54	GEN 2:23	Pe Antam hele, “Ute nem nakuna mange iau iam. Pe lape e hetue i ke ‘hei’ iange i lohot nga kik pe nga mirak.”
57	GEN 3:1	Non Soke NeHalang ume hote ur inolo mur lochloch ke urana pe ilimo mana nge letena matana toto nge iri lochloch pe hele lange hei neu ke teke, “NeHalang hele ke teke, ‘A ngaua ae e nganagana nga ume nei ero, ae?’ ”
311	GEN 12:12	Pe nga etue nenge Ekipto mur te naue iong lape te hele ke te teke, ‘Non nei nehei koi.’ Pe lape te hune iau pe iong o tu ke o maulul.
317	GEN 12:18	Pomalam ne Parao hekulo Apram ana pe onteia i ke teke, “Pomerei nenge o poia iau ke pomai? Heungana nge o hele pengpeng at nge iau ke o teke, ‘Hei nei lek hei ia.’
318	GEN 12:19	Pe pomere nenge o hele ke o teke, ‘Liuk laka.’ Eh ngana koi! O mene lem hei pe a la ol.”
360	GEN 14:23	Iau lape e mene lem ute pele ero toto. Ke ute e nge sachana tuna mana ke manga malus ulina nenge o tautau tako ia pe apem ulina ana rur, nem lape e mene ero pule. Iange lape o hele ke o teke, ‘Iau iam e poia Apram ke nena urelu halang.’
438	GEN 18:13	Ol pe Non Soke hele lange Apraham ke teke, “Pomerei nenge Sara melmel pe hele ke teke, ‘Iau e tuauna toto lo i pe lape e hoe tuk e ke manmanna kai?’
501	GEN 20:5	Pe Apimelek hele mule lange NeHalang ke teke, “Apraham hele at nge iau ke teke, ‘Hei nei iau liuk ia.’ Pe Sara hele ke teke, ‘Non nei iau tik ia.’ Nga etue nenge e mene hei nei letek ke e teke e poia poinga urana ngana mana lange i pe e poia poinga poreke ngana e lange i ero.”
507	GEN 20:11	Pe Apraham tuachol ia ke teke, “E poi ke mai iange nga letek e teke, ‘Mele nga kileng nei mataua NeHalang ero toto pe lape te hune iau pe te mene lek hei.’
509	GEN 20:13	Pe nga etue nenge NeHalang hele at nge iau ke e hile temek na pele pe e loloun rara langa kileng mur, e hele lange ana hei ke e teke, ‘O henonou hote mutemngam at nge iau ke mai koi: Nga kileng lochloch ngana nenge ta la ia o hele ke o teke, “Non nei iau tik ia.” ’”
566	GEN 22:18	Iong o longo tau tote Iau ke nge lem tete mur mana lape e pete hulua lochloch ngana nga ich.’”
599	GEN 24:7	Non Soke NeHalang nga tapa mene hote iau nge iri lochloch ngana nenge tetu ke elle luluch nge temek pe nga lek ich. Pe I hele ke kerkereng toto at nge iau ke teke, ‘Lape E tunge ich nei lange lem tete mur.’ Ana non lape kulosia nena angkelo ke i muka nge iong pe halaua iong ke o mene tuk nehei e nga lamau.
606	GEN 24:14	E teke o poia ke nga etue nenge e hele lange hei malolong ngana e ke e teke, ‘Kole o talsue am ech kina ke e in mukam.’ Pe nenge teke hei nem isipona nenge o henonou hote ke Isak nehei ia, lape hele ke teke, ‘O in, pe e heinia lem kamel mur pule.’ Nem lape e eteia ke o poi ke nek toto lange ak soke Apraham.”
630	GEN 24:38	O la mule nga tuele tana nenge e atia nge temek alona mur, nga mata nenge iau ke o mene tuk Isak nehei e nga lamau.’
