14	GEN 1:14	Pe NeHalang hele, “Lemenge lohot nga tapa sana ke ma tote etue nga miliko pe heilang ia etue mur pe hesinga mur pe etue papalaungana mur.
26	GEN 1:26	Pe NeHalang hele, “Lape ta ume hote iri nenge iri non pe nakuria pomange ita toto ke te nauele ruo mur nga ruach letena pe ngie mur nga tapa sana pe huros marana ngana mur pe huros inolo ngana mur lochloch pe ure lochloch ngana nenge te sere olole nga ich.”
28	GEN 1:28	Pe NeHalang pete iri pe hele lange iri ke teke, “Lape a hoho pe a hala lele ke imo halang toto ke a hemute ich pe anau ele. Pe anau ele ruo mur nga ruach pe ngie mur nga tapa sana pe ure lochloch ngana nenge te sere olole nga ich nei.”
72	GEN 3:16	Pe NeHalang hele lange hei neu ke teke, “Lape o amnea melmelenga palaungana nga etue nenge sam pe pule nga etue nenge o hoho ia. Pe mutem tau tote em pe o nanas mene em nena helenga.”
92	GEN 4:12	Pe nga etue nenge o umume am nga ich, ute pele nge lape haka ke nek ero. Pe lape mulim e nge o tu ia ero. Lape o i rara manmana nga ich.
94	GEN 4:14	O nau at, heueu nei o lope hote iau lamai pe lape e la ke e talkome toto nga matam ol. Lape e i rara mana nga ich iange mulik e nge e tuia ero. Pe nenge teke mele saolia iau lape hune iau ke e mete.”
98	GEN 4:18	Pe Enok tuna laka Irat pe Irat tuna laka Mehusael pe Mehusael tuna laka Metusael pe Metusael tuna laka Lamek.
99	GEN 4:19	Lamek lei ke hehei nai. Elle ene Atah pe e ene Sila.
102	GEN 4:22	Pe Lamek nehei Sila hoe tuna tamane ngana e nge ene Tupal-Kaen, pe liuna ene laka Nama. Tupal-Kaen i non nenge ume hotot urelu kuenkuena ngana mur nga ure nenge ene bras pe aen.
103	GEN 4:23	Pe nga etuene Lamek hele lange nehei mur ke teke, “He Ata pe he Sila a longo at nge iau; Ne Lamek nehei mur, a longo at nga lek helenga. Non e pal poreke tote iau pe e hune i ke mete, pe non lomele ngana e nosia iau pe e hune i ke mete.
131	GEN 5:25	Pe Metusela tu ke ana hesinga iri ana non kina lime pe ana non kina henel pe rahtele nai (187) pe hoe tuna Lamek.
134	GEN 5:28	Pe Lamek tu ke ana hesinga iri ana non kina iri lime pe ana non kina henel pe nai (182) pe hoe tuna tamane ngana e
135	GEN 5:29	pe hetue ke ene Noah. Pe Lamek hele ke teke, “Non Soke na keke ich ke ta ume pe ta amneia melmelenga nga rera ume mur. Pe Noa lape poia ita ke ta tah eingara pol nga ara melmelenga mur.”
136	GEN 5:30	Ke het pe Lamek tu mule nga ich ke ana hesinga iri ana non kina iri ana non kina elle pe ana non kina lime pe ana non kina henel pe analoch pe lime (595) pe hoe tutuna mur tatamanna pe heheina hel pule.
137	GEN 5:31	Ke Lamek tu nga ich ke ana hesinga iri ana non kina iri ana non kina elle pe ana non kina iri analoch pe ana non kina lime pe ana non kina mol pe analoch pe rahtele nai (777) pe mete.
151	GEN 6:13	Pe NeHalang hele lange Noa ke teke, “Iau letek haka ke e teke e hemete hulua lochloch iange te heloko teu tote iri nga salaunga ana poinga pe te hun helel nge iri. Oe! Lape e heporeke tote iri luluch nga ich.
174	GEN 7:14	Luluch nga huros kuenkuena ngana mur nenge hinolo pe marana pe ure kuenkuena ngana mur nenge te amamo nga ich pe ngie kuenkuena ngana mur. Ngana laka ure kuenkuena ngana mur nenge saharia.
207	GEN 9:1	NeHalang hele lange Noa pe tutuna mur ke poimai: “Lek petanga nenge lange iong pomai koi. Lape a hoho ke tutumo mur iri halang toto pomalam lape a tu ke a purpure kileng lochloch ngana nga ich.
