96	GEN 4:16	Dhali yan’ko’da Kayiin yaki’d ka pije/ ’peni buŋ’kus gi Tap̱a mo dhali c̱a’b e mony’cesh gi Pa Nud mo, e mom’pesho’k ma Idin mo.
102	GEN 4:22	Dhala Sillah dho’thki’da Tubalkayiin mo. A’di ta’da mandor to kun kaaka mo dhali gurany mo dhali toŋḵuthu’d mo. Dhali ’bwaham ma Tubalkayiin yuḵu gway ka Naama mo.
135	GEN 5:29	dhali a’di ki yuḵ a’di gway ka Nuuh mo mmo/o gwo mo ki: ’Pena ’cesh jin jeekina Tap̱a mo tani jan ’de/ yansansan a’di midi ḵal ana mo jin minu raḵ ana is ka ’cesh mo ’peni miin tom bana mo dhali ’peni miin tom bana jin ’kosha ana ki me’d bana ki ṯu/ul ṯu/ul ki is jin wu ana e mo.
136	GEN 5:30	Dhala Laamak c̱a’bki’d ki e mo ’ko’di dho’th ma Nuuh mo ka yili iss ’kwanimpa i/iss ’de/ i’ce’dki iss ’kwanimpa ipedoŋon i’ce’dka ḵarpa’c ap̱o/ mo, dhali a’di ta’dki iya/a tiya mo dhali i’bwa/a tiya mo.
138	GEN 5:32	Ka Nuuh taki’d ki yili iss ’kwanimpa i/iss ’de/ i’ce’dki iss ’kwanimpa imudhe’d mo tani a’di warki’d ka baba ma Saam dhala Haam dhala Yap̱aṯẖ mo.
146	GEN 6:8	Hili Nuuh gamki’da ’the e e gi Tap̱a mo.
147	GEN 6:9	Uni gwansan itana nyaḵum yil ma Nuuh mo. Nuuh a’di ita wathiŋ ḵar/e mo, dar gi mii ’ba/ e nyaḵum yil gi ’kwanim piti mo. Nuuh nyaḵ ya ka Arumgimis mo.
148	GEN 6:10	Dhala Nuuh ta gi iya/ ikwara mo: Saam dhala Haam dhala Yap̱aṯẖ mo.
151	GEN 6:13	Dhali Arumgimis ki owa Nuuh gwo mo ki: Aha/ ḵara/ dina gwo ibwa mo ba/ mmodaḵa ris buŋgwar is ’kup̱ mo haali/ mony’cesh a’di ’tu’dkunu ki piny piny ki mo ma bujur gi uni mo. Hili mo mo ma, aha/ mina ’ce’d uni sho’k nyaḵki mony’ceshi lu/ mo.
154	GEN 6:16	Nyaŋa ḵur ’kup̱an mo dhali ’baari a’di mo ntagi gulam piti ’kup̱ mo dhali /e mini kar ’twaŋkal goma ḵur si’da/ e em bwaman piti mo dhali uḵi a’di ki dhunya/ dhunya/ ka maḵamp̱o/ mo ka p̱o/i kwara mo.
160	GEN 6:22	Nuuh miiki mii yansan mo. A’di miiki’da ris gwo kun ḵankin ma Arumgimis a’di mo be.
161	GEN 7:1	Dhali yan’ko’d Tap̱a ki owa Nuuh gwo mo ki: Yaku/ bwaa ḵur mo, /e dhala risa waḵ gi gu’b pini mo, haali/ aha/ misha ki /e ta wathiŋ ḵar/e ibwambori aha/ ki nyaḵum yil gi ’kwani gwansan mo.
165	GEN 7:5	Dhala Nuuh a’di mii’da ris to kun ḵana Tap̱a a’di mo.
166	GEN 7:6	Dhala Nuuh ’koni yil iss ’kwanimpa i/iss ’de/ i’ce’dki iss ’kwanimpa i’kume’d mo me’d jin p̱u’dkin ma gannu/ yi’de/ ap̱o/ mony’cesh mo.
