119	GEN 5:13	Ke het pe Kenan tu mule ke ana hesinga iri ana non kina iri ana non kina nai pe ana non kina nai (840) pe hoho mule tutuna mur tatamanna pe heheina hel pule.
164	GEN 7:4	Etue iri rahtele nai koi tu ol pe lape e hekule pitte ke sio nga ich. Pe pitte nem lape molmol ke etue iri ana non kina nai (40) pe miliko iri ana non kina nai (40). Pe lape e hemete ure maulul ngana lochloch ngana nenge e alahote iri ke tetu nga ich.”
280	GEN 11:13	Ke het pe Arpakset tu mule ke ana hesinga iri ana non kina iri ana non kina elle pe mol (403) pe hoho mule tutuna mur tatamanna pe heheina hel pule.
282	GEN 11:15	Ke het pe Sela tu mule ke ana hesinga iri ana non kina iri ana non kina elle pe mol (403) pe hoho mule tutuna mur tatamanna pe heheina hel pule.
283	GEN 11:16	Pe Eper ana hesinga iri ana non kina elle pe analoch pe henel (34) pe hoe tuna tamane ngana e pe hetue ke ene Pelek.
284	GEN 11:17	Ke het pe Eper tu mule ke ana hesinga iri ana non kina iri ana non kina elle pe ana non kina elle pe analoch (430) pe hoho mule tutuna mur tatamanna pe heheina hel pule.
342	GEN 14:5	Ke nga hesinga iri analoch pe rahetele henel ngana (14) ne Ketolama pe pekngana naungaala ana hana mol, te la ke te hekousue hana nenge Repaim nga kileng nenge Asterot Karnaim. Pe te hekou sue Sus mur nga tuele tana nenge Ham pe te hekou sue Em mur nga tuele tana nenge Saue Kirataim.
377	GEN 15:16	Pe lem tete mur lape te at mule nga ich nei ero mukam. Te amala ke hesinga iri ana non kina iri ana non kina elle (400) het mukam. Pe nem purpure hana henel tetu ngaria nga ich nei. Ke het ol laka lem tete mur te at mule nga ich nei ol. Nem nga etue nenge e heneue Amor mur pe e lope hote iri nga ich nei nga reria poinga poreke ngana mur. Pe heueu nei reria poinga poreke ngana muta haka ke nek ero kura.”
587	GEN 23:15	“Non soke o longo at nge iau, ich nem uruna laka umtutuna iri ana non kina iri ana non kina elle (400). Pe letemia nem ero. Nge ita nai ute pele nga nem ero, o la ke o alo hite lem hei nga ich nem.”
588	GEN 23:16	Apraham ngata nga Epron nena helenga pe sisala hot ke umtutuna iri ana non kina iri ana non kina elle (400) ke pomanga Epron heto ngana pe tunge lange i. Umtutuna ana hana mur te olol ich nga umtutuna nenge pomau pule.
679	GEN 25:20	pe Isak ana hesinga iri ana non kina nai lo (40) pe leia Rebeka nenge tina Lapan pe temeria ne Petuel. Pe iri reria nge Aram nge Patan Aram. Ana kileng tu nga hele nga lut nge Mesapotamia.
727	GEN 26:34	Esau ana hesinga iri ana non kina nai (40) pe leia hehei nai nga mata nenge Hitae mur. Elle ene Iutit nenge temene Peri pe e ene Pasmat nenge temene Elon.
935	GEN 32:7	Iok nga etue nenge hana nemur te at mule, te hele lange Iakop ke te teke, “Mo laia lem helenga nge tim Esau lo. Pe i kou teke at ke saholia iong nga kue pe hana iri ananon kina iri ananon kina elle (400) lape te at luluch nge i.”
944	GEN 32:16	Pe kamel heheina iri ana non kina elle pe analoch (30) luluch nga tuturia mur pe pulumakau iri ana non kina nai (40) pe kolok iri analoch (10). Pe tongki heheina iri ana non elle (20) pe tatamanna iri analoch (10).
962	GEN 33:1	Nga etue nenge Iakop tei ke te lala, teke naula pe esia Esau nge atat. Pe nena hana mur nge iri ana non kina iri ana non kina elle (400) te at luluch nge i. Ol pe Iakop lasia tutuna mur ke hel te lange Liah pe hel te lange Retsel pe hel te lange hekuleileinga ana hehei nai neu.
