23240	MAT 2:2	Hech c'ot sjaq'uic: ―¿Bu oy ti ajvalil avu'unic ti anem xae, ho'oxuc ti judiooxuque? Ti jna'tutic ti i'an xae yu'un laj quilbetutic ti sc'anale ti bu nacaluntutique te ti sloq'ueb c'ac'al. Hech yu'un tal jquejan jbatutic ti stojol ―xchiic ti p'ijil viniquetique.
23476	MAT 9:28	C'alal i'och xa ti sna ti Jesuse, italic ti stojol ti cha'vo' ma'satetique. Ti Jesuse hech laj sjac'be: ―¿Mi chach'unic ti xu' jam asatique? ―xchi ti Jesuse. ―Ti jch'un, Cajval ―xchi xtac'avic.
23568	MAT 12:10	Te oy jun jchi'iltic sicuben sc'ob. Lic sjaq'uic cha'vo' oxvo' ti fariseoetique, laj sjac'beic ti Jesuse: ―¿Mi stac' chijcoltavan ti sc'ac'alil ti jcux co'ntontic? ―xchiic yu'un tsc'an tsa'beic smul ti Jesuse.
23659	MAT 13:51	Ti Jesuse hech laj sjac'buntutic: ―¿Mi laj ava'ibeic sjam ti scotol ti lo'il ti laj xa calboxuque? ―xiyutuntutic. Hech nitac'avtutic: ―Laj ca'ibetutic sjam, Cajval ―xcututic.
23714	MAT 15:12	Ho'ontutic ti yajchanc'opuntutique ninopejtutic batel ti bu oy ti Jesuse, lic calbetutic: ―¿Mi chana' ti mu xtun cha'yic ti fariseoetique yu'un ti hech laj avalbee? ―xcututic.
23718	MAT 15:16	Hech itac'av ti Jesuse: ―¿Mi yu'un muc xava'ibeic sjam uc ho'oxuque? ―xiyutuntutic―.
23736	MAT 15:34	Ti Jesuse hech laj sjac'buntutic: ―¿Jayib muc'tic caxlan vaj avich'ojic? ―xiyutuntutic. Hech nitac'avtutic: ―Quich'ojtutic hucub muc'tic caxlan vaj xchi'uc cha'cot oxcot biq'uit choy ―xichitutic.
23793	MAT 17:24	C'alal nic'otutic ti jteclum Capernaum, tal sc'oponic ti Pedroe ti much'utic yac'oj sba tstsobic ti taq'uin chtun yu'un ti temploe. Chib dracmataq'uin tsc'anic. Hech tal sjac'bel: ―¿Mi chac' ti taq'uine yu'un ti temploe ti maestro avu'unique? ―xchiic.
23834	MAT 19:3	Ital cha'vo' oxvo' ti fariseoetique yu'un sc'an spasbeic proval yo'nton ti Jesuse. Hech tal sjac'beic: ―¿Mi stac' ti jsutes cajniltutic ti c'uc no'ox tspase? ―xchiic.
23911	MAT 21:16	Hech yu'un hech laj sjac'beic ti Jesuse: ―¿Mi laj ava'i ti c'usi chalic ti queremetique? ―xchiic. Hech itac'av ti Jesuse: ―Laj ca'i. ¿Mi mu aq'uelojuc uc ti hech chal ti sc'op ti Diose? Ti ololetique jelaven yutsil ac'opilal chaxcholbot, ti xchie ―xchi.
23937	MAT 21:42	Ti Jesuse hech laj sjac'be: ―¿Mi mu hechuc aq'ueloj uc ti sun ti Diose? Hech chaj c'u che'el ti yajval nae ti laj yotes ti chiquina ti tone ti mu xtun laj yilic ti yaj'abtele, ja' no'ox hech laj xa yich' tsots yabtel yu'un ti Diose ti much'u t'ujbil yu'une ti ja' mu sc'anique. Ja' yabtel ti Cajvaltic Diose. Jun no'ox yutsil chc'ot ti jtojoltic, ti xchie.
24138	MAT 26:15	Hech laj sjac'be: ―¿Jayib chavac'bun mi chacac'be entrecal ti Jesuse? ―xchi. I'ac'bat lajuneb xcha'vinic peso bats'i taq'uin.
