57	GEN 3:1	Dhali tasha/ a’di kora e ki kor mo mmobola ris tombwaasho kun uḵu mo, uni gun uḵkina Tap̱a Arumgimis mo. A’di ki owa ’bom gwo mo ki: A/Arumgimis o gwo mo ki: Um mini mii dhalku/ cwan ṯal ’de/ ki shwa ’peni bwaagoŋ ’te/o?
65	GEN 3:9	Hili Tap̱a Arumgimis yuḵki wathi/ mo dhali o a’di gwo mo ki: /E dini mana?
67	GEN 3:11	A’di o gwo mo ki: Kaja iṯor /e gwo mo ki /e di is ’te/a? Ki /e ishwaki cwa jin ḵanka/ /e gwo mo ki: /E mini mii dhalku/ a’di ki shwa mo?
69	GEN 3:13	Dhali yan’ko’d Tap̱a Arumgimis ki owa ’bom gwo mo ki: Katinta sa/ jin miikina /e mo? Dhali a’bom ki thoḵ gwo mo ki: Tasha/ a’di imu’thki aha/ e mo dhali aha/ shwakina a’di mo.
86	GEN 4:6	Dhali Tap̱a ki owa Kayiin gwo mo ki: Atinta shwana /e anyor kan mo dhali atinta ’bushurkina jis/em pini ki ’bushur kan mo?
87	GEN 4:7	Waḵki/ /e mini mii ki ’bore/ mo tani a/e minu diki mish bu’th mowa? Dhali waḵki/ /e diki mii ki ’bore/ mo tani miinthus a’di wup̱ki’d e ’twaŋkal gu’b mo. A’di ona bwa ki /e mo, hili /e mini mii ta tap̱a ap̱o/ a’di mo.
89	GEN 4:9	Dhali yan’ko’d Tap̱a ki owa Kayiin gwo mo ki: Mana Habiil jin ta’da kam pini mo? A’di ki o gwo mo ki: Mishgaa? Aha/ tana manhila kam pema?
90	GEN 4:10	Dhali Tap̱a ki o gwo mo ki: Atinta miikina /e? ’Twa/ ma bas ma kam pini a’di gwoki’d ’twa/ i aha/ ’pena ’cesh mo.
297	GEN 11:30	Dhala Saray a’di ta’da burum mo. Ayim ta ga ’ciŋ kamuwa?
317	GEN 12:18	Wakana P̱irawn yuḵki’da Abraam mo dhali o a’di gwo mo ki: Atinta tan jin miina /e aha/ kan mo? Atinta dina /e ki ṯor aha/ gwo ka yim ta ashin mo?
328	GEN 13:9	Dina bampa/ isi ’baar mo ki di ibwambori /e mo ’taa? Ḵwa/ki is pini bwa mo ’peni aha/ mo ma. Waḵki/ /e mini bu’th ’ban ma biny cam mo tani wakan aha/ mina ya ki ’ban ma bim poros mo, walla waḵki/ /e mini bu’th ’ban ma bim poros mo tani wakan aha/ mina ya ki ’ban ma biny cam moyi.
363	GEN 15:2	Hili Abraam oki gwo mo ki: Ayy Tap̱a Arumgimisa ki to jin ta’da ta imina /e c̱iyaa/ mo? haali/ aha/ ṯikirkina di mo ki dar gi uc̱i mo dhali a’di jin midi ḵal mal gom gu’b pem mo tani a’di ita Eli/aasar gi Pan Dimashk mo.
369	GEN 15:8	Hili a’di oki a’di gwo mo ki: Ayy Tap̱a Arumgimisa, ki tonta imiga/ mish mo mo ki aha/ mina bu’th a’diya?
390	GEN 16:8	Dhali a’di ki o gwo mo ki: Haagar nyarany c̱iŋkina/ ma Saray, /e p̱u’dkin mo ’peni mana mo dhali /e yani ya mana mo? Ayim oki gwo mo ki: Aha/ guskina ka ŋwac̱a/ mo ’pena ’bom jin karu mmohil aha/ jin tana nyarany c̱iŋkina/ mo, ayim jin yuḵu gway ka Saray mo.
395	GEN 16:13	Dhala yim yerki gway gi Tap̱a jin ṯorki a’di gwo mo ki: /E tana Arumgimis jin mishi mo mo, haali/ ayim ki o gwo mo ki: A/aha/ ka jiŋ gana/ mishkina Arumgimis mo dhali aha/ dina ki e mo naskina/ ’ko’di aha/ mishkina a’di mo ’taa?
