42	GEN 2:11	Dhali gway gi yi’de/ jin ṯwa/a/ yuḵu gway ka P̱ishun mo, a’di jin guski’d mmokulum bampa/ gi Pam Hawiila isi ’baar mo e mo jin ’kokina ’dolkon gana/ mo.
189	GEN 8:5	Dhali yi’de/ di’di mmoṯikir mmomara’d is mo ntaga ppe ’koni ’kup̱i ’kume’d mo, dhali ka appe ’koni ’kup̱i ’kume’d mo tani a’di jin ta’da tee jin ṯwa/a/ ka appe mo tani ’kup̱an dhan wosha turga/ uni p̱arkunu e mo.
197	GEN 8:13	Ka yil iss ’kwanimpa i/iss ’de/ i’ce’dki iss ’kwanimpa i’kume’d i’ce’dka ’de/ mo, dhali ka appe jin ṯwa/a/ dhali ka cim ’de/ ka appe mo, yi’de/ a’di ḵu’thki’d ’peni mony’cesh mo dhala Nuuh a’di ’ceeki’da ḵur ’kup̱ mo dhali a’di ki p̱ar mo e mo dhali hili mo mo ma, bwam/e ga ’cesh a’di pupura/ pupur mo.
216	GEN 9:10	dhali aris to/e kun ’kon ki e kun uḵu mo kun nyaḵ ’ko ki um mo, ’dii dhali toŋkal, dhali tombwaasho kun nyaḵ ’ko ki um e mony’cesh me’d jin tana uni aris ka ris mmo/iiyu/ ’peni bwam ma ḵur mo.
226	GEN 9:20	Nuuh a’di ta wathin ṯal ’de/ jin ṯwa/a/ jin ḵorki’da ’cesh mo. A’di siki’da mura’th mo.
237	GEN 10:2	Iya/ ma Yap̱aṯẖ: a’di jin ṯwa/a/ yuḵu gway ka Jumar mo, dhala Majuuj mo dhala Maday mo dhala Yawan mo dhala Ṯubal mo dhala Maashik mo dhala Ṯiras mo.
238	GEN 10:3	Dhali iya/ ma Jumar: a’di jin ṯwa/a/ yuḵu gway ka Ashkanaas mo, dhala Rip̱aṯẖ mo dhala Ṯujarmah mo.
239	GEN 10:4	Dhali iya/ ma Yawan: a’di jin ṯwa/a/ yuḵu gway ka Aliishah mo, dhala Tarshiish mo dhala Kittiim mo dhala Dudaniim mo.
241	GEN 10:6	Iya/ ma Haam: a’di jin ṯwa/a/ yuḵu gway ka Kush mo, dhala Masir mo dhala P̱uth mo dhala Kanaan mo.
242	GEN 10:7	Dhali iya/ ma Kush: a’di jin ṯwa/a/ yuḵu gway ka Saba mo, dhala Hawiila mo dhala Sabtah mo dhala Raamah mo dhala Sabtaka mo. Dhali iya/ ma Raamah: a’di jin ṯwa/a/ yuḵu gway ka Shaba mo, dhala Dadaan mo.
243	GEN 10:8	Kush a’di warki’d ka baba ma Nimruud mo. A’di ta wathi/ en’thi/ jin ṯwa/a/ jin c̱a’bki dem dem e mony’cesh mo.
250	GEN 10:15	Kanaan warki’d ka baba ma Sidun mo a’di jin ta ya/m piti jin ṯwa/a/ mo, dhala Hiṯẖ mo
257	GEN 10:22	Iya/ ma Saam: a’di jin ṯwa/a/ yuḵu gway ka Iilaam mo, dhala Ashshuur mo dhala Arp̱akshaad mo dhala Lud mo dhala Araam mo.
258	GEN 10:23	Dhali iya/ ma Araam: a’di jin ṯwa/a/ yuḵu gway ka Uus mo, dhala Hul mo dhala Jaaṯẖar mo dhala Mash mo.
273	GEN 11:6	Dhali Tap̱a ki o gwo mo ki: Hili mo mo ma, uni ta ’kwani jin ṯala en ’de/ mo dhali uni ’baar mo wal ’twan ṯal ’de/ mo, dhali a’di ta jasi monṯel ’pen jin ṯwa/a/ mo a’di jin mina uni mii mo, dhali ma to yin jin mina uni o bwa mmomii mo tani a’di midi diki ta to jin midi p̱i uni e mo.
