318	GEN 12:19	Dhali /e ki ’cur gwo o ka yim ta ’bwahan mo. Wakan aha/ de budha yim mo mmo’taki ta ashim pem mo. Shwane/, ashim pini a’dan mo. Susi a’di mo, dhali iiyi mo.
540	GEN 21:26	Dhala Abimaalik ki o ki gwo mo ki: Aha/ yisa misha wathi/ jin thami to mii kansan mo yisa. /E si’da/ diki ṯor aha/ gwo mo. Dhali kan si’da/ aha/ si’da/ dinaki ciḵ gwoŋ kamu/, hili jasi ki ’dishe/ ishunsan mo.
702	GEN 26:9	Gom gwo gi wakan mo tani Abimaalik yuḵki’da Is/hak mo dhali o a’di gwo mo ki: Hili mo mo ma, ayim ta ashin mo ba/, kata jan ona /e gwo oki ayim ta ’bwahan mo? Is/hak ki thoḵ a’di gwo mo ki: Haali/ aha/ kulumkina gwo ibwa mo oki aha/ mina wu mo gom gwo ma yim mo be.
755	GEN 27:27	Wakan a’di p̱u’dki’d ki ’dishe/ mo dhali p̱i a’di ’twa/ mo dhali a’di jiḵki’da shim burrinyem piti mo dhali ’bor a’di mii mo dhali o gwo mo ki: Hili yisawa/, ashim gi ya/m pem mo ma isi me’da shim gi wathi/ jin yayi’d ’pena pije/ mo, a’di jin ’borkina Tap̱a mii be.
1425	GEN 47:4	Uni okina P̱irawn gwo mo ki: Aman p̱u’dkina mo mmo’ko ki ’ko ma c̱a/ e mony’cesh yan mo haali/ ashon dhii/i’da kamu/ yisa di’d imun kun mina c̱iŋkinam pini ic̱iya ma’diny ḵa’bal mo haali/ ṯe/ si’da/ a’di ishilki ’kwani is mo e Paŋ Kanaan mo. Dhali shwane/, aman ’thona /e mo, ki /e mini dhal c̱iŋkinam pini bway mo mmo’ko e Pan Jaasaan mo.
13959	PSA 2:10	Dhali wakan shwane/, ayy imaliḵ, yuḵi is mo ma, muri is mo, ayy um itap̱a gi mony’cesh mo.
14096	PSA 14:4	’Kona uni ki nyiṯẖa/, aris imanmii tonthus mowa, uni kun shwa ’kwanim pem me’d tonṯe/ kun shwana uni mo, dhali uni ’koki yuḵ Tap̱a mo.
14443	PSA 35:13	Hili aha/, ki uni ’ba’thkin mo tani – aha/ hi’thkina burrinyen shawaal mo, aha/ shi/kina is pem ki moŋga/ to mo. Aha/ ’thokina ki ’kup̱ pem jin karka/ ka luŋgu’b abor pem mo
14566	PSA 40:18	Gom aha/ mo tani aha/ hatha’ko’d ki ha’th mo dhali mina mii ta gi to mo, hili Tap̱a a’di kulumki gwo ibwa gom aha/ mo. /E ta a’dim pem jin woṯẖki aha/ mo dhali a’dim pem jin ’cuḵki aha/ mo. Dhalku/ ki ta adiiṯe/, ayy Arumgimis pem!
14823	PSA 58:2	A/um ka jiŋ gana/ ḵani gwo ki isi ḵan gana/, um kun ta ’kwani ma tul ’kup̱a? A/um dwalli iya/ gi ’kwani gwo ki dwall gana/ mowa?
14837	PSA 59:4	Haali/, hili mo mo ma, uni ishkin mmoc̱or mondiki/em pem mo, ’kwani kun ’cithira/ ’cithir mo tani uni ’tuntulki is buni imonṯal ’de/ ap̱o/ aha/ mo. Gom gwon dhaŋ pem walla miinthus pem yisa, ayy Tap̱a,
15385	PSA 88:14	Hili aha/, ayy Tap̱a, gwokina ’twa/ e /e mo. E mon’thamo/ a’thom pem yaki’di bwambori /e mo.
15486	PSA 92:10	Haali/, hili mo mo ma, ’kwani kun ta ’kup̱ ki /e mo, ayy Tap̱a, haali/, hili mo mo ma, ’kwani kun ta ’kup̱ ki /e mo tani uni minu ’ce’d sho’k mo. Aris imanmii tonthus mo tani minu c̱eker bwa mo be.