415	GEN 17:17	Yan’ko’d a/Ibrahiim biṯki bwam/em piti a’cesh mo dhali a’di ki p̱e’th mo dhali o gwo ki is piti mo ki: A/dhali ya/ minu dho’th e wathiŋ gwaṯẖ jin ’koni yili iss ’kwanimpa imudhe’d mowa? A/dhali Saarah si da/ jin ’koni yil iss ’kwanimpa idoŋon i’ce’dka ’kume’d mo ayim midi dhodha ’ciya?
434	GEN 18:9	Uni oki a’di gwo mo ki: Mane Saarah jin ta ashim pini mo mane? Dhali a’di oki gwo mo ki: A’di di’di gu’b burrinye/ mo be.
437	GEN 18:12	Haali/ a’di wakan mo tani Saarah p̱e’thki’d ki is piti mo mmo/o gwo mo ki: ’Ko’di aha/ takina dhan mo dhala kaṯẖim pem si’da/ ta’da dhan mo tani miga/ ta gi ’ceŋ kamu/ jin midi ’kol aha/ mowa?
438	GEN 18:13	Dhala Tap̱a oki’da Ibrahiim gwo mo ki: Ata p̱e’thkin ma Saarah kan mo dhali ata on ma yim gwo mo ki: Ka jiŋ gana/ aha/ mina dhodha ’ciya ki aha/ shwane/ cakina yil mo?
439	GEN 18:14	Ton ṯal deŋ kamu/ di’da jin mola Tap̱a mii mo ’taa? Ka tenteŋ ḵar/e mo tani miga/ doḵu/ e /e mo e mo jin tana yil this mo dhala Saarah midi dho’th ya/ mo be.
442	GEN 18:17	Dhali Tap̱a oki gwo mo ki: A/dhali a’di jin murka/ mii mo tani miga/ bag ’pena Ibrahiim mo ’taa?
448	GEN 18:23	Yan’ko’d Ibrahiim ’dishki is mo dhali o gwo mo ki: Ka jiŋ gana/ /e mini ’ce’d uni sho’k mowa uni gun mii miiŋḵar/e mo nyaḵki uni gun mii tonthus mowa?
449	GEN 18:24	Waḵki/ uni gun mii miiŋḵar/e mo mini ’taki ’ko iss ’kwanimpa su/ i’ce’dka ’kume’d mo ibwaman ’peŋkuman bampa/ mo tani wakan mina /e ’taki ’ce’d mo sho’k mo dhali diki ’taki ’tash a’di ’twa/ mo gom uni gun mii miiŋḵar/e mo kun ’koni iss ’kwanimpa su/ i’ce’dka ’kume’d mo ibwaman a’di mo ’taa?
450	GEN 18:25	Dhalka mii gi wakan midi mii diki thoṯẖ /e is mo ma mmo’kosh uni gun mii miiŋḵar/e mo nyaḵki uni gun mii tonthus mo, wakan ki uni gun mii miiŋḵar/e mina e wa gi uni gun mii tonthus mo. Dhalka mii yan midi mii diki thoṯẖ /e is mo ma. A/min ma Mandwall aris mony’cesh gwo mo diki mii miim ’boro’da?
453	GEN 18:28	Waḵki/ uni imudhe’d ’peni uni kun ’koni iss ’kwanimpa isu/ i’ce’dka ’kume’d mo kun mii miiŋḵar/e mo tani mini ’taki aṯẖ mo, a/mina /e ’ce’d ’peŋkuman bampa/ sho’k mo ka ’bimbil mo mmo/aṯẖa ’kwani imudhe’d mowa? Dhali a’di oki gwo mo ki: Aha/ mina diki ’ce’d a’di sho’k mo waḵki/ aha/ mina ’taki gam uni kun ’koni iss ’kwanimpa su/ i’ce’dka mudhe’d mo mmun mo be.
454	GEN 18:29	Dhali doḵ/e a’di ki ṯor a’di gwo mo dhali o gwo mo ki: Waḵki/ uni ’koni iss ’kwanimpa isu/ kun minu ’taki gam mmun mowa? Dhali a’di thoḵki gwo mo ki: Gom gway gi uni kun ’koni iss ’kwanimpa isu/ mo tani aha/ mina diki mii a’di mo.
455	GEN 18:30	Yan’ko’d a’di oki gwo mo ki: Ayy Tap̱a dhalku/ anyor ki shwa mo ma, dhali aha/ mina ṯor gwo mo. Waḵki/ uni ’koni iss ’kwanimpa ’de/ i’ce’dka ’kume’d mo kun minu ’taki gam mmun mowa? Dhali a’di thoḵki gwo mo ki: Aha/ mina diki mii a’di mo tani waḵki/ aha/ mina ’taki gam uni kun ’koni iss ’kwanimpa ’de/ i’ce’dka ’kume’d mmun mo.
