22	GEN 1:22	Pe NeHalang pete iri pe hele, “A hala lele ke imo halang toto pe a ronge ruach pe ech lochloch ngana. Pe imo ngie mur, a hala lele pule pe a lohot ke imo halang toto nga ich.”
29	GEN 1:29	Pe NeHalang hele ke teke, “A longo at! Heilil nemur nenge nganangana lohot nga ich letena pe ae mur nenge tutuna mur te tu teu nga ngana ngaria mur, e tunge lange imo ke amo ngaunga ia.
45	GEN 2:14	Pe ech tana molngana ene Taikiris pe lele nga ich lochloch nge Asiria nga chaia haka ngana. Pe ech tana henel ngana ene Uprates.
50	GEN 2:19	Non Soke NeHalang ume hote ur inolo mur pe ngie mur nga tapa sana pe ure nemur nenge te amamo nga ich ke het pe laia iri nge Antam ke hetue iri nga eria mur.
51	GEN 2:20	Pe Antam tunge kolok mur eria pe ngie mur nga tapa sana pe ure inolo mur nga eria. Pe Antam pekngana pele nge halaua i ero.
52	GEN 2:21	Pe Non Soke NeHalang poia Antam ke mamani hun toto. Antam mamani hun toto pe NeHalang siu hote kina e nga alisina pe poi hele mule nga ulina.
53	GEN 2:22	Non Soke NeHalang ume hote heie nga Antam kina nenge siu hote nga alisina ke het pe tunge i lange Antam.
54	GEN 2:23	Pe Antam hele, “Ute nem nakuna mange iau iam. Pe lape e hetue i ke ‘hei’ iange i lohot nga kik pe nga mirak.”
56	GEN 2:25	Antam iri nai Eua singiria lachlach mana pe tetu ke elle pe te meia iri ero.
57	GEN 3:1	Non Soke NeHalang ume hote ur inolo mur lochloch ke urana pe ilimo mana nge letena matana toto nge iri lochloch pe hele lange hei neu ke teke, “NeHalang hele ke teke, ‘A ngaua ae e nganagana nga ume nei ero, ae?’ ”
60	GEN 3:4	Pe ilimo neu hele lange hei neu ke teke, “Ah! A mete ero paiam!”
64	GEN 3:8	Pe nga kileng makuk ngana Antam pe nehei te amneia Non Soke Nehalang meena ngana nge i olole nga ume, pe iri nai te talkome ana nga ume letena.
65	GEN 3:9	Pe Non Soke Nehalang iua Antam ke teke, “Antam ou! Iong ngai?”
66	GEN 3:10	Pe Antam tuacholia ke teke, “Iau koi e amneia meena ngam nga ume letena pe e talkome iange e lachlach mana?”
67	GEN 3:11	Pe NeHalang hele, “Ia itei nenge hele lange iong ke teke o lachlach? Nakuna nenge o ngaua ae ngana ngana nenge e hele lange iong ke e teke o ngaua ero iam! Ae?”
73	GEN 3:17	Pe NeHalang hele lange Antam, “Iong o longo taua lem hei ke o ngaua ae nganangana nenge e hetoro sue lange iong ke e teke o ngaua ero. “Ke lape o amnea melmelenga palaungana nga o tu ngam nga ich nei iange lape e poia ich nei ke poreke pe am ngaunga haka ke urana ero pe lape o puo teu tote iong nga ume laka o ngau.
76	GEN 3:20	Antam hetue ne hei ke ene, “Eua” iange i hulua lochloch ngana nenge tetu ke te maulul nga ich nei reette palaungana ia.
77	GEN 3:21	Non Soke NeHalang umeia Antam pe nehei aria malenga nga huros ulina ke te mele.
81	GEN 4:1	Antam ma luluch nge nehei Eua ke sana pe hoe tuna Kaen. Pe Eua hele, “Nga Non Soke nena halaunga e hoe tuk nei.”
82	GEN 4:2	Iok nga hoena Eua hoho mule Kaen tina e pe hetue ke ene Apel. Pe Apel lohot ke i non nenge nauelele sipsip pe kolok mur pe Kaen i non nenge umume nga ume.
84	GEN 4:4	Pe Apel mene nena sipsip tengene ana mur hel nge urana toto ke poi tunginga ia pule. Pe Non Soke mutena taua Apel nena tunginga.
88	GEN 4:8	Iok nga hoena Kaen hele lange tina Apel ke teke, “Ita nai tala ke ta i rara nga ich nenge ana heilil mana!” Iok iri nai tela ke te i rara nga lamau pe Kaen ngira taua tina Apel pe hune i ke mete.
89	GEN 4:9	Pe Non Soke onteia Kaen ke teke, “Kaen! Tim Apel ngai?” Pe Kaen hele, “E eteia i ero. Ia iau mam ak ume ma nenge e nauelele i mam?”