221	GEN 9:15	Lape letek metene lek helenga kerkereng ngana nenge e poia lange iong pe nge ure maulul ngana mur lochloch. Ech e lohot ke taua kileng ero ol luluch nga ure maulul ngana mur lochloch.
231	GEN 9:25	Pe hele ke teke, “Ure meena lape lohot nge Ham tuna Kanan! Lape lohot ke i hekuleileinga ana non nenge pingana iuiu ero pe umume manmana nge titina mur.”
248	GEN 10:13	Iok Isip tutuna mur laka hana nenge Lut pe hana nenge Anam pe hana nenge Lehap pe hana nenge Naptu,
254	GEN 10:19	ke te are nga ich nenge talun nge Saiton ke lange Kerar pe Kasa pe mene tote ke lange Sotom pe Komora pe Atma pe Sepoim nga kilenge nenge Lasa.
257	GEN 10:22	Pe Sem tutuna mur laka: Elam pe Ashur pe Arpakat pe Lut pe Aram.
294	GEN 11:27	Nananga Nenge Tera Nena Tete Mur. Tera tutuna mur laka Apram pe Nahor pe Haran, pe Haran tuna laka Lot.
298	GEN 11:31	Iok, Tera mene tuna Apram pe nette Sarai nenge Apram nehei pe nette Lot nenge Haran tuna, pe iri lochloch te hile reria kileng huna nge Ur nge Kaltia pe te i ke te lange Kenan. Pe nga etue nenge te lohot nge Harran, te la ero ol. Te tu mana lamau ol.
303	GEN 12:4	Ke Apram lohaka nge Harran pe la sapele ke pomanga Non Soke hele ngana ia lange i pe Lot la luluch nge i. Nga etue neu Apram ana hesinga iri ana non kina mol pe analoch pe lime (75).
304	GEN 12:5	Apram mene ne hei Sarai pe tina tuna Lot pe nena hekuleileinga ana hana mur pe reria urelu mur nenge te mene nge Haran pe tei ke tela te lohot nga ich nenge Kenan.
306	GEN 12:7	Pe Non Soke lohot nge Apram pe hele lange i ke teke, “Lape e tunge ich nei lange lem tete mur.” Pomalam Apram lung heke hatanga e lange Non Soke nenge lohot nge i.
318	GEN 12:19	Pe pomere nenge o hele ke o teke, ‘Liuk laka.’ Eh ngana koi! O mene lem hei pe a la ol.”
320	GEN 13:1	Ke Apram pe nehei pe reria ure mur lochloch te i hot nge Ekipto pe te lo haka lange Nekep pe Lot la luluch nge iri.
324	GEN 13:5	Pe Lot loloun rara luluch nge Apram pe nena sipsip mur pe meme pe mur pe kolok mur pe nena hehei pe hana mur pule.
325	GEN 13:6	Ke Apram pe Lot reria urelu mur halang pe ich palaungana ero mana nge iri nai ape ke te are ia.
326	GEN 13:7	Ol pe hunelinga lohaka. Apram pe Lot reria hana mur te hun hel. Nga etue neu Kenan mur pe Perisae mur te tu nga ich neu kura.
327	GEN 13:8	Pomalam Apram hele lange Lot ke teke, “Rera hana mur te hunel pe ita nai ita elle mana pe lemera ero nge ta hunel mule nge ita.
329	GEN 13:10	Iok la ol, Lot nau rara pe esia kileng mos ngana nge Iortan ke lange Soa. Kileng neu ana ech halang ke pomanga Non soke ana ume pe pomanga ich nenge Ekipto. (Nei nga etue nenge Non Soke heporeke tuele tana nenge Sotom pe Komora ero kura).
330	GEN 13:11	Ke Lot hesilei hote kileng mos ngana lochloch nge Iortan pe lohaka sapele ke la nga chaia haka ngana. Ke hana nai neu te chach hel sapele.
331	GEN 13:12	Ke Apram are nga ich nge Kenan pe Lot are luluch nga tuele tana papalauna mur nga mos pe lele nena pelpele rochroi lange Sotom.
333	GEN 13:14	Iok Lot lohaka ke la lo pe Non Soke hele lange Apram ke teke, “O mes lamam pe o nau ole la nga kileng lochloch. O nau haka langa kileng ilina hele nenga lut ana pe o nau ole la nga nenge sio pe o nau ole la nga chaia haka ngana pe o nau ole la nga chaia sio ngana.
349	GEN 14:12	Pe te mene Apram tina tuna Lot pe nena ure lochloch ngana pule iange i tutu nge Sotom.
353	GEN 14:16	Pe Apram mene mule ure lochloch ngana pe mene mule tina tuna Lot pe nena ure mur lochloch. Pe mene mule hehei mur pe hana hel pule.