295	GEN 11:28	Haraan wuki’di ṯwa/a/ mo ki com ga Taarah mo eya ’cesh jin dho’thkunu a’di mo e Pa Ur ma Kaldaan mo.
323	GEN 13:4	e mo jin nyaŋkina a’diya gwaṯa/ jin miinuwa bas mo iṯwa/a/ mo. Dhali e mun mo tani a/Abraam a’di yuḵki gway gi Tap̱a mo.
329	GEN 13:10	Dhala Luuth ’de’kki em piti ki mis mo dhali mishki mo mo ki embul ma Uurdun a’di ya’thkunu ki ’bore/ eya ris mo ’baar mo me’d bwaagoŋ jin ta monsinu gi Tap̱a mo, me’d bampa/ gi Pam Masir si’da/ e mo jin c̱utha a’di bway ’kup̱ ki Pan Suugar mo. Yansan diki’di ṯwa/a/ mo ki Pan Saduum dhali Paŋ Gamuura ’konuki ’ce’d sho’k mo ki Tap̱a mo.
332	GEN 13:13	Dhali ’Kwani gi Pan Saduum mo tani uni ta uni gun ta thus ki thus mo dhali gun ta imanmii miinthus kun shi/ashi/ ap̱o/ Tap̱a mo.
395	GEN 16:13	Dhala yim yerki gway gi Tap̱a jin ṯorki a’di gwo mo ki: /E tana Arumgimis jin mishi mo mo, haali/ ayim ki o gwo mo ki: A/aha/ ka jiŋ gana/ mishkina Arumgimis mo dhali aha/ dina ki e mo naskina/ ’ko’di aha/ mishkina a’di mo ’taa?
569	GEN 22:21	Jin ṯwa/a/ yuḵu gway ka Uus mo dhali jiŋ ’ko’d yuḵu gway ka Buus dhali jin ’kon ma p̱o/ ikwara yuḵu gway ka Gamu/iil mo a’di jin ta’da baba ma Araam mo
607	GEN 24:15	Nṯwa/a/ ki a’di ki ’baarki gwom piti mmo/o mo tani hili mo mo ma, Rip̱ka a’di jin dho’thkunu ka Baṯu/iil jin ta ya/ ma Milkah jin ta ash ma Nahur jin ta’da kam ma Ibrahiim mo tani a’di yayi’d ka pije/ ka dhur yi’dem piti me’d e ’kup̱a bi ma yim mo be.
634	GEN 24:42	Aha/ p̱u’dkina mo shwane/ e jis yi’de/ jin kasha e mo dhali o gwo mo ki: Ayy Tap̱a /e jin tana Arumgimis gi tap̱am pem ka Ibrahiim mo, waḵki/ /e shwane/ mini shu/aa/ bway e bway jin miga/ ya mo tani
637	GEN 24:45	Nṯwa/a/ ki aha/ daḵa gwom pem o mo eya du mo tani hili mo mo ma, aRip̱ka a’di ayim p̱u’dki’d mo nyaḵki dhur yi’de/ e ’kup̱a bi ma yim mo dhala yim yaki’d ka luŋgu’b e jis yi’de/ jin kasha e mo dhali mush yi’de/ mo dhali aha/ ki owa yim gwo mo ki: C̱iyaa/ dhalki aha/ p̱ina ma.
665	GEN 25:6	Hili e iya/ gi up̱ lac̱am piti yan mo tani Ibrahiim ki c̱i uni to kun c̱inu ki me’d mo, dhali ki a’di di’d ki e naskina/ mo tani a’di ki dhuki uni ’pen mo ’peni ya/m pitiŋ gana/ ka Is/hak mo mmo/iiku/ mmo’koku/ ’kup̱ki mom’pesho’k isa dhana/ imun mo jin ta bampa/ gi mom’pesho’k mo be.
684	GEN 25:25	A’di jin p̱u’dki’di ṯwa/a/ mo tani a’di tagi ’per mo, dhali aris buŋgwar is piti wana e ki burrinye/ muri is mo. Gom gwo gi wakan mo tani a’di yuḵki a’di gway ka Iisu mo.
