11	GEN 1:11	Ol pe NeHalang hele, “Heilil pe ae mur te haka nga ich. Heilil mur nenge te heiei pe te hei hot mulmule tuturia mur pe ae kuenkuena ngana mur nga ich nenge te hei pe tuturia mur te tu teu mule nga iri siporia ngana ngaria mur.” Pe la ure nemur te lohot ke pomau.
38	GEN 2:7	Ol pe Non Soke NeHalang eu hiraua ich unne ke pip hot non ia. Pe iu teua eingana nenge maulinga ana langa non neu ina ponna pe non neu sechsech haka sapele.
47	GEN 2:16	Non Soke NeHalang hele lange non neu ke teke, “O ngau nga ae lochloch ngana nenga ume
63	GEN 3:7	Ol pe iri nai leteria matana pe te eteia ke te lachlach. Pomalam te aonia ae pik ina ke te male hite nge iri.
90	GEN 4:10	Pe Non Soke NeHalang hele, “Pomere nenge o poia poinga poreke ngana nem mam?” O longo la, tim eina kou lele nga ich pe tang atat nge Iau.
94	GEN 4:14	O nau at, heueu nei o lope hote iau lamai pe lape e la ke e talkome toto nga matam ol. Lape e i rara mana nga ich iange mulik e nge e tuia ero. Pe nenge teke mele saolia iau lape hune iau ke e mete.”
95	GEN 4:15	Pe Non Soke hele lange i ke teke, “O matau ero! Nenge teke mele hune iong, mele nem lape ameia ana melmelenga nge palaungna toto.” Ol pe Non Soke tal heke lala e lange i ke mele nenge saolia i hune i ero.
141	GEN 6:3	Pe Non Soke hele, “Opek nenge e tunge lange hehei pe hana ke te maulul lape tu ke koko ero iange iri lape te mete. Talun heueu nei pe la, lape e tung ke hesinga iri ananon kina lime pe ananon kina elle (120) nga mele tungana nga ich nei.”
151	GEN 6:13	Pe NeHalang hele lange Noa ke teke, “Iau letek haka ke e teke e hemete hulua lochloch iange te heloko teu tote iri nga salaunga ana poinga pe te hun helel nge iri. Oe! Lape e heporeke tote iri luluch nga ich.
161	GEN 7:1	Ol pe NeHalang hele lange Noa ke teke, “Iong pe lem hei pe tutum mur pe reria hehei mur ateu langa mono iange iong toro mana o nanasia poinga nge pengpeng nga ich nei pe hulua lochloch ngana ero.
162	GEN 7:2	O mene huros kuenkuena urana ngana mur - rahtele nai nge tatamanna pe rahtele nai nge heheina ke tela luluch nge iong. Nenge urana nge tuninga ana ia pule. Pe huros nenge urana ero o mene ke tamane ngana elle pe heina elle.
192	GEN 8:8	Ol pe kulos hote ngie chaulum ke la nau tote kileng. Ech soso hatalia ich lo ma ero kura.
195	GEN 8:11	Pe chaulum neu at mule nge i nga ulei pe koke ae Oliua ina nga hanna pe Noa hetei sapele ke ech soso hatalia ich lo.
229	GEN 9:23	Ol pe Sem iri nai Iapet te mene malenga pe te rahit heke langa ekeria pe tehul rumeria pe te ruka teu langa pelpele letena. Pe te nau kel mana pe te askou hite temeria nge lachlach.
263	GEN 10:28	pe Opal pe Apimael pe Sepa
264	GEN 10:29	pe Opir pe Hauila pe Iopap. Iri nemur Ioktan tutuna mur ia iri.
300	GEN 12:1	Iok Non Soke hele lange Apram ke teke, “O hile lem kileng pe lem hana mur pe iri lochloch ngana nenge te tu luluch nge temem pe o la nga ich nenge lape e henonou iong ia.
