20	GEN 1:20	Pe NeHalang hele, “Ruach muta ia ruo kuenkuena ngana mur ure lochloch ngana nenge ruach letena ana ia. Pe ngie mur lochloch te kangkanga haka ich ana pe lehe tele rara nga kileng koana nenga tapa sana.”
238	GEN 10:3	Pe Koma tutuna mur laka: Askenas pe Ripat pe Tokarma.
242	GEN 10:7	Pe Kus tutuna mur laka: Sepa pe Hauila pe Sapta pe Rama pe Sapteka. Pe Rama tutuna mur laka: Sepa pe Tetan.
246	GEN 10:11	Iok Nimrot lo haka nga lamau pe lange Asiria pe maheke tuele tana nenge Niniue hemes haka ngana pe tuele tana nenge Rehopotir pe tuele tana nenge Kala
247	GEN 10:12	pe Resen. Tuele tana nenge Resen i tuele tana nenge palaungana toto pe tu nga kileng nenge Niniue pe Kala tunangaria.
285	GEN 11:18	Pe Pelek ana hesinga iri ana non kina elle pe analoch pe hoe tuna tamane ngana e pe hetue ke ene Reu.
287	GEN 11:20	Pe Reu ana hesinga iri ana non kina elle pe analoch pe nai (32) pe hoe tuna tamane ngana e pe hetue ke ene Seruk.
288	GEN 11:21	Ke het pe Reu tu mule ke ana hesinga iri ana non kina analoch pe rahtele nai (207) pe hoho mule tutuna mur tatamanna pe heheina hel pule.
327	GEN 13:8	Pomalam Apram hele lange Lot ke teke, “Rera hana mur te hunel pe ita nai ita elle mana pe lemera ero nge ta hunel mule nge ita.
342	GEN 14:5	Ke nga hesinga iri analoch pe rahetele henel ngana (14) ne Ketolama pe pekngana naungaala ana hana mol, te la ke te hekousue hana nenge Repaim nga kileng nenge Asterot Karnaim. Pe te hekou sue Sus mur nga tuele tana nenge Ham pe te hekou sue Em mur nga tuele tana nenge Saue Kirataim.
381	GEN 15:20	pe Hit mur pe Peres mur pe Repaim mur,
396	GEN 16:14	Ke ngana laka te hetue ech matana neu ke ene, “Pia Lahai Roi” Luna laka ech matana nenge NeHalang nenge tu ke maulul naue iau. Ana ech matana kou tu heueu nei kura pe tu nga kileng nenge Kates pe Pet tuna ngaria.
571	GEN 22:23	Pe Petuel lohot ke Repeka temene ia. Ke Milka hoe tutuna mur ratele mol nge Apraham tina Nahor.
572	GEN 22:24	Pe Nahor nehei e pule ene Reuma pe tutuna mur henel: Tepa pe Kaham pe Tahas pe Maaka.
607	GEN 24:15	Non neu hetalaulau ke het ero kura pe esia Repeka nge takisia ana ech kina nga ekena. Repeka temene laka ne Petuel pe Petuel tana laka Milka pe Milka ene laka Nahor pe Nahor tina laka Apraham.
621	GEN 24:29	Pe Rebeka liuna e nge ene Lapan. Ana non song hot lange non neu nga ech matana.
637	GEN 24:45	“E hetalaulau manmana nga letek kura pe Repeka ure ana ech kina pe i hot at pe sio langa ech matana ke eul ech. Pe e hele lange i ke e teke, ‘E nem, o tunge ech ke e in.’
643	GEN 24:51	Imem nai mo ngata ke o mene Rebeka pe imo ul ke ala, ke la lei nge am soke tuna ke pomanga Non Soke letena tuanin hot ngana ia.”
645	GEN 24:53	Ol pe lochloch hote ure chalemlem ngana mur pe um chalemlem ngana nenge koikoi pe hengeron mur pe tunge iri lange Rebeka. Pe pule tunge tunginga mur nenge ururia haka toto lange liuna Lapan pe nge tana.
647	GEN 24:55	Pe Repeka liuna pe tana te hele ke te teke, “A longala ke atu pol mukam ke he nem tu luluch nge imem ke etue iri analoch ke het pe ala ol.”
650	GEN 24:58	Iok te iu hote Repeka pe te onteia i ke te teke, “Non nei teke i mulmule lokoi. Pomerei o teke o la lululuch nge i loma?” Pe ana hei tuacholia ke teke, “Oe! E lala lo i.”
