24297	MRK 1:13	E ge sogipurge dawer Satanade abi mirem ikerer 40 gerger. Aregareg ebur ge urder ege angela no tabatweri abi aseseredlare. MRK 1.14-15
24300	MRK 1:16	Nadege Iesu digmer Galilaia Keper tawerge, ege nardari neis lar-asaperle Saimona a abra barada Andru, wige lar esaperlei larasaperlugu.
24305	MRK 1:21	Iesu a abra memegle tabakiamuda able utebge abra nei dikereder Kapanaum. Nerut Sabatge Iesu bakiamuda sunagoge akaida marauermer.
24313	MRK 1:29	Wige sunago dikaireta a bakiauda natkak Saimonyabim metaem Andruei. Zemis iba Zone yabidoge bakiamudariei.
24314	MRK 1:30	Saimonara neiwet ama auka ziruziru gimgim sike ipereder. Au dudumge wi Iesui detagerda abi gimlam.
24320	MRK 1:36	Ege Saimona a wader no bakiauda abi daraimerda.
24352	MRK 2:23	Sabadge, Iesu a abra kaimegiz wi daragemda bakiauda kon gedubge. Abra kaimegiz bakiauda wader kon etoperda.
24353	MRK 2:24	Ableluglam Parisaio bakeri Iesui ikaidarda, “Ma yabi darasmerare! Wi keriba geiar erapeda wi able lu ikereda Sabadge.”
24356	MRK 2:27	A e yabi daratagerda, “Sabadge barsirda leem, nole le barsirda Sabadem.
24357	MRK 2:28	Pirdiredi, Lera Werem pe Ople dali gair lugira, Sabad ko irdiredi.
24359	MRK 3:2	Wader le ge turder wi laglag urder Iesui ikelare e seksek ikeli, wige abi lidem dasmerlare ya waiakaida wi wadasmerda ese e able le waidgiri Sabadge.
24361	MRK 3:4	Ege Iesude le nautmerda, “Nalu debeiu ikeredi merbi Gelarge pe merbi dikereda ma Sabadge ikerer? A nalu adudlu? Nako e debele ikeredi ma lera idid daseserder? A debele ikeredi ma abi ipit?” Wige nole abi mir ikwarda.
24364	MRK 3:7	Iesu a abra memegle adem bakiauda Galailia keperem ege auka mitkar legize yabi narmirlare. Wi tabakiauda Galilaialam, Iudaialam, Ierusalemalam, Idumialam, able gedlam Ioridanoge apekge a able gedlam pe Taia a Saidon ge naridwerteda. Able au kub lera tabakiauda Iesuim ableglam wi wasolare e able lu waikere.
24373	MRK 3:16	Able 12 pe uridli ge Iesui natutidarda: Saimona (Iesude abi nei itkiri Peteru),
24375	MRK 3:18	Andru, Pilipo, Batolomu, Mataio, Tomas, Zemis (Alepaiara werem), Tadaio, Saimona able Zelotle,
24380	MRK 3:23	Ableluglam Iesude yabi darabgerda tababim ege yabi daratagelare mir abisir miru. E yabi daratagelare, “Satanade umerkak Satana adem waimu ko ei umerkak mena kelarkelar wadawer.
24383	MRK 3:26	Able tonarge, ese Satanade tabara le wanarsare, e waiakai sasrimkak obai a abi sasrimira mop wadikereder.
24407	MRK 4:15	Wader kerkerge able kep batwerer gabdege; able legize pe mir asreda epe keko Satana tabakesli yabialam able mir adem aisli pe yabidoge barteda.
24478	MRK 6:2	Sabadge ege akaida mitkar le nerwerlare sunagoge. Nade wi abra mir dasorlare wige bazigmuarter a abim mir dimwarlare. Wige tabara netatnetat bautmerlare, “Netilam able lelut able mir taisi? Netilam abra pardar dikeredi? E nako able au dorge ikeli?”
24479	MRK 6:3	E no kamda dali; e no Mariara werem dali; e no Zemisira barada dali, a lose a Iuda a Saimona; a pako abra sisi pa duridli!” A wige nole abi lagkak urder.
