22608	JON 1:8	Wi eudi abi itmerda, “Ma kerbi detagrare nako marialam paki uridli muige able adud paikaige? Nalu pema ikeli? Na gedlam ma tabakiamudari? Ma na gedbuai nali?”
22610	JON 1:10	Wi umele urder Zona Opleilam tabadmiriklu. Ablegide iabi geum dararepda wige batkarti, “Ma naluglam able korepge tabadmirikda?”
22614	JON 1:14	Wi ga eudim Opleim erer bakri, “Ople, ki mari namosa, ma nole kerbi dikerare nabaume ese ki able lera idid adem dakadarare.”
22632	JON 3:5	Ninebei legize eudi tabara oka emarda Agudi mirge. Wi tabara batagerda ko gair le lewer obazigwarare a gair le aule kebilekem adud wali waitkirare a tababu obakekrare.
24285	MRK 1:1	Able debe mir peike Iesu Kerisora, Adira Werem.
24287	MRK 1:3	E ya erer wekrier muige sogipurge, Wa wabu barsirawem Opleem; gair lu ikerewem barkak ober.
24295	MRK 1:11	Ege kodomir teosmeda kotorlam, “Mama kara nasnas Werem nali. Kaka mari sererge nali.” MRK 1.12-13
24299	MRK 1:15	“Able barkak kerker pedikeredi,” e atkarti. “Adira basalaia maike ikeredi! Wa tabatarare wabi adud tonarlam a wage Debe Mir irmirare.” MRK 1.16-20
24301	MRK 1:17	Iesude yabi daratagri, “Wa tabakiamulam karidoge kai wabi derwere le asaper.”
24302	MRK 1:18	Wige keko tabara larasaperlu darakareta a abi irmirei.
24303	MRK 1:19	E kebikebi ko bakiamuda ege nardari tabara neis barada, Zemis a Zone, Zebediia werem. Wi taba narge darawedei tabara larasaperlu dirsirlei.
24311	MRK 1:27	Ege le bazigmuarti. Wige tabara bautmerlare, “Nalu peike? Able erwer nerut korep ike. Able le pe barkakle dali. E aukaise dimoni detagri a wipe irmirda.”
24313	MRK 1:29	Wige sunago dikaireta a bakiauda natkak Saimonyabim metaem Andruei. Zemis iba Zone yabidoge bakiamudariei.
24333	MRK 2:4	Wi umerkak able kimiar waigareda Iesuim ableglam yaba gab aomaom ikereder able mitkarlelam, wige ao dirbidere totge lesui natkak. Wige able le ditimdidere taba papekge able nebge.
24335	MRK 2:6	Wader Aotarle ge emreder. Wige dikepwarlare,
24337	MRK 2:8	Iesu keko umelebaidari wi nako dikepwarlare, ege eudige daratagerda, “Wa nole ke dikepwararwem.
24338	MRK 2:9	Wage ke dikepwararwem: nalu sikak dikeredi, able atmutatmut le obatager, “Ma wit bamaiderdi” a “Ma ekwei, papek mara etaruk, mage nagem”?
24339	MRK 2:10	Pe irdi ka yaka wabi datomertare able Le Wermira sasrim dikeredi able gesepge ko wit waimaidered.” E eudige atmutatmut le detagri,
24341	MRK 2:12	Ege legize abi lidkarem dasmerlare nade ge e ekweilu, tabara papek etarukda a bakiamuda. Wige bazigmuarti a wi Adi dispilare. Wi tabara batagelare, “Mi nole able orwairorwair lu kikem dasmerda.” MRK 2.13-17
24344	MRK 2:15	Keubu, Iesude lewer erwer Libai metage. Wader bodom bakir atkimed le a adud le ko ge turder.
24345	MRK 2:16	Wader Aotarle ge Parisaio urder Iesui erdarda lewer erwer able lekem, wige abra kaimegiz darautmerda, “E naluglam lewer eroli adud lege?”
24347	MRK 2:18	Netat gergerge, Zonera a Parisaiora kaimegiz nole lewer arokak urder. Wader le tabakiauda Iesuim a abi itmerda, “Zonera a Parisaiora kaimegiz lewer arokak uridli. Naluglam mara kaimegiz nole ko lewer arokak waurder?”
24348	MRK 2:19	Iesude detauti, “Wa nalu dikepwareda? Nako le paipu lewerge oba werer ge obakerer? Nole. Nade paipule yabidoge wadawer wi lewer wairolare.
24353	MRK 2:24	Ableluglam Parisaio bakeri Iesui ikaidarda, “Ma yabi darasmerare! Wi keriba geiar erapeda wi able lu ikereda Sabadge.”
