23236	MAT 1:23	“!Muteong kuhi! Atul maxoe tei xa takil ti mu tiramue, xi di ni tuvava tei. Ti, ilingi ihe malohos e liling hisen ihe ‘Imanuel’ xa koute teni be ‘Hi di mi xir.’”
23244	MAT 2:6	‘Tave ti neta xa metimal te hal Betlehem be hokorong mak mu ni metimal savsav xil vus na mol‑Sudah xil, e nisak ni suv toto tei mei istal ixo en. Xi ilaxat kuh mol‑Isrel xil vus ixoni moletin tei xa di milaxat kuh sipsip san xil.’”
23282	MAT 4:4	E Iesu bit rilomun ni mini bit, “!E‑e! Ninapol ni ti, vengan xa Vanuvei Eo biteni bit, ‘Moletin misakras vameul e anien kestang. Xi di meul e sepinien xil vus xa mistal nggo vulonge Hi.’”
23284	MAT 4:6	E melele xa ludi nesao, Temat biteni mini bit, “Xosxa obe nat Hi reitin, hut he tan. Vengan xa Vanuvei Eo na Hi biteni bit, ‘Iahova isemae ni masxaxa nan xil tengan lilaxat kuh xouk. Xil lipo xatuk ni hexil, tengan xouk onatun lem ti e hat.’”
23285	MAT 4:7	E Iesu bit rilomun ni mini bit, “!E‑e, ninapol ni ti! Vengan xa Vanuvei Eo biteni mun bit, ‘Munasak pis Iahova ti xa be Hi namim tengan mukameti xa xi di mi xamim.’”
23638	MAT 13:30	Muling uit e munae tesa xil tit lalimeul vituei tang ituxoh melele te leh anien en. E melele xa moletin xil ti limei tengan lileh anien, nihiteni mi xil tengan ha lileh rerat munae tesa xil ak itiamu, e livar viton xil lihe vanute xil. Ti, nimei niso munae tesa xil ak lihe upang. Ti, moletin xil ak litilomun ha lileh uit xil e ha liserev kuh xil liti e povah navan.’”
23711	MAT 15:9	Tave ti neta xa di lamot minou, inou nabit ninakil ti. Vengan xil di lasa pispisien xil xa be na moletin xil tang, e di labiteni xa inou iaxa ieok bei tengan lihusili.’”
23838	MAT 19:7	E Farasi xil lasisi labit, “Vahit vamak, veneh ma Mosis ma tesemae ni xir tehit, ‘Moletin xa bit vastokovein atou nan, isa Setifiket te Silaen mini. Ti, mikila istokovein ni sung.’”
23850	MAT 19:19	Mumerere ni tamemim e ninemim xil.’ E, ‘Iemim ihei moletin sav xil ixoni ngan taxa xamim vus di iemim bei xamim mun tang.’”
23900	MAT 21:5	“Uhiteni mi moletin xil xa ladi e taon te hal Serusalem uhit, ‘!Mupus ti! Suv toto namim bemei tengan valaxat xamim. Xi be hanmerou tang e di miloh nggo dongki tei tang di bemei. Reitin, xi dotan de sulut dongki tei tang e di bemei.’”
23908	MAT 21:13	E melele xa di pol ni mak, xi bul xat xil bit, “E Vanuvei Eo na Hi, latetisi latehit, ‘Lakes nim mavan ni nim te sisen.’ E xamim mupol ni sung mei be ‘Nim ma vati kanen xil.’”
23911	MAT 21:16	Ma lasis Iesu labit, “?Di olong naha xa tutut horamue xil di lakekei ni iaxai?” E Iesu bit rilomun ni mi xil bit, “Io, nalonge. ?E midep? ?Xamim di mutavuli ti e Vanuvei Eo na Hi? Vengan misepin ni bit, ‘Hi, xouk osak mesen suse tengan uteong ni memesien xil xa ihat visaluk, ixo tutut horamue xil e tuvava xil mun.’”
23954	MAT 22:13	“Misak ni, suv toto biles e misemae ni moletin te polien nan xil bit, ‘Muvar viton hen e len xil, e mukuvun rati ihe hale e ha ita nga e ut te maluxoluk. E rute ak moletin xil ti limuis e ti lingas luhexil ve longpangasien nae xil.’”
24089	MAT 25:12	“E tiramue xa miteli bemei e bit rilomun ni mi xil bit, ‘Nabiteni reitin li, inou natakil ti vari xamim.’”
24107	MAT 25:30	Ma ha mukuvun rat moletin te polien tesa ak ihe hale, ha ite rute xa maluxoluk itel xat ngan xil xa ti limuis e ti lingas luhexil ve longpangasien nae xil.’”
