3	GEN 1:3	Na Nguluwi nakalonga, “Kuwe kubunguzuche,” baho kubunguzuka.
24	GEN 1:24	Kahi Nguluwi nakalonga, “Isi nailavye vilumbigwe vyeng'ha viwele vikomu, vyakudimigwa hakaye, vilingutambala, na vilingikala kisolo chila chilumbigwe kwa nhanzi zawo.” Iwa hihyo.
41	GEN 2:10	Kwali na lwanda ako Edeni luwele lubohoka mazi na kukanweza ako kamgunda, kulawila ako lwanda alo nalugawanuka kuwa nzanda zine.
44	GEN 2:13	Itagwa lya lwanda lwa keli ndo Gihoni, alo lwanguzunguluta honhu heng'ha ha Kushi.
65	GEN 3:9	Ila Mkulu Nguluwi nakamchema ayo mlume, “Kwa kohi?”
69	GEN 3:13	Aho Mkulu Nguluwi nakamuuza ayo mdala, “Kudita choni hegwe?” Mdala nakamwidichila, “Izoka nalimbada, na heni ndiya.”
70	GEN 3:14	Hamba Mkulu Nguluwi nakalilonjela izoka, “Kwa vila nakudita ahyo, nakupanjilwa kusinda migongolo jeng'ha ja kufujigwa, na migongolo jeng'ha ja kisolo. Kwa lida kotambala, na kulya nhimbwisi mazuwa gose ga ukomu wa hegwe.
73	GEN 3:17	Hamba nakamlonjela Adamu, “Kwa vila hegwe nakumhulichiza mdala wa hegwe, nakulya mafuza ga mgodi wondiwalajize mleche kulya, ahyo, kwa wihe wa hegwe isi ipanjilwa. Kwa kitunya kochipalila chilyo cha hegwe, mazuwa gose ga ukomu wa hegwe.
75	GEN 3:19	Kwa chituguti kopala chilyo, mbaka louhiluka kuli misanga koulawile, mina hegwe kwa misanga, na kuli misanga kohiluka.”
81	GEN 4:1	Adamu nakawasa na mdala wa heye, na heye nakawa na himila, nakamponda Kaini. Hawa nakalonga, “Ndimponda mwana msongolo kwa utanzi wa Mkulu Nguluwi.”
82	GEN 4:2	Hamba nakamponda mkulugwe Abeli nayawele mdima ming'holo na Kaini nayali mlimi.
83	GEN 4:3	Mhela udo hela, Kaini nakamlavila Mkulu Nguluwi nhambiko ya mbena ya kumgunda,
85	GEN 4:5	ila nahanojezwe na Kaini na nhambiko ya heye. Lelo Kaini nakazudila ng'hatu na kumeho kwa heye nakwali kukwisimbale.
86	GEN 4:6	Mkulu Nguluwi nakamlonjela Kaini, “Lekachoni kwanguzudila, na lekachoni kumeho kwa hegwe kukwisimbala?
88	GEN 4:8	Hamba Kaini nakamlonjela Abeli mng'holoze, “Tuche honhu kutali na mgunda.” Lelo lowali kumgunda Kaini nakamvada Abeli mng'holoze na kumkopola.
89	GEN 4:9	Mkulu Nguluwi nakamuuza Kaini, “Mng'holozo Abeli kakohi?” Kaini nakamwidichila, “Heni sivizelele. Ndaze, heni nda mwamizi wa mng'holozangu?”
92	GEN 4:12	Wone ulime misanga hajikugalila kahi mbena ng'oo. Kowa munhu wa kulubaluba, yalihela honhu hatanganiche ha kikala.”
93	GEN 4:13	Kaini nakamlonjela Mkulu Nguluwi, “Utaguso wa heni wowa ukulu ng'hatu, siweza kwimilila hebu.
95	GEN 4:15	Ila Mkulu Nguluwi nakamwidichila, “Hebu! Yokukopola hegwe Kaini, kohilulilwa mala saba.” Lelo Mkulu Nguluwi nakamuwika Kaini ulajilo wa kumdita munhu yoneche yomona yaleche kumkopola.
