22601	JON 1:1	Oplera Mir teosmelu Zonaim, Amataira werem kega, “Bakiamu Ninebeiem able auka uteb, a abi able opem detager ableglam abi lera adud tonar tabakiamudari kari opge ekweidari.”
22603	JON 1:3	E tabara ati bodomalam dikailu a akawerti able narge waiakai e ko obadmirikdari Opleilam ege Oplelut au wag temariklu, auka wag nade able nar akailu arap paikaige ga dawer.
22609	JON 1:9	“Ka Ibru nali”, Zonade iabi daratagrare. “Ka isorgiru waikerer able Ople, able Agud kotorira, ge e able gur a gesep daratagmi.”
22610	JON 1:10	Wi umele urder Zona Opleilam tabadmiriklu. Ablegide iabi geum dararepda wige batkarti, “Ma naluglam able korepge tabadmirikda?”
22614	JON 1:14	Wi ga eudim Opleim erer bakri, “Ople, ki mari namosa, ma nole kerbi dikerare nabaume ese ki able lera idid adem dakadarare.”
22616	JON 1:16	Ablegide able pazar nakerda Oplei geumge bakeri, wi eudim agimurda tabara zegulu a mir idagda kega wi no abi tebteb wadamilare.
22617	JON 2:1	A Oplei Mirlam au laret Zonai irmilu a ega dawer neis a netat gerger a ki muige able au larira kem.
22618	JON 2:2	Able au lar kemlam Zona erkepasameilu taba Ople Agudim.
22623	JON 2:7	“Ka baitri nade paserira sip tadaramar, able gesepem ge kari kar narker niaiem epe mama kari nagimedari eudlam Ople ae kara Agud.
22624	JON 2:8	“Nade kara eded adem dorier, kage Mari nakepwari, Ople, a kara erkepasam baurwari Marim Mari zogo utebem.
22626	JON 2:10	“Marim iaka auspirwed dakrier a ka iako Marim zegulu agimulu a kara nalu mir geka Mari nakwari kai akailu sikak obai. Azimwaret tikase Opleilam.”
22627	JON 2:11	A Oplelut able lar au aler detagri a ege Zonai adem ikeida watwet gesepge.
22630	JON 3:3	Zonade Oplera mir dirmiri a bakiamuda Ninebeem able auka uteb irdiredi, lelut wais 3 gerger ko abi wadatupir.
22639	JON 4:2	E eudi erkepasameida, “Ople, ka nole detauti nade ka mena gedge nawer? Ableglam ka dudumge badmirikda Tasisem. Ka umele nawer mama debe tonartonar a au omaromar Ad nali, wapum lidagebge a au degdeg mara lag ike leem a able Ad ma nali ma nole lagkak le detko.
22640	JON 4:3	“Pe irdi, Ople, kara eded adem ikao, karim dike ka sikak nawer eud a nole eded.
22641	JON 4:4	Oplelut abi tiditagri, “Nako marim sikak dike ma wekuge nawer?”
22643	JON 4:6	Oplede arpomerarpomer luneg ikaida omeida a Zonai kebikebi mud kirmem ikwari waiakaida abra sagim ko adem wadami a Zonara eudi serer barki able lunegem.
22647	JON 4:10	Oplede abi detagri, “Able luneg omeida netat kige a eumida nerut kige a mara pe abim omar barukli; ma nole netat lu abim ikaida ko abi waikaida waomeida!
24287	MRK 1:3	E ya erer wekrier muige sogipurge, Wa wabu barsirawem Opleem; gair lu ikerewem barkak ober.
24357	MRK 2:28	Pirdiredi, Lera Werem pe Ople dali gair lugira, Sabad ko irdiredi.
24452	MRK 5:19	Ege Iesu nole lagkak dawer abi waigardi taba doge. Ege able le detagri, “Ma bakiamu gedim mari buaiem yabi daratagrawem nalu marim Oplelut ikaida a e nalu debele marim dali.”
24490	MRK 6:14	Erod able Gesep-Ople able lu asri, ableglam legize Iesura mir debreredlare gair utebge. Kepkep legize ge detautiare, “Zone Baptaiso ko akaida idid baidari! Abra sasrim pe Iesuidoge ikeredi.”
24501	MRK 6:25	Able neur dudumdudum sopkak ko akomeda Gesep Opleem abi tiditagri, “Ka laglag ma kari nakwar Zone Baptaisora kirim kobarge wadudawa.”
24502	MRK 6:26	Able Gesep Oplera au okasosok barki nade e able mir asri, e umerkak taba mir wadikarikda ableglam abi legize emetu asorda e detauti e able lu waikaida nalu lugem abi able neuret wadamsi.
