24289	MRK 1:5	Le tabakeslare Ierusalemalam a pako kemerkemer Iudaialam bakeslare bauser Zonei wasorda. Na legize ge tabara wit detautlare ege yabi bapataiso darapaitlare muige Ioridanoge.
24292	MRK 1:8	Kaka wabi bapataiso nige depaiteda, e ya wabi bapataiso wadikerlare Lamar Zogoge. MRK 1.9-11
24294	MRK 1:10	Nade e nilam tegimeda, aududumge Iesude dasmeri kotor ekesmuda a ege Lamar Zogo dibadiba noge abim tabi.
24296	MRK 1:12	Au dudumge able Lamar Zogode Iesui emarikda sogipurem.
24339	MRK 2:10	Pe irdi ka yaka wabi datomertare able Le Wermira sasrim dikeredi able gesepge ko wit waimaidered.” E eudige atmutatmut le detagri,
24342	MRK 2:13	Iesu akomeda bakiamuda Galilaia keperge wege. Lera kub abim tabakiauda ege eudige akaida yabi nerwerda.
24343	MRK 2:14	Nadege e digmer, ege bodom bakir atkimed le erdari, abra nei dikereder Libai, Alpiasira werem. Libai ge imireder taba dorge utebge. Iesu akaida abi dabgeri, “Ma kari tararmir.” Libai ekweidari a abi irmiri.
24344	MRK 2:15	Keubu, Iesude lewer erwer Libai metage. Wader bodom bakir atkimed le a adud le ko ge turder.
24357	MRK 2:28	Pirdiredi, Lera Werem pe Ople dali gair lugira, Sabad ko irdiredi.
24378	MRK 3:21	Legize able mir Iesura buai daratagerlare. Wi detautlare, “E akaida peimpeim baidari!” Ableluglam abra buai tabakiauda mirem abi wairpeirare a waigareda gedim.
24386	MRK 3:29	Adide umerkak wit wadimaidered pe legize Lamar Zogoi opmir detagreda. Yaba witira bodomalam pe niaiem dikeredi.”
24387	MRK 3:30	Iesude able mir detauti ableglam wi Lamar Zogoi dabgelare dimoni dali. MRK 3.31-35
24442	MRK 5:9	Iesude abi itmeri, “Mara nei nako dikeredi?”. Ege able lelut abi detagri, “Kara nei dikeredi Lera Kub ableglam ki mitkar uridli.”
24550	MRK 7:18	Iesude yabi daratagerda, “Aise! Nako wako uridli able mir nole wabidoge ikeredi? Lu adlam bakiauda le gemge barti nole yabi nakerda seksek berda,
24600	MRK 8:31	Ege Iesu eudige akaidari tabara memegle ya wenerwereda, “Abie Lera Werem ya au asiasi wadigi. Aule, Kirim merkemle a Aotale ya abi wadituaklare. Abi ya waipitare, nade neis a netat gerger obarkare e ya ko idid waiakai.
24606	MRK 8:37	Lelut umerkak tabara idid ko wairapei.
24607	MRK 8:38	Nale yabialam able mitkar witwit a seksek lelam kari wanatuak a pako kara mir, Lera Werem dali ei abi ya watidituak nade e watabakiamu muige taba Babi zoromge taba zogozogo angela kem.
24616	MRK 9:9	Nade wi tabidare paserlam, Iesude yabi daratagerda, “Wa nole netat le detagridare nalu lu ge wawa dasmerdare.” No pe ikeredi nade ya Lera Werem eudlam wekiam wi umele ya le wadaratagerlare.
24619	MRK 9:12	Iesude yabi daratagerda, “Agekar Elaiza kikem tabakiamuda ko gair lu wadararsirare. A mipe nalu pemi etagada nako Lera Werem dali muige Zogoziawalige? Mi etageda e asiasi wadigi a abi wadituaklare!
24638	MRK 9:31	ableglam e tabara memegle nerwerlare. Iesu yabi daratagerda, “Able Lera Werem ya waiperare a waigardare able le wanakwarare ya wi abi waipitare. Neis a netat gerger ya obakare e ko ya eudlam wekiam.”
