54	GEN 2:23	Dhali yan’ko’d wathiŋ gwaṯẖ ki o gwo mo ki: Hayyiye ayaase ita’da simam pema dhali buŋgwar is ki shuman is pema. Ayim minu yuḵ gway ka A’bom mo, haali/ ayim a’di bu’thkunu ’peni Wathiŋ Gwaṯẖ mo.
73	GEN 3:17	Dhali a’di ki owa Aadam gwo mo ki: Gom miim pini jin ciḵa /e ’twa/ gi ashim pini mo dhali shwa cwa yansan jin ḵanka/ /e gwo mo ki: /E mini mii dhalku/ ki shwa a’di mo tani mony’cesh jeenu mo gom /e mo be. Aris to kun mina /e shwa mo tani uni mina /e gam ’peni mii jin mina /e ’kosha shir shir mo ka tee gi mondiki/em pini ’baar mo.
211	GEN 9:5	Goma bas bum jin ’kona um ki e mo tani aha/ ka jiŋ gana/ aha/ mina ’theḵ gwo mo mmokara kar mo. ’Pena ris tombwaasho mo aha/ mina ’theḵ gwo mo dhali ’peni ’kwani mo. Dhali ’peni aris ’kwani kun ta ikam mo tani aha/ mina ’theḵ gwo gom mondiki/e gi wathi/ mo.
244	GEN 10:9	A’di ta wathi/ jin c̱a’bki dem dem mmopar ka yempa/ ibwambori Tap̱a mo. Gom gwo gi wakan mo tani a’di onu gwo mo ki: Wathi/ jin waga Nimruud jin c̱a’bki dem dem ibwambori Tap̱a mo.
254	GEN 10:19	Dhali mo gi ’Kwani gi Paŋ Kanaan p̱ar ’twa/ ki ribi/ ribi/ ’peni Pan Sidun e mo jin c̱utha a’di bway ’kup̱ ki Pany Jaraar ki si’d piti jin si’da a’di ntagi Paŋ Ghassa mo dhali ’peni mo jin c̱utha a’di bway ’kup̱ ki bway Pan Saduum mo dhali Paŋ Gamuura mo dhali Pa Admah mo dhali Pa Sabuyiim ki si’d piti jin si’da a’di ntagi Pan Laasha/ mo.
329	GEN 13:10	Dhala Luuth ’de’kki em piti ki mis mo dhali mishki mo mo ki embul ma Uurdun a’di ya’thkunu ki ’bore/ eya ris mo ’baar mo me’d bwaagoŋ jin ta monsinu gi Tap̱a mo, me’d bampa/ gi Pam Masir si’da/ e mo jin c̱utha a’di bway ’kup̱ ki Pan Suugar mo. Yansan diki’di ṯwa/a/ mo ki Pan Saduum dhali Paŋ Gamuura ’konuki ’ce’d sho’k mo ki Tap̱a mo.
339	GEN 14:2	imaliḵ gwansan miiki mo/as ap̱owa Baara/ jin ta’da maliḵ gi Pan Saduum mo dhala Birshaa/ jin ta’da maliḵ gi Paŋ Gamuura mo dhala Shin/aab jin ta’da maliḵ gi Pa Admah mo dhala Shim/iibar jin ta’da maliḵ gi Pan Sabuyiim mo dhali a’di jin ta’da maliḵ gi Pam Baala/ mo (yansan ita Pan Suugar mo).
345	GEN 14:8	Dhali yan’ko’d mo tani maliḵ gi Pan Saduum mo dhala maliḵ gi Paŋ Gamuura mo dhala maliḵ gi Pa Admah mo dhala maliḵ gi Pan Sabuyiim mo dhala maliḵ gi Pam Baala/ mo (yansan ita Pan Suugar mo), uni iikin ka pije/ mo dhali uni gamki ’twa/ ’kup̱ mo e mo ma mee mo e Embul ma Siddiim mo
347	GEN 14:10	Dhali Embul ma Siddiim mo tani a’di i’tu’dkunu ki jis ma dena ma sip̱ti mo, dhali me’d jin soyina maliḵ gi Pan Saduum mo dhala maliḵ gi Paŋ Gamuura mo tani kun tiya ṯa’kkin e uni mo, dhali kun tiya sokin mo e ’kuwosh mo.