167	GEN 7:7	Dhala Nuuh dhali iya/m piti dhali ash dhali i/ash gi iya/m piti nyaḵki a’di mo tani uni iikin e bwaa ḵur mo mmoye ’pena gannu/ yi’de/ mo.
169	GEN 7:9	ka susu/ susu/ mo, gwasan dhali kuman mo, iikin e bwam ma ḵur nyaḵka Nuuh mo me’d gwo jin ḵankin ma Arumgimisa Nuuh mo.
171	GEN 7:11	Ka yil iss ’kwanimpa i/iss ’de/ i’ce’dki iss ’kwanimpa i’kume’d jin ta yil mondiki/e ma Nuuh mo tani, ka ppe jiŋ ’ko’d mo jin ta’da cim ’kume’d i’ce’dka pesu/ ma appe mo, dhali ka cim c̱aan mo tani aris yi’de/ kun kasha e ’peni jisa ’kulga/ uni ’twaḵkin mo dhali campur gi momis a’di ḵa’dkunu ’twa/ mo.
173	GEN 7:13	Dhali ka tenteŋ gana/ yan mo tani Nuuh dhali iya/m piti jin ta’da Saam dhala Haam dhala Yap̱aṯẖ dhali asha Nuuh dhali up̱ gi iya/m piti kun ’koni kwara nyaḵki cic̱ ki uni e bwam ma ḵur mo,
175	GEN 7:15	Uni iikin nyaḵka Nuuh e bwam ma ḵur mo, ka susu/ susu/ mo, aris to kun ta ga shuman is mo e uni kun p̱inu shush buni mmo’ko ki e mo.
183	GEN 7:23	A’di ḵalki’da ris to ’baar mo sho’k ka pije/ mo kun ’kon ki e ’peni bwam/e ga ’cesh mo, ’kwani dhali to/e dhali to kun parana ’cesh mo dhali ’dii kun p̱en e momis mo tani uni iḵalkina a’di sho’k ka pije/ ’peni mony’cesh mo. Jasa Nuuh a’di ’de/ idhalkunu mo dhali uni gwansan kun nyaḵ ’ko ki a’di eya ḵur mo.
185	GEN 8:1	Hili Arumgimis kaki’da Nuuh e mo dhala ris tombwaasho mo dhala ris to/e mo kun nyaḵ ’ko ki a’di e bwam ma ḵur mo. Dhali Arumgimis ki uḵ dhan ’tham mmoposha p̱o/ mony’cesh mo dhali yi’de/ a’di guki’da wuuy mo.
190	GEN 8:6	Dhali ’ko’da cim iss ’kwanimpa su/ ’baarki’d mo tani Nuuh ’ce’dki’da shubbaak ma ḵur mo a’di jin uḵkina a’di mo.
195	GEN 8:11	Dhali gurko/ p̱u’dki’d ka nyaŋ’ko’d i a’di mom’pimpili/ mo dhali hili mo mo ma, ayim ḵalki’d e ’twam piti ’cemen jip̱i/ cwa seṯuun jin ta’da go’d go’d mo jin daḵa ’ciṯẖkunu ki she/ mo. Wakana Nuuh a’di mishki mo mo ki yi’de/ a’di guki’da wuuy ’peni mony’cesh mo.
197	GEN 8:13	Ka yil iss ’kwanimpa i/iss ’de/ i’ce’dki iss ’kwanimpa i’kume’d i’ce’dka ’de/ mo, dhali ka appe jin ṯwa/a/ dhali ka cim ’de/ ka appe mo, yi’de/ a’di ḵu’thki’d ’peni mony’cesh mo dhala Nuuh a’di ’ceeki’da ḵur ’kup̱ mo dhali a’di ki p̱ar mo e mo dhali hili mo mo ma, bwam/e ga ’cesh a’di pupura/ pupur mo.
