorĩrẽ míí, ti papʉ bipesãsʉ. Tuꞌajanʉꞌcõ, ti pare faraṍpʉre oꞌoasʉ, nicʉ niwĩ.
1194	GEN 40:21	Ʉꞌsedʉcaco vino tĩacoꞌteꞌcʉma mejãrõta cʉ̃rẽ daꞌrase cũucʉ niwĩ. Cʉ̃ todʉporo weeꞌcaronojõta faraṍrẽ ʉꞌsedʉcaco vino tĩagʉ̃ sãjãacʉ niwĩ tja.
1207	GEN 41:11	Niꞌcã ñami pã́ weeri masã wiogʉ quẽꞌecʉ niwĩ. Yʉꞌʉ quẽꞌrã mejẽcã bajuse quẽꞌewʉ̃. Ʉ̃sã quẽꞌeꞌquenʉcʉ̃ mejẽcã diaꞌcʉ̃ nisĩꞌrĩrõ weecaro niwʉ̃.
1208	GEN 41:12	Titare niꞌcʉ̃ hebreo masʉ̃ maꞌmʉacã ʉ̃sã meꞌrã niwĩ. Cʉ̃ mʉꞌʉrẽ coꞌterã surara wiogʉre daꞌracoꞌtegʉ niwĩ. Ʉ̃sã quẽꞌeꞌquere cʉ̃rẽ werewʉ. Cʉ̃ peꞌe ʉ̃sãrẽ “Tojo nisĩꞌrĩrõ weeapã”, ni werewĩ.
1260	GEN 42:7	José cʉ̃ maꞌmisʉmʉarẽ maata ĩꞌamasĩcãꞌcʉ niwĩ. Masĩmigʉ̃, ĩꞌamasĩtigʉ weronojõ weecʉ niwĩ. Tojo weegʉ narẽ pũrĩrõ sẽrĩtiñaꞌcʉ niwĩ: —¿Mʉsã noꞌocjãrãpʉ aꞌtiati? —Ʉ̃sã Canaá diꞌtapʉ aꞌtiapʉ. Trigo duurã aꞌtiapʉ, nicãrã niwã.
1263	GEN 42:10	—Niweꞌe. Ʉ̃sã mʉꞌʉ dutise doca nirã́ trigo diaꞌcʉ̃rẽ duurã aꞌtiapʉ.
1264	GEN 42:11	Ʉ̃sã nipeꞌtirãpʉta niꞌcʉ̃ põꞌrã, diacjʉ̃ weeri masã niꞌi. Ĩꞌaduꞌtiri masã mejẽta niꞌi.
1266	GEN 42:13	Na peꞌe yʉꞌticãrã niwã tja: —Ʉ̃sã mʉꞌʉ dutise doca nirã́ niꞌcʉ̃ põꞌrãta doce niꞌi. Ʉ̃sã Canaá diꞌtacjãrã niꞌi. Ʉ̃sã acabiji niꞌcʉ̃ta ʉ̃sã pacʉ meꞌrã tojami. Apĩ peꞌe dʉporopʉ wẽrĩa waꞌacʉ niwĩ, ni yʉꞌticãrã niwã.
1273	GEN 42:20	Mʉsã, “Ʉ̃sã mejẽcã weeri masã niweꞌe” nírã, mʉsã acabiji nitʉogʉpʉre miitiapa. Tojo weerã, mʉsã yʉꞌrʉwetirãsaꞌa, nicʉ niwĩ. —Jaʉ, tojota weerãti, nicãrã niwã.
1283	GEN 42:30	Aꞌtiro nicãrã niwã: —Ti diꞌta wiogʉ dutigʉ pũrĩcã ʉ̃sãrẽ tutuabutiaro ucũami. Ʉ̃sãrẽ, “Mʉsã aꞌti diꞌtare ĩꞌaduꞌtirã aꞌtirã weeapã”, niami.
1284	GEN 42:31	Ʉ̃sã peꞌe cʉ̃rẽ “Ʉ̃sã diacjʉ̃ weeri masã niꞌi; ĩꞌaduꞌtiri masã mejẽta niꞌi.
1297	GEN 43:6	Tere tʉꞌogʉ, Jacob nicʉ niwĩ: —Mʉsã yʉꞌʉre ¿deꞌro weerã tocãꞌrõ ñaꞌarõ weeati? ¿Deꞌro weerã cʉ̃rẽ “Ʉ̃sã acabiji nitʉogʉpʉ niami”, ni wereri?
