5	GEN 1:5	E eudim bi detakemuda kupkupilam, a able bi nei itkiri Gerger a kupkupi nei itkiri Ki. Ki a idim ge kikem gerger irdireder.
8	GEN 1:8	E able kes nei itkiri Mi. Ki a idim ga 2 gerger irdireder.
10	GEN 1:10	E able ged nei itkiri Gesep a able ni ge netat utebge etami, e nei itkiri Gur. A Agudira serer barki nalu e dasmeri.
17	GEN 1:17	E wer gako dararsirda. Agudide able bi idagi mige ko gesep bi waiswerlare,
27	GEN 1:27	Agudide eudim le daratagmi yabi nakaida ko abi kaise wadaralei. E yabi kimyar a koskir daratagmi,
22602	JON 1:2	Ege Zonade no nerut gab etaruklu e abi bakiamulu Zopaem ge nade nar barsirer Tasis atiem.
22603	JON 1:3	E tabara ati bodomalam dikailu a akawerti able narge waiakai e ko obadmirikdari Opleilam ege Oplelut au wag temariklu, auka wag nade able nar akailu arap paikaige ga dawer.
22606	JON 1:6	Narkolelut ge abi terdari a abi titmeri, “Ma nalu ikeli ut nauperidi? Eti a mara agud damos upiatidarem karim e merbi ia nasge watidikerare a mi iako nole nabaume.”
22613	JON 1:13	Ege able pazargize no mirem kelaru uzer erebda ko able nar waigareda gesepem a wi umerkak waikadarda ableglam able wagira urker no ko aukaise baisweri.
22619	JON 2:3	E detauti, “Muige kari adud paikaige ka Agudim ererekri a E kara erer terpeida. Ka ererekri au muimui eudle paierlam a Ma kara erer tasri.
22634	JON 3:7	E able mir Ninebe leem emariklu: “Able ople a kerimle pa uridli iaba mir wabim pedike: nole lelut netat lewer wairuser; gair le a ebur peki sab daragrida arolam a arilam.”
22637	JON 3:10	Nade Agudide tadasmeri nalu wi ikerda a nako wi taba barbar tonarlam adem batarda Ege iabi omarge tarakerda a nole iabi daratkoda ge E detauti E ia waikaida.
22639	JON 4:2	E eudi erkepasameida, “Ople, ka nole detauti nade ka mena gedge nawer? Ableglam ka dudumge badmirikda Tasisem. Ka umele nawer mama debe tonartonar a au omaromar Ad nali, wapum lidagebge a au degdeg mara lag ike leem a able Ad ma nali ma nole lagkak le detko.
22642	JON 4:5	Zona eosmeda bakiamuda emrida naiger pekge Ninebelam. E mud tabara diuri a able mudge emrida, dikairi nalu ia wakaida Ninebeem.
22645	JON 4:8	Nade lim ga teupamada Adide urweriurweri naiger wag temarikda a able limira urweri Zonai kirimge emriri abi ikaida abra erkepinor barki. Zona laglag weumida ege eudi able mir detauti, “E au sikak ia wadike karim ka naumilu a nole idid nawer.”
22646	JON 4:9	Ege Adide Zonai detagri kega, “Nalu sasrim pe mara dike ko ma able luneg wekuge akai”? Zonade abi detagri, “Kara sasrim nagri wekuem able korepge ka umele naumilu.”
22648	JON 4:11	“Epe Ninebera ebur a pako 120,000em le ko duridli, able le pe nole mamoser umele uridli debele adudlam. Ei kara nole ia nas obaruk Ninebeem able au utebem?”
24287	MRK 1:3	E ya erer wekrier muige sogipurge, Wa wabu barsirawem Opleem; gair lu ikerewem barkak ober.
24288	MRK 1:4	Able miraisisle, Zone Bapataiso, batomerdari muige sogipurge. E le bapataiso darapaitlare a leem marauermer: “Adem tabatarare wabi witlam a bapataiso bapaitare ya waiakai Adide waba wit adem waitkir.”
24291	MRK 1:7	Ege le natomeretlare, “Able le penoko kari keubu ikaseredi e au sasrimsasrim karim dali; ka nole abkorep ko abra teter gab adem daogilu.
24295	MRK 1:11	Ege kodomir teosmeda kotorlam, “Mama kara nasnas Werem nali. Kaka mari sererge nali.” MRK 1.12-13
24297	MRK 1:13	E ge sogipurge dawer Satanade abi mirem ikerer 40 gerger. Aregareg ebur ge urder ege angela no tabatweri abi aseseredlare. MRK 1.14-15
24303	MRK 1:19	E kebikebi ko bakiamuda ege nardari tabara neis barada, Zemis a Zone, Zebediia werem. Wi taba narge darawedei tabara larasaperlu dirsirlei.