24140	MAT 26:17	Ti sba c'ac'alil q'uin c'alal ti jve'tic caxlan vaj ti mu pumesbiluc xch'ute, ho'ontutic ti yajchanc'opuntutique ba jac'betutic ti Jesuse: ―¿Bu chac'an chajmeltsambe ti ch'iom carnero chati' sventa q'uin Pascua? ―xcututic.
24148	MAT 26:25	Ti much'u laj yac' entrecal ti Jesuse, ja' ti Judase. Ja' laj sjac'be ti Jesuse: ―¿Mi ho'on jc'opilal ti hech chavale, Maestro? ―xchi ti Judase. Hech itac'av ti Jesuse: ―Ho'ot ac'opilal ―xchi.
24163	MAT 26:40	Isut talel yo' bu oyic ti oxvo'ique ti jchi'iltaque. Vayajtic c'ot staic. Ti Jesuse hech laj yalbe ti Pedroe: ―¿Mi mu xu' chavic' asatic junuc ora, mi mu xu' chac'opon Dios hech chaj c'u che'el ho'on?
24168	MAT 26:45	Icha'tal nixtoc yo' bu oyic ti oxvo'ic ti jchi'iltaque. Hech laj yalbe: ―¿Mi ta to xavayic? ¿Mi ta to xacux avo'ntonic? Laj xa sta yorail ti chi'ac'at entrecal ti sc'ob jmulaviletic ho'on ti co'ol crixchanoucutique.
24209	MAT 27:11	Va'al ti Jesuse ti stojol ti gobernadore. Hech ijac'bat yu'un ti gobernadore: ―¿Mi ho'ot ajvalilot yu'un ti achi'iltaque, ho'oxuc ti judiooxuque? ―xut. Hech itac'av ti Jesuse: ―Ho'on ―xchi.
24211	MAT 27:13	Hech yu'un hech i'albat yu'un ti Pilatoe: ―¿Mi muc xava'i ti ep sa'bilot amule? ―xchi.
24273	MAT 28:9	C'alal yac'oj sba chanavic talel yu'un chtal yalbuntutic, te laj snupic ti be ti Jesuse. ―¿Bu chabatic? ―x'utatic yu'un ti Jesuse. Ti antsetique laj squejan sbaic ti stojol ti Jesuse, lic smeybeic yacan.
24478	MRK 6:2	C'alal te xa oy ti slumal, ti sc'ac'alil ti jcux co'ntontutic ibat ti templo ti Jesuse. Te c'ot chanubtasvanuc. Ep ti much'utic laj ya'ibeic sc'ope. Ti c'alal laj ya'yique, ich'ay yo'ntonic. Hech lic yalbe sbaic: ―¿Bu laj xchan tal ti oy sp'ijil ti jchi'iltic li'to? Yu'un jchop o ti c'op chale. Jchop o ti yabtel tspase ―xut sbaic―.
24513	MRK 6:37	Itac'av ti Jesuse, hech laj yalbe: ―Ac'bo sve'elic ho'oxuque ―xchi. Itac'avic: ―¿Bu ti jtatutic ti chib ciento denariotaq'uin yu'un ti jmantutic tal ti caxlan vaj ti tsve'ique? ―xchiic.
24514	MRK 6:38	Ti Jesuse hech laj sjac'be: ―¿Jayib caxlan vaj avich'ojic talel? Ba q'uelo ―xut. C'alal laj sq'uelic, hech tal yalbeic: ―Quich'ojtutic ho'ob muc'tic caxlan vaj xchi'uc cha'cot choy ―xchiic.
24550	MRK 7:18	Ti Jesuse hech laj yalbe: ―¿Mi yu'un muc xava'ibeic sjam uc, ho'oxuque? ¿Mi mu xavilic ti scotol ti c'utic chave'e, ja' mu xasbolibtasoxuc, yu'un mu x'och ti avo'nton? Ja' chc'ot ti ach'ut, ja' chatsa' tal loq'uel ―xchi. Hech laj yal ti Jesuse ti lec scotol ve'elil.
