5	GEN 1:5	E eudim bi detakemuda kupkupilam, a able bi nei itkiri Gerger a kupkupi nei itkiri Ki. Ki a idim ge kikem gerger irdireder.
10	GEN 1:10	E able ged nei itkiri Gesep a able ni ge netat utebge etami, e nei itkiri Gur. A Agudira serer barki nalu e dasmeri.
11	GEN 1:11	Agud ga etkaret, “Gesep turum weud gair tonar lunege; luneg wi no kep waeslare a able lu yaba kep wadaragri muige yaba ageg” - a ege bakerda.
24	GEN 1:24	Agud ga etkaret, “Gesepide gair tonar gesep ebur waeprao: uteb a ad ebur, aule a kebile” - a ege akaida.
22635	JON 3:8	Gair legize a eburgize ko adud wali obatkir. Gair le ko alel erkep obasamwa a tabara adud tonar lu aker wadikairtare.
24293	MRK 1:9	Keubu, Iesu tabakiamuda Nazaretlam muige Galiiaiage a Zonede abi baptaiso dikailu muige Ioridano keperge.
24298	MRK 1:14	Keubu wader luge, Zonei didbarda itimedarda, Iesuge bakiamuda Galilaiaem Adira Debe Mir ermer.
24300	MRK 1:16	Nadege Iesu digmer Galilaia Keper tawerge, ege nardari neis lar-asaperle Saimona a abra barada Andru, wige lar esaperlei larasaperlugu.
24312	MRK 1:28	Ablegira mir dudumdudum ebrerdi kemerkemer Galilaiage. MRK 1.29-34
24317	MRK 1:33	Gair le able gedlam etami adge tege.
24321	MRK 1:37	Nadege wi abi erdarda, wi abi detagerda, “Gair legize mari naraimreda.”
24323	MRK 1:39	Ege digmer muige gair utebge Galilaiage marauermer sunagoge a adud lamar adem nauslare. MRK 1.40-45
24326	MRK 1:42	Keko able gimide able le dikairti a ege akaida ogkak baidari Mosei Gelar pekge.
24328	MRK 1:44	“Ma nole netat le able luglam detager. Ma no barkak bakiamu a mabu tabatomer merkemem a zegu lewer mara agimu ge Mosede Gelar idagi able tonar gimlam, ya waiakai gair le umele ober ma emetu akaida ogkak baidari Gelar peke.”
24342	MRK 2:13	Iesu akomeda bakiamuda Galilaia keperge wege. Lera kub abim tabakiauda ege eudige akaida yabi nerwerda.
24355	MRK 2:26	Ege bakiamuda Adi metage badari a arito irwi pe no Adim wagimuaretlare. Able lu ge akaida nadege Abiata Kirim Merkemle dawer. Muige kerbi Gelarge, no merkemide tebteb arito wairwer; Dawitade irwi a wader ge tabara armirle naiswerda.”
24361	MRK 3:4	Ege Iesude le nautmerda, “Nalu debeiu ikeredi merbi Gelarge pe merbi dikereda ma Sabadge ikerer? A nalu adudlu? Nako e debele ikeredi ma lera idid daseserder? A debele ikeredi ma abi ipit?” Wige nole abi mir ikwarda.
24364	MRK 3:7	Iesu a abra memegle adem bakiauda Galailia keperem ege auka mitkar legize yabi narmirlare. Wi tabakiauda Galilaialam, Iudaialam, Ierusalemalam, Idumialam, able gedlam Ioridanoge apekge a able gedlam pe Taia a Saidon ge naridwerteda. Able au kub lera tabakiauda Iesuim ableglam wi wasolare e able lu waikere.
24374	MRK 3:17	Zemis a abra barada Zone, Zebedaiora neis werem darali (Iesude yaba nei ditkiri Boanagiz, pe dikeredi Girgirira Werem).
