29	GEN 1:29	Dhali Arumgimis ki o gwo mo ki: Hili mo mo ma, aha/ c̱ikina um aris emen to kun minu si mo kun mini dho’th mo uni kun ’kokin ap̱o/ bwam/e gi mony’cesh ’baar mo, dhali arisa ḵa’bany cwa ki maman buni ki she/ ki she/ mo. Um mini bu’th uni haali/ uni mini ta tonṯe/ gom um mo.
35	GEN 2:4	Uni gwansan itana nyaḵum yil ki momis mo dhali mony’cesh mo me’d jin ’konu mmo/uḵ uni mo be. Ka tee jin uḵa Tap̱a Arumgimis mony’cesh mo dhali momis mo tani
57	GEN 3:1	Dhali tasha/ a’di kora e ki kor mo mmobola ris tombwaasho kun uḵu mo, uni gun uḵkina Tap̱a Arumgimis mo. A’di ki owa ’bom gwo mo ki: A/Arumgimis o gwo mo ki: Um mini mii dhalku/ cwan ṯal ’de/ ki shwa ’peni bwaagoŋ ’te/o?
59	GEN 3:3	Hili Arumgimis ki o gwo mo ki: Um mini mii dhalku/ ki shwa maman cwa jin di’d e bwaman gi bwaagoŋ mo, walla dhalku/ ki ta a’di is ki me’d mo gom isi ciki/ um mini wu mo.
60	GEN 3:4	Hili tasha/ ki owa ’bom gwo mo ki: Um mini wu mo yisa.
103	GEN 4:23	Dhala Laamak ki o up̱ gwo mo ki: Aadah dhala Sillah, ciḵi gwo ’peni ’twam pem mo. Um kun ta up̱ ma Laamak mo tani ciḵi gwo jin miga/ o mo: Aha/ ’koshkina wathi/ jin ’koshki aha/ mmotaḵ jama/ mo, wathi/ jin ta dhuru’c jin ’koshki aha/ mo.
142	GEN 6:4	Dhan ḵampar ’kwani uni ’kokin e mony’cesh ka tee gwansan mo dhali uni ’koni ’ko’d si’da/ mo me’d jin p̱u’dkina iya/ ma Arumgimis e i’bwa/ gi ’kwani mo dhali uni dho’thki uni uc̱i mo. Uni gwansan ita ’kwani kun c̱a’bki dem dem ’peni kadhamo/ mo dhali kun tora gway ḵarash mo.
147	GEN 6:9	Uni gwansan itana nyaḵum yil ma Nuuh mo. Nuuh a’di ita wathiŋ ḵar/e mo, dar gi mii ’ba/ e nyaḵum yil gi ’kwanim piti mo. Nuuh nyaḵ ya ka Arumgimis mo.
152	GEN 6:14	Uḵi /e is pini adhana ḵur yi’de/ ’pena cwa jin wana e ki ṯu’b mo dhali /e mini thoson bwaŋ gu’b e bwaman ma ḵur mo dhali /e mini gwa’c a’di bwaman dhali ’ko’d gwar ka ’cesh jin deḵadeḵ jin ta’da jillo mo.
175	GEN 7:15	Uni iikin nyaḵka Nuuh e bwam ma ḵur mo, ka susu/ susu/ mo, aris to kun ta ga shuman is mo e uni kun p̱inu shush buni mmo’ko ki e mo.
225	GEN 9:19	Uniŋ kwaraŋ gwansan mo tani ita iya/ ma Nuuh mo, dhali ’peni uni gwansan mo tani mony’cesh taki’d gi ’kwani mo.
236	GEN 10:1	Uni gwansan itana nyaḵum yil gi iya/ ma Nuuh mo uni gun ta Saam dhala Haam dhala Yap̱aṯẖ mo. Iya/ dho’thkunu uni mo ’ko’da gannu/ yi’de/ mo be.
240	GEN 10:5	’Peni uni ’kwani gwansan kun ’kokin e yana gap̱ mo tani uni a’di ipeperkin mo be. Uni gwansan kun ta iya/ ma Yap̱aṯẖ mo kun ’kon e mony’cesh buni mo, uni ka ’deṯe/ ’deṯe/ ki ’twam buni gun wala uni mo ka waḵ buni i’pen mo dhali ki kal buni ilu/ mo.