24357	MRK 2:28	Pirdiredi, Lera Werem pe Ople dali gair lugira, Sabad ko irdiredi.
24359	MRK 3:2	Wader le ge turder wi laglag urder Iesui ikelare e seksek ikeli, wige abi lidem dasmerlare ya waiakaida wi wadasmerda ese e able le waidgiri Sabadge.
24361	MRK 3:4	Ege Iesude le nautmerda, “Nalu debeiu ikeredi merbi Gelarge pe merbi dikereda ma Sabadge ikerer? A nalu adudlu? Nako e debele ikeredi ma lera idid daseserder? A debele ikeredi ma abi ipit?” Wige nole abi mir ikwarda.
24364	MRK 3:7	Iesu a abra memegle adem bakiauda Galailia keperem ege auka mitkar legize yabi narmirlare. Wi tabakiauda Galilaialam, Iudaialam, Ierusalemalam, Idumialam, able gedlam Ioridanoge apekge a able gedlam pe Taia a Saidon ge naridwerteda. Able au kub lera tabakiauda Iesuim ableglam wi wasolare e able lu waikere.
24368	MRK 3:11	A gair kerkerge na lera ge dimoni urder yabidoge abi erdarlare, wi kokmamu bamrer abi opem ererbakrier, “Mamanali Adira Werem!”
24369	MRK 3:12	Iesude dimoni aler daratagerlare, “Wa nole le daratagrawem kaka nete nali.” MRK 3.13-19
24374	MRK 3:17	Zemis a abra barada Zone, Zebedaiora neis werem darali (Iesude yaba nei ditkiri Boanagiz, pe dikeredi Girgirira Werem).
24377	MRK 3:20	Iesu a pako abra memegle bakiauda metaem. Wi umerkak lewer wairoda ablelam au kub lera etami muige metage.
24378	MRK 3:21	Legize able mir Iesura buai daratagerlare. Wi detautlare, “E akaida peimpeim baidari!” Ableluglam abra buai tabakiauda mirem abi wairpeirare a waigareda gedim.
24379	MRK 3:22	Able kerkerge wader Aotarle tabakiauda Ierusalemalam. Wi mir igiarlare, “Beelzebul pe Iesui doge dali. E dimoni adem daramaidere able dimoni kirimlera sasrim abidoge dikeredi.”
24388	MRK 3:31	Ege Iesura ama a wader barada tabakiauda ga adge tikweider. Wi miraisisle emarikdarda muiem oba Iesui adem watismeda.
24391	MRK 3:34	Ege e le darasmerlare ge abidoge emreder ege detauti, “Wa dasmerare kara agekar ama a barada.
24395	MRK 4:3	“Wa asrare! Geduble bakiamuda tabara luneg kep wairti.
24397	MRK 4:5	Wader kep ge batwerer neidneid sepge, ge nade nole mamor sep imireder. Able kep aududumdudum baperigdarda ableglam neidneid sep imiredi.
24398	MRK 4:6	Nage ga lim teupamada, able luneg natitida batrauda. Wi aududumdudum baumi ableglam yaba sip nole au muige daramarwerteda.
24399	MRK 4:7	Wader kep batweri iukazge wige yabi daramisirda, a wige bomi nole agegkak.
24400	MRK 4:8	Ege wader kep ge batweri debe sepge. Wi baperigdarda, a bomi a ageg bakerda; waderlera kepkep ageg daragriweretlare, waderlera kebi mitkarmitkar a waderlera aukamitkar.”
24403	MRK 4:11	Iesude yabi daratagerda, “Wabi ge gumik daiswerda Adira Basalaia. Nade pe wader adge turidli gair lu asreda muige mir abisir mirge. Able korepge, wi ya erkep waigreder a nole momor wadasmerlare; wi ya wasorlare a nole waikedilare. Ableglam ese wi ya barkak wadasmerlare a waikedilare wi ya ko watabatare Adim a e yabi ya wadaramaiderdare. MRK 4.13-20
24407	MRK 4:15	Wader kerkerge able kep batwerer gabdege; able legize pe mir asreda epe keko Satana tabakesli yabialam able mir adem aisli pe yabidoge barteda.
24408	MRK 4:16	Wader kerkerge able kep batweri neidneid sepge; able legize pe mir asreda a keko irmireda sererserer.
24410	MRK 4:18	Wader kerkerge able kep batwerer lukazge; able legize pe mir asreda epe gair akepwar able gesepira, bodom bakirlag a gair debelulag niki yabidoge detredi a daramisreda able mirlam, a wipe nole agegkak uridli.
24412	MRK 4:20	Wader kerkerge able kep batweri debe sepge; able legize pe mir asreda a ikadareda a yaba ageg bakeri: wader kepkep, wader kebi mitkar a wader aumitkar. MRK 4.21-25
24416	MRK 4:24	E ko yabi daratagerda, “Wa able mir dikepwararwem pe wawa asorda! Ese wa able mir dikepwalare, waba ya bodomalam waikereder able luglam a pako wader lu pa nagriwerteda.”