15631	PSA 103:15	Wathi/, ateem piti a’di wana e ka sho mo. A’di lugki’d ki ṯup̱ ṯup̱ mo me’d jandin to e bwam bunto mo,
15896	PSA 114:6	Ayy ’kuwosha turga/, ata p̱ekina um ki ’thir ’thir me’d gwasiŋ ḵa’bal kan mo? Dhali um ushi wosha gwa’dga/ kun wana e ki ushi ḵa’bal mo?
23250	MAT 2:12	Dhali uni rumkunu ki gwo ki jan mo mmo’koki doḵa Hirodus mo. Uni iikin ki bway bampam buniŋ gana/, mo ki bwaya kamu/ mo be.
23592	MAT 12:34	Um uc̱i gi tasha/, um mishi gwo jin ’boro’d o kata mo? ki um ta kun ta thus ki thus kan mo? Haali/ ’peni mo jin isha to ḵumma/ eya du mo tani ’twa/ a’di c̱iki gwo mo be.
23803	MAT 18:7	Wayyi e ’kwaniny’cesh mo gom mompal gi miinthus mo. Haali/ a’di ta mii jin midi ta mii mo ki mompal mini p̱u’du/ mo. Dhali hili, wayyi e wathi/, a’di jin p̱u’dkina mompal ’peni cine/ mo be.
24020	MAT 23:33	Um kun ta tasha/ mo, dhali um kun ta ushin tashan ’thi/ mo, um mini mish ye kata sa/, um kun ’dap̱a’dap̱ ki bway gi mo ma al o’d kan mo.
24214	MAT 27:16	Dhali uni tan gi wathi/ eya sijin jin mishu ’baar mo eya tente/, a’di jin yuḵkunu gway ka Baraabas mo be.
24329	MRK 1:45	Hili a’di yaki’d ka pije/ mo dhali ṯel mii ’pen mo mmobah gwo gom a’di ’baḵany mo dhali mmoḵal gwo ki lala’th mo. Wakan a’di mol ma Yesus cic̱ bampa/ doḵ/e mo eya tente/, hili a’di di’d ka pije/ ’peni bampa/ mo, dhali ’kwani p̱u’dkini a’di mo ’peni aris shemen bampa/ mo be.
24440	MRK 5:7	dhali a’di cuu gwo ki dhan ’twa/ jin caaca mo mmo/o gwo mo ki: Ki /e mini miiya tinta ki aha/, Yesus, /e jin ta Ya/ gi a’di jin Cayaa/ e ki Ca jin ta’da Arumgimis mo? Aha/ ḵana /e gwo mo ka Arumgimis mo ki: Dhalku/ ki ’kosh aha/ is ka nyor mo.
24474	MRK 5:41	Dhali a’di ki butha yim ki me’d mo dhali a’di ki owa yim gwo mo ki: Ṯaliṯẖa kumi, a’di jin ta ’pemen gwo jin onu ki: Ari nyara/, aha/ ona /e gwo mo ki: cuyi mis mo.
24636	MRK 9:29	Dhali a’di ki thoḵ uni gwo mo ki: Ji gi wakansan minu ’koki mish ur ka pije/ ki miiŋ kamu/ mo ba/, hili ki mon’tho mo be.
24805	MRK 13:19	Haali/ ka cim gwansan mo tani monṯo’c bwa midi di jin diki di wakan mo ’peni ka muŋ’kup̱ mo me’d jin uḵ ma Arumgimis to mo ntagi shwane/ mo ba/, dhali midi diki di ki sule/ sule/ mo be.
25090	LUK 2:48	Dhali ki uni p̱arki a’di e mo tani uni merkin mo dhali ata’dam piti ki o a’di gwo mo ki: Ya/um, atinta miina /e aman wakan mo? Hili mo mo ma. Babam pini dhali aha/, aman ŋap̱kina /e ki mo/anan is mo be.
