11	GEN 1:11	Agud ga etkaret, “Gesep turum weud gair tonar lunege; luneg wi no kep waeslare a able lu yaba kep wadaragri muige yaba ageg” - a ege bakerda.
14	GEN 1:14	Agud eudim etkaret, “Mige bi obakaertare ko kepu wanakwaelei gerger a ki, a ko waetomeretlare kerker, gerger a urut;
26	GEN 1:26	A Agudide eudim detauti, “Pe irdi mi le dararsirei; wi wadaralei merbi kaise a merbi orwaiorwai. Yaba yako sasrim wadarake large, mi eburge a gair gesep eburge, uteb ebur a ad ebur aule a kebile.
29	GEN 1:29	Ka emetu dararsirda gair tonar kep a kurup lewer wabim arwem;
22634	JON 3:7	E able mir Ninebe leem emariklu: “Able ople a kerimle pa uridli iaba mir wabim pedike: nole lelut netat lewer wairuser; gair le a ebur peki sab daragrida arolam a arilam.”
22647	JON 4:10	Oplede abi detagri, “Able luneg omeida netat kige a eumida nerut kige a mara pe abim omar barukli; ma nole netat lu abim ikaida ko abi waikaida waomeida!
24286	MRK 1:2	Able ad ge bagrareta mokakalam ge Isaia peropetade ditari: Ma asor; Ka yaka kikem kara miraisisle amariklu marim gab wadirsir.
24287	MRK 1:3	E ya erer wekrier muige sogipurge, Wa wabu barsirawem Opleem; gair lu ikerewem barkak ober.
24291	MRK 1:7	Ege le natomeretlare, “Able le penoko kari keubu ikaseredi e au sasrimsasrim karim dali; ka nole abkorep ko abra teter gab adem daogilu.
24304	MRK 1:20	Nadege Iesude yabi nardari ege keko yabi darabgeri; wige tabara bab Zebedi a abra dorgele narge darakairtiei wige Iesui irmirei. MRK 1.21-28
24355	MRK 2:26	Ege bakiamuda Adi metage badari a arito irwi pe no Adim wagimuaretlare. Able lu ge akaida nadege Abiata Kirim Merkemle dawer. Muige kerbi Gelarge, no merkemide tebteb arito wairwer; Dawitade irwi a wader ge tabara armirle naiswerda.”
24385	MRK 3:28	Ka wabi agekar detagreda; Adide umele le omar ge waikai witlam a taba gair Adi opmir atagerlam.
24400	MRK 4:8	Ege wader kep ge batweri debe sepge. Wi baperigdarda, a bomi a ageg bakerda; waderlera kepkep ageg daragriweretlare, waderlera kebi mitkarmitkar a waderlera aukamitkar.”
24403	MRK 4:11	Iesude yabi daratagerda, “Wabi ge gumik daiswerda Adira Basalaia. Nade pe wader adge turidli gair lu asreda muige mir abisir mirge. Able korepge, wi ya erkep waigreder a nole momor wadasmerlare; wi ya wasorlare a nole waikedilare. Ableglam ese wi ya barkak wadasmerlare a waikedilare wi ya ko watabatare Adim a e yabi ya wadaramaiderdare. MRK 4.13-20
24407	MRK 4:15	Wader kerkerge able kep batwerer gabdege; able legize pe mir asreda epe keko Satana tabakesli yabialam able mir adem aisli pe yabidoge barteda.
24408	MRK 4:16	Wader kerkerge able kep batweri neidneid sepge; able legize pe mir asreda a keko irmireda sererserer.
24410	MRK 4:18	Wader kerkerge able kep batwerer lukazge; able legize pe mir asreda epe gair akepwar able gesepira, bodom bakirlag a gair debelulag niki yabidoge detredi a daramisreda able mirlam, a wipe nole agegkak uridli.