24574	MRK 8:5	Ti Jesuse hech laj sjac'be: ―¿Jayib muc'tic caxlan vaj oy avu'unic? ―xutic. Hech itac'avic: ―Hucub xa no'ox oy cu'untutic ―xchiic.
24590	MRK 8:21	Ti Jesuse hech laj sjac'be: ―¿Mi yu'un mu to chava'ibeic sjam? Ja' sc'opilal ti fariseoetique ti laj calboxuque yu'un mu xtun ti c'op ti chac' ti chanele ―xut.
24592	MRK 8:23	Hech yu'un ti Jesuse laj stsacbe sc'ob ti ma'sate, laj yic' loq'uel ti jteclum. Ibat ti fuera xchi'uc. Ti Jesuse laj stubtabe ochel sat ti vinique, laj spicbe sat ti sc'ob. Lic sjac'be: ―¿Mi oy c'usi chvinaj chavil? ―xut.
24628	MRK 9:21	Ti Jesuse laj sjac'be ti stote: ―¿Jayib xa habil hech tsacbil? ―xut. Itac'av ti stote: ―Tsacbil c'alal biq'uit to ―xchi―.
24659	MRK 10:2	Italic ti stojol ti Jesuse cha'vo' oxvo' ti fariseoetique. Yu'un sc'an spasbeic proval yo'nton ti Jesuse, hech laj sjac'beic: ―¿Mi stac' ti jsutes cajniltutic? ―xchiic.
24726	MRK 11:17	Lic chanubtasvanuc ti Jesuse, hech laj yalbe: ―¿Mi mu hechuc ts'ibabil comel ti sc'op ti Diose: “Ti Jnae ja' sventa ti chisc'oponun scotol crixchanoetic ti jaylajuntos li' ti balumile”, ti xchi ti Diose? Ho'oxuque laj xa ac'atajesic ti xch'en j'eleq'uetic ―xchi ti Jesuse.
24835	MRK 14:12	Ti sba c'ac'alil ti q'uine c'alal ti jve'tutic caxlan vaj ti mu pumesbiluc xch'ute, c'alal ti jmiltutic ti ch'iom carneroe ti jti'tutic ti q'uin Pascuae, ti yajchanc'opetique hech laj sjac'beic ti Jesuse: ―¿Bu chac'an chajmeltsambe ti ch'iom carnero ti ti jti'tique sventa q'uin Pascua? ―xutic.
24860	MRK 14:37	Isut talel yo' bu oyic ti oxvo'ique. Vayajtic c'o staic. Ti Jesuse hech laj yalbe ti Pedroe: ―¿Mi vayalot? Simón. ¿Mi mu xu' chavic' asat junuc ora?
24864	MRK 14:41	Ba xcha'c'opon Dios ti Jesuse. Icha'tal nixtoc yo' bu oyic ti oxvo'ique. Ja' yoxibal xa vuelta. Hech laj yalbe: ―¿Mi ta to xavayic? ¿Mi ta to xacux avo'ntonic? Laj xa sta yorail ti chi'ac'at entrecal ti sc'ob jmulaviletic ho'on ti co'ol crixchanoucutique.
24884	MRK 14:61	Mi jp'eluc muc xtac'av ti Jesuse. Ti mero totil palee laj xcha'jac'be nixtoc ti Jesuse: ―¿Mi melel ti ho'ot ti Cristoote ti t'ujbilot yu'un ti Diose? ¿Mi ho'ot snich'onot ti Diose ti ja' pasbil ti muc' cu'untique? ―xut.
24897	MRK 15:2	Ti Pilatoe hech laj sjac'be ti Jesuse: ―¿Mi ho'ot ajvalilot yu'un ti achi'iltaque, ho'oxuc ti judiooxuque? ―x'utat. Itac'av ti Jesuse, hech laj yalbe: ―Ho'on ―xchi.
24904	MRK 15:9	Itac'av ti Pilatoe, hech laj sjac'be: ―¿Mi ja' chac'anic ti jcolta batel ti ajvalil avu'unique, ho'oxuc ti judiooxuque? ―xchi.
25589	LUK 13:2	Itac'av ti Jesuse, hech laj sjac'be: ―¿Mi yu'un chacuyic ti ja' más ep smulic ti jchi'iltique ti imilatique, ja' ti nacajtic ti Galileae? ¿Mi yu'un chacuyic ti ja' mu'yuc smul ti yantique ti te nacajtic ti Galileae?