355	GEN 14:18	Pe Melkisetek i naunga-ala ana non nga kileng nenge Salem. Ana non mene hote beret pe uain. Pe i NeHalang Nenga Lut Toto nena tunginga ana non ia.
356	GEN 14:19	Pe pete Apram pe hele ke teke, “NeHalang Nenga Lut Toto lape poi ke urana toto lange iong. I ala hote tapa pe ich.
357	GEN 14:20	Ta heto heke NeHalang Nenga Lut Toto I laka tung heke lem ngarang mur la nga perim.” Ol pe Apram tunge ure huna elle lange i. Ure huna elle nem lohot nge ure loloch ngana nenge Apram lolochia nga hunelinga pe hekou sue hana nemur pe takiraua ke huna iri analoch. Pe huna elle laka nenge tunge lange Melkisetek nem.
359	GEN 14:22	Pe Apram hele lange naunga-ala ana non nenge Sotom ke teke, “Iau e poia helenga kerkereng ngana e lange NeHalang Nenga Lut Toto nenge ala hote tapa pe ich ke e teke,
362	GEN 15:1	Iok nga hoena Non Soke lohot nge Apram nga maopene ngana pe hele lange i ke teke, “Apram o matau ero. Lem kaleu koi Iau pe lape e poia iong ke pingam iuiu toto.”
366	GEN 15:5	Pe Non Soke mene hote i lange hot pe hele, “O nau haka la nga tapa sana pe o sisele itoch mur - nakum nge o sisele iri kau?” Pe Non Soke hele mule, “Lem tete mur lape iri hulua ke pomalaka nga itoch nemur.”
374	GEN 15:13	Ol pe Non Soke hele lange i ke teke, “Lem tete mur lape la tetu nga tuele kina e nenge reria ia ero. Pe lape te poi poreke iri pe te ume manmana nge hana hel.
379	GEN 15:18	Ke nga etue neu Non Soke poia tomunga hel ana helenga luluch nge Apram ke teke, “Lape e tunge ich nei lange lem tete mur. Talun nge Ekipto pe mene ke la nga ech tana palaungana nenge Uprates.
392	GEN 16:10	Pe hekulkulonga neu hele mule ke teke, “Lape e poia lem tete mur ke te lohot ke iri halang toto pe mele pele nakuna nge sisele iri ero.”
393	GEN 16:11	Pe Non Soke nena hekulkulonga neu hele lange i pule ke teke, “Iong sam lo pe lape o hoe tum tamane ngana e. Pe o hetue ke ene Ismael. Ismael-Luna laka: NeHalang longe. Iange Non Soke longe lem tanginga lo.
396	GEN 16:14	Ke ngana laka te hetue ech matana neu ke ene, “Pia Lahai Roi” Luna laka ech matana nenge NeHalang nenge tu ke maulul naue iau. Ana ech matana kou tu heueu nei kura pe tu nga kileng nenge Kates pe Pet tuna ngaria.
403	GEN 17:5	Lape te hetue iong ke Apram ero ol. Em laka Apraham ol iange lape e poia iong ke o lohot ke tuele kina mur halang reette iong.
404	GEN 17:6	Lape e poia lem tete mur ke iri halang pe hel nge iri lape te lohot ke iri naungaala ana hana mur.
405	GEN 17:7	Lape e poia lek tomunga hel ana helenga luluch nge iong nenge lape tu ke koko. Pe lape E poia lange lem tete mur pule nenge lape te lohot nge he. Iau NeHalang am Soke pe Iau NeHalang nenge lem tete mur nga hoena aria Soke pule.
411	GEN 17:13	Ke iri nenge tetu luluch nge iong nga lem pele pe te hoe iri pe iri nenge teolia iri nga umtutuna ariria iri pule. Lek tomunga hel ana helenga nenge e poia lange iong lape tu ke koko nga singimo.
413	GEN 17:15	NeHalang hele la pule nge Apraham ke teke, “Pe iong lem hei Sarai, lape te hetue i ke Sarai ero ol. Lape te hetue i ke ene laka Sara ol.
414	GEN 17:16	Lape E pete i pe E poia i ke hoe tum tamane ngana e. Pe lape E pete i ke tuele kina mur lochloch taria ia, pe naunga-ala ana hana mur nenge te nauelele hehei pe hana lape te lohot nge ana hei tutuna mur.”
417	GEN 17:19	Pe NeHalang hele ke teke, “Oe pe lem hei Sara lape hoe tum tamane ngana e pule pe o hetue i ke ene Isak. Lape E poia lek tomunga hel ana helenga luluch nge i pe nena tete mur nenge lape te lohot nga hoena. Pe tomunga hel ana helenga nem lape tu ke koko.