651	GEN 24:59	Pomalam te longele liuria Repeka ke la luluch nge Apraham nena hekuleileinga ana non neu pe nena hana mur. Pe hei nenge nauelele Repeka nga i kino ngana, la luluch nge iri pule.
652	GEN 24:60	Pe te pete Repeka ke te teke, “Opoi! Liumem Repeka la tau. Non Soke pete iong ke o hoho pe tutum mur lape iri halang nge halang toto; pe lape lem tete mur te mene tote reria ngarang mur reria tuele tatana mur.”
653	GEN 24:61	Ke het pe Relpeka pe nena hekuleileinga ana hehei hel pule te lohaka nga kamel nemur pe te la mule luluch nge non neu. Ke hekuleileinga ana non neu mene i pe te la sapele.
654	GEN 24:62	Te i ke te la mulmule nge Kenan pe Isak lohaka nga ech matana nenge Pia Lahai Roi ke la tu nge Nekep.
656	GEN 24:64	Pe Repeka pule teke ule matana la pe esia Isak pe sio sapele nga nena kamel patangana.
657	GEN 24:65	Pe onteia hekuleileinga ana non neu ke teke, “Non tei nenge i nga ich nenge te tua ngaunga ia ke atat nge ita neu mau?” Pe hekuleileinga ana non neu hele ke teke, “Ak soke Isak laka lom.” Ol pe Repeka mene palpanna ana ruchinga hit pe askou hite palpanna.
659	GEN 24:67	Ke het pe Isak mene teua Repeka la nga tana Sara nena pelpele pe iri nai te lei hel sapele. Ke Repeka lohot ke Isak nehei ia pe Isak mutena taua i. Pe Isak tana mete ngana ana lete memee sio sapele nge i.
670	GEN 25:11	Apraham mete ke la pe Isak la mule ke la tu rochroi nga ech matana nenge Pia Lahai Roi pe NeHalang poi ke urana toto lange i.
679	GEN 25:20	pe Isak ana hesinga iri ana non kina nai lo (40) pe leia Rebeka nenge tina Lapan pe temeria ne Petuel. Pe iri reria nge Aram nge Patan Aram. Ana kileng tu nga hele nga lut nge Mesapotamia.
683	GEN 25:24	Iok, nga etue nenge Repeka hoho, manmanna ke hoe mamau tatamanna nge iri nai.
685	GEN 25:26	Pe nenge lohot nanas rahite tina Esau apena ke pomalam te hetue i ke ene Iakop. Isak ana hesinga iri ana non kina mol lo (60) nga etue nenge Repeka hoe tuturia nemur.
687	GEN 25:28	Pe Isak mutena taua Esau iange ngaungau huros nge i pe Repeka mutena taua Iakop.
701	GEN 26:8	Isak tuke mala nga lamau lo pe Apimelek non nenge nauele kileng Pilistia. Ana non nau sio la pe esia Isak nge ala kukukumia nehei Repeka.
715	GEN 26:22	Iok, Isak loloun nga lamau pe la ke sel hote ech matana e mule. Neu ol, mele hele i ia ero ol. Pomalam hetue ke ene Rehopot iange hele ke teke, “Heueu nei ol Non Soke tunge murra nge halang pe poia ita ke ta are ke nek nga ich nei ol.”
728	GEN 26:35	Pe hehei nai nem te poia Isak iri nai Repeka ke leteria inin toto.
733	GEN 27:5	Pe Repeka longo tote Isak nge hele lala nge tuna Esau. Pe nga etue nenge Esau la ke rurum,
739	GEN 27:11	Pe Iakop hele lange tana Rebeka ke teke, “Ero iam! Iange tik Esau singina pulpulna halang pe iau ero.
743	GEN 27:15	Pe Repeka mene hote tuna nenge soke Esau, nena hengeron urana ngana mur nenge tattalue nga pele pe heron heke nge tuna nenge kino nenge ene Iakop.
770	GEN 27:42	Iok la ol, nga etue nenge helenga neu sasa ke la lohot nge Repeka, ana hei hekulo tuna Iakop ana pe hele lange i ke teke, “O longo at, tim Esau letena inin taua iong ke teke hune iong nga poinga nenge o poia nem.