318	GEN 12:19	Pe pomere nenge o hele ke o teke, ‘Liuk laka.’ Eh ngana koi! O mene lem hei pe a la ol.”
326	GEN 13:7	Ol pe hunelinga lohaka. Apram pe Lot reria hana mur te hun hel. Nga etue neu Kenan mur pe Perisae mur te tu nga ich neu kura.
328	GEN 13:9	Ke pomalam ta chach hel. O nau la ich palaungana kou tumana paneu. Nenge teke o la nga pen hoihoi iau e la nga pen tamalmal pe nenge teke o la nga pen tamalmal iau e la nga pen hoihoi.”
333	GEN 13:14	Iok Lot lohaka ke la lo pe Non Soke hele lange Apram ke teke, “O mes lamam pe o nau ole la nga kileng lochloch. O nau haka langa kileng ilina hele nenga lut ana pe o nau ole la nga nenge sio pe o nau ole la nga chaia haka ngana pe o nau ole la nga chaia sio ngana.
357	GEN 14:20	Ta heto heke NeHalang Nenga Lut Toto I laka tung heke lem ngarang mur la nga perim.” Ol pe Apram tunge ure huna elle lange i. Ure huna elle nem lohot nge ure loloch ngana nenge Apram lolochia nga hunelinga pe hekou sue hana nemur pe takiraua ke huna iri analoch. Pe huna elle laka nenge tunge lange Melkisetek nem.
358	GEN 14:21	Pe naunga-ala ana non nenge Sotom hele lange Apram ke teke, “O tunge lek hehei pe hana ke nenge o mene mule iri nem, ke te at mule nge iau pe o mene ure lochloch ngana nem ke lem ia.”
366	GEN 15:5	Pe Non Soke mene hote i lange hot pe hele, “O nau haka la nga tapa sana pe o sisele itoch mur - nakum nge o sisele iri kau?” Pe Non Soke hele mule, “Lem tete mur lape iri hulua ke pomalaka nga itoch nemur.”
367	GEN 15:6	Ol pe Apram letena manmanna nge Non Soke pomalam Non Soke hetue i ke i non nge pengpeng.
370	GEN 15:9	Pe Non Soke hele lange i ke teke, “O mene pulumakau hei ngana e pe meme hei ngana e pe sipsip tamane ngana e nge aria hesinga iri mol pe o at ia iri nge Iau. Pe o mene ngie chaulum nai pule.”
372	GEN 15:11	Ol pe ngie papalaungana mur te lehe sio taua huros nemur pe Apram lope hele iri.
374	GEN 15:13	Ol pe Non Soke hele lange i ke teke, “Lem tete mur lape la tetu nga tuele kina e nenge reria ia ero. Pe lape te poi poreke iri pe te ume manmana nge hana hel.
387	GEN 16:5	Ol pe Sarai hele lange Apram ke teke, “Iau e amneia melmelenga nga poinga nenge o poia nei. I manmanna ke e tunge lek hekuleileinga ana hei lange iong. Pe heueu nei hele poreke iau iange eteia ke sana lo. Pe e teke Non Soke milteu at nge imem nai nga poinga nei. Itei toto la ke pengpeng?”
388	GEN 16:6	Pe Apram hele ke teke, “O nau at, hei nem lem hekuleileinga ana hei ia. O teke o poia i ke merechrei, o poia nga lemem ngam mana.” Pomalam Sarai poi poreke Heka ke ua sapele.
390	GEN 16:8	Pe hele lange i ke teke, “Heka, e Sarai nena hekuleileinga ana hei laka iong. O i at nga langai? Pe o la ke merechrei?” Pe Heka tuacholia ke teke, “E ua hei palau Sarai ana.”
