23214	MAT 1:1	Kui= xujunbi xi ndibatꞌa jaꞌenre xuta chingare Jesucristo. Jesucristo jaꞌeni ntjere David xi jaꞌba je jaꞌeni ntjere Abraham.
23215	MAT 1:2	Abraham, kui xi kuán naꞌenre Isaac. ꞌBa Isaac, kui xi kuán ngani naꞌenre Jacob. ꞌBa Jacob, kui xi kuán naꞌenre Judá ko ntsꞌe.
23216	MAT 1:3	Judá, kui xi kuán ngani naꞌenre Fares ko Zara ꞌba Tamar xi kuán nare. ꞌBa Fares, kui xi kuán naꞌenre Esrom. ꞌBa Esrom, kui xi kuán naꞌenre Aram.
23217	MAT 1:4	ꞌBa Aram, kui xi kuán naꞌenre Aminadab. ꞌBa Aminadab, kui xi kuán naꞌenre Naasón. ꞌBa Naasón, kui xi kuán naꞌenre Salmón.
23220	MAT 1:7	ꞌBa Salomón, kui xi kuán naꞌenre Roboam. ꞌBa Roboam, kui xi kuán naꞌenre Abías. ꞌBa Abías, kui xi kuán naꞌenre Asa.
23221	MAT 1:8	ꞌBa Asa, kui xi kuán naꞌenre Josafat. ꞌBa Josafat, kui xi kuán naꞌenre Joram. ꞌBa Joram, kui xi kuán naꞌenre Uzías.
23222	MAT 1:9	ꞌBa Uzías, kui xi kuán naꞌenre Jotam. ꞌBa Jotam, kui xi kuán naꞌenre Acaz. ꞌBa Acaz, kui xi kuán naꞌenre Ezequías.
23223	MAT 1:10	ꞌBa Ezequías, kui xi kuán naꞌenre Manasés. ꞌBa Manasés, kui xi kuán naꞌenre Amón. ꞌBa Amón, kui xi kuán naꞌenre Josías.
23226	MAT 1:13	ꞌBa Zorobabel, kui xi kuán naꞌenre Abiud. ꞌBa Abiud, kui xi kuán naꞌenre Eliaquim. ꞌBa Eliaquim, kui xi kuán naꞌenre Azor.
23227	MAT 1:14	ꞌBa Azor, kui xi kuán naꞌenre Sadoc. ꞌBa Sadoc, kui xi kuán naꞌenre Aquim. ꞌBa Aquim, kui xi kuán naꞌenre Eliud.
23230	MAT 1:17	ꞌBa ꞌbatsaꞌen teñujun kaꞌa xuta chinga jaꞌa jendibani Abraham kaꞌnda David. ꞌBa jaskan ꞌba nde teñujun kaꞌa xuta chinga jaꞌa jendibani David kaꞌnda nga kichani nga tjinduꞌñu xuta Israel nangi Babilonia. ꞌBa jaskan nga je kichani nga tjinduꞌñu xuta Israel nangi Babilonia, ꞌba nde ngiteñujun kaꞌa xuta chinga jaꞌa ngani kaꞌnda nga kitsin Cristo.
23260	MAT 2:22	Tunga kionga Kuse kjintꞌe en nga Arquelao tibatexuma nangi Judea ngaꞌndere Herodes xi naꞌenre mani, kitsakjun nga kuaje kio. Tunga kitsaꞌe chini titjúnre nga kikꞌinyare nga kuaje nangi Galilea.
23270	MAT 3:9	Bi yojonu ꞌbejñujin_ru nga kuixiun: “Ña= xi ntjere Abraham.” Ngatꞌa ꞌba xinkixi_nuu̱ nga kaꞌnda kui ndiojobi Naꞌenchana ku̱anre saꞌen ntjere Abraham.
23272	MAT 3:11	An ko nanda batenda_nuu̱ tuxi xianire nga je kjinikꞌantjaiyo kjuafaꞌetsjennu ꞌba nga je jendiba ngañu ngixkun Naꞌenchana. Tunga xi ndiba jaskanre an, kui= xi ngisa tjinre kjuaꞌñu, kaꞌnda an bi bakinna̱ kuaꞌatuntsjaa̱ jndere. Kui ko Isennixtjintsjere Naꞌenchana ꞌba ko ndiꞌi kuatendaninu.
