26	GEN 1:26	A Agudide eudim detauti, “Pe irdi mi le dararsirei; wi wadaralei merbi kaise a merbi orwaiorwai. Yaba yako sasrim wadarake large, mi eburge a gair gesep eburge, uteb ebur a ad ebur aule a kebile.
22604	JON 1:4	Pazar eudi geumge bakeri a netatnetat taba agudem erer bakrier a bakeri narlam beberlu erepda adem dikrida ko able nar waikaidarda perper obaidari.
22640	JON 4:3	“Pe irdi, Ople, kara eded adem ikao, karim dike ka sikak nawer eud a nole eded.
24339	MRK 2:10	Pe irdi ka yaka wabi datomertare able Le Wermira sasrim dikeredi able gesepge ko wit waimaidered.” E eudige atmutatmut le detagri,
24345	MRK 2:16	Wader Aotarle ge Parisaio urder Iesui erdarda lewer erwer able lekem, wige abra kaimegiz darautmerda, “E naluglam lewer eroli adud lege?”
24347	MRK 2:18	Netat gergerge, Zonera a Parisaiora kaimegiz nole lewer arokak urder. Wader le tabakiauda Iesuim a abi itmerda, “Zonera a Parisaiora kaimegiz lewer arokak uridli. Naluglam mara kaimegiz nole ko lewer arokak waurder?”
24353	MRK 2:24	Ableluglam Parisaio bakeri Iesui ikaidarda, “Ma yabi darasmerare! Wi keriba geiar erapeda wi able lu ikereda Sabadge.”
24357	MRK 2:28	Pirdiredi, Lera Werem pe Ople dali gair lugira, Sabad ko irdiredi.
24363	MRK 3:6	Nade Parasaio gize sunago dikaireta, wige baka dudumdudum obapita wader Erodi lekem, a wige mir ipulare nako wi Iesu waipita. MRK 3.7-12
24373	MRK 3:16	Able 12 pe uridli ge Iesui natutidarda: Saimona (Iesude abi nei itkiri Peteru),
24375	MRK 3:18	Andru, Pilipo, Batolomu, Mataio, Tomas, Zemis (Alepaiara werem), Tadaio, Saimona able Zelotle,
24470	MRK 5:37	Ege no yabi naisidare Peteru a Zemis a abra barada padali Zone bakiaudare kemem, nole nerut le ko dawer.
24493	MRK 6:17	Erodide tababu aresle namarikdarda Zone watirpeidarda a abi wadidbarda a obatawereda kupkpui utebge, ableglam Erodide taba baradara Pilipira koskir Erodias igardi,
24533	MRK 7:1	Wader Parisaio a Aotarle wi Ierusalemalam tabakiauda taba ge etami Iesui dairumareta.
24534	MRK 7:2	Wi wader Iesura memegle nardarda taba lewer erolare wi nole tabara kikem tag N og natkirda' (able orwairorwair Parisaiogize waikereda).
24535	MRK 7:3	Parisaio a gair Iudaiale wi able erwer wairmireda taba lugizlam: wi gair kerkerge tabara tag ogwaitkireda able barkak tonarge,
24537	MRK 7:5	Wige Parisaio a Aotarlegize Iesui itmerda, “Naluglam mari memeglegize nole able erwer irmireda pe merbi lugizlam nagriwerteda? Wi naluglam lewer erweda ogog tagtag?”
24557	MRK 7:25	Koskir ge able utebge dawer Girisle: e ge eosmeda au utebge abra nei dikereder Ponesia pe Siriage irdiredi. E tabakiamuda Iesuim a abi opem kokmamu emrida e Iesuim bagwi ko dimoni adem waismeda abi neurlam.
24580	MRK 8:11	Wader Parisyo tabakiauda Iesuim a abi ikaidarda ga abi desaredlare. Wi Iesui bautmerer atamilam kotorlam ableglam wi laglag abi wadamisirda.
24584	MRK 8:15	Iesude yabi kikem daratagerda, “Wa okeoke uridwa! Wa okeoke uridwa Parisaio yislam a pako Erodi yislam.”
24596	MRK 8:27	Ege Iesu a abra memegle aden bakiauda gair utebem ge Sizaria-Pilipaige naridweretlare. Wi gabge nakasirweretlare ege Iesude yabi nautmerda, “Wa kari natagrare, nako legize detauteda kaka nete nali?”