391	GEN 16:9	Pe Non Soke nena hekulkulonga hele, “O la mule nge hei soke nem pe o nanas mene nena helenga.”
399	GEN 17:1	Nga etue nenge Apram ana hesinga iri ana non kina henel pe analoch pe rahtele henel (99) Non Soke lohot nge i pe hele ke teke, “Iau NeHalang Nenge Kerkereng Toto. O nanas mene poinga nge pengpeng pe o poia poinga poreke ngana e nga matak ero toto.
401	GEN 17:3	Ol pe Apram losio pe ma ke nausio pe NeHalang hele lange i ke teke,
416	GEN 17:18	Pe Apraham hele lange NeHalang ke teke, “Iok teke pomam, O pete Ismael pe o nauele i ke nek!”
417	GEN 17:19	Pe NeHalang hele ke teke, “Oe pe lem hei Sara lape hoe tum tamane ngana e pule pe o hetue i ke ene Isak. Lape E poia lek tomunga hel ana helenga luluch nge i pe nena tete mur nenge lape te lohot nga hoena. Pe tomunga hel ana helenga nem lape tu ke koko.
430	GEN 18:5	Pe e la ke e mene ngaunga unne ke a ngau ke kikimo mukam. Ol laka ai mule ia lemo inga ke ala ol. Iange imo a lohot nge iau lo ke pomalam e teke e halaua imo.” Pe hana neu tuacholia ke te teke, “Urana toto, o poia ke pomanga o hele ngam.”
431	GEN 18:6	Iok laol Apraham teu la nga nena pelpele ke ueiuei mana pe hele lange Sara ke teke, “O ueiuei! O mene mioka nenge urana toto pe o tune.”
434	GEN 18:9	Ol pe te onteia i ke te teke, “Lem hei Sara ngai?” Pe Apraham hele ke teke, “I kou nga pelpele letena.”
435	GEN 18:10	Ol pe elle nge iri nenge hul rumena la nga pelpele, hele ke teke, “Nga hesinga nenge atat neu pe nga teio nei lape e at mule nge iong pe Sara lape hoe tuna tamane ngana e.” Pe Sara mes teu nga piunga nga pelpele pe longe helenga neu.
437	GEN 18:12	Ol pe Sara melmel pe helele nge isipona ke teke, “Iau e tuauna toto pe ak non soke tuauna toto pule. Pe lape singik iech nge e ma luluch mule i kura kai?”
438	GEN 18:13	Ol pe Non Soke hele lange Apraham ke teke, “Pomerei nenge Sara melmel pe hele ke teke, ‘Iau e tuauna toto lo i pe lape e hoe tuk e ke manmanna kai?’
440	GEN 18:15	Ol pe Sara matau pe channanga pe hele ke teke, “E melmel ero i.” Pe non neu hele ke teke, “O melmel laka.”
445	GEN 18:20	Ol pe Non Soke hele, “Helenga halang lohot nga poinga poreke ngana nenge te poreke toto nge te lohotot nge Sotom pe Komora,
451	GEN 18:26	Ol pe Non Soke hele ke teke, “Nenge teke e naue ke hana urana ngana mur iri ana non kina nai pe analoch (50) tetu nge Sotom, lape e heporeke kileng neu ero.”
452	GEN 18:27	Ol pe Apraham hele mule ke teke, “Non Soke iau e pomalaka nga maruchrue pe apou. E ontei sakilil mana koi pe letem inin taua iau ero.
463	GEN 19:5	Pe te iu lange Lot ke pomai, “Hana nai nenge te at ke tema nga lem pele ngai? O mene iri at nge imem ke mo heporeke iri lakoi nge hot.”
464	GEN 19:6	Ol pe Lot i hot pe piuele mule piunga pe lange iri
467	GEN 19:9	Pe Sotom mur te tuacholia ke te teke, “Ah! O poi hele imem ero. Iong ngie koke iong ke o at pe lem nga lamai ero. Pomerei nenge o mil teu at nga lemem poinga mur? Heueu lape mo heporeke tote iong nge iri.” Te echia Lot pe te puo teua iri la nga piunga ke te teke te palchach sue.