199	GEN 8:15	Dhali yan’ko’d Arumgimis ki owa Nuuh gwo mo ki:
202	GEN 8:18	Wakana Nuuh yaki’d ka pije/ mo dhali iya/m piti mo dhali ash mo dhali up̱ gi iya/ nyaḵki a’di mo.
204	GEN 8:20	Dhali yan’ko’da Nuuh ki nyaŋa gwaṯa/ mmomiiya bas gom Tap̱a mo dhali a’di ki bu’th to/e kun dheleladhelel mo ’pena ris tiya mo dhali ’dii kun dheleladhelel mo ’pena ris tiya mo dhali a’di ki c̱i to kun ’ciṯẖu/ ’kus mmomiiya bas eya gwaṯa/ mo.
207	GEN 9:1	Dhali Arumgimis ki ’bora Nuuh mii mo dhali iya/m piti mo dhali o uni gwo mo ki: Dhodhi maman mo dhali mari is mo dhali ’tu’di mony’cesh mo.
214	GEN 9:8	Dhali yan’ko’d Arumgimis ki owa Nuuh dhali iya/ kun nyaḵ ’ko ki a’di gwo mo ki:
223	GEN 9:17	Arumgimis ki owa Nuuh gwo mo ki: A’di ta jamas mii gi gwo jin gamka/ me’d mo, a’di jin miga/ ṯel sho’k ibwaman aha/ mo dhali aris buŋgwar is kun ’kon e mony’cesh mo.
224	GEN 9:18	Iya/ ma Nuuh kun iikin ka pije/ ’peni bwaman ma ḵur mo tani jan ’de/ yuḵu gway ka Saam mo, dhali jaŋ kamu/ yuḵu gway ka Haam mo dhali jaŋ kamu/ yuḵu gway ka Yap̱aṯẖ mo. Haam a’di ta’da baba ma Kanaan mo.
225	GEN 9:19	Uniŋ kwaraŋ gwansan mo tani ita iya/ ma Nuuh mo, dhali ’peni uni gwansan mo tani mony’cesh taki’d gi ’kwani mo.
226	GEN 9:20	Nuuh a’di ta wathin ṯal ’de/ jin ṯwa/a/ jin ḵorki’da ’cesh mo. A’di siki’da mura’th mo.
230	GEN 9:24	Ka Nuuh merki e mo ’peni mom piti jin ’kosha yimana mura’th a’di mo dhali mish to jin miina a’di ya/ jin gwa’da’d a’di wakan mo tani
234	GEN 9:28	Dhali ’ko’da gannu/ yi’de/ ’baarki’d mo tani Nuuh c̱a’bki’d ki e mo ki yili iss ’kwanimpa ḵarpa’c i’ce’dki iss ’kwanimpa su/ i’ce’dka ’kume’d ap̱o/ mo.
235	GEN 9:29	Dhali arisa tee ma Nuuh kun c̱a’bkina a’di ki e mo tani uni ’koni iss ’kwanimpa i/iss su/ i’ce’dki iss ’kwanimpa ipesu/ i’ce’dka ’kume’d ap̱o/ mo, dhali a’di wuki’d mo.
236	GEN 10:1	Uni gwansan itana nyaḵum yil gi iya/ ma Nuuh mo uni gun ta Saam dhala Haam dhala Yap̱aṯẖ mo. Iya/ dho’thkunu uni mo ’ko’da gannu/ yi’de/ mo be.
243	GEN 10:8	Kush a’di warki’d ka baba ma Nimruud mo. A’di ta wathi/ en’thi/ jin ṯwa/a/ jin c̱a’bki dem dem e mony’cesh mo.
244	GEN 10:9	A’di ta wathi/ jin c̱a’bki dem dem mmopar ka yempa/ ibwambori Tap̱a mo. Gom gwo gi wakan mo tani a’di onu gwo mo ki: Wathi/ jin waga Nimruud jin c̱a’bki dem dem ibwambori Tap̱a mo.