24395	MRK 4:3	“Wa asrare! Geduble bakiamuda tabara luneg kep wairti.
24434	MRK 5:1	Wi ge bakarki able utebge maike au uteb Gerasa, nerut pekge ni keperge.
24490	MRK 6:14	Erod able Gesep-Ople able lu asri, ableglam legize Iesura mir debreredlare gair utebge. Kepkep legize ge detautiare, “Zone Baptaiso ko akaida idid baidari! Abra sasrim pe Iesuidoge ikeredi.”
24495	MRK 6:19	Erodiasira urker Zoneim barki e laglag abi waipiti, ege Erodide nole abi ipiti ableglam e geumge ikerer; e Zonei azimuarda ableglam e umele dawer Zone barkak le a zogo le dawer. Gair kerkerge Zonei miride Erodi waikeli okasosok ke wadali, Erod laglag wadali abi wasri Zonede mir waditautli.
24497	MRK 6:21	Erodiaside dasmeri abra kes bagida able Erodi ausmer lewerge. Erodide able lewer dirsiri taba gelar kirimieem, taba ares kirimleem a gair tarimleem Galilaialam.
24501	MRK 6:25	Able neur dudumdudum sopkak ko akomeda Gesep Opleem abi tiditagri, “Ka laglag ma kari nakwar Zone Baptaisora kirim kobarge wadudawa.”
24502	MRK 6:26	Able Gesep Oplera au okasosok barki nade e able mir asri, e umerkak taba mir wadikarikda ableglam abi legize emetu asorda e detauti e able lu waikaida nalu lugem abi able neuret wadamsi.
24518	MRK 6:42	Gair legize lewer eroda mena yaba kem bosi.
24529	MRK 6:53	Wige gur tadatupidarda tabakiauda ge wege Genesaretge, ge nade wi nar didbarda.
24532	MRK 6:56	Gair utebem Iesu basker, kebi utebem a au utemem a gedub uteb ga nagriweretlare, legize tabara gimgimle taraislare able utebem ge nade tama nagriweretlare, wi Iesui ge damoslare e gimgim le wanakerda abi walira mop waditutirda; ege gair gimgim legize netiba ge abra wali ditutilare ege yaba gim basemrer.
24555	MRK 7:23	Gair able au adud lu pe teosmeli le muilam yabi nakereda seksek beli.” MRK 7.24-30
24557	MRK 7:25	Koskir ge able utebge dawer Girisle: e ge eosmeda au utebge abra nei dikereder Ponesia pe Siriage irdiredi. E tabakiamuda Iesuim a abi opem kokmamu emrida e Iesuim bagwi ko dimoni adem waismeda abi neurlam.
24563	MRK 7:31	Ege Iesu adem bakiamuda able gedlam ge maike Taiage naridweretlare. E nerut au uteb gabem bakiamuda abra nei dikereder Saidon a no bakiamuda able ged gabem abra nei dikereder 10 Uteb mena Galilaia Nikeperge.
24565	MRK 7:33	Iesude able kimiar erpeida ege abi adem datkimwarda yabialam ge le nikidetreder. Ge, ege tabara tagpim nakaidari ge able kimiar geripge namarikda. Ege eudige mos ikeida, a able kimiarira werut itutida.
24569	MRK 7:37	Gair legize ge netiba able mir asorlare wi bazigmuarter a wi gair legize abi dispirlare. Wi detautlare, “Gair lu e ikeli epe au debele nagriwerteda. E asorkak le nadgireda ya waiakai wi umele wasorlare, a e mirkak le nadgireda ya waiakai wi umele mir waditautlare!”
24633	MRK 9:26	Ege dimonide sasmir dimri, eudige able kebile aler deskerdi, a adem teosmeda. Gaie le ge urder eudige natkareta, “E eumida!” ableglam able kebile mokakalam dali eudle.
24637	MRK 9:30	Wi able uteb dikaireta wige nakasir Galilaiage. Iesu nole lagkak dawer umerkak nerut le umele obaida e nade dawer,
24656	MRK 9:49	Gair le ya solsol waturder urger watabatitilare.
24719	MRK 11:10	Adira werkab pe merbi bab Dawitai basalaiage ikeredi! Able basalaia pe tikase! Gair aospir Adim!”
24764	MRK 12:22	a able lu gako akaidari gair able barada ge urder. Gair able 7 barada baumi nole omaskirkak. Keubu ga koskir ko eumida.