692	GEN 25:33	Yakuub ki o gwo mo ki: /E mini thul gwo me’da p̱o/ nṯwa/a/ gom aha/ mo, dhali wakan a’di thulki gwo me’da p̱o/ gom a’di dhali yol mo ma bwanyaran dho’th pitiŋ gana/ ka Yakuub mo be.
732	GEN 27:4	Dhali thosoni shum jin ’kunya’kuny gom aha/ mo, a’di jin enka/ mo dhali ḵali a’di ki aha/ ki aha/ mina shwa a’di mo dhali ’bor /e mii nṯwa/a/ ki aha/ dinaki wu mo be.
735	GEN 27:7	Ḵalaa/ shum tombwaasho mo dhali thosoni shum jin ’kunya’kuny gom aha/ mo ki aha/ mina shwa a’di mo dhali ’bor /e mii mo mbwambor ki Tap̱a mo nṯwa/a/ ki aha/ dinaki wu mo be.
738	GEN 27:10	Dhali /e mini ḵalki a’di ki cim mo mmoshwa mo. Wakan ki a’di midi ’bor /e mii mo nṯwa/a/ ki a’di diki wu mo.
761	GEN 27:33	Yan’ko’d a/Is/hak a’di dekina is ki bir bir ki ’bi’th mo, dhali o gwo mo ki: Kaja sa/ yaki’d mo mmopar mo dhali ’koshi tombwaasho mo dhali ḵali aha/ shum mo, dhali aha/ ’kakina a’di ’baar mo nṯwa/a/ ki /e diki p̱u’du/ mo dhali aha/ ’borkina a’di mii mo? Nye a’di minu mii ’bor mii mo.
793	GEN 28:19	A’di yuḵki mo c̱aan gway mo ka Beeṯ/iil mo, hili gway gi ’peŋkuman bampa/ yan mo tani a’di yuḵu iṯwa/a/ ka Luus mo be.
822	GEN 29:26	Laabaan ki thoḵ a’di gwo mo ki: A’di yisa miinu wakana e bampam bam mo mmoc̱i jiŋ gwa’da’d nṯwa/a/ mmodhal a’di ma bwanyara/ i’ko’d mo.
861	GEN 30:30	Haali/ /e tan jasi ushi’ceenne/ kagush mo nṯwa/a/ ki aha/ dina ki p̱u’du/ mo dhali shwane/ uni markunu is ka enthus mo dhali Tap̱a ’borki /e mii eya ris mo gunn kun ṯu’kka/ mo. Hili dhali aha/ kakasja si’da/ miga/ mii thoson to gom ku gi gu’b pem mo?
876	GEN 31:2	Dhala Yakuub si’da/ mishki mo mo ka Laabaan diki hil a’di i e ki ’bore/ ki hila ’the mo me’d jin ṯwa/a/ mo.
879	GEN 31:5	Dhali a’di ki o uni gwo mo ki: Aha/ misha ka babam bum diki hil aha/ i e ki ’bore/ ki hila ’the mo me’d jin ṯwa/a/ mo. Hili Arumgimis ma babam pem a’di nyaḵki di ki aha/ mo.
932	GEN 32:4	Dhala Yakuub hashki’da ris ’kwani ma gum bway piti nṯwa/a/ ki a’di mo eya Iisu jin ta’da kam piti mo e bampa/ ki Pa Si/iir mo jin ta bampa/ Aduum mo.
945	GEN 32:17	Aris to gwansan idhukina a’di e me’d ma ris c̱iŋkinam piti mo dhali aris uni urkunu ki she/ ki she/ mo dhali a’di oki’da ris c̱iŋkinam piti gwo mo ki: Iiku/ nṯwa/a/ ki aha/ mo dhali kari buli bwaman mo mmo/ur to mo dhali uri to mo.
946	GEN 32:18	A’di ye’thki uni kun iikin nṯwa/a/ sho’k ki gwo mo ki: Ka Iisu jin ta’da kam pem midi gam um ’kup̱ mo dhali doṯ um gwo mo ki um ta gu maja mo tani, dhali um iini ii mana mo? tani, dhali aris to maja gwansan kun iini bwambori um mo isan? tani,
964	GEN 33:3	A’di ki is piti yaki’d nṯwa/a/ ki uni mo dhali luŋki is piti a’cesh ki goŋgo/ mo me’di pesu/ mo ntagi a’di ’dishki’da kam is mo be.
