874	GEN 30:43	Ki mii wakan mo tani wathi/ ta pa mo ijasa/? dhali a’di taki’d ka ma’diny ḵa’bal jin caaca mo dhali up̱ piti si’da/ takin gi up̱ c̱iŋkina/ ka ris mo kun mii uni to ime’d mo dhali ’kwaniŋ gwaṯẖ tana ris kun ta c̱iŋkinam piti mo kun mii a’di to ime’d mo dhali aris kalman mo dhali aris thuluny mo be.
1583	EXO 3:3	Dhali aMusa ki kulum gwo i bwa mo ki: Atinta dina o’d ki kup̱ ari bwaman cwa yan mo kan sa/? Aha/ mina shorki is mo dhali p̱ar dhan miimer yan e mo.
1604	EXO 4:2	Dhali yan’ko’d TAP̱A ki o a’di gwo mo ki: Atinta i di’di me’d pini mo sa/? A’di ki thoḵ a’di gwo mo ki: Alukaas mo be.
1956	EXO 16:8	Dhala Musa oki gwo mo ki: Um mini mish ki a’di ta TAP̱A jin c̱i ki um shum mmo’ka mom’pimpili/ mo dhali maaŋḵuthu’d mmoshwa mon’thamo/ mo haali/ TAP̱A ciḵki’da gumgum bum mo ap̱o/ a’di mo. Aman tana ija sa/? Mo ma gumgum bum di’d ap̱o/ aman yisa hili ap̱o/ TAP̱A mo be.
13996	PSA 6:4	Aḵashiram pem si’da/ a’di puru/ ki monṯo’c bwa mo. Hili /e, ayy Tap̱a – kakasja sa/?
14223	PSA 22:3	Ayy Arumgimis pem aha/ gwokina montee ka yempa/ mo, dhali hili /e diki thoḵ aha/ ’twa/ mo. Dhali mon’thiny si’da/ aha/ gwokina mo, dhali hili mosi/isa kamu/ gamkaa/?
14537	PSA 39:3	Aha/ usha ’twa/ wal mo dhali c̱a’bki shwamm mo, aha/ bu’thkina moŋḵu’th is pem mo tani toŋ kamu/ gamkaa/? mo ma c̱is pem thissi’di ca mo ’teki shi/ shi/ mo.
15290	PSA 81:14	Ayy, ki ’kwanim pem mini ’taki ’koki ciḵ aha/ gwo mo sa/? Ka Israyiil midi ’taki ya e bway pem moyi.
15504	PSA 94:7	Dhali uni ki o gwo mo ki: Tap̱a mishki toŋ kamu/ p̱ar eya? Arumgimis ma Yakuub a’di mish toŋ kamu/ nyiṯẖa/?
23349	MAT 5:46	Haali/ waḵki/ um ki en uni gwansan kun eni um mo tani tom bum kun mina um gam gom mii gi wakan mo tani mini wakata mo sa/? ’Kona imantera thulp̱a/ ki mii mii jin nyaḵa’d kan mo ’taa?
23382	MAT 6:31	Wakan dhalku/ is ki anan mo ma mmo/o gwo mo ki: Atinta mmina ana ishwa mo? walla, Atinta mmina ana ip̱i mo sa/? walla, Atinta mmina ana ihithi is mo sa/?
23453	MAT 9:5	Haali/ mii jana sa/? ŋ’ka’da’d mo? Mmo/o wathimpa gwo mo ki: Miinthus pini dhalkunu /e ’pen mo? walla mmo/o gwo mo ki: Cuyi mis mo dhali ’deki acim pini dhali ya mo?
23618	MAT 13:10	Dhali yan’ko’d imanciḵ a’di gwo p̱u’dkini a’di mo dhali o a’di gwo mo ki: Atinta ṯora /e uni gwo ki gwom ’bi’th/e mo sa/?
23662	MAT 13:54	Dhali a’di p̱u’dki’d mo e bampam pitiŋ gana/ mo dhali ṯor uni gwo mo e gu’b gi montul is buni mo. Wakan uni merkin mo dhali o gwo mo ki: ’Peni mana gama wathi/ yansan yuḵ kan mo sa/? Dhali mii mii gwansan kun eḵa/ eḵ mo?
23786	MAT 17:17	Dhala Yesus ki thoḵ uni gwo mo ki: Ayy, um ’kwani kun aṯẖa moŋgam gwo is ki aṯẖ kan mo dhali kun c̱aca ii ki c̱aca mo eya nyaḵum yil bum mo, aha/ mina di i um ki mo gi wakata mo? Dhali ki mo gi wakata imiga/ i’dim ’kup̱ e um mo sa/? Susi a’di mmahan i aha/ mo ma.
