11	GEN 1:11	Boe ma Manetualain kokolak seluk bali nae, “Mada lai muste mori sele-tandek. Muste hambu sele-tandek mana maboak, kadeꞌek, ma mana madoo momodok. Mita fo sele-tandek esa-esak nabuna-boa tungga mata-aon.” Kokolak basa talo naa, boe ma basa sele-tandek dadi.
24	GEN 1:24	Basa boe ma Manetualain kokolak seluk bali nae, “Muste hambu banda mata-matak kara, leo rai mada lai. Ndia banda neni nekeboik, banda fuir, ma banda mana manodo-manamak nai daer, esa-esak no mata-aon.” Kokolak basa talo naa, boe ma basa bandar dadi. Ana mete-nita basa naar, boe ma dalen namahoko, nahuu hata fo Ana nakadadadi nalak naa, memak neulauk.
26	GEN 1:26	Basa boe ma Manetualain kokolak seluk bali nae, “Mai fo Ita adu hatahori dae-bafok tungga Ita mata-aon. Mita fo ara lopo-linu ma kiu-lolo basa iꞌak kara marai tasi dale, basa mbuik kara marai lalai, basa banda neni nekeboik kara, ma basa banda laen nara mana leo rai dae-inak.”
270	GEN 11:3	Basa sara rala harak rae, “Wee! Toranoo nggara ein! Mai fo ita tambaririik kota moꞌok esa. Ita muste tao batu mbilas, boe ma ita hotun losa natea. Ma ita totodo batu mbilas raa pake ter. Basa boe ma ita tambaririik manara mandema esa, suꞌun losa lalai, mita fo ita hambu nade kokoak. Mita fo ita dadi teu hatahori nusa moꞌok esa, hae tabingga-baꞌek.”
306	GEN 12:7	Numa naa, MANETUALAIN natudu aon neu Abram. Ana nae, “Neu ko Au fee nusak ia neu o tititi-nonosim.” Basa boe ma Abram totodo batur dadi neu mei batu esa fo paken dadi neu mei tunu-hotuk soa-neu MANETUALAIN fo mana natudu Ndia aon numa naa ena.
490	GEN 19:32	De malole lenak, ita pou takamafu papa. Basa boe ma ita sunggu-soro toon, mita fo ita tuti papa tititi-nonosin.”
492	GEN 19:34	Neu beꞌe-mai, boe ma kaꞌak nafada fadin nae, “Fadi! Leꞌodaek ka au sunggu-soro ua papa ena. Leꞌodaen ia, o babaꞌem. Dei fo ita pou takamafu papa bali, boe ma fadi maso muu sunggu-soro muan. No dalak naa, ita dua ngga sama-sama bisa hambu anak, fo tuti papa tititi-nonosin.”
538	GEN 21:24	Boe ma Abraham naselu nae, “Hou! Au sumba-soo.”
556	GEN 22:8	Boe ma Abraham naselu nae, “Ana nggee! Neu ko Manetualain mesa kana ndia fee Ndia bibi lombo anan fo paken dadi neu tunu-hotuk.” Basa boe ma dua sara ndaꞌe rakandoo.
560	GEN 22:12	Harak naa nae, “O boso hala kanak naa! Boso tao hata esa neun boe na! Hatematak ia Au bubuluk ena ae, o tebe-tebe tungga Manetualain hihii-nanaun, nahuu o sadia memak ena fee o ana kise muꞌen naa neu Manetualain, fo dadi neu tunu-hotuk.”
763	GEN 27:35	Tehuu Isak nae, “O fadim mai kedi-ira nala au ena, de namanaꞌo neni o babaꞌe-babatim.”
847	GEN 30:16	Neu ledo bobon, Yakob fali numa osi mai. Boe ma Lea neu natonggo noon, de kokolak nae, “Ako, ee! O muste sunggu-soro mua au leꞌodaek ia! Huu au bae memak o ena, unik au anang modo-aidoon.” Boe ma leꞌodaen naa oo, Yakob sunggu-soro no Lea boe.
898	GEN 31:24	Neu leꞌodaen, boe ma Manetualain natudu aon neu Laban numa meꞌis dale. Ana nae, “Laban! Mete ma o kokolak mua Yakob, na, manea matalolole o bafa-maam.”