25625	LUK 14:3	Hech yu'un ti Jesuse lic sjac'be ti much'utic chchanubtasvanic ti smantal ti Diose ti scuyoj sbaique xchi'uc ti fariseoetique: ―¿Mi stac' ti jcoltatic jchameletic ti yorail ti jcux co'ntontic? ―xut.
25757	LUK 17:37	Hech ijac'bat ti Jesuse: ―¿Bu chc'ot ti pasel? Cajval ―xchiic. Itac'av ti Jesuse: ―Hech chaj c'u che'el ti ora no'ox sna' bu oy ánima ti tanjole, ja' no'ox hech chc'ot ti pasel ti ora no'ox sna'ic ti nital xa ti ho'one scotol ti much'u xch'unojbun jc'ope, hech tstsob sbaic ti jtojol ―xchi.
25793	LUK 18:36	C'alal laj ya'i ti ma'sate ti oy ep xchi'iltac ch-ech'ic, hech lic sjac'be: ―¿Bu chabatic? ―xchi.
25942	LUK 22:9	Hech lic sjac'beic: ―¿Bu chac'an chajmeltsambe ti carnero ti jti'tique? ―xchiic.
26003	LUK 22:70	Scotolic lic yalic: ―¿Mi yu'un ho'ot snich'onot ti Diose chacuy aba? ―xchiic. ―Ho'on ―xchi xtac'av ti Jesuse.
26007	LUK 23:3	Hech yu'un ti Pilatoe hech lic sjac'be ti Jesuse: ―¿Mi ho'ot ajvalilot yu'un ti achi'iltaque, ho'oxuc ti judiooxuque? ―xut. Itac'av ti Jesuse: ―Ho'on ―xchi.
26044	LUK 23:40	Itac'av ti yane, laj spajesbe ye ti xchi'ile. Hech laj yalbe: ―¿Mi mu xaxi' ti Diose? Co'ol chquich'tic vocol xchi'uc.
26065	LUK 24:5	Toj xi'el ic'otic ti antsetique, laj snijan sbaic. Hech ijac'batic: ―¿Mi tal to aq'uelbeic sbec'tal li'i? ¿Mi mu xana'ic ti icha'cuxi xa loq'uel?
26101	LUK 24:41	Ti c'alal laj yilique, nichim no'ox yo'ntonic. Ich'ay yo'ntonic uc, hech yu'un mu sna' c'usi chch'unic mi melel ti cha'cuxem xae. Hech yu'un ti Jesuse lic sjac'be: ―¿Mi oy jutuc ve'elil avich'ojic tal? ―xchi.
26134	JHN 1:21	Laj xcha'jac'beic nixtoc: ―¿Much'uot? ¿Mi Eliasot? ―xchiic. Itac'av ti Juane: ―Mu ho'ucun ―xchi xtac'av ti Juane. ―¿Mi mu ho'ucot ti j'alc'opot yu'un ti Diose ti jmalatutique? ―xchi sjaq'uic. ―Mu ho'ucun ―xchi xtac'av ti Juane.
26258	JHN 4:33	Hech laj jac'be jbatutic: ―¿Mi oy van much'u i'ac'bat sve'el? ―xichitutic.
26285	JHN 5:6	Ti Jesuse laj yil ti te metsel. Laj sna' ti ep habil jchamel ti vinique. Hech yu'un hech laj sjac'be: ―¿Mi chac'an chachop? ―xut.
26331	JHN 6:5	Ti Jesuse laj yil ti chcha'tal taatuc yan vuelta yu'un ti crixchanoetique. Hech yu'un hech laj sjac'be ti Felipee: ―¿Bu chba jmantic caxlan vaj yu'un chcac'betic sve'ic avi yepal crixchanoetic li'to? ―xchi ti Jesuse.
26368	JHN 6:42	Hech laj yalbe sbaic: ―¿Mi ma'uc ti Jesús li'to, ja' ti snich'on ti Josee? Xcojtiquimbetic ti stot sme'e. Chal ti niyal tal ti vinajel ti xchie, ¡bu ba hechuc! ―xut sbaic.