23788	MAT 17:19	Dhali yan’ko’d imanciḵ a’di gwo p̱u’dkina Yesus mo uni ’cena mo dhali o a’di gwo mo ki: Atinta ’kona aman ki mish a’di ur ka pije/ mo sa/?
24221	MAT 27:23	Dhali a’di ki thoḵ uni gwo mo ki: Gomata sa/? Tonthus gi wakatinta imiikina a’di mo? Hili uni cuukin kagahara mo mmonṯal ’de/ mo mmo/o gwo mo ki: Dhalki a’di ’koshu ki cwany’ciṯẖan dhul mo.
24433	MRK 4:41	Dhali uni ’kokunu mo mmo’tu’d ki mondee is mo dhali o gwo ka rem ’kup̱ mo ki: Ki wathi/ jana a’dan sa/? ki ’tham dhali yi’de/ haki a’di gwo e mo?
24596	MRK 8:27	Dhala Yesus nyaḵ ya ki imanciḵ a’di gwo mo e bampa/ gi Paŋ Kaysariyya mo e Pam P̱ilibbi mo. Dhali e bway tur jin iina uni mo tani a’di ki doṯ imanciḵ a’di gwo gwo mo ki: Ki ’kwani on ki aha/ tana aja mo sa/?
24598	MRK 8:29	Dhali a’di ki thoḵ uni gwo mo ki: Hili idhali um onki aha/ tana aja mo sa/? Buṯerus ki thoḵ a’di gwo mo ki: /E tana Ḵrisṯẖos mo be.
24626	MRK 9:19	Dhali a’di ki thoḵ uni gwo mo ki: Ayy, um ’kwani kun tana nyaḵum yil kun aṯẖa moŋgam gwo is ki aṯẖ mo. Ki aha/ mina di i um ki mo gi wakata mo? Dhali ki mo gi wakata imiga/ i’dim ’kup̱ e um mo sa/? Susi a’di i aha/ mo ma.
24714	MRK 11:5	Dhali uni gwansan kun doshkin mo tani o uni gwo mo ki: Atinta imina um kan mo sa/? Um ’cuḵi ari thuluny gomata?
24751	MRK 12:9	Ata mina com gi mo ma mura’th i mii mo sa/? A’di midi p̱u’du/ mo dhali ’ce’d uni gwansan sho’k mo kun miiki to ka guurush mo dhali c̱i mo ma mura’th ki ’kwanin tiya mo be.
24758	MRK 12:16	Dhali uni ki guyi a’di jan ’de/ mo. Dhali a’di ki o uni gwo mo ki: Ki jamas maja a’dan sa/? Dhali a’di ’kwar maja imahan mo? Dhali uni ki thoḵ a’di gwo mo ki: A’di ta jim ma Kaysar mo be.
24909	MRK 15:14	Dhala Bilaaṯus ki thoḵ uni gwo mo ki: Gomatinta sa/? Tonthus gi wakatinta imiikina a’di mo? Hili uni ’baar mo ḵumki cuuwa/ mo ki nyanye/ mo mmo/o gwo mo ki: ’Koshi a’di ki cwany’ciṯẖan dhul mo.
25554	LUK 12:26	Waḵki/ um si’da/ ’koki mish ushi toŋ gwa’dga/ mii mo kun wakan tan mo tani atinta anana um is mo gom miin tiya mo sa/?
25605	LUK 13:18	Dhali wakan a’di ki o gwo mo ki: Bampa/ ma Arumgimis wana e katinta mo sa/? Dhali aha/ mina kar a’di ka p̱ar ’ban katinta mo?
25607	LUK 13:20	Dhali doḵ/e a’di ki o gwo mo ki: Aha/ mina kar Bampa/ ma Arumgimis ka p̱ar ’ban kata mo sa/?
25692	LUK 16:3	Dhali amandhu to a’di o gwo mo e is piti ki: Aha/ mina mii katinta mo sa/? haali/ tap̱am pem a’di bu’thki mo jin dhuka/ to mo ’peni aha/ mo. Aha/ tana wathi/ jin ’bitha’bi’th jin ’kosh jwa mo mmoc̱wany jis yisa dhali aha/ ’thena is mo mmo’tho to mo.
25738	LUK 17:18	Jin ṯal ’deŋ kamu/ bunya/? diki gam mo mmodoḵu/ mo mmomaŋa Arumgimis mo hili isi ciki/ a’di jin diki ta Wathi/ Yahuuda/ mo be.
25740	LUK 17:20	Dhali a’di doṯkunu gwo mo ki ’Kwani P̱arisiyiin mo ki Bampa/ ma Arumgimis midi p̱u’du/ kakasja mo sa/? Dhali a’di ki thoḵ uni gwo mo ki: Bampa/ ma Arumgimis midi diki yayu/ ki jamas mii jin minu tim ki ye’th ye’th mo.