970	GEN 33:9	Tehuu Esau bala nae, “Fadi Yakob! Au hata-hetong oo noꞌuk ka boe. De o hae fee au hata-hata.”
1128	GEN 38:8	Basa boe ma Yahuda nadenu ana nomer kaduan nae, “Onan! O kaꞌam maten ena, tehuu anan taa. De hatematak ia, tungga hatahori lasik kara siꞌen, na, o muste lenggu-bara sinik neu o kaꞌam saon, mita fo o bonggi fee o kaꞌam tititi-nonosik.”
1162	GEN 39:12	Boe ma ndia malanggan saon mai, de toꞌu neu Yusuf badun, boe ma ana leꞌa nala Yusuf, de nae, “Mai leo! Hatematak ia ela kada ita dua ngga ena. Mai leo fo dua ngga teu sunggu-soro.” Tehuu Yusuf ta nau. Boe ma ana naleleꞌak, losa mboꞌi heni badun numa aon mai. De nalai dea neu. Tehuu inak naa bei toꞌu naherek badu naa.
1181	GEN 40:8	Boe ma ara raselu rae, “Leꞌodaek ka ai mala meꞌi, tehuu ai ta bubuluk sosoa-ndandaan.” Basa boe ma Yusuf kokolak nae, “Ta hambu hatahori dae-bafok esa boe na fo bubuluk meꞌis sosoa-ndandaan, kada Manetualain mesa kana. Soba ei tui dei. Dei fo au sangga sudi sosoa-ndandaan nara numa Manetualain mai.”
1192	GEN 40:19	Nai faik telu ia dalen, mete te manek nadenu hatahorir mai tete heni papa langgan. Basa naa ara londa papa nenetun neu dii. Boe ma mbuik kara mai bido heni basa papa ao-mbaan.”
1220	GEN 41:24	Boe ma basa hade mbule langgak kara raa, kodo heni hade mbule neuk kahituk kara raa. Basa naa au afe. Boe ma au tui meꞌis naa neu hatahori malelak kara. Tehuu ta hambu hatahori esa boe na fo bisa selu nala sosoa-ndandaan.”
1240	GEN 41:44	Basa boe ma manek kokolak no Yusuf nae, “Talo ia. O bubuluk memak ena, au ia manek. Au afada basa hatahorir marai Masir ena ae, mete ma o ta fee luas, na, ara ta bisa tao hata-hata.”
1387	GEN 45:28	Boe ma ana kokolak nae, “Awii! Au anang bei masodak, ee! Talo naa dei fo au amahoko! Au muste uu tiron dei, dei fo au bisa mate no lino-lendek.”
23276	MAT 3:15	Boe ma Yesus naselu nae, “Ta hata-hata. Tehuu hatematak ia malole lenak kaꞌa ndia sarani Au. No dalak naa, ita tungga Manetualain hihii-nanaun.” Yohanis namanene nala naa, boe ma ana naselu nae, “Bee a mesan, Lamatuak.” De ana sarani Yesus.
23391	MAT 7:6	Boso fee nenorik dedeꞌa malalaok laꞌe-neu Manetualain, fee hatahori mana makatitiik. Te sira raa, sama leo busa kakikik fo neu ko ara fali mai fo kiki ei. Sira oo nggoa bebek kara, sama leo bafi boe. Mete ma hatahori feen poemata mabeli, na, ana ta mbali sana. Ana kada roroo-tatabun.”
23454	MAT 9:6	Mete ma ana nambadeik tutik kana, dei fo ei mete-mita bukti mae, Au ia, Hatahori Dae-bafo Isi-isik. Au aena haak fo fee ambon neu hatahori sala-singgon.” Boe ma Yesus parenda hatahori keko-luꞌuk naa nae, “Mambadeik leo! Luꞌa mala o lalanggam fo laꞌok fali muu ngga leo!”
23547	MAT 11:19	Tehuu hatematak ia Au, Hatahori Dae-bafo Isi-isik mai ena. Au ta puasa, ma Au inu anggor. Boe ma hatahorir henggenee rala Au rae, ‘Ndia ia, hatahori bare-naꞌo huun! Mana mafu kamberak bali! Ana neu natia-laik no mana susu bear! Partei esa no hatahori ta papake taak kara! Ta nalela aon bali!’ Tehuu ei tanda Au kokolang leo, ee! Manetualain malelan neni nitak nai Ndia hatahorin leleo-lalaꞌon.”
23566	MAT 12:8	Au ia, Hatahori Dae-bafo Isi-isik. Au ndia aena haak fo aketu ae, hatahori bole tao hata ndaa no fai hahae tao ue-osa.”