1298	GEN 43:7	Na cʉ̃rẽ yʉꞌticãrã niwã: —Ʉ̃sãrẽ, ʉ̃sã ye cjasere añurõ sẽrĩtiñaꞌnʉrʉ̃wĩ. Marĩ niꞌcʉ̃ põꞌrã nise cjasere añurõ sẽrĩtiñaꞌwĩ: “¿Mʉsã pacʉ catiati yujupʉ? ¿Apĩ mʉsã acabiji marĩati?” ni sẽrĩtiñaꞌwĩ. Ʉ̃sã cʉ̃ sẽrĩtiñaꞌse diaꞌcʉ̃rẽ yʉꞌtiwʉ. ¿Ʉ̃sã deꞌro weerã ʉ̃sã acabijire miitidutigʉsami, ni masĩbosaʉ?
1301	GEN 43:10	Ʉ̃sã aꞌtopʉre tocãꞌrõ yoogotirã, pʉati Egiptopʉre waꞌamajã, majãmitojatiboapã, nicʉ niwĩ Judá.
1319	GEN 43:28	—Ʉ̃sã pacʉ mʉꞌʉrẽ daꞌracoꞌtegʉ weronojõ nigʉ̃́ duti marĩami. Catiami yujupʉ, ni yʉꞌticãrã niwã. Beꞌro apaturi cʉ̃rẽ ẽjõpeose ĩꞌorã, paamuꞌrĩqueꞌacãrã niwã.
1332	GEN 44:7	Na cʉ̃rẽ yʉꞌticãrã niwã: —¿Deꞌro weegʉ ʉ̃sãrẽ tojo ucũti? Ʉ̃sã aꞌtenojõ pacama ne weemasĩweꞌe.
1333	GEN 44:8	Ʉ̃sã sõꞌonícatero niyeru ʉ̃sã ye ajuripʉ bocácatero marĩcãrẽ, tere wiarã aꞌtiwʉ. Niꞌcãrõacãma plata, uru meꞌrã weeꞌquema mʉꞌʉ wiogʉ ya wiꞌi cjasere yajamasĩtisaꞌa.
1334	GEN 44:9	Noꞌo ti pare cʉ̃ ya ajuropʉ cʉogʉnojõ wẽrĩato. Ʉ̃sã ãpẽrã peꞌe cʉ̃rẽ daꞌracoꞌterã tojarã́saꞌa.
1345	GEN 44:20	“Ʉ̃sã cʉoꞌo, cʉ̃ bʉcʉ nimi”, ni yʉꞌtiwʉ. “Niꞌcʉ̃ maꞌmʉ nitʉogʉpʉ acabijitiꞌi. Cʉ̃ ʉ̃sã pacʉ bʉcʉ waro nicã bajuaꞌcʉ nimi. Niꞌcõ põꞌrã cʉ̃ niꞌcʉ̃ta dʉꞌsami. Apĩ wẽrĩa waꞌacʉ niwĩ. Tojo weegʉ cʉ̃rẽ maꞌiyʉꞌrʉami”, niwʉ̃.
1351	GEN 44:26	Ʉ̃sã cʉ̃rẽ aꞌtiro werewʉ: “Benjamírẽ miaticãma, ʉ̃sãrẽ ‘Ne ñeꞌesome’, niami”, niwʉ̃.
1370	GEN 45:11	Aꞌtopʉ mʉꞌʉrẽ, mʉꞌʉ põꞌrãrẽ, nipeꞌtirã mʉꞌʉ meꞌrã nirãrẽ baꞌase oꞌogʉti. Ne apeyenojõ dʉꞌsasome. Ʉjʉaboase cʉ̃ꞌmarĩ niꞌcãmocʉse cʉ̃ꞌmarĩ dʉꞌsaꞌa yujupʉ. Tojo aꞌtitirã pũrĩcã, mʉꞌʉ, mʉꞌʉ põꞌrã, mʉꞌʉ pãrãmerã, apeyenojõ moorã tojarã́saꞌa’, ni wereya yʉꞌʉ pacʉre.