348	GEN 14:11	Wakan mo tani uni kun ta ’kup̱ gi uni mo tani uni ki budha ris to kun tana ’Kwani gi Pan Saduum mo dhali ’Kwani gi Paŋ Gamuura mo dhali aris tonṯem buni gom bway mo, dhali uni iikini bway buni mo.
380	GEN 15:19	a’di jin ta bampa/ gi ’Kwani Giin mo, dhali ’Kwani Genissi mo, dhali ’Kwani Gadmuun mo,
403	GEN 17:5	Gway pini minu doḵ/e yuḵ ka Abraam mo yisa, hili gway pini minu yuḵ ka Ibrahiim mo, haali/ aha/ karkina /e mo mmota ababa goma waambuhany kal gi ’kwaniny’cesh mo be.
417	GEN 17:19	Dhali Arumgimis oki gwo mo ki: Yisa. Hili Saarah jin ta ashim pini mo midi dho’th /e ya/in mo dhali gway piti mina /e iyuḵ ka Is/hak mo. Gwom pem jin gamka/ me’d mo tani miga/ ṯel sho’k mo nyaḵki a’di mo mmota gwo jin gamu me’d mo jin di’d ki sule/ sule/ mo gom emen piti kun mini pi ’peni a’di mo ’ko’di a’di mo be.
445	GEN 18:20	Yan’ko’d Tap̱a oki gwo mo ki: Haali/ cuuwa/ jin ’theru ap̱o/ Pan Saduum mo dhali Paŋ Gamuura mo maru is mo dhali miinthus buni caaca kagahara mo tani
454	GEN 18:29	Dhali doḵ/e a’di ki ṯor a’di gwo mo dhali o gwo mo ki: Waḵki/ uni ’koni iss ’kwanimpa isu/ kun minu ’taki gam mmun mowa? Dhali a’di thoḵki gwo mo ki: Gom gway gi uni kun ’koni iss ’kwanimpa isu/ mo tani aha/ mina diki mii a’di mo.
456	GEN 18:31	A’di oki gwo mo ki: Hili mo mo ma, aha/ bu’thkina a’di ap̱o/ is pem mo mmoṯor gwo e Tap̱a mo. Waḵki/ uni ’koni iss ’kwanimpa ’de/ mo kun minu ’taki gam mmun mowa? Dhali a’di thoḵki gwo mo ki: Gom gway gi uni kun ’koni iss ’kwanimpa ’de/ mo tani aha/ mina diki ’ce’d a’di sho’k mo.
457	GEN 18:32	Yan’ko’d a’di oki gwo mo ki: Ayy Tap̱a dhalku/ anyor ki shwa mo ma, dhali aha/ mina gwo ṯor doḵ/e mo jasi me’d ’deŋ gana/ mo. Waḵki/ uni ’koni ’kume’d mo kun minu ’taki gam mmun mowa? Dhali a’di thoḵki gwo mo ki: Gom gway gi uni kun ’koni ’kume’d mo tani aha/ mina diki ’ce’d a’di sho’k mo.
482	GEN 19:24	Dhali yan’ko’d mo tani Tap̱a a’di he’thki’da p̱o/ Pan Saduum mo dhali ap̱o/ Paŋ Gamuura mo to jin si’du/ mo dhala kap̱any o’d ’peni Tap̱a mo ’peni bwaman momis mo.
486	GEN 19:28	Dhali a’di hilki’da ’cesh mo ’kup̱ ki Pan Saduum mo dhali Paŋ Gamuura mo dhali ’kup̱ ki aris bampa/ jin ta mom’ba’da’d mo dhali a’di hilki mo mo. Dhali hili mo mo ma, aku’d ’peni bampa/ cuki mis mo me’da ku’d ’peni mo jin ’thanu o’d ki wur wur mo.
524	GEN 21:10	Gom gwo gi wakan mo tani ayim ki owa Ibrahiim gwo mo ki: Uri a’bom c̱iŋkina/ yan ka pije/ mo nyaḵka ’cim piti mo haali/ ya/ ma ’bom c̱iŋkina/ yan mo tani midi diki pwaḵ mal bwa nyaḵki ya/m pem mo, isi a’di jin ta’da Is/hak mo.
545	GEN 21:31	Gom gwo gi wakan mo a’di iyuḵkunu mo yansan gway ka Birsaba mo, haali/ uni su/ thulki gwo me’da p̱o/ mo be.