1409	GEN 46:22	Ke hana analoch pe henel nei (14), Iakop pe Resel tuturia mur pe reria tete mur ia iri.
1449	GEN 47:28	Iok, Iakop tu nge Ekipto ke ana hesinga iri analoch pe rahtele nai (17). Pe ana hesinga lochloch lohot ke ana non kina iri rahtele nai pe rahtele nai (147).
1510	GEN 50:3	Ke aleles ana hana mur te popoia ume nem ke etue iri ananon kina nai (40) iange ume nem ana etue pomau nike. Pe hehei pe hana te tang hite Iakop ke etue iri ana non kina mol pe analoch (70).
23280	MAT 4:2	Pe Iesus mete ana toto lo iange ngau ero ke sinanga koana iri ana non kina nai (40) pe miliko iri ana non kina nai (40) lo.
23740	MAT 15:38	Iri nenge te ngaua ngaunga neu iri 4,000 pe tesis ele hehei pe aina kinkino ngana ero.
23751	MAT 16:10	Iok, letemo metene hulua nenge iri 4000 nem. Aria mioka iri rahtele nai mana, pe hehei pe hana lochloch ngana nem te ngau ke saria una. Pe kaliu iri hia te muta ia ngaunga aluanuana mur?
24577	MRK 8:8	Hulua lochloch te ngaua ke saria una. Hulua nemur iri 4,000. Pe na hana mur te mene ke chasang iri rahtele nai nge te muta nga ngaunga aluana mur. Te ngau ke het pe Iesus kulosia iri ke tela sapele.
24589	MRK 8:20	Pe Iesus ontei mule iri, “Pe nenge e reke beret iri rahtele nai lange hana iri 4,000, a mene chasang hia nenge te muta ia ngaunga aluana mur?” Pe te tuacholia ke te teke, “Iri rahtele nai.”
25078	LUK 2:36	Hei pakar e i hetatalonga pule. Ene laka Ana. Pe he neu temene ene laka Panuel. Pe i tu teu nga mata nenge Asa. Hei neu lei mukam ke iri nai ene tetu ke aria hesinga iri rahtele nai ol pe ene mete. La ke la hei pakar neu tu ke i toro kela tuauna toto ke ana hesinga iri ana non kina henel pe henel (84). Pe kokoes mana la ke umume nga NeHalang na pele pe heto hekeke NeHalang. Heo nga ngaunga pe hetalaulau manmana.
25134	LUK 4:2	Pe nga lamau Iesus tuke ana etue iri ana non kina nai (40) pe non poreke ngana totoi ke helosio ia i. Nga etue lochloch ngana nemur Iesus ngaua ngaunga e ero pe nga hoena mete ana toto ol.
26184	JHN 2:20	Pe hana Iuta nemur te tuacholia ke te teke, “NeHalang nena pele palaungana nei te hemes heke pe te umume ia ke hesinga iri ana non kina nai pe rahtele elle.(46) Pe iong ma oteke o hemes heke mule nga etue iri mol mana mam?”
26995	ACT 1:3	Iesus mete ke ulolo pe lohot mulmule nge nena hana mur ke etue iri ana non kina nai (40). Pe nga etue nemur, popoia ure halang ke te esia pe leteria manmanna ke Iesus maul haka mule nga ana metenga lo. Nena hana mur te esia i pe heleia NeHalang nena naualanga pe nekinga lange iri.
27113	ACT 4:22	Pe non nenge te hemasia i nei ana hesinga ele haka nga ana non kina nai (40).
27164	ACT 5:36	A eteia, nga lia manmana none nge ene Tiutas lohot pe teke i non palaungana pe na kerkerenga halang. Pe hana iri ana non kina iri ana non kina elle (400) leteria manmanna nge i pe te nanasia i. Pe nga etue nenge te hune i ke mete, nena hana mur te ua parai pe tepoi hote ume pele ero.