23275	MAT 3:14	Tunga Juan bi kitsikjain nga titjunre ꞌba kitsure: —An= xi ji kuatendanaa̱ tsakaiñu. ¿Jótsaꞌen nga an tendibachunnaa̱ nga kuatendara̱?
23296	MAT 4:18	Kionga Jesús tsuꞌba ndai ndachikun Galilea, tsabe jó nchja xi ntsꞌe mani, kui xi Simón xi ꞌba nde Pedro ꞌmi ꞌba ko Andrés. Xi inyakanikjaꞌa naꞌya tire ngajin nando, ngatꞌa kui tsuba tjiuti.
23394	MAT 7:9	’¿A tjin ngajinnu xi tu ndiojo= tsjare kiꞌndire, kionga miꞌare niñuxtila?
23401	MAT 7:16	Xiañu jó kun nchjabiu kionga xio mé= xi saꞌen. Ngatꞌa mé= xi tsaꞌen xuta, kui jo=ni tu xi bajare jngu yantje. ¿A ngijña naꞌya xi bajare uva? ¿A yanaꞌya xi bajare tu higo?
23421	MAT 8:7	ꞌBa Jesús kitsure: —An= kjuitsindaa̱.
23425	MAT 8:11	ꞌBa xin_nuu̱ nga ne nkjin xuta kjuendibani tuña ngaꞌndeñu nga kꞌuendutꞌako yamixa nga ñatjen kuakjenko Abraham ko Isaac ꞌba ko Jacob ña batexuma Naꞌenchana.
23443	MAT 8:29	ꞌBa nchjabiu kitsu nga kiskjiꞌndaya: —Ji Jesús, Kiꞌndire Naꞌenchana, ¿mé= xi tjinri ngatꞌa tsajain? ¿A tjen jaꞌenikjaꞌanii̱ kjuanima kionga kje fechujín nixtjin?
23453	MAT 9:5	¿Ñáre xi ngojó enbi bi naꞌen tjinre nga xia̱n? ¿A kio=nga xia̱n: “Je kuachatꞌari jeri”? ¿Asa kio=nga xia̱n: “Tisetjen ꞌba titjajme”?
23463	MAT 9:15	ꞌBa Jesús kitsingojore: —¿A ma ba sꞌere xuta xi tjindu ngajin kjuabixan kionga tijñajin ngisare xi xiꞌiun? Tunga kjuaꞌe nixtjin nga xjaꞌaxinre xi xiꞌiun, ꞌba kio=nga kꞌuendu kjindia.
23476	MAT 9:28	ꞌBa kionga Jesús jaꞌasꞌen ndaba, kio jaꞌekun xuta kabiu. ꞌBa Jesús tsiningiyare: —¿A makjainnu nga ku̱anna̱ saꞌaa̱n mé= xi mejénnú? ꞌBa nchjabiu kitsu: —Jun, naꞌen.
23488	MAT 10:2	ꞌBi kikꞌin nchja chinga apóstol xi tejó: xi titjun Simón xi ꞌba nde kjiꞌyaxkunre Pedro, ꞌba ko Andrés xi ntsꞌe mani; Santiago ko Juan xi kiꞌndire Zebedeo;
23489	MAT 10:3	Felipe ko Bartolomé; Tomás, Mateo xi kiskjebechjintjai tsajmi ngatꞌare Roma; Santiago kiꞌndire Alfeo, ꞌba ko Tadeo;
23502	MAT 10:16	’Tenijin kakun. An tetsikasen_nuu̱ joni chutsanga ngajinre tjiundsejen. Ngu nkjinkakun ngatjamo tsuꞌba joni tjiuye, ꞌba indakjua ngatjamo joni tjiunise xi paloma ꞌmi.
23515	MAT 10:29	’¿A bi sateña jó tjiunise kiꞌndi nga tu chu̱ba̱ ton xkua? Tunga nijnguú tjiunise kuejen tꞌanangiu, tsa Naꞌennu bi mejénre.
23531	MAT 11:3	tuxi skuiningiyanire: —¿A ji= ni xi techuya_ri̱? ¿Asa kjaꞌe= xi xuya_ri̱?
23535	MAT 11:7	ꞌBa kionga je inyafi ngani xutare Juan, Jesús ꞌetutsꞌinre nga kinchja ngatꞌare Juan, ꞌba kitsure xutankjiun: —¿Mé= xi tsanginchutsejen_ru ngaꞌnde tꞌaxin? ¿A jngu yanaxu xi titsiteya ntjo?