456	GEN 18:31	A’di oki gwo mo ki: Hili mo mo ma, aha/ bu’thkina a’di ap̱o/ is pem mo mmoṯor gwo e Tap̱a mo. Waḵki/ uni ’koni iss ’kwanimpa ’de/ mo kun minu ’taki gam mmun mowa? Dhali a’di thoḵki gwo mo ki: Gom gway gi uni kun ’koni iss ’kwanimpa ’de/ mo tani aha/ mina diki ’ce’d a’di sho’k mo.
457	GEN 18:32	Yan’ko’d a’di oki gwo mo ki: Ayy Tap̱a dhalku/ anyor ki shwa mo ma, dhali aha/ mina gwo ṯor doḵ/e mo jasi me’d ’deŋ gana/ mo. Waḵki/ uni ’koni ’kume’d mo kun minu ’taki gam mmun mowa? Dhali a’di thoḵki gwo mo ki: Gom gway gi uni kun ’koni ’kume’d mo tani aha/ mina diki ’ce’d a’di sho’k mo.
463	GEN 19:5	Dhali uni yuḵki ’twa/ eya Luuth mo ki: Mane ’kwaniŋ gwas kun p̱u’dkin e /e mon’thiny yan mo mane? Susi uni ka pije/ e aman mo ma ki aman mina mish uni mo.
470	GEN 19:12	Yan’ko’d ’kwaniŋ gwas okina Luuth gwo mo ki: Ṯal ’deŋ kamu/ takina /e imahana? Iya/ kun ta imar mo ’taa? Iya/ mo ’taa? I’bwa/ mo ’taa? Walla ma a’diŋ kamu/ jin takina /e mo e ’peŋkuman bampa/ yan mo tani susi uni ka pije/ mo ’peni mo yan mo
478	GEN 19:20	Hili mo mo ma, shwane/ ’peŋkuman bampa/ yaase a’di ’disha’dish mo mmoye nycine/ mo, dhali a’di si’da/ gwa’dagwa’d mo. Ayy, dhalki aha/ mmoye mo imun mo ma – a’di diki ta ari gwa’dga/ mo ’taa? – Dhali mondiki/em pem minu woṯẖ mo be.
500	GEN 20:4	Hili Abimaalik a’di i’dishkin ma yimi is yisa dhali a’di oki gwo mo ki: Tap̱a a/mina /e i’kosh kal gi ’kwaniny’cesh gun daran gi mii m’ba/ si’da/ moyi?
501	GEN 20:5	Dina a’di ki o gwo mo ki is pitiŋ gana/ ki aha/ mo ki: Ayim ita ’bwah pem mowa? Dhala yim si’da/ ayim ki is pitiŋ gana/ o gwo mo ki: A’di ita’da kam pem mo. E mo jin dika/ ki mii ki ŋadhum eya dum pem mo dhali e mo jin dika/ ka p̱o/ gi me’d pem mo tani a’di imiikika/ mii yan mo be.
505	GEN 20:9	Dhali yan’ko’d Abimaalik yuḵki’da Ibrahiim mo dhali oki a’di gwo mo ki: To gi wakatinta imiikina /e mo ap̱o/ aman mo? Dhali ton shigga/ gi wakata si’da/ imiikika/ ap̱o/ /e mo mmo’doyina /e dhan miinthus caaca ap̱o/ aha/ mo dhali ap̱o/ bampam pem si’da/ mo. /E be imiiki to ap̱o/ aha/ mo kun ḵa ba/ iminu ’koki mii mii mo be.
506	GEN 20:10	Dhala Abimaalik ki owa Ibrahiim gwo mo ki: Atinta c̱aan jin kulumkina /e ibwa mo mmomiikina /e mii yan mo?
521	GEN 21:7	Dhali ayim ki o gwo mo ki: Kaja a’di jin midi ’taki o ka Ibrahiim gwo mo ka Saarah midi ’taki c̱i uc̱i ako mmop̱i moyi? Hili aha/ be ki dho’th a’di ya/ mo ki yil jin cana a’di mmota dhan mo be.
531	GEN 21:17	Dhali Arumgimis ciḵki ’twa/ ma ara ’ci mo dhala man’doyu gwo ma Arumgimis yuḵki’da Haagar mo ’peni momis mo dhali owa yim gwo mo ki: Ata mii /e mo, Haagar? Dhalku/ is ki ḵo/ mo haali/ Arumgimis ciḵki ’twa/ ma ara ’ci e mo jin dina a’di mo.