1421	GEN 46:34	“Ʉ̃sã wĩꞌmarã nírãpʉta oveja coꞌtesere daꞌranʉꞌcãwʉ̃. Ʉ̃sã ñecʉ̃sʉmʉa daꞌraꞌcaronojõta tere daꞌradecotiꞌi,” niña. Egiptocjãrã oveja coꞌtesere tʉꞌsatisama. Mʉsã tojo yʉꞌticã, mʉsãrẽ Gosén diꞌtapʉ cũugʉ̃sami, nicʉ niwĩ José.
1424	GEN 47:3	Na topʉ etacã, faraṍ cʉ̃ maꞌmisʉmʉarẽ sẽrĩtiñaꞌcʉ niwĩ. Aꞌtiro nicʉ niwĩ: —¿Mʉsã ñeꞌenojõrẽ daꞌrati? Na cʉ̃rẽ yʉꞌticãrã niwã: —Ʉ̃sã mʉꞌʉ dutise doca nirã́ ovejare coꞌteri masã niꞌi. Ʉ̃sã, ʉ̃sã ñecʉ̃sʉmʉa daꞌrasetiꞌquereta daꞌraꞌa.
1425	GEN 47:4	Canaá diꞌtapʉre ʉjʉaboase niyʉꞌrʉapʉ. Ʉ̃sã yarã oveja na baꞌase tá ne marĩapʉ. Te ye buꞌiri aꞌto Egiptopʉ macãrĩ aꞌtirã weeapʉ. Tojo weerã mʉꞌʉrẽ aꞌtere sẽrĩꞌi. Ʉ̃sãrẽ Gosẽ́pʉ diꞌta oꞌoya. Ʉ̃sã topʉ nirãti, nicãrã niwã.
1434	GEN 47:13	Egiptopʉre, tojo nicã Canaápʉre ne baꞌase marĩcaro niwʉ̃. Ʉjʉaboase siapeꞌe meꞌrã nemorõ waꞌacaro niwʉ̃. Tojo weerã masã wẽrĩse pʉꞌto nicãrã niwã.
1436	GEN 47:15	Beꞌro nipeꞌtirã Egiptocjãrã, tojo nicã Canaá diꞌtacjãrã niyeru peꞌticã ĩꞌarã, José tiropʉ waꞌa, aꞌtiro nicãrã niwã: —Ʉ̃sã baꞌase duurã, niyeru peꞌtiqueꞌa waꞌapʉ. Ʉ̃sãrẽ baꞌase oꞌoya. Mʉꞌʉ oꞌoticã, mʉꞌʉ ĩꞌorõta wẽrĩrãsaꞌa, nicãrã niwã.
1439	GEN 47:18	Ape cʉ̃ꞌma José tiropʉ aꞌticãrã niwã tja. Aꞌtiro nicãrã niwã: —Wiogʉ, mʉꞌʉrẽ diacjʉ̃ta wererãti. Ʉ̃sã niyeru mooꞌo majã. Tojo weerã ʉ̃sã yarã waꞌicʉrã, ʉ̃sã cʉoꞌcãrã mʉsã yarã nima. Ʉ̃sã tojaqueꞌa waꞌasaꞌa majã. Tojo weerã ʉ̃sã upʉ, ʉ̃sã ye diꞌta diaꞌcʉ̃ mʉꞌʉrẽ wiamasĩꞌi.
1459	GEN 48:7	Yʉꞌʉ Padan-arãpʉ níꞌcʉ dajanʉꞌcãrĩ cura Canaá diꞌtapʉ mʉꞌʉ paco Raquel wẽrĩa waꞌawõ. Ʉ̃sã Efrata wãmetiro etati dʉporoacã tojo waꞌawõ. Tojo weegʉ maꞌa Efrata sumutopʉ core yaawʉ. Niꞌcãrõacãma to Belẽ́ wãmetiꞌi majã”, nicʉ niwĩ.