565	GEN 22:17	Gom mom’bor mii tani aha/ mina mar ’bor /e mii mo dhali gom mo jin maruwa mar is mo tani aha/ mara emen pini is mo mmowa e ka cul gi momis mo dhali mmowa e ka si’b kun ’koni bwaman ma gap̱ mo. Dhali emen pini mini dila ris to ’pena goŋ gi ’kwani gun ta ’kup̱ pini mo,
567	GEN 22:19	Gom gwo gi wakan mo tani Ibrahiim doḵki’d mo nyaḵki ’kwanin dhuru’c piti mo dhali uni ki cu mis mo dhali ii mo i monṯal ’de/ mo e Pam Birsaba mo. Dhala Ibrahiim c̱a’bki’d e Pam Birsaba mo be.
569	GEN 22:21	Jin ṯwa/a/ yuḵu gway ka Uus mo dhali jiŋ ’ko’d yuḵu gway ka Buus dhali jin ’kon ma p̱o/ ikwara yuḵu gway ka Gamu/iil mo a’di jin ta’da baba ma Araam mo
574	GEN 23:2	Dhala Saarah a’di wuki’d mo e Paŋ Giryat/arba (a’di jin ta Habruun) e bampa/ gi Paŋ Kanaan mo dhala Ibrahiim yaki’d mo mmoko goma Saarah dhali ko ki gwony jabu’th goma yim mo be.
589	GEN 23:17	Gom gwo gi wakan mo tani bunto ma Ip̱ruun e Pa Makp̱iilah a’di jin di’d ’kup̱ ka bor ki mis gi Pa Mamra mo, e bunto jin dina jurum wosh a’di jin di’di bwaman mo dhala ris cwa kun ’koni bunto mo ntagi shemen piti ’baar mo tani a’di i’kwarkunu mo
624	GEN 24:32	Gom gwo gi wakan mo tani wathi/ p̱u’dki’d e gu’b mo. Dhala Laabaan ’cuḵki kalman ashi/ mo dhali a’di ki c̱i uni awusha/ mo dhali tonṯe/ gom kalman mmoshwa mo dhali yi’de/ mmolam sho’k piti mo dhali sho’k gi ’kwani kun nyaḵ iiyu/ ki a’di mo be.
639	GEN 24:47	Gom gwo gi wakan mo tani aha/ p̱ikina mo dhala yim ki c̱i ki kalman mmop̱i si’da/ mo be. Dhali yan’ko’d mo tani aha/ ki doṯa yim gwo mo mmo/o ki: /E ta ’bwa/ maja si’da/? Ayim ki thoḵ aha/ gwo mo ki: Aha/ tana ’bwa/ ma Baṯu/iil jin ta ya/ ma Nahur mo, a’di jin dho’thkin ma Milkah a’di mo. Gom gwo gi wakan mo tani aha/ ki kar dhirriny ’dolkon e shush ma yim dhali gurany ’per eya bi ma yim mo be.
651	GEN 24:59	Gom gwo gi wakan mo tani uni hashkina Rip̱ka jin ta ’bwaham mo dhala yim jin midi nyaḵ di ki a’di mo dhali c̱iŋkina/ ma Ibrahiim mo dhali ’kwanim piti mo be.
660	GEN 25:1	Ibrahiim a’di bu’thki’da ’boma kamu/ mo a’di jin yuḵu gway ka Gathuurah mo be.
663	GEN 25:4	Dhali iya/ ma Midyaan uni si’da/ annihe/ mo: Ep̱ah dhala Ip̱ir mo dhala Hanuuk mo dhala Abiidaa/ mo dhala Elda/ah mo be. Aris uc̱i gwansan uni ta kuma Gathuurah mo be.
672	GEN 25:13	Gway gi iya/ ma Isma/iil mo tani uni annihe/ mo, a’di jin yerkunu ka baṯẖ ’pen ka dho’th buni mo: Nabayuut a’di ita’da bwanyara/ ma Isma/iil mo dhala Gidar mo dhala Adab/iil mo dhala Mibsaam mo,
674	GEN 25:15	dhala Hadaar mo dhala Teema mo dhala Yathuur mo dhala Nap̱ish mo dhala Gidmah mo be.
678	GEN 25:19	Gway gi iya/ ma Is/hak uni kun ta emen piti mo a’di jin ta ya/ ma Ibrahiim mo: Ibrahiim jin ta’da baba ma Is/hak mo.