774	GEN 27:46	Ol pe Repeka hele lange Isak ke teke, “Lemek ero toto hehei Hitae mur. Nenge teke Iakop leia hei Hitae e nge mange hehei nai nei nga ich nei, iau e teke e mete mana ol, iange lemek ero toto hehei Hitae mur.”
779	GEN 28:5	Iok la ol, Isak kulosia Iakop ke la tu luluch nge Lapan nga kilenge nenge Patan-Aram. Lapan liuna laka Repeka pe temeria laka ne Petuel nena nge Aram. Pe Repeka tutuna mur laka Iakop iri nai Esau.
802	GEN 29:6	Pe Iakop ontei mule ke teke, “A nau lange i, tu ke urana kau?” Pe iri te tuacholia, “Oe, tu ke urana mana iau. Pe o naula, tuna Retsel kou mene nena sipsip mur ke te atat neu.”
805	GEN 29:9	Nga etue nenge Iakop hele lululuch nge hana nemur, Retsel at luluch nga temene nena sipsip mur iange i nauelele iri.
806	GEN 29:10	Ke Iakop na achung laka Lapan pe Lanpan tuna laka Retsel. Pe nga etue nenge Iakop esia na Retsel nge mene temene nena sipsip mur at, la ke hesere kelia um nenge ma hele ech matana pe hein sapele na achung nena sipsip mur.
807	GEN 29:11	Ke het pe lau hite Retsel pe tang ke soke toto.
808	GEN 29:12	Pe Iakop hele lange Retsel ke teke, “Iau alok laka temem pe e tak laka e Repeka.” Ol pe Retsel song sapele ke heleia lange temene.
812	GEN 29:16	Nga etue neu Lapan tutuna mur heheina iri nai. Nenge soke ene Lia pe nenge kino ene Retsel.
813	GEN 29:17	Lia nakuna urana pe nakuna unun manmana pe Retsel nakuna urana toto nge Lia pe singinga urana toto pule.
814	GEN 29:18	Pe Iakop mutena tau tote Retsel, pomalam hele ke teke, “Iau lape e ume nge iong ke hesinga iri ratele nai (7) ke het pe o tunge Retsel at nge iau ke e leia.”
816	GEN 29:20	Iok la ol Iakop ume ke ana hesinga iri ratele nai iange teke leia Retsel. Pe hesinga nemur, Iakop amneia ke choro mana ke pomanga etue hel mana iange i mutena tau tote Retsel.
821	GEN 29:25	Pe nga uach Iakop eteia ke ma luluch nge Lia. Ol pe hele lange Lapan ke teke, “Pomerei nenge o poia poinga nei at nge iau? Iau e ume nge iong iange e teke e leia Retsel. Pomerei nenge o channanga ia iau ke pomai mai?”
823	GEN 29:27	Iok o kulala ke wik elle het mukam pe ngaunga nenga leinga nei ana etue het mukam. Ke het pe mo tunge Retsel lange iong ol. Pe lape o ume ke hesinge iri rahtele nai mule.”
824	GEN 29:28	Iok la ol Iakop nanas mene te hele ngaria ke tu luluch nge Lia. Pe nga etue nenge ngaunga neu ana etue het Lapan tunge tuna Retsel lange i ke nehei ia.
825	GEN 29:29	Pe pule Lapan tunge hekuleileinga ana hei e nge ene Pila lange Retsel ke halaulaua i.
826	GEN 29:30	Ke Iakop ma luluch nge Retsel pe mutena taua tote i nge Liah. Pe ume mule nge Lapan ke hesinga iri ratele nai.
827	GEN 29:31	Non Soke eteia ke Iakop mutena tau tote Retsel nge Liah. Pomalam poia Liah ke ho-o pe Retsel ho-o ero.
828	GEN 29:32	Iok, Liah sana pe hoe tuna tamane ngana e pe hetue ke ene Rupen. Pe hele ke teke, “Non Soke esia letek meena ngana ke pomalam poinga iau ke iau e hoho ke ek mutena taua iau pule Retsel.”
832	GEN 30:1	Retsel hoe tuna e nge Iakop ero, pomalam letena inin taua Liah. Pe hele lange Iakop ke teke, “O poia iau ke sak ke e hoe tutuk mur hel nge iong. Nenge teke ero lape e mete!”
833	GEN 30:2	Pe Iakop letena inin taua Retsel pe hele lange ke teke, “O heleia iau ke mam ia, iau NeHalang kai? NeHalang laka poi hele iong ke o ho-o ero nem.”