24557	MRK 7:25	Koskir ge able utebge dawer Girisle: e ge eosmeda au utebge abra nei dikereder Ponesia pe Siriage irdiredi. E tabakiamuda Iesuim a abi opem kokmamu emrida e Iesuim bagwi ko dimoni adem waismeda abi neurlam.
24563	MRK 7:31	Ege Iesu adem bakiamuda able gedlam ge maike Taiage naridweretlare. E nerut au uteb gabem bakiamuda abra nei dikereder Saidon a no bakiamuda able ged gabem abra nei dikereder 10 Uteb mena Galilaia Nikeperge.
24596	MRK 8:27	Ege Iesu a abra memegle aden bakiauda gair utebem ge Sizaria-Pilipaige naridweretlare. Wi gabge nakasirweretlare ege Iesude yabi nautmerda, “Wa kari natagrare, nako legize detauteda kaka nete nali?”
24602	MRK 8:33	Iesu tabatawirikda taba memegle darasmerda, eudige Pererui ertaperti. E abi detagri, “Ma adem bakiamuda karialam, Satana! Mara akepwar no lera akepwar nagriwerteda. Wi nole Adira akepwar nagriwerteda!”
24657	MRK 9:50	Sol pe debelu dali. Ese waiakai lagkak obai, netat lelut ya umerkak waikai solsol ko obai. Wa mokakalm uridwa solise pe debe solsol lewer waikereder; wa mapodan uridwa wader lekem.”
24760	MRK 12:18	Wader Sadusaio tabakiauda Iesuim (wipe waditautlare le ya umerkak eudlam obakiam).
24770	MRK 12:28	Netat le Autarlelam ge dawer able mir asri ge wi miripulare. E asri Iesude barkak mir Sadusaio daratagerda. Ege tabakiamuda lesuim ko abi waitmeri, “Nalu gelar pe aukakale ikeredi?”
24826	MRK 14:3	Nade Iesude lewer erwer muige metage able kimiarira meta abra nei dikereder Saimona Lepera Le, ege koskir tabakiamuda au bodombodom debe laglag wakaiso teper au bodombodom taporge tigmeder. E tapor mop daratrumda a debe laglag wakaiso epaiterdi Iesui kirimge.
24860	MRK 14:37	E eudige ko akomeda bakiamuda tabara neis a netat memegle nardardare wige ut nardeder. E akaida Peterui ikailu, “Saimona, ma naluglam ut nauperedi? Mai umerkak idid wanali kebikebi wadikaili?”
24885	MRK 14:62	Iesu eudige akaida, “Kaka nali, wa ya dasmerare Lera Werem watigireder Au Sasrimsasrim Adi tuter tag pekge a ya abi dasmerare e ya watabakiamu kotor bazkem.”
24916	MRK 15:21	Wi gabge nakasirweretlare wige kimiar erdarda abra nei dikereder Saimona e able uteblam tabakiamuda ge nade gedub naridweretlare e kei ikasereder au utebem. E Sirini le dawer, a e Alezanda iba bab dawer Rupas ei. Ege abi ares legize aukaise detagerda e Iesura satauro wadepli.
24935	MRK 15:40	Wader koskir ge urder murislam erkep tegreder. Wader le yabialam ge Maria Magdalalam, Maria (Zemis Able Kebile a lose yaba ama), a Salomi.
24937	MRK 15:42	Iosepa Arimatia Le akarikda. E agekar le dawer yabialam Iudaia Opapit Lelam. E wadali wadikaili Adira basalaia ko watabakiamuda. E bakiamuda Pilatoim a abi tadamsi Iesui gemem, ableglam au kikem irdireder a able gerger ge irdireder Arsir Gerger (able gerger keubu ya Iudaia Sabad obarki).
24943	MRK 16:1	Nade Sabad gerger emetu barki, Maria Magdalalam, Maria (Zemisira ama) a Salomi pas laglag lu terapidare ya waiakaida wi Iesura gem waditimuardare.
24944	MRK 16:2	Sabad idim kakarge keubu ya lim wateupamada, wi bakiaudari paierge.
25304	LUK 7:40	Iesude abi detagri, “Simona ka laglag mari nerut mir natagrer.” Simonade abi detager, “Wau erwerle, ma kari natager.”