1468	GEN 48:16	Mʉꞌʉrẽ werecoꞌtegʉ yʉꞌʉre ñaꞌarõ waꞌaboꞌquere yʉꞌrʉweticã weeꞌcʉ ãꞌrãrẽ añurõ waꞌacã weeato. Mʉꞌʉ ãꞌrã yʉꞌʉ pãrãmerãrẽ beꞌropʉre na meꞌrã yʉꞌʉ wãmerẽ, yʉꞌʉ ñecʉ̃ Abrahã wãmerẽ, yʉꞌʉ pacʉ Isaa wãmerẽ wãcũcã weeya. Ʉ̃sãrẽ acobojoticãꞌto. Na pãjãrã põꞌrãti masãputiato. Aꞌti diꞌtapʉre pãjãrã waro niyʉꞌrʉoquejocãꞌto”, ni sẽrĩbosacʉ niwĩ.
1524	GEN 50:17	“Mʉꞌʉ maꞌmisʉmʉarẽ pajañaꞌcureapa. Na mʉꞌʉrẽ ñaꞌarõ weeꞌquere acobojoya,” niwĩ marĩ pacʉ. “Tojo weegʉ mʉꞌʉ ʉ̃sãrẽ pajañaꞌa, acobojoya. Ʉ̃sã quẽꞌrã mʉꞌʉ pacʉ ẽjõpeoꞌcʉre ẽjõpeorã niꞌi”, ni queti oꞌócãrã niwã. Na tojo nicã tʉꞌogʉ, José ʉpʉtʉ uticʉ niwĩ.
1525	GEN 50:18	Cʉ̃ utíca beꞌro José maꞌmisʉmʉa cʉ̃ tiropʉ ejacãrã niwã. Cʉ̃rẽ ĩꞌarã, paamuꞌrĩqueꞌa, aꞌtiro nicãrã niwã: —Ʉ̃sã aꞌto niꞌi. Mʉꞌʉrẽ daꞌrawãꞌñacoꞌterã sãjãꞌa.
1549	EXO 1:16	—Mʉsã hebreo masã numia põꞌrãticã coꞌterã, ʉmʉ, numio niti nírã, añurõ ĩꞌaña. Numio nicã, cũuña. Ʉmʉ pũrĩcãrẽ wẽjẽcãꞌña, nicʉ niwĩ.
1563	EXO 2:8	—Ʉ̃ʉ, niꞌcõ pijigo waꞌaya, nico niwõ. Co tojo nicã tʉꞌogo, wĩꞌmagʉ̃ pacore pijigo waꞌaco niwõ.
1576	EXO 2:21	Tojo wee Moisé Reuel ya wiꞌipʉ eja, baꞌacʉ niwĩ. Cʉ̃ “Ʉ̃sã meꞌrã tojayá” nicã, “Jaʉ” ni, na meꞌrã niseticʉ niwĩ. Beꞌro Reuel cʉ̃ macõ Séforare Moisére numisocʉ niwĩ.
1578	EXO 2:23	Peje cʉ̃ꞌmarĩ beꞌro Egiptocjʉ̃ wiogʉ wẽrĩa waꞌacʉ niwĩ. Tojo wẽrĩmicã, Egiptocjãrã Israe curuacjãrãrẽ ʉpʉtʉ daꞌradutipe, piꞌeticã weenuꞌcũcãꞌcãrã niwã. Tojo weerã na bʉjawetiyʉꞌrʉa, Õꞌacʉ̃rẽ “Ʉ̃sãrẽ weetamuña”, ni sẽrĩ, caricũnuꞌcũcãꞌcãrã niwã. Õꞌacʉ̃ na caricũsere tʉꞌocʉ niwĩ.
1624	EXO 4:22	Cʉ̃ tojo weecã, mʉꞌʉ cʉ̃rẽ nigʉ̃saꞌa: “Ʉ̃sã wiogʉ Õꞌacʉ̃ aꞌtiro niami: ‘Israe curuacjãrã yʉꞌʉ macʉ̃, masã maꞌmi weronojõ nima.
1649	EXO 5:16	Mʉꞌʉ yarã sʉꞌori daꞌrase dutiri masã ʉ̃sãrẽ tábutire oꞌotima. Tere oꞌotimirã, “Ticʉse cujiri weeya”, nima. Tojo nicã, ʉ̃sãrẽ paama. Ʉ̃sã mejẽta buꞌiritiꞌi. Wiogʉ, mʉꞌʉ yarã daꞌrase dutiri masã buꞌiritima, nicãrã niwã.