631	GEN 24:39	“Ol pe e onteia ak soke ke e teke, ‘Pe nenge teke hei neu lemene ero nge at luluch nge iau?’
633	GEN 24:41	Pe ure meena ngana e lape lohot nge iong ero nga helenga kerkereng ngana nenge e hele lange iong ke o poia. Ke nenge teke o la nga mata nenge iau pe lemeria ero nge te tunge hei nem lange iong, nga kue nem mana lape ute pele lohot nge iong ero.’
636	GEN 24:44	Pe nenge teke hele at nge iau ke teke, “Iok, o in pe e einia lem kamel mur pule.” Nem lape e eteia ke isipona laka nenge Non Soke henonou hote ke ak soke tuna nehei ia.’
637	GEN 24:45	“E hetalaulau manmana nga letek kura pe Repeka ure ana ech kina pe i hot at pe sio langa ech matana ke eul ech. Pe e hele lange i ke e teke, ‘E nem, o tunge ech ke e in.’
638	GEN 24:46	“Pe ueiuei mana ekena het sue ana ech kina la nga penna pe hele ke teke, ‘O in, pe e einia lem kamel mur pule.’ Ke e in pe i la ke einia lek kamel mur pule.
639	GEN 24:47	“Pe e onteia i ke e teke, ‘Itei tuna iong?’ “Pe i tuacholia ke teke, ‘Iau temek laka ne Petuel pe temek tana laka he Milka pe temene laka ne Nahor.’ “Ol pe e tunge enre mur lange i ke pue nga penna hele pe hele pe puoteua uto ina.
640	GEN 24:48	Ke het pe e tualou sio pe e heto heke Non Soke ke e teke, ‘E heto heke ak soke Apraham ana Non Soke NeHalang, iange poia iau ke e la pengpeng nge ak soke tina ke e mene tuna nehei nge i.’
735	GEN 27:7	‘O hune huros e pe o tune ak ngaunga nenge inangana heech nenge mutek tau totote ke e ngaua, pe e pete iong nga petanga nenge Non Soke teke tunge lange iong. Ke het pe kulala mana ak metenga ol.’
882	GEN 31:8	Nga tele ngana Lapan hele ke teke, ‘Urum laka meme nenge singiria tuatuntun.’ Pe meme nemur te hoe tuturia mur nenge singiria tuatuntun lochloch. Pe nga hoena hele ke teke, ‘Urum laka meme nemur nenge singiria lihoho.’ Pe meme nemur te hoe tuturia mur nenge singiria lihio lochloch.
885	GEN 31:11	Pe NeHalang nena hekulkulonga hele at nge iau nga opek ke teke, ‘Iakop.’ Pe iau e tuacholia ke e teke, ‘Iau koi.’
887	GEN 31:13	Iau NeHalang nenge e lohot nge iong nge Petel nge nike. Pe o eusiling heke ae oliua eina nga um nenge hengeilang ana pe o poia helenga kerkereng ngana e at nge iau. Heueu nei o lohaka nga ich nei pe o la mule nga lem ich pengpeng.’”
903	GEN 31:29	Iau lek kerkerenga palaungana nge e poia ure poreke ngana ke lohot nge iong. Pe nga miliko temem ana Soke NeHalang hele at nge iau ke teke, ‘Nenge teke letem ke o poi ke urana ma poreke lange Iakop o poia ero. O poia ute e lange Iakop ero toto.’
934	GEN 32:6	Pe lek pulumakau mur pe tongki mur pe sipsip mur pe meme mur iri halang. Pe lek hekuleileinga ana hehei pe hana iri halang pule. Ak soke, e hekule helenga nei lange iong ke e teke letem urana nge iau.’”
938	GEN 32:10	Ol pe Iakop hetalaulau ke teke, “O NeHalang, lek te Apraham pe temek Isak te heto hekeke Iong. Iong Non Soke nenge O hele at nge iau ke O teke, ‘O la mule nga lem kileng nge alom mur pe lape e tu luluch nge iong pe e poi ke nek lala nge iong,’
941	GEN 32:13	Nge nike o hele at nge iau lo ke o teke, ‘Lape e pete iong pe e poia lem tete mur ke iri halang toto ke pomanga peipei nga ruach ilina pe mele pele nakuna ero toto nge sis ele iri.’”