24598	MRK 8:29	Iesu yabi nautmerda, “Wawa uridli? Wape nako peua detauteda kaka nete nali?” Peterude abi detagri, “Mama Keriso nali!”
24601	MRK 8:32	E paretkak able lu yabim daratautlare. Peterude abi kebikebi wader lelam adem igardi eudige akaida abi tetaperti.
24602	MRK 8:33	Iesu tabatawirikda taba memegle darasmerda, eudige Pererui ertaperti. E abi detagri, “Ma adem bakiamuda karialam, Satana! Mara akepwar no lera akepwar nagriwerteda. Wi nole Adira akepwar nagriwerteda!”
24609	MRK 9:2	6 gerger barukda, Iesude yabi natakridare Peteru, Zemis a Zone yabi a wige abi irmirdare au aremarem paserem ge nole lekak irdireder. Nade wi ga dasmele, ege Iesu epigemelu; abra wali akaidari zoromzorom zarzerzarzer baidari - nole netat le able gesepge tabara wali waikaidari able zarzerzarzer obaidari.
24612	MRK 9:5	Peterude akaidari Iesui detagri, “Erwerle, audebele ikeredi ki peki dale. Ki umele 3 mud dauridere - netat mara, netat Elaizara a netat Mosera.
24613	MRK 9:6	Peteru a neis memegle yaba geum barkidare. Ableluglam Peteru e nole umerkak dawer e nalu mir waditauti.
24647	MRK 9:40	Netide Pe Dorge Ikeli Merbi Asaredkak E Merbim Dorge Ikeli.
24651	MRK 9:44	[Pe nade, “Yaba uk umerkak obaum a ur umerkak obasamare.”]
24653	MRK 9:46	[Pe nade, “Yaba uk umerkak obaum a ur umerkak obasamare.”]
24655	MRK 9:48	Pe nade, “Yaba uk umerkak obaum a ur umerkak obasamare.”
24659	MRK 10:2	Wader Parisaiole tabakiauda abim ko abi taba miru wadamisirda. Wi eudige abi itmerda, “Ma kerbi detagrare, muige kerbi gelarge, aka kimiargize umele tabara koskir wadaratuakare?”
24666	MRK 10:9	Pa dikeredi, lelut nole laglag wadaratakemu nalu ge Adide okasise daratkaprikda.”
24683	MRK 10:26	Wige aukaise ga bazigmuarti nade wi able mir asorda. Wi tabara bautmerlare, “Pe irdiredi, nete ya idid watakai?”
24685	MRK 10:28	Ege Peterude eudige abi ikaidari, “Ma dasmer, kiki emetu gair lu dikrida a paki mari namireda.”
24710	MRK 11:1	Wige tabakiauda maike Ierusalemage. Wi taba kikem ge able utebge Betpeiz a Betenia ge Oliwa Paserge. Iesude tabara kikem neis memegle namarikda.
24711	MRK 11:2	Iesude yabi daratagri, “Wa bakiamulam able utebge pe noko kikem irdiredi. Pe noko muige able utebge wa asinara werem ya erdaram pe noko tidimriredi. Nole le abidoge egimudari. Wage tidituimerlam a kei tigaredlam.
24730	MRK 11:21	Peterude dikepwali nalu ge tabakerda ege akaida Iesui ikaidari, “Erwerle ma kei egremar! Able lu ge mama detagri e eumida!”
24755	MRK 12:13	Wi wader Parisaio le a Erodira le lesuim taramirikdarda ko abi tabara miru wadamisirda.
24779	MRK 12:37	Dawitade Kerisoi dabgerer Ople. Pa dikeredi, Keriso ya naluglam Dawita werem wadawer?” Ege able au kub lera ge nikidetreder Iesu sererserer asorlare. MRK 12.38-40
24789	MRK 13:3	Nadege Iesu imireder Oliwa Paserge, Peteru, Zemis, Zone a Andru no wi tebteb abim tabakiaudare.
24800	MRK 13:14	“Pe dikeredi, nade wa dasmerawem able Aukaka Adud Lu Obatkoare Obamaisertare waikwereder pe nole sikak ikeredi e waikwei,” (wa umele uridwa e nalu detauli)
24835	MRK 14:12	Kikem gergerge irdireder Yiskak Beredira Aro Gerger wi aresa arenio Paseka Lewer Arwem, a Iesui memeglegize eudige abi itmerda, “Ma laglag nali ki nabakiaware nade mara Paseka Lewer darsirare?”