246	GEN 10:11	’Peni mony’cesh c̱aan mo tani a’di yaki’d mo e Pa Ashshuur mo dhali nyaŋ Pa Ninawa mo dhali Pa Rahubuteer mo dhali Paŋ Kaalah mo
247	GEN 10:12	Dhali Pa Rasan ibwaman gi Pa Ninawa mo dhali gi Paŋ Kaalah mo, a’di jin ta ’peŋkuman bampa/ jin caaca mo.
248	GEN 10:13	Masir warki’d ka baba ma Ludim mo dhala Anamiim mo dhala Lahabiim mo dhala Nap̱tuhiim mo
267	GEN 10:32	Uni gwansan itana waḵ gi iya/ ma Nuuh mo isi gi gwom buni jin bele’thkunu mo dhali gom kal buni mo, dhali ’peni uni gwansan mo tani kal gi ’kwani uni ihagaski mony’cesh ki lala’th mo ’ko’da gannu/ yi’de/ mo be.
289	GEN 11:22	Ka Saruuj c̱a’bki’d ki e ki yili iss ’de/ i’ce’dka ’kume’d mo tani a’di warki’d ka baba ma Nahur mo.
290	GEN 11:23	Dhala Saruuj c̱a’bki’d ki e mo ’ko’di dho’th ma Nahur mo ki yili iss ’kwanimpa i’kume’d mo, dhali a’di ta’dki iya/a tiya mo dhali i’bwa/a tiya mo.
291	GEN 11:24	Ka Nahur c̱a’bki’d ki e ki yili iss ’de/ i’ce’dka pedoŋon mo tani a’di warki’d ka baba ma Taarah mo.
292	GEN 11:25	Dhala Nahur c̱a’bki’d ki e mo ’ko’di dho’th ma Taarah mo ki yili iss ’kwanimpa ipe’de/ i/aṯẖ ’de/ mo, dhali a’di ta’dki iya/a tiya mo dhali i’bwa/a tiya mo.
293	GEN 11:26	Ka Taarah c̱a’bki’d ki e ki yili iss ’kwanimpa ikwara i’ce’dka ’kume’d mo tani a’di warki’d ka baba ma Abraam mo dhala Nahur mo dhala Haraan mo.
294	GEN 11:27	Dhali uni gwansan mo tani uni ita emen ma Taarah mo. Taarah a’di ta’da baba ma Abraam mo dhala Nahur mo dhala Haraan mo, dhala Haraan ta’da baba ma Luuth mo.
296	GEN 11:29	Dhala Abraam dhala Nahur mashkin mo. Dhali asha Abraam yuḵu gway ka Saray, dhali gway gi asha Nahur yuḵu ka Milkah mo a’di jin ta ’bwa/ ma Haraan mo a’di jin ta com ga Milkah dhala Yiskah mo.
431	GEN 18:6	Dhala Ibrahiim miiki is ki ’kasa/ ’kasa/ mo mmop̱u’d e gu’b burrinye/ eya Saarah mo dhali oki gwo mo ki: Thosoni to ki jahanne/ mo ma, to jin ta’da dip̱any jin ’tiya’ti jin baru ka uc̱aŋi kwara mo. Na’th a’di mo ma dhali miiya guraasa mo ma.
502	GEN 20:6	Dhali yan’ko’d Arumgimis oki a’di gwo mo ki tony jan mo ki: Nye, a’di imishka/ mo ki mii yan a’di imiikina /e mo ki mii jin miikunu mo ki dar gi ŋadhum eya dum pini mo. Dhali a’di ita aha/ si’da/ jin nonkina /e mo ’peni mo jin miikunu miinthus ap̱o/ aha/ mo. Haali/ a’di gi wakan mo tani a’di dika/ ki dhal /e bway mo mmota ayim is ki me’d moyi.