24184	MAT 26:61	e lusepin mi kaonsel ak lubit, “Xamel matelonge xa moletin ak tehit, ‘Inou nikila nihu len Nim Eo na Hi. Ti, nikili ni mun e melengien tol tang.’”
24404	MRK 4:12	Hi tesep usili tehit, ‘Xil liteong vuma … e linalong kil ti neta. Liketeh vuma … e linapus kil ti neta. Vengan xosxa linamak ti, ma lihiles meulien nae, e Hi iketeh ihos rilomun mi xil.’”
24661	MRK 10:4	Xil labiteni mini labit, “Mosis temaen ni tengan tiramue tei istokovein atou nan tehit, ‘Moletin xa bit vastokovein atou nan, isa Setifiket te Silaen mini. Ti, mikila istokovein ni sung.’”
24676	MRK 10:19	Xouk okil naha xa rae xil labiteni. ‘Munahas vin ti moletin. Munakan ni atou mu tiramue na mosav ti. Munakan ni ti neta na mosav xil. Munaluvos ni his mosav xil ti. Munaluvos mosav xil ti tengan muvur neta tova nae. Mumerere ni tamemim e ninemim xil.’”
24712	MRK 11:3	E xosxa moletin tei isis xamil ihit, ‘?Veneh ma di mulopol ni mak?’ ma mulhiteni mini mulhit, ‘Suv iaxa ien bei tengan vapol ni neta tei vatela, e navehi ti, isa rilomun ni imei.’”
24726	MRK 11:17	Iesu pispisi mi moletin xil bit, “E Vanuvei Eo na Hi, latetisi latehit, ‘Likes nim mavan ni nim te sisen na moletin xil te kantri xil vus.’ E xamim mupol ni sung mei be ‘nim ma vati kanen xil.’”
24753	MRK 12:11	Ngan ak, Iahova vari pol ni, e rapusi xa naha xa xi tepol ni tellep pupu.’”
24881	MRK 14:58	“Xamem matelonge xa moletin ak tehit, ‘Inou nihu len Nim Eo na Hi xa moletin xil tang latepol ni. Ti, nikili ni teimun e melengien tol tang xa nave moletin ti napol ni.’”
24949	MRK 16:7	Ma taxeak, mutiha muthit mesen ni mi moletin nan xil, e mutihit xati mi Pita mak mutihit, ‘Iesu itiamu ni xamim ha ite provins te hal Kaleli. Xamim ha mupusi e rute ak ixoni ngan taxa tehiteni tuei mi xamim.’”
25100	LUK 3:6	Ti, moletin xil vus lipusi xa Hi ti iteh meulien e xil itep.’”
25136	LUK 4:4	E Iesu bit rilomun ni mini bit, “!E‑e! Ninapol ni ti namak vengan xa Vanuvei Eo na Hi biteni bit, ‘Moletin misakras vameul e anien kestang.’”
25143	LUK 4:11	E, ‘Xil lipo xatuk itel hexil tengan onasip hat ti ni lem.’”
25144	LUK 4:12	E Iesu bit rilomun ni mini bit, “!E‑e! Ninapol ni ti, vengan xa Vanuvei Eo biteni mun bit, ‘Munasak pis Iahova ti xa be Hi namim tengan mukameti xa xi di mi xamim.’”
25215	LUK 5:39	E moletin xil xa di lamu uaen matu, xil iexil ti tavei tengan lamu uaen hu vengan xa lanemi labit, ‘Uaen matu bos mak mu.’”
25324	LUK 8:10	Ma xi bit rilomun ni mi xil bit, “Koute te sepinien xuxus usil lelaxatien na Hi, inou ti nihit kila mi xamim kestang. E mi mosav xil, di nabit usili nggo vole xil kestang tengan, ‘Xil liteong vuma … e linalong kil ti neta. Liketeh vuma … e linapus kil ti neta.’”
25459	LUK 10:27	Ma moletin ak biteni mini bit, “‘Iemim ihei Iahova xa be Hi namim ixo tinemim tevi, ixo meulien tevi namim, ixo polien tevi namim, e ixo nenemien tevi namim.’ E ‘Eheien namim iti e moletin sav xil ixoni ngan taxa eheien namim di e xamim mun tang.’”
25467	LUK 10:35	E makoe nen, ngan Sameria misa mani taosen lu (2000) mi moletin xa di milaxat nim ak. Di, biteni mini bit, ‘Ulaxat kuh moletin xa xiak. E xosxa mani ak tapin ti, naha mun xa upol ni e rin nan, ma nixal rati e melele xa nitilomun nimei.’”
25478	LUK 11:4	Onaketeh ti mun nasa mi xamem ve holesok xil xa mapol ni tamal ti. Upol ni ixoni ngan xa xamem mun di maketeh bos rilomun mi ngan xil xa di lapol misa mi xamem. E onamaen sakpisien xil te xeih ti namei e nasak ni xamem munamot e tesaen.’”