25196	LUK 5:20	Dhali ki a’di p̱arki moŋgam gwo is buni e mo tani a’di o uni gwo mo ki: Wathi/, miinthus pini dhalkunu /e ’pen mo be.
25368	LUK 8:54	Hili a’di ki budha yim ki me’d mo. A’di ki yuḵa yuḵ mo mmo/o gwo mo ki: Ari nyara/, cuyi mis mo ma.
25556	LUK 12:28	Hili waḵki/ Arumgimis ki hi’th asho ki burrinye/ kun ’kon e bwaasho shwane/ mo dhali ka’thamo/ uni ṯagu i o’d mo tani bakata ’te/ imina a’di hi’th um ki burrinye/, um ’kwani kun aṯẖa moŋgam gwo is ki aṯẖ kan mo?
25991	LUK 22:58	Dhali yan’ko’d ari’ceenne/ mo tani jan ’deŋ kamu/ si’da/ p̱arki a’di e mo dhali o a’di gwo mo ki: /e si’da/ ta jan ṯal ’de/ ’peni uni mo be. Hila Buṯerus o gwo mo ki: Wathi/, aha/ tana a’di yisa.
25993	LUK 22:60	Hila Buṯerus ki o a’di gwo mo ki: Wathi/, aha/ mola gwo ’ban jin ona /e mo. Dhali ki jahanne/ ki a’di di’d mmo/o gwo mo tani adhoŋgola ŋwa gwo e mo be.
26192	JHN 3:3	Yesus ki thoḵ a’di gwo mo ki: Ka jiŋ gana/, ka jiŋ gana/, aha/ ṯora /e gwo mo ki: Isi ciki/ waḵki/ jan ṯal ’deŋ kamu/ dinuki dho’th ki dho’th this ’peni momis mo tani a’di midi mol se Bampa/ ma Arumgimis mo be.
26194	JHN 3:5	Yesus ki thoḵ a’di gwo mo ki: Ka jiŋ gana/, ka jiŋ gana/, aha/ ṯora /e gwo mo ki: Isi ciki/ waḵki/ jan ṯal ’deŋ kamu/ dinuki dho’th ’peni yi’de/ dhali ’peni Shi/in mo tani a’di midi mol cic̱ Bampa/ ma Arumgimis mo be.
26200	JHN 3:11	Ka jiŋ gana/, ka jiŋ gana/, aha/ ṯora /e gwo mo ki: Haali/ aman ṯora gwo gi to jin misha aman mo dhali ṯor gwo gi to jin p̱ara aman e mo. Hili um ’koki bu’th gwo jin ṯora aman mo be.
26303	JHN 5:24	Ka jiŋ gana/, ka jin gana/ aha/ ona um gwo mo ki: A’diyin jin ciḵki gwom pem mo dhali gam a’di is mo a’di jin hashki aha/ mo tani a’di ita’d gi mondiki/e ki sule/ sule/ ya ye ’ba/ mo be. A’di midi diki yayu/ e miiwaḵ gi gwon dwall mo hili a’di ’ciṯẖki’d mo ’peni mowu mo ntagi moŋ’koki/e ki sule/ sule/ ya ye ’ba/ mo be.
26304	JHN 5:25	Ka jiŋ gana/, ka jiŋ gana/ aha/ ṯora um gwo mo ki: Mo midi p̱u’du/ mo dhali a’di diki’d shwane/ mo, ki uni kun wukin mo mini ciḵ ’twa/ gi Ya/ ma Arumgimis mo, dhali uni gwansan kun ciḵkin mo tani mini ’ko ki e mo be.
26352	JHN 6:26	Dhala Yesus ki thoḵ uni gwo mo ki: Ka jiŋ gana/, ka jiŋ gana/ aha/ ṯora um gwo mo ki: Um ŋap̱i aha/, yisa mmop̱arkina um miimer e mo yisa, hili mmoshwakina um maaŋḵuthu’d ikap̱ mo be.