24644	MRK 9:37	“Ese netide karim able netat kebiwerem waseserder pe able kebiomaskir uridli, e kari ko naseseredli a pako able Le ge kari taramarikda.” MRK 9.38-41
24680	MRK 10:23	Iesu akaida tabara memegle darasmerda a eudige yabi daratagerda, “Lugizkem leem au sagimsagim ikeredi wi obarot Adi basalaiage!”
24682	MRK 10:25	Lugizkem lera aukaka sagim daragriwerteda wi obarot Adi basalaiage pe kamela dali e obakiamu obau wali atketlu nebge.
24684	MRK 10:27	Iesude ga yabim barkak darasmerda a yabi daratagerda, “Legize tebteb umerkak able lu waikerare ei Adide umele waiker. Adide umele gair lu waiker.”
24690	MRK 10:33	E yabi daratagerda, “Wa asrare, mi pemi dikasir Ierusalemaem ya nade Lera Werem wairpeirare a waigardare Kebi Kirim Merkem a Aotarle wanakwarare. Wi ya waditautlare e seksek le dali, a wi ya waditautlare abra bodomalam pe dikeredi end. Wi ya abi waipeirare a waigardare nogleem.
24702	MRK 10:45	ableglam Lera Werem ko tabakiamuda leem dorge waikerer, nole legize abim dorge waikelare. E tabakiamuda tabara idid waikwar bodomalamise gair leem.” MRK 10.46-52
24704	MRK 10:47	Nade legize abi detagerda Iesu Nazaret Le pe ikasiredi, ege eudige ererekri a barbori, “Iesu! Dawitara werem! Ma kari omarge nakai!”
24718	MRK 11:9	Lege kikem Iesuidoge nakasirweretlare a keubu ga tarakasirweretlare ererbakrier, “Mi Adi daospirlare! Adira werkab able lege ikeredi ge tabakiamuda Ople neige!
24723	MRK 11:14	Iesude eudi able turumkak lu detagri, “Lelut umerkak ya marialam kurup ko wairo.” Abi memeglegize asorlare e able mir detauter. MRK 11.15-19
24736	MRK 11:27	Wi tabakomerti Ierusalemage. Nade Iesu ga tidigmer tabakiamuda Au zogometage, ege Kebi Kirim Merkem Le a Aule pa uridii abim tabakiauda
24778	MRK 12:36	Lamar Zogode Dawitai detagrer e waditauti, Oplede kara Ople detagri 'Ma ge emri kari narbit pekge nade ka mara kurab le akere mari tetergab aodage!
24792	MRK 13:6	Le ya kari neige watabakeslare waditautlare, “Kaka peka Keriso nali,” a wi gair le okawadarardalare.
24795	MRK 13:9	Wawa uridli wa okeoke uridwa. Wabi ya wadireplare a tag waimariklare a wadaislare kotem. A wabi ya sunagoge wadamriklare. Legize ya wabim tag waimariklare siramile a gesep ople opem ableglam wawa kari narmireda, a wabi ya wadikelare wa yabi Debe Mir daratagerlare.
24797	MRK 13:11	Nade wabi wadireplare a tag waimariklare kotge, waba nole okasosok obarkawem keubu ya kerker watabaruk wa nalu ya detautlare. Nade ya kerker watabaruk, wa detautawem nalu mir wabi Lamar Zogode wadaiswelare, ableglam able mir wa ya detautlare nole wabialam; wi ya wanagriweretlare Lamar Zogolam.
24798	MRK 13:12	Legize ya tabara barada wanaislare yabim apitem, a bab gize ko, tabara omaskir wanaislare yabim apitem. Omaskir ya nole taba bab a apu sasrim lagkak waurder, a wi tabara bab apukem wanaislare apitem.
24800	MRK 13:14	“Pe dikeredi, nade wa dasmerawem able Aukaka Adud Lu Obatkoare Obamaisertare waikwereder pe nole sikak ikeredi e waikwei,” (wa umele uridwa e nalu detauli)
24812	MRK 13:26	Keubu, legize ya Lera Werem wadasmerare ei bazge watabakiamu au sasrimsasrim a zoromzorom.
24818	MRK 13:32	Le nole umerkak uridli na gergerge ya able lu obakerare. Angela muige kotorge a Werem pa dali wi nole umerkak, no Bab tebteb umele dali.