25307	LUK 7:43	Simonade abi detagri, “Ka dikepwali, able le ge adem batwi ge mitkar bakir aisi.” Iesude abi detagri, “Ma kari barkak natagri.”
25308	LUK 7:44	Iesu bataurigda able koskirem a akaida Simona detagri, “Ma able koskir dasmer. Ka tabakiamuda mari metage badari mape nole kari ni nakwari kara teter ogwanatkiri, epe e kara teter ognatkili taba iyu a taba musu pe natkirli akaidariei watwet baidariei.
25316	LUK 8:2	a pako wader koskir ge netiba nadgirda adud lamarlam a gimlam. Maria (ge abi dabgelare Magdalale), able le ge abra 7 demoni abialam adem disa, ge dawer; a pako Zoana (Kuzara koskir ge Erodira kirim memegle dawer); a pako Suzana a pako mitkar wader koskir ge Iesui a abra memegle wi upidaratilare tabara turumu.
25394	LUK 9:24	Netide laglag tabara idid wakur, e ya weumi: nete ya karim weumi e ya tabara idid watirpei.” MIZMIZ 9 NOSIK 28-36
25422	LUK 9:52	Ege mir aisisle kikem namarikdarda; wi bakiauda ge able utebge muige Samariage ko abim lu watidisirda.
25428	LUK 9:58	Iesude ge abi ikaidari, “Sumes ebur uridli yaba sumesge uteb nagriwerteda, a aperdaraperdar ebur pe uridli yaba tabara pek darawerteda epe Lera Werem pedali abra nole tabara uteb dirdiredi ko weidi a ner wezi.
25444	LUK 10:12	Kaka wabi detagreda, Keub Gergerge, Agudira omar pe aukakale ikeredi witwit leem Sodomira ya abra omar wadikereder leem able utebira.
25445	LUK 10:13	Wai Korazin! Wai Betsaida! Wabi legize ya asiasi wadigiare! Ese able etamilam ge bakerda muige wabidoge eipuge ge bakerda muige Tayage a Saidonge able le pe turidli wi no obamri tabara okasosok wali wamida a tababu tibiu obatimwareda ko merbi waditomerteda wi taba witlam tabatareda!
25446	LUK 10:14	Keub Gergerge Agudira omar ya Taya a Saidon leem aukakale waikereder ya abra omar wabi leem wadikereder.
25450	LUK 10:18	Iesude eudige yabi nakerda, “Ka Satanai geka dasmerer e takesmeri kotorlam mokakalam perper.
25465	LUK 10:33	Samariale e ga tikasireder, abra mimi tidikereder taba able utebge osmeda nade ge able kimiar dawer. Nade ge abi Samarialelut erdari ege abra aukaka nas abim barki.
25591	LUK 13:4	A able 18 le ge baumi Siloamge nade ge able meta arapeida yabidoge abi. Wa nako dikepwareda, able eudide merbi detomerteda wige au witle urder nole mokakalam pe wader Ierusalemale uridli?
25731	LUK 17:11	Iesu digmer Ierusalemaem ege bakiamuda ge ikasereder Sameria ke irdireder a Galilaia ke irdireder.
25736	LUK 17:16	Able kimiar, e Samaria le dawer, tababu ikaida ge esigimeda Iesui opem a abi eswau ikaidari.
26104	LUK 24:44	Ege iabi etkarlu kega, “Able orwaiorwai lu peike kaka detauti wabim ka iaka nawer iabidoge; gair lu dautarer ga Gelar Mosera, ge daurarer peropetara a pako Samge, otaba agekar obai.”
26572	JHN 10:22	Able kerker tabarki wetpurem a Ko Turper Wadikedidarda muige Ierusalemage. E au gebgeb kerker irdireder, ege Iesu baka muige tidigmer au zogometage, able utebge ge dabgelare Solomona Maisoge.
26937	JHN 20:1	Idim kakarge able Sabad idimge, keubu ya lim wateupumada, Maria Magdalalam bakiamuda able bakir kurge ege terdari bakir adem ikadarda able bakir kurlam.
26938	JHN 20:2	Ege eudige korider emrida Simona Peteruim a nerut memegle ge Iesude abim lag ikerer. E Bakiamuda yabi daratagri, “Wi Ople adem ikadarda bakir kurlam a mi nole umerkak wi abi nade ikedidarda!”