974	GEN 33:13	Hila Yakuub thoḵ a’di gwo mo ki: Tap̱am pem /e mishi uc̱i ki uni gwa’dagwa’d mo dhali ama’diny ḵa’bal dhali dhana ŋul’kup̱ ḵa’bal ta gi ushan mo kun miga/ hili e ki ’bore/ mo. Dhali waḵki/ uni uru ki ur ma hala/hala/ ka cim ’de/ mo tani arisa ma’diny ḵa’bal uni mini wu ’baar mo be.
975	GEN 33:14	Dhalki tap̱am pem shuki c̱iŋkinam piti bway nṯwa/a/ mo dhali aha/ mina suska sus ka serec̱ serec̱ mo isi me’d ŋaṯgin to/e mo uni gun ’kon abori aha/ mo dhali isi me’d ŋaṯgin jin mina uc̱i idhu mo, ntagi aha/ mina p̱u’dku/ i tap̱am pem e Pan Si/iir mo be.
1011	GEN 34:30	Dhali yan’ko’da Yakuub ki owa Shim/uun dhala Lawi gwo mo ki: Um ḵalki mo jin raḵu araḵ isa p̱o/ aha/ mo mmokar aha/ gway pem mmoshi/a shi/ e bwaman ’kwani gi bampa/ yan mo uni kun ta ’Kwani gi Paŋ Kanaan mo dhali ’Kwani gi Pam Pirissi mo. Aha/ tana a/ushala/ mo dhali waḵki/ uni mini tul isi monṯal ’de/ ap̱o/ aha/ mo dhali p̱u’daa/ i is mo tani aha/ minu ’ce’d sho’k mo aha/ dhali nyaḵki kuŋ gu’b pem ’baar mo.
1035	GEN 35:23	Iya/ ma Le/ah mo tani jin ṯwa/a/ a’di jin ta’da bwanyara/ ma Yakuub a’di ita’da Ra/ubiin mo dhala Shim/uun mo dhala Lawi mo dhala Yahuuda mo dhala Yassaakar mo dhala Sabuluun mo.
1072	GEN 36:31	Uni gwansan ita imaliḵ mmoji/a ji e bampa/ Pan Aduum mo nṯwa/a/ ka maliḵ ’deŋ kamu/ diki ji/a ji ap̱o/ ’Kwani ma Israyiil mo be.
1094	GEN 37:10	Hili ki a’di ṯorki ’pemen jan yan ki com mo dhali ikam piti mo tani ababam piti a’di iḵucurki a’di mo dhali o a’di gwo mo ki: Jan yan ta’da ta mo jin shu’bkina /e mo? A/aha/ dhali kwan dhali ikam pini ka jiŋ gana/ mina iiku/ mo dhali ’ko is bam ki goŋgo/ ibwambori /e mowa?
1102	GEN 37:18	Uni mishki a’di ’pena dhana/ ki si’d si’d mo dhali nṯwa/a/ ki a’di p̱u’dki’d mo mmo’dish uni is mo tani uni gamki ’twa/ ’kup̱ mo mmo’kosh a’di jwa mo.
1148	GEN 38:28	Dhali ka yim shwan ma ’ci mo tani jan ṯal ’de/ karki me’d ka pije/ mo dhali a’bom jin karu mmowoṯẖa woṯẖ mo gom mondho’th up̱ mo tani a’di deḵki me’d piti ka thus ’per mo mmo/o gwo mo ki: Yansan a’di ip̱u’dki’di ṯwa/a/ mo be.
1216	GEN 41:20	Dhali uniŋ korga/ dhali uni bip̱ kun ’bwaṯala is ki ’bwaṯal mo tani uni ’kaki bip̱ pesu/ gwan kun ’thiḵa’thiḵ kun ’koni ṯwa/a/ mo.
1246	GEN 41:50	Nṯwa/a/ ki yil ṯe/ diki p̱u’d naskina/ mo tani aYuusup̱ a’di ita gi iya/ isu/ mo, uni kun dho’thkin ma Asnaat a’di jin ta ’bwa/ ma P̱uthip̱aara/ jin ta’da gasiis ma Uun mo.