96	GEN 4:16	Hamba Kaini nakoka kumwando kwa Mkulu Nguluwi, kawa yochikala kuli isi ya Nodi nzingo ya kolilawilaga isanya mwa kamgunda ka Edeni.
97	GEN 4:17	Kaini nakawasa na mdala wa heye, na heye kawa na himila, nakamponda Enoki. Kaini nakazenga muji nakauchema Enoki itagwa lya mwana wa heye.
104	GEN 4:24	Wone Kaini kohilusilwa mala saba, ndangukomya Lameki kohilusilwa mala makumi saba na saba.”
105	GEN 4:25	Adamu nakawasa kahi na Hawa mdala wa heye, na heye nakaponda mwana mlume, kamchema Seti. Yolonga, “Nguluwi kengalila mwana honhu ha Abeli yakopoligwe na Kaini.”
110	GEN 5:4	Kulawila aho, Adamu nakekala miyaka miya nane, na kuwa na wana wanji walume na wadala.
115	GEN 5:9	Mhela Enoshi loyali na miyaka makumi tisa, nakawa mhaza wa Kenani.
116	GEN 5:10	Loyampondile Kenani, Enoshi nakekala miyaka miya nane na kumi na jihano, na kuwa wana wanji walume na wadala.
118	GEN 5:12	Mhela Kenani loyali na miyaka makumi saba, nakampata Mahalaleli.
119	GEN 5:13	Loyampondile Mahalaleli, Kenani nakekala miyaka miya nane na makumi gane, nakawa wana wanji walume na wadala.
120	GEN 5:14	Kenani nakabagama loyali na miyaka miya tisa na kumi.
153	GEN 6:15	Koidita iwe kota hino, utali wa mita miya imwe na makumi gadatu na zidatu na ugazi wa mita makumi meli na mbili na mita kumi na zidatu kuluta kuchanya.
156	GEN 6:18	Ila ndowika ilagano na hegwe. Kokwinjila mli safina, hegwe hamwe na mdala wa hegwe na wanago na wadala wawo.
159	GEN 6:21	Kahi uhole vilyo vyeng'ha vilinguligwa, uwiche kwa mbuli ya chilyo cha hemwe na vilumbigwe avyo.”
195	GEN 8:11	Ng'hunda ayo naimhiluchila Nuhu matinazo iwele na iputi lidodi lya mzeituni mumlomo mwake. Kwa chiwalo acho Nuhu nakavizela kota mazi gali gaswinile muisi.
205	GEN 8:21	Kunhunyhilila goya kwa nhambiko ayo na kumnojeza Mkulu Nguluwi, na heye nakalonga mnhumbula mwake, “Siwila kahi kuipanjila isi kwa mbuli ya wanhu, ndivizela kota majesa ga heye ndo wihe kulawila udodo. Na sivibagamiza kahi vilumbigwe vyeng'ha kota vyonditile.
206	GEN 8:22	“Kota vyoichikala isi, mihela ja kunyala na mbena, na ja mbeho na ivuche, na luhela na chipalangule, na nechilo na nemisi, hagomala.”
218	GEN 9:12	Kahi Nguluwi nakalonga, “Achi ndo chilajilo cha ilagano londidita kwa heni na hemwe na chila chilumbigwe chikomu chiwele hamwe na hemwe kwa lulelo lweng'ha lulinguya,
224	GEN 9:18	Wana wa Nuhu walawile mli safina nawali Shemu na Hamu na Yafeti. Hamu nayali mhaza wa Kanaani.
228	GEN 9:22	Hamu, mhaza wa Kanaani, nakawona umwazi wa mhaza wa heye, nakalawa kunze na kuwalonjela wang'holoze weli.
231	GEN 9:25	nakalonga, “Kanaani yapanjilwe! Kowa chitumagwa wa vitumagwa kwa wang'holoze.”
232	GEN 9:26	Kahi nakalonga, “Shemu nayatambichizwe na Mkulu Nguluwi, Nguluwi wa Shemu, Kanaani nayawe chitumagwa wa heye.