24826	MRK 14:3	Nade Iesude lewer erwer muige metage able kimiarira meta abra nei dikereder Saimona Lepera Le, ege koskir tabakiamuda au bodombodom debe laglag wakaiso teper au bodombodom taporge tigmeder. E tapor mop daratrumda a debe laglag wakaiso epaiterdi Iesui kirimge.
24828	MRK 14:5	Legize merbi bodom bakir wadaiswerda mokakalam netat urut bodomalam able wakaisolam. Mi umele able bodom bakir lukak le wanaiswerda!” Wige au kelarkelar etapereta.
24830	MRK 14:7	Lukak le ya mena wabidoge waurder, wa umele yabi ya upidaratidaiare na kerker ya wa laglag urder. Ka umerkak yaka ika nawar.
24835	MRK 14:12	Kikem gergerge irdireder Yiskak Beredira Aro Gerger wi aresa arenio Paseka Lewer Arwem, a Iesui memeglegize eudige abi itmerda, “Ma laglag nali ki nabakiaware nade mara Paseka Lewer darsirare?”
24837	MRK 14:14	Nade e obakiamu metaem obau, wako balam. Wa able metara lukemle detagerwam, “Erwerle laglag dali ma kerbi kes natometare nade e a taba memeglekem ya Paseko Lewer wairware.”
24839	MRK 14:16	Able memeglegize abi dikairtiei wige bakiamudariei au utebge nade wi dasmelei gair lu mokakalam nagriweretlare ge e yabi tadaratagrer, wige Paseka Lewer tidirsiriei.
24844	MRK 14:21	Lera Werem ya weumi able korepkorep ge bautarda Zogoziawalige. Epe able le dali ya e Lera Werem wadip ya au asiasi wadigi! E wadikeper, “Ka naluglam osmeda?”” MRK 14.22-26
24864	MRK 14:41	E nade ge ko takomeda neis a netat kerkerge, ege yabi daratagridare, “Wa naluglam mena ut derdedi? Wage no ge ut eididare waba gem dirsirdare; a nole! Able kerker pe itutida! Wa kei egridare! Abie le pema ikase ya Lera Werem wairpei wide wanakwarare.
24884	MRK 14:61	Ege Iesu mena mirkak ekweireder, e nole yabim nerut mir detauti. Ege Kirim Merkem Lelut nerut orwairorwair ga abi itmeri, “Nako mama Keriso nali?, able Werkabwerkab Adira Werem?”
24885	MRK 14:62	Iesu eudige akaida, “Kaka nali, wa ya dasmerare Lera Werem watigireder Au Sasrimsasrim Adi tuter tag pekge a ya abi dasmerare e ya watabakiamu kotor bazkem.”
24886	MRK 14:63	Nade wi able mir asorda, ege Kirim Merkem Lelut urkerge tabara wali etwati a akaidari yabi daratagerda, “Mi nole laglag uridli wader legize merbi waditagrare nalu e ikeli; mi abra bes dasorda e Adi opmir detagri! Mi nalu abim akairare?” Wige gair legize detauta abi no apitare.
24901	MRK 15:6	Gair Datupir Lewer kerkerge, Pilatode yabi wanauseda audbarlam able le ya le abim obagweda.
24903	MRK 15:8	Nade ge lera nikidetreder taba etami a bakeri Pilatoim bagoda e yabim waikaida nalu e yabim waikerer able Datupir Lewer kererge, ege yabi nautmerda, “Nako wa laglag ka Mamus Iudaia Lera adem datwie?”
24907	MRK 15:12	Pilatode ko yabi daratagerda ge le nikidetreder, “Wa nako a laglag uridli ka nalu akailu able leem wabi dabgereda Mamus Iudaia Lera?”
24917	MRK 15:22	Wige Iesui datkimuareta able utebem abra nei dikereder Golgota (able nei merbi mirge dikeredi Kirim Lidira Uteb).