1309	GEN 43:18	Dhali ’kwani uni ḵo/ki is mo haali/ uni suskunu bway gu’b ma Yuusup̱ mo dhali uni oki gwo mo ki: A’di ta mii ma guurush wariba/ kun dhukunu e ’twamana wolgwap̱im bana mo ka cim gi ṯwa/a/ yin mo a’di isuskunu ana gu’b mo ’tese/ wakan ki a’di midi ŋap̱ embula ’borga/ ap̱o/ ana mo dhali biṯa p̱o/ ana dhali dhu ana ki c̱iŋkina/ kun yolu mo dhali bu’th thuluny bana mo be.
1311	GEN 43:20	Dhali oki gwo mo ki: Ayy tap̱am bam, aman p̱u’dkina ka luŋgu’b ka cim jin ṯwa/a/ mo mmoyol tonṯe/ mo.
1364	GEN 45:5	Dhali shwane/ dhalku/ is bum ki dhu ka madhan’kur mo walla ka nyor e bwaman is bum mo haali/ um yolki aha/ imahan mo, haali/ Arumgimis hashki aha/ nṯwa/a/ ki um mo mmo’tash mondiki/e ’twa/ mo.
1366	GEN 45:7	Dhali Arumgimis hashki aha/ nṯwa/a/ ki um mo mmo’tasha/ ’tash ’twa/ gom um mo haali/ um tana ushalla/ e mony’cesh mo dhali mmodhuya dhu ki e gom um mo uni ka ris kun minu ’ko ki e mo.
1377	GEN 45:18	Dhali susi ababam bum mo dhali aris kuŋ gu’b bum mo dhali iiyu/ i aha/ mo dhali aha/ mina c̱i um mom’borga/ e bampa/ mo dhali um mini shwa to ’pena ’cesh yan jin ṯu/aṯu/ mo.
1387	GEN 45:28	Dhala Israyiil oki gwo mo ki: A’di ’koshki jwa mo. Yuusup̱ jin ta ya/m pem a’di idiki’d ki e naskina/ mo. Aha/ mina ya mo dhali p̱ar a’di e mo nṯwa/a/ ki aha/ dinaki wu mo be.
1415	GEN 46:28	A’di hashki’da Yahuuda nṯwa/a/ ki a’di mo eya Yuusup̱ mo mmopi a’di i isi bwambor e Pan Jaasaan mo dhali uni p̱u’dkin mo e mony’cesh ma Jaasaan mo.
1457	GEN 48:5	Dhali shwane/ iya/m pini isu/ gwansan uni kun dho’thkunu /e mo e bampa/ Masir mo nṯwa/a/ ki aha/ dinaki p̱u’di /e e Pa Masir mo tani uni ta kum pem mo Ep̱rayim dhala Manassa uni imini ta kum pem mo me’d jin tan ma Ra/ubiin dhala Shim/uun kum pem mo.
1472	GEN 48:20	Wakan a’di ’borki uni mii ka cim c̱aan mo dhali o gwo mo ki: Ki um mo tani Israyiil a’di imini bah mom’bor mii mo mmo/o gwo mo ki: Arumgimis midi kar /e me’da Ep̱rayim mo dhali me’da Manassa mo. Dhali wakan a’di karki’da Ep̱rayim nṯwa/a/ ka Manassa mo be.
1477	GEN 49:3	Ra/ubiin /e tana bwanyaram pem mo, ’peni mo ma dem dem pem mo dhali ’peni maman pem kun ṯwa/a/ gi mom’bi’th is mo dhala liṯgan pem mo e monyca mo dhala liṯgan e mom’bi’th mo.
1523	GEN 50:16	Gom gwo gi wakan mo tani uni hashki gwo aYuusup̱ mo dhali o gwo mo ki: Ababam pini a’di iḵanki gwo yansan nṯwa/a/ ki a’di diki wu mo ki:
1526	GEN 50:19	Hila Yuusup̱ oki uni gwo mo ki: Dhalku/ is ki ḵo/ mo ma haali/ a/aha/ be dina e embul ma Arumgimis mowa?
1538	EXO 1:5	Aris emen ma Yakuub i ’baar mo uni ’ko iss ’kwanimpa i kwara i’ce’dka ’kume’d mo. Dhala Yuusup̱ diki’di ṯwa/a/ e Pam Masir mo be.