24412	MRK 4:20	Wader kerkerge able kep batweri debe sepge; able legize pe mir asreda a ikadareda a yaba ageg bakeri: wader kepkep, wader kebi mitkar a wader aumitkar. MRK 4.21-25
24417	MRK 4:25	Na lera pe nalu nagriwerteda ya yabi aumitkar obaiswerare; na lera pe kebikebi nagriwerteda yaba kebikebi ya adem obais.” MRK 4.26-29
24420	MRK 4:28	Able sepide tababu ikeri kep bomi a ageg bakerda; kikem yaba wai bomi, lusik ga bakerda, ageg ga keubu bakerda.
24425	MRK 4:33	Iesude tabara able marauermer leem mir abisir mirge mokakalam pe nagriwerteda; e yabi daratagerlare able piripiri wi umele tabadoge waidaglare.
24426	MRK 4:34	E no yabi daratagerlare mir abisir mirge; nade e ga tebteb dawer taba memeglekem ege yabi gair lu daratagerlare. MRK 4.35-41
24479	MRK 6:3	E no kamda dali; e no Mariara werem dali; e no Zemisira barada dali, a lose a Iuda a Saimona; a pako abra sisi pa duridli!” A wige nole abi lagkak urder.
24483	MRK 6:7	E tababim able 12 memegle darabgerda, ko yabi neisneis wanamarikdarda. E yabi sasrim nakwarda ko dimoni au kelarkelar wadaratagreda. E yabi au kelarkelar daratagerda, “Wa no koket aisawem nade wa dikasirwertawem. Wa nole lewer aisawem; wa nole epei aisawem; a wa nole bodom bakir aisawem wabi wakge.
24485	MRK 6:9	Wa tetergab amiawem; a nole neis amiwali namiawem.
24489	MRK 6:13	Wige mitkar dimoni adem nauslare; a wi mitkar gimgimle wakaisoiu darasaulare wige bakerer sikak berer. MRK 6.14-29
24495	MRK 6:19	Erodiasira urker Zoneim barki e laglag abi waipiti, ege Erodide nole abi ipiti ableglam e geumge ikerer; e Zonei azimuarda ableglam e umele dawer Zone barkak le a zogo le dawer. Gair kerkerge Zonei miride Erodi waikeli okasosok ke wadali, Erod laglag wadali abi wasri Zonede mir waditautli.
24510	MRK 6:34	Nade Iesu narlam adem eupamadari, ege au kub lera dasmeri; abra au nas yabim barki ableglam wi urder mokakalam mamoi nole mamoi aseseredlekak. Ege eudige akaida yabi ga gair lu nerwerlare.
24517	MRK 6:41	Ege Iesu akaida neis bered natarukda a neis lar pa nakeredi; eudige kotor espasmuda Adi eswau ikaidari. E bered natrida a mog ikeri tabara memegle neiswerda, ya waiakai ya le ya wanaiswerda. E able korepge neis lar nakaidari le naiswerda.
24524	MRK 6:48	E tabara memegle darasmerlare nar ereblare wag desaredlare; keubu nedbi ipiti, e yabim maikem tidigmi tumem gurge tidigmer. E no yabimalam kei ikasereder,
24525	MRK 6:49	wige abi erdarda e gurge tidigmer. Wige dikepwarlare e lamar dali; wige sasmir demerda ableglam wi aukaka geumge bakerer. Iesude keko yabi daratagerda, “Wa sererge uridwa. Kakanali. Wa nole geum!”
24532	MRK 6:56	Gair utebem Iesu basker, kebi utebem a au utemem a gedub uteb ga nagriweretlare, legize tabara gimgimle taraislare able utebem ge nade tama nagriweretlare, wi Iesui ge damoslare e gimgim le wanakerda abi walira mop waditutirda; ege gair gimgim legize netiba ge abra wali ditutilare ege yaba gim basemrer.
24561	MRK 7:29	Iesude able koskir detagri, “Ma barkak detautli; ma bakiamu gedim mara neur terdar ableglam dimoni emetu abialam eosmeda.”