24783	MRK 12:41	Iesu ga irmireder maike au zogometara bodom bakir akri bokesge, a le darasmelare bodom bakir abidoge arotlare. Gair lugizkemle kimiar aukaka bodom bakir arotlare.
24794	MRK 13:8	Au ged gize ya wader au ged wanareslare, a balsaia gize ya wader basalaia wanareslare. Gesep ya obaskered wader utebge. Wader au gedle ya nole lewerkak waurder. Able lu ya obakerare mokakalam pe kikem kebi asiasi waike werem pa keubu weosmer.
24799	MRK 13:13	Gair le ya nole lagkak waurder ableglam wawa kari namireda, na le wabialam ya mena wadawer mena mop watabaruk ei idid watakai.” MRK 13.14-23
24824	MRK 14:1	Neis gerger barkiei keubu ya Yiskak Beredira Aro Gerger watabarki, Kebi Kirim Merkem a Aotarle Iesuim dasmerlare ko abi wairpeidarda a waipita.
24832	MRK 14:9	Kaka wabi agekar detagreda, nade ga legize able debe mir marau wairmawem kemerkemer gesepge, legize ya able mir wasolare pe able koskiret ikeri. Gair le ya abi umele waurder. MRK 14.10-11
24835	MRK 14:12	Kikem gergerge irdireder Yiskak Beredira Aro Gerger wi aresa arenio Paseka Lewer Arwem, a Iesui memeglegize eudige abi itmerda, “Ma laglag nali ki nabakiaware nade mara Paseka Lewer darsirare?”
24838	MRK 14:15	E wabi ya able au kes watiditomer penoko aremge ikeredi. Gair lu wawa laglag dali able lewerem ya i wataragi. Wage merbim gair lu ge tidirsirwam.”
24851	MRK 14:28	Keubu yaka koka idid nakailu, kai kikem nabakiamu Galilaiaem wai keubu ya taba.”
24854	MRK 14:31	Peteru eudige esereser akaida, “Kai umerkak yaka dataute ka nole mari umerkak nali! Ese wi kari wanarsare a maridoge wanapitare kai mena yaka nawar ka umerkak able mir detaute.” Gair memeglegize able orwairorwair detautlare. MRK 14.32-42
24855	MRK 14:32	Wi bakiaudare able utebge abra nei dike Getsemani ge nade Iesude tabara memegle daratagridare, “Wa mena ge dawidarwem nawar ka naba erkeptarasameirer.”
24872	MRK 14:49	Gair gergerge ka le wanerwerlare muige au zogometa utebge, wa nole kari gewa narpeidarda. Epe sikak dikeredi; able Zogoziawali ya obatomer nalu lu agekar ikeredi.”
24893	MRK 14:70	Peterude ko able mir desardi. Ege kebikebi ga ko ikereder, able le ge ekweder eudige bakeri abi ikaidarda, “Agekar, mama netat pema yabialam nali, ableglam mako nali Galilaia le.”
24901	MRK 15:6	Gair Datupir Lewer kerkerge, Pilatode yabi wanauseda audbarlam able le ya le abim obagweda.
24917	MRK 15:22	Wige Iesui datkimuareta able utebem abra nei dikereder Golgota (able nei merbi mirge dikeredi Kirim Lidira Uteb).
24936	MRK 15:41	Muige Galilaiage able koskir gize Iesui wairmireda a abi upiwaditidareda. A wader gair koskir ko ge urder ge wi Iesuipkem tabakiauda Ierusalemaem. MRK 15.42-47
24937	MRK 15:42	Iosepa Arimatia Le akarikda. E agekar le dawer yabialam Iudaia Opapit Lelam. E wadali wadikaili Adira basalaia ko watabakiamuda. E bakiamuda Pilatoim a abi tadamsi Iesui gemem, ableglam au kikem irdireder a able gerger ge irdireder Arsir Gerger (able gerger keubu ya Iudaia Sabad obarki).