543	GEN 21:29	Dhala Abimaalik ki owa Ibrahiim gwo mo ki: ’Pemen gwo yan ta’da ta mo mmodhuna /e ushi nas ḵa’bali pesu/ ’pen ka pije/ mo mmo’ko uni ’cena mo?
555	GEN 22:7	Dhala Is/hak oki’da Ibrahiim jin ta com mo dhali o gwo mo ki: Ababam pema! Dhali a’di ki thoḵ a’di gwo mo ki: Aha/ dina mmahan mo be. Hili mo mo ma. O’d jin shwa’d di’di mmahan dhali c̱iŋkira/ mo. Hili mane ḵa’bal jin mina ana i’ciṯẖ ’kus mmomiiya roroc̱o/ mo?
587	GEN 23:15	Tap̱am pem, ciḵi gwo ’peni aha/ mo ma. Mony’cesh jin yolka/ tani a’di ta iss ’kwanimpa i/iss ’de/ jin ta’da guurush gi ’dolkon kush mo. To yan midi ta atinta ibwaman /e dhali aha/ mo? Kani jwam pini mo ma.
597	GEN 24:5	Dhali c̱iŋkina/ ki o a’di gwo mo ki: Wariba/ a’bom midi diki hayaa/ gwo e mmobaṯẖaa/ e bampa/ yan mo. Waḵki/ wakan mo tani ya/m pini miga/ mii sus mo ka nyaŋ’ko’d e bampam pini jin yayina /e ’peni nycine/ mo?
615	GEN 24:23	Dhali yan’ko’d a’di ki o gwo mo ki: Ṯoraa/ gwo mo ma ki /e ta ’bwa/ maja mo? A/mo jin ishu di’di gu’b gi cima jin mina aman i/ishi cineya?
623	GEN 24:31	A’di ki o gwo mo ki: Yayi mo. Ayy mom’bor mii gi Tap̱a mo. Atinta dosha /eya pije/ kan mo? Haali/ aha/ thosonkina /e gu’b mo dhali mo gom kalman mo be.
639	GEN 24:47	Gom gwo gi wakan mo tani aha/ p̱ikina mo dhala yim ki c̱i ki kalman mmop̱i si’da/ mo be. Dhali yan’ko’d mo tani aha/ ki doṯa yim gwo mo mmo/o ki: /E ta ’bwa/ maja si’da/? Ayim ki thoḵ aha/ gwo mo ki: Aha/ tana ’bwa/ ma Baṯu/iil jin ta ya/ ma Nahur mo, a’di jin dho’thkin ma Milkah a’di mo. Gom gwo gi wakan mo tani aha/ ki kar dhirriny ’dolkon e shush ma yim dhali gurany ’per eya bi ma yim mo be.
650	GEN 24:58	Dhali uni yuḵkina aRip̱ka mo dhali owa ayim gwo mo ki: A/e mini ya nyaḵki wathi/ yan mo? Ayim ki o gwo mo ki: Aha/ mina ya mo be.
657	GEN 24:65	dhali o c̱iŋkina/ gwo mo ki: Wathi/ jana idi’di maṯṯaan mo a’di jin yayi’d mmogam ana ’kup̱ mo? C̱iŋkina/ ki thoḵ a’di gwo mo ki: A’di ta tap̱am pem mo. Wakan ayim ki bu’th burrinyeŋ ’kup̱ piti dhali kum is piti mo be.
681	GEN 25:22	Dhali uc̱i su/ gwansan uni gurunyki is e bwa ma yim mo, dhali ayim ki o gwo mo ki: Waḵki/ a’di wakan mo tani, ata si’da/ idika/ ki e mo? Gom gwo gi wakan mo tani ayim yaki’d mo dhali ’theḵ gwo yan e Tap̱a Arumgimis mo.
691	GEN 25:32	Iisu thoḵki gwo mo ki: Aha/ mura wu ’te/ mo be. Mo ma bwanyara/ yan midi miiya ta gom aha/ mo?
702	GEN 26:9	Gom gwo gi wakan mo tani Abimaalik yuḵki’da Is/hak mo dhali o a’di gwo mo ki: Hili mo mo ma, ayim ta ashin mo ba/, kata jan ona /e gwo oki ayim ta ’bwahan mo? Is/hak ki thoḵ a’di gwo mo ki: Haali/ aha/ kulumkina gwo ibwa mo oki aha/ mina wu mo gom gwo ma yim mo be.