26358	JHN 6:32	Dhali yan’ko’d Yesus ki o uni gwo mo ki: Ka jiŋ gana/, ka jiŋ gana/ aha/ ṯora um gwo mo ki: AMusa, yisa a’di ic̱iki um maa yan ’peni momis yisa. Ababam pem a’di c̱iki um maaŋ gana/ yan ’peni momis mo be.
26370	JHN 6:44	Wathin ṯal ’deŋ kamu/ yisa di’da jin midi yayu/ i aha/ isi ciki/ Ababa jin hashki aha/, a’di dirki a’di mo. Dhali aha/ mina ’de’k a’di ka cim jiŋ ’ko’d mo be.
26373	JHN 6:47	Ka jiŋ gana/, ka jiŋ gana/ aha/ ṯora um gwo mo ki: A’diyin jin gamki gwo is mo tani ta’d gi mondiki/e ki sule/ sule/ ya ye ’ba mo be.
26379	JHN 6:53	Dhali wakan aYesus ki o uni gwo mo ki: Ka jiŋ gana/, ka jiŋ gana/ aha/ ṯora um gwo mo ki: Isi ciki/ waḵki/ um ’koki ’ka shuman is gi Ya/ gi ’Kwani mo dhali p̱i abas piti mo tani um mini ’koki ta gi moŋ’koki/e e is bum mo be.
26484	JHN 8:34	Yesus ki thoḵ uni gwo mo ki: Ka jiŋ gana/, ka jiŋ gana/ aha/ ona um gwo mo ki: Aris ’kwani ’baar mo ka ’deṯe/ ’deṯe/ kun miiki miinthus mo tani uni ta c̱iŋkina/ gi miinthus mo be.
26501	JHN 8:51	Ka jiŋ gana/, ka jiŋ gana/ aha/ ṯora um gwo mo ki: Waḵki/ wathin ṯal ’deŋ kamu/ midi dhu gwom pem mo tani a’di midi diki p̱ar wu e ki sule/ mo be.
26502	JHN 8:52	Dhali ’Kwani Yahuuda/ ki o a’di gwo mo ki: Shwane/ aman misha ki /e tana ga ruma ’cesh mo. Ibrahiim wuki’d mo ba/, me’d jin wukina imanc̱i gwo ma Arumgimis kadhamo/ mo dhali i/e a’di i/on ki: Waḵki/ wathi/ midi dhu gwom pem mo tani a’di midi diki nyoḵ wu ki sule/ mo be.
26508	JHN 8:58	Yesus ki thoḵ uni gwo mo ki: Ka jiŋ gana/, ka jiŋ gana/ aha/ ṯora um gwo mo ki: Nṯwa/a/ ka Ibrahiim diki di mo tani aha/ dikina mo be.
26551	JHN 10:1	Ka jiŋ gana/, ka jiŋ gana/ aha/ ona um ki a’diyin jin diki se ki ’twaŋkala goŋ ḵa’bal mo, hili ise ki bwaya kamu/ mo tani a’di ta wathin ’di/ mo dhali jin ta’da mandil to mo be.
26673	JHN 12:24	Ka jiŋ gana/, ka jiŋ gana/ aha/ ona um gwo mo ki: Isi ciki/ waḵki/ emen pos diki biṯa ’cesh dhali wu mo tani a’di midi di a’di ’de/ mo. Hili waḵki/ a’di ki wu mo tani a’di midi dho’th maman kagahara mo be.
26681	JHN 12:32	Dhali aha/, ki aha/ minu ’de’k mo ’peni mony’cesh yan mo tani aha/ mina dira ris ’kwani ’baar mo e is pem mo be.
26715	JHN 13:16	Ka jiŋ gana/, ka jiŋ gana/ aha/ ṯora um gwo mo ki c̱iŋkina/ yisa ica’d ki tap̱am piti mo yisa, walla a’di jin hashu mo tani yisa ica’d ki a’di jin hashki a’di mowa.
26719	JHN 13:20	Ka jiŋ gana/, ka jiŋ gana/ aha/ ona um gwo mo ki: A’diyin jin midi bu’th jan ṯal ’deŋ kamu/ ’peni bwam uni kun hashka/ mo tani a’di bu’thki aha/ mo, dhali a’di jin bu’thki aha/ mo tani a’di bu’thki a’di jin hashki aha/ mo be.