24311	MRK 1:27	Ege le bazigmuarti. Wige tabara bautmerlare, “Nalu peike? Able erwer nerut korep ike. Able le pe barkakle dali. E aukaise dimoni detagri a wipe irmirda.”
24315	MRK 1:31	Ege bakiamuda abidoge tekweida abi tage erpeida a abi upiditida abi ikaida imridari. Able zirude abi dikairti ege siklam adem eupamada a akaida yabim ga lewer dirsirer.
24318	MRK 1:34	Iesude mitkar le nadgilare gair korep gimlam a dimoni adem nauslare. Able dimoni nole mirkak ableglam Iesu laglag dawer. E able lu ikaida ableglam wi umele urder e nete dali. MRK 1.35-39
24319	MRK 1:35	Nerut idimge keubu ga lim teupumada Iesu siklam adem eupumada a meta dikairti. E adem bakiamuda able uteblam lekak utebem, a ege eudi erkepasameida.
24320	MRK 1:36	Ege Saimona a wader no bakiauda abi daraimerda.
24322	MRK 1:38	Ege Iesude yabi daratagerda, “E debele dikeredi mi nabakiaware wader utebem pe naridwerteda ya waiakai ka umele koka yabim mir arme. Ableglam kaka tabakiamuda.”
24323	MRK 1:39	Ege digmer muige gair utebge Galilaiage marauermer sunagoge a adud lamar adem nauslare. MRK 1.40-45
24324	MRK 1:40	Netat kimiar gegur-bad gimgim dawer tabakiamuda Iesui opem taba kokmamu emrida a abi upiatidarem bagwi. E etkarlu kega, “Ese ma laglag nali, ma umele kari nakai ogkak nabailu.”
24325	MRK 1:41	Ege Iesura nas barki, tabara tag itrimurikda a able le erpeida. Iesude able kimiar detagri, “Ka laglag nali. Ma akai ogkak bai.”
24329	MRK 1:45	Ege able le no bakiamudari gair le daratagelare, able mir ebrerder gair utebge. Able luglam Iesu nole paretkak leem eosmerer e no lekak utebge dawer a ege le mena tabakeslare abra ardar gair uteblam.
24336	MRK 2:7	“E seksek dikeredi able leem e ke waditauter. Nole le ko dali e wit uwadimaidered, no Adide wit wadimaidered.”
24339	MRK 2:10	Pe irdi ka yaka wabi datomertare able Le Wermira sasrim dikeredi able gesepge ko wit waimaidered.” E eudige atmutatmut le detagri,
24341	MRK 2:12	Ege legize abi lidkarem dasmerlare nade ge e ekweilu, tabara papek etarukda a bakiamuda. Wige bazigmuarti a wi Adi dispilare. Wi tabara batagelare, “Mi nole able orwairorwair lu kikem dasmerda.” MRK 2.13-17
24345	MRK 2:16	Wader Aotarle ge Parisaio urder Iesui erdarda lewer erwer able lekem, wige abra kaimegiz darautmerda, “E naluglam lewer eroli adud lege?”
24355	MRK 2:26	Ege bakiamuda Adi metage badari a arito irwi pe no Adim wagimuaretlare. Able lu ge akaida nadege Abiata Kirim Merkemle dawer. Muige kerbi Gelarge, no merkemide tebteb arito wairwer; Dawitade irwi a wader ge tabara armirle naiswerda.”
24361	MRK 3:4	Ege Iesude le nautmerda, “Nalu debeiu ikeredi merbi Gelarge pe merbi dikereda ma Sabadge ikerer? A nalu adudlu? Nako e debele ikeredi ma lera idid daseserder? A debele ikeredi ma abi ipit?” Wige nole abi mir ikwarda.
24362	MRK 3:5	Iesude yabi lidem darasmerlare urkerurker, e eudi akaida okasosoksosok baidari ableglam wi nole umerkak urder. Ege eudige able le ikaida, “Ma mara auserauser tag itrimurik.” Ege abra tag dakaida sikak baidari.
24363	MRK 3:6	Nade Parasaio gize sunago dikaireta, wige baka dudumdudum obapita wader Erodi lekem, a wige mir ipulare nako wi Iesu waipita. MRK 3.7-12
24367	MRK 3:10	E mitkar le ge nadgilare, a gair gimgim le mena tabakeslare abim ya waiakaida wi abi waitutirda.
24370	MRK 3:13	Ege Iesu baka paserge ogi a tababim le darabgerda ge e laglag dawer, wi abim tabakiauda.
24371	MRK 3:14	Egeyabialam 12 kaimegize natutidarda. E yabi daratagerda, “Ka wabi ditutidarda wa karidoge uridwa. Ka yako wabi damarkare adem marauarmem, a waba ya sasrim wanagri ko dimoni adem islare.”