26387	JHN 6:61	Ti Jesuse laj sna' ti yo'nton ti oy much'u chp'ajbat ti sc'ope yu'un ti jchi'iltaque. Hech yu'un hech laj sjac'be: ―¿Mi chopol avo'ntonic yu'un ti jc'ope?
26408	JHN 7:11	Ti totiletic cu'untutic ono'oxe te ti templo, ho'ontutic ti co'ol judiountutic xchi'uque, te oyic ti q'uin yac'oj sba tsa'ic ti Jesuse. Yac'oj sba tsjaq'uic: ―¿Bu oy? ―xchiic.
26432	JHN 7:35	Hech lic lo'lajuc ti jchi'iltaque, ho'on ti co'ol judiountutic xchi'uque: ―¿Bu chbat ti mu xu' ti jtatic chale? ¿Mi yu'un chbat ti bu oy ti jchi'iltique te puquemic ti slumal greciaetique yu'un ja' chba xchanubtas ti greciaetique?
26469	JHN 8:19	Hech lic sjaq'uic: ―¿Bu oy ti Atote ti chavale? ―xchiic. Hech itac'av ti Jesuse: ―Mu xavojtiquinun, mu xavojtiquin uc ti Jtote. Ti taca avojtiquinucune, chavojtiquin uc ti Jtote ti hechuque ―xchi.
26472	JHN 8:22	Hech yu'un hech laj yalbe sbaic ti jchi'iltaque, ho'ontutic ti co'ol judiountutique: ―¿Mi yu'un tsmil sba ti hech chale: Ti bu chibat ho'oni, te mu xu' chabatic ho'oxuque, ti xchie? ―xut sbaic.
26517	JHN 9:8	Hech yu'un laj sjac'be sbaic ti svecinotaque xchi'uc ti much'utic yilojic ti ma'sat ono'oxe: ―¿Mi ma'uc li'to ti much'u laj snacan sba sc'an paramote? ―xut sbaic.
26521	JHN 9:12	Hech lic sjac'beic: ―¿Bu oy ti much'u chavale? ―xchiic. ―Mu jna' bu ibat ―xchi xtac'av ti vinique.
26528	JHN 9:19	Hech hul jac'batuc ti stot sme'e: ―¿Mi ja' avol anich'on li'to ti ma'sat ono'ox c'alal i'an ti chavalique? ¿C'u che'el ti chil xa balumil ti ora to? ―x'utat.
26544	JHN 9:35	Ti Jesuse laj ya'ibe sc'opilal ti j'ech'el mu stac' ch-och ti templo ti vinique. Hech yu'un ital ti Jesuse, tal sc'opon ti vinique. Hech laj sjac'be: ―¿Mi ach'unoj ti jelaven sp'ijil ti Snich'on ti Diose? ―xchi.
26549	JHN 9:40	Oy fariseoetic te xchi'inojic ti Jesuse. Laj ya'yic ti hech laj yal ti Jesuse. Hech lic sjac'beic: ―¿Mi yu'un ma'satuntutic chacuyuntutic? ―xchiic.
26574	JHN 10:24	Hech yu'un ti jchi'iltaque tal sjoyubtaic ti Jesuse. Hech laj sjac'beic: ―¿Jayib to c'ac'al chavac' lo'lajuc co'ntontutic avu'un? Mi ho'ot ti Jcoltavanejote, jamal me xaval ca'itutic ―xchiic.
26626	JHN 11:34	Hech lic sjac'be: ―¿Bu laj amuquic comel? ―xchi. Hech i'albat yu'unic: ―Ba jq'ueltic, Cajval ―x'utat.
26711	JHN 13:12	C'alal laj spocbun cacantutic jcotoltutic, laj xcha'lap sc'u'. Inaqui yan vuelta ti mesa ti Jesuse. Hech laj sjac'buntutic: ―¿Mi xana'ic c'u yu'un ti hech laj jpocboxuc avacanique? ―xiyutuntutic―.
26871	JHN 18:17	Tseb ti jchabiejti'nae. Ja' laj sjac'be ti Pedroe: ―¿Mi ma'uc yajchanc'opot uc ti vinique? ―xchi. ―Mu ho'ucun ―xchi xtac'av ti Pedroe.
