57	GEN 3:1	Non Soke NeHalang ume hote ur inolo mur lochloch ke urana pe ilimo mana nge letena matana toto nge iri lochloch pe hele lange hei neu ke teke, “NeHalang hele ke teke, ‘A ngaua ae e nganagana nga ume nei ero, ae?’ ”
65	GEN 3:9	Pe Non Soke Nehalang iua Antam ke teke, “Antam ou! Iong ngai?”
66	GEN 3:10	Pe Antam tuacholia ke teke, “Iau koi e amneia meena ngam nga ume letena pe e talkome iange e lachlach mana?”
67	GEN 3:11	Pe NeHalang hele, “Ia itei nenge hele lange iong ke teke o lachlach? Nakuna nenge o ngaua ae ngana ngana nenge e hele lange iong ke e teke o ngaua ero iam! Ae?”
69	GEN 3:13	Pe Non Soke NeHalang onteia hei neu ke teke, “Pomerei toto nenge o poia poinga poreke ngana nei?” Pe hei neu hele lange NeHalang ke teke, “Ilimo laka channanga ia iau ke e ngaua ae ngana ngana nem.”
86	GEN 4:6	Pe Non Soke onteia Kaen ke teke, “Iong mam letem inin pe o iech ero ia utar?”
89	GEN 4:9	Pe Non Soke onteia Kaen ke teke, “Kaen! Tim Apel ngai?” Pe Kaen hele, “E eteia i ero. Ia iau mam ak ume ma nenge e nauelele i mam?”
90	GEN 4:10	Pe Non Soke NeHalang hele, “Pomere nenge o poia poinga poreke ngana nem mam?” O longo la, tim eina kou lele nga ich pe tang atat nge Iau.
317	GEN 12:18	Pomalam ne Parao hekulo Apram ana pe onteia i ke teke, “Pomerei nenge o poia iau ke pomai? Heungana nge o hele pengpeng at nge iau ke o teke, ‘Hei nei lek hei ia.’
363	GEN 15:2	Pe Apram tuacholia ke teke, “Non Soke NeHalang lape o tunge utar nge iau? Iau tuk e ero koi nenge lape mene lek urelu mur. Pe mele nenge lape mene ngana kou Eliese nenge Tamaskus.”
366	GEN 15:5	Pe Non Soke mene hote i lange hot pe hele, “O nau haka la nga tapa sana pe o sisele itoch mur - nakum nge o sisele iri kau?” Pe Non Soke hele mule, “Lem tete mur lape iri hulua ke pomalaka nga itoch nemur.”
369	GEN 15:8	Pe Apram hele ke teke, “Non Soke NeHalang lape e eteia ke lek ich nei ke pomerei.?”
387	GEN 16:5	Ol pe Sarai hele lange Apram ke teke, “Iau e amneia melmelenga nga poinga nenge o poia nei. I manmanna ke e tunge lek hekuleileinga ana hei lange iong. Pe heueu nei hele poreke iau iange eteia ke sana lo. Pe e teke Non Soke milteu at nge imem nai nga poinga nei. Itei toto la ke pengpeng?”
390	GEN 16:8	Pe hele lange i ke teke, “Heka, e Sarai nena hekuleileinga ana hei laka iong. O i at nga langai? Pe o la ke merechrei?” Pe Heka tuacholia ke teke, “E ua hei palau Sarai ana.”
395	GEN 16:13	E Heka hetue Non Soke nenge hele luluch nge i neu ke ene, “Iong NeHalang nenge o naue iau.” Iange i hele ke teke, “E naue NeHalang nenge naue iau ke ulolo?”
415	GEN 17:17	Apraham losio ke ma ke sana sio pe melmel pe helele nge isipona ke teke, “Non e nge ana hesinga iri ananon kina lime (100) mai nakuna nge hoe tuna tamane ngana e kura kai? He Sara ana hesinga iri ana non kina henel pe analoch (90) pe lape hoho kura kau?”
434	GEN 18:9	Ol pe te onteia i ke te teke, “Lem hei Sara ngai?” Pe Apraham hele ke teke, “I kou nga pelpele letena.”
437	GEN 18:12	Ol pe Sara melmel pe helele nge isipona ke teke, “Iau e tuauna toto pe ak non soke tuauna toto pule. Pe lape singik iech nge e ma luluch mule i kura kai?”