96	GEN 4:16	Iok Kaen ua hot nga Non Soke matana pe la ke tu nga ich nenge ene “Irara.” Ana ich tu nga kilenge ilina hele nenga lut nga ume nenge Paratiso.
99	GEN 4:19	Lamek lei ke hehei nai. Elle ene Atah pe e ene Sila.
100	GEN 4:20	Pe Ata sana ke hoe tuna tamane ngana e nge ene Iapal. Pe iri nenge te mama nga pelpele pe te nauele reria sipsip mur pe kolok mur reette laka Iapal.
103	GEN 4:23	Pe nga etuene Lamek hele lange nehei mur ke teke, “He Ata pe he Sila a longo at nge iau; Ne Lamek nehei mur, a longo at nga lek helenga. Non e pal poreke tote iau pe e hune i ke mete, pe non lomele ngana e nosia iau pe e hune i ke mete.
105	GEN 4:25	Pe Antam maluluch mule nge nehei pe hoho mule tuna tamane ngana e pe hetue ene ke Set pe nehei hele, “Ne Halang tung mule tuk nei ke mene Apel munna nenge Kaen hune.”
107	GEN 5:1	Alalaha nei te hasia ke te nana urume Antam pe nena tete mur. Nga etue nenge Ne Halang alahote hehei pe hana, umeia iri ke nakuria poma nge I sipona.
109	GEN 5:3	Antam ana hesinga iri ana non kina lime pa ana non kina elle pe analoch (130) pe hoe tuna tamane e nge nakuna pomange i pengpeng pe hetue ke ene Set.
110	GEN 5:4	Ke het pe Antam tu mule ke ana hesinga iri ana non kina iri ana non kina nai (800) pe hoho mule tutuna mur tatamanna pe heheina hel pule.
111	GEN 5:5	Ke Antam tu nga ich ke ana hesinga iri ana non kina iri ana non kina nai pe ana non kina lime pe ana non kina elle pe analoch (930) pe mete.
188	GEN 8:4	Ke nga etue analoch pe rahtele nai (17) nga teio paele nge muka ech soso hatalia mono nga hengene e nge Ararat.
238	GEN 10:3	Pe Koma tutuna mur laka: Askenas pe Ripat pe Tokarma.
244	GEN 10:9	Pe i non nenge Non Soke poia i ke letena matana toto nga huros hun ngana. Ana helenga nenge te heleia ke te teke, “Non nei hunun huros ke mange Nimrot nge Non Soke halaulaua i.”
245	GEN 10:10	Kileng nemur nenge Nimrot nauele tele iri laka, kileng nenge Papel, pe Erek pe Akat pe Kalne. Kileng nemur tetu nga ich nenge Sina.
246	GEN 10:11	Iok Nimrot lo haka nga lamau pe lange Asiria pe maheke tuele tana nenge Niniue hemes haka ngana pe tuele tana nenge Rehopotir pe tuele tana nenge Kala
248	GEN 10:13	Iok Isip tutuna mur laka hana nenge Lut pe hana nenge Anam pe hana nenge Lehap pe hana nenge Naptu,
251	GEN 10:16	pe Iepus pe Amor pe Kirkas
252	GEN 10:17	pe Hip pe Ak pe Sin
253	GEN 10:18	pe Aruat pe Semar pe Hamat. Nga hoena mata nemur nenge Kenan te es keke hot rara,
254	GEN 10:19	ke te are nga ich nenge talun nge Saiton ke lange Kerar pe Kasa pe mene tote ke lange Sotom pe Komora pe Atma pe Sepoim nga kilenge nenge Lasa.
257	GEN 10:22	Pe Sem tutuna mur laka: Elam pe Ashur pe Arpakat pe Lut pe Aram.
258	GEN 10:23	Pe Aram tutuna mur laka: Us pe Hul pe Keta pe Mas.
259	GEN 10:24	Pe Arpakset tuna Sela pe Sela tuna Eper.
261	GEN 10:26	Iok Ioktan tuna laka Almotat pe Selep pe Hasarmauet pe Iera
263	GEN 10:28	pe Opal pe Apimael pe Sepa
270	GEN 11:3	Pe nga hoena te hele tele hel nge iri ke te teke, “A iat, ta mene melete pe maha ke perra ule pe ta hemilangia iri ke te lohot ke iri um nenge ene prik” Pe te mene ure nenge pilpile ke manga pulos nenge te hepile tele um nemur ia.
271	GEN 11:4	Pe te ngai haka hel ke te teke, “A iat ta lele heke ita sipora rera tuele tana nenge mokona la ke tottole teu nga tapa sana. Pomalam lape pingara song pe ta loloun rara ke tala nga ich lochloch ero ol.”