1552	EXO 1:19	Up̱ kun dhodhi tiya thoḵkina P̱irawn gwo mo ki: Haali/ up̱ gi ’Kwani Ibraniyiin yisa wa ki up̱ gi ’kwani Pam Masir yisa. Hili uni c̱a’b ki dem dem mo dhali uni la dho’th uc̱im buni nṯwa/a/ mo ki aman ’konaki p̱u’d naskina/ mo be.
1580	EXO 2:25	Dhali Arumgimis mishki ’kwani ma Israyiil mo dhali a’di ta gi bwaŋ kulum ap̱o/ uni mo gom moŋ’kom buni jin shi/ashi/ kan mo be.
1610	EXO 4:8	Dhali TAP̱A ki o gwo mo ki: Waḵki/ uni mini ’koki gam /e gwo is mo tani, walla ’koki c̱iya hirdhe/ ki to gi miimer jin ṯwa/a/ mo tani uni mini gam gwo is ki miimer yansan mo be.
1612	EXO 4:10	Hila Musa thoḵki TAP̱A gwo mo ki: Ayy Tap̱am pem, aha/ mola gwo o ka ḵar e ki ’bore/ ki sule/ mo, ’peni nṯwa/a/ nniin wala ’peni embul jin ṯela /e mii ’pen mmowal ’twa/ ki aha/ mo. Hili aha/ diṯa ’twa/ wal ki diṯ mo mmo/o gwo mo dhala le’d c̱umpula/ c̱umpul mo be.
1641	EXO 5:8	Uni mini mii uḵa jeŋgu’b me’d jin miina uni iṯwa/a/ mo. Ajeŋ gu’ba ’deŋ kamu/ yisa midi p̱iya. Uni tana p̱iny is ka p̱iny is mo. Wakan a’di ona uni gwo ki: Dhalki aman iina i miiya Arumgimis bam abasa ’cesh ’te/ mo.
1647	EXO 5:14	Dhali imanhil tiya ’peni ’kwani ma Israyiil uni kun dhuna imanmiiya ṯu’c ma P̱irawn ki imanhil tiya mo tani uni si’da/ dorkunu mo dhali doṯkunu gwo mo ki: Atinta ’kona um ki miiya risa ṯu’c bum mo mmo/uḵa jeŋgu’b ka nimira shwane/ dhali katili mo me’d mii jin miikina um a’di iṯwa/a/ mo?
1651	EXO 5:18	Doḵi ka nyaŋ’ko’d mo dhali miiya ṯu’c mo haali/ ḵun’tusha kamu/ minu c̱i ki um yisa. Hili um mini uḵa jeŋgu’b ki nyanye/ mo mmonyaḵki jin ṯwa/a/ mo.
1655	EXO 5:22	Dhali yan’ko’da Musa doḵko’d mo e TAP̱A mo dhali o gwo mo ki: Ayy Tap̱a, atinta miikina /e to jin shi/ashi/ wakan ap̱o/ ’kwani gwansan mo? Dhali atinta sa/ i hashina /e aha/ wakan mo?
1746	EXO 9:3	me’d gi TAP̱A midi biṯa p̱o/ to em pini ki ’ba’th jin shi/ashi/ mo e uni ’baar kun ’kon eya pije/ mo, shumarum dhali thuluny dhali kalman dhali bip̱ dhala ma’diny ḵa’bal dhali miya si’da/ mo be.
1808	EXO 11:1	Iṯwa/a/ TAP̱A ṯorki’da Musa gwo mo ki: Mompala kamu/ jin wo’c ’kwani is she/ diyi’di ’de/ naskina/ mo a’di jin miga/ ḵala p̱owa P̱irawn mo dhali ap̱o/ ’kwanim piti mo. Yan’ko’d mo tani a’di midi dhal um bway mo mmo/ii mo beseene/ mo. Ki a’di midi dhal um bway mo mmo/ii mo tani, a’di midi ur um ka kuluny mo.
1816	EXO 11:9	Dhali iṯwa/a/ TAP̱A oki’da Musa gwo mo ki: AP̱irawn midi ciḵ gwo ’peni /e yisa mo. Wakan ki miimer pem miga/ mar is mo e Pam Masir mo be.