24837	MRK 14:14	Nade e obakiamu metaem obau, wako balam. Wa able metara lukemle detagerwam, “Erwerle laglag dali ma kerbi kes natometare nade e a taba memeglekem ya Paseko Lewer wairware.”
24839	MRK 14:16	Able memeglegize abi dikairtiei wige bakiamudariei au utebge nade wi dasmelei gair lu mokakalam nagriweretlare ge e yabi tadaratagrer, wige Paseka Lewer tidirsiriei.
24849	MRK 14:26	Wi eudige eswao wed Adim dikrida a bakiauda Oliwa Paserem. MRK 14.27-31
24852	MRK 14:29	Peterude abi detager, “Able wader le umele taba owaturge obakesmer nole kakanali!”
24853	MRK 14:30	Iesude eudige Peterui detager, “Kaka agekar mir detautli; ma ya neis a netat gaber detaut ma nole kari umerkak nali, able kige keubu ya kimiar paul neis gaber ererwekri.”
24854	MRK 14:31	Peteru eudige esereser akaida, “Kai umerkak yaka dataute ka nole mari umerkak nali! Ese wi kari wanarsare a maridoge wanapitare kai mena yaka nawar ka umerkak able mir detaute.” Gair memeglegize able orwairorwair detautlare. MRK 14.32-42
24856	MRK 14:33	Ege yabi neisidare Peteru, Zemis a Zone nerut utebge ge nade e au muimui okasosoke dawer.
24860	MRK 14:37	E eudige ko akomeda bakiamuda tabara neis a netat memegle nardardare wige ut nardeder. E akaida Peterui ikailu, “Saimona, ma naluglam ut nauperedi? Mai umerkak idid wanali kebikebi wadikaili?”
24877	MRK 14:54	Peterude yabi lagdaratmida baka ge espirer murisge a bakiamuda able utebge badari maike Kirim Merkemle metage, ge e nade no ge able utebge emrilu maike urge aseseredlekem ya waiakai e geb obaugli.
24889	MRK 14:66	Peteru mena ge sepgr tadawer able utebge maike metage nade ge memegle neur tabakiamuda abim.
24890	MRK 14:67	E Peterui erdari ege geb bauger; e abi natkak lidem dasmeri a eudige abi ikaidari, “Mako gema tarawer Iesui doge pe Nazaretlam dali.”
24891	MRK 14:68	Ege Peterude desardi able mir. E eudige akaida, “Ka nole umerkak nali, ka nole able mir irmili pe mama detauti,” a ege eudige digmi bakamuda nerut pekge able utebge maike metage. Ege keko kimiar paol ererekri.
24893	MRK 14:70	Peterude ko able mir desardi. Ege kebikebi ga ko ikereder, able le ge ekweder eudige bakeri abi ikaidarda, “Agekar, mama netat pema yabialam nali, ableglam mako nali Galilaia le.”
24895	MRK 14:72	Ege keko kimiar paol ko ererekri. Peterude eudige dikepwari Iesude ge abi detagri, “Ma ya neis a netat gaber detaut ma nole kari umerkak nali ka nete nali keubu ya kimiar paol neis gaber ererwekri.” A e akaida au okasosoksosok baida, eudige i ditimeda.
24896	MRK 15:1	Nedbi ipiter nerut idimge, able Kebi Kirim Merkemle tabakiauda op bapita Aulekem, Autale a kemekemer Iudaiara gelarle ya waiakaida wi mir waipuda nalu wi waikaidarda. Wi Iesui didbarda a edomedarda bakiauda Pilatoim.
24897	MRK 15:2	Pilatode abi itmeri, “Nako ma Mamus Iudaia lera nali? Iesu ge atkarti, “Mama agekar detautii kaka nali.”
24898	MRK 15:3	Kebi Kirim Merkemlegize abim tag emariklare ge gair lu bamisilare. Ege Pilatode abi ko itmeri, “Ma naluglam nole nerut mir detaut? Wi marim tag emarkeda able gair lu bamisreda.”