438	GEN 18:13	Ol pe Non Soke hele lange Apraham ke teke, “Pomerei nenge Sara melmel pe hele ke teke, ‘Iau e tuauna toto lo i pe lape e hoe tuk e ke manmanna kai?’
446	GEN 18:21	pe e teke E etei ke nek. Pomalam lape E sio la ke enau nga poinga nenge te popoia, lape poreke toto ke pomanga E longo ngak ma ero?”
448	GEN 18:23	Pe Apraham i lange I pe hele, “Hana urana ngana hel tetu nga kileng neu pule pe lape o heporeke iri luluch nge hana porekreke ngana mur?
449	GEN 18:24	Nenge teke hana urana ngana mur iri ana non kina nai pe analoch (50) tetu nga tuele tana neu, lape o heporeke iri ke te lasus lochloch? Ma lape letemia iri pe o heporeke tuele tana neu ero?
453	GEN 18:28	Nenge teke hana urana ngana mur aria sisalanga hele sio ke lime iri ero, lape o heporeke kileng neu pule?” Pe Non Soke hele ke teke, “Nenge teke e naue ke hana urana ngana mur iri ana non kina nai pe lime mana, lape e heporeke kileng nem ero pule.”
454	GEN 18:29	Pe Apraham ontei mule I ke teke, “Pe nenge teke o hottau ke hana iri ana non kina nai te urana, lape o heporeke kileng neu pule?” Pe Non Soke hele, “Lape letek ia iri ke e heporeke kileng neu ero.”
455	GEN 18:30	Pe Apraham hele, “Non Soke letem inin taua iau ero pe e ontei mule. Pe nenge teke hana iri ana non kina elle pe analoch mana nge te urana lape pomerei?” Pe Non Soke hele, “Nenge teke e hottau ke hana iri ana non kina elle pe analoch mana nge te urana, lape e heporeke kileng nem ero pule.”
456	GEN 18:31	Pe Apraham hele, “Non Soke e ontei sakilil pe letem inin taua iau ero. Nenge teke hana nenge te urana iri ana non kina elle mana tetu lamau?” Pe Non Soke hele, “Lape letekia iri ke e heporeke kileng neu ero.”
457	GEN 18:32	Pe Apraham hele, “Non Soke letem inin taua iau ero pe e ontei elle mule. Nenge teke hana nenge urana iri analoch mana tetu lamau?” Pe Non Soke tuacholia, “Lape letek ia iri pe e heporeke kileng neu ero pule.”
463	GEN 19:5	Pe te iu lange Lot ke pomai, “Hana nai nenge te at ke tema nga lem pele ngai? O mene iri at nge imem ke mo heporeke iri lakoi nge hot.”
467	GEN 19:9	Pe Sotom mur te tuacholia ke te teke, “Ah! O poi hele imem ero. Iong ngie koke iong ke o at pe lem nga lamai ero. Pomerei nenge o mil teu at nga lemem poinga mur? Heueu lape mo heporeke tote iong nge iri.” Te echia Lot pe te puo teua iri la nga piunga ke te teke te palchach sue.
470	GEN 19:12	Pe hana nai neu te onteia Lot ke te teke, “Lem hana hel kai tetu nga tuele tana nei pule mai? O mene tutum mur nenge tatamanna pe heheina pe uem mur pe itei hel pule nenge lem hana mur ia iri pe a ua hot nga lamai,
500	GEN 20:4	Pe Apimelek hele ke teke, “Non Soke nenge teke none poia poinga poreke ngana e ero, lape o hun suo mene i luluch nge nena hana mur ma?” Apimelek hele ke pomau iange poia poinga poreke ngana e lange Sara ero kura.
505	GEN 20:9	Iok, Apimelek iu teua Apraham pe hele, “Pomerei nenge o poia imem ke pomai? Iau mai e poia poinga poreke ngana e lange iong ke merei toto, nenge o poia iau pe lek naunga-ala ana kileng ke mo tu teu nga poinga poreke ngana nei? Poinga nemur nenge toinge o poia at nge iau ero, ngana koi o poia at nge iau nei.”
506	GEN 20:10	Pe Apimelek onteia Apraham ke teke, “Lem huna nga utar toto nenge o poia poinga nei?”
521	GEN 21:7	Pe Sara hele pule ke teke, “Itei toto nenge lape hele lange Apraham ke teke, lem hei Sara lape hoe tuna pe nakuna nge hesiua kau? Pe ero, Apraham tuauna lo pe e hoe tuna tamane e.”