24428	MRK 4:36	Wige bakiauda able narge batri ge nade Iesu ikawerteder a ga bakiauda atiem. Kep kep wader nar yabidoge bakiauda ege lera kub ge no dirgi.
24431	MRK 4:39	Ege Iesu ekweidari eudimge wagiba zeuberei daraisumdari, “Wa temrilam! Wa mapodan bailam!” Ege wag ekemuda a gur akaida mapodan baidari.
24432	MRK 4:40	Ege Iesu akaidari tabara memegle daratagerda, “Wawa geumge bakeli abielam waba owatur kebile ikeredi.”
24433	MRK 4:41	Wige bazigmuarti a tabara baotmerlare, “E nalu orwaiorwai le pedali? Wagiba zeuberei umerkak wader le wanasware wipe no abi asriei.”
24434	MRK 5:1	Wi ge bakarki able utebge maike au uteb Gerasa, nerut pekge ni keperge.
24440	MRK 5:7	Iesude eudige abi ikailu, “Dimoni, ma adem teosmer able lelam!” Ege sasmir dimridari, “Iesu able Au Adira Werem, “Ma nole nerut lu karim ikai! Mage Adi detager ma nole kari nares.”
24448	MRK 5:15	Wi tabakiauda ge Iesui doge wige able le erdarda ge abra aukaka mitkar dimoni abidoge urder. Wige geumge bakeri ableglam e ge irmireder abra wali damireder e nole ko urker ge dawer.
24450	MRK 5:17	Wi eudige bakeri Iesui itmerda e yaba uteb odikairti.
24471	MRK 5:38	Wi bakiaudare ge able kirimle metage eosidare ge nade Iesude gair le nardarda ge wamisrer. Ege eudige i asri a ii sasmir.
24472	MRK 5:39	Ege bakiamuda able metaem badari a akaida yabi daratagerda, “Wa naluglam pe wa bamisreda a wa naluglam i bazoli? Able kebi neur nole eumida - e no ut iperedi!”
24473	MRK 5:40	Wige eudige bakeri abi ga desaredlare, ege yabi adem nausa metalam. Ege no kebi neurira apuiba babei daragardi a abra neis a netat memegle pa darale bakiaudare able kebi ut uteb ge bartidare nade ge able kebi neur ipereder.
24475	MRK 5:42	Ege keko able kebi neur ekiamda a digmer muige metage. E 12 urut dawer. Wige no kemerkemer bazigmuarti.
24476	MRK 5:43	Iesude yabi kelarkelar daratagerda, “Wa nole gair le daratagrawem.” A ga akaida yabi ko daratagerda, “Wa abi nalu ikwarare ei wairo.”
24478	MRK 6:2	Sabadge ege akaida mitkar le nerwerlare sunagoge. Nade wi abra mir dasorlare wige bazigmuarter a abim mir dimwarlare. Wige tabara netatnetat bautmerlare, “Netilam able lelut able mir taisi? Netilam abra pardar dikeredi? E nako able au dorge ikeli?”
24483	MRK 6:7	E tababim able 12 memegle darabgerda, ko yabi neisneis wanamarikdarda. E yabi sasrim nakwarda ko dimoni au kelarkelar wadaratagreda. E yabi au kelarkelar daratagerda, “Wa no koket aisawem nade wa dikasirwertawem. Wa nole lewer aisawem; wa nole epei aisawem; a wa nole bodom bakir aisawem wabi wakge.
24485	MRK 6:9	Wa tetergab amiawem; a nole neis amiwali namiawem.
24488	MRK 6:12	Wige bakiauda bausi a maraueremlare le wi watabatarda yabi witlam.
24489	MRK 6:13	Wige mitkar dimoni adem nauslare; a wi mitkar gimgimle wakaisoiu darasaulare wige bakerer sikak berer. MRK 6.14-29
24491	MRK 6:15	Wader legize ge detautlare, “E Elaiza dali”, a wader legize ge detautlare, “E peropeta dali mokakalam netat emeret peropeta dali.”
24506	MRK 6:30	Able kaimegiz ko tabakomerti Iesui opdipita. Wige abi detagerda gair lu ge wi ikerlare a nerwerlare.
24507	MRK 6:31	Iesu a abra memegle nole ko yaba kes daragriweretlare wi lewer wairoda ableglam au mitkar le tabakeslare barter a ko bauser. Ege akaida tabara memegle daratagerda, “Wa no tabakiaure karidoge mi keimi nabakiaware sasmirkak utebem ge mi ner tarabaziei.”