27191	ACT 7:6	Ke NeHalang hele lange Apraham ke mai koi, ‘Iong lem tete mur lape tetu nga kileng tau ngana e nga ich nenge iri siporia reria ia ero. Pe lape tetu ke te hekuleilei menmene iri nga kileng nem. Pe hana nga kileng nem, lape tepoi poreke tote iri ke hesinga iri ana non kina iri ana non kina elle. (400)
27208	ACT 7:23	“Iok nga etue nenge Moses ana hesinga iri ana non kina iri nai, (40) teke irara kela nau toto pekngana Israel mur.
27215	ACT 7:30	“Iok, hesinga iri ana non kina nai (40) het, pe NeHalang nena angkelo e lohot nge Moses nga ich sana lomona e nge rochroi langa hengene nenge Sinai. Angkelo neu lohot nge Moses ke manga oan remenmen ngana nge ngau lalala nga ae tana sune nge mes.
27221	ACT 7:36	Iok, Moses mene hote Israel mur nge Ekipto. Pe nge Ekipto, NeHalang hekerkereng ia i ke poi hote merakulo mur. Pe poia hel pule nenge tei tele nga ruach nenge ene Ruach Remenmen. Pe pule nga ich sana lomona nge teii ia ke hesinga iri ana non kina nai (40).
27227	ACT 7:42	Pomalam, NeHalang hul patangana lange iri pe iri te heto heke itoch mur, pe teio pe chaia nga tapa sana. Pe poinga nenge te poia nem, pete tote hetatalonga mur tehas ngaria nenge te teke: “‘Imo hana nenge Israel! Hesinga iri ana non kina nai (40) nenge atu manaia nga ich sana lomona nem, a hunune pulumakau pe sipsip mur, ke a teke lemo tunginga mur nenge at nge iau. Pe tunginga nemur, at nge iau ero toto.
27449	ACT 13:18	Pe nga etue nenge te ii nga ich sana lomona, nauele iri ke nek toto ke hesinga iri ana non kina nai (40).
27451	ACT 13:20	Ure nemur te lohotot ke hesinga iri ana non kina lime iri henel pe ana non kina nai pe analoch (450). “Ke het pe NeHalang henonou hote hana mur hel ke iri muka ia nena hana mur, ke la het nga etue nenge hetatalonga Samuel.
27452	ACT 13:21	Ol pe hehei pe hana lemeria ke te teke none lohot ke iri aria naungaala ana non ia. Pomalam te onteia NeHalang pe NeHalang henonou hote Sol nenge ne Kis tuna. Sol lohot nga mata nenge Pensamin pe nauele hehei pe hana ke hesinga iri ana non kina nai. (40)
27770	ACT 21:38	Non Ekipto tana e at tala nga lamai lo pe poia hunelinga palaungana ke lohot nge hana nga lamai. Pe mene ke hana iri ana non kina lime iri analoch iri henel (4,000) pe te mene reria palinga hel ana ure mur pe tei ke tela nga ich sana lomona ngana e. Pe e esia iong pe e teke ma i iam atat nem pullo.”
27815	ACT 23:13	Iri nenge te tattal helenga neu iri ana non kina nai toto (40).
27823	ACT 23:21	Pe o longo taua iri ero toto iange hana iri ana non kina nai (40) pe hel pule lape te talkome ke te hune Paulus. Iri te talue helenga kerkereng ngana e lo, ke te ngau ero pe tein ech ero kela het nga etue nenge te hune Paulus ke mete. Ke heueu nei te kulele mene iong. Nenge teke o longele ke Paulus lange iri heueu lape te hun sapele i ke mete.”
27950	ACT 27:27	Iok, mo purpur ke emem miliko iri analoch pe rahtele henel lo (14). Pe kileng eingana palaungana nem takis rere menmene imem nga ruach sana. (Ana ruach, te hetue ke ene Mereterenien.) Pe nga miliko tuch ngana, hana nenge te songongia imot neu te hele ke te teke mo heroi lala nga kileng hal ngana lo.
27951	ACT 27:28	Pomalam te mene rur nenge te kale teua ure meena ngana nga ana horo pe te hesue nga imot ilina ke teu langa ruach letena. Te poia ke pomau ke te teke te amnei urume kileng leme ngana. Iok, te amnei la pe leme sase ngana lohot ke luana iri ana non kina nai. (40 mita) Iok te kulala ke mala pol pe te hesio pule. Pe te amele pe lohot ke iri ana non kina elle pe analoch. (30 mita)
29186	GAL 3:17	Pe ure nenge e teke e helele ia, ngana koi nei: Nge nike NeHalang hele talue nena helenga tomunga hel ana helenga nem. Pe nga hoena, hesinga iri ana non kina analoch iri nai pe ana non kina pe analoch (430 ) het pe hotonga nemur te lohot ol. Pe hotonga nemur te chatoa NeHalang na helenga kerkereng ngana nem pe te saua ke lasus ero toto.
