3	GEN 1:3	Agud eudim etkaret, “Bi obakaeret”, ege bi bakaerti
6	GEN 1:6	Agud ga etkaret, “Kes obatreret eipuge ko ni wanakesmuda neis utebem” - ege akaida.
9	GEN 1:9	Agud eudim etkaret, “Able ni pe milam sepge egmedi (wataba) okokise waetami ya wayakai ged wedaketi.” - a ege akaida.
11	GEN 1:11	Agud ga etkaret, “Gesep turum weud gair tonar lunege; luneg wi no kep waeslare a able lu yaba kep wadaragri muige yaba ageg” - a ege bakerda.
14	GEN 1:14	Agud eudim etkaret, “Mige bi obakaertare ko kepu wanakwaelei gerger a ki, a ko waetomeretlare kerker, gerger a urut;
15	GEN 1:15	wi zorom obazimurwa mige ko bi waiswelare gesepem” - a ege bakerda.
20	GEN 1:20	Agud ga etkaret, “Ni turum weud gair tonar large a able mikes turum weud mi eburge.”
24	GEN 1:24	Agud ga etkaret, “Gesepide gair tonar gesep ebur waeprao: uteb a ad ebur, aule a kebile” - a ege akaida.
26	GEN 1:26	A Agudide eudim detauti, “Pe irdi mi le dararsirei; wi wadaralei merbi kaise a merbi orwaiorwai. Yaba yako sasrim wadarake large, mi eburge a gair gesep eburge, uteb ebur a ad ebur aule a kebile.
28	GEN 1:28	werkabem nakaida, a detauti, “Mitkar omaskir ko waba wanagri wayakai waba nosik ya waurder kemerkemer gesepge a gesep sir wadamilare. Ka wabi dikweida able sasrimge ko waba wanake large, ni eburge, a gair ad gesep eburge.
30	GEN 1:30	a gair gesep eburem a mi eburem ka sogi a lamlam luneg dararsirda yabim lewerem” - a ege akaida.
22601	JON 1:1	Oplera Mir teosmelu Zonaim, Amataira werem kega, “Bakiamu Ninebeiem able auka uteb, a abi able opem detager ableglam abi lera adud tonar tabakiamudari kari opge ekweidari.”
22606	JON 1:6	Narkolelut ge abi terdari a abi titmeri, “Ma nalu ikeli ut nauperidi? Eti a mara agud damos upiatidarem karim e merbi ia nasge watidikerare a mi iako nole nabaume.”
22607	JON 1:7	Able pazar tabara netatnetat batagerda, “Baru mi lu dakeware a daraimrare able luglugira atamilam pe netira gem able au wagide deremli.” Able pazargize ga lu dikeuda ege able luglugira tag bamarida Zonaim.
22608	JON 1:8	Wi eudi abi itmerda, “Ma kerbi detagrare nako marialam paki uridli muige able adud paikaige? Nalu pema ikeli? Na gedlam ma tabakiamudari? Ma na gedbuai nali?”
22609	JON 1:9	“Ka Ibru nali”, Zonade iabi daratagrare. “Ka isorgiru waikerer able Ople, able Agud kotorira, ge e able gur a gesep daratagmi.”
22610	JON 1:10	Wi umele urder Zona Opleilam tabadmiriklu. Ablegide iabi geum dararepda wige batkarti, “Ma naluglam able korepge tabadmirikda?”
22611	JON 1:11	Able wag a gur ekelei aukaise adud belei. Able pazargize abi itmerda, “Ki marim nalu akairare waiakai able au wagira urker wedemri?”
22612	JON 1:12	“Kari able gurem natimdare a ei wakai mapodan obai. Ka umele kaka giz nali ableglam able auka adud wagide wabi derpeda.”
22614	JON 1:14	Wi ga eudim Opleim erer bakri, “Ople, ki mari namosa, ma nole kerbi dikerare nabaume ese ki able lera idid adem dakadarare.”
22619	JON 2:3	E detauti, “Muige kari adud paikaige ka Agudim ererekri a E kara erer terpeida. Ka ererekri au muimui eudle paierlam a Ma kara erer tasri.
22620	JON 2:4	“Ma kari au karemge natimeda au muikakarem, nade able podagadgize kari narpomerda a mara dugdug zeuber kari tumge baraplare.
22621	JON 2:5	“Kage natkarti: “Mari erkeplam kari adem namarikdarda, ka umele ka iako erkepnakereder Mari zogozogo metaem.
22622	JON 2:6	“Able nide kari kemerkemer natkami eud maike, aukaremira mui kari nairumada. Meo kari kerimge arpomreder.
22623	JON 2:7	“Ka baitri nade paserira sip tadaramar, able gesepem ge kari kar narker niaiem epe mama kari nagimedari eudlam Ople ae kara Agud.
22624	JON 2:8	“Nade kara eded adem dorier, kage Mari nakepwari, Ople, a kara erkepasam baurwari Marim Mari zogo utebem.
22625	JON 2:9	“Netiba pe tag arsirarsir agudem kemerkemer tababu baiswereda, wipe bapekda Agudi upiatidarlam.
22626	JON 2:10	“Marim iaka auspirwed dakrier a ka iako Marim zegulu agimulu a kara nalu mir geka Mari nakwari kai akailu sikak obai. Azimwaret tikase Opleilam.”