531	GEN 21:17	Pe NeHalang longe kol neu nge tangtang pe nena angkelo tu nga tapa pe iu lange Heka ke teke, “Heka, pomerei? O matau ero; kol neu ma lamau ke tangtang pe NeHalang longe ke ulolo.
543	GEN 21:29	pe Apimelek onteia Apraham ke teke, “Iong o mene ke sipsip heheina iri rahtele nai pe o tal hote iri ke altoto. Nei luna ma ke merei?”
555	GEN 22:7	Pe Isak hele haka pe onteia temene Apraham ke teke, “Temek!” Pe Apraham tuacholia, “Oe, kolek o hele.” Pe Isak hele ke teke, “Ae mur pe oan koloi - pe sipsip nenge ta mak ke tunginga ia, ngana ngai?”
597	GEN 24:5	Pe hekuleileinga ana non neu ontei ke teke, “Pe nenge teke hei neu lemene ero nge at luluch nge iau? Lape e mene tum ke lamule nga tuele tana nenge o at ia?”
613	GEN 24:21	Pe non neu reng mana pe nau mana lala nga hei neu poi nganngana. Pe letena tuanin ke teke, “Lape hei nem mam lom? Nenge teke isipona eh! Non Soke poia lek inga nei nganangana ke lohot lo.”
615	GEN 24:23	Ke het pe onteia hei neu ke teke, “Itei tuna iong? O hele at nge iau ke nek, iau pe lek hana mur mo tango rara pele nge mo maia. Pomere mo at ke motu nga temem na pele?”
623	GEN 24:31	Pe hele lange non neu ke teke, “Iong Non Soke pete iong nga ure urana ngana mur, o iat luluch nge iau. O mes mana nge hot lamai ke? E tatalo hele pele e lo pe lem kamel mur muria pule.”
631	GEN 24:39	“Ol pe e onteia ak soke ke e teke, ‘Pe nenge teke hei neu lemene ero nge at luluch nge iau?’
639	GEN 24:47	“Pe e onteia i ke e teke, ‘Itei tuna iong?’ “Pe i tuacholia ke teke, ‘Iau temek laka ne Petuel pe temek tana laka he Milka pe temene laka ne Nahor.’ “Ol pe e tunge enre mur lange i ke pue nga penna hele pe hele pe puoteua uto ina.
641	GEN 24:49	“Iok la ol, letem ma ke merei nga ak soke nena helenga? Nenge teke letem urana pe o teke o poi ke nek lange i, o hele at nge iau. Pe nenge teke ero, o hele at nge iau ke e la nga kileng e pule.”
642	GEN 24:50	Pe Lapan iri nai Petuel te tuacholia ke te teke, “Ure lochloch ngana nenge o hele ia nem at nge Non Soke pe lape mo hele ke merei?
650	GEN 24:58	Iok te iu hote Repeka pe te onteia i ke te teke, “Non nei teke i mulmule lokoi. Pomerei o teke o la lululuch nge i loma?” Pe ana hei tuacholia ke teke, “Oe! E lala lo i.”
657	GEN 24:65	Pe onteia hekuleileinga ana non neu ke teke, “Non tei nenge i nga ich nenge te tua ngaunga ia ke atat nge ita neu mau?” Pe hekuleileinga ana non neu hele ke teke, “Ak soke Isak laka lom.” Ol pe Repeka mene palpanna ana ruchinga hit pe askou hite palpanna.
681	GEN 25:22	Pe mamau nai te sechsech rara nga taria letena. Pe taria hele, “Pomerei nenge ure nei lohot nge iau ke pomai mai?” Pomalam ana hei la ke hetalaulau lange Non Soke.
691	GEN 25:32	Pe Esau hele, “Hei! O nau at e metmete loi. Teepe nem mam lape tunge utar nge urana at nge iau?”
702	GEN 26:9	Ol pe Apimelek iua Isak pe hele lange i ke teke, “Iong lem hei koi hei nei. Pe pomerei nenge o hele le o teke lium ia?” Pe Isak tuacholia ke teke, “E matau iange nenge teke e hele ke e teke lek hei ia, lape a hune iau pe a leia i.”
703	GEN 26:10	Pe Apimelek hele, “O poia poinga utar nemam? Nenge teke non e nge imem ma luluch nge lem hei, lape imem mo amneia ke poreke iange mo poia poinga poreke ngana.”