25547	LUK 12:19	Ti, nite meulien tei xa ihos itel holesok navan xil. Ningel kuhi, nianien kuhi, nimun kuhi, e nihesi nou vehakut.’”
25596	LUK 13:9	Xosxa iva e huram xor, ma bos. E xosxa nava ti, ma nita rati sung iha.’”
25689	LUK 15:32	E momal tang tengan ripol ni anien ak, e rihesi xir holu ven. Vengan xa tumali temat, e taxeak, di meul mun. Reitin, xi tekesae, e taxeak, rakameti mun.’”
25697	LUK 16:8	“Melele xa suv na vat ak milonge xa pol ni vatin mak, suv ak mei biteni mini bit, ‘Tave ti neta xa otepol ni vatum temak, sexien nam di pisen metisouen nam vengan xa di onem usil melele xa ti imei e melele xa niso ratuk ra polien ak.’” Di, Iesu bit kil koute te vole ak mi moletin xil bit, “Nabiteni mak vengan xa moletin xil te ut etan di lapol ni vatixil melele xa lapol del tua nae xil tengan linem ihos mi xil e melele xa ladi tamu e ut etan. E sexien nae bos mak mu mili sexien na ngan xil xa ladi e miehen.
25720	LUK 16:31	“E Ebraham misa sepinien kor mini bit, ‘Xosxa xil latalong xat ti rae xil na Mosis e sepinien na provet xil, ma lasakras lalong xat sepinien na moletin tei xa mea rilomun ra maten.’”
25730	LUK 17:10	E hisit sexien ak, melele xa mupol sen polien xil xa Hi biteni mi xamim tengan mupol ni, momal tengan muhiteni tang muhit, ‘Xamem mabe slev nan xil kestang, e di mapol nggusil naha xa Hi di misa ni mi xamem tengan mapol ni.’”
25762	LUK 18:5	e vengan xa tunau ak dit dakes nou ve tutouen vehakut mak, bos xa nipol ni naha xa momal e rin nan. Vengan xa xosxa ninapol ni ti, ma xi ixulehi imei vehakut e mei nitalang.’”
25777	LUK 18:20	Xouk okil rae xil na Hi ngamu, ‘Munakan ni atou mu tiramue na mosav ti. Munahas vin ti moletin. Munakan ni ti neta. Munaluvos ni his mosav xil ti. Mumerere ni tamemim e ninemim xil.’”
25827	LUK 19:27	“Dutou ni ngan ak, suv toto ak biteni mun mi moletin nan xil bit, ‘E taxeak, ha utel elu navan xil xa iexil ti tavei tengan mei name suv toto nae tengan limei visal nou. Ti, muhas vin xil pe metok.’”
25846	LUK 19:46	bit, “Latetis xati e Vanuvei Eo na Hi bit, ‘Nim Eo navan ihe nim te sisen.’ E xamim mupol ni sung mei be ‘nim ma vati kanen xil.’”
25866	LUK 20:18	‘!Ngan xil xa mei lasavut en imot e sixil limavul tova tang! E xosxa seteman ak imot imal e moletin tei, ma moletin ak imat vari.’”
26160	JHN 1:47	Melele xa Iesu pus Nataniel bemei visali, bit usili bit, “Ngan ak be moletin tei xa taluvos ti, ngan xa pipin tengan likesi ni ‘ngan Isrel tei.’”
26357	JHN 6:31	Melele xa avu namem xil di latekakao e uruvuol, latea manna xa Mosis tesa ni mi xil, vengan xa Vanuvei Eo biteni bit, ‘Xi tesa beret texo ut nesao tengan mei vahe ae.’”
26435	JHN 7:38	Moletin xa mineket e nou imei imu ni. Imak, ma naha xa Vanuvei Eo bit usili mei istal ihe reitin xa bit, ‘Inou nisak ni oei xa misa meulien mei istal ixo tin moletin, e ileh ihe holu ixoni oeisal tei xa mahulong.’”
26915	JHN 19:21	Melele xa vat xil na pris xil lale usili, ladilomun ba lapus Paelet e labiteni mini labit, “Onatisi ti onahit, ‘Suv toto na Siu xil,’ e momal tengan utisi uhit, ‘Moletin ak tehiteni tehit xi be suv toto na Siu xil.’”
27039	ACT 2:21	E melele nen ak, ngan xil vus xa likes nou ve tutouen, inou, Hi Suv, niteh meulien e xil.’”
27046	ACT 2:28	Xi pisen suse te meulien minou. Nihesi nou vehakut vengan xa xi de visal nou.’”
27088	ACT 3:23	E xosxa ti e xamim linateong xat provet ak ti, ma Hi isil rerat xil ra vanut moletin nan xil e ihas xil lilel.’”