23536	MAT 11:8	Tsa bi kui, ngu, ¿mé= xi tsanginchutsejen_ru? ¿A jngu xuta xi yaja najñu xi tsja kjiꞌi? Tunga xi baja najñu xi tsja kun, kui= xi tjindu ndaba rey.
23537	MAT 11:9	Tunga, ¿mé= xa ꞌetjuñu? ¿Asa tsanginchutsejen_ru jngu profeta? Jun, kui. ꞌBa xin_nuu̱ nga Juan xi ngisa je ngisa nga ko mare nchja chinga profeta xi yakꞌa.
23538	MAT 11:10	Ngatꞌare Juan nga ꞌbitsaꞌen kuaꞌindutꞌa enre Naꞌenchana: An tetsikasentitjunra̱ xi yaꞌa enna̱. Kui xi kꞌuendatitjun ndiyari.
23553	MAT 11:25	ꞌBa kui nixtjinbiu ꞌbi kitsu Jesús: —An tetsjara̱ kjuanda, Naꞌen xi tseꞌe ngankꞌaa ꞌba ko tꞌanangiu. Ngatꞌa kikꞌejñatsejen_ri xuta xi bi mare xujun mé= xi kikꞌejñaꞌmo_ri xuta nkjin kakun ꞌba xi mankjinre mé= xi tjin.
23561	MAT 12:3	ꞌBa Jesús kitsure: —¿A kje ꞌbexkiyajíun ña kuaꞌindutꞌa mé= xi kitsaꞌen David, kionga kui ꞌba ko xi tjenko kuabojore?
23568	MAT 12:10	ꞌBa kio= tijña jngu xuta xi jaꞌeku ntsja. ꞌBa ꞌbatsaꞌen nchjabiu tsiningiyare Jesús, tuxi ku̱an kuangini: —¿A tixaꞌnde nga sindai nixtjin nga nikjaꞌaya?
23581	MAT 12:23	ꞌBa xutankjiun kuakunre ꞌba kitsure xinkjin: —¿A kui= tsé xutabi xi Ntjere David xi techuya_ra?
23587	MAT 12:29	’¿A tjin= xi ku̱an kjuaꞌasꞌen ndaba jngu xuta xi ꞌñu taja ꞌba kjuaꞌare tsajmi xi tjinre? Tjinnere nga tjun kueꞌñu nga ku̱an kjuaꞌare mé= xi tjinre ndaba xuto.
23636	MAT 13:28	ꞌBa xi naire kitsure: “Jngu xuta xi stikena̱ xi ꞌba kitsaꞌen.” ꞌBa chuꞌndare kitsu nganire: “¿A mejénri nga kuechjune?”
23659	MAT 13:51	’¿A je kuankjinnu ngayéje kibi? —kitsure Jesús nga tsiningiyare. —Jun —kitsu xutare.
23663	MAT 13:55	¿A bi tsa kiꞌndire chjine yo kibi? ¿A bi nare xi María ꞌmi? ¿A bi ntsꞌe mani Santiago ko Kuse ko Simón ꞌba ko Judas?
23664	MAT 13:56	¿A bi ngaꞌe tjindujinna ndichja ngayeje? Ngu, ¿ñá= kikjaꞌanire kjuankjinkakun ko kjuaꞌñubiu?
23693	MAT 14:27	Tunga taꞌa Jesús kitsure: —¡Tiꞌñu kakún! ¡An= ña̱! ¡Bi kun!
23714	MAT 15:12	ꞌBa ꞌbatsaꞌen xutare kitsitiñatꞌare Jesús ꞌba kitsure: —¿A ꞌyani nga xuta fariseo kuachꞌore ngatꞌare en xi kisji?
23718	MAT 15:16	ꞌBa Jesús kitsure: —¿A tojo kje mankjiínnu jun ngayeje?
23719	MAT 15:17	¿A bi ꞌyo nga ngayéje xi faꞌasꞌen ngaꞌa tsꞌa xuta, kui xi fi ngaya ngatsꞌa ꞌba saꞌe ꞌbetju ngani?
23750	MAT 16:9	¿A tojo kje mankjinnu? ¿A bi faꞌetsjennu nga ón niñuxtila yakjanyaa̱ ngajinre ón mi xuta ꞌba jó tjin nisin kjinitsio xkuare?
23793	MAT 17:24	ꞌBa kionga Jesús ko xutare echu naxinanda Capernaum, xuta xi kjebechjintjai ningu xi kjijña naxinanda Jerusalén kitsitiñatꞌare Pedro, ꞌba tsiningiyare: —¿A bi ꞌbechjintjai ningu maestruri?
