6	GEN 1:6	Agud ga etkaret, “Kes obatreret eipuge ko ni wanakesmuda neis utebem” - ege akaida.
9	GEN 1:9	Agud eudim etkaret, “Able ni pe milam sepge egmedi (wataba) okokise waetami ya wayakai ged wedaketi.” - a ege akaida.
11	GEN 1:11	Agud ga etkaret, “Gesep turum weud gair tonar lunege; luneg wi no kep waeslare a able lu yaba kep wadaragri muige yaba ageg” - a ege bakerda.
15	GEN 1:15	wi zorom obazimurwa mige ko bi waiswelare gesepem” - a ege bakerda.
16	GEN 1:16	Agudide neis au bi dararsiri - lim ko abra sasrim wadike gergerge a meb ko abra sasrim wadike kige.
24	GEN 1:24	Agud ga etkaret, “Gesepide gair tonar gesep ebur waeprao: uteb a ad ebur, aule a kebile” - a ege akaida.
30	GEN 1:30	a gair gesep eburem a mi eburem ka sogi a lamlam luneg dararsirda yabim lewerem” - a ege akaida.
24292	MRK 1:8	Kaka wabi bapataiso nige depaiteda, e ya wabi bapataiso wadikerlare Lamar Zogoge. MRK 1.9-11
24295	MRK 1:11	Ege kodomir teosmeda kotorlam, “Mama kara nasnas Werem nali. Kaka mari sererge nali.” MRK 1.12-13
24297	MRK 1:13	E ge sogipurge dawer Satanade abi mirem ikerer 40 gerger. Aregareg ebur ge urder ege angela no tabatweri abi aseseredlare. MRK 1.14-15
24299	MRK 1:15	“Able barkak kerker pedikeredi,” e atkarti. “Adira basalaia maike ikeredi! Wa tabatarare wabi adud tonarlam a wage Debe Mir irmirare.” MRK 1.16-20
24300	MRK 1:16	Nadege Iesu digmer Galilaia Keper tawerge, ege nardari neis lar-asaperle Saimona a abra barada Andru, wige lar esaperlei larasaperlugu.
24304	MRK 1:20	Nadege Iesude yabi nardari ege keko yabi darabgeri; wige tabara bab Zebedi a abra dorgele narge darakairtiei wige Iesui irmirei. MRK 1.21-28
24312	MRK 1:28	Ablegira mir dudumdudum ebrerdi kemerkemer Galilaiage. MRK 1.29-34
24318	MRK 1:34	Iesude mitkar le nadgilare gair korep gimlam a dimoni adem nauslare. Able dimoni nole mirkak ableglam Iesu laglag dawer. E able lu ikaida ableglam wi umele urder e nete dali. MRK 1.35-39
24323	MRK 1:39	Ege digmer muige gair utebge Galilaiage marauermer sunagoge a adud lamar adem nauslare. MRK 1.40-45
24324	MRK 1:40	Netat kimiar gegur-bad gimgim dawer tabakiamuda Iesui opem taba kokmamu emrida a abi upiatidarem bagwi. E etkarlu kega, “Ese ma laglag nali, ma umele kari nakai ogkak nabailu.”