681	GEN 25:22	Dhali uc̱i su/ gwansan uni gurunyki is e bwa ma yim mo, dhali ayim ki o gwo mo ki: Waḵki/ a’di wakan mo tani, ata si’da/ idika/ ki e mo? Gom gwo gi wakan mo tani ayim yaki’d mo dhali ’theḵ gwo yan e Tap̱a Arumgimis mo.
684	GEN 25:25	A’di jin p̱u’dki’di ṯwa/a/ mo tani a’di tagi ’per mo, dhali aris buŋgwar is piti wana e ki burrinye/ muri is mo. Gom gwo gi wakan mo tani a’di yuḵki a’di gway ka Iisu mo.
699	GEN 26:6	Gom gwo gi wakan mo tani Is/hak a’di c̱a’bki’d mo e Pany Jaraar mo be.
702	GEN 26:9	Gom gwo gi wakan mo tani Abimaalik yuḵki’da Is/hak mo dhali o a’di gwo mo ki: Hili mo mo ma, ayim ta ashin mo ba/, kata jan ona /e gwo oki ayim ta ’bwahan mo? Is/hak ki thoḵ a’di gwo mo ki: Haali/ aha/ kulumkina gwo ibwa mo oki aha/ mina wu mo gom gwo ma yim mo be.
704	GEN 26:11	Gom gwo gi wakan mo tani Abimaalik ki ruma aris ’kwani ’baar ki gwo mo mmo/o ki: A’di yin jin midi ta wathi/ yan is ki cwa mo walla ashim piti mo tani a’di minu ’kosh jwa mo be.
710	GEN 26:17	Gom gwo gi wakan mo tani Is/hak yaki’d mo ’peni maṯṯaan mo dhali nyaŋ gu’b burrinyem piti e embul wosh ma Jaraar mo dhali c̱a’bi mun mo be.
718	GEN 26:25	Gom gwo gi wakan mo tani a’di nyaŋki’da gwaṯa/ jin miinuwa basa ’cesh mo e mun mo dhali yuḵ gway gi Tap̱a mo dhali thum gu’b burrinyem piti i mun mo. Dhali e mun mo tani c̱iŋkina/ ma Is/hak uni c̱wanyki jis yi’de/ ka ris mo.
723	GEN 26:30	Gom gwo gi wakan mo tani a’di miiki uni tonṯe/ jin shwanu ka tul ’kup̱ mo dhali uni shwaki to mo dhali uni p̱iki to mo be.
726	GEN 26:33	A’di yuḵki jis yi’de/ yan gway mo ka Shibah mo. Gom ’pemen gwo gi wakan mo tani a’di iyuḵkunu ’peŋkuman bampa/ yan gway ka Birsaba ntagi shwanesan mo be.
733	GEN 27:5	Dhala Rip̱ka ciḵki gwo yan me’d jin okin ma Is/hak gwo e ya/m piti ka Iisu mo. Gom gwo gi wakan mo tani Iisu a’di yaki’d ka pije/ mo dhali par tombwaasho mo dhali ’koshi a’di mo dhali ḵali a’di mo.
742	GEN 27:14	Gom gwo gi wakan mo tani a’di yaki’d mo dhali buthi uni mo dhali ’doyu/ uni ki kum mo, dhali kum ki thoson shum kun ’kunya’kuny mo, me’d jin enkina com kagahara mo be.
770	GEN 27:42	Hili gwo gi Iisu a’di ṯorkunuwa Rip̱ka mo a’di jin ta’da bwanyara/ ma yim mo. Gom gwo gi wakan mo tani ayim hashki gwo mo mmoyuḵa Yakuub jin ta ari ya/ ma yim jin gwa’da’d mo, dhali o a’di gwo mo ki: Hili mo mo ma, akam pini ka Iisu a’di malaski is piti mo dhali thoson is mo mmo’kosh /e jwa mo.
773	GEN 27:45	Ntaga nyor ma kan yan mina she/ i’thup̱ mo dhali a’di midi this to gwan e mo kun miikina /e mo. Yan’ko’d aha/ mina hash gwo mo dhali susi /e ka nyaŋ’ko’d ’peni mun mo. Goma tinta imiga/ this um isu/ e mo mmonṯal ’de/ ka cim ’de/ kan mo.