24949	MRK 16:7	Bakiauare a abra memegle daratagrare, Peteru penoko dali, “E kikem bakiamuda Galilaiaem wa keubu ya bakiauare. Abi ya terdarare able orwairorwair e wabi waditagreda.
25276	LUK 7:12	Nawarge Iesu tabakiamuda maike able uteb karge, wader legize ge eudle tigaredlare; e no netat werem koskir maikira wadali. Gair le able uteblam ge urder able eudle apuidoge.
25280	LUK 7:16	Gair le ge urder wi bazigmuarti; wi Agudi dispirda a ke detautlare, “Au peropeta pe merbim batomeda! Agud tabakiamuda tabara le upidaratidareda!”
25444	LUK 10:12	Kaka wabi detagreda, Keub Gergerge, Agudira omar pe aukakale ikeredi witwit leem Sodomira ya abra omar wadikereder leem able utebira.
25446	LUK 10:14	Keub Gergerge Agudira omar ya Taya a Saidon leem aukakale waikereder ya abra omar wabi leem wadikereder.
25457	LUK 10:25	Netat kerkerge, able Gelar Erwerle ekweilu laglag Iesui wadamisri taba miru. Able kimiaret eudige Iesui itmeri, “Erwerle, ka nalu lu akailu ya wayakai ka niai idid tarpeilu?”
25458	LUK 10:26	Ege Iesude abi detagri, “Nalu lu pe naisirwerteda muige Gelar Ziawalige? Ma nalu waitager able ziawalilam?”
25469	LUK 10:37	Ege eudige able Gelar Erwerle akaidari Iesui ikaidari, “Able kimiaride ge abi nasdigari.” Ege eudige Iesu akaidari abi detagri, “Ma bakiamu eosmer ma ge mara omar ikai wader leem aukakale obai mokakalam able kimiarira aukaka omar dikeredi wader leem.” mizmiz 10 nosik 38-42
25588	LUK 13:1	Able kerkerge ge wader le tabakiauda Iesui detagerda able Pilatode wader Galilayale naresa nade wi zegulu agimuaretlare Agudim.
25589	LUK 13:2	Ege Iesude yabi nakerda, Wa nako dikepwareda, able le wi au witle uridli pe nole mokakalam gair Galilayale uridli ableglam wi asiasi digieda able orwairorwair?
25731	LUK 17:11	Iesu digmer Ierusalemaem ege bakiamuda ge ikasereder Sameria ke irdireder a Galilaia ke irdireder.
25761	LUK 18:4	Able piripiri ei autmer le obaukarikli, ege keubu ga dikepwari, “Gair wader kerkerge ka nole Adi wasrer a ka nole le wanasorlare,
25930	LUK 21:35	“Ese wa able lu ikelare, able Gergeride ya wabi keserkeser wadirpare nole atagerkak.
26104	LUK 24:44	Ege iabi etkarlu kega, “Able orwaiorwai lu peike kaka detauti wabim ka iaka nawer iabidoge; gair lu dautarer ga Gelar Mosera, ge daurarer peropetara a pako Samge, otaba agekar obai.”
26132	JHN 1:19	Gelar ge tabakiamuda mosei doge; omar a agekarmir tabakiamulei Iesu Kerisoi doge.
26455	JHN 8:5	Muige kerbi Gelarge, Mosede kerbi kelarkelar detagerda ki koskir bakiru eudem natimedlare nade wi able lu waikelare. Nako mako detautli mokakalam ge Mosede detauter?”
26887	JHN 18:33	Pilato ko akomeda Gelar Metaem. Ege Iesui dabgeri a abi itmeri, “Aka ma Iudaia lera gesep-ople nali?”
26969	JHN 21:2	Simona Peteru, Tomas (abi dabgelare Okak Aosmerle), Natanial (Canalam muige Galilige), Zebedaiora werem pa darali, a tabara neis ga daralei Iesui memeglelam ge okakise etami.