24593	MRK 8:24	Able kimiar eudige egri a abi detagri, “Ka le darasmereda; wi uridli mokakalam lu wipe daragmeda!”
24594	MRK 8:25	Iesude ga tabara tag nakaidari able kimiarge namarikdari. Able kimiaride ga aukaise dasmeri; e umele wadasmeli gair lu paretkak. Abra poni ge badgirda.
24603	MRK 8:34	Iesude eudige tabara memegle tababim dabgerda a wader le pa uridli. E yabi daratagerda, “Nale laglag karidoge watabakiamu e nole tababu obakepwarwa, tabara satauro watepwa a kari watararmirwa;
24609	MRK 9:2	6 gerger barukda, Iesude yabi natakridare Peteru, Zemis a Zone yabi a wige abi irmirdare au aremarem paserem ge nole lekak irdireder. Nade wi ga dasmele, ege Iesu epigemelu; abra wali akaidari zoromzorom zarzerzarzer baidari - nole netat le able gesepge tabara wali waikaidari able zarzerzarzer obaidari.
24629	MRK 9:22	Mitkar kerkerge dimonide abi waiker ko abi waipiti e abi obatawerder urem a niem. Ma kerbi omarge; mai umele kerbi upiditidarare?”
24632	MRK 9:25	Iesude dasmeri lera kub etamier; ege au kelarkelar dimoni detagri, “Asorkak a mirkaka dimoni, ka mari kelarkelar detagri ma adem teosmer able kebilelam a mage nole ko bakiamu abidoge bau!”
24657	MRK 9:50	Sol pe debelu dali. Ese waiakai lagkak obai, netat lelut ya umerkak waikai solsol ko obai. Wa mokakalm uridwa solise pe debe solsol lewer waikereder; wa mapodan uridwa wader lekem.”
24676	MRK 10:19	Ma umele nali 10 geiar:' ma nole ipitwa; ma nole kog derevwa; ma nole erwamem; ma nole besdiridwa; ma nole okaderdar; ma mara bab a ama narmirwa?”
24689	MRK 10:32	Wige gabge nakasirweretlare kei Ierusalemaem; Iesu ge kikem ikasereder memeglege. Ege memegle bazigmuarti, a legize ga abi keubu irmirlare wige geumge bakerer. Iesude ko tabara memegle naisa netat pekge nakoda a no yabi daratagerda able lu ya abim watabakerare.
24694	MRK 10:37	Wige abi detagriei, “Nade ma ya temri mabi zoromzorom basalaiage, ki laglag kiko taramrile maridoge; netat mari narbit pekge a netat mari ber pekge.”
24701	MRK 10:44	No able gab pe ikeredi ese netat wabialam waiakai kikem obai e kikem wakai au akekerakeker memegle obai;
24746	MRK 12:4	Ege able kimiaride nerut dorge le emarikda; ege able asesered legize able dorge le kirimge eresa a abi aiselare.
24747	MRK 12:5	Ege nerut dorge ga emarikda, wige abi ipita. Ege able lelut wader mitkar dorge le ga emarki; asesered legize yabi nareslare a wader ge eudem naresa.
24756	MRK 12:14	Wi tabakiauda ge abidoge a abi detagerda, “Erwerle, ki umele uridli ma gair kerkerge agekar waditauter a ma nole le geumge wekerer. Ki umele uridli ma nole girip wairdirer able leem e nete dali; ma le agekar wanerwerlare Adira gab. Ma kerbi detagrare, pe keriba geiar ikeredi, nako e agekar ikeredi mi Kaisai bodomalam aiswelare? Nako nolekar?”
24767	MRK 12:25	Nade eud le obakiamu ididem wi ya waurder angelaise waturder kotorge; kimiar koskirkem ya umerkak ko tabara watabasiblare.