24341	MRK 2:12	Ege legize abi lidkarem dasmerlare nade ge e ekweilu, tabara papek etarukda a bakiamuda. Wige bazigmuarti a wi Adi dispilare. Wi tabara batagelare, “Mi nole able orwairorwair lu kikem dasmerda.” MRK 2.13-17
24346	MRK 2:17	Iesude yaba autmer mir asri, ege eudige akaida, “No gimgimle pe lukuple iaglag uridli, gimkakle pe nole lakak. Kaka tabakiamuda adud le darabgerare, nole debele.” MRK 2.18-22
24351	MRK 2:22	A nole netat lelut kerkar waina epaiterdi muige emeret tarporge. Nalu ya wakai? Able kerkar wainade ya able emeret tarpor wadiskimer, a able waina a pako tarpor ya obatkowam. Nole, pardarlegize kerkar waina waipaiterdare muige kekar tarporge.” MRK 2.23-28
24363	MRK 3:6	Nade Parasaio gize sunago dikaireta, wige baka dudumdudum obapita wader Erodi lekem, a wige mir ipulare nako wi Iesu waipita. MRK 3.7-12
24369	MRK 3:12	Iesude dimoni aler daratagerlare, “Wa nole le daratagrawem kaka nete nali.” MRK 3.13-19
24376	MRK 3:19	a Iudas Iskariota, ge e keubu akaida Iesi dipi. MRK 3.20-30
24387	MRK 3:30	Iesude able mir detauti ableglam wi Lamar Zogoi dabgelare dimoni dali. MRK 3.31-35
24401	MRK 4:9	A ege yabi daratagerda, “Able mir pe dikeredi gair legize wasrawem a mamor waikedrawem tabadoge.” MRK 4.10-12
24403	MRK 4:11	Iesude yabi daratagerda, “Wabi ge gumik daiswerda Adira Basalaia. Nade pe wader adge turidli gair lu asreda muige mir abisir mirge. Able korepge, wi ya erkep waigreder a nole momor wadasmerlare; wi ya wasorlare a nole waikedilare. Ableglam ese wi ya barkak wadasmerlare a waikedilare wi ya ko watabatare Adim a e yabi ya wadaramaiderdare. MRK 4.13-20
24412	MRK 4:20	Wader kerkerge able kep batweri debe sepge; able legize pe mir asreda a ikadareda a yaba ageg bakeri: wader kepkep, wader kebi mitkar a wader aumitkar. MRK 4.21-25
24417	MRK 4:25	Na lera pe nalu nagriwerteda ya yabi aumitkar obaiswerare; na lera pe kebikebi nagriwerteda yaba kebikebi ya adem obais.” MRK 4.26-29
24421	MRK 4:29	Nade ageg neu bakerda, able gedublelut kemerkemer lu adem ismi a ageg adem etkori ableglam nur kerker itutidari.” MRK 4.30-34
24426	MRK 4:34	E no yabi daratagerlare mir abisir mirge; nade e ga tebteb dawer taba memeglekem ege yabi gair lu daratagerlare. MRK 4.35-41
24453	MRK 5:20	Ege able le bakiamuda 10 Utebem ge wader le daratagelare nalu Iesude abim akaidari. Na iegize ge abi asorda wige bazigmuarti. MRK 5.21-43
24472	MRK 5:39	Ege bakiamuda able metaem badari a akaida yabi daratagerda, “Wa naluglam pe wa bamisreda a wa naluglam i bazoli? Able kebi neur nole eumida - e no ut iperedi!”
24474	MRK 5:41	Ege bakiamuda abra tag derpeidari a abi taba miru detagri, “Talita kum” - “Kebi neur, ka mari peka natagri, ma ekiam!”
24482	MRK 6:6	E ezigmuada ableglam yaba nole owatur nagriweretlare. MRK 6.6-13 Ege bakiamuda ge able gair utebge a le nerwerlare.
24489	MRK 6:13	Wige mitkar dimoni adem nauslare; a wi mitkar gimgimle wakaisoiu darasaulare wige bakerer sikak berer. MRK 6.14-29
24490	MRK 6:14	Erod able Gesep-Ople able lu asri, ableglam legize Iesura mir debreredlare gair utebge. Kepkep legize ge detautiare, “Zone Baptaiso ko akaida idid baidari! Abra sasrim pe Iesuidoge ikeredi.”
24505	MRK 6:29	Nade Zonei memeglegize able mir asorda, wige tabakiauda abra gem ikadarda paierge muige tirdidarda. MRK 6.30-44
24520	MRK 6:44	Wige 5,000 kimiar urder ge wi able bered eroda. MRK 6.45-52
24527	MRK 6:51	Ege eudi bakiamuda narge ogi akawerti, ege wag ekemuda. Able memegle bazigmuarti ableglam wi nole berwerda able beredlam nete Iesu agekar dawer. Yabi akepwaride nole paretkak dasmerer. MRK 6.53-56
24545	MRK 7:13	Able to narge pe dikeredi waba erwer, wa pewa ebrerdeda wabidoge, epe akaida Adira mir dikaidari derekak ya waikereder. A wape mitkar wader lu ko wa ikereda able orwairorwair.” MRK 7.14-23
24555	MRK 7:23	Gair able au adud lu pe teosmeli le muilam yabi nakereda seksek beli.” MRK 7.24-30
24562	MRK 7:30	Nadege able koskir bakiamuda gedge ege tabara neur terdari mapodan sikge ipereder dimoni ge emetu eosmeda. MRK 7.31-37
24579	MRK 8:10	Ege keko bakiamuda taba memeglekem narge batri a bakiauda able utebem ge able gedge irdireder Dalmanutage. MRK 8.11-13
24582	MRK 8:13	Ege eudige darakaireta. E ko bakiamuda narge akawerti, wige ko bakomerti bakiauda nerut pekge nikeperira. MRK 8.14-21
24590	MRK 8:21	Iesude eudige yabi daratagerda, “Nako wa mena umerkak uridli?” MRK 8.22-26
24595	MRK 8:26	Iesude able kimiar ko emarikda taba gedim. E able kimiar detagri, “Ma bakiamu gedim, mage nole ko bakiamu able utebem.” MRK 8.27-30
24596	MRK 8:27	Ege Iesu a abra memegle aden bakiauda gair utebem ge Sizaria-Pilipaige naridweretlare. Wi gabge nakasirweretlare ege Iesude yabi nautmerda, “Wa kari natagrare, nako legize detauteda kaka nete nali?”