720	GEN 26:27	Pe Isak onteia iri ke teke, “Nga tele ngana lememo ero ia iau pe a lope hote iau nga lemo ich. Pe pomerei nenge a iat mule nge iau?”
746	GEN 27:18	Pe Iakop laia nge temene pe hele, “Temek.” Pe temene hele, “Kolek, Utar. Iong itei malam?”
748	GEN 27:20	Pe Isak onteia tuna ke teke, “Kolek, pomerei nenge o hune huros nem ke ueiuei mana mam?” Pe Iakop tuacholia ke teke, “Am Soke NeHalang laka halaua iau ke e hune.”
749	GEN 27:21	Ol pe Isak hele lange Iakop ke teke, “Kolek, o hele teu at ke e ra nga singim. Lape iong Esau ke manmanna lo ma?”
752	GEN 27:24	Pe Isak ontei mule ke teke, “Kolek, Iong Esau ke manmanna lokai?” Pe Iakop tuacholia ke teke, “Oe, iau iloi.”
760	GEN 27:32	Pe temene onteia i ke teke, “Ia iong itei nemam?” Pe i tuacholia ke teke, “Iau Esau, tum nenge tengene ana.”
761	GEN 27:33	Ol pe Isak ngana lohot pe loiloi pe hele ke teke, “Pe itei nenge rurumia huros pe mene at nge iau ke e ngaua mai? E ngaua ke het pe e pete i pe iong o at ke o puris. Pe petanga nenge e tunge lange i nem lape tu luluch nge i ke koko!”
764	GEN 27:36	Ol pe Esau hele lange temene ke teke, “Kol nem ene nenge Iakop nem pete tote i iange pallaka hali. I pallaka ia iau ke henai ngana koi. Nga tele ngnana mene mullik ke teke i palaungana pe heueu nei mene tote lek petanga!” Pe Esau onteia temene ke teke, “Temek pomere? Lek petanga e kau kura nge lape o tunge at nge iau?”
765	GEN 27:37	Pe Isak tuacholia ke teke, “Ero ol iange e poia i ke i soke nge iong lo. Pe e poia alona mur lochloch ke te ume mule nge i. Pe e hele ke e teke i lape ana uit pe uaen halang toto. Ke kolek, lape e poia iong ke mere mam ol? Ute e nge lape e tung lange iong ero ol i.”
800	GEN 29:4	Ol pe Iakop onteia sipsip ana naunga ala nemur ke teke, “Sinanga hana! Lemo nge ngai malam?” Pe iri te tuacholia ke te teke, “Lemem nge Haran.”
801	GEN 29:5	Pe Iakop onteia iri ke teke, “Iok, a eteia none nge ene Lapan pule? Lapan nenge Nahor.” Pe iri te tuacholia ke te teke, “Oe, mo eteia i la.”
802	GEN 29:6	Pe Iakop ontei mule ke teke, “A nau lange i, tu ke urana kau?” Pe iri te tuacholia, “Oe, tu ke urana mana iau. Pe o naula, tuna Retsel kou mene nena sipsip mur ke te atat neu.”
811	GEN 29:15	Iok, Lapan hele lange Iakop ke teke, “Iau alok toto laka iong. O ume nge iau pe o ume sio mana ero. O teke e olia iong ke pomere?”
821	GEN 29:25	Pe nga uach Iakop eteia ke ma luluch nge Lia. Ol pe hele lange Lapan ke teke, “Pomerei nenge o poia poinga nei at nge iau? Iau e ume nge iong iange e teke e leia Retsel. Pomerei nenge o channanga ia iau ke pomai mai?”
833	GEN 30:2	Pe Iakop letena inin taua Retsel pe hele lange ke teke, “O heleia iau ke mam ia, iau NeHalang kai? NeHalang laka poi hele iong ke o ho-o ero nem.”
846	GEN 30:15	Pe Liah hele lange i ke teke, “Ah! O leia ek ke ulolo pe heueu nei o teke o mene tuk nena ae menrek pullo?” Pe Retsel tuacholia ke teke, “Nenge teke o tunge tum nena ae menrek hel at nge iau, lape o maluluch nge Iakop nga miliko.”