24797	MRK 13:11	Nade wabi wadireplare a tag waimariklare kotge, waba nole okasosok obarkawem keubu ya kerker watabaruk wa nalu ya detautlare. Nade ya kerker watabaruk, wa detautawem nalu mir wabi Lamar Zogode wadaiswelare, ableglam able mir wa ya detautlare nole wabialam; wi ya wanagriweretlare Lamar Zogolam.
24831	MRK 14:8	Able koskiride ikeri nalu gair lu e karim ikeri; e kari gemge debe laglag wakaiso epaiterdi e kara gem dirsiri ya waiakai e apkorep wadawer wetkobei.
24853	MRK 14:30	Iesude eudige Peterui detager, “Kaka agekar mir detautli; ma ya neis a netat gaber detaut ma nole kari umerkak nali, able kige keubu ya kimiar paul neis gaber ererwekri.”
24859	MRK 14:36	E erkepasameirer, “Baba, kara Bab! Ma umele gair lu iker; Ma karialam able asiasi adem ikau. Ma nole kara lag ikerwa mage mabara lag ikerwa.”
24864	MRK 14:41	E nade ge ko takomeda neis a netat kerkerge, ege yabi daratagridare, “Wa naluglam mena ut derdedi? Wage no ge ut eididare waba gem dirsirdare; a nole! Able kerker pe itutida! Wa kei egridare! Abie le pema ikase ya Lera Werem wairpei wide wanakwarare.
24871	MRK 14:48	Ege Iesude yabi daratagerda, “Ka nole erwamle peka nali; wa pe karim tabakiauda gabagaba kem a teibur ausos tulik kem.
24872	MRK 14:49	Gair gergerge ka le wanerwerlare muige au zogometa utebge, wa nole kari gewa narpeidarda. Epe sikak dikeredi; able Zogoziawali ya obatomer nalu lu agekar ikeredi.”
24878	MRK 14:55	Ege Kebi Kirim Mekemle a kemerkemer Iudaia gelarle laglag urder nalu barkak lu wairdarda wi Iesuim ya tag waimarkeda ya waiakai wi abi waipita; wige nole nerut lu erdarda.
24880	MRK 14:57	Wader le ga bakwer able besmir detautlare Iesui ikelare; “Ki abi wasorlare e ke waditauter, 'Ka yaka able au zogometa arape ge legize demerda, a neis a netat gergerge ka yaka koka nerut au zogometa damre ya umerkak legize wadimrare.'”
24886	MRK 14:63	Nade wi able mir asorda, ege Kirim Merkem Lelut urkerge tabara wali etwati a akaidari yabi daratagerda, “Mi nole laglag uridli wader legize merbi waditagrare nalu e ikeli; mi abra bes dasorda e Adi opmir detagri! Mi nalu abim akairare?” Wige gair legize detauta abi no apitare.
24890	MRK 14:67	E Peterui erdari ege geb bauger; e abi natkak lidem dasmeri a eudige abi ikaidari, “Mako gema tarawer Iesui doge pe Nazaretlam dali.”
24894	MRK 14:71	Ege yabi kelarkelar daratagerda, “Kaka agekar detautii; ese ka bes darder, Adide ya kari bodomalam wanakai asiasi dagie. Ka nole able le umerkak nali pe wawa detauteda.”
24912	MRK 15:17	Wi eudige papol wali Iesui doge; wi sikersiker aper daradara tamlam dirsirda a ikaidarda abi kirimge amida.
24962	MRK 16:20	Ege memegle adem bausi a marau eremlare gair utebge. Oplede dorge yabi kemem ikerer; e atamilam le natomeretlare Debe Mir ge memeglegize eremlare e agekar mir dikeredi.]
25275	LUK 7:11	Kebi niainiai, Iesu bakiamuda able kebi utebge abra nei dikereder Nein; abra memegle a lera ga nikidetreder abi kemem bakiauda.
25276	LUK 7:12	Nawarge Iesu tabakiamuda maike able uteb karge, wader legize ge eudle tigaredlare; e no netat werem koskir maikira wadali. Gair le able uteblam ge urder able eudle apuidoge.