24608	MRK 9:1	Ege Iesu akaidari yabi daratagerda, “Ka wabi agekar detagreda, wader le pe able gergerge ekedi ya mena idid waurder nade wi ya wadasmerare Adira Basalaia watabakiamu au kelarkelar. MRK 9.2-13
24609	MRK 9:2	6 gerger barukda, Iesude yabi natakridare Peteru, Zemis a Zone yabi a wige abi irmirdare au aremarem paserem ge nole lekak irdireder. Nade wi ga dasmele, ege Iesu epigemelu; abra wali akaidari zoromzorom zarzerzarzer baidari - nole netat le able gesepge tabara wali waikaidari able zarzerzarzer obaidari.
24612	MRK 9:5	Peterude akaidari Iesui detagri, “Erwerle, audebele ikeredi ki peki dale. Ki umele 3 mud dauridere - netat mara, netat Elaizara a netat Mosera.
24620	MRK 9:13	Ka wabi detagreda, Elaiza emetu tabakiamuda, ege legize abim adud tonar ikelare nalu ge wi laglag urder, able mokakalam able orwairorwair pe mimi abra ad detagreda.” MRK 9.14-29
24636	MRK 9:29	Iesude yabi daratagerda, “No erkepasamide umele able orwairorwair lu adem waismer.” MRK 9.30-32
24639	MRK 9:32	Wige nole akmerkak urder e nalu detauter, wige geumge bakerer abi waitmerda. MRK 9.33-37
24644	MRK 9:37	“Ese netide karim able netat kebiwerem waseserder pe able kebiomaskir uridli, e kari ko naseseredli a pako able Le ge kari taramarikda.” MRK 9.38-41
24648	MRK 9:41	Netide mari gebgeb ni nakwarli ariem ableglam wa Kerisora uridli e ya tabara bodomalam watirpei. MRK 9.42-50
24661	MRK 10:4	Wige abi detagerda, “Mosede kerbi detagerda kimiargize umele tabara atwak-ziawali waditalare a wi tabara koskir adem wanamiklare.”
24669	MRK 10:12	Able orwairorwair, na koskirgize pe tabara kimiar daratwakeda ei nerut kimiar ge espi wipe taba kimiarem adud tonar ikereda.” MRK 10.13-16
24673	MRK 10:16	Ege tabara tag nakaida gasu able omaskir narepda, a nakaida yabidoge darakmerikda a werkab yabi nakwarda. MRK 10.17-31
24687	MRK 10:30	ya wairpare aukakale able kerker pe irdiredi. E 100 uteb, barada, sisi, ama, bab, omaskir a gedub ya watirep - a asiasi pa nagriwerteda. A able kerker pe irdi ya obaruk e ya niai idid watirpei.