24924	MRK 15:29	Le ke nakasirweretlare a ke nakasirweretlare kirim deskeredlare a abi aiselare. Wi erer bakrier, “Mama sikak ikeri! Ma yama obakiamuda able au zogometa wairapi a koma wadimri neis a netat gergerge!
24926	MRK 15:31	Able tonartonar Kebi Kirim Merkem Le a Aotarle abi merwarem ikelare. Wi tabara batagelare, “E wader le nakerda sikak berda, e umerkak tababu obakai sikak obai!
24937	MRK 15:42	Iosepa Arimatia Le akarikda. E agekar le dawer yabialam Iudaia Opapit Lelam. E wadali wadikaili Adira basalaia ko watabakiamuda. E bakiamuda Pilatoim a abi tadamsi Iesui gemem, ableglam au kikem irdireder a able gerger ge irdireder Arsir Gerger (able gerger keubu ya Iudaia Sabad obarki).
24948	MRK 16:6	Ege yabi able kimiaride daratagridare, “Wa nole geumge ekerdare. Ka umele nali wa pewa Iesui Nazeret Le daraimele ge abi satauroge nilaru detagerda. E nole pedali, abi Adide ko ekiamda! Wa dasmerdare, able uteb pe irdiredi ge nade wi abi ikedidarda.
25281	LUK 7:17	Legize Iesura able mir debreredlare kemerkemer Iudayage a pako wader ged maike narid. mizmiz 7 nosik 36 - mizmiz 8 nosik 3
25392	LUK 9:22	Ega yabi ko daratagerda, “Able Lera Werem e ya au asiasi wadigi, a Aule, a Kebi Kirim Merkem, a Aotale ya nole abi lagkak waurder. Abi ya waipitare, e neis a netat gergerge ya ko wayakai idid obai.”
25428	LUK 9:58	Iesude ge abi ikaidari, “Sumes ebur uridli yaba sumesge uteb nagriwerteda, a aperdaraperdar ebur pe uridli yaba tabara pek darawerteda epe Lera Werem pedali abra nole tabara uteb dirdiredi ko weidi a ner wezi.
25709	LUK 16:20	Nerut kimiar abra nei waditkeredi Lazaro e nole bakirkak wadali. Badgize abra gem dikadarda, a e gair gergerge adge waiperedi able au mitkar luglug le metalam maike tege.
25712	LUK 16:23	Muige Urasamkak utebge, ge e au asiasi digier, e egremada Abramai erdari aumurizge a Lazaro ge abidoge timireder.
25713	LUK 16:24	Ege eudige ererekri, “Baba Abrama! Ma kari omarge tarakai: ma Lazaro temarik e tabara tagpim nige watakmei a watabakiamu kara werut gebem waitimuar ableglam kaka asiasi digili muige able urge!”
25714	LUK 16:25	Ege abi Abramade tidetagri, “Kara werem, ma mena dikepwali nako mama idid watarali mai gair debelu ma watirepli. A Lazarode ya gair adud lu watirepli. Able kerker pe irdi epe sererge dali mape asiasi pema digili.
25716	LUK 16:27	Ege able lugizira apu akaidari abi detagri, “Baru bab, ka marim bagwi, ma Lazaro emarik obakiamu kari bab metage
25732	LUK 17:12	Nade ge e ikasereder able utebem, ege 10 Lepera legize abi opdipita. Wige murizge tikweider
25765	LUK 18:8	Kaka wabi detagreda, wao e ya yabi upiwadaratidarare; e ya dudumdudum wadawer yabi upiatidarem. Nade ya Lera Werem watabakiamu able gesepem nako e owatur wairdar?
25921	LUK 21:26	“Le ya geumge erkepinorge obakelare nade wi odasmerlare able bodomalam ya watabakiamu kemerkemer gesepem; wer a wader lu pe mige nagri ya adem obaker taba agekar uteblam.
25922	LUK 21:27	“Keubu wi odasmerare Lera Werem watabakiamu bazge au sasrimsasrim a au zoromzorom.
25931	LUK 21:36	“Wa erkepeskawem, a erkebasamwa ya wayakai wa umele adem bakeslare gair able luglam, a wa umele nole geumkak nakweder Le Werem opem.”