24509	MRK 6:33	Ege mitkar legize yabi darasmerlare wi bakiauda wige keko umele berda wi netiba darale. Wige gairle able gedlam ge naridweretlare kikem bakiauda koriderge wi gabge bakiauda able utebem kikem terpeidarda keubu ya Iesu taba memeglekem watabakarki.
24513	MRK 6:37	Iesude yabi daratagerda, “Wa wabu yabi lewer arwem neiswerare.” Wige abi itmerda, “Nako ma laglag nali ki nabakiaware nabause bered tarapare able gair leem pe uridli? Able lewer nagriwerteda au bodom bakir bakir.”
24514	MRK 6:38	Iesude yabi nautmerda, “Waba naket bered nagriwerteda? Wa baka tadasmerare.” Nade wi bakiauda tadasmerda, wige abi detagerda, “Keriba no 5 bered nagriwerteda a neis lar pa nakeredi.”
24520	MRK 6:44	Wige 5,000 kimiar urder ge wi able bered eroda. MRK 6.45-52
24525	MRK 6:49	wige abi erdarda e gurge tidigmer. Wige dikepwarlare e lamar dali; wige sasmir demerda ableglam wi aukaka geumge bakerer. Iesude keko yabi daratagerda, “Wa sererge uridwa. Kakanali. Wa nole geum!”
24529	MRK 6:53	Wige gur tadatupidarda tabakiauda ge wege Genesaretge, ge nade wi nar didbarda.
24533	MRK 7:1	Wader Parisaio a Aotarle wi Ierusalemalam tabakiauda taba ge etami Iesui dairumareta.
24534	MRK 7:2	Wi wader Iesura memegle nardarda taba lewer erolare wi nole tabara kikem tag N og natkirda' (able orwairorwair Parisaiogize waikereda).
24537	MRK 7:5	Wige Parisaio a Aotarlegize Iesui itmerda, “Naluglam mari memeglegize nole able erwer irmireda pe merbi lugizlam nagriwerteda? Wi naluglam lewer erweda ogog tagtag?”
24539	MRK 7:7	Wi kari isorgiru epe nole karim abkorep ableglam wi tabara bar bar geiar ermeda a le nerwereda wipe nole Adira geiar le nerweredaf
24540	MRK 7:8	Wa Adira geiar ikereda netat pek idageda, wape no lera erwer irmireda.”
24541	MRK 7:9	Iesude yabi daratagerda, “Waba erwam tonar nagriwerteda wa Adira geiar detwakeda ya waiakai wa waba erwer irmirlare.
24542	MRK 7:10	Mosede aukaise detauti, “Wa wabi babiba amaei nasrawem” a “Wage gair le eudem nasrawem pe netiba tabara babiba amaei darasawersireda.”
24543	MRK 7:11	Wape no wa le nerwereda ese yabi babiba amaei laglag wadaralei wader lu yabialam, wi yabi wadaratagerlare, “Wai babiba amaei, able lu pe 'Koban' ikeredi, e Adira lu ikeredi. Ka umerkak wabi dakware,” epe able kerkerlam pe ditimeda ma nole abi ikaidari e taba babem a amaem waikerer.
24546	MRK 7:14	Iesude ko lera kub darabgerda tababim a eudige yabi daratagerda, “Wa gair legize karim irispilare a wage mirem mamor wabi idonige ikedrare nalu yaka dataute.
24548	MRK 7:16	Wa gair legize able mir erpeirare a wabidoge ikedrare!”
24551	MRK 7:19	ableglam able lu nole barti bakiauda yabi idonige. Wi bakiauda kemge a mena bakiauda adem kemlam bausi.” (Nade Iesude able mir detauti, e yabi natomeretlare able gair lewer pe nagriweretlare legize umele wairolare).
24566	MRK 7:34	Ege Iesu ga kotorem egremada, au ner batawerdi a eudige akaidari able kimiar ikaidari, “Epata”, able mir dikeredi, “Wa bauskilam.”
24569	MRK 7:37	Gair legize ge netiba able mir asorlare wi bazigmuarter a wi gair legize abi dispirlare. Wi detautlare, “Gair lu e ikeli epe au debele nagriwerteda. E asorkak le nadgireda ya waiakai wi umele wasorlare, a e mirkak le nadgireda ya waiakai wi umele mir waditautlare!”
24574	MRK 8:5	Iesude yabi nautmerda, “Naket bered nagriwerteda?” Wige abi detagerda, “Keriba 7 bered nagriwerteda.”
24577	MRK 8:8	Wige urder maike 4,000 le, yaba gair lera kem bosi nade yaba lewer aro esemuda. Nade memeglegize kaier etakerda wi dasmerda 7 epei kaier lewerlam bosi. Iesude able lera kub namarikdarda,