470	GEN 19:12	Pe hana nai neu te onteia Lot ke te teke, “Lem hana hel kai tetu nga tuele tana nei pule mai? O mene tutum mur nenge tatamanna pe heheina pe uem mur pe itei hel pule nenge lem hana mur ia iri pe a ua hot nga lamai,
473	GEN 19:15	Iok uach sio lo pe angkelo nemur te heueiuei ia Lot ke te teke, “Ueiuei mana! O mene lem hei pe tutum mur heheina nai nei pe a ua hot nga kileng nei iange lape a mete luluch nge hehei pe hana nga kileng ngaulala ngana heueu.”
474	GEN 19:16	Pe Lot poi hulul mana iange letena tuanin rara ke halang. Ol pe hana nai neu te rahite Lot pe nehei pe tutuna heheina nai neu nga peria pe te mene hot kelkel ia iri nga tuele tana neu, iange Non Soke letena porekeia iri.
482	GEN 19:24	Ol pe Non Soke poi hot sapele um milanglang ngana mur pe oan nga tapa sana, pe te losio ke pomanga pitte nenge sio nge Sotom pe Komora.
486	GEN 19:28	Pe nausio lange Sotom pe Komora pe nauole langa ich lochloch ngana nenga mos pe esia oan pulungana. Oan pulungana neu nakuna pomanga lohot nga oan e nge palaungana toto.
489	GEN 19:31	Ol pe nga etuene e tuna nenge tengene ana hele lange tina nenge kino ke teke, “Poinga nenga ich lochloch hehei pe hana te hohoe tuturia mur. Pe ita lape ta hoe tutura mur hel ero iange hana ero nga kileng nei pe temere tuauna lo.
498	GEN 20:2	Ol pe hele urume nehei Sara ke teke, “Hei nei iau liuk ia.” Pomalam Apimelek hekulo Sara ana pe te mene lange i.
502	GEN 20:6	Pe Nehalang hele lange i nga ma opene ngana neu ke teke, “Oe, E eteia ke iong letem ke o teke o poia poinga urana ngana mana. Pe lemek ero nge o poia poinga poreke ngana e nga matak. Ke ngana laka nenge e poi hele iong ke o ma luluch nge hei nem ero.
509	GEN 20:13	Pe nga etue nenge NeHalang hele at nge iau ke e hile temek na pele pe e loloun rara langa kileng mur, e hele lange ana hei ke e teke, ‘O henonou hote mutemngam at nge iau ke mai koi: Nga kileng lochloch ngana nenge ta la ia o hele ke o teke, “Non nei iau tik ia.” ’”
510	GEN 20:14	Ol pe Apimelek tung mule Sara lange Apraham pe mene sipsip tatamanna pe heheina pe pulumakau tatamanna pe heheina pe hehei pe hana nenge te ume manmana pe tunge iri lange i pule.
511	GEN 20:15	Pe Apimelek hele lange Apraham ke teke, “O naula lek ich kou lochloch ngana neu; ol la pe o are nga lemem ngam.”
513	GEN 20:17	Ol pe Apraham hetalaulau lange NeHalang ke hemas mule Apimelek pe ne hei pe nena hekuleileinga ana hehei mur ke te hoho mule.
524	GEN 21:10	Ol pe hele lange Apraham ke teke, “O kulosia lek hekuleileinga ana hei nei pe tuna pele pa neu ke te la toto nga kileng unne. Iange lemek ero nge hei nem tuna mene lem ute e. Tuk Isak i toro mana lape mene lem ure lochloch.”
531	GEN 21:17	Pe NeHalang longe kol neu nge tangtang pe nena angkelo tu nga tapa pe iu lange Heka ke teke, “Heka, pomerei? O matau ero; kol neu ma lamau ke tangtang pe NeHalang longe ke ulolo.