255	GEN 10:20	Uni gwansan uni ta iya/ ma Haam mo ka waḵ buni i’pen mo dhali ki ’twam buni ilu/ mo dhali ki mony’cesh buni ilu/ mo dhali ki kal buni ilu/ mo be.
258	GEN 10:23	Dhali iya/ ma Araam: a’di jin ṯwa/a/ yuḵu gway ka Uus mo, dhala Hul mo dhala Jaaṯẖar mo dhala Mash mo.
262	GEN 10:27	dhala Haduraam mo dhala Usal mo dhala Diglah mo
263	GEN 10:28	dhala Uubal mo dhala Abimaayil mo dhala Shaba mo
264	GEN 10:29	dhala Up̱ir mo dhala Hawiila mo dhala Yubab mo. Aris uni gwansani ’baar mo tani uni ta iya/ ma Yagthaan mo.
266	GEN 10:31	Uni gwansan ita iya/ ma Saam mo ka waḵ buni i’pen mo dhali ki ’twam buni gun wala uni ilu/ mo dhali ki mony’cesh buni ilu/ mo dhali ki kal buni ilu/ mo be.
267	GEN 10:32	Uni gwansan itana waḵ gi iya/ ma Nuuh mo isi gi gwom buni jin bele’thkunu mo dhali gom kal buni mo, dhali ’peni uni gwansan mo tani kal gi ’kwani uni ihagaski mony’cesh ki lala’th mo ’ko’da gannu/ yi’de/ mo be.
277	GEN 11:10	Uni gwansan uni ita emen ma Saam mo. Ka Saam ’kokina yil iss ’kwanimpa imudhe’d ka dhan piti mo tani a’di warki’d ka baba ma Arp̱akshaad mo ’ko’di yili su/ mo i’ko’di gannu/ yi’de/ mo.
295	GEN 11:28	Haraan wuki’di ṯwa/a/ mo ki com ga Taarah mo eya ’cesh jin dho’thkunu a’di mo e Pa Ur ma Kaldaan mo.
298	GEN 11:31	Taarah ki susa Abraam jin ta ya/m piti mo dhala Luuth jin ta’da ’ci ma Haraan mo, jin tana a’di adhancom mo, dhala Saray jin ta’da mar piti mo, a’di jin ta ash gi ya/m piti jin ta’da Abraam mo, dhali uni iikin mo mmonṯal ’de/ mo ’peni Pa Ur ma Kaldaan mmo/ii e bampa/ gi Paŋ Kanaan mo. Hili ki uni p̱u’dkin e Pan Haraan mo tani uni ki ’ko mo be.
329	GEN 13:10	Dhala Luuth ’de’kki em piti ki mis mo dhali mishki mo mo ki embul ma Uurdun a’di ya’thkunu ki ’bore/ eya ris mo ’baar mo me’d bwaagoŋ jin ta monsinu gi Tap̱a mo, me’d bampa/ gi Pam Masir si’da/ e mo jin c̱utha a’di bway ’kup̱ ki Pan Suugar mo. Yansan diki’di ṯwa/a/ mo ki Pan Saduum dhali Paŋ Gamuura ’konuki ’ce’d sho’k mo ki Tap̱a mo.
330	GEN 13:11	Wakan mo Luuth kwanyki’d gom is piti aris mo ’baar mo jin ta embul ma Uurdun mo, dhala Luuth yaki’d mo ’kup̱ ki mom’pesho’k mo. Wakan uni ḵwa/ki is buni bwa mo ka rem ’kup̱ mo.
350	GEN 14:13	Dhali yan’ko’d jan ’de/ jin yeki’d mo tani a’di p̱u’dki’d mo dhali a’di ki ṯora Abraam, a’di jin ta ji Ibraani gwo mo, a’di jin diki’d mmoc̱a’b mo e ’ko’d gwar gi dhan cwa jin wana e ka ’kwaṯṯan ma Mamra mo, a’di jin ta wathi/ gi Pa Amuur mo, jin ta’da kam ma Ashkuul mo dhala Anir mo. Uni ta imangam gwo me’d mo nyaḵka Abraam mo.