233	GEN 9:27	Nguluwi nayamtambichize Yafeti, yekale kuli chibumuli cha Shemu, Kanaani nayawe mpogozi wa heye.”
239	GEN 10:4	Wana wa Yavani nawali Elisha na Talishishi na Kitimu na Dodanimu.
241	GEN 10:6	Wana wa Hamu nawali Kushi na Misili na Puti na Kanaani.
242	GEN 10:7	Wana walume wa Kushi nawali Seba na Havila na Sabuta na Lahama na Sabuteka. Wana walume wa Lahama nawali Sheba na Dedani.
243	GEN 10:8	Kushi nayali mhaza wa Nimulodi yawele na mong'ho wa mwaluko muisi yeng'ha.
245	GEN 10:10	Miji ja mwaluko ja undewa wa heye, najali Babiloni na Eleki na Akadi na Kalinehi, kuli isi ya Shinali.
246	GEN 10:11	Kulawila ako, Nimulodi nakaluta Ashulu, nakazenga miji ja Ninawi na Lehoboti-ili na Kala na
247	GEN 10:12	Leseni uwele hagati ha Ninawi na muji ukulu wa Kala.
250	GEN 10:15	Kanaani nayali sekulu wa Sidoni, mlelwa wa heye wa mwaluko, na Heti
253	GEN 10:18	na Waaluvadi na Wasemali na Wahamati. Hamba wanhu wa nhanzi zinjizinji za Kanaani nawasambaluka,
267	GEN 10:32	Ayi ndo mbuli ya lukolo lwa wana wa Nuhu, kwa ivyazi lya hewo na ulonzi wa hewo. Kulawa kwa wanhu awo nawenela kuli nhanzi zeng'ha loimalile nhonya ya mazi tendema.
298	GEN 11:31	Tela nakamhola Abulamu mwanage na Loti mzukulu wa heye, nayawele mwana wa Halani, na Salai mchewake Abulamu, nawoka weng'ha hamwe kulawa Uli, muji wa Wakalidayo, kuluta kuli isi ya Kanaani. Ila lowafichile Halani, nawekala.
302	GEN 12:3	Yokutambichiza, ndomtambichiza, yokupanjila, ndompanjila. Kwa kukolela hegwe, ndozitambichiza nhanzi za isi zeng'ha.”
304	GEN 12:5	Abulamu nakamhola mdala wa heye Salai, na Loti mwana wa mng'holoze, hamwe na lufufu lwao lweng'ha na wanhu weng'ha nawawaholile ako Halani, nawoka kuluta isi ya Kanaani. Nalowenjile isi ya Kanaani,
324	GEN 13:5	Kahi, Loti nayawele yelongoze na Abulamu, nayali na ming'holo na misenga na mihema.
327	GEN 13:8	Lelo Abulamu nakamlonjela Loti, “Kowa hela nongwa hali hetwe na kuleche kulawila kilewa kwa wadimi wa hegwe na wadimi wa heni, kwa vila hetwe twa ivyazi limwe.
331	GEN 13:12	Abulamu nakapona muisi ya Kanaani na Loti nakekala hagati ha miji jiwele mibindi, nakaluta kikala behi na Sodoma.
338	GEN 14:1	Mhela awo, mndewa Amlafeli wa Shinali na mndewa Alioko wa Elasali na mndewa Kedolilaomeli wa Elamu na mndewa Tidali wa Goiimu,
341	GEN 14:4	Mhela wa miyaka kumi na mili nawali womhulichiza mndewa Kedolilaomeli, ila louwele mwaka wa kumi na midatu, nawamhinduka.