26978	JHN 21:11	Simona Peteru bakiamuda narge a takomeda lar asaperlu tigwater emetu large dabweiri. Ge nagriweretlare 153 au lar muige larasaperluge ge e nole bargeirda.
28203	ROM 8:19	Gair lu Agudi detagem dikaireda erkep iskeda Agudim e tabara omaskir wanatomertare.
28204	ROM 8:20	Gair lu Agudi detagem bakeri atutirkak berda Agudi ubilam, nole tabalam. Agudide ko detaut gair lu Agudi detagem ia debele wanagri semersemerlam, a wi ia amisirkak waurder mokakalam Agudira omaskir ia amisirkak waurder.
28453	1CO 1:22	Iudaia legize aukaise obautmerer nalu Lamarira kelar obakelare waiakai oditomeretlare Kerisora kelar. Giris legize aukaise odasmerlare pardarem.
28454	1CO 1:23	Kipe no iabim wairemlare Kerisora eud tumem satauroge. Able Iudaia legise dikepwareda able lugide detomerteda Keriso gebgeb dali, a Giris legize dikepwareda e paim lu dikeredi.
28455	1CO 1:24	Ege Agudide no wader Iudaia le a Giris le darabgerda ko abi wairmirlare, epe able le umele uridli ki wairemlare able Keriso e Agudira sasrim dali a Agudira pardar dali.
28601	1CO 8:6	Epe mimi umele no netat Agud dali. E dali Bab ge gair lu detagmi. Mi abra uridli. Epe no netat Ople, able Ople Iesu Keriso. Gair lu batagerma abi doge a mimi uridli abi doge.
28628	1CO 9:20	Nade ka nawer Iudaialege, kape wekerer mokakalam Iudaiale ia waiakai ka iabi taraislare. Able leem pe nade Gelarge uridli, ka akaida iabi kaise baida (epe ka kababu nole Gelarge nali).
28629	1CO 9:21	Nade ka nawer able lege pe adge uridli Gelarlam, kape wekerer mokakalam able le (epe ka kababu nole amisirkak Agudi gelarlam - kaka Kerisoi gelarge nali).
28633	1CO 9:25	Gair able legize mirem gair tonar segurge tabara kemerkemer oka waidagare oberwerlare able gair tonar segurem ia waiakai wi kirim gogob watirperare. Keubu able kirim gogob bodomalam ia weumi a adem obaskimrare. Mi ia mi able aper tarpeirare umerkak obaskimrare; wi ia niaikarem wanagri.
28942	2CO 4:15	Gair keriba able asiasi wabi debeleem nole kerbim. Mitkar a mitkar legize ia eswao erkepasam wagimuretlare nade Agudide iabi upiudaratidalare taba omarge. Ableluglam Agud ia wakai au zoromzorom obai.
28955	2CO 5:10	ablelam mi gair le ia mi netatnetat tarabakwei muige Kerisoi autmer kerkerge ia waiakai E merbi utiditmerare. Gair legize ia otirpare tabara bodomalam ge nalu ikerer, debele a adud, muige able kerkerge.
30031	HEB 1:1	Kerker barki Agudide peropetage tiditauter merbi arerem mitkar kerkerge a gair tonarge, a keubu e merbim tiditauti taba Weremge. E dali ge Agudide kotor a gesep daratagmi abi neige. E dali ge Agudide abi eraigida narbit gair lugira. Able Werem dali auka bi Agudi zoromira a dali kemerkemer mokakalam Agud tababu, gair lu e erepli taba au sasrimsasrim mirge. Nade e terpeida witira amaidered e temrida taba Bab tuter tag peke kotorge. Able Werem akaida angelaem aukale baida mokakalam abra nei dike aukale angelaem ge abi Agudide ikwari. Ableglam Agudide nole netat tabara angela detagri kega, “Mama nali kara Werem able gergerge ka akaida mara Bab baida.” A Agudide nole netat angelalam detauti kega, “Ka yaka nawer abra Bab a ei wadawer kara Werem.” Nade Agudide maike tabara narbit werem watimarikda ege detauti, “Gair angela gize ko abim isor wairapawem.”