418	GEN 17:20	Lape E poi ke urana lange Ismael ke pomanga o hele ngam. Lape e pete i ke manmanna pe lape e poia i ke tutuna mur halang pule. I lape lohot ke hana nenge iri mukmuka nge hehei pe hana temeria ia. Hana nemur iri analoch pe nai pe lape te lohot ke hana kerkereng ngana mur ia iri.
428	GEN 18:3	Pe hele, “Hana, iau Non Soke nena non pe lemek ero nge a i toto mana nga lek pelpele ke ala. Lemek ke e teke a iat nga lek pelpele.
434	GEN 18:9	Ol pe te onteia i ke te teke, “Lem hei Sara ngai?” Pe Apraham hele ke teke, “I kou nga pelpele letena.”
454	GEN 18:29	Pe Apraham ontei mule I ke teke, “Pe nenge teke o hottau ke hana iri ana non kina nai te urana, lape o heporeke kileng neu pule?” Pe Non Soke hele, “Lape letek ia iri ke e heporeke kileng neu ero.”
456	GEN 18:31	Pe Apraham hele, “Non Soke e ontei sakilil pe letem inin taua iau ero. Nenge teke hana nenge te urana iri ana non kina elle mana tetu lamau?” Pe Non Soke hele, “Lape letekia iri ke e heporeke kileng neu ero.”
457	GEN 18:32	Pe Apraham hele, “Non Soke letem inin taua iau ero pe e ontei elle mule. Nenge teke hana nenge urana iri analoch mana tetu lamau?” Pe Non Soke tuacholia, “Lape letek ia iri pe e heporeke kileng neu ero pule.”
459	GEN 19:1	Angkelo nai nenge te hilesue NeHalang iri nai Apraham, tela ke te sauhot nge Sotom nga ulei. Te sauhot pe Lot kilkila nga tuele tana neu ana kue matana. Nga etue nenge Lot naue iri lohaka ke la taua iri pe tualou sio pe tatuch sio la nga ich.
461	GEN 19:3	Pe ero, Lot mes ke kerkereng nga nena helenga kura pomalam te nanasia Lot ke te la nga nena pele. Pe Lot tatalo hele aria ngaunga ke umeia peret nenge ana is ero ke te ngaua.
463	GEN 19:5	Pe te iu lange Lot ke pomai, “Hana nai nenge te at ke tema nga lem pele ngai? O mene iri at nge imem ke mo heporeke iri lakoi nge hot.”
464	GEN 19:6	Ol pe Lot i hot pe piuele mule piunga pe lange iri
466	GEN 19:8	Anau at, iau tutuk mur heheina nai nge tema luluch nge hana ero kura. Lape e mene hote iri at nge imo pe a poi lange iri nga lememo ngamo. Pe a poia ute lange hana nai nei ero iange te teu at nga lek pele ke e nauele iri.”
467	GEN 19:9	Pe Sotom mur te tuacholia ke te teke, “Ah! O poi hele imem ero. Iong ngie koke iong ke o at pe lem nga lamai ero. Pomerei nenge o mil teu at nga lemem poinga mur? Heueu lape mo heporeke tote iong nge iri.” Te echia Lot pe te puo teua iri la nga piunga ke te teke te palchach sue.
468	GEN 19:10	Pe ero. Hana nai nenge teu te tak teua Lot la nga pele letetena pe te piuele piunga.
470	GEN 19:12	Pe hana nai neu te onteia Lot ke te teke, “Lem hana hel kai tetu nga tuele tana nei pule mai? O mene tutum mur nenge tatamanna pe heheina pe uem mur pe itei hel pule nenge lem hana mur ia iri pe a ua hot nga lamai,
472	GEN 19:14	Iok la ol, Lot la ke hele lange uene mur. Hana nai neu te teke te lechleia Lot tutuna heheina mur. Pe hele lange iri ke teke, “Ueiuei mana pe a ua hot nga lamai iange Non Soke lape hengau lulu heke tuele tana nei!” Pe uene nemur te teke ma songlelele reria.
473	GEN 19:15	Iok uach sio lo pe angkelo nemur te heueiuei ia Lot ke te teke, “Ueiuei mana! O mene lem hei pe tutum mur heheina nai nei pe a ua hot nga kileng nei iange lape a mete luluch nge hehei pe hana nga kileng ngaulala ngana heueu.”