26720	JHN 13:21	AYesus oki gwo wakansan mo tani a’di murkin ma du mo e shi/in mo dhali ṯe gwo shoka ’cesh mo ki: Ka jiŋ gana/, ka jiŋ gana/ aha/ ona um gwo mo ki: Jan ṯal ’deŋ kamu/ ’peni um midi ’ciṯẖ aha/ is ki gwo mo be.
26737	JHN 13:38	Yesus ki thoḵ a’di gwo mo ki: A/e mini kar mondiki/em pini a’cesh gom aha/? Ka jiŋ gana/, ka jiŋ gana/ aha/ ṯora /e gwo mo ki: Ka dhoŋgola ŋwa diki ko e mo tani ntagi /e mini waṯ aha/ gway me’di kwara mo be.
26749	JHN 14:12	Ka jiŋ gana/, ka jiŋ gana/ aha/ ona um gwo mo ki a’di jin gamki aha/ gwo is mo tani midi mii mii si’da/ kun miika/ mo, dhali mii kun can ki gwansan mo tani mina a’di imii mo haali/ aha/ yana ya Ababa mo be.
26797	JHN 16:2	Uni mini ur um ka pije/ ’peni gu’b gi montul is mo. Ka jiŋ gana/, mo midi p̱u’du/ mo ki a’diyin jin midi ’kosh um mo tani midi ṯosh ki a’di mii to mmoluŋa a’diya luŋ goma Arumgimis mo.
26815	JHN 16:20	Ka jiŋ gana/, ka jiŋ gana/ aha/ ona um gwo mo ki: Um mini ko mo dhali ko ki kony jabu’th mo, hili ’kwaniny’cesh uni imina bwa i’kuny mo. Um a’di imina bwa idiṯadiṯ mo, hili bwan diṯi’d bum midi war ki moŋ’kuny bwa mo be.
26818	JHN 16:23	Dhali ka tee c̱aan mo tani um mini ’koki doṯ aha/ gwondoṯa kamu/ mo. Ka jiŋ gana/, ka jiŋ gana/ aha/ ona um gwo mo ki: Waḵki/ um mini doṯ toŋ kamu/ ’pena Baba mo tani a’di midi c̱iki um uni ki gway pem mo be.
26827	JHN 16:32	Mo midi p̱u’du/ mo. Ka jiŋ gana/ a’di p̱u’dki’d mo ki um minu c̱eker bwa mo, aris umi ’baar mo e gu’b bum ka ’deṯe/ ’deṯe/ mo dhali um mini dhal aha/, aha/ ’de/ mo. Hili aha/ dina aha/ ’de/ yisa, haali/ Ababa a’di nyaḵki di ki aha/ mo be.
26909	JHN 19:15	Dhali uni ḵumki cuuwa/ mo mmo/o gwo mo ki: A’di ka bor ’de/ mo. A’di ka bor ’de/ mo. ’Koshi a’di ki cwany’ciṯẖan dhul mo. Bilaaṯus ki o uni gwo mo ki: Miga/ ’kosha Maliḵ bum ki cwany’ciṯẖan dhula? Dhali igasiis kun can mo thoḵ a’di gwo mo ki: Aman ’konaki ta ga maliḵa kamu/ mo ba/, hila Kaysar a’di ’de/ mo be.
26985	JHN 21:18	Ka jiŋ gana/, ka jiŋ gana/ aha/ ona /e gwo mo, me’dyin jin dina /e ki gwa’d mo tani /e ki deḵ to i empa’d ki me’d pini mo dhali ya me’d jin ona bwa /e mo. Hili ki /e mini ta adhan mo tani /e mini he’th me’d pini mo dhali wathiŋ kamu/ midi deḵ ki /e to mo dhali ḵal /e i mo jin mina bwa ’te /e ki ya mo be.
27082	ACT 3:17	Dhali shwane/, ikam pem, aha/ misha ki a’di miikina um mo mmomolkina um to mo, me’d jin miikina um tap̱am bum si’da/ mo.