862	GEN 30:31	Pe Lapan onteia i ke teke, “Ke lape e tunge lem utar?” Pe Iakop tuacholia ke teke, “Lemek ero nge o tunge ute at nge iau. E teke o longele iau ke e nauele mule lem sipsip mur mukam:
900	GEN 31:26	Ol pe Lapan lange Iakop pe hele lange i ke teke, “Pomerei nenge o channanga ia iau pe o heuaia tutuk mur heihei nei nem? O poia iri ke pomalaka nga heihei nenge te ua totoia iri nga hunelinga.
901	GEN 31:27	Pomerei nenge o channanga ia iau pe o lel kome mana ak? Toinge o hele toto at nge iau lape e poia lem kilanga unne pe lek hana mur ke te ole hote kema pe hario ke te peu ele iong mukam. Ke het pe e kolosia iong ke ola ol.
904	GEN 31:30	Pe iau e eteia ke iong lemem toto nge o la mule nga temem na kileng. Pe pomerei toto nenge o kemeia lek ae tapuna mur nga lek pele letena?”
910	GEN 31:36	Ol pe Iakop letena inin taua Lapan pe heleia i ke teke, “Iau mai e poia poinga poreke ngana e kai? E poi poreke iong ke merei nenge o hekumia iau at ne mai?
911	GEN 31:37	O tango rere lem pele ana ure mur pe o at ke o chanrere nga lek urelu mur lochloch ke het ta lo. Pe o hottaua lo? Iok o talue lakoi ita lochloch matara ke alom mur pe alok mur te milteu at nge ita nai.
917	GEN 31:43	Ol pe Lapan tuacholia Iakop ke teke, “Iau tutuk mur koi hehei nai nei pe tuturia mur iau lek tete mur ia iri. Pe iau koi nenge lek sipsip mur pe meme nemur. Ke ure lochloch ngana nei iau toro mana lekia iri. Pe lape e poia tutuk mur heheina nemur pe lek tete nemur ke mere mai ol?
946	GEN 32:18	Pe Iakop hele lange hekuleileinga ana non nenge nauele huros ana tuluk nenga muka ke teke, “Tik Esau lape sahol tele iong pe lape onteia iong ke teke, ‘Non tei nena non iong pe ramam la ke merechrei? Pe itei nenge nena huros nemur nenge iri mukmuka nge iong?’
956	GEN 32:28	Ol pe non neu onteia Iakop ke teke, “Iong mam em merei?” Pe Iakop tuacholia ke teke, “Ek laka Iakop.”
958	GEN 32:30	Pe Iakop hele lange i ke teke, “Pe iong em merei? O hetue em at nge iau.” Pe ana non tuacholia ke teke, “Pomerei nenge o onteia iau nga ek?” Ol pe non neu pete sapele Iakop.
966	GEN 33:5	Pe Esau nau la pe esia hehei nemur pe aina kinkino ngana nemur pe ontei ke teke, “Itei hel nenge te koko nge iong nemai?” Pe Iakop tuacholia ke teke, “NeHalang poi ke urana toto at nge iau lem hekuleileinga ana non. Pomalam tunge aina kinkino ngana nemur at nge iau.”
969	GEN 33:8	Pe Esau ontei ke teke, “E i at pe e saholia hana mur nge te heii ia huros mur ke te lala. Pomere nenge o teke o tunge ure nemur at nge iau?” Pe Iakop tuacholia ke teke, “E teke e poia iong ke letem urana mule nge iau.”
1092	GEN 37:8	Pe titina mur te hele lange i ke te teke, “Iong o teke iong palaungana nge imem ke o nauele imem iam, ae? Ke nakum nge o nauele imem pama?” Te longe Iosep maopene ngana neu pe lemeria ero toto ia i ol.
1094	GEN 37:10	Iosep nene maopene ngana nei lange temene pe titina mur pule pe temene hele salia i ke teke, “O maopem ngam nem ma ke nek nga letek ero iam. O teke lape iau pe tam pe titim mur, mo tualou sio lange iong nga matam ma?”
1099	GEN 37:15	pe non e saholia i nge i rara pulut manmana nga ich neu pe onteia i ke teke, “O tango rerere utar?”
1100	GEN 37:16	Pe I tuacholia ke teke, “E tango rerere titik mur nge te naulelele lemem sipsip pe meme mur nga lamai. O naue iri pule?”
1110	GEN 37:26	Pe Iuta hele lange titina mur ke teke, “Ita mai, nenge teke ta hune tira pe ta channanga mana ia ute eina ke ta teke i eina ia, lape ta mene urura utar?