342	GEN 14:5	Loufichile mwaka wa kumi na jine, mndewa Kedolilaomeli na wala wandewa wayage nawoya kuwatowa wanhu wa Lefaimu ako Ashitaloti-kalinaimu na Wasusimu ako Hamu na Waemi ako Shawe-kiliataimu
344	GEN 14:7	Hamba nawahiluka kumbele mbaka Enimishipati, ilinguchemigwa Kadeshi, na nawaitowa isi yeng'ha ya Waamaleki na kuwasumya Waamoli nawekale Hasasoni-tamali.
346	GEN 14:9	na Kedolilaomeli mndewa wa Elamu na Tidali mndewa wa Goiimu na Amlafeli mndewa wa Shinali na Alioko mndewa wa Elasali, wandewa wane wochitowa na wandewa wahano.
354	GEN 14:17	Abulamu loyahiluche nayamtowile Kedolilaomeli na wayage, mndewa wa Sodoma nakalawa kuluta kumbochela kuli ibindi lya Shawe, naliwele nguchemigwa ibindi lya mndewa.
384	GEN 16:2	Lelo Salai nakamlonjela Abulamu, “Kuvizela kota Mkulu Nguluwi hamhele lulelo lwa kuponda wana. Umhole Hagali chitumagwa wa heni mdala, hanji ndopata wana kwa kukolela heye.” Abulamu nakakunda ulonzi wa Salai.
385	GEN 16:3	Hamba, Salai nakampa Abulamu Hagali, chitumagwa wa heye mdala yalawile Misili yawe mchewake. Aga nagalawila Abulamu nayekalile Kanaani kwa mhela wa miyaka kumi.
392	GEN 16:10	Kwa ago geng'ha, mhilisi wa Mkulu Nguluwi nakamlonjela Hagali, “Ndokonjezela lulelo lwako mbaka walemwele kuwazigwa kwa winji wa hewo.”
394	GEN 16:12	Ishimaeli kochikala kota idogowi lya kisolo, kowa mng'honyo wa chila munhu, na chila munhu kowa yamwihilwe. Kochikala yawele mwihe wa ivyazi lyake.”
395	GEN 16:13	Lelo Hagali nakampa itagwa Mkulu Nguluwi loyasimile na heye ako, “Hegwe ndo Nguluwi yalingumbona heni” Kwa vila nakejesa, “Ndangukomya aha ndimona heye yalingumbona heni.”
396	GEN 16:14	Ndo mina lila izimbo lyanguchemigwa Beeli-lahai-loi. Izimbo ali lya hagati ha Kadeshi na Beledi.
402	GEN 17:4	“Ndanguwika ilagano ali na hegwe. Kowa mhaza wa nhanzi nyinji.
403	GEN 17:5	Kulawila sambi, huchemigwa kahi Abulamu, ila kochemigwa Abulahamu, mina ndikudita uwe mhaza wa nhanzi nyinji.
406	GEN 17:8	Ndokupa hegwe na lulelo lwako isi ayi youlingikala kota mjenzi, mina isi yeng'ha ya Kanaani iwe ya hemwe mazuwa gose, na heni ndowa Nguluwi wa hewo.”
407	GEN 17:9	Hamba Nguluwi nakamlonjela Abulahamu, “Kwa banzi ya hegwe, hegwe kolibatilila ilagano lya heni, hegwe na lulelo lwako lweng'ha na lulelo lwao lweng'ha.
433	GEN 18:8	Kahi Abulahamu nakahola mtindi na matombo na ajila miwunde ja ibuguma jiwele jisomigwe goya, na kuwawichila wajenzi awo chilyo, na heye nakema behi na hewo kuwaditila nalowali wolya hasi ha igodi.
434	GEN 18:9	Awala wajenzi nawamuuza, “Mdala wa hegwe Sala kakohi?” Abulahamu nakawedichila, “Kamchibumuli.”
447	GEN 18:22	Kulawa baho, wala wanhu nawebatilila nzila ya kuluta Sodoma, ila Abulahamu nayang'hali yemile hali Mkulu Nguluwi.
450	GEN 18:25	Ndangijesa kota hudita ahyo hebu. Kuwakopola wanhu wanojile hamwe na wehile, wanojile kuditilwa kota wehile. Hebu! Mtagusa wa isi yeng'ha holeka kutagusa gawele goya.”