368	GEN 15:7	Dhali a’di oki a’di gwo mo ki: Aha/ tana Tap̱a mo, a’di jin suski /e mo ’peni Pa Ur ma Kaldaan mo mmoc̱i /e mony’cesh yan mmobu’th mo be.
409	GEN 17:11	Um minu mii i’ciṯẖa/ munyjal yis bum mo e shuman is ma yi’c ma munyjal yis jin ’kuc̱kunu is mo, dhali a’di midi ta jamas mii gi gwo jin gamka/ me’d mo ibwaman aha/ mo dhali /e mo.
434	GEN 18:9	Uni oki a’di gwo mo ki: Mane Saarah jin ta ashim pini mo mane? Dhali a’di oki gwo mo ki: A’di di’di gu’b burrinye/ mo be.
460	GEN 19:2	Dhali a’di oki gwo mo ki: Itap̱am pema, aha/ doṯkina um mo. Ṯuki mo ma ’peni bway bum mo e gu’b gi c̱iŋkinam bum mo dhali ’baari mon’thiny mo dhali lami sho’k bum mo. Yan’ko’d um mini mish cu mis mo ki jahanne/ mon’thamo/ mo dhali ii ki bway bum mo. Uni oki gwo mo ki: Yisa. Am mina i’baar mon’thiny mo e bway tur mo.
524	GEN 21:10	Gom gwo gi wakan mo tani ayim ki owa Ibrahiim gwo mo ki: Uri a’bom c̱iŋkina/ yan ka pije/ mo nyaḵka ’cim piti mo haali/ ya/ ma ’bom c̱iŋkina/ yan mo tani midi diki pwaḵ mal bwa nyaḵki ya/m pem mo, isi a’di jin ta’da Is/hak mo.
544	GEN 21:30	Dhali a’di ki o gwo mo ki: Ushi nas ḵa’bali pesu/ gwansan mina /e ibu’th ki me’d pini mo ki uni mini ta iman/o gwo gom aha/ mo ki aha/ c̱wanykina jis yi’de/ yansan mo be.
569	GEN 22:21	Jin ṯwa/a/ yuḵu gway ka Uus mo dhali jiŋ ’ko’d yuḵu gway ka Buus dhali jin ’kon ma p̱o/ ikwara yuḵu gway ka Gamu/iil mo a’di jin ta’da baba ma Araam mo
571	GEN 22:23	Dhala Baṯu/iil dho’thki’da Rip̱ka mo. Uc̱i ipekwara gwansan idho’thkin ma Milkah goma Nahur mo jin ta’da kam ma Ibrahiim mo be.
573	GEN 23:1	Dhala Saarah diki’d ki e ki yili iss ’kwanimpa ipe’de/ i’ce’dka pesu/ ap̱o/ mo. Uni ta yil kun din ma Saarah ki e mo be.
649	GEN 24:57	Uni ki o gwo mo ki: Am mina yuḵ nyara/ mo dhali doṯa yim mo be.
671	GEN 25:12	Uni kun ta emen ma Isma/iil kun yerkunu gwayi ’ko’d mo a’di jin ta ya/ ma Ibrahiim mo ka Haagar jin ta ji Masir mo a’di jin ta c̱iŋkina/ nyara/ ma Saarah a’di jin dho’thkina a’di ka Ibrahiim mo be.
675	GEN 25:16	Uni gwansan uni ita iya/ ma Isma/iil mo dhali gway buni si’da/ uni anann mo be. Dhali gway bampam buni dhali aṯa/ kun ’kona uni tani uni ’kume’d i’ce’dka su/ mo ka waḵ buni kun tana uni iya/ ma maliḵ mo.
677	GEN 25:18	Uni ’peni Pa Hawiila ntagi Pan Shur mo a’di jin di’d ka p̱ar ’twa/ ki Pa Masir mo ’kup̱ki bway jin c̱uthi ’twa/ ’kup̱ki bway Pa Ashshuur mo be. A’di c̱a’bki’da p̱o/ aris ’kwanim piti mo be.