24688	MRK 10:31	A netiba mitkar pe kikem uridli wi ya keubu waturder, a netiba pe keubu uridli wi ya kikem waturder. MRK 10.32-34
24691	MRK 10:34	Noglegize ya abi neg wadigalare, abi mosu waitulare, abi wadamrikare a abi waipitare. Neis a netat gerger ya obarkare, e ya ko wekiam idid wakai. MRK 10.35-45
24702	MRK 10:45	ableglam Lera Werem ko tabakiamuda leem dorge waikerer, nole legize abim dorge waikelare. E tabakiamuda tabara idid waikwar bodomalamise gair leem.” MRK 10.46-52
24720	MRK 11:11	Iesu Ierusalema balu. E bakiamuda au zogometa badari a erkep ikereder gair lu ge darasmerlare. Ege bakiamuda eosmeda ko akomeda Beteniem taba 12 memeglekem ableglam au kikem irdireder. MRK 11.12-14
24723	MRK 11:14	Iesude eudi able turumkak lu detagri, “Lelut umerkak ya marialam kurup ko wairo.” Abi memeglegize asorlare e able mir detauter. MRK 11.15-19
24728	MRK 11:19	Nade kupkupi kega atraper Iesu a abra memegle pa duridli adem bakiauda able au uteblam. MRK 11.20-26
24735	MRK 11:26	[Ese wa umerkak wader le daramaideredlare, waba Bab kotorge umerkak wabi wadimaiderdare wabi witlam.] MRK 11.27-33
24741	MRK 11:32	Ese mi datautare, “No lelam ikeredi -". (Wi le geumge bakerer ableglam gair le umele urder Zone ge agekar peropeta dawer.)
24748	MRK 12:6	Ege able kimiarira no netat le barikda ko waimarikda - abra nasnas werem. Ege keubu ga emarik abra werem bakiamuda asesered leem. E dikepwarer, “Wi ya sikak kara werem wairpeirare.”
24754	MRK 12:12	Wige laglag urder Iesui gelar pekge wairpeidarda ableglam wi umele urder able mir abisir miride yaba gem ermer. Wige no geumge bakerer ableglam lera nikidetreder. Wige abi ge dikaireta wige adem bakiauda. MRK 12.13-17
24759	MRK 12:17	Ege Iesude yabi daratagerda, “Wa Kaisai aiswerawem nalu lu pe Kaisara nagriwerteda, a Adi aisweawem nalu lu pe Adira nagriwerteda.” Wige abi miriam bazigmuarti. MRK 12.18-27
24769	MRK 12:27	Ei idid lera Ad dali, e nole eud lera dali. Wawa aukaka seksek dikepwareda!” MRK 12.28-34
24776	MRK 12:34	Iesude ge abi detagri, “Mama au maike nali Adi basalaiage!”, ableglam e abi asri able lera mir au pardarpardar ikereder. Keubu, gair le ge urder yaba geum barukda abi wader lugem ko waitmerda. MRK 12.35-37
24779	MRK 12:37	Dawitade Kerisoi dabgerer Ople. Pa dikeredi, Keriso ya naluglam Dawita werem wadawer?” Ege able au kub lera ge nikidetreder Iesu sererserer asorlare. MRK 12.38-40
24782	MRK 12:40	Wi koskir maikera meta erwamem wadaraislare, a tababu pa obakelare wi zogozogo le uridli pe auka piripiri erkep obasamer. Wi able tonar pe ikereda yaba asiasi bodomalam waiakai aukaise obai!” MRK 12.41-44
24788	MRK 13:2	Iesude abi ikaidari, “Wao able gergerge mama able aukaka meta pema darasmerda, e nole ya netat bakir obariare tumem nerut lege ableglam yabi gair ya adem obakriare.” MRK 13.3-13
24799	MRK 13:13	Gair le ya nole lagkak waurder ableglam wawa kari namireda, na le wabialam ya mena wadawer mena mop watabaruk ei idid watakai.” MRK 13.14-23
24809	MRK 13:23	Wa okeoke uridwa! Ka wabi gair mir peka detagreda keubu ya kerker watabaruk.” MRK 13.24-27
24813	MRK 13:27	E angeia ya wanamarkare kemerkemer gespge able le wanatkimdare ge Adide itutri gair gedlam.” MRK 13.28-31
24817	MRK 13:31	Kotor iba gesepei ya obasmauare, kara mir ya umerkak obasmauare. MRK 13.32-37
24821	MRK 13:35	Wage eskepeskawem ableglam wa nole umerkak uridli na kerkerge lukem le ya ko metaem watakomer - kiki limge, eipkige, idim kakarge, lim aupamaretge.