24560	MRK 7:28	Ege able koskiride abi ikaidari, “Ople, able omai pe erdedi wi umele omaskira puipi lewer wairware.”
24710	MRK 11:1	Wige tabakiauda maike Ierusalemage. Wi taba kikem ge able utebge Betpeiz a Betenia ge Oliwa Paserge. Iesude tabara kikem neis memegle namarikda.
24712	MRK 11:3	Ese nalelut wabi waditmerwa, “Wa naluglam able ikereiei?” wage abi detagerwam, “Ople laglag dali. E ya abi kei dudumge watimarik.””
24718	MRK 11:9	Lege kikem Iesuidoge nakasirweretlare a keubu ga tarakasirweretlare ererbakrier, “Mi Adi daospirlare! Adira werkab able lege ikeredi ge tabakiamuda Ople neige!
24753	MRK 12:11	Oplede able lu ikeri e merbi poniem sikak ikeredi”'
24771	MRK 12:29	Iesude abi detagri, “Able aukaka gelar pe ikeredi, 'Israla le, wa asrare! Ople meriba Ad E Ople tebteb dali.
24772	MRK 12:30	Wa omar waba Ople waba Ad kemerkemer waba nerkepu a kemerkemer waba lamaru a kemerkemer waba idoniu a kemerkemer waba kelaru!
24778	MRK 12:36	Lamar Zogode Dawitai detagrer e waditauti, Oplede kara Ople detagri 'Ma ge emri kari narbit pekge nade ka mara kurab le akere mari tetergab aodage!
24779	MRK 12:37	Dawitade Kerisoi dabgerer Ople. Pa dikeredi, Keriso ya naluglam Dawita werem wadawer?” Ege able au kub lera ge nikidetreder Iesu sererserer asorlare. MRK 12.38-40
24789	MRK 13:3	Nadege Iesu imireder Oliwa Paserge, Peteru, Zemis, Zone a Andru no wi tebteb abim tabakiaudare.
24798	MRK 13:12	Legize ya tabara barada wanaislare yabim apitem, a bab gize ko, tabara omaskir wanaislare yabim apitem. Omaskir ya nole taba bab a apu sasrim lagkak waurder, a wi tabara bab apukem wanaislare apitem.
24800	MRK 13:14	“Pe dikeredi, nade wa dasmerawem able Aukaka Adud Lu Obatkoare Obamaisertare waikwereder pe nole sikak ikeredi e waikwei,” (wa umele uridwa e nalu detauli)
24814	MRK 13:28	“Wa Omilam berwerawem. Nade abra tarn obaker gebgeb ober a abra lulam obatiare, wa umele uridwa Koki kerker ya maike obaruk.
24849	MRK 14:26	Wi eudige eswao wed Adim dikrida a bakiauda Oliwa Paserem. MRK 14.27-31
24937	MRK 15:42	Iosepa Arimatia Le akarikda. E agekar le dawer yabialam Iudaia Opapit Lelam. E wadali wadikaili Adira basalaia ko watabakiamuda. E bakiamuda Pilatoim a abi tadamsi Iesui gemem, ableglam au kikem irdireder a able gerger ge irdireder Arsir Gerger (able gerger keubu ya Iudaia Sabad obarki).
24961	MRK 16:19	Nade yabi Oplelut emetu mir daratagerda, ege eudige abi Adide igardi kotorem ya waiakai e Adi tuter tag pekge waitimi.
24962	MRK 16:20	Ege memegle adem bausi a marau eremlare gair utebge. Oplede dorge yabi kemem ikerer; e atamilam le natomeretlare Debe Mir ge memeglegize eremlare e agekar mir dikeredi.]
25277	LUK 7:13	Nade ga Oplelut able koskir dasmeri, abra aukaka nas barki. E akaida abi detagri, “Ma nole iezo.”
25394	LUK 9:24	Netide laglag tabara idid wakur, e ya weumi: nete ya karim weumi e ya tabara idid watirpei.” MIZMIZ 9 NOSIK 28-36
25424	LUK 9:54	Nade able neis memegle Zemisiba Zonei able mir asriei wige eutmeriei, “Ople, nako ma laglag nali ki ur dabgerei kotorlam watabu able le wanasare?”
25429	LUK 9:59	Iesu akaidari nerut kimiar detagri, “Ma kari tararmir.” Ege able kimiaride abi ikaidari, “Ople, ma kari kikem namarik ka nabakiamulu kara bab tatkobeilu.”
25431	LUK 9:61	Nerut kimiar ge akaidari, “Ople, Kaka yaka mari narmire, mage kari nakai ka nabakiamulu kara buai taramrare.”