24900	MRK 15:5	Iesu mena mirkak dawer, ege Pilato ezigmuada. MRK 15.6-15
24901	MRK 15:6	Gair Datupir Lewer kerkerge, Pilatode yabi wanauseda audbarlam able le ya le abim obagweda.
24903	MRK 15:8	Nade ge lera nikidetreder taba etami a bakeri Pilatoim bagoda e yabim waikaida nalu e yabim waikerer able Datupir Lewer kererge, ege yabi nautmerda, “Nako wa laglag ka Mamus Iudaia Lera adem datwie?”
24907	MRK 15:12	Pilatode ko yabi daratagerda ge le nikidetreder, “Wa nako a laglag uridli ka nalu akailu able leem wabi dabgereda Mamus Iudaia Lera?”
24909	MRK 15:14	Pilatode yabi nautmerda, “E nalu adud lu ikeri?”
24910	MRK 15:15	Piiatode Barabasi ditwi yabim, ableglam e laglag dawer e yabidoge waisisimuda. A ga akaidari tabara sariksarikle au kelarkelar miru daratagerda ko Iesui odamrikdarda, a ya abi adem waigareda nilaru satauroge waditagerda. MRK 15.16-20
24925	MRK 15:30	Pe irdiredi ma mabu adem tetugered a mage sataurolam sepem tarabu!”
24937	MRK 15:42	Iosepa Arimatia Le akarikda. E agekar le dawer yabialam Iudaia Opapit Lelam. E wadali wadikaili Adira basalaia ko watabakiamuda. E bakiamuda Pilatoim a abi tadamsi Iesui gemem, ableglam au kikem irdireder a able gerger ge irdireder Arsir Gerger (able gerger keubu ya Iudaia Sabad obarki).
24939	MRK 15:44	Nadege Pilatode asri Iesu emetu eumida, ege abra serer barki. Ege ares kinmle dabgeri a abi itmeri nako Iesu emetu eumida.
24940	MRK 15:45	Ege ares leem girip irdirer ge e abi detagri e agekar dikeredi. Pilotode Iosepai detagri e abra gem wadikada.
24949	MRK 16:7	Bakiauare a abra memegle daratagrare, Peteru penoko dali, “E kikem bakiamuda Galilaiaem wa keubu ya bakiauare. Abi ya terdarare able orwairorwair e wabi waditagreda.
25300	LUK 7:36	Netat lelut Parisayolam Iesuim mirigri ko abidoge lewer wairwi; e bakiamuda Parasayoi metage badari a eididari lewer arwem.
25301	LUK 7:37	Netat koskir witge wadali able utebge; e asri Iesude ge lewer erwer Parisayo metage, ege tikada au bakirbakir debe laglag wakaiso able au bakirbakir tarporge igmeder. E Iesuidoge keubu ikweireder maike abi teterge iezwer. Ege abra i pog deskeder abra teter daratimuarer, ege abra teter taba musu daratkirer, uma darakerer a debe laglag wakaiso yabidoge epaiter.
25303	LUK 7:39	Nade able Parisayo, ge Iesuim mir igri able lu dasmeri, e eudige dikepwari, “Ese able kimiar agekar peropeta wadali, e ya umele wadali nalu koskiret pe abi itutili, a e umele wadali abra tonar pe witwit dikeredi!”
25390	LUK 9:20	Ege yabi nautmerda, “A wape nako pewa detauteda ka nete nali?” Peterude abi detagri, “Mama Agudira Keriso nali.”
25398	LUK 9:28	Able piripiri mokakalam 8 gerger barukdarda ge Iesude able lu daratautlare, ege Peteru, Zone a Zemis naisidare paserem ogidare erkepasamem.
25402	LUK 9:32	Peteru a nerut neis memegle wi ut nardeder, ege wi ekiamdare a Yesura zorom dasmerdare a neis le nakweireder abi kemem.
25403	LUK 9:33	Nade able legize Iesui dikairetlei, Peterude abi ikailu, “Kirimle, e debele ike ki peki dale. Ki neis a netat mud akerdare, netat marim, netat Moseim a netat Elaizaim.” (E nole umerkak e nalu detauter.)
25588	LUK 13:1	Able kerkerge ge wader le tabakiauda Iesui detagerda able Pilatode wader Galilayale naresa nade wi zegulu agimuaretlare Agudim.
