3 | GEN 1:3 | Agud eudim etkaret, “Bi obakaeret”, ege bi bakaerti |
22601 | JON 1:1 | Oplera Mir teosmelu Zonaim, Amataira werem kega, “Bakiamu Ninebeiem able auka uteb, a abi able opem detager ableglam abi lera adud tonar tabakiamudari kari opge ekweidari.” |
22607 | JON 1:7 | Able pazar tabara netatnetat batagerda, “Baru mi lu dakeware a daraimrare able luglugira atamilam pe netira gem able au wagide deremli.” Able pazargize ga lu dikeuda ege able luglugira tag bamarida Zonaim. |
22629 | JON 3:2 | “Bakiamu Ninebeem able au utebem a leem etomeret able mir geka mari nakwari.” |
24288 | MRK 1:4 | Able miraisisle, Zone Bapataiso, batomerdari muige sogipurge. E le bapataiso darapaitlare a leem marauermer: “Adem tabatarare wabi witlam a bapataiso bapaitare ya waiakai Adide waba wit adem waitkir.” |
24374 | MRK 3:17 | Zemis a abra barada Zone, Zebedaiora neis werem darali (Iesude yaba nei ditkiri Boanagiz, pe dikeredi Girgirira Werem). |
24375 | MRK 3:18 | Andru, Pilipo, Batolomu, Mataio, Tomas, Zemis (Alepaiara werem), Tadaio, Saimona able Zelotle, |
24379 | MRK 3:22 | Able kerkerge wader Aotarle tabakiauda Ierusalemalam. Wi mir igiarlare, “Beelzebul pe Iesui doge dali. E dimoni adem daramaidere able dimoni kirimlera sasrim abidoge dikeredi.” |
24403 | MRK 4:11 | Iesude yabi daratagerda, “Wabi ge gumik daiswerda Adira Basalaia. Nade pe wader adge turidli gair lu asreda muige mir abisir mirge. Able korepge, wi ya erkep waigreder a nole momor wadasmerlare; wi ya wasorlare a nole waikedilare. Ableglam ese wi ya barkak wadasmerlare a waikedilare wi ya ko watabatare Adim a e yabi ya wadaramaiderdare. MRK 4.13-20 |
24418 | MRK 4:26 | Iesude ko yabi daratagerda, “Adira Basalaia mokakalam ikeredi able le e tabara gedubge kep irti. |
24422 | MRK 4:30 | Iesude ko yabi daratagerda, “Mi nako Adira Basalaia sikak datautare? Nalu mir abisir mir mi akerare ei able Basalaia merbi waditomeretiare? |
24490 | MRK 6:14 | Erod able Gesep-Ople able lu asri, ableglam legize Iesura mir debreredlare gair utebge. Kepkep legize ge detautiare, “Zone Baptaiso ko akaida idid baidari! Abra sasrim pe Iesuidoge ikeredi.” |
24492 | MRK 6:16 | Nade Erodide able mir asri, ege detauti, “E Zone Baptaiso dali. Ka abra geka kirim dismida epe ko eudlam ekiamda.” |
24500 | MRK 6:24 | Able neur baka eosmeda tabara ama titmeri, “Ka nalu lugem tarautmerer?” Abi amade abi tiditagri, “Ma Zone Baptaiso kirimem teutmerwa.” |
24501 | MRK 6:25 | Able neur dudumdudum sopkak ko akomeda Gesep Opleem abi tiditagri, “Ka laglag ma kari nakwar Zone Baptaisora kirim kobarge wadudawa.” |
24521 | MRK 6:45 | Iesude keko tabara memegle daratagerda wi obakiauda narge obatri a kikem obakiauda Betsaidaem ge nerut apekge tirdireder. Ege kemem emrida able lera kub wanamarikdarda. |
24591 | MRK 8:22 | Wi bakiauda Betsaiadage bakarki nade ge wader legize sadmerle tigareda Iesuim. Wi abim bagoda Iesude abi waitutida. |
24597 | MRK 8:28 | Wige abi detagerda, “Kepkep legize detauteda mama Zone Baptaiso nali: a wader legize pe ikereda mama Elaiza nali: a wader legize pe detauteda mako pema nali able netat le peropetalam.” |
24607 | MRK 8:38 | Nale yabialam able mitkar witwit a seksek lelam kari wanatuak a pako kara mir, Lera Werem dali ei abi ya watidituak nade e watabakiamu muige taba Babi zoromge taba zogozogo angela kem. |
24608 | MRK 9:1 | Ege Iesu akaidari yabi daratagerda, “Ka wabi agekar detagreda, wader le pe able gergerge ekedi ya mena idid waurder nade wi ya wadasmerare Adira Basalaia watabakiamu au kelarkelar. MRK 9.2-13 |