26942	JHN 20:6	Simona Peteru keubu baka ge teosmeda a keko bakiamuda bakir kurge muiem badari. E ko terdari able piripiri wali ge tipereder, a able wali pa ikeredi ge Iesui kirimge erpeder. Able wali ge tabara ipereder wader walilam ege no tababu able utebge batrata.
26946	JHN 20:10	Wige able memegle ko akomedariei gedim. MIZMIZ 20 NOSIK 19-31
26955	JHN 20:19	Able Sabad kige, memegle okakise etami. Te ge eimireimir nagriweretlare ableglam wi geumge bakerer Iudaia kerimlelam. Ege Iesu tabakiamuda yabidoge eipuge ekweidari. Eudige yabi able miru daratagerda, “Mapodan wabim.”
26969	JHN 21:2	Simona Peteru, Tomas (abi dabgelare Okak Aosmerle), Natanial (Canalam muige Galilige), Zebedaiora werem pa darali, a tabara neis ga daralei Iesui memeglelam ge okakise etami.
26970	JHN 21:3	Simona Peterude eudige yabi wader daratagerda, “Ka tabakiamulu larem.” Wige wader natkareta abi ikaidarda, “Mimi nabakware.” Wige adem daragemda a bakiauda narge batri, wige kemerkemer able ki ikadarda nole lar asaperkak.
26974	JHN 21:7	Able memegle ya Iesude abim lag waikeli Simona Peteru detagri, “E Ople pedali!” Simona Peterude ge tabara wali adem igilu. Nade e asri Ople ge tadawer, e tababu waliu ko bamisri a eupamada gurim.
26978	JHN 21:11	Simona Peteru bakiamuda narge a takomeda lar asaperlu tigwater emetu large dabweiri. Ge nagriweretlare 153 au lar muige larasaperluge ge e nole bargeirda.
26982	JHN 21:15	Nade yaba lewer aro esemeda, Iesude Simona Peterui itmeri, “Simona, Zonera werem, nako ma karim mamor lag ikeli pe able legize karim lag ikereda?” Ege abi detagri, “Waw Ople, mama umele nali ka marim lag ikeli.” Iesu eudige akaida abi detagri, “Ma kara kebi mamoi naseserdawem.”
26983	JHN 21:16	Neis gaber Iesude ga ko eutmeri, “Simona, Zonera werem, nako ma karim lag ikeli?” Ege abi detagri, “Waw Ople, mama umele nali ka karim lag ikeli.” Iesude ga abi detagri, “Ma kara mamoe naseserdawem.”
26984	JHN 21:17	A neis a netat gaber Iesude ko abi itmeri, “Simona, Zonera werem, nako ma karim lag ikeli?” Peterura okasosok barki ableglam Iesude abi itmeri neis a netat gaber `Nako ma karim lag ikeli?' E Iesui detager, “Ople, mama umele nali gair lu; mama umele kaka marim lag ikeli!” Iesu ga akaida abi detagri, “Ma kara mamoe naseserdawem.”
28631	1CO 9:23	Ka gair able lu ikeli ia waiakai ka umele upidaratidalare able Debe Mir abreredge. MIZMIZ 9 NOSIK 24-27
28940	2CO 4:13	Sama autarlelut muige taba asiasige ditarer kega, “Ka Agudi irmili ableluglam ka geumkak detautli.” Kiko uridli muige kerbi asiasige, ki geumkak detauteda. Ableglam ki umele uridli
28950	2CO 5:5	Agudide tababu merbim tidirsiri meriba kerkar gem ia mi tapeirare. A E merbi Lamar Zogo dikwarda e kikem lu ikeredi able lugira. MIZMIZ 5 NOSIK 6-10
29518	PHP 4:9	Wa ge mena gair lu ikerarwem wa karialam berwerda a wage tadasmerda a tasorda kaka tikerer. Ege Agudide mapodan PILIPAI MIZMIZ 4 NOSIK 12-20
29628	1TH 1:1	Iabialam Paulo, Sailas a Timoto, wabim zogometa Tesalonikage muige Baba Ad a Ople Iesu Keriso. Adira omar a mapodan wabim.