27805	ACT 23:3	Ŋ’ko’d aBuulus oki a’di gwo mo ki: Arumgimis midi dor /e mo, /e jin tana gaŋgara/, jin kushu mo e mis ’te/ kan mo dhali /e ki c̱a’b mmodwall aha/ gwo mowa gom gwoŋḵan jin c̱inu mo dhali /e ki ḵan gwo ki aha/ minu dor mo ki gwoŋḵan jin c̱inu mo jin ’ce’du ’pen ’te/ mo?
28526	1CO 5:4	e gway gi Tap̱a Yesus ap̱o/ wathi/, a’di jin miiki ji gi ta thus kansan mo be. Ki um tul is mo tani dhali shi/in pem nyaḵ di ki um mo tani nyaḵki mom’bi’th gi Tap̱a Yesus bana mo be tani
28674	1CO 11:6	Haali/, waḵka ’bom midi diki hi’th to i’kup̱ gom is piti mo tani ayim midi ’taki ’ciṯẖa/ mur’kup̱ piti mo be. Hili waḵki/ a’di ta miin ’thalkina/ mo goma ’bom mo mmo’ciṯẖa/ mur’kup̱ mo walla mmo’thiya mur’kup̱ mo tani dhalka yim hithi burrinyeŋ ’kup̱ mo ma.
28762	1CO 14:16	Wanya/ ’te/ ba/, waḵki/ /e ’bori mii ki shi/in mo tani ka ciŋ kamu/ jin mol ’twa/ yan wal mo tani midi mish gwo o mo ki: Amen, kata mo gom mo ma ’bor bwam pini jin ’bora /e a’bor bwa i is mo ki a’di diki mish gwo jin ona /e moyi?
28792	1CO 15:6	Dhali yan’ko’d a’di piki ’kwani gun bol ’kwani e mo kun ’koni iss ’kwanimpa i/iss ’de/ i’ce’dki iss ’kwanimpa imudhe’d ap̱o/ mo ki me’d ’deŋ gana/ mo. Kun tiya ka woho/ mo tani uni ’kon ki e mo naskina/, ba kun tiya uni i/ishki e mo be.
29122	2CO 13:11	Ḵwalany ’te/ ba/, iwaḵ mo. ’Koku/ ma. Ṯoki miim bum ma. C̱iya hirdhe/ ki gwom pem mo ma. Gami gwo me’d ka rem ’kup̱ mo ma. ’Koyi e moŋḵu’th is mo ma. Dhali Arumgimis gi mo/en dhali ji gi moŋḵu’th is mo a’di midi di e um mo be.
29416	EPH 6:12	Haali/ ana ’konaki ’thir mo ap̱o/ buŋgwar is mo dhala bas mo, hili ap̱o/ mom’bi’th kun molu gadhir mo dhali ap̱o/ mom’bi’th mo, dhali ap̱o/ itap̱a kun ji mony’cesh yan mo jin ta mondhurumi’d mo shwane/, dhali ap̱owa risa buhany shi/in thus kun ’koki ta gi buŋgwar is ga ’cesh mo e mo kun ’kon e momis mo.
29470	PHP 2:12	Dhali wakan, um pem gun enka/ mo, me’d jin hana um gwo e isa yempa/ mo tani wakan shwane/, yisa jasi mmodika/ um e buŋ’kus mo hili ki nyanye/ mmop̱ika/ mo, miiyi mowoṯẖ bum gana/ mo ki moŋko/ is mo dhali ki mondee mo.
29500	PHP 3:12	Yisa mmobu’thkika/ to yansan mo hila/ walla mmowarki jim ’borgaŋ gana/ mo hila/, hili aha/ dina mmo/ur a’di mo mmomiga/ bu’th a’di jin bu’thkin ma Ḵrisṯẖos jin ta’da Yesus aha/ mo, mmokar aha/ mo mmota jim piti mo be.
29555	COL 1:23	ba shi/ mii a’dan ’te/ ba/, waḵki/ um mini ṯikir ’ko mo e moŋgam gwo is mo, ki moŋḵa’b mo dhali ṯel sho’k mo, yisa mmoṯi’k mo ’peni mo ma ’teŋ kap̱e/ gi gwom ’borga/ jin ciḵkina um mo, a’di jin c̱ikunu aris ’kwani ’baar mo kun uḵkunu mo e bwaŋ’kwariny momis mo, dhali gom a’di mo tani aha/ jin tana Buulus warkina ka manmii a’di mo be.