25775	LUK 18:18	Dhali tap̱aŋ kamu/ doṯ a’di gwo mo ki: Manṯor Gwo jin ’boro’d. Aha/ mina mii kata mo mmogam mal gi mondiki/e ki sule/ ya ye ’ba/ mo sa/?
25783	LUK 18:26	Uni gwansan kun ciḵki a’di mo tani o gwo mo ki: Waḵki/ wakan mo tani ija iminu iwoṯẖ mo sa/?
26134	JHN 1:21	Dhali uni ki doṯ a’di gwo mo ki: Ba /e tana ja sa/? /E tana Iliyya ’taa? A’di ki o gwo mo ki: Aha/ tana a’di yisa. Dhali uni ki o a’di gwo mo ki: I/e tana manc̱i gwo de? Dhali a’di ki thoḵ uni gwo mo ki: Yisa.
26135	JHN 1:22	Dhali yan’ko’d uni ki o a’di gwo mo ki: Ba ki /e tana jaye? Dhalki aman mina mii tagi gwon thoḵ gom uni gun hashki aman mo. Ata ona /e gwo gom is pini kan mo sa/?
26408	JHN 7:11	Dhali ’Kwani Yahuuda/ ’kokin mo mmoŋap̱ a’di ka cim jin yuḵuwa yuḵ mo dhali o gwo mo ki: Mane a’di sa/?
26528	JHN 9:19	Dhali uni ki doṯ uni gwo mo ki: A/yan ta ya/m buma, a’di jin ona um ki a’di dho’thkunu ka ja’da/ mo? Ba a’di mishi mo mo kata shwane/?
26530	JHN 9:21	Bahili a’di mishi mo kata shwane/ sa/? Aman mola mo walla aman ’konaki mish a’di jin ḵa’dki em piti mo. Doṯi a’di mo ma. A’di cana yil mo. A’di midi o gwo gom is piti mo be.
26536	JHN 9:27	A’di ki thoḵ uni gwo mo ki: Aha/ ṯorkina um gwo mo hila/ dhali um ushki gwo ciḵ moyi. Ba tinta iŋap̱a um a’di mmociḵ doḵ/e sa/? Um si’da/ ŋap̱an mmowar ki imanciḵ a’di gwo mo ’taa?
26600	JHN 11:8	Dhali imanciḵ a’di gwo ki thoḵ a’di gwo mo ki: Rabbi, ’Kwani Yahuuda/ hila/ uni shwaneyin ŋap̱ki /e mmo’kosh ki wosh mo dhali /e mini ya imun doḵ/e mana sa/?
26724	JHN 13:25	Wakan mmo/ishkina a’di abor ma Yesus ki ’dishe/ mo tani a’di ki o a’di gwo mo ki: Tap̱a kaja sa/?
26737	JHN 13:38	Yesus ki thoḵ a’di gwo mo ki: A/e mini kar mondiki/em pini a’cesh gom aha/? Ka jiŋ gana/, ka jiŋ gana/ aha/ ṯora /e gwo mo ki: Ka dhoŋgola ŋwa diki ko e mo tani ntagi /e mini waṯ aha/ gway me’di kwara mo be.
26889	JHN 18:35	Bilaaṯus ki thoḵ a’di gwo mo ki: Aha/ tana Wathi/ Yahuudaa? ’Kwani gi kal pini dhali igasiis kun can mo uni c̱iki /e ki aha/ mo. Ki tonta imiikina /e mo sa/?
26903	JHN 19:9	A’di cic̱ki mo ma mudhiir doḵ/e mo dhali owa Yesus gwo mo ki: Ki /e ’peni mana sa/? Hila Yesus c̱i a’di gwon thoḵa kamuwa?
26979	JHN 21:12	Yesus ki o uni gwo mo ki: Iiyu/ mo ma dhali shwa tonṯe/ gi mon’thamo/ mo. Hila manciḵ a’di gwoŋ kamu/ yisa di’d ’de/ jin ro’dki mii mo mmodoṯ a’di gwo mo ki: Ki /e tana ja sa/? Uni nyiṯẖkin ki a’di ta Tap̱a mo be.
27107	ACT 4:16	mmo/o gwo mo ki: Ana mina miiya ta ki ’kwani gwansan sa/? Haali/ ka jiŋ gana/ a’di ṯoru eya tente/ ibwam uni ’baar kun ’kon e Pa Urushaliim mo ki miimer jin misha ’kwani ’baar mo miikunu mo e uni mo dhali ana mola a’di waṯ mo be.
27131	ACT 5:3	Hila Buṯerus ki o a’di gwo mo ki: Hananiyya, ata ’tu’d ma Seṯaan eya dum pini mmotham gwo o ki Shi/in Dheleladhelel mo dhali boc̱ ’bana kamu/ ’pen ’pena guurush jin yolu/ mo mo sa/?