25659	LUK 15:2	Ege Parisayo a Aotale abi mudmir damilare, “Able le e witwit lege imiredi, a yabidoge ko lewer eroli!
25669	LUK 15:12	Ege keimer werem akailu abi ikaida, “Pe irdi ma kari kara lu naiswer keubu ya ma eumi. Ege able kimiaret tabara gair debelu derapeiri a ikeri tabara neis werem neisweri.
26130	JHN 1:17	E erer ekrier kega, “Pe dali able le geka abi tiditauter kega, 'e kari keubu tikase a epe no aukale dali karim ableglam e tadawer keubu kaka eosmeda'.”
26451	JHN 8:1	Wige gair bakiauda taba gedim, ege Iesu ge bakiamuda Oliwa Paserem.
26453	JHN 8:3	Able Aotale a Parisayo legize netat koskir tigareda ge wi adud tonar kimiarei ikelei ge nole abra kimiar dawer. Wige abi ikaidarda gair le opem ekweidarda.
26887	JHN 18:33	Pilato ko akomeda Gelar Metaem. Ege Iesui dabgeri a abi itmeri, “Aka ma Iudaia lera gesep-ople nali?”
26889	JHN 18:35	Pilatode abi ikaida, “Ka nole Iudaia le nali! Mara buai a pako yaba kirim mirkemle mari kari nakwarda; ma nalu ikai ma bodomalam ya able erpei?”
26891	JHN 18:37	Ege Pilato akaida, “Aka ma pema detauti mama gesep-ople nali?” Iesude abi ikaida, “Mama detauti kaka gesep-ople, a mama agekar detauti. Kaka gesepge eosmeda ya wayakai ka agekar detauter. Netiba ya agekar laglag waurder wi kari ya wanasorlare.
26938	JHN 20:2	Ege eudige korider emrida Simona Peteruim a nerut memegle ge Iesude abim lag ikerer. E Bakiamuda yabi daratagri, “Wi Ople adem ikadarda bakir kurlam a mi nole umerkak wi abi nade ikedidarda!”
26939	JHN 20:3	Ege Peteru a nerut memegle Mariai dikairtiei a wige korider emridariei bakir kurem. Able nerut memegle korider emrida baka kikem bakir kurge ableglam e au korider korider dawer Peteruim.
26942	JHN 20:6	Simona Peteru keubu baka ge teosmeda a keko bakiamuda bakir kurge muiem badari. E ko terdari able piripiri wali ge tipereder, a able wali pa ikeredi ge Iesui kirimge erpeder. Able wali ge tabara ipereder wader walilam ege no tababu able utebge batrata.
26969	JHN 21:2	Simona Peteru, Tomas (abi dabgelare Okak Aosmerle), Natanial (Canalam muige Galilige), Zebedaiora werem pa darali, a tabara neis ga daralei Iesui memeglelam ge okakise etami.
26970	JHN 21:3	Simona Peterude eudige yabi wader daratagerda, “Ka tabakiamulu larem.” Wige wader natkareta abi ikaidarda, “Mimi nabakware.” Wige adem daragemda a bakiauda narge batri, wige kemerkemer able ki ikadarda nole lar asaperkak.
26974	JHN 21:7	Able memegle ya Iesude abim lag waikeli Simona Peteru detagri, “E Ople pedali!” Simona Peterude ge tabara wali adem igilu. Nade e asri Ople ge tadawer, e tababu waliu ko bamisri a eupamada gurim.
26978	JHN 21:11	Simona Peteru bakiamuda narge a takomeda lar asaperlu tigwater emetu large dabweiri. Ge nagriweretlare 153 au lar muige larasaperluge ge e nole bargeirda.
26982	JHN 21:15	Nade yaba lewer aro esemeda, Iesude Simona Peterui itmeri, “Simona, Zonera werem, nako ma karim mamor lag ikeli pe able legize karim lag ikereda?” Ege abi detagri, “Waw Ople, mama umele nali ka marim lag ikeli.” Iesu eudige akaida abi detagri, “Ma kara kebi mamoi naseserdawem.”
26984	JHN 21:17	A neis a netat gaber Iesude ko abi itmeri, “Simona, Zonera werem, nako ma karim lag ikeli?” Peterura okasosok barki ableglam Iesude abi itmeri neis a netat gaber `Nako ma karim lag ikeli?' E Iesui detager, “Ople, mama umele nali gair lu; mama umele kaka marim lag ikeli!” Iesu ga akaida abi detagri, “Ma kara mamoe naseserdawem.”