619	GEN 24:27	De ana kokolak nae, “Koa-kio MANETUALAIN! MANETUALAIN soi dalak fee au ena, losa au atonggo matang ua papa Abraham nufanelun nai ia. No dalak naa, MANETUALAIN natudu dale susuen neu au malanggang Abraham, no tao natetu ndia hehelu-bartaan neu au.”
969	GEN 33:8	Basa boe ma Esau natane nae, “Banda-manu fofook kara fo o haituak bebeik kara raa, sosoan hata?” Boe ma Yakob naselu nae, “Talo ia kaꞌa! Au hadia basa banda-manur raa fee kaꞌa, mita fo kaꞌa simbok au no dale loak.”
1362	GEN 45:3	Basa boe ma Yusuf nafada no ledo-ledo neu ndia toranoon nara nae, “Kaꞌa-fadi nggara ein, ee! Au ia Yusuf, ei toranoom! Memak papa bei sodak, hetu?” Kaꞌa-fadin nara ramanene rala naa, boe ma ramataꞌu ralan seli, losa ara unggu ta kukudu ena.
23400	MAT 7:15	“Besa-besa mia mana pepeko-lelekok fo soꞌuk aon nara rae, sira iar Manetualain mana toꞌu dedeꞌan. Ara tao aon nara malole nok bali bibi lombo. Naa te sira raa manggarauk, nok bali busa fuir mana mai raꞌa bibi lombo.
24227	MAT 27:29	Ma ara haꞌi rala ai kanggouk ndanan fo nanen dadi solangga. Boe ma ara ndeꞌi solangga kanggouk naa neu Yesus langgan, fo rakamiminak kana, sama leo ara rae soꞌuk mane beuk pake solangga manek. De ara rakatotoꞌuk ai esa neu lima konan, nok bali teteꞌe ai man-parenda. Boe ma ara sendek luu-langgan nara mbalin, ma rakatitiik kana rae, “Hada-horomatak neu hatahori Yahudir Manen.”
24684	MRK 10:27	Yesus mete sara esa-esak, boe ma Ana nae, “Soa-neu hatahori dae-bafok memak ta bisa dadi. Tehuu boso lilii-ndondou: soa-neu Manetualain basan bisa dadi!”
24986	LUK 1:24	Ta dook ka boe ma Elisabet taꞌin naisi. Boe ma ana kama aon losa bulak lima. Ana kokolak nae, “Koa-kio Manetualain! Mateꞌen boe ma Manetualain natudu Ndia dale susuen neu au. Mete ma au hambu tititi-nonosik ena, na, hatahorir ta rakamamaek au ena bali.”
24990	LUK 1:28	Ana natudu aon neu ana feꞌok naa, boe ma nae, “Soda-molek ina! Manetualain here nala o ena, fo nae tao hata neulauk esa neu o. Manetualain sama-sama no o, Maria.”
25030	LUK 1:68	“Koa-kio Lamatuak, hatahori Israꞌel Manetualain! Ana mai ena fo tefa-soi nala Ndia hatahorin nara, mita fo ara boso sama leo ata-dator bali.
25071	LUK 2:29	“Koa-kio Manetualain! Manetualain tao tungga Ndia hehelu-bartaan neu au ena. Dadi hatematak ia Manetualain bisa nakamboꞌik au, mita fo au bisa mate no mole-damek,
25325	LUK 8:11	Boe ma Lamatuak Yesus nafada lololek naa sosoa-ndandaan nae, “Bini-nggees naa, ndia Manetualain Dedeꞌa-kokolan.
25445	LUK 10:13	Yesus kokolak tamba bali nae, “Besa-besa neu ei marai nggorok Korasin ma nggorok Betsaida! Sosoek daka nala ei! Au tao tanda heran mata-matak kara numa ei matam mara ena, tehuu ei ta nau mamahere neu Manetualain. Naa te eir ia, hatahori Yahudi fo manaku mae ei malela Ndia. Tehuu mete ma tanda heran nara raa fo Au taok kara numa ei nggorom mara, leo dadi numa kota Tirus ma kota Sidon dei, na, neu ko doo basa ia, hatahori marai naa, ara sale dalen do tuke tein nara memak kana, ma ara laꞌo ela sira sala-singgon nara fo fali mai tungga Manetualain ena. Ma neu ko ara pake bua-loꞌa sususak, ma tao afu neu langgan nara fo dadi neu tanda nae, ara fale dalen nara huu sira sala-singgon nara. Naa te hatahori Tirus ma Sidon nara iar, ta hatahori Yahudi fo mana manaku rae sira ralela Manetualain.
25563	LUK 12:35	Yesus kokolak bali nae, “Hatu-leledon ei muste mahani a fo maono-lalau neu Manetualain. Sama leo hatahori neondak beꞌe nahani tenu uma fali numa feta kabin mai. Mete ma tenu uma dedelu lelesu, na, ana bisa soin no lai-laik.