568	GEN 22:20	Dhali a’di warki’d ki mo jin peki’d mo ’ko’da ris to gwansan gun ṯorkunu Ibrahiim mo mmo/o ki: Hili mo mo ma, aMilkah a’di dho’thki uc̱i mo ka kan ka Nahur mo,
571	GEN 22:23	Dhala Baṯu/iil dho’thki’da Rip̱ka mo. Uc̱i ipekwara gwansan idho’thkin ma Milkah goma Nahur mo jin ta’da kam ma Ibrahiim mo be.
602	GEN 24:10	Dhali yan’ko’d c̱iŋkina/ a’di suski kalmani ’kume’d jin ta ji gi tap̱am piti mo dhali bu’th moyam piti mo. Dhali a’di ki kala ris to kun c̱inu ki me’d e kugu ’peni tap̱am piti mo. Dhali a’di cuki mis mo dhali ya mo e uḵa ’cesh jin tana dhan yi’deya ḵara’b e ’peŋkuman bampa/ ma Nahur mo be.
607	GEN 24:15	Nṯwa/a/ ki a’di ki ’baarki gwom piti mmo/o mo tani hili mo mo ma, Rip̱ka a’di jin dho’thkunu ka Baṯu/iil jin ta ya/ ma Milkah jin ta ash ma Nahur jin ta’da kam ma Ibrahiim mo tani a’di yayi’d ka pije/ ka dhur yi’dem piti me’d e ’kup̱a bi ma yim mo be.
616	GEN 24:24	Ayim ki o a’di gwo mo ki: Aha/ tana ’bwa/ ma Baṯu/iil jin ta ya/ ma Milkah mo a’di jin dho’thkin ma yim ka Nahur mo be.
637	GEN 24:45	Nṯwa/a/ ki aha/ daḵa gwom pem o mo eya du mo tani hili mo mo ma, aRip̱ka a’di ayim p̱u’dki’d mo nyaḵki dhur yi’de/ e ’kup̱a bi ma yim mo dhala yim yaki’d ka luŋgu’b e jis yi’de/ jin kasha e mo dhali mush yi’de/ mo dhali aha/ ki owa yim gwo mo ki: C̱iyaa/ dhalki aha/ p̱ina ma.
639	GEN 24:47	Gom gwo gi wakan mo tani aha/ p̱ikina mo dhala yim ki c̱i ki kalman mmop̱i si’da/ mo be. Dhali yan’ko’d mo tani aha/ ki doṯa yim gwo mo mmo/o ki: /E ta ’bwa/ maja si’da/? Ayim ki thoḵ aha/ gwo mo ki: Aha/ tana ’bwa/ ma Baṯu/iil jin ta ya/ ma Nahur mo, a’di jin dho’thkin ma Milkah a’di mo. Gom gwo gi wakan mo tani aha/ ki kar dhirriny ’dolkon e shush ma yim dhali gurany ’per eya bi ma yim mo be.
672	GEN 25:13	Gway gi iya/ ma Isma/iil mo tani uni annihe/ mo, a’di jin yerkunu ka baṯẖ ’pen ka dho’th buni mo: Nabayuut a’di ita’da bwanyara/ ma Isma/iil mo dhala Gidar mo dhala Adab/iil mo dhala Mibsaam mo,
674	GEN 25:15	dhala Hadaar mo dhala Teema mo dhala Yathuur mo dhala Nap̱ish mo dhala Gidmah mo be.
761	GEN 27:33	Yan’ko’d a/Is/hak a’di dekina is ki bir bir ki ’bi’th mo, dhali o gwo mo ki: Kaja sa/ yaki’d mo mmopar mo dhali ’koshi tombwaasho mo dhali ḵali aha/ shum mo, dhali aha/ ’kakina a’di ’baar mo nṯwa/a/ ki /e diki p̱u’du/ mo dhali aha/ ’borkina a’di mii mo? Nye a’di minu mii ’bor mii mo.