24825	MRK 14:2	Wige no tabara batagerda, “Mi nole able lu akairare able lewer aro kerkerge ableglam le ya waturder yaba urker obarkare. MRK 14.3-9
24832	MRK 14:9	Kaka wabi agekar detagreda, nade ga legize able debe mir marau wairmawem kemerkemer gesepge, legize ya able mir wasolare pe able koskiret ikeri. Gair le ya abi umele waurder. MRK 14.10-11
24834	MRK 14:11	Nade wi abi asorda yaba au serer barukdarda, wige detauta wi ya abi bodomalam waikwarda. Iuda ga daraimrer nalu korepkorep e Iesui wadipi. MRK 14.12-21
24844	MRK 14:21	Lera Werem ya weumi able korepkorep ge bautarda Zogoziawalige. Epe able le dali ya e Lera Werem wadip ya au asiasi wadigi! E wadikeper, “Ka naluglam osmeda?”” MRK 14.22-26
24849	MRK 14:26	Wi eudige eswao wed Adim dikrida a bakiauda Oliwa Paserem. MRK 14.27-31
24854	MRK 14:31	Peteru eudige esereser akaida, “Kai umerkak yaka dataute ka nole mari umerkak nali! Ese wi kari wanarsare a maridoge wanapitare kai mena yaka nawar ka umerkak able mir detaute.” Gair memeglegize able orwairorwair detautlare. MRK 14.32-42
24865	MRK 14:42	Wa ekwidare mi nabakiaudare. Wa kei egidare, able le pedali ge kariaiam badmirikda akaida kara kurable baida. MRK 14.43-52
24874	MRK 14:51	Netat kirgir kebilelut ge Iesui irmirer e dawer no netat wali abra damireder. Wige laglag abi wairpeidarda e tabara wali dikairti ege korider emrida nesurkak. MRK 14.53-65
24888	MRK 14:65	Wader no bakeri Iesui mosu ituda, a wi abra waliu op damisilare a ereslare. Wi abi detagelare, “Ese mama peropeta nali, ma kerbi detagrare nete kerbialam pedali mari naresli. Aseseredle ko urder abra op detapilare a ereslare. MRK 14.66-72
24900	MRK 15:5	Iesu mena mirkak dawer, ege Pilato ezigmuada. MRK 15.6-15
24910	MRK 15:15	Piiatode Barabasi ditwi yabim, ableglam e laglag dawer e yabidoge waisisimuda. A ga akaidari tabara sariksarikle au kelarkelar miru daratagerda ko Iesui odamrikdarda, a ya abi adem waigareda nilaru satauroge waditagerda. MRK 15.16-20
24915	MRK 15:20	Nade wi basemri ge emetu abi adud merwaru ikereda, wige abi tabara wali ko itkirda, a abi igareda adem ismedarda ko abi satauroge nilaru waditagerda. MRK 15.21-32
24927	MRK 15:32	Ei! Keriso mamanali, mamanali Isralara gesep ople, able kerker pe irdi ma sataurolam sepem tarabu ya waiakai ki umele mari nasmerare mama able lu ikeli, a ki umele mari narmirlare!” A neis le ga taba nerut satauroge namereder wi ko abi aiserlei. MRK 15.33-41
24936	MRK 15:41	Muige Galilaiage able koskir gize Iesui wairmireda a abi upiwaditidareda. A wader gair koskir ko ge urder ge wi Iesuipkem tabakiauda Ierusalemaem. MRK 15.42-47
24950	MRK 16:8	Wige bakiaudare paierlam eosidare a adem korider emridare ableglam yaba durdur a geum, a wi nole umerkak wi nalu waikaidare. Wi nole le mir daratagelare ableglam wi geumge ikele. MRK 16.9-11
24953	MRK 16:11	a nadege Mariade yabi daratagelare Iusu idid akaida wi nole abi asolare. MRK 16.12-13
24955	MRK 16:13	Wi akomedariei wader le daratagerda, wige nole yabi nasolare. MRK 16.14-18
24960	MRK 16:18	Ese wi tabo watakelare wi nole ya asikak waurder. Ese wi eudeud ni wairilare yabi umerkak gimide wanatutilare. Nade wi tabara tag wadikmiriklare gimgim lege able lera ya gim obasemrer.” MRK 16.19-20
25281	LUK 7:17	Legize Iesura able mir debreredlare kemerkemer Iudayage a pako wader ged maike narid. mizmiz 7 nosik 36 - mizmiz 8 nosik 3
25394	LUK 9:24	Netide laglag tabara idid wakur, e ya weumi: nete ya karim weumi e ya tabara idid watirpei.” MIZMIZ 9 NOSIK 28-36