25735	LUK 17:15	Ara laꞌok rakandoo no nemehokok. Tehuu hambu esa fali neni Yesus neu. Ana eki nae, “Koa-kio Manetualain! Au hai ena!”
26726	JHN 13:27	Simbo nalak ka roti naa, boe ma nitu malanggan maso neni Yudas dale neu. De Yesus nafadan nae, “Lai-lai leo! O nau tao hata, na, taon leo. Boso mahani bali.”
26924	JHN 19:30	Neu Ana musi nala oe anggor naa ena, boe ma Ana kokolak nae, “Basa-basan basa ena.” Boe ma Ana nateꞌe langgan, de ketu ani hahaen memak.
27479	ACT 13:48	Neu hatahori laen fo hatahori ta Yahudir ramanene talo naa, boe ma ara ramahoko ralan seli. De ara koa-kio neu Manetualain rae, “Koa-kio Lamatuak! Lamatuak Hara Lii Malolen naa neulaun seli!” Ma nai naa, hambu hatahorir fo Manetualain henggenee memak kasa numa lele uluk mai ena, fo bisa rasoda seku neu ro Ndia. Boe ma basa sara ramahere neu Lamatuak Yesus.
27689	ACT 19:35	Basa boe ma malangga man-parenda numa kota Epesus mai nambariik, de ana kokolak tao makasufu hatahorir raa dalen. Ana kokolak nae, “Kaꞌa-fadir marai kota Epesus! Basa hatahorir bubuluk ena rae, ita dewin Artemis mata-ao huun moꞌu numa lalai mai, fo neni ita ia mai. Dadi ita hatahori Epesus ia, ndia takaboi tatalololen. Ta hambu hatahori fo bisa haꞌi heni ita haak nenean, nahuu naa dadi tutuik numa mata mai ena, fo basa hatahorir bubuluk memak kana ena. Dadi tao hata de ei eki talo ia? Ela fo hatahori ombo koson tungga sira hihiin, tehuu ei hae mamue-anggik sadi ndaa talo ia!
27800	ACT 22:28	Basa boe ma komedan naa nae, “Au oo leo naak boe. Au bae ta baꞌu anak, dei de au hambu haak naa.” Tehuu Paulus naselu nae, “Soa-neu au, na, au ta bae hata-hata. Mulai numa inang bonggi au mai, au toꞌu haak naa ena. Au amang oo toꞌu haak naa boe.”
28108	ROM 4:18	Abraham namahere neu Manetualain, ma ana nahanin taa-taa, leo mae ndia mesa kana bei ta naena anak. Huu naa de Manetualain taon dadi neu “hatahori nusak noꞌuk ka bei-baꞌin.” Naa, sama leo neni surak nai Susura Malalaok nae, “Tititi-nonosik noꞌuk ka neu ko dadi numa o mai.”
28166	ROM 7:7	Dadi ita nau kokolak hata? Fama te ei duꞌa mae, “Hohoro-lalanek fo Manetualain fee neu Musa naa, sala!” Taa! Mete ma au ta alela hohoro-lalanek kara raa, na, ta bisa dadi au alela basa hata fo ta ndoos nai au daleng. Haꞌi netuduk leo, hambu hohoro-lalanek nae, “Boso dale hedi mae haꞌi mala hatahori hata-heton.” Tehuu talo bee de au bisa bubuluk dale hedik naa, sala, mete ma au ta bubuluk, ana naena hohoro-lalanek? Ta bisa!
28171	ROM 7:12	Dadi mete ma bebeik kara ia, hatahorir rae, “Hohoro-lalanek fo Manetualain fee neu Musa naa, sala,” na, au aselu ae, “Taa! Manetualain Hohoro-lalanen naa, malalaok!” Ma basa parendar marai Hohoro-lalanek naa oo malalaok, ndoos ma malole boe.
28220	ROM 8:36	Sama leo neni surak nai Manetualain Susura Malalaon nae, “Hatu-leledon hatahorir rae rakanisa ita, nahuu ita dadi teu Lamatuak hatahorin. Ara tao rala ita, sama leo bibi lombo fo rae halan.”
28277	ROM 10:21	Tehuu laꞌe-neu hatahori Israꞌel, Manetualain nafada talo ia ena: “Hatu-leledon Au akambela aloa Au limang, fo ahani a hatahori Israꞌel reni Au mai. Tehuu ara ta nau nenene Au, ma ara oo hii laban Au boe.”
28661	1CO 10:26	Huu nai Manetualain Susura Malalaon neni surak nae, “Dae-bafok no basa oe-isin lalaꞌen, ita Lamatuan enan.”
31128	REV 21:6	Boe ma Ana nafada au bali nae, “Basa-basan fo Au helu-bartaak numa lele uluk mai naa, dadi ena. Huu Au ia, numa Alfa mai losa Omega. Ma Au ia, numa A mai losa Z. Basa-basan numa Au mai, mulai numa makasososan mai losa babasan. Basa hatahorir fo mana dale madak kara, neu ko Au fee sara rinu no mudak numa oe matak mana neni masodak naa mai, mita fo hatahori nasoda no ndoos.