773	GEN 27:45	Ntaga nyor ma kan yan mina she/ i’thup̱ mo dhali a’di midi this to gwan e mo kun miikina /e mo. Yan’ko’d aha/ mina hash gwo mo dhali susi /e ka nyaŋ’ko’d ’peni mun mo. Goma tinta imiga/ this um isu/ e mo mmonṯal ’de/ ka cim ’de/ kan mo.
783	GEN 28:9	Iisu a’di yaki’d mo eya Isma/iil mo dhali butha ’bom mo mmomar up̱a tiya kun takina a’di is mo a’di jin ta’da Mahlah jin ta ’bwa/ ma Isma/iil mo jin ta ya/ ma Ibrahiim mo a’di jin ta ’bwaham ma Nabayuut mo be.
801	GEN 29:5	A’di ki o uni gwo mo ki: A/um mishina Laabaan jin ta ya/ ma Nahur mowa? Uni ki thoḵ a’di gwo mo ki: Aman mishkina a’di mo be.
838	GEN 30:7	Nyara/ c̱iŋkina/ ma Rahiil a’di bwaaki’d doḵ/e mo dhali dho’thka Yakuub ya/ jin ’kon ma p̱o/ isu/ mo.
839	GEN 30:8	Dhali yan’ko’d Rahiil oki gwo mo ki: Ki mon’thir jin c̱a’bki dem dem mo tani a’di i’thirkika/ ’bwah pem mo dhali p̱i gwo jip̱i/ mo. Gom gwo gi wakan mo tani ayim ki yuḵ a’di gway mo ka Nap̱taali mo.
927	GEN 31:53	Arumgimis ma Ibrahiim dhali Arumgimis ma Nahur a’di jin ta’da Arumgimis ga babam buni mo dhalki a’di dwall gwo i bwaman ana mo. Wakana Yakuub thulki gwo me’da p̱o/ mo ki moŋḵo/ is ma babam piti ka Is/hak mo.
1037	GEN 35:25	Dhali iya/ ma Bilhah a’di jin ta nyarany c̱iŋkina/ ma Rahiil mo uni si’da/ annihe/ mo: Daan dhala Nap̱taali mo.
1044	GEN 36:3	Dhala Basmah jin ta ’bwa/ ma Isma/iil dhali ’bwaham ka Nabayuut mo.
1054	GEN 36:13	Uni gwansan ita iya/ ma Ra/u/iil mo: a’di jin yuḵu gway ka Nahaṯẖ dhala Saarah dhala Shammah dhala Missa mo. Uni gwansan ita iya/ ma Basmah mo jin ta asha Iisu mo.
1058	GEN 36:17	Uni gwansan si’da/ ita iya/ ma Ra/u/iil jin ta ya/ ma Iisu mo: Nahaṯẖ dhala Saarah dhala Shammah dhala Missa mo uni gwansan ita tap̱a ’pena Ra/u/iil mo e bampa/ gi Pan Aduum mo. Uni gwansan ita iya/ ma Basmah mo jin ta asha Iisu mo.
1125	GEN 38:5	Naskina/ doḵ/e ayim dho’thki ya/ mo dhali ayim ki yuḵ a’di gway ka Shiilah mo. Ayim diki’d e Paŋ Kasiib mo me’d jin dho’thkin ma yim a’di mo be.
1145	GEN 38:25	Dhali me’d jin ’koyunu mmoḵala ayim ka pije/ mo tani ayim hashki gwo eya mar pitiŋ gwaṯẖ mo ki: Wathi/ yan jin cilkina to gwansan mo tani a’di ta wathi/ jin bwaakika/ a’ci mo. Dhala yim oki gwo mo ki: Nyiṯẖi jamas to gwansan mo aha/ ’thona /e mo. To gwansan uni ta kuma ja mo tome’d dhala dheŋdhenye/ kun ’kon ma shu ipesu/ mo dhali cwa mo.
1197	GEN 41:1	’Ko’di yili su/ gwansani ’baar mo tani P̱irawn a’di shu’bki jan mo ki a’di doshki’d e shemen Yi’deŋ Ḵumma/ Niil mo.