274	GEN 11:7	A iat, ta sio la ke ta hepiriu ele reria helenga ke te longo hel nge iri ero ol.”
277	GEN 11:10	Nananga nenge Sem nena tete mur. Ech taua kileng mur ke hesinga nai la lo, pe Sem ana hesinga iri ana non kina iri lime pe hoe tuna Arpakset.
279	GEN 11:12	Pe Arpakset ana hesinga iri ana non kina elle pe analoch pe lime (35) pe hoe tuna tamane ngana e pe hetue ke ene Sila.
280	GEN 11:13	Ke het pe Arpakset tu mule ke ana hesinga iri ana non kina iri ana non kina elle pe mol (403) pe hoho mule tutuna mur tatamanna pe heheina hel pule.
293	GEN 11:26	Pe Tera ana hesinga iri ana non kina mol pe analoch (70) pe hoe tutuna nemur: Apram pe Nahor pe Haran.
294	GEN 11:27	Nananga Nenge Tera Nena Tete Mur. Tera tutuna mur laka Apram pe Nahor pe Haran, pe Haran tuna laka Lot.
296	GEN 11:29	Pe Apram pe Nahor te lei. Ke Apram nehei laka Sarai pe Nahor nehei laka Milka nenge Haran tuna pe liuna laka Iska.
298	GEN 11:31	Iok, Tera mene tuna Apram pe nette Sarai nenge Apram nehei pe nette Lot nenge Haran tuna, pe iri lochloch te hile reria kileng huna nge Ur nge Kaltia pe te i ke te lange Kenan. Pe nga etue nenge te lohot nge Harran, te la ero ol. Te tu mana lamau ol.
300	GEN 12:1	Iok Non Soke hele lange Apram ke teke, “O hile lem kileng pe lem hana mur pe iri lochloch ngana nenge te tu luluch nge temem pe o la nga ich nenge lape e henonou iong ia.
303	GEN 12:4	Ke Apram lohaka nge Harran pe la sapele ke pomanga Non Soke hele ngana ia lange i pe Lot la luluch nge i. Nga etue neu Apram ana hesinga iri ana non kina mol pe analoch pe lime (75).
304	GEN 12:5	Apram mene ne hei Sarai pe tina tuna Lot pe nena hekuleileinga ana hana mur pe reria urelu mur nenge te mene nge Haran pe tei ke tela te lohot nga ich nenge Kenan.
305	GEN 12:6	Pe te i nga ich neu ke la te lohot nge Sekem. Pe ae tapuna ngana e mes nga kileng neu. Ana ae ene laka ae ok nenge More. Nga etue neu Kenan mur te tutu nga ich neu kura.
306	GEN 12:7	Pe Non Soke lohot nge Apram pe hele lange i ke teke, “Lape e tunge ich nei lange lem tete mur.” Pomalam Apram lung heke hatanga e lange Non Soke nenge lohot nge i.
307	GEN 12:8	Ke het pe nga hoena Apram loloun la nga chaia haka ngana nga sasana nge Petel. Pe hemesia nena pelpele nga kileng Petel pe kileng Ai tunangaria, pe lung heke hatanga e lange Non Soke pe heto heke Non Soke ene.
308	GEN 12:9	Ke het pe Apram loloun ke ramana lange Nekep.
309	GEN 12:10	Iok nga hoena uringa palaungana lohot nga ich nenge te tuia pe Apram sio ke la tu pol nge Ekipto iange uringa neu poreke toto.
310	GEN 12:11	Pe nga etue nenge te la rochroi nge Ekipto Apram hele lange ne hei Sarai ke teke, “Iau e eteia ke iong nakum urana toto.
313	GEN 12:14	Iok la ol nga etue nenge Apram la ke lohot nge Ekipto, Ekipto mur te naue Sarai nge nakuna urana toto.
315	GEN 12:16	Ne Parao mene hei neu pe poi ke nek lange Apram ke tunge nena sipsip tatamanna mur pe heheina mur pe pulumakau tatamanna mur pe heheina mur pe tongki tatamanna mur pe heheina mur pe hekuleileinga ana hehei pe hana pe meme mur.
316	GEN 12:17	Pe Non Soke poia haleles poreke ngana ke lohot nge ne Parao pe nge iri nenge te tu nga nena pele, iange huna nge Parao nge mene Apram nehei Sarai.
317	GEN 12:18	Pomalam ne Parao hekulo Apram ana pe onteia i ke teke, “Pomerei nenge o poia iau ke pomai? Heungana nge o hele pengpeng at nge iau ke o teke, ‘Hei nei lek hei ia.’
319	GEN 12:20	Iok la ol ne Parao hele lange nena hana mur ke te kulos hote Apram. Pomalam te kulosia Apram pe nehei ke te la, pe te la luluch nga reria ure mur lochloch.