830	GEN 29:34	Doḵ/e ayim bwaaki’d mo dhali dho’th ya/ mo dhali o gwo mo ki: Shwanesan mo akaṯẖim pem midi gam is piti me’d ki aha/ mo haali/ aha/ dho’thkina a’di uc̱iŋgwaṯẖi kwara mo. Gom gwo gi wakan mo tani a’di iyuḵkunu a’di gway ka Lawi mo.
831	GEN 29:35	Dhali ayim bwaaki’d doḵ/e mo dhali dho’th ya/ mo dhali o gwo mo ki: Aha/ mina maŋ Tap̱a mo ganne/ mo. Gom gwo gi wakan mo tani a’di iyuḵkunu a’di gway piti ka Yahuuda mo, dhali yan’ko’da yim daḵki’da dho’th mo be.
837	GEN 30:6	Dhali yan’ko’d Rahiil ki o gwo mo ki: Arumgimis dwallki aha/ gwo mo dhali a’di si’da/ ciḵki aha/ ’twa/ mo dhali c̱iki aha/ ya/m mo. Gom gwo gi wakan mo tani ayim ki yuḵ a’di gway mo ka Daan mo.
839	GEN 30:8	Dhali yan’ko’d Rahiil oki gwo mo ki: Ki mon’thir jin c̱a’bki dem dem mo tani a’di i’thirkika/ ’bwah pem mo dhali p̱i gwo jip̱i/ mo. Gom gwo gi wakan mo tani ayim ki yuḵ a’di gway mo ka Nap̱taali mo.
878	GEN 31:4	Gom gwo gi wakan mo tani aYakuub hashki gwo eya Rahiil dhala Le/ah e mombwaasho jin ’kona ma’diny ḵa’bal piti mo.
883	GEN 31:9	Gom gwo gi wakan mo tani a’di ibu’thkin ma Arumgimis to/e ma babam bum mo dhali c̱i uni ki aha/ mo.
901	GEN 31:27	Gomata iguskina /e ka ḵwal is mo dhali ḵwal aha/ to mo dhali ilu/ diki ṯor aha/ gwo mo, wakan ki aha/ mina ’taki karki /e ’pen ki bwaŋ ’kunyu’d mo dhali ki gway jin yuḵu mo ka danluuka kun doru ki me’d mo dhali ka dheŋdhenye/ kun ’kon ma shu/i pesu/ mo?
922	GEN 31:48	Dhala Laabaan ki o gwo mo ki: Wosh su’k yan mo tani a’di midi ṯor gwo e bwaman /e dhali aha/ mo ’pena tee yan shwane/ mo. Gom gwo gi wakan mo tani a’di yuḵki mo yan gway ka Jal/iid mo be.
956	GEN 32:28	Dhali a’di ki o a’di gwo mo ki: Gway pini yuḵu kaja mo? Dhali a’di ki thoḵ a’di gwo mo ka: Yakuub mo.
957	GEN 32:29	Dhali yan’ko’d a’di ki o gwo mo ki: Gway pini minu mii ’koki doḵ/e yuḵ ka Yakuub yisa, hili ka Israyiil mo haali/ /e askina Arumgimis nycine/ mo dhali ’kwani mo dhali /e p̱iki mii e mo be.
958	GEN 32:30	Dhali yan’ko’d Yakuub ki doṯ a’di gwo mo ki: Ṯori aha/ gwo mo ma aha/ ’thona /e mo, gway pini yuḵu kaja mo? Hili a’di oki gwo mo ki: Gomatinta idoṯkina /e gway pem mo? Dhali a’di ki la dhiŋ mii is mo i’bor a’di mii mo be.
961	GEN 32:33	Gom gwo gi wakan mo ’pena cim c̱aan mo tani ’Kwani ma Israyiili ’baar mo tani uni ’koki ’ka to kun miinycuru/ ’kus ki ’bi’th mo mmoraḵ dugu’b buni ’peni awum mo haali/ a’di burushki’da Yakuub awum piti mo ’peni dugu’b mo be.
978	GEN 33:17	Hila Yakuub a’di yaki’d mo e Pan Sukkuut mo dhali nyaŋ gu’b gom is piti mo dhali nyaŋa ris c̱iŋŋa/ goma ris to/em piti mo. Gom gwo gi wakan mo tani a’di iyuḵkunu mo c̱aan gway mo ka Sukkuut mo be.
985	GEN 34:4	Wakan Shakiim ṯorki’da ṯor ki com jin ta’da Hamuur mo mmo/o gwo mo ki: Guyaa/ nyara/ yan mo ma mmota a’bom pem mo.