834	GEN 30:3	Ol pe Retsel hele lange Iakop ke teke, “Lape e tunge lek hekuleileinga ana hei nenge ene Pila, lange iong ke o ma luluch nge i ke hoe tutuk mur hel.”
835	GEN 30:4	Iok la ol Retsel tunge nena hekuleileinga ana hei neu lange Iakop ke pomanga ne hei ia. Pe Iakop ma luluch nge i
837	GEN 30:6	Ol pe Retsel hele ke teke, “NeHalang milteu at nge iau nga poinga nenge e poia nei pe longala ke tunge tuk tamane ngana e.” Pomalam Retsel hetue tuna neu ke ene laka Tan.
839	GEN 30:8	Ol pe Retsel hele ke teke, “E ume ke kerkereng toto luluch nge tik ke ho-o lo.” Pomalam Retsel hetue kol neu ke ene Naptali.
845	GEN 30:14	Iok nga etue nenge uit mera, lulunga ana etue at sapele. Pe Rupen la nga ume pe hottaua ae e nge ene menrek pe mene hel lange tana Lia. Ol pe Retsel hele lange Lia ke teke, “Kole, o tunge ae menrek nem hel at nge iau, nenge tum mene iri nem.”
846	GEN 30:15	Pe Liah hele lange i ke teke, “Ah! O leia ek ke ulolo pe heueu nei o teke o mene tuk nena ae menrek pullo?” Pe Retsel tuacholia ke teke, “Nenge teke o tunge tum nena ae menrek hel at nge iau, lape o maluluch nge Iakop nga miliko.”
853	GEN 30:22	Pe NeHalang letena ia Retsel pe longe nena hetalaulaunga pe poia i ke ho-o mule.
854	GEN 30:23	Retsel sana pe hoe tuna tamane ngana e pe hele ke teke, “NeHalang halaua iau ke e meia iau ero ol.”
856	GEN 30:25	Nga etue nenge Retsel hoe Iosep ke het, Iakop hele lange Lapan ke teke, “O kulosia iau ke e la mule nga lek kileng una ol.
878	GEN 31:4	Pomalam Iakop hekulo Retsel pe Liah aria ke te lange i nga kileng nenge nau elele nena sipsip mur ia.
888	GEN 31:14	Pe Retsel iri nai Liah te tuacholia pe elle nge iri hele ke te teke, “Ke imem nai lape mo mene tememem nena ure hel ero ol
893	GEN 31:19	Nga etue nenge Lapan la ke utute nena sipsip mur singiria pulpulna, Retsel la ke keme hote temene nena ae tapuna mur nga nena pele letena.
906	GEN 31:32	Pe nenge teke o hottaua mele nenge mene lem ae tapuna mur o hune i ke mete sapele. Pe nga alora mur mataria, iong sipom o iat ke o nau rere lem ure mur. Nenge teke mo mene lem ute, iok o mene mule.” Pe i manmanna ke Retsel kemeia ae tapuna nemur pe Iakop eteia ero.
907	GEN 31:33	Iok Lapan i teu la nga Iakop nena pelpele pe i teu la nga Liah nena pe i teu la nga hekuleileinga ana hehei mur nai reria pe hottaua ute e ero. Lapan i hot nge Liah nena pelpele pe i teu la nga Retsel nena pelpele.
908	GEN 31:34	Pe Retsel mene aetapuna nemur pe tal teua iri nga kamel ana arenga pe kila hite iri ol. Pe Lapan tango rara nga ure lochloch pe hottaua ute e ero toto.
909	GEN 31:35	Pe Retsel hele lange temene ke teke, “Temek, letem inin taua iau ero. Iau lape e mes haka ero iange e poi imem hehei.” Ke Lapan tango rara pe hottaua ae tapuna nemur ero.
962	GEN 33:1	Nga etue nenge Iakop tei ke te lala, teke naula pe esia Esau nge atat. Pe nena hana mur nge iri ana non kina iri ana non kina elle (400) te at luluch nge i. Ol pe Iakop lasia tutuna mur ke hel te lange Liah pe hel te lange Retsel pe hel te lange hekuleileinga ana hehei nai neu.
963	GEN 33:2	Pe talue hekuleileinga ana hehei nemur pe tuturia mur ke te i nga muka pe Lia pe tutuna mur te nanas pe Retsel pe Iosep iri nga hoena.