23570	MAT 12:12	Leo naak oo, Manetualain sue-lai hatahori dae-bafok lena heni tenu bibik naa sue ndia bibi lombon boe. Huu naa de hatahori bole tao hata neulauk laꞌe-ndaa fai hahae tao ue-osa.”
23608	MAT 12:50	Hatahori mana tao tungga Au Amang manai nusa tetuk do inggu temak hihii-nanaun, sira raa Au nufanelu tebe-tebeng.”
23850	MAT 19:19	fee hada-horomatak neu o inam ma o amam; ma sue neu o toranoom sama leo o sue o ao heli-helim.”
23927	MAT 21:32	Fai bakahulun, Yohanis Mana Saranik nanori ei ena, dalak talo bee fo ei bisa leo-laꞌo no ndoos. Tehuu ei ta nau mamahere neu sana. Naa te neu faik hatahori ta kambareek kara ramanene Yohanis, ara laꞌo ela basa sira sala-singgon nara fo tungga ndia nenorin naa. Ei oo bubuluk mala basa naar ena boe. Tehuu ei ta nau hahae numa ei sala-singgom mara mai, fo tungga Manetualain hihii-nanaun.”
23983	MAT 22:42	“Manetualain helu-bartaa numa lele uluk mai ena nae nadenu Karistus mai fo tao nasoi-nasoda Ndia hatahorin nara. Tungga ei duduꞌam, Karistus naa, see tititi-nonosin?” Boe ma ara raselu rae, “Ndia naa, mane Dauk tititi-nonosin.”
24162	MAT 26:39	Boe ma Ana hodok mata neu faa, de sendek luu-langgan fo hule-haradoi nae, “Papa! Mete ma Papa nau, na, Au hae lemba-asaa doidosok ia. Tehuu boso tungga Au hihii-nanaung; naa fo tungga kada Papa hihii-nanaun.”
24338	MRK 2:9	Tungga ei hahambum, na, bee ndia dakuk? Mete ma Au afada hatahori keko-luꞌuk ia ae, ‘O sala-singgom hambu ambon ena,’ na, neu ko ei ta bubuluk ana dadi tebe talo naa, do taa. Tehuu mete ma Au ae, ‘Mambadeik leo! Lulu mala o neneꞌim fo fali muu ngga leo’. Mete ma ana nambadeik tutik kana, naa ei bei fo mete-mita no ei matam mara mae, Au ia Hatahori Dae-bafo Isi-isik. Au aena koasa ma haak fo fee ambon neu hatahori sala-singgon.” Basa boe ma Yesus nafada hatahori keko-luꞌuk naa nae,
24357	MRK 2:28	Au ia, Hatahori Dae-bafo Isi-isik. De Au ndia aena haak fo afada hatahori dae-bafok ae bole, do ta bole tao sudi hata ndaa no fai hahae tao ue-osa.”
24392	MRK 3:35	See ndia tungga Manetualain hihii-nanaun, na, ana ndia Au nufanelu tebe-tebeng.”
24421	MRK 4:29	Mete ma hade namatasa ena, na, tenu osik nalela kada neu ketu-koru leo. Manetualain mamana parenda-koasan oo leo naak boe. Basa naar, Manetualain ndia naue-osan.”
24514	MRK 6:38	Boe ma Yesus naselu nae, “Ei miu matane sudi sara dei, hambu see ndia neni lepa-nggees.” Ara reu ratane basa boe ma ara fali mai, de rafada rae, “Hambu kada roti lima ma iꞌak dua.”
24608	MRK 9:1	Ei boso lilii-ndondou Au kokolan ia. Hambu ketuk numa ei marai iar, bei ta mate, losa neu ko mete-rita Manetualain toꞌu parenda no koasa ina-huuk.”
24688	MRK 10:31	Masaneda, ee! Hatahori fo mana tao aon leo hatahori moꞌo-inahuuk, tungga Manetualain duduꞌan, neu ko ana dadi neu hatahori kadiꞌin lenak. Tehuu hatahori fo mana tao aon leo hatahori kadiꞌik, tungga Manetualain duduꞌan, neu ko ana dadi neu hatahori moꞌo-inahuuk.”
24708	MRK 10:51	Yesus natane nae, “O hii hata?” Hatahori pokek naa naselu nae, “Papa, ee! Au oke-hule fo au bisa mete-ita.”