721	GEN 26:28	Uni ki thoḵ a’di gwo mo ki: Aman misha eya tenteŋ gana/ ki Tap̱a di’d nyaḵki /e mo, a’di i/ona aman gwo jin waki cise/ mo ki: Dhalki mo jin minu mii thul gwo me’da p̱o/ midi mii di mo e bwaman am dhali /e mo, dhali dhalki ana gama gwo jin gamu me’d mo nyaḵki /e mo.
800	GEN 29:4	Yakuub ki o uni gwo mo ki: Ikam pema um iiyin ’peni mana mo? Uni ki thoḵ a’di gwo mo ki: ’Peni Pan Haraan mo be.
801	GEN 29:5	A’di ki o uni gwo mo ki: A/um mishina Laabaan jin ta ya/ ma Nahur mowa? Uni ki thoḵ a’di gwo mo ki: Aman mishkina a’di mo be.
802	GEN 29:6	A’di ki o uni gwo mo ki: A/dhali a’di ’bora is mo ’te/ tana? Uni thoḵki a’di gwo mo ki: A’di ’bora is mo, dhali hili mo mo ma, aRahiil jin ta ’bwa/ p̱u’dki’d mo nyaḵki ḵa’bal mo be.
880	GEN 31:6	Um mishkin ki aha/ miikina ababam bum aṯu’c ki mom’bi’th pemi ’baar mo.
913	GEN 31:39	Uni kun dhera toŋgwap̱i/ is ka gwapi/ mo tani uni ’koka/ ḵali /e mowa? Aha/ thiskina is ’ko’d e mo gom uni mo dhali e ’peni bwam me’d pem mo tani /e ki ’theḵ gwo mo gom uni mo waḵki/ uni ḵwalu montee mo walla mon’thiny mo.
931	GEN 32:3	Dhali ka Yakuub mishi uni mo tani a’di oki gwo mo ki: Uni gwansan ita ’kwani ma mee ma Arumgimis mo. Wakan a’di yuḵki mo c̱aan gway mo ka Mahanaayim mo.
939	GEN 32:11	Aha/ dina ki ha me’d mo goma ris mo/en jin ṯelu sho’k mo dhali goma ris mii ma isiŋ ganam pini mo uni kun ṯorkina /e c̱iŋkinam pini mo haali/ ki cwa gi me’d pem ’te/ mo tani a’di i’ciṯẖka/ Yi’deŋ Ḵumma/ Uurdun mo dhali shwane/ aha/ warkina ki wathi/ jin ’kon ma ṯa/i su/ mo be.
947	GEN 32:19	dhali yan’ko’d um mini o gwo mo ki: Uni ta ku gi c̱iŋkinam pini ka Yakuub mo, uni ta to kun c̱inu ki me’d kun hashu /e tap̱am pem ka Iisu mo dhali a’di ki is piti yayi’di ’ko’di aman mo be.
948	GEN 32:20	A’di mii miin ’de/ yan jin nyaḵka’d mmoye’th uni kun ’kon ma p̱o/ isu/ sho’k gi gwo mo dhali nyaḵki uni kun ’kon ma p̱o/ ikwara mo dhali aris uni kun uru mo ki: Um mini mii o jasi gwon ’de/ mo eya Iisu mo ki um mini gam a’di ’kup̱ mo.
966	GEN 33:5	Dhali ka Iisu ’de’kki em piti ki mis mo dhali p̱ar up̱ e mo dhali aris uc̱i mo tani a’di ki o gwo mo ki: ’Kwani kuna anansan kun nyaḵ iiyu/ ki /e mo? AYakuub ki thoḵ gwo mo ki: Uc̱i kun c̱ikin ma Arumgimis c̱iŋkinam pini ka ’the mo.
991	GEN 34:10	Um mini nyaḵ ’ko ki aman mo dhali mony’cesh midi di ki ḵany gom um mo. ’Koyi mo dhali miiya ṯu’c e a’di mo dhali gami mal e a’di mo.