1650	EXO 5:17	Faraṍ peꞌe narẽ yʉꞌticʉ niwĩ: —Mʉsã nijĩsijarã niꞌi. Tojo weerã aꞌtiro ninuꞌcũꞌu: “Ʉ̃sã wiogʉ Õꞌacʉ̃rẽ waꞌicʉrãrẽ wẽjẽ, ʉ̃jʉ̃amorõpeorã waꞌacã duꞌuoꞌoya”, niꞌi.
1665	EXO 6:9	Moisé aꞌtere Israe curuacjãrãrẽ wereturiacʉ niwĩ. Ʉpʉtʉ Egiptocjãrã narẽ daꞌradutipeyucã, bʉjaweti, wãcũtutuaduꞌucãrã niwã. Tojo weerã Moisé narẽ níꞌquere yʉꞌtiticãrã niwã.
1737	EXO 8:22	Moisé cʉ̃rẽ yʉꞌticʉ niwĩ: —Ne queoro nitirocoro. Ʉ̃sã wiogʉ Õꞌacʉ̃rẽ waꞌicʉrãrẽ wẽjẽ ʉ̃jʉ̃amorõpeorã, Egiptocjãrã peꞌema na waꞌicʉrã na ẽjõpeorã wiori nima. Tojo weerã na Egiptocjãrã ʉ̃sã waꞌicʉrã na ẽjõpeorãrẽ ʉ̃jʉ̃amorõpeocã ĩꞌarã, ʉ̃sãrẽ ʉ̃tãperi meꞌrã doquewẽjẽbosama.
1738	EXO 8:23	Ʉ̃sã iꞌtia nʉmʉ waꞌaro, yucʉ marĩrõ, masã marĩrõpʉ waꞌarãsaꞌa. Topʉ Õꞌacʉ̃ ʉ̃sã wiogʉre cʉ̃ dutiꞌcaronojõta waꞌicʉrãrẽ wẽjẽ, ʉ̃jʉ̃amorõpeorãsaꞌa, nicʉ niwĩ.
1771	EXO 9:28	Ʉpʉtʉ waro bʉpo paase, yʉsʉase aco peri bʉꞌaꞌque peri paca bʉrʉsere tʉꞌoñaꞌtojaꞌa. Põtẽotisaꞌa. Tojo weegʉ mʉsãrẽ duꞌuwĩrõgʉ̃ti majã. Mʉsã Õꞌacʉ̃rẽ ʉ̃sã ye cjasere sẽrĩbosaya. Yʉꞌʉ mʉsãrẽ duꞌuoꞌogʉti, nicʉ niwĩ faraṍ.
1787	EXO 10:9	Moisé yʉꞌticʉ niwĩ: —Ʉ̃sãpʉma Õꞌacʉ̃ ya bosenʉmʉ pajiri bosenʉmʉ nirõ weeꞌe. Tojo weerã wĩꞌmarã, maꞌmapjia, bʉcʉrã ʉ̃sã meꞌrã waꞌarãsama. Tojo nicã ʉ̃sã yarã ovejare, wecʉare miarãsaꞌa.
1799	EXO 10:21	Õꞌacʉ̃ mʉꞌmʉrĩwiꞌia meꞌrã buꞌiri daꞌréca beꞌro Õꞌacʉ̃ Moisére nicʉ niwĩ: —Nipeꞌtiro Egiptopʉre naꞌitĩꞌato nígʉ̃, ʉꞌmʉarõ peꞌe mʉꞌʉ ya omocãrẽ sĩomorõña. Ʉpʉtʉ naꞌitĩꞌarõ waro waꞌato, nicʉ niwĩ.
1803	EXO 10:25	Moisé peꞌe aꞌtiro yʉꞌticʉ niwĩ: —Niweꞌe. Ʉ̃sã yarã waꞌicʉrãrẽ duꞌuoꞌoya. Náta Õꞌacʉ̃ ʉ̃sã wiogʉre eꞌcatipeorã wẽjẽ, ʉ̃jʉ̃amorõpeoajã nima.