30071	HEB 3:9	Nga lamau, lemo tete mur te ollaka hote iau ke halang. Pe iau e tu luluch pe e halaulaua iri ke hesinga iri ana non kina nai (40). Pe leteria manmanna nge iau ero toto.
30079	HEB 3:17	Pe NeHalang letena inin tautaua itei hel toto ke hesinga iri ana non kina nai (40)? Iri laka nenge te poia poinga poreke ngana, pe te mete lolo ke koluria tema sio mana nga ich sana lomona.
30840	REV 4:4	Pe kilanga seina ngana halatau ngana mur nge iri ana non kina elle pe henel te heliliu hite kilanga seina ngana neu. Pe almasinga ana hana mur nge iri ana non kina elle pe henel (24) teare haka ia iri. Pe te heronia hengeron hussu ngana mur pe te kale heke iengiengka chalemlem ngana mur nga palpalria.
30855	REV 5:8	Iok laol, nga etue nenge mene alalaha neu ure maulul ngana henel neu pe almasinga ana hana iri ana non kina elle pe henel (24) neu, te tualou sio nga Sipsip Tuna matana pe te heto heke I. Pe almasinga ana hana nemur te mene aria milollo mur pe kaliu chalemlem ngana mur nge te muta ia sapiu eina. Pe ure nemur te heilang ia NeHalang nena hana mur reria hetalaulaunga mur.
30882	REV 7:4	Pe iri nenge tetal haka sach nge iri neu te lohot nga mata analoch pe nai (12) nenge Israel. Pe angkelo e hele at nge iau ke teke, “Hana nemur, iri ana non kina lime iri analoch iri ana non kina lime pe ana non kina lime iri analoch iri ana non kina nai pe ana non kina lime iri analoch iri henel (144,000).
30942	REV 11:2	Pe aeteme unne nenge mapuo mes ele nge hot, o amele ana lome ero. Iange kileng unne nem e tunge lange hana lomonmona ngana mur. Pe iri lape te heporeke lek Tuele Tana Nenge Heo Ngana nem ke teio iri ana non kina nai pe nai (42).
30956	REV 11:16	Pe almasinga ana hana iri ana non kina elle pe henel (24) nenge teare nga reria kilanga seina ngana mur nga NeHalang matana, te tualou sio pe te tatuch sio langa ich, pe te heto heke NeHalang
30982	REV 13:5	NeHalang i sipona heheleia ur-inolo neu ke hele ke heto hekeke ene pe hele porekreke NeHalang. Pe lape poia ana ume ke teio iri ana non kina nai pe nai (42) iange mene kerkerenga ke ulolo.
30996	REV 14:1	Ol pe e teke enau pe e esia Sipsip Tuna nge mes nga Hengene Nge Sion. Pe hana nenge tehas heke Temene ene nga ramaria temes luluch nge I. Hana nemur iri ana non kina lime iri analoch iri ana non kina lime, pe ana non kina lime iri analoch iri ana non kina nai pe ana non kina lime iri analoch iri henel (144,000).
30998	REV 14:3	Pe te peua aria peunga heueu ngana nga kilanga seina ngana matana, pe nga ure maulul ngana henel neu pe almasinga ana hana nemur mataria. Mele eteia peunga neu ero pe iri nenge NeHalang ol hot mule iri ke ulolo te eteia. Ngana laka NeHalang nena tula mur nenge iri ana non kina lime iri analoch iri ana non kina lime, pe ana non kina lime iri analoch iri ana non kina nai, pe ana non kina lime iri analoch iri henel nem (144,000).
31090	REV 19:4	NeHalang are nga nena kilanga seina ngana. Pe almasinga ana hana mur nenge iri ana non kina elle pe henel (24) pe ure maulul ngana henel neu, te tualou sio pe te heto heke I pe te hele ke pomai, “Manmanna Toto! Ta heto heke NeHalang ene!”