946	GEN 32:18	Pe Iakop hele lange hekuleileinga ana non nenge nauele huros ana tuluk nenga muka ke teke, “Tik Esau lape sahol tele iong pe lape onteia iong ke teke, ‘Non tei nena non iong pe ramam la ke merechrei? Pe itei nenge nena huros nemur nenge iri mukmuka nge iong?’
947	GEN 32:19	Pe iong o tuacholia ke o teke, ‘Lem hekuleileinga ana non Iakop laka nena huros nemur. Pe i tunge ure nemur ke pomanga tunginga nenge lange iong ak non soke Esau. Pe i kou nanasia imem ke atat kura.’”
949	GEN 32:21	Pe a hele toto lange i ke nek ke a teke, ‘Lem hekuleileing ana non Iakop kou nanasia imem ke atat kura.’” Iange Iakop letena tuanin ke teke, “Lape e hemaluche Esau letena nga tunginga nemur nenge iri muka nge iau nei. Pe nga hoena e saholia i pe lape letena urana mule nge iau.”
1101	GEN 37:17	Pe non neu hele ke teke, “Oe e naue iri pe e longe iri nge te hele ke te teke, ‘Ta lange Totan.’” Pomalam Iosep nanasia titina mur pe la apenia iri nge Totan.
1142	GEN 38:22	Ol pe non neu la mule nge Iuta pe hele ke teke, “E la pe hei nei i ero i. Pe hana nemur nga lamau te hele ke te teke, ‘Hei salaunga kina e tunga lamai ero.’”
1285	GEN 42:32	Imem analoch pe nai pe titimem mur hel iange non elle mana hoe imem. Ana non kou tu nga ich nenge Kenan pe timem nenge lomele toto ngana kou tu luluch nge i. Pe timem e kou erue.’
1287	GEN 42:34	Pe a mene timo lomele ngana nem at nge iau. Pomalam e eteia ke a hele ke manmanna pe imo toloinga ana hana mur ero. Pe lape e tung mule timo lange imo pe a i rara ke a poia lemo ume mur pe a poi tetele mana nga ich nei ol.’ ”
1294	GEN 43:3	Pe Iuta hele lange temeria ke teke, “Non neu hele at nge imem pengpeng ke teke, ‘Nenge teke a mene timo at ero, lemek ero toto nge e naue nakumo nga lamai.’
1296	GEN 43:5	Pe nenge teke o longele i ero lape mo la ero. Iange non neu hele at nge imem ke ulolo ke teke, ‘Nenge teke a mene timo at ero, lemek ero toto nge e naue nakumo nga lamai.’”
1298	GEN 43:7	Pe iri te tuacholia ke te teke, “Iange non neu ontei nich hote imem ke nek toto nge tememem pe titimem mur ke teke, ‘Tememo kau tutu kura mau? Pe timo e pule kau tutu mau?’ Pe imem mo tuachol pengpeng mene nena onteinga mur. Pe mo heteia letena tuanin ngana ero nga nenge teke, ‘A mene timo ke sio at lamai.’”
1330	GEN 44:5	Ak soke ana eulinga nenge inin ech ia laka a mene nem. Pe pule eulinga nem hemallaha hotote ure talkomkome ngana mur lala nge i. Lemo poinga nem poreke toto.’”
1344	GEN 44:19	Non soke nga lia nenge mo at lamai o onteia imem ke o teke, ‘Tememo kau tutu kura mau? Pe timo e pule kau tutu mau?’
1345	GEN 44:20	Pe imem mo tuacholia ke mo teke, ‘Oe, tememem kou tutu kura pe i tuauna toto lo. Pe timem loina ngana kou tu pule. Tamem neu hoe iri ke iri nai mana pe tina kou mete lo. Pe tememem mutena tau tote i iange ha nga eteue nenge tuauna toto lo.’