24614 | MRK 9:7 | Baz tikada bakmerikda yaba mud. Bazlam kodomir teosmeda, “Kara nasnas werem pedali. Abi asrawem.” |
24654 | MRK 9:47 | Ese mari ponide mari wanakai ma wit ikai mage abi adem bataured. E debele ikeredi ma Adi Basalaiage bau no netat poniponi. Ese mara neis poni wanakereder mai bakiamu Urasamkak. |
24678 | MRK 10:21 | Iesu egremada abi barkak omaromar dasmeri a abi detagri, “Ma no netat lu laglag nali. Bakiamu mage mara gair lu iker wi wairapare, mage mara gair bakir ais lukak le naiswerare. Mara ya mamor kotorge wataragri. A tabakiamu kari narmir.” |
24703 | MRK 10:46 | Wi tabakiauda Zerikoge. Nawerge Iesuiba taba memeglekem a lera kub pa ikeredi Zerikolam nakasirweretlare, able sadmer kimiar abra nei dikereder Batimas (e Timaiasirs werem) gabge imireder a leem bakirem bagwer. |
24710 | MRK 11:1 | Wige tabakiauda maike Ierusalemage. Wi taba kikem ge able utebge Betpeiz a Betenia ge Oliwa Paserge. Iesude tabara kikem neis memegle namarikda. |
24720 | MRK 11:11 | Iesu Ierusalema balu. E bakiamuda au zogometa badari a erkep ikereder gair lu ge darasmerlare. Ege bakiamuda eosmeda ko akomeda Beteniem taba 12 memeglekem ableglam au kikem irdireder. MRK 11.12-14 |
24721 | MRK 11:12 | Nerut gergerge wi Benenialam tabakomerti. Ege Iesura werer barki. |
24734 | MRK 11:25 | A nade wa erkepasamwa, ese waba lidobageblare wader leem, wa nole yabim ipitawem nalu ge wi wabim ikerda, ya waikakai waba Bab kotorge wabi wadimaiderdare wabi witlam.” |
24735 | MRK 11:26 | [Ese wa umerkak wader le daramaideredlare, waba Bab kotorge umerkak wabi wadimaiderdare wabi witlam.] MRK 11.27-33 |
24808 | MRK 13:22 | Bes Keriso a bes peropeta ya waurder wi ya atamilam waikelare a wader lu ya waikelare le wanakelare wi obazigmuarter, ya waiakai wi umele able le okawadaradalare ge Adide itutri, ese wi umele able lu waikelare. |
24818 | MRK 13:32 | Le nole umerkak uridli na gergerge ya able lu obakerare. Angela muige kotorge a Werem pa dali wi nole umerkak, no Bab tebteb umele dali. |
24824 | MRK 14:1 | Neis gerger barkiei keubu ya Yiskak Beredira Aro Gerger watabarki, Kebi Kirim Merkem a Aotarle Iesuim dasmerlare ko abi wairpeidarda a waipita. |
24835 | MRK 14:12 | Kikem gergerge irdireder Yiskak Beredira Aro Gerger wi aresa arenio Paseka Lewer Arwem, a Iesui memeglegize eudige abi itmerda, “Ma laglag nali ki nabakiaware nade mara Paseka Lewer darsirare?” |
24859 | MRK 14:36 | E erkepasameirer, “Baba, kara Bab! Ma umele gair lu iker; Ma karialam able asiasi adem ikau. Ma nole kara lag ikerwa mage mabara lag ikerwa.” |
24902 | MRK 15:7 | Able kerkerge able le ya wadali abi wadaggereda Barabas, e audbaraudbar wadali. E netat le able lelam ge wi basaredlare a le ga eudem naresa. |
24906 | MRK 15:11 | Ege Kebi Kirim Merkemlegize mir mitwarlare ge le nikidetreder wi obamusa Barabasim e adem wausmeda nole Iesu. |
24910 | MRK 15:15 | Piiatode Barabasi ditwi yabim, ableglam e laglag dawer e yabidoge waisisimuda. A ga akaidari tabara sariksarikle au kelarkelar miru daratagerda ko Iesui odamrikdarda, a ya abi adem waigareda nilaru satauroge waditagerda. MRK 15.16-20 |
24949 | MRK 16:7 | Bakiauare a abra memegle daratagrare, Peteru penoko dali, “E kikem bakiamuda Galilaiaem wa keubu ya bakiauare. Abi ya terdarare able orwairorwair e wabi waditagreda. |