22629	JON 3:2	“Bakiamu Ninebeem able au utebem a leem etomeret able mir geka mari nakwari.”
22631	JON 3:4	Zona eudi digmi Ninebeige kemerkemer gerger keubu e able mir etomerti, “40 gergerge Ninebe ia obatkoare.”
22634	JON 3:7	E able mir Ninebe leem emariklu: “Able ople a kerimle pa uridli iaba mir wabim pedike: nole lelut netat lewer wairuser; gair le a ebur peki sab daragrida arolam a arilam.”
22639	JON 4:2	E eudi erkepasameida, “Ople, ka nole detauti nade ka mena gedge nawer? Ableglam ka dudumge badmirikda Tasisem. Ka umele nawer mama debe tonartonar a au omaromar Ad nali, wapum lidagebge a au degdeg mara lag ike leem a able Ad ma nali ma nole lagkak le detko.
22640	JON 4:3	“Pe irdi, Ople, kara eded adem ikao, karim dike ka sikak nawer eud a nole eded.
22641	JON 4:4	Oplelut abi tiditagri, “Nako marim sikak dike ma wekuge nawer?”
22645	JON 4:8	Nade lim ga teupamada Adide urweriurweri naiger wag temarikda a able limira urweri Zonai kirimge emriri abi ikaida abra erkepinor barki. Zona laglag weumida ege eudi able mir detauti, “E au sikak ia wadike karim ka naumilu a nole idid nawer.”
22646	JON 4:9	Ege Adide Zonai detagri kega, “Nalu sasrim pe mara dike ko ma able luneg wekuge akai”? Zonade abi detagri, “Kara sasrim nagri wekuem able korepge ka umele naumilu.”
22647	JON 4:10	Oplede abi detagri, “Able luneg omeida netat kige a eumida nerut kige a mara pe abim omar barukli; ma nole netat lu abim ikaida ko abi waikaida waomeida!
22648	JON 4:11	“Epe Ninebera ebur a pako 120,000em le ko duridli, able le pe nole mamoser umele uridli debele adudlam. Ei kara nole ia nas obaruk Ninebeem able au utebem?”
24288	MRK 1:4	Able miraisisle, Zone Bapataiso, batomerdari muige sogipurge. E le bapataiso darapaitlare a leem marauermer: “Adem tabatarare wabi witlam a bapataiso bapaitare ya waiakai Adide waba wit adem waitkir.”
24291	MRK 1:7	Ege le natomeretlare, “Able le penoko kari keubu ikaseredi e au sasrimsasrim karim dali; ka nole abkorep ko abra teter gab adem daogilu.
24295	MRK 1:11	Ege kodomir teosmeda kotorlam, “Mama kara nasnas Werem nali. Kaka mari sererge nali.” MRK 1.12-13
24299	MRK 1:15	“Able barkak kerker pedikeredi,” e atkarti. “Adira basalaia maike ikeredi! Wa tabatarare wabi adud tonarlam a wage Debe Mir irmirare.” MRK 1.16-20
24301	MRK 1:17	Iesude yabi daratagri, “Wa tabakiamulam karidoge kai wabi derwere le asaper.”
24308	MRK 1:24	“Mara nole nalu peike, Iesu Nazaretle! Ka umele ma taba kerbi detko. Ka umele mama Zogole Adira naii.”
24309	MRK 1:25	Iesude aukaise dimoni detagri, “Ma mir baimi mage adem able kimiarlam teosmer!”
24311	MRK 1:27	Ege le bazigmuarti. Wige tabara bautmerlare, “Nalu peike? Able erwer nerut korep ike. Able le pe barkakle dali. E aukaise dimoni detagri a wipe irmirda.”
24321	MRK 1:37	Nadege wi abi erdarda, wi abi detagerda, “Gair legize mari naraimreda.”
24322	MRK 1:38	Ege Iesude yabi daratagerda, “E debele dikeredi mi nabakiaware wader utebem pe naridwerteda ya waiakai ka umele koka yabim mir arme. Ableglam kaka tabakiamuda.”
24324	MRK 1:40	Netat kimiar gegur-bad gimgim dawer tabakiamuda Iesui opem taba kokmamu emrida a abi upiatidarem bagwi. E etkarlu kega, “Ese ma laglag nali, ma umele kari nakai ogkak nabailu.”
24325	MRK 1:41	Ege Iesura nas barki, tabara tag itrimurikda a able le erpeida. Iesude able kimiar detagri, “Ka laglag nali. Ma akai ogkak bai.”
24328	MRK 1:44	“Ma nole netat le able luglam detager. Ma no barkak bakiamu a mabu tabatomer merkemem a zegu lewer mara agimu ge Mosede Gelar idagi able tonar gimlam, ya waiakai gair le umele ober ma emetu akaida ogkak baidari Gelar peke.”
24334	MRK 2:5	Nade Iesude yaba au owatur dasmeri ege able atmutatmut le detagri, “Kara werem, mara wit pe bamaidereda.”
24336	MRK 2:7	“E seksek dikeredi able leem e ke waditauter. Nole le ko dali e wit uwadimaidered, no Adide wit wadimaidered.”
24337	MRK 2:8	Iesu keko umelebaidari wi nako dikepwarlare, ege eudige daratagerda, “Wa nole ke dikepwararwem.
24338	MRK 2:9	Wage ke dikepwararwem: nalu sikak dikeredi, able atmutatmut le obatager, “Ma wit bamaiderdi” a “Ma ekwei, papek mara etaruk, mage nagem”?