320	GEN 13:1	Ke Apram pe nehei pe reria ure mur lochloch te i hot nge Ekipto pe te lo haka lange Nekep pe Lot la luluch nge iri.
321	GEN 13:2	Apram lohot ke i non nenge nena ure halang nga huros marana ngana mur pe nena ure sachanchana sinaha ngana mur.
322	GEN 13:3	Ana non tu nge Nekep pe loloun rara ke la nga kileng hel pule pe la lohot mule nga kileng nenge are tala ia, nga kileng nenge Petel pe Ai tunangaria.
323	GEN 13:4	Ana non lung heke tele hatanga e nga lamau lo pe la heto heke mule Non Soke ene ia.
324	GEN 13:5	Pe Lot loloun rara luluch nge Apram pe nena sipsip mur pe meme pe mur pe kolok mur pe nena hehei pe hana mur pule.
325	GEN 13:6	Ke Apram pe Lot reria urelu mur halang pe ich palaungana ero mana nge iri nai ape ke te are ia.
326	GEN 13:7	Ol pe hunelinga lohaka. Apram pe Lot reria hana mur te hun hel. Nga etue neu Kenan mur pe Perisae mur te tu nga ich neu kura.
327	GEN 13:8	Pomalam Apram hele lange Lot ke teke, “Rera hana mur te hunel pe ita nai ita elle mana pe lemera ero nge ta hunel mule nge ita.
331	GEN 13:12	Ke Apram are nga ich nge Kenan pe Lot are luluch nga tuele tana papalauna mur nga mos pe lele nena pelpele rochroi lange Sotom.
333	GEN 13:14	Iok Lot lohaka ke la lo pe Non Soke hele lange Apram ke teke, “O mes lamam pe o nau ole la nga kileng lochloch. O nau haka langa kileng ilina hele nenga lut ana pe o nau ole la nga nenge sio pe o nau ole la nga chaia haka ngana pe o nau ole la nga chaia sio ngana.
337	GEN 13:18	Pomalam Apram lohaka pe la ke are rochroi la nga ae papalau ngana nge Mamre nga kileng nenge Hebron pe lele heke nena pelpele mur. Pe lung heke tunginga ana hatanga e lange Nok Soke nga lamau.
338	GEN 14:1	Hana nemur iri naunga-ala ana hana mur; Ne Amrapel nauele kileng Papilon pe ne Arioch nauele kileng Elasa pe ne Ketolama nauele kileng Elam pe ne Tital nauele kileng Koim.
339	GEN 14:2	Naunga-ala ana hana nemur tela ke te palhel luluch nge naunga-ala ana hana hel pule. Eria mur koi nei; Ne Pera nenge nauele kileng Sotom pe ne Pirsa nenge nauele kileng Komora pe ne Sinap nenge nauele kileng Atma pe ne Semepa nenge nauele kileng Sepoim pe naunga-ala ana non nenge Pela (nenge heueu nei te hetue ke Soa).
342	GEN 14:5	Ke nga hesinga iri analoch pe rahetele henel ngana (14) ne Ketolama pe pekngana naungaala ana hana mol, te la ke te hekousue hana nenge Repaim nga kileng nenge Asterot Karnaim. Pe te hekou sue Sus mur nga tuele tana nenge Ham pe te hekou sue Em mur nga tuele tana nenge Saue Kirataim.
344	GEN 14:7	Ke het pe te mule ke te lange En Mispat (nge Kates) pe te hekou sue tuele kina mur nenge Amelek pe Amor nenge te tutu nge Haseson Tamar.
345	GEN 14:8	Pe naunga-ala ana non nenge Sotom pe nenge Komora pe nenge Atma pe nenge Sepoim pe nenge Pela (nenge te hetue ke Soa) te lohot ke te has ele reria hunelinga munna nga mos nenge Sitim.
346	GEN 14:9	Ke naunga-ala ana hana henel te pal hel luluch nge naunga-ala ana hana lime. Te pal hel luluch nge ne Ketolama nenge i naunga-ala ana non nge Elam pe ne Tital nenge i naunga-ala ana non nenge Koim pe ne Amrapel nenge i naunga-ala ana non nenge Sina pe ne Arioch nenge i naunga-ala ana non nenge Elasar.
349	GEN 14:12	Pe te mene Apram tina tuna Lot pe nena ure lochloch ngana pule iange i tutu nge Sotom.
350	GEN 14:13	Pe non Hipru e ua nga hunelinga neu pe la ke hele toto nge Apram nga ure nenge lohot. Pe Apram kou tula rochroi toto nga ae papalau nge Mamre. Mamre i none nga mata nenge Amor pe titina mur laka Eskol pe Aner. Hana nemur pekngaria toto laka Apram.