25315 | LUK 8:1 | Kebi niainiai Iesu ikasereder kemerkemer au uteb a kebi utebge ge e marauermer Debe Mir able Agudira Basalaia detauter. Able 12 memegle abi kemem bakiauda, |
25389 | LUK 9:19 | Wige abi detagerda, “Kepkep legize detauteda mama Zone Baptaiso nali; a wader legize pe ikereda mama Elaiza nali; a wader legize pe detauteda mama au emeret peropeta nali ko ma idid akaida.” |
25430 | LUK 9:60 | Ege Iesude abi detagri, “Eudlegize umele tababu tabara eud buai wanatkoblare. Mage bakiamu eosmer able mir Agudi Basalayara ebrered.” |
25432 | LUK 9:62 | Iesude eudige abi detagri, “Netiba pe nole tababu kemerkemer baiswereda taba dorgeem pe Agudi gedubge ikeredi e nole abkorep dali Agudi Basalayage.” |
25441 | LUK 10:9 | Wa gimgim le ge nadgirawem able utebge, a able le ge daratagrawem, “Kotor Basalaya pe tabakiamuda wabim maikem.” |
25443 | LUK 10:11 | “Kiki wabi utebira pi kerbi teterlam adem etkaperdeda ko waba sirip obarkare. Agekar Agudira Basalaya pe tabakiamuda wabim maikem.” |
25445 | LUK 10:13 | Wai Korazin! Wai Betsaida! Wabi legize ya asiasi wadigiare! Ese able etamilam ge bakerda muige wabidoge eipuge ge bakerda muige Tayage a Saidonge able le pe turidli wi no obamri tabara okasosok wali wamida a tababu tibiu obatimwareda ko merbi waditomerteda wi taba witlam tabatareda! |
25675 | LUK 15:18 | Ka geka nakweilu a nabakiamulu kari babem a abi datagre, “Bab, kaka wit ikaida Agudi opem a mari opem. |
25678 | LUK 15:21 | Able wermet eudige abi ikailu, “Bab, kaka wit ikaida Agudi opem a mari opem. Kaka nole abkorep koka nali mara werem.” |
25709 | LUK 16:20 | Nerut kimiar abra nei waditkeredi Lazaro e nole bakirkak wadali. Badgize abra gem dikadarda, a e gair gergerge adge waiperedi able au mitkar luglug le metalam maike tege. |
25713 | LUK 16:24 | Ege eudige ererekri, “Baba Abrama! Ma kari omarge tarakai: ma Lazaro temarik e tabara tagpim nige watakmei a watabakiamu kara werut gebem waitimuar ableglam kaka asiasi digili muige able urge!” |
25716 | LUK 16:27 | Ege able lugizira apu akaidari abi detagri, “Baru bab, ka marim bagwi, ma Lazaro emarik obakiamu kari bab metage |
25926 | LUK 21:31 | “Able korepge, nade wa dasmerlare able wader adud a geumgeum lu ya obakelare, wage umele uridwa Agudira Baselaya ya watabakiamu. |
26128 | JHN 1:15 | Able Logo akaida le baida a dawer merbi doge mi abra zorom dasmerda, able zorom ge e terpeida a ableglam Babira netat a tebteb werem e dawer au mitkar a omarge agekarge. |
26133 | JHN 1:20 | Nole netat lelut Agudi dasmeri no able netat a tebteb wermet pe timi Babi tuter tag peke, e abi ikaida paretkak baida. |
26180 | JHN 2:16 | E eudige dakaidari le daratagerda ge dibadiba salemikelare: “Adem bakiaware! Wa nole kari Babira meta ikairare lu arap uteb obai!” |
26575 | JHN 10:25 | Iesude yabi daratagerda, “Kaka wabi emetu detagerda, waba nole karidoge oka dali. Able lu kaka ikeli kari Bab sasrimge wabi agekar detomerteda, waba nole karidoge oka dali ableglam wa nole kara mamoi uridli. |
26579 | JHN 10:29 | Kari Babet yabi kari naisweri; e aukelarkelar dali gair leem, a nole netat lelut ya umerkak yabi kari taglam adem wanaisare. |
26580 | JHN 10:30 | Bab a ka ki netat dali.” |
26938 | JHN 20:2 | Ege eudige korider emrida Simona Peteruim a nerut memegle ge Iesude abim lag ikerer. E Bakiamuda yabi daratagri, “Wi Ople adem ikadarda bakir kurlam a mi nole umerkak wi abi nade ikedidarda!” |
26957 | JHN 20:21 | Ege Iesu ga ko akaidari yabi daratagerda, “Mapodan wabim. Ka wabi damarkare mokakalam ge Babide kari taramarikda.” |