474	GEN 19:16	Pe Lot poi hulul mana iange letena tuanin rara ke halang. Ol pe hana nai neu te rahite Lot pe nehei pe tutuna heheina nai neu nga peria pe te mene hot kelkel ia iri nga tuele tana neu, iange Non Soke letena porekeia iri.
476	GEN 19:18	Pe Lot hele, “Hana papalauna, nakuna nenge lape e nanasia lemo helenga ero pai!
481	GEN 19:23	Nga etue nenge Lot sauhote i nge Soa, chaia matana haka ke tue kileng sapele.
484	GEN 19:26	Iok Lot nehei teke ralele la mule, pe NeHalang hulia i la nga mesmes pe kerkereng ke pomanga um tana e ke mes mana ol.
487	GEN 19:29	Lot tunga mos nga kileng neu pe nga etue nenge NeHalang heporeke tuele tana nai neu letena metene Apraham. Pomalam mene hote Lot ke eleis maulngana nga oan palaungana neu.
488	GEN 19:30	Ke Lot pe tutuna heheina nai neu te tu nge Soa. Pe ana non matau, ol pe te loloun haka ke la te tu nga rika nga hengene mur.
491	GEN 19:33	Ke nga miliko neu te poia temeria ke inia uain pe tuna nenge soke teu ke la maluluch nge i. Ana hei maluluch nge temene ke het pe lohaka ke la pe Lot eteia ute e ero toto.
493	GEN 19:35	Ke nga miliko neu te poia temeria ke in mule uain pe tuna nenge kino teu ke la ma luluch nge i. Ana hei ma luluch nge temene ke het pe lohaka ke la pe Lot eteia ute e ero toto pule.
494	GEN 19:36	Ke Lot tutuna mur heheina nai neu, saria mule nge temeria.
506	GEN 20:10	Pe Apimelek onteia Apraham ke teke, “Lem huna nga utar toto nenge o poia poinga nei?”
526	GEN 21:12	Pe NeHalang hele lange i ke teke, “Letem meena sakililia kol nem pe lem hekuleileinga ana hei nem ero; o longo la mana nga utar nenge Sara heleia lange iong. Iange lem tete mur lape te lohot laka nge Isak.
530	GEN 21:16	pe i la ke are kangkanga toto nge tuna iange letena ke teke, “Lemek ero toto nge e esia tuk nge mete nga matak.” Ke ana hei are pe tangtang ol.
597	GEN 24:5	Pe hekuleileinga ana non neu ontei ke teke, “Pe nenge teke hei neu lemene ero nge at luluch nge iau? Lape e mene tum ke lamule nga tuele tana nenge o at ia?”
598	GEN 24:6	Pe Apraham hele ke teke, “Lemek ero nge o mene mule tuk la lamau.
599	GEN 24:7	Non Soke NeHalang nga tapa mene hote iau nge iri lochloch ngana nenge tetu ke elle luluch nge temek pe nga lek ich. Pe I hele ke kerkereng toto at nge iau ke teke, ‘Lape E tunge ich nei lange lem tete mur.’ Ana non lape kulosia nena angkelo ke i muka nge iong pe halaua iong ke o mene tuk nehei e nga lamau.
611	GEN 24:19	Hei neu tunge ech lange non neu ke in ke het pe hele, “Lape e eulia ech pe e tunge lange lem kamel mur pule ke te in ke saria una toto.”
613	GEN 24:21	Pe non neu reng mana pe nau mana lala nga hei neu poi nganngana. Pe letena tuanin ke teke, “Lape hei nem mam lom? Nenge teke isipona eh! Non Soke poia lek inga nei nganangana ke lohot lo.”
621	GEN 24:29	Pe Rebeka liuna e nge ene Lapan. Ana non song hot lange non neu nga ech matana.
622	GEN 24:30	Lapan song hot la iange naue uto nga liuna ina pe enre chelemlem ngana mur nga penna hele pe hele. Pe longe liuna nge heleia ure nenge non neu heleia lange i. Pomalam lohot ke la pe saholia non neu nge mes luluch nge kamel mur nga ech matana.
624	GEN 24:32	Iok non neu i teu ke langa pele pe Lapan nena hana mur te unhote ure mur nge kamel mur patangaria pe te tunge aria ngaunga pe te talue iri nga muria nenge lape ta maia. Pe te mene ech ke non neu pe nena hana mur te lome aperia.
625	GEN 24:33	Ke het pe Lapan loloch ngaunga ke talsue nga non neu pe nena hana mur mataria. Pe non neu hele ke teke, “Lape e hele tele ure nenge e teke e heleia lange iong mukam, ke het pe mo ngau ol.” Pe Lapan hele, “Iok o heleia at nge imem ol.”