1346	GEN 44:21	“Ke het pe non soke, o hele at nge imem ke o teke, ‘A mene timo at nge iau ke e nau nge i.’
1347	GEN 44:22	Pe non soke, mo hele lange iong ke mo teke, ‘Kol neu hile temene ero toto. Nenge teke ua temene ana, temene lape mete sapele.’
1348	GEN 44:23	Pe non soke, o hele pule ke o teke, ‘Nenge teke a mene timo lomele ngana nem at ero, a at ke a lohot nga matak ero toto.’
1350	GEN 44:25	“Ol pe hele at nge imem ke teke, ‘Ala ke aol mule ara ngaunga.’
1351	GEN 44:26	Pe imem mo hele lange i ke mo teke, ‘Nenge teke timem nenge kino koko nge imem ero, mo sio la ero. Iange non neu lemene ero toto nge nau mule imem nga lamau. Pe nenge teke koko nge imem, nem lape mo sio la.’
1354	GEN 44:29	Pe nenge teke amene hote nei nge iau pe ute hune i, lape a poia iau ke letek kokol toto pe e mete sapele.’
1357	GEN 44:32	Pe pule iau laka nenge e nauele i. Pe e hele lange temek ke e teke, ‘Nenge teke e mene mule i at nge iong ero, lape e kulala mana ak helenga nge iong ol; nge lape o hele menmene iau nga etue lochloch ngana nenge e tu nga ich nei!’
1370	GEN 45:11	O at ke o tu pe iau lape e nauele iong nga ngaunga, iange uringa ana hesinga iri lime kou maloch kura. Pe lemek ero nge iong pe tutum mur pe lem tete mur pe lem huros mur, a uri.’ ”
1376	GEN 45:17	Ol pe ne Paraoh hele lange Iosep ke teke, “O hele lange titim mur ke o teke, ‘A tatach heke lemo ure mur nga lemo tongki mur pe ala mule nga ich nenge Kenan.’
1379	GEN 45:20	Letemo una ia urelu nemur nenge a hile sue nga ich nenge Kenan ero, iange urelu urana ngana mur nga kileng nenge Ekipto lape a mene iri ke lemo ia.’”
1419	GEN 46:32	Iri hana nenge te nauelele sipsip mur. Pe te mene reria pulumakau mur pe meme mur pe kolok mur pe reria ure lochloch ngana ke te at.’
1420	GEN 46:33	Pe nenge teke naunga-ala ana non nem iua imo ke onteia imo ke teke, ‘A umume ia ume utar mur?’
1421	GEN 46:34	Imo a tuacholia i ke a teke, ‘Non soke, imem hana nenge mo nauelele sipsip mur pe pulumakau mur. Mo popoia ume nei nga imem kinkino ngamem nike ke at heueu nei, ke mange lemem tete mur nge nike.’ A hele lange i ke pomai, laka longele imo ke a are nga tuele kina nenge Kosen. Iange Ekipto mur lemeria ero toto hana nenge te nauelele sipsip mur.”
1456	GEN 48:4	ke teke ke, ‘Lape E poia tutum mur ke iri halang toto. Pe iong lape o lohot ke hulua nga ich temeria iong. Pe lape e tunge ich nei lange lem tete mur ke reria ia ol.’ ”
1472	GEN 48:20	Iok Iakop pete iri nga etue neu pe hele ke teke, “Nga etue nenge Israel mur te teke te onteia NeHalang ke poi ke nek lange mele hel, lape te hetue tutum mur nai nem eria. Pe lape te hele ke te teke, ‘NeHalang lape poi ke nek toto lange imo ke pomange Epraem iri nai Manase.’” Ke nga kue nei mana Iakop talue Epraem ke i muka nge Manase.
1512	GEN 50:5	‘Nga etue nenge temek teke metmete lo, hele ke kerkereng toto at nge iau ke e poia helenga kerkereng ngana e lange i, ke e takisia koluna ke la e alohite nga polo e nge isipona selia nga ich nenge Kenan.’ “Ke pomalam o longele iau ke ela ke e alohite temek mukam, ke het pe e at mule. ”
1524	GEN 50:17	Hele at nge imem ke teke mo hele lange iong ke mai koi, ‘E onteia iong ke letemia titim mur nga reria poinga poreke ngana nenge te poia lange iong.’ Pe heueu nei mo onteia iong ke letemia imem iange imem, NeHalang nenge temere heto hekeke, nena hekuleileinga ana hana mur koi imem.” Nga etue nenge reria helenga la ke sasa hot, Iosep longe pe tang.