25278	LUK 7:14	Ege digmi bakiamuda eudlera meta itutida; able legize ge eplare wige no bakwi. Iesude abi detagri, “Kirgirle, ka mari natagri, ma ekiam!”
25280	LUK 7:16	Gair le ge urder wi bazigmuarti; wi Agudi dispirda a ke detautlare, “Au peropeta pe merbim batomeda! Agud tabakiamuda tabara le upidaratidareda!”
25300	LUK 7:36	Netat lelut Parisayolam Iesuim mirigri ko abidoge lewer wairwi; e bakiamuda Parasayoi metage badari a eididari lewer arwem.
25301	LUK 7:37	Netat koskir witge wadali able utebge; e asri Iesude ge lewer erwer Parisayo metage, ege tikada au bakirbakir debe laglag wakaiso able au bakirbakir tarporge igmeder. E Iesuidoge keubu ikweireder maike abi teterge iezwer. Ege abra i pog deskeder abra teter daratimuarer, ege abra teter taba musu daratkirer, uma darakerer a debe laglag wakaiso yabidoge epaiter.
25305	LUK 7:41	Iesude abi detagri, “Able bakir taragrile neis le bakiru tardaragri; netat le 500 zoromzorom bakir a nerut le 50 zoromzorom bakir.
25314	LUK 7:50	Iesude able koskir detagri, “Mari owaturide mari nakaidari sikak baida; ma bakiamu mapodange.”
25316	LUK 8:2	a pako wader koskir ge netiba nadgirda adud lamarlam a gimlam. Maria (ge abi dabgelare Magdalale), able le ge abra 7 demoni abialam adem disa, ge dawer; a pako Zoana (Kuzara koskir ge Erodira kirim memegle dawer); a pako Suzana a pako mitkar wader koskir ge Iesui a abra memegle wi upidaratilare tabara turumu.
25389	LUK 9:19	Wige abi detagerda, “Kepkep legize detauteda mama Zone Baptaiso nali; a wader legize pe ikereda mama Elaiza nali; a wader legize pe detauteda mama au emeret peropeta nali ko ma idid akaida.”
25422	LUK 9:52	Ege mir aisisle kikem namarikdarda; wi bakiauda ge able utebge muige Samariage ko abim lu watidisirda.
25595	LUK 13:8	Ege able gedub lelut ikailu, “Kerimle, ma ko dikair netat urut; ka yaka abi darbe kemerkemer a lukup apaite.
25596	LUK 13:9	Ese able lu ya ageg obakerare, ei debele waike; ese nolekar, ma umele ya adem ismi.”
25680	LUK 15:23	A ga bakiaware au derged-derged werem kau tipitare mi lewer akelare, ableglam kara werem maike weumida a epe idid mena dali; ege badmirikda a abi pe ko bardarda.” Wige lewer ikerda.
25686	LUK 15:29	Ege eudim tabara bab ikailu, “Ma karim girip irdi; gair urut ge barukdarda kaka marim dorge waikeli mokakalam memegle a ka no mari wanasoli. Ma nole kari nakwari able nani ko lewer obakerda kerbi tebud lekem.
25689	LUK 15:32	Epe debele dikeredi wi lewer ikereda a sererge uridli, ableglam mara barada maike weumida a epe idid mena dali; ege badmirikda epe abi ko pe bardarda.”
25727	LUK 17:7	Ese netat wabialam abra memegle wadawer, ei mara gedub wadirber; nerut kerkerge ei mara ebur wanaseserdlare, nade e taba dorgelam watakomer, nako ma abi detager, “Ma kei taba ge namri a lewer aro”?
25737	LUK 17:17	Iesude eudige abi ikaidari, “10 lepera le ge bakeri sikak berda; wader 9 pe nade uridli?
25765	LUK 18:8	Kaka wabi detagreda, wao e ya yabi upiwadaratidarare; e ya dudumdudum wadawer yabi upiatidarem. Nade ya Lera Werem watabakiamu able gesepem nako e owatur wairdar?