454	GEN 18:29	Abulahamu nakonjezela kulonga, “Hanji wanhu makumi gane wawele amo.” Nguluwi nakamwidichila, “Kwa mbuli ya wanhu wanojile makumi gane, sidita ahyo.”
456	GEN 18:31	Abulahamu nakalonga, “Nanjeza kulonga na Mkulu kwa nhumbula ikangale. Hanji wowa baho wanhu wanojile makumi meli.” Nguluwi nakamwidichila, “Kwa mbuli ya awo wanhu makumi meli wanojile, siubagamiza hebu.”
457	GEN 18:32	Hamba Abulahamu nakalonga, “Mkulu, ndangulanda uleche kunzudila, ila ndolonga kahi kamwe hela. Ndaze, wone wawe wanhu wanojile kumi, yowa ndaze?” Mkulu Nguluwi nakamwidichila, “Kwa mbuli ya awo wanojile kumi, siubagamiza muji awo.”
497	GEN 20:1	Kulawila Mamle, Abulahamu nakenula majendo kulutila Negebu, nakadita luga lwake hagati ha Kadeshi na Shuli, hamba nakaluta kikala ako Gelali kwa mhela uchefu.
501	GEN 20:5	Heye Abulahamu ndo yalonjile kota ayu mdala ka lumbulye. Kahi na heye Sala nakalonga kota Abulahamu kalumbu wa heye. Heni ndita vyonditile kwa nhumbula igoloche ndahela nongwa.”
505	GEN 20:9	Baho, Abimeleki nakamchema Abulahamu, na kumuuza, “Nakutuditila choni? Lekachoni nakunyambuza heni kudita gehile na sambi Nguluwi kangugana kungaza heni na undewa wa heni? Kunditila mbuli zohaziganigwa kuditigwa.”
508	GEN 20:12	Kuleka kwa ago, ndangukomya, heye ka lumbulyangu, mhaza wa heye na mhaza wa heni ndo yumwe, ila hatihanzile mamo, ndo mina kawa mchewangu.
524	GEN 21:10	Sala nakamlonjela Abulahamu, “Umuwinje chitumagwa ayo mdala hamwe na mwanage. Kwa vila hohalila hamwe na mwana wa heni Isaka.”
531	GEN 21:17	Nguluwi nakamhulika mwana ayo yolila, na mhilisi wa Nguluwi nakamchema Hagali kulawila kilanga, na kumlonjela, “Kuna nongwa yachi Hagali? Uleche kudumba, Nguluwi nakahulika lizi ya mwana ako kouwele.
537	GEN 21:23	Lelo ndilahile kwa itagwa lya Nguluwi kota hunditila uhadi heni ama wana wa heni ama walelwa wa heni. Kota heni vyombele nojile kwa hegwe, hihyo nagwe uwe na igano lya kwimilila kwa heni na kwa isi ino youlingikala.”
562	GEN 22:14	Lelo Abulahamu nakahachema honhu aho, “Mkulu Nguluwi kotigalila.” Kota vyoilingulonjigwa mazuwa aga, “Kuli chidunda cha Mkulu Nguluwi kotigalila.”
566	GEN 22:18	Kulawa kwa walelwa wa hegwe wanhu wa isi zeng'ha wotambichizwa kwa vila hegwe nakwidichila ilajizo lyangu.”
569	GEN 22:21	Usi mlelwa wa mwaluko na Busi mng'holoze na Kemueli mhaza wa Alamu
570	GEN 22:22	na Kesedi na Haso na Pilidashi na Yidilafu na Betueli.
572	GEN 22:24	Kulawila aho, Leuma mha wa Naholi nayawele kota mchewake, kahi nakampondela wana, Teba na Gahamu na Tahashi na Maaka.
574	GEN 23:2	Nakabagama ako Kiliati-aliba, ako Hebuloni kuli isi ya Kanaani. Abulahamu nakalombocheza na kumditila matanga mchewake Sala.