24799	MRK 13:13	De neu ko hatahorir dalen nara mburuk roo ei, nahuu ei mamahere Au. Tehuu see ndia nakatataka losa babasan, neu ko Manetualain tao nasoi-nasodan.”
24858	MRK 14:35	Boe ma Yesus laꞌo nakadodook aon faa, de Ana sendek luu-langgan neu daer fo Ana hule-haradoi nae, “Papa. Mete ma Papa nau, na, Au hae lemba-asaa doidosok naa losa mate leo iak. Au bubuluk memak ena ae, ta hambu hata esa boe na fo Papa ta bisa tao nalan. De mete ma Papa nau, na, nggari makadodook doidosok ia numa Au mai. Tehuu boso tungga Au hihii-nanaung, naa fo tungga kada Papa hihii-nanaun.”
25000	LUK 1:38	Boe ma Maria naselu nae, “Malole. Au ia Manetualain atan. Naa fo basa sara dadi tungga papa kokolam naa. Au sadia tungga kada Manetualain hihii-nanaun.” Basa boe ma, ata numa nusa tetuk do inggu temak mai naa laꞌo ela Maria.
25007	LUK 1:45	Manetualain natudu dale susuen neu o ena, nahuu o mamahere mae, Ana nau tao tungga Ndia hehelu-bartaan.”
25107	LUK 3:13	Ana naselu nae, “Ei soa puputa-papata. Tehuu hatematak ia, ei muste maue-osa no ndoos. Boso puku bea lenak numa man-parenda hohoro-lalanen mai. Mita fo rau-inggu bae bea ndaa no hohoro-lalanen.”
25220	LUK 6:5	Pasa ndiꞌi doom mara fo nenene matalolole! Au ia, Hatahori Dae-bafo Isi-isik. Au ndia aena haak fo aketu ae, hatahori bole tao hata-hata ndaa no fai hahae tao ue-osa.”
25260	LUK 6:45	Leo naak oo, hatahori dale lolo-laok bisa tao hata fo neulauk kara boe. Tehuu hatahori dale manggenggeok tao hata manggarauk kara. Te numa hatahori kokolan mai, natudu ndia isi-isin.”
25299	LUK 7:35	Tehuu ei tanda leo, neu Au kokolang, ee! Hatahori mana bubuluk no tetuk, ara tungga Manetualain hihii-nanaun.”
25420	LUK 9:50	Tehuu Yesus naselu nae, “Elan numa naa! Huu hatahori ta mana lena-laba ita, sosoa-ndandaan nae, ndia naa, ita nonoo heli-helin.”
25430	LUK 9:60	Tehuu Yesus nafadan nae, “Talo ia! Elan numa naa fo hatahorir ta mana ramahere neu Manetualain, rafafaꞌu sira hatahori mana maten. Tehuu ei mana mamahere neu Manetualain, ei uem miu tui-bengga laꞌe-neu Manetualain parenda-koasan.”
25432	LUK 9:62	Tehuu Yesus nafadan nae, “Talo ia! Mete ma hatahori mulai dodoꞌi-kakali dae, tehuu ana nasambute no ues laen losa ana lilii sele-tande, na, osin ta dadi. Leo naak oo, soa-neu hatahori mana naketu nala nae tungga Au boe, tehuu nasaneda taa-taa neu ndia leleo-lalaꞌon fai uluk. Hatahori rupa leo naak sosoan taa, dadi neu hatahori mana maue-osa nai Manetualain parenda-koasan.”
25497	LUK 11:23	Masaneda matalolole! Hatahori fo ta mana mabua-aok esa no Au, ndia naa, Au musung. Ma hatahori fo ta mana tulun Au ue-osang, na, ndia naa, kada nakalulutu bua-aok.”
25581	LUK 12:53	Ama bonggik laban ana bonggin; ana bonggik laban ama bonggin. Ina bonggik laban ana bonggin; ana bonggik laban ina bonggin. Ari-inak laban feto-feun; feto-feuk laban ari-inan.”
25702	LUK 16:13	Hatahori neondak esa ta bisa nenene malanggan dua. Neu ko dalen mburuk mbali esa ma ana sue esa. Do, dalen mahanik neu esa, ma ana ta tao matak neu esa. Leo naak oo soa-neu ei boe, nahuu hatahori ta bisa sue-lai Manetualain sama-sama no tali-doik.”
25798	LUK 18:41	“O nau Au tao hata fee o?” Ana naselu nae, “Papa! Au oke-hule fo au bisa mete-ita.”
25799	LUK 18:42	Yesus naselu mbalin nae, “Malole. Huu o mamahere mae, Au bisa tao ahai o, de hatematak ia o bisa mete-mita.”