720	GEN 26:27	Is/hak ki o uni gwo mo ki: Atinta iiyina umi aha/ mo? ’Kona um ki misha ki um shi/i aha/ i e mo dhali ur aha/ mo ’peni um mowa?
746	GEN 27:18	Wakan a’di yaki’d bway gu’b gi com mo, dhali o a’di gwo mo ki: Ababam pema, dhali a’di ki thoḵ a’di gwo mo ki: Aha/ dina imahan mo. Ki /e aja a’dun mo? ya/m pem.
748	GEN 27:20	Hila Is/hak oki ya/m piti gwo mo ki: Mii wakata ganne/ gamkina /e a’di ki jahanne/ kan mo? ya/m pem. A’di ki thoḵ gwo mo ki: Haali/ Tap̱a Arumgimis pini a’di c̱iki aha/ a’di ki ’ta’b kan mo be.
749	GEN 27:21	Yan’ko’d Is/hak ki owa Yakuub gwo mo ki: Shoru/ is ki ’dishe/ mo ki aha/ mina ta /e is is ki me’d mo ya/m pem mo ki aha/ mina mish /e mo waḵki/ /e tana Iisu ka jiŋ gana/ jin ta ya/m pem mo, walla aja a’dan mo?
752	GEN 27:24	A’di ki o gwo mo ki: A/e ta ya/m pem ka jiŋ gana/ mo jin ta’da Iisu mo? A’di ki thoḵ gwo mo ki: Aha/ tana a’di mo be.
760	GEN 27:32	Ababam piti ka Is/hak oki a’di gwo mo ki: Ki /e aja a’dun mo? A’di thoḵki gwo mo ki: Aha/ tana ya/m pini, jin ta’da bwanyara/ jin ta’da Iisu mo be.
761	GEN 27:33	Yan’ko’d a/Is/hak a’di dekina is ki bir bir ki ’bi’th mo, dhali o gwo mo ki: Kaja sa/ yaki’d mo mmopar mo dhali ’koshi tombwaasho mo dhali ḵali aha/ shum mo, dhali aha/ ’kakina a’di ’baar mo nṯwa/a/ ki /e diki p̱u’du/ mo dhali aha/ ’borkina a’di mii mo? Nye a’di minu mii ’bor mii mo.
764	GEN 27:36	Iisu oki gwo mo ki: A’di ’konuki yuḵ gway ka Yakuub ka jiŋ gana/ ’taa? Haali/ a’di thamki aha/ thum me’di su/ mo. A’di bu’thki mo ma bwanyaram pem jin taka/ mo, dhali hili mo mo ma, shwane/ a’di bu’thki mom’bor miim pem ’peni aha/ mo. Yan’ko’d a’di ki o gwo mo ki: A/mom’bor miiŋ kamu/ bunya/ dina /e ki ’tash ’twa/ mo gom aha/ mowa?
765	GEN 27:37	Is/hak ki thoḵa Iisu gwo mo ki: Hili mo mo ma aha/ karkina a’di mmota tap̱am pini mo, dhali aris ikam piti aha/ c̱ikina uni ki a’di mmota c̱iŋkina/ mo mmomii a’di i me’d mo dhali pos dhala mura’th kun sinu mo aha/ c̱ikina uni ki a’di mo mmocil mo. Kata beseene/ imiga/ mii gom /e ya/m pem mo?
766	GEN 27:38	Iisu ki o com gwo mo ki: A/e taki jasi mom’bor mii ’deŋ gana/ kan niina? ababam pem mo. ’Bori aha/ mii mo ma, isi aha/ gara/ si’dayi, ayy ababam pem mo. Dhala Iisu c̱eki ’twam piti mo dhali ko mo be.
774	GEN 27:46	Yan’ko’d aRip̱ka ki owa Is/hak gwo mo ki: Aha/ ’baka/ mondiki/em pem e mo haali/ aris up̱ gi ’Kwani gi Pan Hiṯẖṯẖa mo. Waḵka Yakuub midi mash jan ’de/ ’peni up̱ gi Pan Hiṯẖṯẖa me’d uni up̱ gwansan kun ’kon e bampa/ yansan mo, dhali shim miim ’boro’da ta midi di gom mondiki/em pem mo?
800	GEN 29:4	Yakuub ki o uni gwo mo ki: Ikam pema um iiyin ’peni mana mo? Uni ki thoḵ a’di gwo mo ki: ’Peni Pan Haraan mo be.
801	GEN 29:5	A’di ki o uni gwo mo ki: A/um mishina Laabaan jin ta ya/ ma Nahur mowa? Uni ki thoḵ a’di gwo mo ki: Aman mishkina a’di mo be.