24339	MRK 2:10	Pe irdi ka yaka wabi datomertare able Le Wermira sasrim dikeredi able gesepge ko wit waimaidered.” E eudige atmutatmut le detagri,
24340	MRK 2:11	“Ka mari aukaise natagri, ma eti, mara papek etaruk, mage bakiamu gedim.”
24341	MRK 2:12	Ege legize abi lidkarem dasmerlare nade ge e ekweilu, tabara papek etarukda a bakiamuda. Wige bazigmuarti a wi Adi dispilare. Wi tabara batagelare, “Mi nole able orwairorwair lu kikem dasmerda.” MRK 2.13-17
24343	MRK 2:14	Nadege e digmer, ege bodom bakir atkimed le erdari, abra nei dikereder Libai, Alpiasira werem. Libai ge imireder taba dorge utebge. Iesu akaida abi dabgeri, “Ma kari tararmir.” Libai ekweidari a abi irmiri.
24345	MRK 2:16	Wader Aotarle ge Parisaio urder Iesui erdarda lewer erwer able lekem, wige abra kaimegiz darautmerda, “E naluglam lewer eroli adud lege?”
24346	MRK 2:17	Iesude yaba autmer mir asri, ege eudige akaida, “No gimgimle pe lukuple iaglag uridli, gimkakle pe nole lakak. Kaka tabakiamuda adud le darabgerare, nole debele.” MRK 2.18-22
24347	MRK 2:18	Netat gergerge, Zonera a Parisaiora kaimegiz nole lewer arokak urder. Wader le tabakiauda Iesuim a abi itmerda, “Zonera a Parisaiora kaimegiz lewer arokak uridli. Naluglam mara kaimegiz nole ko lewer arokak waurder?”
24348	MRK 2:19	Iesude detauti, “Wa nalu dikepwareda? Nako le paipu lewerge oba werer ge obakerer? Nole. Nade paipule yabidoge wadawer wi lewer wairolare.
24351	MRK 2:22	A nole netat lelut kerkar waina epaiterdi muige emeret tarporge. Nalu ya wakai? Able kerkar wainade ya able emeret tarpor wadiskimer, a able waina a pako tarpor ya obatkowam. Nole, pardarlegize kerkar waina waipaiterdare muige kekar tarporge.” MRK 2.23-28
24353	MRK 2:24	Ableluglam Parisaio bakeri Iesui ikaidarda, “Ma yabi darasmerare! Wi keriba geiar erapeda wi able lu ikereda Sabadge.”
24354	MRK 2:25	Iesu yabi daratagerda, “Agekar wawa etageda Dawitara mir, nade e a abra armirle wige wererge bakeri.
24355	MRK 2:26	Ege bakiamuda Adi metage badari a arito irwi pe no Adim wagimuaretlare. Able lu ge akaida nadege Abiata Kirim Merkemle dawer. Muige kerbi Gelarge, no merkemide tebteb arito wairwer; Dawitade irwi a wader ge tabara armirle naiswerda.”
24356	MRK 2:27	A e yabi daratagerda, “Sabadge barsirda leem, nole le barsirda Sabadem.
24360	MRK 3:3	Iesude able tag auserauser le ikaidari, “Ma ekwei a kei taragem kikemem.”
24361	MRK 3:4	Ege Iesude le nautmerda, “Nalu debeiu ikeredi merbi Gelarge pe merbi dikereda ma Sabadge ikerer? A nalu adudlu? Nako e debele ikeredi ma lera idid daseserder? A debele ikeredi ma abi ipit?” Wige nole abi mir ikwarda.
24362	MRK 3:5	Iesude yabi lidem darasmerlare urkerurker, e eudi akaida okasosoksosok baidari ableglam wi nole umerkak urder. Ege eudige able le ikaida, “Ma mara auserauser tag itrimurik.” Ege abra tag dakaida sikak baidari.
24368	MRK 3:11	A gair kerkerge na lera ge dimoni urder yabidoge abi erdarlare, wi kokmamu bamrer abi opem ererbakrier, “Mamanali Adira Werem!”
24369	MRK 3:12	Iesude dimoni aler daratagerlare, “Wa nole le daratagrawem kaka nete nali.” MRK 3.13-19
24371	MRK 3:14	Egeyabialam 12 kaimegize natutidarda. E yabi daratagerda, “Ka wabi ditutidarda wa karidoge uridwa. Ka yako wabi damarkare adem marauarmem, a waba ya sasrim wanagri ko dimoni adem islare.”
24378	MRK 3:21	Legize able mir Iesura buai daratagerlare. Wi detautlare, “E akaida peimpeim baidari!” Ableluglam abra buai tabakiauda mirem abi wairpeirare a waigareda gedim.
24379	MRK 3:22	Able kerkerge wader Aotarle tabakiauda Ierusalemalam. Wi mir igiarlare, “Beelzebul pe Iesui doge dali. E dimoni adem daramaidere able dimoni kirimlera sasrim abidoge dikeredi.”
24380	MRK 3:23	Ableluglam Iesude yabi darabgerda tababim ege yabi daratagelare mir abisir miru. E yabi daratagelare, “Satanade umerkak Satana adem waimu ko ei umerkak mena kelarkelar wadawer.
24386	MRK 3:29	Adide umerkak wit wadimaidered pe legize Lamar Zogoi opmir detagreda. Yaba witira bodomalam pe niaiem dikeredi.”
24389	MRK 3:32	Able lera kub ge emreder Iesui dairumaretlare a wige abi detagerda, “Ma dasmer, mara ama a barada pema adge tikwedi a wi laglag mari mir wanatagrare.”
24390	MRK 3:33	Iesude eudim detauti, “Nete kara agekar ama dali? Nete kara agekar barada dali?”
24391	MRK 3:34	Ege e le darasmerlare ge abidoge emreder ege detauti, “Wa dasmerare kara agekar ama a barada.
24392	MRK 3:35	Netide Adi irmili e pe kara barada dali, kara sisi dali a kara ama dali.”
24395	MRK 4:3	“Wa asrare! Geduble bakiamuda tabara luneg kep wairti.
24400	MRK 4:8	Ege wader kep ge batweri debe sepge. Wi baperigdarda, a bomi a ageg bakerda; waderlera kepkep ageg daragriweretlare, waderlera kebi mitkarmitkar a waderlera aukamitkar.”
24401	MRK 4:9	A ege yabi daratagerda, “Able mir pe dikeredi gair legize wasrawem a mamor waikedrawem tabadoge.” MRK 4.10-12
24402	MRK 4:10	Nade ge Iesu tebteb dawer, wader abra armirle tabakiauda abim, kemem abra memegle a abi itmerda, “Ma sikak mir abisir mir ko detaut.”
24403	MRK 4:11	Iesude yabi daratagerda, “Wabi ge gumik daiswerda Adira Basalaia. Nade pe wader adge turidli gair lu asreda muige mir abisir mirge. Able korepge, wi ya erkep waigreder a nole momor wadasmerlare; wi ya wasorlare a nole waikedilare. Ableglam ese wi ya barkak wadasmerlare a waikedilare wi ya ko watabatare Adim a e yabi ya wadaramaiderdare. MRK 4.13-20
24405	MRK 4:13	Ege Iesu eudige akaidari yabi daratagerda, “Ese wa nole able mir abisir mir wabidoge ikedilare, wai umerkak gair abisir mir wabidoge idaglare.
24413	MRK 4:21	Iesude yabi daratagerda, “Nade wa lampa dirsirkare, nako wa sepge demargerare wa lewer kobarlugu etkamare? Nako wa sikge sepge demargerare? Nolekar, wai ikairare lampa agimur luge demargerare.
24415	MRK 4:23	Abie mir pe dikeredi gair legize wasrawem a wige waikedrawem.”
24416	MRK 4:24	E ko yabi daratagerda, “Wa able mir dikepwararwem pe wawa asorda! Ese wa able mir dikepwalare, waba ya bodomalam waikereder able luglam a pako wader lu pa nagriwerteda.”
24417	MRK 4:25	Na lera pe nalu nagriwerteda ya yabi aumitkar obaiswerare; na lera pe kebikebi nagriwerteda yaba kebikebi ya adem obais.” MRK 4.26-29
24418	MRK 4:26	Iesude ko yabi daratagerda, “Adira Basalaia mokakalam ikeredi able le e tabara gedubge kep irti.
24421	MRK 4:29	Nade ageg neu bakerda, able gedublelut kemerkemer lu adem ismi a ageg adem etkori ableglam nur kerker itutidari.” MRK 4.30-34
24422	MRK 4:30	Iesude ko yabi daratagerda, “Mi nako Adira Basalaia sikak datautare? Nalu mir abisir mir mi akerare ei able Basalaia merbi waditomeretiare?
24424	MRK 4:32	Nade ma abi emor sepge, ei ya waiomei wakai aukaka lu obai muige gedubge. Abra au tarn obarmare, a ebur ya watabakeslare abi tarn mudge obagrier.”
24427	MRK 4:35	Able kikem Iesu akaida tabara memegle daratagerda, “Mi nabakiaware ge mi nerut pek gurge.”
24429	MRK 4:37	Muige nar korge Iesu amazge utipereder. Ege aukaka wag bamrida, zeuber bakwer a baraplare nar etatkolare able nar akaida noga gur digmer. Ege memegle gize Iesui utlam itirda a abi detagerda, “Erwerle, ki nabaume. Ma kerbi upiditidarare ese ma kerbi omarge dikereda.”
24431	MRK 4:39	Ege Iesu ekweidari eudimge wagiba zeuberei daraisumdari, “Wa temrilam! Wa mapodan bailam!” Ege wag ekemuda a gur akaida mapodan baidari.
24432	MRK 4:40	Ege Iesu akaidari tabara memegle daratagerda, “Wawa geumge bakeli abielam waba owatur kebile ikeredi.”
24433	MRK 4:41	Wige bazigmuarti a tabara baotmerlare, “E nalu orwaiorwai le pedali? Wagiba zeuberei umerkak wader le wanasware wipe no abi asriei.”
24440	MRK 5:7	Iesude eudige abi ikailu, “Dimoni, ma adem teosmer able lelam!” Ege sasmir dimridari, “Iesu able Au Adira Werem, “Ma nole nerut lu karim ikai! Mage Adi detager ma nole kari nares.”
24442	MRK 5:9	Iesude abi itmeri, “Mara nei nako dikeredi?”. Ege able lelut abi detagri, “Kara nei dikeredi Lera Kub ableglam ki mitkar uridli.”
24445	MRK 5:12	Able dimoni Iesuim bagwi, “Ma kerbi kei demarkare puakaem mage kerbi dikerare ki naba yabidoge nabarte.”
24452	MRK 5:19	Ege Iesu nole lagkak dawer abi waigardi taba doge. Ege able le detagri, “Ma bakiamu gedim mari buaiem yabi daratagrawem nalu marim Oplelut ikaida a e nalu debele marim dali.”
24455	MRK 5:22	Netat sunago kirimle abra nei dikereder Zairus takabiamuda Iesuim. Nadege e Iesui erdari, Zairus tababu akaida kokmamu emridari aukelarkelar Iesuim bagwi, “Kara kebi neur no tididli e maike weteumi. Kape marim bagwi, ma taba mara tag abidoge tadakmerik ya waiakai abra gim wadesemu ei mena wadawer.”
24461	MRK 5:28	Able koskiret dikepwari, “Ese ka umele abra wall datutilu kara gim ya wesimu.”
24463	MRK 5:30	Keko Iesu umele baida abra sasrim abialam adem deosmeda. Ege bataurikda able kubge ge nikidetreder a yabi nautmerda, “Netide pe kara wali mop itutida?”
24464	MRK 5:31	Abra memegle eudige bakeri abi ikaidarda, “Able le pema uridli mari naumarteda. Mape naluglam eutmeli, 'Netide kari natutidari?'”
24467	MRK 5:34	Iesude abi detagri, “Kara neur, mara gim esemuda ableglam mara owatur ikeredi. Ma bakiamu mapodange sikak nawa nole able asiasi ko digiwa.”
24468	MRK 5:35	Nawar ga Iesude mena able mir detauter, wader miraisisle tabakiauda Zairusi metalam a Zairusi detagerda, “Mara neur teumida. Epe nole pa ko ikeredi ma mena able Erwerle damisrer.
24469	MRK 5:36	Iesude nole yabi mirem girip irdireder ge nalu wi detautlare. E akaida able sunago kirimle detagri, “Ma nole geumge akai, ma no kari narmirwa.”
24472	MRK 5:39	Ege bakiamuda able metaem badari a akaida yabi daratagerda, “Wa naluglam pe wa bamisreda a wa naluglam i bazoli? Able kebi neur nole eumida - e no ut iperedi!”
24474	MRK 5:41	Ege bakiamuda abra tag derpeidari a abi taba miru detagri, “Talita kum” - “Kebi neur, ka mari peka natagri, ma ekiam!”
24476	MRK 5:43	Iesude yabi kelarkelar daratagerda, “Wa nole gair le daratagrawem.” A ga akaida yabi ko daratagerda, “Wa abi nalu ikwarare ei wairo.”
24478	MRK 6:2	Sabadge ege akaida mitkar le nerwerlare sunagoge. Nade wi abra mir dasorlare wige bazigmuarter a abim mir dimwarlare. Wige tabara netatnetat bautmerlare, “Netilam able lelut able mir taisi? Netilam abra pardar dikeredi? E nako able au dorge ikeli?”
24479	MRK 6:3	E no kamda dali; e no Mariara werem dali; e no Zemisira barada dali, a lose a Iuda a Saimona; a pako abra sisi pa duridli!” A wige nole abi lagkak urder.
24480	MRK 6:4	Iesude yabi daratagerda, “Muige wader gedge, legize peropeta wasreda. Epe legize nole abi asreda nade pe e taba gedge dali, taba buaige dali a taba metage dali.”
24483	MRK 6:7	E tababim able 12 memegle darabgerda, ko yabi neisneis wanamarikdarda. E yabi sasrim nakwarda ko dimoni au kelarkelar wadaratagreda. E yabi au kelarkelar daratagerda, “Wa no koket aisawem nade wa dikasirwertawem. Wa nole lewer aisawem; wa nole epei aisawem; a wa nole bodom bakir aisawem wabi wakge.
24486	MRK 6:10	E yabi ko daratagerda, “Nade legize wabim mir watigrilare metaem, wage ge mena uridwa wa nole able uteb dikairetawem.
24487	MRK 6:11	Ese wa taba able utebem ya nole legize wabi wadireplare, a wi nole wabi wadasorlare, wage waba pi wabi teterlam adem etkaperdawem nade wa able uteb dikairtawem, yaba ya atamilam waike.”
24490	MRK 6:14	Erod able Gesep-Ople able lu asri, ableglam legize Iesura mir debreredlare gair utebge. Kepkep legize ge detautiare, “Zone Baptaiso ko akaida idid baidari! Abra sasrim pe Iesuidoge ikeredi.”
24491	MRK 6:15	Wader legize ge detautlare, “E Elaiza dali”, a wader legize ge detautlare, “E peropeta dali mokakalam netat emeret peropeta dali.”
24492	MRK 6:16	Nade Erodide able mir asri, ege detauti, “E Zone Baptaiso dali. Ka abra geka kirim dismida epe ko eudlam ekiamda.”
24498	MRK 6:22	Erodiasira neur taba badari a kaberi. Erod a able le ge abidoge emreder laglag urder abra kab. Erodide eudige abi detagri, “Ma kari nalu lugem namos, kai mari naiswere nalu lu ma laglag.”
24499	MRK 6:23	Erodide able neur detagri, “Ka mari gair lu naiswere, mena obakedi netat pek kari basalaiage.”
24500	MRK 6:24	Able neur baka eosmeda tabara ama titmeri, “Ka nalu lugem tarautmerer?” Abi amade abi tiditagri, “Ma Zone Baptaiso kirimem teutmerwa.”
24501	MRK 6:25	Able neur dudumdudum sopkak ko akomeda Gesep Opleem abi tiditagri, “Ka laglag ma kari nakwar Zone Baptaisora kirim kobarge wadudawa.”
24507	MRK 6:31	Iesu a abra memegle nole ko yaba kes daragriweretlare wi lewer wairoda ableglam au mitkar le tabakeslare barter a ko bauser. Ege akaida tabara memegle daratagerda, “Wa no tabakiaure karidoge mi keimi nabakiaware sasmirkak utebem ge mi ner tarabaziei.”
24511	MRK 6:35	Au kikem, abra memegle abim tabakiauda a abi detagerda, “Au kikem pe baida, a epe nole lekak uteb irdiredi.
24512	MRK 6:36	Ma able le adem namarkare able utebem pe naridwerteda ya waiakai wi tabara lewer wairapare.”
24513	MRK 6:37	Iesude yabi daratagerda, “Wa wabu yabi lewer arwem neiswerare.” Wige abi itmerda, “Nako ma laglag nali ki nabakiaware nabause bered tarapare able gair leem pe uridli? Able lewer nagriwerteda au bodom bakir bakir.”
24514	MRK 6:38	Iesude yabi nautmerda, “Waba naket bered nagriwerteda? Wa baka tadasmerare.” Nade wi bakiauda tadasmerda, wige abi detagerda, “Keriba no 5 bered nagriwerteda a neis lar pa nakeredi.”
24525	MRK 6:49	wige abi erdarda e gurge tidigmer. Wige dikepwarlare e lamar dali; wige sasmir demerda ableglam wi aukaka geumge bakerer. Iesude keko yabi daratagerda, “Wa sererge uridwa. Kakanali. Wa nole geum!”
24537	MRK 7:5	Wige Parisaio a Aotarlegize Iesui itmerda, “Naluglam mari memeglegize nole able erwer irmireda pe merbi lugizlam nagriwerteda? Wi naluglam lewer erweda ogog tagtag?”
24538	MRK 7:6	Iesude yabi daratagerda, “Isaiade agekar detauti nade e wabialam detauter norgornorgor dorgelelam. Isaia ditari, “Adi detauti, Able legize no kari mirge nauspireda, wipe nole kari lagkak uridli.
24540	MRK 7:8	Wa Adira geiar ikereda netat pek idageda, wape no lera erwer irmireda.”
24541	MRK 7:9	Iesude yabi daratagerda, “Waba erwam tonar nagriwerteda wa Adira geiar detwakeda ya waiakai wa waba erwer irmirlare.
24542	MRK 7:10	Mosede aukaise detauti, “Wa wabi babiba amaei nasrawem” a “Wage gair le eudem nasrawem pe netiba tabara babiba amaei darasawersireda.”
24543	MRK 7:11	Wape no wa le nerwereda ese yabi babiba amaei laglag wadaralei wader lu yabialam, wi yabi wadaratagerlare, “Wai babiba amaei, able lu pe 'Koban' ikeredi, e Adira lu ikeredi. Ka umerkak wabi dakware,” epe able kerkerlam pe ditimeda ma nole abi ikaidari e taba babem a amaem waikerer.
24545	MRK 7:13	Able to narge pe dikeredi waba erwer, wa pewa ebrerdeda wabidoge, epe akaida Adira mir dikaidari derekak ya waikereder. A wape mitkar wader lu ko wa ikereda able orwairorwair.” MRK 7.14-23
24546	MRK 7:14	Iesude ko lera kub darabgerda tababim a eudige yabi daratagerda, “Wa gair legize karim irispilare a wage mirem mamor wabi idonige ikedrare nalu yaka dataute.
24548	MRK 7:16	Wa gair legize able mir erpeirare a wabidoge ikedrare!”
24550	MRK 7:18	Iesude yabi daratagerda, “Aise! Nako wako uridli able mir nole wabidoge ikeredi? Lu adlam bakiauda le gemge barti nole yabi nakerda seksek berda,
24551	MRK 7:19	ableglam able lu nole barti bakiauda yabi idonige. Wi bakiauda kemge a mena bakiauda adem kemlam bausi.” (Nade Iesude able mir detauti, e yabi natomeretlare able gair lewer pe nagriweretlare legize umele wairolare).
24552	MRK 7:20	Iesude ga ko detauti, “Nalu lu pe lelam adem eosmeli abi ikeli seksek beli
24555	MRK 7:23	Gair able au adud lu pe teosmeli le muilam yabi nakereda seksek beli.” MRK 7.24-30
24559	MRK 7:27	Ege Iesude abi ikaidari, “Ka omaskir kikem darasisiare. E seksek ikeredi ka omaskirira lewer adem takalu kai kei ka omaiem nabataweredlu.”
24560	MRK 7:28	Ege able koskiride abi ikaidari, “Ople, able omai pe erdedi wi umele omaskira puipi lewer wairware.”
24561	MRK 7:29	Iesude able koskir detagri, “Ma barkak detautli; ma bakiamu gedim mara neur terdar ableglam dimoni emetu abialam eosmeda.”
24566	MRK 7:34	Ege Iesu ga kotorem egremada, au ner batawerdi a eudige akaidari able kimiar ikaidari, “Epata”, able mir dikeredi, “Wa bauskilam.”