28199 | ROM 8:15 | Able Lamar Zogo wa erpeidarda nole wabi dikerda geumgeum atriatri le berda; nolekar, e wabi dikerda Agudira omaskir berda. Abi Lamar Zogo sasrimge mi Agudim ererbakrili: “Baba kara Bab!” |
28601 | 1CO 8:6 | Epe mimi umele no netat Agud dali. E dali Bab ge gair lu detagmi. Mi abra uridli. Epe no netat Ople, able Ople Iesu Keriso. Gair lu batagerma abi doge a mimi uridli abi doge. |
29469 | PHP 2:11 | A gair le ia obatkaret Iesu Keriso e Ople dali, Agud Babi zorom. |
29529 | PHP 4:20 | Abim meriba Agud a Baba able zorom nagri niaiem niaikarem. |
29628 | 1TH 1:1 | Iabialam Paulo, Sailas a Timoto, wabim zogometa Tesalonikage muige Baba Ad a Ople Iesu Keriso. Adira omar a mapodan wabim. |
29630 | 1TH 1:3 | Kiki mena wabi wadikepwalare meriba Ad a Baba opem waba dorge owaturge, waba meregsusapit omarge a wa barkak erkepwaikoslare abim meriba Ople Iesu Keriso. |
29631 | 1TH 1:4 | Buai, Adide wabi omarge dikereda, ki umele dale E wabi ditutirda, |
29646 | 1TH 2:9 | Buai, wa dikepwareda keriba au dorge ki a gerger wa nole gewa bodomalam ikelare kiki wabi doge urder geki Agudira debe mir detautlare. |
29683 | 1TH 4:13 | Buai, ki laglag wa umele urder able agekar mir netiba ut erdedi eudge, ia waiakai wa umerkak okasosok urder mokakalam able le nole umerkak nalu pe dikase. |
30031 | HEB 1:1 | Kerker barki Agudide peropetage tiditauter merbi arerem mitkar kerkerge a gair tonarge, a keubu e merbim tiditauti taba Weremge. E dali ge Agudide kotor a gesep daratagmi abi neige. E dali ge Agudide abi eraigida narbit gair lugira. Able Werem dali auka bi Agudi zoromira a dali kemerkemer mokakalam Agud tababu, gair lu e erepli taba au sasrimsasrim mirge. Nade e terpeida witira amaidered e temrida taba Bab tuter tag peke kotorge. Able Werem akaida angelaem aukale baida mokakalam abra nei dike aukale angelaem ge abi Agudide ikwari. Ableglam Agudide nole netat tabara angela detagri kega, “Mama nali kara Werem able gergerge ka akaida mara Bab baida.” A Agudide nole netat angelalam detauti kega, “Ka yaka nawer abra Bab a ei wadawer kara Werem.” Nade Agudide maike tabara narbit werem watimarikda ege detauti, “Gair angela gize ko abim isor wairapawem.” |
30608 | 1JN 1:1 | Kiki wabim ditarda ia waiakai wa umelebai able ididira mir ge Babidoge tikereder nade ge digrarti. Kiki tasorda a kiki dasmerda kerbi poniu. Kiki sikak dasmerda a kiki itutirda kerbi tagu. |
30609 | 1JN 1:2 | Nade able idid tabakiamuda gem baida kiki abi dasmerda. Kiki able le uridli geki urder, kipe wabi peki detagreda able niai idid ge dawer Babidoge okakise a merbim batomerda. |
30610 | 1JN 1:3 | Kiki wabi koki detagerda nalu kiki dasmerda a tasorda, ia waiakai wako umele kerbidoge batabemeret netat buaise Babidoge a abi Weremge, Iesu Keriso. |
30618 | 1JN 2:1 | Kaka wabim able mir ditali, kara kebi omaskir, ia waiakai wa umerkak wit ikelare. Ese na lelut ia wit waikai, Iesu Keriso e merbim kesge tabagoli able barkak le taba Babim. |
30619 | 1JN 2:2 | Nade able idid tabakiamuda gem baida kiki abi dasmerda. Kiki able le uridli geki urder, kipe wabi peki detagreda able niai idid ge dawer Babidoge okakise a merbim batomerda. |
30647 | 1JN 3:1 | Wa dasmerare merbi Babide aukaise omarge tikereda; merbi dikereda Agudira omaskir dikereda - a mir agekar uridli Agudira omaskir. Le adge uridli Kerisoilam nole meriba tonar berwerda ableglam wi nole Agudi tonar berwereda. |