999	GEN 34:18	Gwom buni ’borki’da Hamuur bwa mo dhala Shakiim jin ta ya/ ma Hamuur mo be.
1022	GEN 35:10	Dhali Arumgimis ki o a’di gwo mo ki: Gway pini be yuḵu ka Yakuub mo be dhali /e yisa minu doḵ/e yuḵ gway pini ka Yakuuba mo yisa. Hili gway pini minu yuḵ ka Israyiil mo. Wakan a’di iyuḵkunu a’di gway ka Israyiil mo be.
1039	GEN 35:27	Dhala Yakuub p̱u’dki’di com ka Is/hak mo e Pa Mamra mo walla e Paŋ Giryat/arba mo a’di jin ta Pa Habruun mo e mo jin yakin ma Ibrahiim dhala Is/hak iinyc̱a/ mo be.
1046	GEN 36:5	Dhala Uhulibaamah dho’thki’da Ya/uush dhala Yalaam dhala Guurah mo. Uni gwansan ita iya/ ma Iisu mo kun dho’thkunu a’di mo me’d jin dikina a’di e Paŋ Kanaan mo be.
1051	GEN 36:10	Gway gi iya/ ma Iisu uni annihe/ mo: Elip̱aas jin ta ya/ ma Ada mo jin ta asha Iisu mo dhala Ra/u/iil jin ta ya/ ma Basmah jin ta asha Iisu mo.
1052	GEN 36:11	Dhali iya/ ma Elip̱aas uni annihe/ mo: Temaan dhala Awmaar dhala Sap̱wa dhala Ja/ṯẖaam dhala Ganaas mo be.
1055	GEN 36:14	Uni gwansan ita iya/ ma Uhulibaamah mo a’di jin ta ’bwa/ ma Ana mo jin ta ya/ ma Sib/uun mo jin ta asha Iisu mo. Ayim dho’thki a’di aYa/uush mo dhala Yalaam dhala Guurah mo be.
1056	GEN 36:15	Uni gwansan ita iya/ ma Iisu kun tana ris tap̱a mo. Iya/ ma Elip̱aas a’di jin ta’da bwanyara/ ma Iisu mo: Temaan dhala Awmaar dhala Sap̱wa dhala Ganaas uni ita tap̱a mo.
1057	GEN 36:16	Guurah dhala Ja/ṯẖaam dhala Amaliik uni gwansan si’da/ ita tap̱a ’pena Elip̱aas e bampa/ gi Pan Aduum mo uni kun ta iya/ ma Ada mo.
1059	GEN 36:18	Uni gwansan ita iya/ ma Uhulibaamah jin ta asha Iisu mo uni kun ta itap̱a mo: Ya/uush dhala Yalaam dhala Guurah mo. Uni gwansan ita tap̱a ’pena Uhulibaamah jin ta ’bwa/ ma Ana a’di jin ta asha Iisu mo be.
1083	GEN 36:42	Ganaas dhala Temaan dhala Mibsar.
1117	GEN 37:33	Dhali a’di nyiṯẖki a’di mo dhali o gwo mo ki: A’di ta burrinyen turga/ gi ya/m pem mo. A’di be ’koshkina toŋgwap̱i/ mo ’te/ be. Gwo jin minu dhaŋ goma Yuusup̱ p̱iyi’d mo haali/ a’di idherkina to bwa ka gwap̱i/ mo.
1144	GEN 38:24	’Ko’da ppe kwara ŋ’ko’d mo Yahuuda ṯorkunu gwo mo ka Ṯẖamar jin ta’da marem pini a’di lo’bki’di miinyc̱al mo dhali shwane/ ayim a’di bwaaki’da ’ci ki miinyc̱al mo. Dhala Yahuuda oki gwo mo ki: Guya ayim ka pije/ mo dhali dhalka ayim c̱idhu ki o’d mo.
1233	GEN 41:37	Gwo yan ’thinuwa ’cesh mo tani a’di wame’d ’boro’da P̱irawn e ki ’bor mo dhali ’kwani si’da/ kun miina ṯu’c piti ’baar mo.
1268	GEN 42:15	Gom mii yansan mo tani um minu pal mo ki mondiki/e ma P̱irawn mo, um mini mish ii ’peni mo yan yisa ntagi um mini sus ara kam bum jin ta’da ṯu/u imahan mo.