25864	LUK 20:16	Tungga Au, neu ko ana mai fo tao nisa basa sara, boe ma ana fee osi naa neu hatahori laen fo naue ma rabaꞌe buna-boan.” Neu hatahori raa ramanene rala Yesus kokolak talo naa, boe ma ara raselu rae, “Mete ma bisa, na, Manetualain boso fee hukun neu ai talo naa!”
25941	LUK 22:8	Boe ma Yesus nadenu Petrus ma Yohanis nae, “Ei dua ngga makahuluk fo sadia fee ita taꞌa feta Paska sama-sama.”
26045	LUK 23:41	Ita dua ngga hambu hukun ndaa no ita manggaraun. Tehuu hatahori ia ta tao manggarauk hata-hata.”
26092	LUK 24:32	Boe ma dua sara rakokola aok rae, “Awii! Neu tamanene tala Ana kokolak tao manggaledo mana toꞌu dedeꞌak kara susuran, ita tameda nok bali ita dalen nara rombe-rombe.”
26164	JHN 1:51	Tetebes! Au afada memak. Neu ko ei mete-mita lalai natahuka. Boe ma Manetualain atan nara marai nusa tetuk do inggu temak konda-hene dae-lain nai Au matang. Te Au ia, Hatahori Dae-bafo Isi-isik.”
26210	JHN 3:21	Tehuu hatahorir mana tao tungga hata fo ndoos, ara mai, mita fo manggaledok naa nasaꞌa neu sara. Huu manggaledok naa natudu nae, sira tao tungga Manetualain hihii-nanaun.”
26471	JHN 8:21	Yesus kokolak tamba neu sara nae, “Neu ko Au laꞌo ela ei, fo uni mamanak laen uu. Neu ko ei sangga-sangga Au, tehuu ta matonggo, huu ei ta maena haak meni mamanak naa miu. De mete ma ei mate, neu ko ei bei lemba-masaa ei sala-singgom.”
26474	JHN 8:24	Huu naa de bebeik kara ia, Au afada ae, neu ei mate, neu ko ei bei lemba-masaa ei sala-singgom. Mete ma ei ta mamahere mae, Au ia, ndia Karistus, fo Manetualain nadenun mai ena, na, neu ei mate, neu ko ei bei lemba-masaa ei sala-singgom.”
26479	JHN 8:29	Mana nadenu Au oo sama-sama no Au seku neu boe. Ana ta nakamboꞌik nita Au mesa ngga, nahuu Au soa tao tungga Ndia hihii-nanaun.”
26550	JHN 9:41	Yesus naselu nae, “Talo ia. Mete ma ei memak pokek, na, ta hambu hatahori fo fee salak neu ei. Tehuu ei mae, eir ia, hatahori fo mana bisa mete-nitak. Huu naa de ei bei lemba-masaa ei sala-singgom.”
26675	JHN 12:26	Hatahori fo mana nau naono-lalau Au, ana muste tungga nakandoo Au. Huu naa de Au nai bee, na, Au hatahori neondang nggara oo rai naa boe. Mete ma hambu hatahori naono-lalau Au, na, neu ko Au Amang manai nusa tetuk do inggu temak baꞌe feen hada-horomatak.”
26709	JHN 13:10	De Yesus nafadan nae, “Hatahori fo nadiu basa oe ena, parluu kada safe ein mesa kana. Huu ndia ao-inan basan laok ena. Memak ei dalem mara lolo-laok ena, tehuu ta basan lolo-laok.”
26885	JHN 18:31	Boe ma nggubenor nafada sara nae, “Talo ia. Naa fo ei ndia koladu Ndia dedeꞌan, tungga ei hatahori Yahudir hohoro-lalanen.” Boe ma hatahori Yahudi malanggan nara rafada rae, “Ta bisa, papa. Ai hatahori Yahudir ta maena haak fo maketu hukun mates. Naa, kada ei man-parenda Roma ndia maena haak talo naa.”
27174	ACT 6:4	No dalak naa, ai bisa hule-haradoi noꞌuk lenak ma fee nenorik laꞌe-neu Manetualain Dedeꞌa-kokolan.”
27278	ACT 8:33	Basa boe ma ara rakadadaek kana. Ara raketu Ndia dedeꞌan ta tungga tetun. Lelek naa, ara tao risan, naa te Ana ta naena salak hata esa boe na. Huu naa de ita ta bisa kokolak hata faa boe na laꞌe-neu Ndia tititi-nonosin.”