24378	MRK 3:21	Legize able mir Iesura buai daratagerlare. Wi detautlare, “E akaida peimpeim baidari!” Ableluglam abra buai tabakiauda mirem abi wairpeirare a waigareda gedim.
24379	MRK 3:22	Able kerkerge wader Aotarle tabakiauda Ierusalemalam. Wi mir igiarlare, “Beelzebul pe Iesui doge dali. E dimoni adem daramaidere able dimoni kirimlera sasrim abidoge dikeredi.”
24380	MRK 3:23	Ableluglam Iesude yabi darabgerda tababim ege yabi daratagelare mir abisir miru. E yabi daratagelare, “Satanade umerkak Satana adem waimu ko ei umerkak mena kelarkelar wadawer.
24381	MRK 3:24	Ese wader gedle obaskare mogmog ober a tabara obareslare, able gedle waiakai sasrimkak obai.
24382	MRK 3:25	Ese wader netatbuai obaskerare mogmog ober a tabara obareslare able netatbuai waiakai sasrimkak obai.
24384	MRK 3:27	Ese nale mirem aukelarkelar le metage obau ko abra lu erwamer wadais, e kikem able aukelarkelar le lageru wadidbar. No pe dikeredi e umele aukelarkelar lera lu erwamem wadais.
24388	MRK 3:31	Ege Iesura ama a wader barada tabakiauda ga adge tikweider. Wi miraisisle emarikdarda muiem oba Iesui adem watismeda.
24391	MRK 3:34	Ege e le darasmerlare ge abidoge emreder ege detauti, “Wa dasmerare kara agekar ama a barada.
24393	MRK 4:1	Iesude ko dirmisidan le nerwerlare ni keper tawerge. E bakiamuda narge akawerti muige temrida ableglam lera nikidetreder taba abi deirumareta auka mitkar. Able nar gurge eper, a able lera ge nikidetreder ge wege ekweider maike gurge.
24394	MRK 4:2	Ege gair lu nerwerlare mir abisir mirge. Nadege e yabi nerwerlare ege detainer,
24400	MRK 4:8	Ege wader kep ge batweri debe sepge. Wi baperigdarda, a bomi a ageg bakerda; waderlera kepkep ageg daragriweretlare, waderlera kebi mitkarmitkar a waderlera aukamitkar.”
24405	MRK 4:13	Ege Iesu eudige akaidari yabi daratagerda, “Ese wa nole able mir abisir mir wabidoge ikedilare, wai umerkak gair abisir mir wabidoge idaglare.
24409	MRK 4:17	Epe no omeili kelarkak sipsip yabidoge, a wi no waurid nole niaikak a yako obaum. Nade ya asiasi wanagri a nade ya yabi wanareslare abieglam wi able mir irmireda, wi aududumdudum obako able mir asorlam.
24416	MRK 4:24	E ko yabi daratagerda, “Wa able mir dikepwararwem pe wawa asorda! Ese wa able mir dikepwalare, waba ya bodomalam waikereder able luglam a pako wader lu pa nagriwerteda.”
24419	MRK 4:27	E mena kige ut ipereder ege idimge ekiamda, able idimge ge kep baperikdarda a bomi. E nole umerkak wi nako bomi.
24423	MRK 4:31	E dali mokakalam mastad keb pe kebi kep dali able gesepge.
24426	MRK 4:34	E no yabi daratagerlare mir abisir mirge; nade e ga tebteb dawer taba memeglekem ege yabi gair lu daratagerlare. MRK 4.35-41
24429	MRK 4:37	Muige nar korge Iesu amazge utipereder. Ege aukaka wag bamrida, zeuber bakwer a baraplare nar etatkolare able nar akaida noga gur digmer. Ege memegle gize Iesui utlam itirda a abi detagerda, “Erwerle, ki nabaume. Ma kerbi upiditidarare ese ma kerbi omarge dikereda.”
24431	MRK 4:39	Ege Iesu ekweidari eudimge wagiba zeuberei daraisumdari, “Wa temrilam! Wa mapodan bailam!” Ege wag ekemuda a gur akaida mapodan baidari.
24432	MRK 4:40	Ege Iesu akaidari tabara memegle daratagerda, “Wawa geumge bakeli abielam waba owatur kebile ikeredi.”
24433	MRK 4:41	Wige bazigmuarti a tabara baotmerlare, “E nalu orwaiorwai le pedali? Wagiba zeuberei umerkak wader le wanasware wipe no abi asriei.”
24436	MRK 5:3	Ege dimoni able lege dawer, e ge dawer bakir paierge. Nole ko le dawer abi malili lageru wadidbari: mitkar kerkerge iegize abra tag a teter wadaraubareda, e gair kerkerge malili lager wadarboli a wadareskimreda taba teterge. E au kelerkelar wadali nole ko nerut lelut abi ikaida ei maiem wekepli.