23794	MAT 17:25	ꞌBa Pedro kitsingojo: —Jun, ꞌbechjintjai. ꞌBa kionga Pedro jaꞌasꞌen niꞌya ña tijña Jesús, Jesús tjun kitsure: —¿Jó sji ji, Simón? Rey xi tjin ngasunꞌndebi, ¿ꞌyá= xi tsikꞌechjintjai? ¿A xi tujngu naxinandare, asa xuta xi kjaꞌere?
23817	MAT 18:21	ꞌBa ꞌbatsaꞌen Pedro kitsitiñatꞌare Jesús ꞌba tsiningiyare: —Naꞌen, ¿jó tjin ndiya sichatꞌa_ra̱ ntsꞌia̱, tsa chꞌo sikona̱? ¿A kaꞌnda yatu ndiya?
23834	MAT 19:3	ꞌBa yakꞌa xuta fariseo kitsitiñatꞌare Jesús, ꞌba tsiningiyare tuxi skutꞌayakoni, ꞌba kitsure: —¿A ma jngu xuta tsikꞌejña chjunre tume kjuañu?
23835	MAT 19:4	ꞌBa Jesús kitsure: —¿A kje ꞌbexkiyajíun enre Naꞌenchana ña kuaꞌindutꞌa jotsaꞌen Naꞌenchana kitsinda xuta kaꞌnda nga tutsꞌinre? ꞌBi tsaꞌen kuaꞌindutꞌa: “Xiꞌin ko chjun kitsinda.”
23874	MAT 20:13	Tunga xi naire xo ꞌbitsaꞌen kitsingojore chuꞌnda xi ꞌba titsure: “Amigu, tumé tekjaꞌara̱. ¿A bi ꞌbatsaꞌen kasꞌendanina nga ꞌbatjin kꞌuechjira̱ jotjin jenre xuta nga jngu nixtjin?
23876	MAT 20:15	¿A bi tjinna̱ ndiyare nga sikua̱ tonna̱ jotsaꞌen mejénna̱? ¿Asa maxinri ngatꞌa nda= ña̱ xuta?”
23883	MAT 20:22	ꞌBa Jesús kitsingojore: —Jun bi ꞌyo mé= xi chjoꞌo. ¿A ku̱annu kuitjaxtiu kjuanima xi an kjuaꞌaxtia̱? ꞌBa nchjabiu kitsingojo: —Jun. Ku̱anni̱.
23911	MAT 21:16	ꞌBa nchjabiu kitsure Jesús: —¿A tenuꞌya=ni mé= xi inyatsuri nisti kiꞌndiu? ꞌBa Jesús kitsingojore: —Jun, tentꞌeña̱. ꞌBa ¿a kje ꞌbexkiyajíun enre Naꞌenchana ña kuaꞌindutꞌa kibi? ꞌBi tsaꞌen kuaꞌindutꞌa: Son xi ꞌbetju tsꞌa nisti kiꞌndi ko kiꞌndixu, kui son xi ꞌendare Naꞌenchana tuxi sichjinire.
23920	MAT 21:25	¿ꞌYá= xi kitsikasen Juan Bautista nga jaꞌekatenda xuta? ¿A Naꞌenchana, asa xuta ngasunꞌnde? ꞌBa ꞌbatsaꞌen joyare nchjabiu kibiu, ꞌba kitsure xinkjin: —Tsa kuixan nga Naꞌenchana kitsikasen, ngu kui kuetsu=na: “¿ꞌBa ánñu bi kuakjainninu xi kitsu Juan?”
23937	MAT 21:42	ꞌBa Jesús kitsure: —¿A kje ꞌbexkiyajíun enbi xi kuaꞌindutꞌa enre Naꞌenchana? Ngu ꞌbi tsu: Ndiojo xi nchja chjinexjo tsꞌaxjengi, kui= xi je kuán ndiojo titjun. Naꞌenchana xi ꞌba kitsaꞌen, ꞌba tu makun=na nga ꞌyaña.
23958	MAT 22:17	Kui kjua ꞌba tꞌinni̱, ¿jó sji? ¿A tixaꞌnde nga kꞌuechjintjai_ra xuta ngaku romano asa bi tixaꞌnde?
23973	MAT 22:32	“An= ña̱ Naꞌenre Abraham, Naꞌenre Isaac ꞌba Naