24464 | MRK 5:31 | Abra memegle eudige bakeri abi ikaidarda, “Able le pema uridli mari naumarteda. Mape naluglam eutmeli, 'Netide kari natutidari?'” |
24534 | MRK 7:2 | Wi wader Iesura memegle nardarda taba lewer erolare wi nole tabara kikem tag N og natkirda' (able orwairorwair Parisaiogize waikereda). |
24543 | MRK 7:11 | Wape no wa le nerwereda ese yabi babiba amaei laglag wadaralei wader lu yabialam, wi yabi wadaratagerlare, “Wai babiba amaei, able lu pe 'Koban' ikeredi, e Adira lu ikeredi. Ka umerkak wabi dakware,” epe able kerkerlam pe ditimeda ma nole abi ikaidari e taba babem a amaem waikerer. |
24617 | MRK 9:10 | Wige abra mir dasorda, wige no tabara batagelare nalu agekar lu ikeredi 'eudlam ekiamda'. |
24676 | MRK 10:19 | Ma umele nali 10 geiar:' ma nole ipitwa; ma nole kog derevwa; ma nole erwamem; ma nole besdiridwa; ma nole okaderdar; ma mara bab a ama narmirwa?” |
24752 | MRK 12:10 | Wa dikepwarare able mog zogoziawalilam wawa emetu etageda: 'Able bakir, amer le detuakda e akaidari agekar bakir baidari. |
24753 | MRK 12:11 | Oplede able lu ikeri e merbi poniem sikak ikeredi”' |
24771 | MRK 12:29 | Iesude abi detagri, “Able aukaka gelar pe ikeredi, 'Israla le, wa asrare! Ople meriba Ad E Ople tebteb dali. |
24778 | MRK 12:36 | Lamar Zogode Dawitai detagrer e waditauti, Oplede kara Ople detagri 'Ma ge emri kari narbit pekge nade ka mara kurab le akere mari tetergab aodage! |
24850 | MRK 14:27 | Iesude yabi gair le daratagerda, “Wa ya kemerkemer bakesmer wabi owaturge mokakaiam ge mir bautarda emeretge pe kiki detauteda, 'Adide ya mamoe aseseredle waipit ei mamoe ya adem obatrakrare.' |
24880 | MRK 14:57 | Wader le ga bakwer able besmir detautlare Iesui ikelare; “Ki abi wasorlare e ke waditauter, 'Ka yaka able au zogometa arape ge legize demerda, a neis a netat gergerge ka yaka koka nerut au zogometa damre ya umerkak legize wadimrare.'” |
25662 | LUK 15:5 | Nade ya e wairdar, ei waikai taba gilidge watidikmerik a watigered gedim. Keubu e ya tabara tebud buaikem okakise wadarabgerare, a yabi wadaratagrare, `Mi okakise sererge nabaprekrare ableglam ka koka kara able mamoe erdari ge badmirikda.' |
25666 | LUK 15:9 | Nade ga e erdari, e ya tabara tebud buaikem okakise wadarabgerare, a yabi wadaratagrare, `Mi okokise sererge nabaprekrare ableglam ka koka kara able zoromzorom bakir erdari ge badmirikda.' |
25676 | LUK 15:19 | Ka nole abkorep koka nali mara werem: ma kari ko nakai mara memegle nabailu mokakalam pema wader uridli.'” |
26130 | JHN 1:17 | E erer ekrier kega, “Pe dali able le geka abi tiditauter kega, 'e kari keubu tikase a epe no aukale dali karim ableglam e tadawer keubu kaka eosmeda'.” |
26979 | JHN 21:12 | Iesude yabi daratagerda, “Wa tabakiaure lewer arwem.” Able memegle ge gair geumge bakerer abi waitmerda, `Ma nete nali?' ableglam wi umele urder e Ople dali. |
26984 | JHN 21:17 | A neis a netat gaber Iesude ko abi itmeri, “Simona, Zonera werem, nako ma karim lag ikeli?” Peterura okasosok barki ableglam Iesude abi itmeri neis a netat gaber `Nako ma karim lag ikeli?' E Iesui detager, “Ople, mama umele nali gair lu; mama umele kaka marim lag ikeli!” Iesu ga akaida abi detagri, “Ma kara mamoe naseserdawem.” |