27540	ACT 15:29	Boso laꞌok sala mia hatahori fo ta o sao toum do ta o sao inam. Boso miꞌa mbaa sosonggok Boso miꞌa banda daan Ma boso miꞌa mbaa banda mates neni hese nisak, losa daan ta kalua heni sana. Mete ma ei manea mala ei aom numa basa dedeꞌak kara raa mai, na, ei ta tao nunute ei toranoo Karisten Yahudir. No dalak naa, ei bisa dadi bua-aok malole esa mia sara. Ai susuram ia, baꞌuk kada naa. Soda-molek.”
27573	ACT 16:21	Ara oo ranori hatahorir boe rae, ita boso tao matak neu man-parenda Roma hohoro-lalanen nara, fo tungga kada sira hohoro-lalanen.”
27803	ACT 23:1	Losa naa, de ara radenu Paulus fo nasalaꞌe aon. Boe ma ana mete namumula basa hatahorir raa, de mulai kokolak nae, “Toranoo nggara ein! Au ambariik nai ia no dale ndoos. Manetualain bubuluk nae, mulai numa au kadiꞌi anang mai losa faik ia, au daleng lolo-laok.”
27914	ACT 26:23	Ara fee nenorik laꞌe-neu Karistus, ndia Hatahori fo Manetualain helu-bartaa ena nae nadenun mai. Rae, ana muste lemba-nasaa doidosok, basa, na, Ana mate, tehuu basa boe ma Ana dadi neu hatahori makasososak fo Manetualain tao nasoda falik kana numa mamaten mai. Dei fo Ana ndia fee manggaledok neu hatahori Yahudir ma hatahori nusa-nusak laen marai dae-inak.”
27971	ACT 28:4	Neu hatahori Maltar raa mete-rita mengge karasok naa doko-doko nakadite numa Paulus liman, boe ma esa kokolak no esa nae, “Hatahori ia, fama te hatahori kanisak. Leo mae ana hambu nekemboꞌik numa tasi manggaraun mai, tehuu naa memak ndia ua-nalen. Huu naa de ana ta bisa nasoda ena! See ndia tao manggarauk, na, ana muste lemba-nasaa nala ndia buna-boan.”
27993	ACT 28:26	nae, ‘O muu mafada hatahori nusak Yahudi ia mae, “Neu ko ei mamanene taa-taa Au kokolang, tehuu ta malela faa boe na! Ei mete-mita taa-taa hata fo Au taok, tehuu ei ta tao matak hata-hata.”
28033	ROM 2:3	Do, talo bee? Fama te o duꞌa mae, “Hatahori fo mana tao manggarauk kara, randaa hambu Manetualain huku-dokin.” Naa te o tao manggarauk sama leo sara. Tehuu nai o duduꞌam, o ta hambu Manetualain huku-dokin. Naa, ndia huun hata?
28107	ROM 4:17	Nai Manetualain Susura Malalaon dale, Ana helu-bartaa neu Abraham ena nae, “Au tao o dadi muu hatahori nusak noꞌuk ka bei-baꞌin.” Abraham namahere Manetualain. Doo-doo boe ma Manetualain tao natetu Ndia hehelu-bartaan naa. Ana ndia tao nasoda falik hatahori mates. No kada Ana kokolak, de hata fo ta hambu sana, ana dadi memak leo.
28108	ROM 4:18	Abraham namahere neu Manetualain, ma ana nahanin taa-taa, leo mae ndia mesa kana bei ta naena anak. Huu naa de Manetualain taon dadi neu “hatahori nusak noꞌuk ka bei-baꞌin.” Naa, sama leo neni surak nai Susura Malalaok nae, “Tititi-nonosik noꞌuk ka neu ko dadi numa o mai.”
28166	ROM 7:7	Dadi ita nau kokolak hata? Fama te ei duꞌa mae, “Hohoro-lalanek fo Manetualain fee neu Musa naa, sala!” Taa! Mete ma au ta alela hohoro-lalanek kara raa, na, ta bisa dadi au alela basa hata fo ta ndoos nai au daleng. Haꞌi netuduk leo, hambu hohoro-lalanek nae, “Boso dale hedi mae haꞌi mala hatahori hata-heton.” Tehuu talo bee de au bisa bubuluk dale hedik naa, sala, mete ma au ta bubuluk, ana naena hohoro-lalanek? Ta bisa!