1274	GEN 42:21	Dhali yan’ko’d uni oki gwo ka rem’kup̱ mo ki: Ka jiŋ gana/ ana ’kona mii i’ba/ isi gwo goma kam bana mo me’d jin mishkina ana mii ma ḵashiram piti jin diki’d e mo ma c̱is mo ki a’di suski ana gwo sho’k mo dhali ana ’konaki ciḵ gwom piti mo. Gom gwo gi wakan mo tani a’di biṯa mii ma c̱is ap̱o/ ana mo be.
1281	GEN 42:28	Dhali a’di oki ikam gwo mo ki: Aguurush pem doḵkunu aha/ i is ka nyaŋ’ko’d mo. A’di a’dihe/ e ’twaman ma wolgwap̱im pem mo. Gom mii yan mo tani adum buni ushki uni me’di e mo dhali uni ṯu’kkin ka rem’kup̱ mo mmode ki bir bir mo mmo/o gwo mo ki: Atinta a’dan mo? a’di jin miikin ma Arumgimis ana mo.
1286	GEN 42:33	Dhali yan’ko’d wathi/ jin ta tap̱a gom bampa/ yan mo oki aman gwo mo ki: Gom kan mo tani aha/ mina mish um ki um ta ’kwaniŋ ḵar/e mo. Dhalka kam buma kamun ’de/ nyaḵki aha/ mo dhali ḵali pos mo gom ṯe/ gom kuŋ gu’b bumi ’baar mo dhali iiku/ mo e bway bum mo.
1332	GEN 44:7	Uni thoḵki a’di gwo mo ki: Atinta i/okina tap̱am bam gwo gi wakan mo? Gwo midi mii si’dasi’d ’peni aman kun tana c̱iŋkinam pini mo ki uni mini ’taki mii to gi wakan mo.
1360	GEN 45:1	Dhala Yuusup̱ mol is piti non mo ibwambori aris ’kwani kun nyaḵ ’ko ki a’di mo, dhali a’di ’therki ko mo ki: Raḵa ris ’kwani ’baar mo mmo/ii ka pije/ ’peni aha/ mo. Gom gwo gi wakan mo tani wathin ṯal ’deŋ kamu/ yisa di’d nyaḵki a’di mo me’d jin ṯorkin ma Yuusup̱ is piti eya tente/ e ikam piti mo.
1368	GEN 45:9	Thosoni is ki jahanne/ mo dhali iiku/ ka gagamis mo eya babam pem mo dhali oyi a’di gwo mo ki: Gwo jin ona ya/m pini ka Yuusup̱ a’dihe/ mo ki: Arumgimis karki aha/ ki tap̱a ’Kwani Masiri ’baar mo. Yayu/ ka luŋgu’bi aha/ mo. Dhalka diiṯe/ ki miiyu/ mo.
1382	GEN 45:23	Goma babam piti mo tani to kun hashkina a’di gom a’di mo tani uni ta thuluny i’kume’d mo kun su’kkunu tom ’boron gi Pa Masira p̱o/ mo dhali kuman thuluny ’koni ’kume’d kun su’kkunu posa p̱o/ mo dhali maaŋḵuthu’d mo dhali tonṯe/ si’da/ thosonkunu is mo goma babam piti mo gom ya jin mina a’di iyayu/ i bway mo.
1398	GEN 46:11	Dhali gway gi iya/ ma Lawi uni annihe/ mo: Jirshuun dhala Gahaat dhala Maraari mo.
1443	GEN 47:22	Jasi mony’cesh ’kwani kun ta igasiis mo tani a’di dina a’di ki yol mo haali/ igasiis uni ita gi to kun ḵalkina uni ki me’d ’pena P̱irawn mo dhali ’ko ki e mo ’peni to gwansan kun ḵalkina uni ki me’d mo kun c̱ikin ma P̱irawn uni mo. Gom gwo gi wakan mo tani uni ’koki yol mony’cesh buni mo be.
1480	GEN 49:6	Ayy aḵashiram pem midi diki ya ’kup̱ ki mo ma tul is buni mo. Ayy shi/in pem midi diki gam dhana ŋul’kup̱ ’kwanim buni is mo. Goma nyor buni mo tani uni ’koshki ’kwani mo dhali mmocana uni bwa en’dap̱ buni mo tani uni ki ’ciṯẖa morbip̱ buni dugu’b gi ’kup̱a’dup̱un buni mo be.