995	GEN 34:14	Uni oki uni gwo mo ki: Aman mola to yan mii mo mmoc̱i ’bwah bam ki wathi/ jin ’konuki ’ciṯẖa/ munyjal yis mo haali/ mii yan a’di imidi ta mii jin midi ’the aman is mo be.
1007	GEN 34:26	Uni ’koshkina Hamuur dhali ya/m piti ka Shakiim jwa ki gandala turga/ mo dhali susa Diinah ka pije/ ’peni gu’b ma Shakiim mo dhali uni ki ii mo be.
1009	GEN 34:28	Uni bu’thkina ma’diny ḵa’bal buni mo dhala buhany bip̱ buni mo dhali aris thuluny buni mo dhali aris to gunn kun ’kon e ’peŋkuman bampa/ mo dhali kun ’kon e bwam bunto mo.
1011	GEN 34:30	Dhali yan’ko’da Yakuub ki owa Shim/uun dhala Lawi gwo mo ki: Um ḵalki mo jin raḵu araḵ isa p̱o/ aha/ mo mmokar aha/ gway pem mmoshi/a shi/ e bwaman ’kwani gi bampa/ yan mo uni kun ta ’Kwani gi Paŋ Kanaan mo dhali ’Kwani gi Pam Pirissi mo. Aha/ tana a/ushala/ mo dhali waḵki/ uni mini tul isi monṯal ’de/ ap̱o/ aha/ mo dhali p̱u’daa/ i is mo tani aha/ minu ’ce’d sho’k mo aha/ dhali nyaḵki kuŋ gu’b pem ’baar mo.
1038	GEN 35:26	Dhali iya/ ma Silp̱ah uni si’da/ annihe/ mo: Jaad dhala Ashiir mo. Uni gwansan ita iya/ ma Yakuub mo kun dho’thkunu a’di me’d jin dikina a’di e Pam P̱addaan/araam.
1042	GEN 36:1	Uni gwansan ita emen ma Iisu mo (a’di jin ta Aduum mo).
1043	GEN 36:2	Iisu bu’thki’da ris up̱ ’peni ’Kwaniŋ Kanaan mo: Ada jin ta ’bwa/ ma Iiluun jin ta Wathi/ Hiṯẖṯẖa mo dhala Uhulibaamah jin ta ’bwa/ ma Ana jin ta ya/ ma Sib/uun mo jin ta Wathi/ Hiwwi mo.
1046	GEN 36:5	Dhala Uhulibaamah dho’thki’da Ya/uush dhala Yalaam dhala Guurah mo. Uni gwansan ita iya/ ma Iisu mo kun dho’thkunu a’di mo me’d jin dikina a’di e Paŋ Kanaan mo be.
1050	GEN 36:9	Uni gwansan ita emen ma Iisu mo jin ta’da baba gi ’Kwani gi Pan Aduum mo e bampa/ paŋ ’kuwosh ma Si/iir mo be.
1053	GEN 36:12	(Timnaa/ a’di ita’da ’bom lac̱a/ goma Elip̱aas mo a’di jin ta ya/ ma Iisu mo. Ayim a’di idho’thki’da Amaliik ka Elip̱aas mo.) Uni gwansan ita iya/ ma Ada jin ta asha Iisu mo be.
1054	GEN 36:13	Uni gwansan ita iya/ ma Ra/u/iil mo: a’di jin yuḵu gway ka Nahaṯẖ dhala Saarah dhala Shammah dhala Missa mo. Uni gwansan ita iya/ ma Basmah mo jin ta asha Iisu mo.
1055	GEN 36:14	Uni gwansan ita iya/ ma Uhulibaamah mo a’di jin ta ’bwa/ ma Ana mo jin ta ya/ ma Sib/uun mo jin ta asha Iisu mo. Ayim dho’thki a’di aYa/uush mo dhala Yalaam dhala Guurah mo be.
1056	GEN 36:15	Uni gwansan ita iya/ ma Iisu kun tana ris tap̱a mo. Iya/ ma Elip̱aas a’di jin ta’da bwanyara/ ma Iisu mo: Temaan dhala Awmaar dhala Sap̱wa dhala Ganaas uni ita tap̱a mo.