802	GEN 29:6	A’di ki o uni gwo mo ki: A/dhali a’di ’bora is mo ’te/ tana? Uni thoḵki a’di gwo mo ki: A’di ’bora is mo, dhali hili mo mo ma, aRahiil jin ta ’bwa/ p̱u’dki’d mo nyaḵki ḵa’bal mo be.
811	GEN 29:15	Dhali yan’ko’da Laabaan ki owa Yakuub gwo mo ki: Haali/ /e tana bas pem mo tani a’di ’boro’da jin mina /e imii aha/ aṯu’c ki me’d mowa? Ṯoraa/ gwo mo gom tom pini jin mina /e gam ki ji gi mina /e ta mo tani midi ta atinta mo?
821	GEN 29:25	Dhali e mon’thamo/ mo tani hili mo mo ma, aLe/ah ayim ta a’di jin c̱ikunu a’di mo dhala Yakuub ki owa Laabaan gwo mo ki: Dika/ ki miiki /e aṯu’c goma Rahiil mo ’taa? Atinta he’kkina /e aha/ e wakan mo.
833	GEN 30:2	Anyor ma Yakuub a’di ’thakunu ap̱owa Rahiil ki ’bi’th mo dhali a’di ki o gwo mo ki: Aha/ dina e embul ma Arumgimis mo a’di jin ’tashki bwama dho’th pini ’twa/ mo mmoḵal mamana dho’th mowa?
846	GEN 30:15	Hila yim ki thoḵa yim gwo mo ki: A/a’di ta ari mii jin gwa’dagwa’d mo mmobutha kaṯẖim pem mo ’peni aha/ mo ’taa? Dhali /e ki doḵ/e o gwo mo ki /e mini ḵal maman cwa ma lup̱p̱aah jin ḵalkina ya/m pem ’te/ si’dawa? Rahiil ki thoḵa yim gwo mo ki: Ba a’di be midi ya ishi /e mon’thiny shwane/ mo gom maman cwa ma lup̱p̱aah jin ḵalina ya/m pini mo ’te/ be.
861	GEN 30:30	Haali/ /e tan jasi ushi’ceenne/ kagush mo nṯwa/a/ ki aha/ dina ki p̱u’du/ mo dhali shwane/ uni markunu is ka enthus mo dhali Tap̱a ’borki /e mii eya ris mo gunn kun ṯu’kka/ mo. Hili dhali aha/ kakasja si’da/ miga/ mii thoson to gom ku gi gu’b pem mo?
862	GEN 30:31	A’di ki o gwo mo ki: Atinta a’di imiga/ c̱i /e mo? AYakuub o gwo mo ki: /E mini c̱i aha/ toŋ kamu/ yisa. Waḵki/ /e mini mii to yan gom aha/ mo aha/ mina doḵ/e c̱i ama’diny ḵa’bal pini ashon dhii/i’d mo dhali ta amandhu uni mo.
874	GEN 30:43	Ki mii wakan mo tani wathi/ ta pa mo ijasa/? dhali a’di taki’d ka ma’diny ḵa’bal jin caaca mo dhali up̱ piti si’da/ takin gi up̱ c̱iŋkina/ ka ris mo kun mii uni to ime’d mo dhali ’kwaniŋ gwaṯẖ tana ris kun ta c̱iŋkinam piti mo kun mii a’di to ime’d mo dhali aris kalman mo dhali aris thuluny mo be.
888	GEN 31:14	Yan’ko’da Rahiil dhala Le/ah thoḵki a’di gwo mo ki: A/toŋ kamu/ di’d jin ’tuntulkunu bwa ime’d mo walla mala kamu/ dhalkunu aman e gu’b ma babam bam mowa?
889	GEN 31:15	Aman shwane/ dina a’di ki yuḵ ki bunycan paŋ ’kwanin tiya mowa? Haali/ a’di yolki aman mo dhali a’di ’baarki’da guurush jin c̱ikunu a’di gom aman mo.
900	GEN 31:26	Dhali aLaabaan ki owa Yakuub gwo mo ki: Atinta si’da/ imiikina /e mo mmoḵwal aha/ to mo kan mo dhali bor i’bwa/m pem mo me’d ’kwani kun bu’thkunu ki shemen gandala turga/ e mo wakan gomata mo?
901	GEN 31:27	Gomata iguskina /e ka ḵwal is mo dhali ḵwal aha/ to mo dhali ilu/ diki ṯor aha/ gwo mo, wakan ki aha/ mina ’taki karki /e ’pen ki bwaŋ ’kunyu’d mo dhali ki gway jin yuḵu mo ka danluuka kun doru ki me’d mo dhali ka dheŋdhenye/ kun ’kon ma shu/i pesu/ mo?