24569	MRK 7:37	Gair legize ge netiba able mir asorlare wi bazigmuarter a wi gair legize abi dispirlare. Wi detautlare, “Gair lu e ikeli epe au debele nagriwerteda. E asorkak le nadgireda ya waiakai wi umele wasorlare, a e mirkak le nadgireda ya waiakai wi umele mir waditautlare!”
24571	MRK 8:2	“Kara nas barukli able leem ableglam wi neis a netat gerger karidoge urdi a pe irdi yaba nole ko nalu nagriwerteda arwem.
24572	MRK 8:3	Ese ka yabi gedim namarkare ka nole yabi kikem darasisiare wader yabiaiam ya gabge erkepnonor ge obaum ableglam wader yabiaiam tabakiuda au murisiam.”
24573	MRK 8:4	Abi memeglegize abi itmerda, “Nako lelut lewer wairdar e able le wadarasisiare able lekak uteb pe irdi?”
24574	MRK 8:5	Iesude yabi nautmerda, “Naket bered nagriwerteda?” Wige abi detagerda, “Keriba 7 bered nagriwerteda.”
24581	MRK 8:12	Iesude eudige aukaka ner batawerdi a akiadari, “Naluglam le able kerkerge bautmeli nalu atamilam ikeredi? Ka wabi agekar detagreda, wi umerkak ya atamilam wairpeirare!”
24584	MRK 8:15	Iesude yabi kikem daratagerda, “Wa okeoke uridwa! Wa okeoke uridwa Parisaio yislam a pako Erodi yislam.”
24585	MRK 8:16	Wige bakeli able mir ga ipulare tabadoge. Wi batagelare, “E able lu detautli ableglam keriba nole bered nagriwerteda.”
24586	MRK 8:17	Iesu umele dawer wi nalu mir batagelare ege eudige yabi nautmerda, “Wa nalu mir peua ipweda meriba nole bered kak? Wa nole peua umele uridli? Nako waba idoni au wapum dali?
24588	MRK 8:19	Nade ka 5 bered itri 5000em, wage naket epei daramida able leweru ge kaier barida?” Wige abi detagerda, “12 epei.”
24589	MRK 8:20	“A nade ka 7 bered itri 4000em, wage naket epei daramida able leweru ge kaier barida?” Wige abi detagerda, “7 epei.”
24590	MRK 8:21	Iesude eudige yabi daratagerda, “Nako wa mena umerkak uridli?” MRK 8.22-26
24592	MRK 8:23	Iesu akaidari sadmerlera tag derpeidari a abi adem utebiam datkimuada. E sadmerlera poni mosu ditwi a tabara tag ikaida abidoge dikmerida. A eudige eutmeri, “Nako ma lu darasmereda?”
24593	MRK 8:24	Able kimiar eudige egri a abi detagri, “Ka le darasmereda; wi uridli mokakalam lu wipe daragmeda!”
24595	MRK 8:26	Iesude able kimiar ko emarikda taba gedim. E able kimiar detagri, “Ma bakiamu gedim, mage nole ko bakiamu able utebem.” MRK 8.27-30
24596	MRK 8:27	Ege Iesu a abra memegle aden bakiauda gair utebem ge Sizaria-Pilipaige naridweretlare. Wi gabge nakasirweretlare ege Iesude yabi nautmerda, “Wa kari natagrare, nako legize detauteda kaka nete nali?”
24597	MRK 8:28	Wige abi detagerda, “Kepkep legize detauteda mama Zone Baptaiso nali: a wader legize pe ikereda mama Elaiza nali: a wader legize pe detauteda mako pema nali able netat le peropetalam.”
24598	MRK 8:29	Iesu yabi nautmerda, “Wawa uridli? Wape nako peua detauteda kaka nete nali?” Peterude abi detagri, “Mama Keriso nali!”
24599	MRK 8:30	Ege Iesude ge yabi kelarkelar daratagerda nole ko able mir waditauteda netat leem. MRK 8.31—9.1
24600	MRK 8:31	Ege Iesu eudige akaidari tabara memegle ya wenerwereda, “Abie Lera Werem ya au asiasi wadigi. Aule, Kirim merkemle a Aotale ya abi wadituaklare. Abi ya waipitare, nade neis a netat gerger obarkare e ya ko idid waiakai.
24602	MRK 8:33	Iesu tabatawirikda taba memegle darasmerda, eudige Pererui ertaperti. E abi detagri, “Ma adem bakiamuda karialam, Satana! Mara akepwar no lera akepwar nagriwerteda. Wi nole Adira akepwar nagriwerteda!”
24603	MRK 8:34	Iesude eudige tabara memegle tababim dabgerda a wader le pa uridli. E yabi daratagerda, “Nale laglag karidoge watabakiamu e nole tababu obakepwarwa, tabara satauro watepwa a kari watararmirwa;
24608	MRK 9:1	Ege Iesu akaidari yabi daratagerda, “Ka wabi agekar detagreda, wader le pe able gergerge ekedi ya mena idid waurder nade wi ya wadasmerare Adira Basalaia watabakiamu au kelarkelar. MRK 9.2-13
24612	MRK 9:5	Peterude akaidari Iesui detagri, “Erwerle, audebele ikeredi ki peki dale. Ki umele 3 mud dauridere - netat mara, netat Elaizara a netat Mosera.