1804	EXO 10:26	Tojo weerã ʉ̃sã yarã waꞌicʉrãrẽ miapeꞌocãꞌrãsaꞌa. Ne niꞌcʉ̃rẽ cũusĩꞌrĩtisaꞌa. Ʉ̃sã Õꞌacʉ̃rẽ ʉ̃jʉ̃amorõpeoajãrẽ beserãtirã ʉarãsaꞌa. Topʉ ejarã, ʉ̃sã Õꞌacʉ̃rẽ ʉ̃jʉ̃amorõpeoajãrẽ ñamarãnojõrẽ ʉarã ʉabosaꞌa, masĩtisaꞌa, nicʉ niwĩ.
1854	EXO 12:37	Israe curuacjãrã Ramsés wãmetiri macãpʉ níꞌcãrã wija, Sucot wãmetiropʉ waꞌacãrã niwã. Ʉmʉa seiscientos mil waꞌtero dʉꞌpocã meꞌrã waꞌacãrã niwã. Numia, wĩꞌmarã baꞌpaqueoya marĩrõ nicãrã niwã.
1889	EXO 13:21	Õꞌacʉ̃ na dʉporo waꞌayucʉ niwĩ. Ʉmʉcjore oꞌmepõꞌrã meꞌrã narẽ maꞌa sʉꞌori ĩꞌogʉ̃, baꞌpaticʉ niwĩ. Ñami peꞌere niꞌcã pecameꞌe ʉ̃jʉ̃rĩ põꞌrã meꞌrã, narẽ sĩꞌoo, baꞌpaticʉ niwĩ. Cʉ̃ tojo weecã, ñami, ʉmʉco waꞌamʉjãcãrã niwã.
1901	EXO 14:11	Moisére aꞌtiro nicãrã niwã: —¿Egiptopʉre masã wẽrĩcã yaase peri marĩrĩ? ¿Ʉ̃sãrẽ topʉ níꞌcãrãrẽ aꞌto masã marĩrõ, yucʉ marĩrõpʉ wẽrĩdutigʉ miitiri? ¿Deꞌro weeacjʉ Egiptopʉ níꞌcãrãrẽ aꞌtopʉ miitiri?
1902	EXO 14:12	Ʉ̃sã Egiptopʉ nírã quẽꞌrã mʉꞌʉrẽ aꞌtereta ucũmiwʉ̃: “Ʉ̃sãrẽ cariboticãꞌña. Ʉ̃sã Egiptocjãrãrẽ daꞌrawãꞌñacoꞌtecã, tojo ĩꞌacãꞌña,” nimiwʉ̃. Niꞌcãrõacãma masã marĩrõ, yucʉ marĩrõpʉ ʉ̃sã wẽrĩcã ñaꞌa niꞌi. Narẽ daꞌracoꞌterã ninuꞌcũcã nemorõ añubopã, nicãrã niwã.
1955	EXO 16:7	Ñamiacã ñamicure peꞌere Õꞌacʉ̃ cʉ̃ asistesere ĩꞌarãsaꞌa. Mʉsã cʉ̃rẽ ũrũsãsere tʉꞌoami. ¿Deꞌro weerã ʉ̃sãrẽ ũrũsãti? Ʉ̃sã mejõ nirã niꞌi, nicãrã niwã.
1956	EXO 16:8	Moisé apeye narẽ ninemocʉ niwĩ: —Ñamicaꞌa nicã Õꞌacʉ̃ mʉsã baꞌatji diꞌirore oꞌogʉsami. Boꞌreacãma mʉsãrẽ peje baꞌase pã́ weronojõ nisere oꞌogʉsami. Mʉsã cʉ̃rẽ ñaꞌarõ ucũ, ũrũsãsere tʉꞌoami. Mʉsã ũrũsãrã, ʉ̃sã mejẽtare ñaꞌarõ ucũrã weeapʉ. Õꞌacʉ̃ peꞌere ñaꞌarõ ucũrã weeapʉ. Ʉ̃sã mejõ nirã niꞌi.
1986	EXO 17:2	Tojo weerã Moisére uase meꞌrã, “Ʉ̃sãrẽ aco sĩꞌrĩse oꞌoya”, nicãrã niwã. Moisé peꞌe “¿Deꞌro weerã yʉꞌʉre tojo ucũti? ¿Deꞌro weerã ‘¿Õꞌacʉ̃ ʉ̃sãrẽ aco oꞌomasĩweti?’, ni wãcũti?” ni yʉꞌticʉ niwĩ narẽ.