23244	MAT 2:6	“‘Petlehem iong otu nga ich nenge Iutea. Pe pingam iuiu ol iange Naungaala ana Non e lape lohot nge iong ke nauele lek hana mur nge Israel.’”
23264	MAT 3:3	Ioanes nenge henunun laka nenge hetatalonga Isaias heleia ke teke, “Non e kou haliuliu nga ich sana lomona ke teke, ‘A tatalo ele Non Soke na kue pe a poia ke pengpeng toto.’”
23282	MAT 4:4	Pe Iesus tuacholia pe hele, “NeHalang nena helenga nenge tehas sue ke ulolo, hele ke teke, ‘Non e tu ke maulul nga ngaunga mana ero. Nenge teke mele rahit lochloche helenga mur nenge lohot nga NeHalang hanna pengpeng mele nem lape tu ke maulul.’”
23284	MAT 4:6	Ol pe hele lange Iesus ke teke, “Nenge teke Iong NeHalang tuna toto o tamu hot nga lamai ke osio langa ich. Iange NeHalang nena helenga nenge tehas sue ke ulolo, hele ke teke, “‘NeHalang lape heleia iong lange nena angkelo mur ke te rahit heke mene iong nga peria. Pe lape otut hule apem nga um ero.’”
23285	MAT 4:7	Ol pe Iesus tuachol mule lange i ke teke, “NeHalang nena helenga mur nenge tehas sue ke ulolo, hele pule ke pomai, ‘O olleke am Soke NeHalang ero toto.’”
23288	MAT 4:10	Pe Iesus tuacholia lange i ke teke, “Iong Satan! O ua toto nge iau. NeHalang nena helenga mur nenge tehas sue ke ulolo, hele ke teke, ‘O heto heke am Soke NeHalang pe o ume mana nge i.’”
23324	MAT 5:21	“A longe lo nge nike te hele lange hehei pe hana ke te teke, ‘O hune mele ero toto. Pe nenge teke mele hune mele lape tenau teu langa poinga nenge mele nem poia ke nek toto.’
23330	MAT 5:27	“Iok a longo, nge nike te teke, ‘Oma luluch nge none nehei ero.’
23334	MAT 5:31	“Iok, te heleia pule ke te teke, ‘Nenge teke none lemene ke hile nehei non nem tung tele helenga toto e nga alalaha ke lange nehei. Iange alalaha nem hele tote iri nai aria leinga nge lape het.’
23336	MAT 5:33	“Iok, pule a longe lo nga helenga nenge te heleia lange ratete mur nge nike. Te teke, ‘Nenge teke o hele ke manmanna lange NeHalang ke o poia ute e, o poia ure nem ke lohot ke pomanga o hele ngam pe o pallaka ero iange Non Soke esia iong ke ulolo.’
23340	MAT 5:37	O hele ke pengpeng mana. O hele ke ‘Oe’ ma o hele ke ‘Ero’. Iange helenga nemur nenge otal teu luluche langa lem helenga nenge ‘oe’ pe ‘ero’ nem non poreke ngana laka tunge lange iong ol.
23341	MAT 5:38	“Pe pule a longe lo nenge te teke, ‘Nenge teke mele pal ele matam iong o pal ele matana pule. Pe nenge teke mele pal hoa ngingim iong o pal hoa ngingina pule.’
23346	MAT 5:43	“Pe pule a longe lo nenge te teke, ‘Lememo tau mene neingamo mur pe apoi poreke lemo ngarang mur.’
23364	MAT 6:13	O poi ele imem nga olenga pe o hu hele ure poreke ngana mur nge imem.’
23382	MAT 6:31	Letemo meena ero pe a hele ke pomachmai ero: ‘Lape ta ngaua ara utar mai ol? Pe lape ta in langai mai? Pe lape ta heron ia utar?’