1199	GEN 41:3	Dhali hili mo mo ma, bip̱ ’koni pesu/ kun ’bwaṯala’bwaṯal mo dhali kun korakor mo pikin mo ’peni Yi’deŋ Ḵumma/ Niil mo dhali doshkin mo nyaḵki bip̱a tiya mo e yana gap̱ Yi’deŋ Ḵumma/ Niil mo be.
1213	GEN 41:17	Dhala P̱irawn oki’da Yuusup̱ gwo mo ki: Hili mo mo ma e jan pem jin shu’bka/ mo tani aha/ doshkina ap̱owa gap̱ Yi’deŋ Ḵumma/ Niil mo.
1239	GEN 41:43	Dhali a’di karki a’di mmomera arabiya jin dira shumarum piti mo a’di jin ’kon ma p̱o/i su/ mo dhali uni ḵumki cuuwa/ ibwambori a’di mo ki: Luŋa luŋ ki jiŋ ’kup̱a’dup̱un mo ma. Nyc̱a/ a’di karki a’di ap̱o/ bampa/ Masiri ’baar mo.
1246	GEN 41:50	Nṯwa/a/ ki yil ṯe/ diki p̱u’d naskina/ mo tani aYuusup̱ a’di ita gi iya/ isu/ mo, uni kun dho’thkin ma Asnaat a’di jin ta ’bwa/ ma P̱uthip̱aara/ jin ta’da gasiis ma Uun mo.
1408	GEN 46:21	Dhali gway gi iya/ ma Benyamiin uni annihe/ mo: Baala/ dhala Baakar dhala Ashbiil dhala Jiira dhala Namaan dhala Iihi dhala Ruush dhala Mup̱p̱iim dhala Hup̱p̱iim dhala Ard mo.
1411	GEN 46:24	Dhali gway gi iya/ ma Nap̱taali uni annihe/ mo: Yahas/iil dhala Juuni dhala Yisr dhala Shilliim mo.
1495	GEN 49:21	Nap̱taali a’di imina e wa ka yuul jin dhalkunu me’d ki ’kus mo jin dho’thki ushana ’borga/ mo.
1537	EXO 1:4	Daan dhala Nap̱taali dhala Jaad dhala Ashiir mo be.
1563	EXO 2:8	Dhali ’bwa/ ma P̱irawn ki o ari nyara/ gwo mo ki: Nye, yaku/ mo ma. Gom gwo gi wakan mo tani ari nyara/ yaki’d mo dhali yuḵi kum ma ’ci mo be.
1657	EXO 6:1	Yan’ko’d TAP̱A thoḵki’da Musa gwo mo ki: Shwane/ /e mini mish to jin miga/ miiya P̱irawn mo haali/ ki me’d pem jin ’bitha’bi’th mo tani aP̱irawn midi hashki uni ka pije/ mo. Nye, ki me’d pem jin ’bitha’bi’th mo tani a’di midi ur uni ka pije/ ’peni bampam piti mo be.
1677	EXO 6:21	Dhali gway gi iya/ ma Yashar aniihe/ mo: ḵuurah dhala Napu’c dhala Sikri mo be.
1679	EXO 6:23	Haruun si’da/ bu’thki’da ’bom jin yuḵu gway ka Alishaba/ mo a’di jin ta ’bwa/ ma Aminadab mo dhali a’di jin ta ’bwah ma Nahshuun mo. Dhali ayim dho’thki a’di aNadaab dhala Abiihu dhala Eli/asar dhala Iṯẖamaar mo be.
1699	EXO 7:13	Naskina/ adu ma P̱irawn wa ki wosh jin ’bitha’bi’th mo dhali ushki gwom buni gam is mo me’d gwo jin ṯorkina TAP̱A uni mo be.