28343	ROM 13:9	Hohoro-lalanek kara raa rae, “Boso hohongge-lelena; boso makanisa hatahori; boso mamanaꞌo; boso dale hedi hatahori laen hata-heton,” ma laen bali. Mete ma nau tao tungga basa Hohoro-lalanek kara, na, muste tao tungga Hohoro-lalanek esa ia, ndia nae, “O muste sue hatahori laen nara, sama leo sue neu o ao heli-helim.”
28462	1CO 1:31	Dadi ita muste tao sama leo neni surak nai Manetualain Susura Malalaon nae, “See ndia hii soꞌuk kokoa-kikiok, malole lenak, ara soꞌuk kokoa-kikiok neu hata fo ita Lamatuan taok. Boso soꞌuk sira ao heli-helin.”
28599	1CO 8:4	Dadi mete ma hatahori naꞌa mbaa fo pake ritan neu songgo-tangguk, ita basa ngga bubuluk tae, buas sosonggok manai dae-bafok ia, ta Manetualain. Huu ita bubuluk tae, “Hambu kada Manetualain esak ka ndia tetebes.” Ma “basa buas sosonggok fo hatahorir rakaluku-rakatele neun, ta raena sosoa-ndandaak hata-hata.”
28642	1CO 10:7	Boso songgo-tanggu, sama leo sira ketuk. Nai Manetualain Susura Malalaon neni surak nae, “Hatahori Israꞌel iar ranggatuuk raꞌa-rinu rame-rame numa patong sapi ana matan. Basa boe ma ara mulai songgo-tanggu.”
29005	2CO 8:5	Fai bakahulun, ai mamahena ara nau tao talo ia, tehuu hata fo ara taok naa, lena heni hata fo ai mamahenak! Kaesan, ara loo lima aon nara reu ita Lamatuan. Kaduan, ara kokolak bali rae, “Ai nau loo lima ai aon nara fo maono-lalau ei, nahuu ia tungga Manetualain hihii-nanaun.”
29243	GAL 5:14	Sama leo neni surak nai Manetulain Susura Malalaon dale nae, “O muste sue hatahori laen nara, sama leo o sue o ao heli-helim.” Mete ma ei tao tungga kada hohoro-lalanek kisek ia, na, ei tao tungga basa hatahori Yahudi hohoro-lalanen sosoan lalaꞌen ena.
29347	EPH 4:8	Huu naa de Manetualain Susura Malalaon nae, “Ana hene neni mamana demak neu, fo Ana natati nai naa losa Ana senggi. Boe ma Ana neni falik hatahori neni humu nalak kara noꞌun seli, ma babaꞌe hadia fee hatahori dae-bafok.”
29971	TIT 1:12	Faik esa, sira mana helo binin esa numa pulu Kereta mai, tui la-e-neu ndia hatahori heli-helin nae, “Hatahori Keretar soa pepeko-lelekok. Ara bare-naꞌok ma mbera-baren nara seli! Tatao-nonoꞌin nara, sama leo busa-bafir.”
30055	HEB 2:11	Manetualain simbok no malole neu hatahori fo Yesus tao sara dadi malalaok, fo ara dadi reu Lamatuak anan nara. Manetualain oo Yesus Aman boe. No dalak naa, Yesus no sara Amak esa. Huu naa de Yesus ta mae noke sara nae, “Eir ia, Au toranoo heli-heling.”