25433	LUK 10:1	Keubu, Oplelut wader 72 le etakri a yabi namarikdarda bakiauda bausi neis neis nakasirweretlare gair au utebge, a gair kebi utebge ge nade Iesu tababu ikasereder able utebge le darasmerlare.
25434	LUK 10:2	Iesude yabi daratagerda, “Aukaka nur pe abi epe kepkep dorgele uridli ko lewer waitgare. Wa Ople damsawem erkepasamu, e lukemle dali nurira, ya wayakai e wader dorgele ko wataramarkare abra nur waditkimdare.
25449	LUK 10:17	Nade able 72 le tabakomerti wige au sererge urder. Wi detautlare, “Ople keriba aukaka sasrim nagri able demonide ko kerbi dasreda nade ki mari neige ki yabi au kelarkelar daratagreda!”
25459	LUK 10:27	Ege abi able kimiaride ikaidari, “Ma omarge mara Ople mara Agud ikerwa kemerkemer mari nerkepu, a kemerkemer mari lamaru, a kemerkemer mari kelaru, a kemerkemer mari idoniu” a “Ma omarge mara le maikes maridoge able orwairorwair mokakalam ma mabu omarge bakeli”.
25472	LUK 10:40	Mata nole ge tadawer Mariaidoge ablelam e baugwater mitkar lu dararsirlare. E eudige akaida Iesui ikaidari, “Ople, nako mama dikepwali e seksek dikeredi kari berbetide nakairti paka tebteb nali nole upiatidarkak mitkar dorge kaka ikeli? Ma abi detager e watabakamu kari upiwanati!”
25473	LUK 10:41	Ege Oplelut abi ikaidari, “Mata! Mata! Mama au sagim digili a au mitkar lugize mari nausakeda.
25725	LUK 17:5	Able kaimegiz gize Ople detagerda, “Ma keriba owatur ikai aukakale obai.”
25726	LUK 17:6	Ege Oplelut yabi daratagerda, “Ese waba owatur no kebile nagriwerteda able orwairorwair pe kebi mastad kep ikeredi, wa umele baker able au kelarkelar sipsip lu detagrare, “Ma mabu adem sipkem barbormur seplam a mabu bamordar ge gurge,” e ya wabi wadasrare.
25733	LUK 17:13	wige erer tabakri, “Iesuoi! Ople! Ma kerbi omarge dikerare!”
25763	LUK 18:6	Ege Oplede ga daratagerda, “Wa dasmerare nako seksek autmer lelut detauti.
26095	LUK 24:35	Able neis lede detauti paretkak taba kaimegizem nalu akaidari gabge, a wi azigmadariei Ople nali nade e able areto itrida.
26096	LUK 24:36	Nade e wiabi detagerda tabara memegle, bazigmarti Ople epedali iabidoge. “Mapodan wabim,” e etkarti.
26451	JHN 8:1	Wige gair bakiauda taba gedim, ege Iesu ge bakiamuda Oliwa Paserem.
26938	JHN 20:2	Ege eudige korider emrida Simona Peteruim a nerut memegle ge Iesude abim lag ikerer. E Bakiamuda yabi daratagri, “Wi Ople adem ikadarda bakir kurlam a mi nole umerkak wi abi nade ikedidarda!”
26946	JHN 20:10	Wige able memegle ko akomedariei gedim. MIZMIZ 20 NOSIK 19-31
26956	JHN 20:20	E akaida yabi tabara tag a bir natomereta. Ege memegle au sererge baprekerda nade ge wi Oplei erdarda.
26960	JHN 20:24	Netat le 12 memeglelam, abra nei dikereder Tomas (abra nerut nei wadikeredi Okak Aosmele) nole ge yabidoge dawer nadege Iesu tabakiamuda yabim.
26961	JHN 20:25	Nade ge wader memeglegize abi detagerda, “Ki Oplei erdarda!”, Tomaside eudige yabi nakerda, “Kara nole oka emari able mirge. Ese ka able nilar dub dasmere abi tage a ka kara tagpim amariklu abi dubge, a kara tag datware abi birge, ka yaka kara oka amariklu able mirge.”
26964	JHN 20:28	Tomaside eudige abi ikaidari, “Kara Ople a kara Agud!”
26969	JHN 21:2	Simona Peteru, Tomas (abi dabgelare Okak Aosmerle), Natanial (Canalam muige Galilige), Zebedaiora werem pa darali, a tabara neis ga daralei Iesui memeglelam ge okakise etami.
26974	JHN 21:7	Able memegle ya Iesude abim lag waikeli Simona Peteru detagri, “E Ople pedali!” Simona Peterude ge tabara wali adem igilu. Nade e asri Ople ge tadawer, e tababu waliu ko bamisri a eupamada gurim.