1819	EXO 12:2	Appee yansan a’di ta’da ppee jin ṯwa/a/ ki yil gom um jin mina umi ṯel ’pen goma risa ppee i ’baar mo. A’di midi ta appee jin ṯwa/a/ ki yil gom um mo be.
1825	EXO 12:8	Uni mini ’thos shum ki isi o’d dhali ’ka a’di ki mon’thinya ’de/ c̱aan mo! Dhali uni mini ’ka a’di nyaḵki jasse/ jin ḵa/aḵa/ mo dhali nyaḵki maaŋḵuthu’d jin miinu ki dar ga cumaṯ mo.
1832	EXO 12:15	Um mini shwa maaŋḵuthu’d jin miinu ki dar ga cumaṯ goma cimi pesu/ mo. Dhali ka cim jin ṯwa/a/ mo tani um mini ḵala cumaṯ bum sho’k ka pije/ mo ’peni aris gu’b bum mo. Jan ṯal ’deŋ kamu/ midi diki shwa ji gi din ma cumaṯi e mo’pena cim jin ṯwa/a/ ntaga cimi pesu/ mo. Haali/ waḵki/ wathiŋ kamu/ shwa to ka maḵ tani minu ’ciṯẖ ’twa/ mo ’peni ’kwani ma Israyiil mo be.
1833	EXO 12:16	Ka cim jin ṯwa/a/ mo tani um mini ta gi mo ma tul ’kup̱ jin ḵogu mo. Dhali ka cimi pesu/ mo doḵ e um mini ta gi mo ma tul ’kup̱ jin ḵogu mo. Aṯuca kamu/ minu mii ka tee gwansan yisa, hili jasi to jin miin ma ris ’kwani ’baar ka ’deṯe/ ’deṯe/ i shwa mo a’di mina umi i mii thoson jasi is mo be.
1835	EXO 12:18	Dhali ka cim jin ṯwa/a/ jin ta’da ’kume’d i’ce’d ka doŋon ma ppe mo mom’pimpili/ mo tani um mini shwa maaŋḵuthu’d jin miinu ki dar ga cumaṯ mo dhali wakan si’da/ ntaga cim iss ’de/ i’ce’d ’de/ ka ppe mo mom’pimpili/ mo be.
1850	EXO 12:33	Dhali ’kwanim Pam Masir uni di’bki ’kwani is mo mmo/iiku/ mo ki yap̱ yap̱ ki jahanne/ ’peni bampam buni mo haali/ uni oki gwo mo ki: Amani ’baar mo mura wu mo be.
1872	EXO 13:4	Ka ppee jin ṯwa/a/ jin yuḵu ka Abiib mo tani um mini ii ki sule/ suleŋ gana/ mo.
1873	EXO 13:5	TAP̱A oki gwo is gom ibabam bum mmoc̱i ki um a’cesh gi Bampa/ Kanaan mo dhali Bampa/ Hathaṯẖ mo dhali Bampa/ Amuur mo dhali Bampa/ Hawb mo dhali Bampa/ Yabuus mo. Ki a’di midi ’doyu/ um eya ’cesh jin ta pa ki pa mo, um mini mii moshwan to yan ka ppee jin ṯwa/a/ ’ko’di yili ’baar mo be.
1880	EXO 13:12	/e mini dhu to ki she/ gom TAP̱A mo, uni kun ṯwa/a/ mo kun ḵa’dki bwama dho’th mo. Arisa bwanyaran to em pini mo uni kun tana rasan mo uni ta kun TAP̱A mo be.
1914	EXO 14:24	Dhali i ṯwa/a/ gi mon ’twash e TAP̱A hilki mo ka luŋgu’b ’peni bwam ma ḵa’dum o’d dhali araḵ mo ap̱o/ ’kwani ma mee Pam Masir mo dhali duŋgur uni ’kup̱ is mo be.
1944	EXO 15:23	Ki uni p̱u’dkin e mo jin yuḵu gway ka Murrah mo tani uni molki yi’de/ p̱i ’peni a’di mo haali/ a’di ḵa/aḵa/ kagahara mo. Gom gwo gi wakan mo tani a’di i yuḵkunu a’di gway ka Murrah mo.