30132	HEB 7:1	Lele uluk, Malkisedek dadi manek kota Salem. Ana oo malangga anggama soa-neu hatahori mana makaluku-makatele neu Manetualain mana Demak Mateꞌen boe. Ndia naden naa sosoa-ndandaan, ndia “Manek Dale Ndoos”. Ma Manek Salem sosoa-ndandaan, “Manek Mole-damek.” Ta hambu esa boe na bubuluk Malkisedek momori-dadadin. Ta hambu esa boe na bubuluk aman, inan, ma bei-baꞌin nara. Ta hambu esa boe na bubuluk ndia fai bobonggin ma mamaten. Hatahori bubuluk kada ndia naa, manek kota Salem, ma malangga anggama soa-neu Manetualain. Tehuu ndia oo sama leo Manetualain Anan boe, nahuu ndia oo malangga anggama fo mana nakalalaꞌok nakandoo ndia ue-osan boe. Laꞌe esa, hambu manek hida mai ro sira soldadun nara, fo leꞌa rala bua-baꞌur ruma baꞌi Abraham nonoon nara mai. Basa boe ma baꞌi Abraham neu natati sama-sama no nonoon nara, losa ara rasenggi manek kara raa. Boe ma baꞌi Abraham leꞌa nala falik basa bua-baꞌur raa lalaꞌen. Neu baꞌi Abraham laꞌok fali neu ngga ena, boe ma Malkisedek kalua numa kota Salem mai, de neu sorun. Boe ma ana fee babaꞌe-babatik neu baꞌi Abraham nae, “Ela leo bee na Manetualain mana Demak Mateꞌen fee babaꞌe-babatik neu o.” Basa boe ma baꞌi Abraham fee Malkisedek babaꞌek esa numa babaꞌek salahunu mai, numa basa bua-baꞌur fo ana leꞌa nala falik kara raa mai. Ana fee talo naa, nahuu Malkisedek naa, malangga anggama numa Manetualain mana Demak Mateꞌen mai.
30209	HEB 10:9	Neu Karistus kokolak nae, “Au mai fo tao tungga Manetualain hihii-nanaun.” Ndia sosoa-ndandaan nae, Karistus mai fo koka heni dala raak, basa de nggatin no dala beuk.
30368	JAS 2:8	Malole lenak, tao tungga Lamatuak hohoro-lalanen esa fo neulaun lenak, nae: “O muste sue hatahori laen nara, sama leo o sue o ao heli-helim.” Hohoro-lalanek naa neni surak nai Susura Malalaok dale.
30371	JAS 2:11	Lamatuak fee hohoro-lalanek nae, “Boso hohongge-lelena.” Ana oo fee hohoro-lalanek laen boe nae, “Boso makanisa hatahori.” De mete ma ei ta makaminak mia inak do touk, te makanisa hatahori, na, naa sama leo ei lena-langga basa Manetualain Hohoro-lalanen lalaꞌen ena.
30409	JAS 4:5	Huu naa de sama leo neni surak nai Susura Malalaok dale nae, “Manetualain fee Ndia Dula-dalen leo nai ita dalen ena. Ma Dula-dalek naa hihiin fo ita dalen mahanik to kada Ndia seku neu. Huu Ndia naa mana horo-mbalak.”
30415	JAS 4:11	Toranoo nggara ein! Boso kokolak makabobook ei esa no esa nade malolem. Mete ma ei kokolak talo naa ena, ma soa ndae salak makandoo neu hatahori, na, ei lena-langga Manetualain hohoro-lalanen ena fo nae, “O muste sue neu o toranoom, sama leo sue o ao heli-helim.” Mete ma ei ta tao tungga hohoro-lalanek naa, na, ei soꞌuk aom mara dema lena heni numa Manetualain Hohoro-lalanen mai ena.
30589	2PE 2:22	Hambu dedeꞌa lasik laꞌe-ndaa meser masapepekok kara raa rae, “Mete ma busa muta, ana neu naꞌa nasafali ndia muta heli-helin.” Hambu laen bali nae, “Leo mae radiu bafi esa ena, tehuu ana fali neu lololi seluk tane-mbuuk bali.”
30593	2PE 3:4	Ara kokolak rae, “Ciih! Yesus helu-bartaa nae, Ana nae fali mai, do? Mete ma talo naa, na, Ana nai bee? Mulai numa ita bei-baꞌin nara mate losa hatematak ia oo ta hambu esa nasafali boe. Basa-basan laꞌok rakandoo, mulai numa Manetualain nakadadadik lalai no dae-inak.”
30755	JUD 1:15	Ana mai fo nae naketu-naladi basa hatahorir dedeꞌan. Neu ko Ana natudu basa hatahori esa-esak salan nara lalaꞌen, ma buka nakaholak basa hata fo ta ndaak kara. Ana fee huku-dokik neu hatahori manggarauk kara, nahuu ara kokolak ta malole soa-neun.”
30837	REV 4:1	Hatahori Dae-bafo Isi-isik kokolak nateꞌe Ndia hara hehelun fee sarani bubua kahituk kara, boe ma Manetualain natudu fee au matak laen bali. Medak neu ma, au mete-ita lelesu esa neni soik nai nusa tetuk do inggu temak. Boe ma au amanene seluk hatahori fo hara maheren nok bali toꞌis nae, “Mai! Hene ia lain mai leo, fo Au ae atudu o basa hata fo neu ko mori-dadi.”