24614	MRK 9:7	Baz tikada bakmerikda yaba mud. Bazlam kodomir teosmeda, “Kara nasnas werem pedali. Abi asrawem.”
24616	MRK 9:9	Nade wi tabidare paserlam, Iesude yabi daratagerda, “Wa nole netat le detagridare nalu lu ge wawa dasmerdare.” No pe ikeredi nade ya Lera Werem eudlam wekiam wi umele ya le wadaratagerlare.
24618	MRK 9:11	Wige eudige Iesui itmerda, “Naluglam Aotarlegize detauteda Elaiza kikem watatabakiamu?”
24619	MRK 9:12	Iesude yabi daratagerda, “Agekar Elaiza kikem tabakiamuda ko gair lu wadararsirare. A mipe nalu pemi etagada nako Lera Werem dali muige Zogoziawalige? Mi etageda e asiasi wadigi a abi wadituaklare!
24620	MRK 9:13	Ka wabi detagreda, Elaiza emetu tabakiamuda, ege legize abim adud tonar ikelare nalu ge wi laglag urder, able mokakalam able orwairorwair pe mimi abra ad detagreda.” MRK 9.14-29
24623	MRK 9:16	Iesude tabara memegle nautmerda, “Wa naluglam pewa tabasardeda?”
24624	MRK 9:17	Ege kimiar ge le kub ge dawer abi akaida abi detagri, “Erwerle, ka kara werem marim tigardi e umerkak mir waditaut ableglam abra dimoni abidoge dali.
24625	MRK 9:18	Nade abi dimonide wairser, epe abi obatawerder sepem, epe abra sik tege obapaitlare, e tabara tirig waikupamater a abra gem lid obatrer. Ka mara memegle daramosa ko able dimoni waismerdarda, wi umerkak waikaidarda.”
24626	MRK 9:19	Iesude yabi daratagerda, “Wa owaturkak le uridli! Ka na niainiai yaka wabidoge nawar? Ka na niainiai yaka okasosok wabialam digier? Wa able werem kei karim tigardare.”
24627	MRK 9:20	Wige able werem tagareda Iesui ikwarda. Nade able dimonide Iesui erdari, ege able le deskerder kei itimder a kei itimder, a eudi sepge abi, sepge epitrer a sik abra tege bapaitlare.”
24628	MRK 9:21	Iesude able lera bab itmeri, “E na niainiai able orwairorwair wadawer?” Ege abi ikaidari, “Able kerkerlam nade e kebi werem wadali.
24629	MRK 9:22	Mitkar kerkerge dimonide abi waiker ko abi waipiti e abi obatawerder urem a niem. Ma kerbi omarge; mai umele kerbi upiditidarare?”
24630	MRK 9:23	Iesude eudige abi detagri, “Ma umele iker! Na lera pe owatur daragriwerteda e umele gair lu waiker.”
24631	MRK 9:24	Ege keko able wermira bab erer ekri, “Kara owatur ikeredi, epe no kebile ikeredi. Ma kari upinati ya waiakai kara owatur waiakai aule obai!”
24632	MRK 9:25	Iesude dasmeri lera kub etamier; ege au kelarkelar dimoni detagri, “Asorkak a mirkaka dimoni, ka mari kelarkelar detagri ma adem teosmer able kebilelam a mage nole ko bakiamu abidoge bau!”
24633	MRK 9:26	Ege dimonide sasmir dimri, eudige able kebile aler deskerdi, a adem teosmeda. Gaie le ge urder eudige natkareta, “E eumida!” ableglam able kebile mokakalam dali eudle.
24635	MRK 9:28	Keubu, nade Iesu tebteb bakiamuda badari able metage, abi memeglegize titmerda, “Ki naluglam nole ki able dimoni adem ismerdarda?”
24636	MRK 9:29	Iesude yabi daratagerda, “No erkepasamide umele able orwairorwair lu adem waismer.” MRK 9.30-32
24638	MRK 9:31	ableglam e tabara memegle nerwerlare. Iesu yabi daratagerda, “Able Lera Werem ya waiperare a waigardare able le wanakwarare ya wi abi waipitare. Neis a netat gerger ya obakare e ko ya eudlam wekiam.”
24640	MRK 9:33	Wi taba Kapanamge bakarki. Nade wi bakiauda metage barti, ege yabi nautmerdi, “Wa naluglam pewa gabge tabasardeda?”
24642	MRK 9:35	Iesu akaida emrida a 12 memegle tababim darabgerda. E yabi daratagerda, “Nete laglag kikem wadawer e tababu obakai keubu watadawer gair lege a e wadawer gair lera memegle.”
24644	MRK 9:37	“Ese netide karim able netat kebiwerem waseserder pe able kebiomaskir uridli, e kari ko naseseredli a pako able Le ge kari taramarikda.” MRK 9.38-41
24645	MRK 9:38	Zonede abi detagri, “Erwerle, ki kimiar dasmerlare e mari neige dimoni adem iser. Ki abi detagerda, “Ma ge ekwei ma nole able lu ko iker” ableglam e nole merbidoge ikase.”
24646	MRK 9:39	Iesude yabi daratagerda, “Wa nole ko abi daisumdarawem e ge wekweiwa able lu akerkak. Na lelut nadgireda kari neige umerkaka waditaut adud mir karim.
24651	MRK 9:44	[Pe nade, “Yaba uk umerkak obaum a ur umerkak obasamare.”]