1518	GEN 50:11	Ki ’kwani kun cila mony’cesh yan mo tani uni gun ta ’Kwaniŋ Kanaan mo p̱arki kony jwa jin gwokunu mo e ja’dam pos gi Pan Athaad mo tani uni oki gwo mo ki: Kony jwa yansan jin gwokunu mo tani a’di ita a’di jin jwakaṯki’da du mo gom ’Kwani Masir mo. Gom gwo gi wakan mo tani a’di iyuḵkunu mo yan gway ka Aabilmisrayim mo. A’di jin diki’d e bwamp̱o/ Yi’deŋ Ḵumma/ Uurdun mo be.
1523	GEN 50:16	Gom gwo gi wakan mo tani uni hashki gwo aYuusup̱ mo dhali o gwo mo ki: Ababam pini a’di iḵanki gwo yansan nṯwa/a/ ki a’di diki wu mo ki:
1524	GEN 50:17	Oya Yuusup̱ gwo mo ki: Gwami agwam mo ma, aha/ ’thona /e mo, gwondhaŋ gi ikam pini mo dhali miinthus buni mo haali/ uni miiki /e tonthusa p̱o/ mo. Dhali shwane/ am ’thona /e ki /e mini gwama/ gwam mo gom gwondhaŋ gi c̱iŋkina/ ma Arumgimis mo jin ta’da Arumgimis ma babam pini mo. Yuusup̱ a’di gwoki’d mo me’d jin ṯorkina uni aṯor ki a’di mo.
1534	EXO 1:1	Gwansan i ta gway gi iya/ ma Israyiil mo uni kun iikin bway Pam Masir mo nyaḵka Yakuub mo, aris uni ka ’deṯe/ ’deṯe/ mo ’peni kuŋ gu’b piti mo be.
1540	EXO 1:7	Hili emen ma Israyiil uni dho’thkin ka ris mo dhali markunu is kagahara mo. Dhali uni eḵkin mo ki nyanye/ dhali ’bi’thkina is ki ’bi’th mo. Gom kan mo tani Pam Masir ’tu’dkunu ki uni mo.
1544	EXO 1:11	Gom ’kup̱ gwo yan tani uni dhuki itap̱a ap̱o/ uni mo mmoṯa/ uni is jwa ka ṯu’c kun diṯadiṯ mo. Dhali uni nyaŋkina P̱irawn ’peŋkuman bampa/ ki jasi mondhu tom piti mo kun yuḵu gway ka Piṯuum dhala Ramasiis mo be.
1563	EXO 2:8	Dhali ’bwa/ ma P̱irawn ki o ari nyara/ gwo mo ki: Nye, yaku/ mo ma. Gom gwo gi wakan mo tani ari nyara/ yaki’d mo dhali yuḵi kum ma ’ci mo be.
1564	EXO 2:9	Dhali ’bwa/ ma P̱irawn o’da yim gwo mo ki: ḵalka ’ci yansan mo dhali thip̱i a’di mo gom aha/ mo dhali aha/ mina c̱iki /e to jin miina /eya ṯu’c gom a’di mo. Gom gwo gi wakan mo tani a’bom bu’thki’da ’ci mo dhali thip̱ a’di mo be.
1593	EXO 3:13	Dhali yan’ko’d aMusa ki owa Arumgimis gwo mo ki: Waḵki/ aha/ mina p̱u’dku/ e ’kwani ma Israyiil mo dhali o uni gwo mo ki: Arumgimis gi ibabam bum a’di i hashki aha/ i um mo tani uni mini doṯ aha/ gwo mo ki: Gway piti yuḵu kaja mo? Atinta i miga/ thoḵ uni mo?
1595	EXO 3:15	Arumgimis si’da/ ki owa Musa gwo mo ki: Oyi gwo yansan mo ma e ’kwani ma Israyiil mo ki: Aha/ jin tana TAP̱A jin ta’da Arumgimis gi ibabam bum mo a’di jin ta’da Arumgimis ma Ibrahiim mo dhali Arumgimis ma Is/hak mo dhali Arumgimis ma Yakuub mo aha/ i hashkina /e i uni mo. Gway pem a’dansan ki sule/ sule/ ya ye ’ba/ mo. Gway yan a’di ta ’pemen jin min ma risa nyaḵum yili heri ’baar mo ka londhoṯẖ mo be.