1701	EXO 7:15	Yaku/ a P̱irawn mon’thamo/ mo me’d isi mii jin miikina a’di mo mmoya ka pije/ e ḵumma/ Yi’de/ Niil mo. C̱ori a’di e yana gap̱ mo dhali ḵala lukaas pini yani me’d mo a’di jin warki’d ki tasha/ mo.
1706	EXO 7:20	Musa dhala Haruun uni miikin me’d jin ḵankina TAP̱A gwo mo. E jis e ma P̱irawn dhali aris imanmiiya ṯu’c piti mo tani Haruun ’de’kki’da lukaas mo dhali dora p̱o/ ḵumma/ Yi’de/ Niil mo. Dhala ris yi’de/ kun ’kokin mo eya Niil mo tani uni warkunu ka bas mo be.
1707	EXO 7:21	Dhali aris wa’c kun ’kokin eya Niil mo tani uni wukin mo dhala Niil ki bul mo mo. Wakan ’kwani Pam Masir uni molki yi’de/ p̱i ’pena Niil mo. Dhali abas si’da/ ishki’d ki tur e Bampa/ Masiri ’baar mo be.
1710	EXO 7:24	Dhala ris ’kwani Pam Masir si’da/ uni c̱wanyki jis e yana Niil ka ris mo gom yi’de/ mmop̱i mo, haali/ uni molki yi’de/ p̱i ’pena Niil mo be.
1711	EXO 7:25	Acim ’koni pesu/ kun pekin ’ko’di TAP̱A warki yi’den Niil ka bas mo be.
1714	EXO 7:28	Dhali ḵumma/ Yi’de/ Niil minu ’tu’d mo ka risa ’dwa/ mo. Uni mini seku bway gu’b pini mo dhali bway gu’b ish pini mo dhali ap̱owa cim pini mo dhali eya ris gu’b gi imanmii tom pini mo dhali ’kwanim pini mo dhali eya ris mo ma p̱urun pini mo dhali e bwaman ma sahan kun miikunu /eya gana’th mo.
1720	EXO 8:5	Musa oki’da P̱irawn gwo mo ki: Aha/ mina bwa ’kuny mo mmo’tho gom /e mo. Ṯori atente/ jin ŋap̱a /e aha/ ki ’tho gom /e mo dhali goma ris imanmiiya ṯu’c pini mo dhali gom ’kwanim pini mo ka risa ’dwa/ minu ’ce’d sho’k mo dhali minu dhalku/ mo mmo’ko jasi e ḵumma/ Yi’de/ Niil mo be.
1722	EXO 8:7	Ama’dinya ’dwa/ mini dhal um ’pen mo dhali aris gu’b pini mo dhali aris imanmii tom pini kun mii ki /eya ṯu’c mo dhali ’kwanim pini mo. Dhali momboc̱ ma ’dwa/ mina uni ’ko jasi e ḵumma/ Yi’de/ Niil mo be.
1731	EXO 8:16	Dhali yan’ko’d TAP̱A ki owa Musa gwo mo ki: Cuyi mis mo mon’thamo/ ka’tum mo dhali yayi dosha bora P̱irawn mo me’d jin yakina a’di ka pije/ bwaya Niil mo, dhali ṯor a’di gwo mo ki: Yase ta gwo jin ona TAP̱A mo ki: Dhalki ’kwani bway mo mmo/ii mo ki uni mini mii mii mmotaḵ aha/ ki momaŋ mo.
1836	EXO 12:19	Haali/ goma cima pesu/ mo tani acumaṯa kamu/ minu gam yisa eya ris gu’b mowa. Dhali waḵki/ unin tiya shwaki maaŋḵuthu’d jin miikunu ka cumaṯ mo tani ’kwani gwansan minu ’ciṯẖ ’twa/ mo ’pena ŋul’kup̱ gi ’kwani ma Israyiil mo be. Nyaḵka’d kan waḵki/ a’di ta wathi/ jin yayi yilkina/ mo walla wathi/ gi bampa/ mo be.