24440	MRK 5:7	Iesude eudige abi ikailu, “Dimoni, ma adem teosmer able lelam!” Ege sasmir dimridari, “Iesu able Au Adira Werem, “Ma nole nerut lu karim ikai! Mage Adi detager ma nole kari nares.”
24442	MRK 5:9	Iesude abi itmeri, “Mara nei nako dikeredi?”. Ege able lelut abi detagri, “Kara nei dikeredi Lera Kub ableglam ki mitkar uridli.”
24443	MRK 5:10	Ege Iesuim bagwi yabi umerkak adem wanamarikdarda able utebiam.
24446	MRK 5:13	Iesu eudige iaglag baida. Ege dimoni adem bausi able lelam bakiauda puakage tabarti. Able kemerkemer maike 2,000 puaka korider bamri deibge barkarki a batweri wege gurim baragda a guni baiterda.
24452	MRK 5:19	Ege Iesu nole lagkak dawer abi waigardi taba doge. Ege able le detagri, “Ma bakiamu gedim mari buaiem yabi daratagrawem nalu marim Oplelut ikaida a e nalu debele marim dali.”
24453	MRK 5:20	Ege able le bakiamuda 10 Utebem ge wader le daratagelare nalu Iesude abim akaidari. Na iegize ge abi asorda wige bazigmuarti. MRK 5.21-43
24457	MRK 5:24	Ege Iesu abidoge atabemeda, a lera ga nikidetreder abi irmirdlare a abi imuaretlare.
24459	MRK 5:26	Able koskiret ya ko tabara asiasi wadigili gair lukuplelam, e tabara bodom bakir wadikrili lukuplege ya waiakaida wi abi upiwaditidarda. Ege nole akaida sikak baida yabi upiatidarlam, ege no akaida au gimgim baida.
24461	MRK 5:28	Able koskiret dikepwari, “Ese ka umele abra wall datutilu kara gim ya wesimu.”
24462	MRK 5:29	Ege keko able dudumdudum abra mam ya abra wadipitli keko durwarti, ege umele baida abra gem dakaida sikak baidari able gimlam.
24463	MRK 5:30	Keko Iesu umele baida abra sasrim abialam adem deosmeda. Ege bataurikda able kubge ge nikidetreder a yabi nautmerda, “Netide pe kara wali mop itutida?”
24465	MRK 5:32	Ege Iesu no mena ikweireder erkep ikereder able le wairdari ge netide abi itutidari.
24468	MRK 5:35	Nawar ga Iesude mena able mir detauter, wader miraisisle tabakiauda Zairusi metalam a Zairusi detagerda, “Mara neur teumida. Epe nole pa ko ikeredi ma mena able Erwerle damisrer.
24469	MRK 5:36	Iesude nole yabi mirem girip irdireder ge nalu wi detautlare. E akaida able sunago kirimle detagri, “Ma nole geumge akai, ma no kari narmirwa.”
24470	MRK 5:37	Ege no yabi naisidare Peteru a Zemis a abra barada padali Zone bakiaudare kemem, nole nerut le ko dawer.
24471	MRK 5:38	Wi bakiaudare ge able kirimle metage eosidare ge nade Iesude gair le nardarda ge wamisrer. Ege eudige i asri a ii sasmir.
24472	MRK 5:39	Ege bakiamuda able metaem badari a akaida yabi daratagerda, “Wa naluglam pe wa bamisreda a wa naluglam i bazoli? Able kebi neur nole eumida - e no ut iperedi!”
24473	MRK 5:40	Wige eudige bakeri abi ga desaredlare, ege yabi adem nausa metalam. Ege no kebi neurira apuiba babei daragardi a abra neis a netat memegle pa darale bakiaudare able kebi ut uteb ge bartidare nade ge able kebi neur ipereder.
24474	MRK 5:41	Ege bakiamuda abra tag derpeidari a abi taba miru detagri, “Talita kum” - “Kebi neur, ka mari peka natagri, ma ekiam!”
24475	MRK 5:42	Ege keko able kebi neur ekiamda a digmer muige metage. E 12 urut dawer. Wige no kemerkemer bazigmuarti.
24478	MRK 6:2	Sabadge ege akaida mitkar le nerwerlare sunagoge. Nade wi abra mir dasorlare wige bazigmuarter a abim mir dimwarlare. Wige tabara netatnetat bautmerlare, “Netilam able lelut able mir taisi? Netilam abra pardar dikeredi? E nako able au dorge ikeli?”
24479	MRK 6:3	E no kamda dali; e no Mariara werem dali; e no Zemisira barada dali, a lose a Iuda a Saimona; a pako abra sisi pa duridli!” A wige nole abi lagkak urder.