532	GEN 21:18	O in heke kol nem pe o rahite i nga penna iange lape e poia i ke na tete mur iri halang toto.”
533	GEN 21:19	Ol pe NeHalang ulele hei neu matana pe naue ech matana e nge te selia. Pomalam la ke hemuta mule ech kina neu pe tunge lange Ismael ke in.
538	GEN 21:24	Pe Apraham hele, “Oe E hele ke manmanna toto.”
544	GEN 21:30	Pe Apraham tuacholia ke teke, “O longala ke o mene sipsip rahtele nai nei nge iau pe o hele hote ke iau koi nenge e selia ech matana nei.”
550	GEN 22:2	Pe NeHalang hele ke teke, “O mene tum tamane ngana elle nem nenge mutem tau tote - Isak pe o la nga kileng nenge Morea. Pe o makia i lamau ke pomanga lem tunginga, nga hengene e nenge lape e henonoua lange iong.”
555	GEN 22:7	Pe Isak hele haka pe onteia temene Apraham ke teke, “Temek!” Pe Apraham tuacholia, “Oe, kolek o hele.” Pe Isak hele ke teke, “Ae mur pe oan koloi - pe sipsip nenge ta mak ke tunginga ia, ngana ngai?”
560	GEN 22:12	Pe angkelo neu hele, “O hune tum ero. Pe o poia ute e lange i ero. Heueu nei e eteia ol ke iong o longotau tote NeHalang. Iange o hunele tum elle nenge mutem tautote nem nge iau ero.”
561	GEN 22:13	Iok Apraham teke naula pe esia sipsip tamane ngana e nge ana sangkar chauchau teu nga tapulpul unne. Ol pe la ke laua ke mene Isak munna ke mak heke ke poi tunginga ia.
575	GEN 23:3	Ol pe lohaka pe hele lange ne Hitae tutuna mur pe na tete mur ke teke,
579	GEN 23:7	Ol pe Apraham lohaka pe tualou suo lange iri ich tokoninga Hitae mur.
585	GEN 23:13	Apraham longe Epron nge hele ke mau pe hele, “Nenge teke lemem lape e olia ich nem lange iong. O ngata ke o mene ich uruna nge iau pe e alohite lek hei lamau.”
594	GEN 24:2	Pe Apraham hele lange nena hekuleileinga mur aria soke nga nena pele, nenge nau elele nena ure mur ke teke, “O talue perim nga haek ene.
595	GEN 24:3	Pe o hele ke kerkereng toto nga Non Soke NeHalang nenga tapa pe nga ich matana. O hele ke o teke, o heleia tuk nge heie nge Kenan ero, nga kileng nenge e tutuia nei.
605	GEN 24:13	O nau at, iau koi e mesmes nga ech matana nei ilina pe hehei pe hana nga tuele tana neu, tuturia mur kou te hot atat ke te eulul ech.
606	GEN 24:14	E teke o poia ke nga etue nenge e hele lange hei malolong ngana e ke e teke, ‘Kole o talsue am ech kina ke e in mukam.’ Pe nenge teke hei nem isipona nenge o henonou hote ke Isak nehei ia, lape hele ke teke, ‘O in, pe e heinia lem kamel mur pule.’ Nem lape e eteia ke o poi ke nek toto lange ak soke Apraham.”
615	GEN 24:23	Ke het pe onteia hei neu ke teke, “Itei tuna iong? O hele at nge iau ke nek, iau pe lek hana mur mo tango rara pele nge mo maia. Pomere mo at ke motu nga temem na pele?”
618	GEN 24:26	Ol pe non neu tualou sio pe heto heke Non Soke
623	GEN 24:31	Pe hele lange non neu ke teke, “Iong Non Soke pete iong nga ure urana ngana mur, o iat luluch nge iau. O mes mana nge hot lamai ke? E tatalo hele pele e lo pe lem kamel mur muria pule.”