27228	ACT 7:43	E mutetamea sung, mutepo xat nim tavolin na hi Molek, e muteleh xat nanao na hi Revan xa tehur nini hitu xil. Xamim mutepol ni nanao xalu ak tengan ti mumot mi xalu. Misak ni, inou nisil rerat xamim muha muhe slev xil e rute xil xa lihe sotin pupu ha ili hal Babilon.’”
27235	ACT 7:50	Holesok xil ngasen xa di e ut nesao e ut etan, inou tang natepol ni.’”
27255	ACT 8:10	Ma moletin xil vus te rute ak, ngan xil xa latellep ba duxoh movotei xil mun, xil vus latenemi latehit, “Moletin ak be eloheoh tei na Hi xa lakesi ni ‘Xeihen xa Mahulong.’”
27478	ACT 13:47	Ngan ak nggoni ngan taxa Hi Suv tesemae mi xamel tengan malipol ni tehit, ‘Nisak ni xouk mei uhe laet tei xa ileluv kuhi iha ituxoh moletin xil te kantri sav xil, tengan usa longeongen mi moletin xil vus te ut etan xa inou nimei tengan niteh meulien e xil.’”
27529	ACT 15:18	Ngan ak be sepinien navan xa nabe Hi Suv xa natehit mesen ni nousav temei.’”
27729	ACT 20:35	Texo sexien navan xil xa natepol ni pe metemim, natepisen ni xa melele xa rapol nggeih, rakila ti ritutou ni ngan xil xa lamerou. Ngan ak ixoni sepinien xa Suv Iesu vari tang xa tehiteni melele xa tehit, ‘Sien te sanien xa di osa ni di mili sien te naha xa di ongguri.’”
27793	ACT 22:21	“E Suv tehiteni minou tehit, ‘!E‑e, uhe reling rute ak! Vengan xa inou di nasilak tengan uha uhe ut xil xa sotin ve ngan xil xa latave Siu ti.’”
27807	ACT 23:5	E Pol bit rilomun ni mi xil bit, “Tuxoli xil, natnakil ti li xa xi be vatixar na pris xil. Vahit nakila, ma ninapol ni ti namak vengan xa Vanuvei Eo na Hi di biteni bit, ‘Munaso ti sepinien xil xa misa naha xat vat tei na moletin namim xil.’”
27909	ACT 26:18	Di nasilak ve xil tengan ukila ututou ni xil lipus kil miehen navan te reitinen tengan mei lihiles ra maluxoluken xa ladi en. Reitin, itutou ni xil limea reling he Temat e xeihen nan, e mei liti pe he Hi e xeihen nan. Mak, ma melele xa liling neketen nae e nou, xa nabe Kristo, Hi iketeh ihos rilomun mi xil e nanem ti mun tesaen nae xil. Ti, Hi ihur pilei xil mei lihur vonine itel moletin sav xil xa Hi tehosei xil labe nan vengan xa di laling neketen nae e nou.’”
27994	ACT 28:27	Vengan xa tinexil nggeih, di laki xol vurangexil e di label xat metexil. Xil lapol ni mak vengan iexil ti tavei lapus kil neta ngan ni metexil, mu lalong kil neta ngan ni vurangexil. Reitin, xosxa linamak ti, ma xil likil kuh koute te sepinien navan, tinexil mei imerou e lihiles meulien nae, e inou mei nital rat xil ra mesien nae xil.’”
28248	ROM 9:25	Ngan ak be naha xa Hi tesep usili texo provet Hosea tehit, “Moletin xil xa ‘latave moletin navan xil ti’ nikes pilei xil ni ‘moletin navan xati.’ E ngan xil xa ‘eheien navan tovuol e xil,’ nikes pilei xil ni ‘ngan xil xa eheien navan di e xil.’”
28249	ROM 9:26	“E rute xa Hi tehit rati mi xil tehit, ‘Xamim mutave moletin navan xil ti,’ e rute nen ak vari, ikes xil ni ‘horamue xil na Hi xa meul vehakut.’”
28359	ROM 14:11	Vengan xa Vanuvei Eo biteni xa, “Iahova biteni bit, ‘Nggoni ngan xa be reitin xa nabe Hi xa nameul, be reitin mun xa moletin xil vus mei litingeiril minou, e lisa memesien minou.’”
30073	HEB 3:11	Tesak ni, ieok teat xil e natehit xati xa linava ti e rute xa nateling xati tengan liha lingel kuhi en.’”
30207	HEB 10:7	E inou natehiteni minuk natehit, ‘Inou xiak. O Hi, namei tengan napol vahusil nenemien nam, vaxoni ngan xa latetisi di e Vanuvei Eo usil inou.’”