26879	JHN 18:25	Ti Pedroe te va'al chc'atin ti c'oc'. Hech ijac'bat yu'un ti much'utic te co'ol chc'atinic xchi'uque: ―¿Mi ma'uc yajchanc'opot uc? ―x'utat. Ti Pedroe laj smuc ti yo'nton: ―Mu ho'ucun ―xchi.
26880	JHN 18:26	Te oy jun yabat ti totil palee. Ja' yermano ti ip'asbat loq'uel xchiquin yu'un ti Pedroe. Hech laj sjac'be: ―¿Mi mu ho'ucot ti achi'inoj ti vinique yo' bu ts'umbil ti olivate'etique? ―x'utat.
26888	JHN 18:34	Hech itac'av ti Jesuse: ―¿Mi yu'un atuc hech laj anop, mi yu'un oy much'u laj yalbot yu'un ti hech chajac'bune? ―xchi.
26903	JHN 19:9	Hech icha'sutic ochel ti Pretorio ti Pilatoe xchi'uc ti Jesuse. Hech lic sjac'be ti Jesuse: ―¿Bu liquemot tal? ―xut. Muc xtac'av ti Jesuse yu'un sna' ti hovil ti tsjaq'uilane.
26909	JHN 19:15	Ti jchi'iltaque hech laj yavtaic ti Pilatoe: ―¡Ac'o milatuc, ac'o milatuc, ac'o ba milatuc ti cruz! ―xchiic. Ti Pilatoe hech laj sjac'beic: ―¿Mi lec mi chcac' ti milel ti cruz ti ajvalil avu'unique? ―xut. Hech itac'av ti totil paleetique: ―Ma'uc ajvalil cu'untutic lume. Ja' ajvalil cu'untutic stuc ti Cesare ―xchiic.
27186	ACT 7:1	Ti totil palee hech laj sjac'be ti Estebane: ―¿Mi melel ti c'usi chalique? ―xchi.
27275	ACT 8:30	Hech yu'un bat snuts ti anil ti carretae ti Felipee. Laj ya'i ti yac'oj sba tsq'uelbe ti sun ti Isaíase, ja' ti j'alc'op yu'un ti Diose. Ti Felipee hech laj sjac'be: ―¿Mi chava'ibe sjam ti c'usi chaq'uele? ―xut.
27345	ACT 10:17	Hech lic c'opojuc yo'nton ti Pedroe yu'un ti hech i'ac'bat yile. Yu'un mu xa'ibe sjam. C'alal yac'oj sba chc'opoj ti yo'ntone, ja' hech yorail ic'otic ti viniquetique, ja' ti much'utic itacatic tal yu'un ti Cornelioe. C'ot sjaq'uic: ―¿Bu oy sna ti Simone? ―xchiic c'otel. Va'ajtic ic'otic ti sti' sna ti Simone.
27611	ACT 17:19	Hech yu'un laj yiq'uic batel ti Pabloe te ti vits yo' bu tstsobilan sbaic ti jchanubtasvanejetique. Areópago sbi ti vitse. Hech laj yalbeic ti Pabloe: ―¿Mi chac'an chavalbun ca'itutic ti c'usi ach' c'opal chachole?
27769	ACT 21:37	C'alal mu to ch-ic'at ochel ti Pabloe ti bu oy ti scuartel ti soldadoetique, ti Pabloe hech laj sjac'be ti tribunoe: ―¿Mi stac' chajc'opon cha'p'el oxp'eluc? ―xchi. Hech ijac'bat yu'un ti tribunoe: ―¿Mi chana' griego c'op? ―xchi―.
27873	ACT 25:9	Ti Festoe sc'an tspasbe favor ti totiletic yu'un ti judioetique, hech yu'un laj sjac'be ti Pabloe: ―¿Mi chac'an chamu batel ti Jerusalén yu'un te chc'ot avich' chapanel ti jtojol yu'un ti c'usi amul sa'bilote? ―x'uti.
30891	REV 7:13	Hech yu'un lic sjac'bun jun ti totiletique: ―¿Mi xana' much'utic li'to ti sac sc'u' slapojique? ¿Mi xana' bu talemic? ―xiyutun.