26979	JHN 21:12	Iesude yabi daratagerda, “Wa tabakiaure lewer arwem.” Able memegle ge gair geumge bakerer abi waitmerda, `Ma nete nali?' ableglam wi umele urder e Ople dali.
26982	JHN 21:15	Nade yaba lewer aro esemeda, Iesude Simona Peterui itmeri, “Simona, Zonera werem, nako ma karim mamor lag ikeli pe able legize karim lag ikereda?” Ege abi detagri, “Waw Ople, mama umele nali ka marim lag ikeli.” Iesu eudige akaida abi detagri, “Ma kara kebi mamoi naseserdawem.”
26983	JHN 21:16	Neis gaber Iesude ga ko eutmeri, “Simona, Zonera werem, nako ma karim lag ikeli?” Ege abi detagri, “Waw Ople, mama umele nali ka karim lag ikeli.” Iesude ga abi detagri, “Ma kara mamoe naseserdawem.”
26984	JHN 21:17	A neis a netat gaber Iesude ko abi itmeri, “Simona, Zonera werem, nako ma karim lag ikeli?” Peterura okasosok barki ableglam Iesude abi itmeri neis a netat gaber `Nako ma karim lag ikeli?' E Iesui detager, “Ople, mama umele nali gair lu; mama umele kaka marim lag ikeli!” Iesu ga akaida abi detagri, “Ma kara mamoe naseserdawem.”
28601	1CO 8:6	Epe mimi umele no netat Agud dali. E dali Bab ge gair lu detagmi. Mi abra uridli. Epe no netat Ople, able Ople Iesu Keriso. Gair lu batagerma abi doge a mimi uridli abi doge.
28631	1CO 9:23	Ka gair able lu ikeli ia waiakai ka umele upidaratidalare able Debe Mir abreredge. MIZMIZ 9 NOSIK 24-27
28950	2CO 5:5	Agudide tababu merbim tidirsiri meriba kerkar gem ia mi tapeirare. A E merbi Lamar Zogo dikwarda e kikem lu ikeredi able lugira. MIZMIZ 5 NOSIK 6-10
28953	2CO 5:8	Pe irdi ki mena nole geumkak uridli a kiki laglag ki geki tuarder Ople gedge a nole iki waurder able gesep gemge.
29469	PHP 2:11	A gair le ia obatkaret Iesu Keriso e Ople dali, Agud Babi zorom.
29513	PHP 4:4	Wa no sererge uridwa Ople doge gair kerkerge. Kai iako koka dataute: wa sererge baprekrawem!
29514	PHP 4:5	Wa no uridwa wader leem debele. Ople pe maike dali.
29518	PHP 4:9	Wa ge mena gair lu ikerarwem wa karialam berwerda a wage tadasmerda a tasorda kaka tikerer. Ege Agudide mapodan PILIPAI MIZMIZ 4 NOSIK 12-20
29628	1TH 1:1	Iabialam Paulo, Sailas a Timoto, wabim zogometa Tesalonikage muige Baba Ad a Ople Iesu Keriso. Adira omar a mapodan wabim.
29630	1TH 1:3	Kiki mena wabi wadikepwalare meriba Ad a Baba opem waba dorge owaturge, waba meregsusapit omarge a wa barkak erkepwaikoslare abim meriba Ople Iesu Keriso.
29633	1TH 1:6	Wa kerbi doge a Oplege takmeirda. Wa asiasi tidigida a wage mir erpeidarda a sererge baprekerda Lamar Zogolam.
29635	1TH 1:8	Oplera mir wabialam ebrerdi nole Masedoniage a Akaiage tebteb epe waba owatur Adi doge able mir ko ebrerdi gair gedge. Nole pa kerbim dike ki waderle daratagrare wabi owaturlam,
29685	1TH 4:15	Abialam Oplera mir ki wabi detagreda able le pe kiki mena idid uridli able le ge kerbi dikaireta paki uridli mena Ople watakomer, iaki umerkak nabakiaware kikem able lege ge baumi,
29686	1TH 4:16	Ableglam Ople ia tababu otabu kotorlam abra mir ia aukelakela waike, a pako kirim angelara kodomir a Agudira burar, able eudle pe Kerisoi doge erdedi ia kikem obakiam.
29687	1TH 4:17	Keubu mimi pemi mena idid uridli ia mi tatkimdare okakise muige basge a Ople op tadapidare mige.
30653	1JN 3:7	Okeoke uridwa, omaskir, legize ia wabi besudiridlare a adem wadaislare. Na gize ia barkak waikelare wi barkak uridli mokakalam pe Keriso barkakle dali.