23406	MAT 7:21	“Hulua lape te hetue iau ke ‘Non Soke Non Soke’ pe iri lochloch lape teteu la ero toto nga naualanga pe nekinga nga lut nga tapa. Iri nenge te nanas taua Temek nenge tu nga lut lemene ngana iri mana lape teteu langa naualanga pe nekinga nenga tapa.
23407	MAT 7:22	Pe hulua lape te hele at nge iau nga NeHalang nena haliunga ana etue nem ke mai, ‘Non Soke, Non Soke, imem mo haliu hote iong pe mo helope hote uneinei mur pe mo poia urelu mur ke te lohot nga iong em pule i.’
23408	MAT 7:23	Pe lape e hele ke mallaha toto lange iri ke e teke, ‘Imo nemur, e eteia imo ero toto. A ua toto nga matak. Imo hana porekreke ngana mur iam.’
23423	MAT 8:9	Iange iau pule hana hel tenau ele iau. Pe iau enau ele lek hana mur hel pule. Nenge teke e hele lange iri ke, ‘Ola,’ pe ana non la. Pe e hele lange i neu ke, ‘O iat,’ pe ana non i at. Pe e hele lange lek non ke, ‘O poia ure nei,’ pe i poia.”
23453	MAT 9:5	Helenga tei nge semel nge lape te heleia? ‘E saua lem poinga poreke ngana,’ ma nenge e teke, ‘O mes haka pe o i.’?
23461	MAT 9:13	Ala pe letemo tuanin hote helenga nei luna ke nek. ‘Lemek ero ia lemo tunginga pa nemur nenge a makmak huros. Lemek ke letemo ia hehei pe hana.’ Iange e at ke e iua hana porekreke ngana mur mana, pe hana nenge te urana e iua iri ero.”
23493	MAT 10:7	Ala pe a haliu hote koi helenga nei, ‘NeHalang nena naualanga pe nekinga nenga tapa, ngana koi heroi lo.’
23538	MAT 11:10	Iange nge non nei mana, NeHalang nena helenga nenge tehas sue ke ulolo, hele ke teke, “‘Lape e hekule lek none ke i muka nge iong pe i lape hepengpeng ia lem kue.’
23545	MAT 11:17	“‘Mo iuiua emem iu pe imo mam a hes ero ia? Pe mo utute utunga lolo pe a tang ero ia?’
23546	MAT 11:18	“Ioanes at pe ngau ero pe in ech ero. Pe te hele ke te teke, ‘Non nei, uneinei ia i.’
23547	MAT 11:19	Pe Non Tuna, at pe ngaungau pe inin ech. Pe te heleia i ke te teke, ‘A nau la pam, non neu ngau ngana pe in ngana kou kura. Pe pekngana mur toto laka hana nenge te lololoch umtutuna pe hana porekreke ngana mur.’ Pe ure nemur nenge te lohotot nem, te lohot urume mene NeHalang letena matana ngana.”
23565	MAT 12:7	NeHalang nena helenga nenge tehas sue ke ulolo, hele ke teke, ‘Lemek ero ia lemo tunginga pa nemur nenge a makmak huros. Lemek ke letemo ia hehei pe hana.’ Toinge a eteia helenga nem luna ke nek, toi ngana koi a henonou perimo lange iri nenge te poia ute ke poreke ero.
23602	MAT 12:44	Pe lape helele nge i sipona ke teke, ‘E ua hot nga lamau ke e at pe mullik ero nga lamai i. Lape e la mule nga lek pele iam.’ Iok laol, uneinei nem at mule pe esia na pele nge tu ke polpolo mana. Pe pele neu letena te sachalue ke lemlem, pe ure mur nga letena te talue ke tema ke nek toto.