1114	GEN 37:30	Pe la mule nge titina mur pe hele, “Kol nei i-i ero nga polo mai! Lape e poi ke mere mai?”
1116	GEN 37:32	Pe te mene hengeron sase ngana neu la mule nge temeria pe te hele ke te teke, “O nau at, mo hottaua ure nei koi. O nau urume ke nek lape tum kai nena mai?”
1136	GEN 38:16	Ol pe i lange i nga kue ilina pe hele lange i ke teke, “O i at ke e ma luluch nge iong.” Pe Iuta eteia ero nge hei neu i nette ia. Pe ana hei hele, “E ma luluch nge iong pe lape o tunge lek utar?”
1138	GEN 38:18	Pe Iuta hele, “Ke lape e tunge utar lange iong ke heilang ia helenga kerkereng ngana nei?” Pe ana hei hele, “O tunge tele lem tongtong pe am nananga nenge em ma haka ia luluch nga ana rur at mukam.” Iok Iuta tunge ure nemur lange hei neu pe ma luluch nge i pe poia i ke sana.
1141	GEN 38:21	Ol pe non neu onteia hana nenge te tutu nga lamau ke teke, “A nau hei salaunga kina nenge arare nga kule ilina nge Enaim, la ke merei?” Pe hana nemur te hele ke te teke, “Hei salaunga kina e tu nga lamai ero.”
1145	GEN 38:25	Iok te mene hote i ke lala kura pe kulosia mele ke laia ure nemur nenge nette Iuta tunge lange i pe na helenga nenge hele ke teke, “Iau sak nge non nenge nena ure nemur.” Pe hele pule ke teke, “O nau urume ke nek. Itei nenge ene ma haka nga nananga nei pe nena tongtong nei mai?”
1149	GEN 38:29	Pe nga etue nenge mamau neu tak teu mule penna la, tina hemuka hot. Pe hei neu hele, “Iong mam o tale chach hot ke merei mam?” Pomalam te hetue i ke ene Peres.
1180	GEN 40:7	Ol pe onteia Parao nena hana papalaungana nai nenge te tu luluch nge i nga ana soke nena pele ke teke, “Pomerei toto nenge nakumo unun mana mam?”
1203	GEN 41:7	Pe uit nganangana nenge te lum ero neu, te ton taua rahtele nai nenge te lum pe nakuria urana neu ke te het. Ol pe Parao memete haka pe eteia ke, “Iau nge e maopek kai?.”
1234	GEN 41:38	Ol pe Parao hele lange iri ke teke, “NeHalang opene tu luluch nge Iosep pe lape ta mene itei ol ke nauele ume nei?”
1254	GEN 42:1	Iok, Iakop longe nge te teke ngaunga halang kou nge Ekipto. Ol pe hele lange tutuna mur ke teke, “Pomere nenge a are manmana pe a nau tele hel manmana nge imo ke pomam?”
1260	GEN 42:7	Pe nga etue nenge Iosep naue titina mur, es urume iri pe hele salia iri ke pomanga eteia iri ero pe hele ke teke, “A at la ngai?” Pe iri te hele, “Mo at nga ich nenge Kenan ke mo ol ngaunga.”
1275	GEN 42:22	Pe Rupen hele, “Ia iau mai e hele ke mere lange imo? E hele ke e teke a poia poinga nem lange kol nem ero. Pe imo a longo taua iau ero. Ke heueu lape ta takisia ara melmelenga ke ta tuacholia eina.”
1281	GEN 42:28	Pe hele lange titina mur ke teke, “Lek umtutuna pai koi at mule. Ngana i ma teu nga lek kole mai.” Te longe ke mau pe te rura toto pe te nau tele hel mana nge iri pe te hele, “NeHalang mai poia ita ke mere mai?”
1289	GEN 42:36	Pe temeria Iakop hele lange iri ke teke, “Imo a poia iau ke tutuk mur iri ero hatalia iau. Iosep kou erue ke la lo pe Simeon koi i ero pullo pe ngana iam a teke a mene Pensamin lala pullo. Pomere nenge ure meena ngana tu hit mene iau mai?”
1297	GEN 43:6	Pe Israel hele ke teke, “Heueu nei a poia iau ke letek meena toto. Pomere nenge a hele hote timo lange non nem?”