2057	EXO 20:5	/E mini mii dhalku/ ki mii luŋ to/uḵa kamu/ mo walla mii uni to mo. Haali/ aha/ tana TAP̱A Arumgimis pini mo. Aha/ yisa mina dhal /e bway mmoluŋa ruma kamu/ mo. Aha/ dora ’kwani gun shi/aa/ i e dhali gun ush gwom pem mo. Dhali aha/ dora emen buni ka lonthoṯẖ i taga p̱o/ doŋon mo.
14059	PSA 10:7	’Twam piti ’tu’dkunu mo ki mo ma jee mo dhali ki mo ma he’k e mo dhali mmoyap̱a yap̱ mo, dhali ’ko’da le’d piti mo tani a’di taki’da pibi mo dhali miinthus jin shi/ashi/ mo.
14548	PSA 39:14	Hilki /e mo ka c̱iŋ’ko’d mo ’peni aha/ mo, ki aha/ mina gam bwaŋ ’kunyu’d mo nṯwa/a/ ki aha/ mina ya mo dhali diki di doḵ/e mo.
14565	PSA 40:17	Hili dhalki uni gwansani ’baar mo kun simmki /e e mo tani ’kunya bwa mo dhali ’bor bwa mo e /e mo. Dhalki uni gwansan kun eni bway gi mowoṯẖ pini mo tani ṯikir gwo o mo ki: Tap̱a a’di i/eḵa/ eḵ mo.
14657	PSA 47:3	Haali/ Tap̱a, a’di jin Caa e ki Ca mo tani a’di ḵa/aḵa/ mo, a’di jin ta dhana Maliḵ ap̱o/ mony’ceshi ’baar mo.
14713	PSA 50:13	A/aha/ ’kana shum gi gwaṯẖim bip̱ mo? walla a/aha/ p̱ina bas mi mo?
14988	PSA 68:36	Arumgimis a’di ḵa/aḵa/ e mom piti jin ḵogu mo, a’di jin ta’da Arumgimis gi ’Kwani ma Israyiil mo, a’di ki c̱i mom’bi’th mo dhali ’bi’th ’kwanim piti is mo. Mom’bor mii midi di goma Arumgimis mo.
15100	PSA 73:25	Kaja a’di itaka/ e momis mo? Hili diki ta jasi /eya? Dhali to p̱iyi’d e mony’cesh yan mo mmo/oka/ bwa mo mmodhal /e ka p̱o/ mo.
15201	PSA 78:30	Hili nṯwa/a/ ki uni dhu to kun gora bwa uni mo tani, ki tonṯe/ di’d e ’twam buni mo tani,
15388	PSA 88:17	Anyor pini a’di dhi’thki aha/ sho’k mo. To jin ḵo/ka/ is ’peni /e uni bu’thkina bu’th mmo’ce’d aha/ sho’k mo.
15445	PSA 90:2	Nṯwa/a/ ka dhan wosha turga/ ’kokunu mmo’doyu/ ka pije/ mo, walla isi me’dyini jin uḵa /eya ’cesh dhali mony’cesh mo, ’peni mo jin ’konuki/e ki sule/ sule/ ya ye ’ba/ mo itan mo jin ’konuki/ e ki sule/ sule/ ya ye ’ba/ mo tani /e tana Arumgimis mo.
15688	PSA 105:15	mmo/o gwo mo ki: Dhalku/ ki ta unim pem kun kwanyka/ is ki me’d mo, dhalku/ ki mii to shi/ka/ ap̱o/ imanc̱i gwom pem mo.
15690	PSA 105:17	a’di ki hash wathi/ mmoya iṯwa/a/ ki uni mo, a’di jin ta’da Yuusup̱ mo, a’di jin yolkunu mmota c̱iŋkina/ mo.
15709	PSA 105:36	A’di ki ’kosha ris bwanyaram buni ’peni bampam buni mo, a’di jin gac̱ki’di ṯwa/a/ ’peni mom’bi’th buni mo.
15755	PSA 106:37	Uni ki c̱i iya/m buni mmo’ciṯẖ ’kus mmomiiya bas mo dhali i’bwa/ buni si’da/ ka rum thus kun nyo/anyo/ mo.