968	GEN 33:7	Ke het pe Lia pe tutuna mur. Ke het pe Retsel pe Iosep. Iri lochloch te at pe te tualou sio pe te puo sue palpalria la nga Esau matana.
1020	GEN 35:8	Pe Tipora nenge nauelele Repeka nga i kino ngana, mete nga lamau pe te alohite i nga ae ouk e ene rochroi langa kileng nenge Petel. Ana ae mes nga kileng Petel ilina hele nenge sio. Pe te hetetue ae neu ke ene Alon-Pakut. Luna laka; ae Ouk nenge tanginga ana.
1028	GEN 35:16	Iok, Iakop pe nena hana mur te lohaka nga kileng nenge Petel pe te i ke ramaria la nga kileng e nge ene Eprata. Te i ke te lala kura pe Retsel ana etue at sapele nenge lape hoho.
1030	GEN 35:18	Nga etue nenge Retsel hoho eingana sio hakaka iange metmete lo. Ol pe eingana tah heulo pe hetue tuna tamane ngana neu ke ene laka Pen-Oni. Pe ero, temene Iakop hetue ke ene Pensamin.
1031	GEN 35:19	Ke Retsel mete pe te alohite i nga kue ilina. Nga kue nenge song ke lange Eprata (pe heueu nei te hetue ke ene laka Petlehem).
1032	GEN 35:20	Pe Iakop hemes heke um sase ngana e ke heilangia Retsel mangana. Ke heueu nei, um neu kou mes kura.
1034	GEN 35:22	Nga etue nenge Israel tunga kileng neu, longe nge te teke Rupen teu ke la maluluch nge temene nehei e pule nenge ene Pilah. Iakop tutuna mur iri analoch pe nai (12):
1035	GEN 35:23	Liah tutuna mur: Pe tuna tengene ana nge Iakop laka Rupen. Ke het pe Simion pe Liuai pe Iuta pe Isakar pe Sepulon.
1036	GEN 35:24	Pe Retsel tutuna mur laka: Iosep pe Pensamin.
1037	GEN 35:25	Pe Retsel nena hekuleileinga ana hei nenge ene Pilah tutuna mur laka: Tan pe Naptali.
1045	GEN 36:4	Iok, Esau nehei Ata hoe Elipas pe Pasemat hoe Reuel,
1051	GEN 36:10	Esau tutuna nemur nenge tatamanna eria mur koi nei: Esau nehei nenge ene Ata tuna laka Elipas pe nehei nenge ene Pasemat tuna laka Reuel.
1054	GEN 36:13	Iok, Reuel tutuna nemur nenge tatamanna eria mur koi nei: Nahat pe Sera pe Sama pe Misa. Ke Esau nehei nenge ene Pasemat nena tete mur ia iri.
1058	GEN 36:17	Pe nga hoena Esau tuna tamane ngana nenge ene Reuel tutuna nemur nenge tatamanna te lohot ke iri hana papalunga. Ke eria mur koi nei: Nahat pe Sera pe Sama pe Misa. Hana papalauna nemur te lohot nge Reuel pe te nauelele reria hana mur nga tuele kina nenge Itom. Pe Esau nehei nenge ene Pasemat nena tete mur ia iri.
1078	GEN 36:37	Pe nga etue nenge Samla mete, Saul nenge nena nge Reopot mene munna ke i naunga-ala ana non. Kileng Reopot tu rochroi nga ech tana palaungana nenge Uprates.
1105	GEN 37:21	Pe tiria nenge soke ene Rupen. Ana non longe ke mau pe teke poi ala ana pe hele lange iri ke teke, “Ah! ta hune i ero.
1106	GEN 37:22	Ta in toho ero. Ta sau teu mene i langa ech matana ana polo e nga ich sana lomona nei.” Rupen hele ke pomau iange teke mene hot kome i pe mene i ke la mule ia nge temene.
1113	GEN 37:29	Iok, Rupen la mule nga ech matana ana polo pe nau pe Iosep i ero. Ol pe ta chachia nena hengeron.
1275	GEN 42:22	Pe Rupen hele, “Ia iau mai e hele ke mere lange imo? E hele ke e teke a poia poinga nem lange kol nem ero. Pe imo a longo taua iau ero. Ke heueu lape ta takisia ara melmelenga ke ta tuacholia eina.”