629	GEN 24:37	Pe ak soke poia iau ke e poia helenga kerkereng ngana e ke mai koi, ‘O helei ia tuk nge hei e nge Kenan ero, nga kilenge nenge e tutuia nei.
630	GEN 24:38	O la mule nga tuele tana nenge e atia nge temek alona mur, nga mata nenge iau ke o mene tuk Isak nehei e nga lamau.’
631	GEN 24:39	“Ol pe e onteia ak soke ke e teke, ‘Pe nenge teke hei neu lemene ero nge at luluch nge iau?’
635	GEN 24:43	O nau at, iau koi e mesmes nga ech matana nei ilina. Pe nenge teke hei malolong ngana e i hot at ke eul ech, iau lape e hele lange i ke e teke, “Kole o longele iau ke e in hot ech unne nga am ech kina.”
638	GEN 24:46	“Pe ueiuei mana ekena het sue ana ech kina la nga penna pe hele ke teke, ‘O in, pe e einia lem kamel mur pule.’ Ke e in pe i la ke einia lek kamel mur pule.
639	GEN 24:47	“Pe e onteia i ke e teke, ‘Itei tuna iong?’ “Pe i tuacholia ke teke, ‘Iau temek laka ne Petuel pe temek tana laka he Milka pe temene laka ne Nahor.’ “Ol pe e tunge enre mur lange i ke pue nga penna hele pe hele pe puoteua uto ina.
645	GEN 24:53	Ol pe lochloch hote ure chalemlem ngana mur pe um chalemlem ngana nenge koikoi pe hengeron mur pe tunge iri lange Rebeka. Pe pule tunge tunginga mur nenge ururia haka toto lange liuna Lapan pe nge tana.
650	GEN 24:58	Iok te iu hote Repeka pe te onteia i ke te teke, “Non nei teke i mulmule lokoi. Pomerei o teke o la lululuch nge i loma?” Pe ana hei tuacholia ke teke, “Oe! E lala lo i.”
652	GEN 24:60	Pe te pete Repeka ke te teke, “Opoi! Liumem Repeka la tau. Non Soke pete iong ke o hoho pe tutum mur lape iri halang nge halang toto; pe lape lem tete mur te mene tote reria ngarang mur reria tuele tatana mur.”
657	GEN 24:65	Pe onteia hekuleileinga ana non neu ke teke, “Non tei nenge i nga ich nenge te tua ngaunga ia ke atat nge ita neu mau?” Pe hekuleileinga ana non neu hele ke teke, “Ak soke Isak laka lom.” Ol pe Repeka mene palpanna ana ruchinga hit pe askou hite palpanna.
658	GEN 24:66	Ol pe hekuleileinga ana non neu hele ia ure lochloch ngana nenge poia lange Isak.
691	GEN 25:32	Pe Esau hele, “Hei! O nau at e metmete loi. Teepe nem mam lape tunge utar nge urana at nge iau?”
692	GEN 25:33	Pe Iakop hele, “O hele ke manmanna at nge iau mukam.” Pomalam Esau heleia helenga kerkereng ngana e, ke poia Iakop ke lohot ke i teepe.
693	GEN 25:34	Ol pe Iakop tunge beret pe ngaunga eina lange Esau ke ngau pe in ke het pe lohaka ke la sapele. Teepe nenge Esau ure nem i ure palaungana ia pe Esau naue ke pomanga ute e nge kino mana.
695	GEN 26:2	Pe Non Soke lohot nge Isak pe hele lange i ke teke, “O sio lange Ekipto ero. O tu mana nga ich nenge E heleia lange iong ke o tuia.
696	GEN 26:3	O tu nga ich nei mukam pe Iau lape etu luluch nge iong pe lape e pete iong. Iange lape e tunge ich lochloch ngana nei lange iong pe lem tete mur. Ke nem pete tote lek tomunga hel ana helenga nenge e poia lange temem Apraham.