1058	GEN 36:17	Uni gwansan si’da/ ita iya/ ma Ra/u/iil jin ta ya/ ma Iisu mo: Nahaṯẖ dhala Saarah dhala Shammah dhala Missa mo uni gwansan ita tap̱a ’pena Ra/u/iil mo e bampa/ gi Pan Aduum mo. Uni gwansan ita iya/ ma Basmah mo jin ta asha Iisu mo.
1059	GEN 36:18	Uni gwansan ita iya/ ma Uhulibaamah jin ta asha Iisu mo uni kun ta itap̱a mo: Ya/uush dhala Yalaam dhala Guurah mo. Uni gwansan ita tap̱a ’pena Uhulibaamah jin ta ’bwa/ ma Ana a’di jin ta asha Iisu mo be.
1060	GEN 36:19	Uni gwansan ita iya/ ma Iisu mo (jin ta Aduum mo) dhali itap̱am buni anann mo be.
1061	GEN 36:20	Uni gwansan si’da/ ita iya/ ma Si/iir jin ta Wathi/ gi Pan Huri mo a’di jin cila bampa/ yan mo: Luthan dhala Shubal dhala Sib/uun dhala Ana mo.
1064	GEN 36:23	Uni gwansan ita iya/ ma Shubal mo: Alwaan dhala Manaahah dhala Eebaal dhala Shap̱wa dhala Unam mo.
1065	GEN 36:24	Uni gwansan ita iya/ ma Sib/uun mo: Ayyah dhala Ana a’di jin ta’da Ana jin gamki yi’de/ jin kasha e ki kash jin ’batha’ba’th e mombwaasho mo me’d jin urkina a’di aris thuluny ma Sib/uun jin ta’da babam piti mmoc̱iya shon dhii/i’d mo.
1066	GEN 36:25	Uni gwansan ita uc̱i ma Ana mo: Dishun dhala Uhulibaamah a’di ta ’bwa/ ma Ana mo.
1067	GEN 36:26	Uni gwansan ita iya/ ma Dishan mo: Hamdaan dhala Ashbaan dhala Yiṯẖraan mo dhala Karaan mo.
1068	GEN 36:27	Uni gwansan ita iya/ ma Iisar mo: Bilhaan dhala Sawaan dhala Agaan mo.
1069	GEN 36:28	Uni gwansan ita iya/ ma Dishun mo: Uus dhala Araan mo.
1070	GEN 36:29	Uni gwansan ita itap̱aŋ ’kwani bampa/ Huri mo, uni kun ta itap̱a mo: aLuthan dhala Shubal dhala Sib/uun dhala Ana mo.
1072	GEN 36:31	Uni gwansan ita imaliḵ mmoji/a ji e bampa/ Pan Aduum mo nṯwa/a/ ka maliḵ ’deŋ kamu/ diki ji/a ji ap̱o/ ’Kwani ma Israyiil mo be.
1081	GEN 36:40	Uni gwansan ita gway itap̱a uc̱i ma Iisu mo isi me’d jin tana uni awaḵ buni mo dhali moŋ’kom buni jin ’kona uni mmoyer mo gway ki she/ ki she/ mo. Itap̱a ita iTimnaa/ mo dhala Alwaah mo dhala Yatiit mo.
1082	GEN 36:41	Uhulibaamah dhala Iilah dhala P̱inun mo.
1101	GEN 37:17	Dhali wathi/ thoḵki a’di gwo mo ki: Uni iikin mo haali/ aha/ ciḵa ṯor jin ṯorkina uni mo mmo/o gwo mo ki: Dhalki ana iina mo e Pan Duṯẖan mo. Wakana Yuusup̱ baṯẖki ikam isho’k mo dhali gam uni e Pan Duṯẖan mo.
1102	GEN 37:18	Uni mishki a’di ’pena dhana/ ki si’d si’d mo dhali nṯwa/a/ ki a’di p̱u’dki’d mo mmo’dish uni is mo tani uni gamki ’twa/ ’kup̱ mo mmo’kosh a’di jwa mo.