29853	1TI 5:23	Dhalku/ ki p̱i jasi yi’de/ mo naskina/, hili p̱iyi ari yiman amura’th mo gom gway gi bwam pini mo dhali gom ’ba’th pini jin ’kosh /e ki jahanne/ jahanne/ mo.
29966	TIT 1:7	Haali/ jwaha/ wathi/, me’d wathi/ jin ta’da mandhu to goma Arumgimis mo ba/, a’di midi mii dar gi mii ’ba/ mo, dhali a’di midi mii diki ’theḵ ’ba/ imis mo, walla ta amanwar ki jahanne/ mo, walla ta a’di jin min ma su ’kosh mo, walla ta amanbujura bujur mo, walla ta amanpur bwa ki pur mo gom nyunycina/ mo.
30021	PHM 1:16	mmodoḵ/e kar a’di me’d c̱iŋkina/ jin yolu yisa, hili mmothis a’di mii ’ko’d e mo me’d c̱iŋkina/ jin ’konuki yol mo, mmokar a’di ka kam pini jin enu mo, dhali isi ki ji mum si’da/ mo gom aha/ mo, hili a’di ’teki nyanye/ gom /e ba/, gom mii kun ’konu ki shuman is mo dhali e Tap̱a mo be.
30024	PHM 1:19	Aha/, jin tana Buulus mo, i’kwarkina gwo yansan ki me’d pem gana/ mo. Aha/ mina c̱i /e to mo gom a’di mo – ki aha/ mina diki o gwoŋ kamu/ mo goma murem pini jin dina /e aha/ i’ba/ mo, isi kani jin ta buŋgwar is piniŋ gana/ mo.
30069	HEB 3:7	Wakan, me’d gwo jin okina Shi/in Dheleladhelel mo ki: Shwane/, ki um mini ciḵ ’twam piti mo tani
30077	HEB 3:15	ki a’di ’konu mo mmo/o si’da/ mo ki: Shwane/, ki um ciḵki ’twam piti mo tani dhalka dum bum ki ’bi’th mo me’d mii jin ushkunuwa ush mo.
30088	HEB 4:7	Doḵ/e a’di karki’da teeŋ kamu/ mo mmo/o gwo mo ki: Shwane/, mmo/o gwo mo eya Dawuu’d mo, ma isi ’ko’di nnii mo, e gwo kun ’tulkunu mo hila/ ki: Shwane/ ki um ciḵki ’twam piti mo tani dhalka dum bum ki ’bi’th mo.
30174	HEB 9:2	Haali/ gu’b burrinye/, a’di thosonkunu mo, a’di jin ta jan ’de/ jin di’d ka pije/ mo. E a’di mo tani a’di ita mo jin karkunu ṯirkina/ ma lamba/ mo, dhala tharabeesa mo, dhali maaŋḵuthu’d jin karu i Buŋ’kus mo, a’di jin yuḵkunu ki Mo jin Ḵogu mo be.
30300	HEB 12:21	Ka jiŋ gana/ nyc̱a/, wakan mo, mo jin ḵoguwa ḵo/ is diki’d mo e bwambori jis/em piti mo ka Musa o gwo mo ki: Aha/ deekina is mo ki moŋḵo/ is kagahara mo be.
30594	2PE 3:5	Uni c̱i mii ’ko’d mo ki bwam buni mo, ki, ki gwo ma Arumgimis mo tani aris momis ’kokin kadhamo/ innii mo ba/, dhali mony’cesh uḵkunu ’peni yi’de/ mo dhali ki yi’de/ jin ta yi’de/yi
30943	REV 11:3	Dhali aha/ mina c̱i uni kun ’koni su/, uni gun ta iman/o gwom pem, mom’bi’th mo mmoc̱i gwo is mo goma tee kun ’kon ma alip̱i ’de/ mo jin ’ce’dki’d ka iss ’kwanimpa ka ’kume’d ’dap̱ ’twa/ ka kwara mo, mmohi’th burrinye/ ma shawaal kun ta kun ’thi/ mo.