26107	LUK 24:47	“Lu ma abra mir ais etomeret meriba wit mir waditaut Ierusalamage a gair le pe uridli able gesepge.
26114	JHN 1:1	Keubu able gesep batagmi able Logo dawer; e dawer Agudi kemiem a e dawer able orwaiorwai mokaklam Agud.
26118	JHN 1:5	Able Logo dawer giz ididira, a able idid dawer bi gair leem.
26124	JHN 1:11	Able Logo dawer muige able gesep a Agudide able gesep detagmi abi neige ege able gesepide nole abi opdasrerti.
26128	JHN 1:15	Able Logo akaida le baida a dawer merbi doge mi abra zorom dasmerda, able zorom ge e terpeida a ableglam Babira netat a tebteb werem e dawer au mitkar a omarge agekarge.
26182	JHN 2:18	Ege Iudaia le aukelarkelar bautmeri, “Nalu Lamarira kelar obakelare kerbi oditomertare mamanali ma umele able lu iker?”
26187	JHN 2:23	A nade ga Iesu dawer able paseka lewerge Ierusalemage, gair legize abi irmirlare nadege Iesude Lamarira kelar ikerer.
26958	JHN 20:22	A ga akaidari yabi daratagridare, “Wa Lamar Zogo erpeirare.” Eudige yabidoge wag emariklu.
28197	ROM 8:13	Ese wa waba adud akepwar irmirlare waba lamar ia weumi; ese wa no Lamar Zogo asorlare a waba adud tonar dikairtare waba lamar ia idid waurder.
28198	ROM 8:14	Able le Agudi Lamaride daratkimwarteda Agudira omaskir uridli.
28199	ROM 8:15	Able Lamar Zogo wa erpeidarda nole wabi dikerda geumgeum atriatri le berda; nolekar, e wabi dikerda Agudira omaskir berda. Abi Lamar Zogo sasrimge mi Agudim ererbakrili: “Baba kara Bab!”
28200	ROM 8:16	Lamar Zogo a meriba lamar okakise merbi detagreda paretkak mimi uridli Agudira omaskir.
28207	ROM 8:23	A nole tebteb gair lu Agudi detagem; mimi netiba Lamar Zogo daragriwerteda (able kikem Agudira bodomalam merbim) mi ko mi merbibu moketmir digareda nawar mi dikaireda Agudide merbi kemerkemer waditakrare tabara omaskir a meriba gem waikai amisirkak obai.
28453	1CO 1:22	Iudaia legize aukaise obautmerer nalu Lamarira kelar obakelare waiakai oditomeretlare Kerisora kelar. Giris legize aukaise odasmerlare pardarem.
28950	2CO 5:5	Agudide tababu merbim tidirsiri meriba kerkar gem ia mi tapeirare. A E merbi Lamar Zogo dikwarda e kikem lu ikeredi able lugira. MIZMIZ 5 NOSIK 6-10
29459	PHP 2:1	Ableglam wa netat Kerisoi doge abra upiatidar, ableglam abi omaride wabi dasesaderda, ableglam wa Lamar Zogoge uridli, ableglam waba lag a omar,
29518	PHP 4:9	Wa ge mena gair lu ikerarwem wa karialam berwerda a wage tadasmerda a tasorda kaka tikerer. Ege Agudide mapodan PILIPAI MIZMIZ 4 NOSIK 12-20
29633	1TH 1:6	Wa kerbi doge a Oplege takmeirda. Wa asiasi tidigida a wage mir erpeidarda a sererge baprekerda Lamar Zogolam.
30622	1JN 2:5	Lera lag Agudim kemerkemer obakiamu nade e abra mir odasrer.
30647	1JN 3:1	Wa dasmerare merbi Babide aukaise omarge tikereda; merbi dikereda Agudira omaskir dikereda - a mir agekar uridli Agudira omaskir. Le adge uridli Kerisoilam nole meriba tonar berwerda ableglam wi nole Agudi tonar berwereda.