25921	LUK 21:26	“Le ya geumge erkepinorge obakelare nade wi odasmerlare able bodomalam ya watabakiamu kemerkemer gesepem; wer a wader lu pe mige nagri ya adem obaker taba agekar uteblam.
25924	LUK 21:29	Ege Iesude yabi gesepira ad daratagerda; “Wa bager a dasmerare able roz lusik.
26099	LUK 24:39	“Dasmer kara tag a teter, a wa umele kakanali. Wa kara gem itutrare waiakai wa umele ka nole namar nali. Kara gem a kara lid; namar nolekar.
26104	LUK 24:44	Ege iabi etkarlu kega, “Able orwaiorwai lu peike kaka detauti wabim ka iaka nawer iabidoge; gair lu dautarer ga Gelar Mosera, ge daurarer peropetara a pako Samge, otaba agekar obai.”
26114	JHN 1:1	Keubu able gesep batagmi able Logo dawer; e dawer Agudi kemiem a e dawer able orwaiorwai mokaklam Agud.
26117	JHN 1:4	Abi neige Agudide gair lu daratagemda; nole netat lu ge abi umerkak barsirda muige gair lu atagemge.
26122	JHN 1:9	E nole dawer able bi tababu; e tabakiamuda yabi wadaratagerda able bilam.
26127	JHN 1:14	Wi nole Agudira omaskir berda gesep tonarge ablegise mokakalam omaskir obaos gesep ablam; Agud dawer tababu yaba Ab.
26132	JHN 1:19	Gelar ge tabakiamuda mosei doge; omar a agekarmir tabakiamulei Iesu Kerisoi doge.
26178	JHN 2:14	Muige erkepasam metage e le nardarda kau, mamoe a dibadiba (salemikelare) ia waiakai agimurtem; ege nardarda bakir dorgele dorgege urder.
26574	JHN 10:24	Iudaya le ge etami Iesu dairumareta a abi itmerda, “Ma na niainiai kerbi dereplare ki nabaremlare? Ma kerbi paretkak detagrare; nako mama Keriso nali?”
26577	JHN 10:27	Kari mamoigize kara kodomir asreda; ka yabi umele nali a wipe kari namireda.
26578	JHN 10:28	Ka yabi niai idid naiswereda wi ya umerkak obaum; netat lelut ya umerkak yabi kari taglam adem wanaisare.
26579	JHN 10:29	Kari Babet yabi kari naisweri; e aukelarkelar dali gair leem, a nole netat lelut ya umerkak yabi kari taglam adem wanaisare.
26889	JHN 18:35	Pilatode abi ikaida, “Ka nole Iudaia le nali! Mara buai a pako yaba kirim mirkemle mari kari nakwarda; ma nalu ikai ma bodomalam ya able erpei?”
26959	JHN 20:23	Nalu wit wa lelam ya natkilare ei obatkilare; nalu wit wa ya lera daraudaglare yabidoge wi mena ya wanagri.
26973	JHN 21:6	Ege eudige yabi daratagerda, “Wa waba larasaperlu batawerdare narbit tag pekge narira; wa ya lar nardarare.” Wige larasaperlu batawereda wi umerkak ko wadigwarda ableglam auka mitkar lar ge nagriweretlare.
26975	JHN 21:8	Wader memegle narge tabakiauda weem larasaperlu tigwatlare emetu lar dabweiri; ableglam wi nole welam murizge urder.
26984	JHN 21:17	A neis a netat gaber Iesude ko abi itmeri, “Simona, Zonera werem, nako ma karim lag ikeli?” Peterura okasosok barki ableglam Iesude abi itmeri neis a netat gaber `Nako ma karim lag ikeli?' E Iesui detager, “Ople, mama umele nali gair lu; mama umele kaka marim lag ikeli!” Iesu ga akaida abi detagri, “Ma kara mamoe naseserdawem.”