23623	MAT 13:15	Iange iri leteria hit toto lo, pe anali pule nge te longe ute e nga talngaria ol. Pe pule te poi hele mataria ke hit lo. Pe toinge ero, heueu nei te nachnau nga mataria pe te longlongo nga talngaria. Pe leteria matana ke te hulia reria poinga mur, pe teat ke e hemas mule iri. Pe nei ero.’
23635	MAT 13:27	“Iok laol, non neu nena hana mur nenge te umume nge i, tela nge i pe te onteia i ke teke, ‘Non soke, ngaunga urana ngana alona mur mana kai nenge otue iri nga ume mai? Pe heilil poreke ngana nemur mai teat ke merei?’
23636	MAT 13:28	“Pe non neu tuacholia ke teke, ‘Lape lek ngarang e laka tua teua heilil poreke ngana nemur.’ “Pe nena hana mur te ontei mule i, ‘Ke pomere? Lemem ke o teke mo la ke mo lalau hote iri?’
23638	MAT 13:30	Tetu ke te haka luluch mana mukam, ke la het nga etue nenge ngaunga te mera. Nga etue nem pengpeng lape e hele lange lulunga ana hana mur ke te lalau tele heilil poreke ngana nemur pe te kale pute iri pe la te chacharuch heke nga oan. Ke het pe te lule ngaunga mur pe te tatach teua iri langa ngaunga ana pele.’”
23706	MAT 15:4	NeHalang hele ke teke, ‘O heto heke tam pe temem pe o longo tau mene iri. Pe mele nenge hele poreke temene pe tana, lape te hune i ke mete.’
23707	MAT 15:5	Pe imo a teke poinga nei urana. Nenge a teke none hele lange temene pe tana ke, ‘E teke e halaua imo ke nek toto, pe ero. Iange lek halaunga nenge e teke e tunge lange imo, ngana kou e tung mule lange NeHalang lo. Ke nem, pomanga lek tunginga nenge lange I.’
23711	MAT 15:9	Te hetore hehei pe hana nga NeHalang na hotonga mur ero. Iange te hetoro mene iri nga iri siporia reria hotonga mur. Pe te channangnanga ke te heto hekeke Iau.’”
23743	MAT 16:2	Pe Iesus hele, “Imo lape a esia tapa sana nge remenmen nga ulei pe a hele pengpeng ke a teke, ‘Ochou kileng chaia pam lo, iange ririua pau kou ma hot nga tapa sana.’
23744	MAT 16:3	Pe nga uach a hele ke a teke, ‘Heueu lape pitte mol, iange muchmua halang kou ma hele tapa sana.’ Imo anau urume tapa sana pe a hele hot pengpeng ia ure nenge lape lohot. Pe pomere nge anau urume ure nenge lohotot nga etue nei pe ramamo chach ia ero toto?
23759	MAT 16:18	Pe e hele lange iong, iong Petrus nenge em luna laka, ‘um’, pe nga um nei lape e hemes heke lek hana mur nenge leteria manmanna nge iau. Pe kerkerenga nenga metenga lape hekou sue iri ero toto.
23789	MAT 17:20	Pe Iesus tuacholia ke teke, “Iange imo letemo manmanna ngana unne sune mana. E hele ke manmanna toto lange imo. Nenge teke letemo manmanna ngana purpure hohos nganngana, a hele langa hengene neu pe hengene nem lape longo taua imo. Ke a teke, ‘Hengene nem, o lohaka nga lamai pe o loloun la lamau.’ Pe anau, hengene nem lo haka pe loloun ke la. Pe ute pele nge anali nge imo ero ol. [
23822	MAT 18:26	“Ol pe non neu longe pe la ke tua mermero sio nga ana soke apena huna pe hele ke teke, ‘Non soke, letem ia iau mukam, pe lape e tuachol mule lem ure mur lochloch.’
23824	MAT 18:28	“Iok, non neu i hot kela pe saolia neingana e nge hanok ke umtutuna ana non kina iri lime (100 kina) nge i. Pe sihe i pe teke inroke non neu nga kanna pe hele inin taua i ke teke, ‘Iong nem, heueu mana nei o tuacholia lem hanganok nenge o poia nge iau.’