904	GEN 31:30	Shwane/ /e yakin mo haali/ /e ’kosha dhan ṯem pa kagahara gom gu’b gi cim mo, hili atinta si’da/ iḵwalkina /e tomp̱inycon pem mo?
910	GEN 31:36	Dhali yan’ko’da Yakuub warki’d ki dhana nyor jin caaca mo dhali waḵa Laabaan mo. Yakuub oki’da Laabaan gwo mo ki: Tom pem jin thamka/ mane si’da/ ti dhali mane miinthus pem mo? jin urkina /e aha/ isho’k ki ’bar ’bar mo kan?
911	GEN 31:37	Ba /e ŋap̱ki bwan tom pem mo ki bur bur mo. Aris uni ’baar mo kun gamkina /e mo tani uni ta ku ki gu’b piniya? Dhu uni imahan mo ibwambori ’kwani ma bas pem mo dhali ’kwani ma bas pini mo ki uni mini ’cunycur to mo e bwaman ana su/ mo.
913	GEN 31:39	Uni kun dhera toŋgwap̱i/ is ka gwapi/ mo tani uni ’koka/ ḵali /e mowa? Aha/ thiskina is ’ko’d e mo gom uni mo dhali e ’peni bwam me’d pem mo tani /e ki ’theḵ gwo mo gom uni mo waḵki/ uni ḵwalu montee mo walla mon’thiny mo.
917	GEN 31:43	Dhali yan’ko’da Laabaan thoḵki’da Yakuub gwo mo ki: I’bwa/m gwan mo tani uni ita i’bwa/m pem mo dhali uc̱i gwan mo tani uni ita uc̱im pem mo dhali ama’diny ḵa’bal gwan mo tani uni itana ma’diny pem mo dhali aris to kun p̱arkina /e e mo tani uni ta kum pem mo be. Hili ata a’di imiga/ mii shwane/ mo gom i’bwa/m pem gwan mo walla gom uc̱i gwansan kun dho’thkina uni mo?
946	GEN 32:18	A’di ye’thki uni kun iikin nṯwa/a/ sho’k ki gwo mo ki: Ka Iisu jin ta’da kam pem midi gam um ’kup̱ mo dhali doṯ um gwo mo ki um ta gu maja mo tani, dhali um iini ii mana mo? tani, dhali aris to maja gwansan kun iini bwambori um mo isan? tani,
956	GEN 32:28	Dhali a’di ki o a’di gwo mo ki: Gway pini yuḵu kaja mo? Dhali a’di ki thoḵ a’di gwo mo ka: Yakuub mo.
958	GEN 32:30	Dhali yan’ko’d Yakuub ki doṯ a’di gwo mo ki: Ṯori aha/ gwo mo ma aha/ ’thona /e mo, gway pini yuḵu kaja mo? Hili a’di oki gwo mo ki: Gomatinta idoṯkina /e gway pem mo? Dhali a’di ki la dhiŋ mii is mo i’bor a’di mii mo be.
966	GEN 33:5	Dhali ka Iisu ’de’kki em piti ki mis mo dhali p̱ar up̱ e mo dhali aris uc̱i mo tani a’di ki o gwo mo ki: ’Kwani kuna anansan kun nyaḵ iiyu/ ki /e mo? AYakuub ki thoḵ gwo mo ki: Uc̱i kun c̱ikin ma Arumgimis c̱iŋkinam pini ka ’the mo.
969	GEN 33:8	Iisu doṯki gwo mo ki: ’Pemen miim pini yan ta’da ta mo jin gamkika/ arisa ṯaŋ ’kwaniŋ ’kup̱ mo kan? AYakuub a’di thoḵki gwo mo ki: Mmogam mii ma ’the ’peni jis/e gi tap̱am pem mo be.
976	GEN 33:15	Wakan Iisu oki gwo mo ki: Dhalki aha/ dhalkina /e ’kwaniŋ gwaṯẖ kun nyaḵ ’ko ki aha/ mo. Hili a’di oki gwo mo ki: Atinta a’di imina uni mii c̱or imun mo? Dhalki aha/ gama mii ma ’the ’peni jis/em pini mo tap̱am pem mo.
1004	GEN 34:23	Mina to/em buni dhali mal buni dhali aris toŋkal buni ’koki ta kum bana mowa? Dhalki ana gama jasi gwo yan me’d ki uni mo dhali uni mini nyaḵ ’ko ki ana mo be.