27279	ACT 8:34	Dhali a’di jin ta mantil oki’da P̱ilibbus gwo mo ki: Ṯor aha/ gwo mo ma, amanc̱i gwo ma Arumgimis kadhamo/ yin mo tani a’di ṯori gwo goma ja sa/? A’di ṯorki gwo gom is piti mo ’taa? walla gom wathiŋ kamu/ mo.
27379	ACT 11:3	mmo/o gwo mo ki: Katinta sa/? iyana /e i ’kwani gun ’konuki ’ciṯẖa/ munyjal yis mo dhali nyaḵ to shwa ki uni mo?
27610	ACT 17:18	Dhali ’kwaniŋ gaŋgashan tiya si’da/ ’peni ’Kwani ma Apikuur mo dhali ’Kwani Ruwaak gam ’kup̱ ki a’di mo. Dhali kun tiya o gwo mo ki: Aman’ta’b mo ki ’twa/ yan mo midi ’taki o katinta sa/ ise/? Kun tiya o gwo mo ki: A’di wana e ka manṯor gwo goma rum kun molu mo haali/ a’di c̱iki gwo ma Yesus mo dhali gwo gom mompinu mo be.
27669	ACT 19:15	Dhala rum thus thoḵki ’twa/ mo dhali o uni gwo mo ki: Yesus yan nyiṯẖka/ mo dhala Buulus yan mishga/ mo. Hili um ta ija sa/?
27706	ACT 20:12	Dhali uni suskina ’ciŋgwaṯẖ jin di ki e mo dhali uni malaskunu ki jasa/?
28060	ROM 3:1	Haali/ a’di gi wakan mo tani shi/ miim ’boro’da ta itana ’Kwani Yahuuda/ mo sa/? Walla tonta igama she/ mo mmo’ciṯẖuwa munyjal yis mo sa/?
28067	ROM 3:8	Dhali tonthus ’konuki ’taki mii mo gomata mmomina tom ’boro’di ’taki p̱u’du/ mo sa/? – me’d ’kwanin tiya kun rukunyki ana ki gwo mo mmo/o ki ana i/ona gwo kan mo. Ki mo gi miiwaḵ buni tana ḵar/e mo be.
28137	ROM 6:1	Dhali gwo gi wakata imina ana i/o mo sa/? Mina ana rash ’ko e miinthus ki sule/ mo ’taa? jin min ma ’the i/ish mowa?
28166	ROM 7:7	Ata mina ana i/o mo sa/? A/ana mina o ki gwoŋḵan jin c̱inu mo tani ta miinthus mo ’taa? Dhalku/ ki ṯosh kan. Hili waḵki/ gwoŋḵan jin c̱inu mo midi ’taki p̱i mo tani aha/ mina ’taki mol miinthus nyiṯẖ mo be. Aha/ mina ’taki mol ’ban a’di jin ta mon’thoṯẖ bwa waḵki/ gwoŋḵan jin c̱inu diki o gwo mo ki: Dhalki /e bwa ki mii i’thoṯẖ mo ma.
28215	ROM 8:31	Haali/ a’di gi wakan mo tani ana mina i/o kata gom gwo gwansan mo? Waḵki/ Arumgimis ta a’di gom ana mo tani aja a’di jin midi ta ’kup̱ ki ana mo sa/?
28281	ROM 11:4	Hili Arumgimis thoḵ a’di gwo kata mo sa/? A’di thoḵ a’di gwo mo ki: Aha/ dhukina ’kwani ki is pem kun tana alaap̱i pesu/ mo kun ’koki luŋ ki jiŋ ’kup̱a’dup̱un goma Baal mo.
29240	GAL 5:11	Hili waḵki/ aha/ iwaḵ mo, dina mmoc̱i gwo mo gom mo jin ’ciṯẖuwa munyjal yis mo tani atinta iṯo’ckunu aha/ bwa mo naskina/? E mii yan mo tani mo jin goluwa gol mo jin ta cwany’ciṯẖan dhul mo tani a’di joc̱kunu mo be.
30078	HEB 3:16	Ki ija si’da/ uni i’kokin mo mmociḵ a’di mo dhali ’ko mo mmo/usha ush mo naskina/? ’Kona uni ki ta uni gwansani ’baar mo kun dhalki Pam Masir ’pen mo e bwaŋ’kwariny mii jin shun ma Musa ashu/um bway mowa?
30871	REV 6:10	Uni cuukin ki dhan ’twa/ kun caaca mo mmo/o gwo mo ki: Ayy, Tap̱a jin di’da Liṯgany mo, /e ḵogu mo dhali /e ta a’diŋ gana/ mo. Kakasja sa/? imina /e dwall gwo mo dhali ri/a ri’c mo goma bas bam mo ap̱o/ uni gwansan kun ’kokin ap̱o/ mony’cesh mo?