1103	GEN 37:19	Uni oki gwo ka rem’kup̱ mo ki: Amanshu’b jana ac̱aan a’di ip̱u’dki’d mo.
1115	GEN 37:31	Uni bu’thki burrinye/ ma Yuusup̱ mo dhali ’kosh mi jwa mo dhali biṯ burrinyen turga/ yan eya bas mo.
1124	GEN 38:4	Doḵ/e ayim bwaaki’d mo dhali dho’th ya/ mo dhali ayim ki yuḵ a’di gway ka Unan mo be.
1128	GEN 38:8	Dhali yan’ko’da Yahuuda oki’da Unan gwo mo ki: Mashi asha kam pini mo mo ma, dhali miiyi mii mo jin minu mii mii mo gom marem pini mo, dhali c̱is uc̱i goma kam pini mo.
1129	GEN 38:9	Hila Unan nyiṯẖki’d ka ’ci jin mina a’di ic̱is mo tani midi diki ta jim piti mo. Wakan ki a’di yaki bway gu’b e asha kam mo tani a’di wolki’da ’co/ piti eya ’cesh mo isi ciki/ ki a’di midi diki c̱is uc̱i goma kam mo.
1181	GEN 40:8	Uni ṯorki a’di gwo mo ki: Aman takina ki jan mo dhali wathi/ p̱iyi’d jin midi ṯor ’pemen buni mo. Dhala Yuusup̱ thoḵki uni gwo mo ki: Dina mo jin ṯoru ’pemen jan ki ta kuma Arumgimis mowa? Ṯori uni ki aha/ mo ma aha/ ’thona um mo.
1241	GEN 41:45	Dhala P̱irawn yuḵki’da Yuusup̱ gway ka Sap̱naat P̱aniih dhali c̱iki a’diya Asnaat mmomash mo a’di jin ta ’bwa/ ma P̱uthip̱aara/ mo a’di jin ta’da gasiis ma Uun mo. Wakana Yuusup̱ raski’d ki mis e bampa/ Masiri ’baar mo.
1246	GEN 41:50	Nṯwa/a/ ki yil ṯe/ diki p̱u’d naskina/ mo tani aYuusup̱ a’di ita gi iya/ isu/ mo, uni kun dho’thkin ma Asnaat a’di jin ta ’bwa/ ma P̱uthip̱aara/ jin ta’da gasiis ma Uun mo.
1260	GEN 42:7	AYuusup̱ mishki ikam mo dhali nyiṯẖ uni mo hili a’di miiki uni ka jin thus me’d ’kwanin tiya kun ’kona e ki she/ mo dhali a’di ṯorki’da ṯor nyaḵki uni ki ’twany ’cwar mo mmo/o ki: Um iiyin ’peni mana mo? A’di oki’d kan mo. Uni thoḵki a’di gwo mo ki: ’Peni Paŋ Kanaan mo mmoyol tonṯe/ mo be.
1262	GEN 42:9	Dhala Yuusup̱ kakina gwony jan piti e mo a’di jin shu’bkina a’di gom uni mo dhali a’di oki uni gwo mo ki: Um ta ’kwani kun parkina mee mo, um p̱u’dkin mo mmop̱ar bampa/ e mo ki a’di ’ka’da is ki ’ka’d mo.
1263	GEN 42:10	Uni thoḵki a’di gwo mo ki: Yisa tap̱am bam hili mmoyol tonṯe/ mo a’di ip̱u’dkina c̱iŋkinam pini mo.
1276	GEN 42:23	Uni yisa mishi gwo ’bana ka Yuusup̱ ciḵki gwom buni mo haala manluḵ ’twa/ a’di idiki’d e bwaman uni mo be.
1289	GEN 42:36	Dhala Yakuub jin ta’da babam buni oki uni gwo mo ki: Um bu’thki uc̱i ’peni aha/ mo dhala Yuusup̱ yisa di’da dhali aShim/uun si’da/ a’di p̱iki’d mo adhali um shwane/ mini susa Benyamiina? Aris mii gwansan uni p̱u’dkina p̱o/ aha/ mo.