1012	GEN 34:31	Hili uni oki gwo mo ki: A/miim piti ’boro’da? mmomii ’bwah bam me’da ’bom c̱al mowa?
1092	GEN 37:8	Ikam piti o a’di gwo mo ki: A/e ka jiŋ gana/ mini ji/a ji ap̱o/ aman mowa? Walla a/e mini ta tap̱a ap̱o/ aman mowa? Wakan uni shi/ki, a’di i e ki nyanye/ mo gom gwony jan piti mo dhali gom gwom piti mo.
1094	GEN 37:10	Hili ki a’di ṯorki ’pemen jan yan ki com mo dhali ikam piti mo tani ababam piti a’di iḵucurki a’di mo dhali o a’di gwo mo ki: Jan yan ta’da ta mo jin shu’bkina /e mo? A/aha/ dhali kwan dhali ikam pini ka jiŋ gana/ mina iiku/ mo dhali ’ko is bam ki goŋgo/ ibwambori /e mowa?
1097	GEN 37:13	Dhala Israyiil oki’da Yuusup̱ gwo mo ki: Ikam pini ’koki ura ma’diny ḵa’bal mo mmoc̱iya shon dhii/i’d mmo’dish Pan Shakiim is mo ’taa? Yayu/ mo, aha/ mina hash /e i uni mo. Dhali a’di thoḵki a’di gwo mo ki: Aha/ dina imahan mo be.
1099	GEN 37:15	Dhali wathiŋ kamu/ gamki a’di mo mmomaŋaskina a’di mo e mombwaasho mo dhali wathi/ doṯki a’di gwo mo ki: /E ŋap̱kina tinta mo?
1100	GEN 37:16	Aha/ ŋap̱kina ikam pem mo. A’di oki gwo kan mo mmo/o ki: Ṯoraa/ mo ma, aha/ ’thona /e mo, mane mom buni jin c̱ina uni ama’diny ḵa’bal ashon dhii/i’d mo?
1104	GEN 37:20	Iiyu/ mo shwane/ dhalki ana ’kosha a’di jwa mo dhali biṯ a’di mo e jis ’deŋ kamu/ mo dhali yan’ko’d ana mina o gwo mo ki: A’di ’kosha toŋgwap̱i/ jin shwan ma nyor jwa mo dhali ana mina p̱ar mo e mo ’pemen jan piti yan midi wakata mo?
1114	GEN 37:30	Dhali a’di doḵki’d ka nyaŋ’ko’d e ikam piti mo dhali o gwo mo ki: Ari dhuru’c wathi/ a’di p̱iki’d mo dhali aha/ mo mane mo jin miga/ ya mo?
1137	GEN 38:17	A’di ki thoḵ a’di gwo mo ki: Aha/ mina c̱iki /e ari mi mo ’peni bwaman ma ma’diny ḵa’bal mo. Dhala yim ki o a’di gwo mo ki: Mina /e diki c̱iyaa/ jamas mii mo ntagi /e mini hashi a’di mowa?
1138	GEN 38:18	A’di thoḵki gwo mo ki: Jamas mii gi wakata imiga/ c̱i /e mo? Ayim thoḵki gwo mo ki: To me’d pini dhali dheŋdhenye/ jin ’kon ma ashu ipesu/ mo dhali cwa jin di’di me’d pini mo. Wakan a’di c̱iki’da yim uni mo dhali ya ayim gu’bi is mo dhali ayim bwaaki’d ki a’di mo be.
1141	GEN 38:21	Dhali a’di doṯki ’kwani gi mo yan mo ki: Mane a’bom c̱al yan mo a’di jin c̱a’bki’d e shemen bway gi Pa Eenaayim mo? Dhali uni thoḵki a’di gwo mo ki: A’bom c̱ala kamu/ yisa di’di mahana.
1159	GEN 39:9	A’di diki caaca kagahara e gu’b yan mmobol aha/ e mowa. Toŋ kamu/ yisa ’tasha a’di aha/ ’twa/ mo yisa hili isi ciki/ is piniŋ gana/ mo haali/ /e ta ashim piti mo. Aha/ mina mish dhan miinthus yan mii mo wakan mana dhali mii miinthus ap̱owa Arumgimis mowa?
1180	GEN 40:7	Wakan a’di doṯki ’kwani ma mee ma P̱irawn uni kun nyaḵ ’ko ki a’di e mo jin deḵuwa deḵ mo e gu’b gi tap̱am piti mo ki: Atinta iṯaka um jis/em bum ka luŋgu’b kan ganne/ mo?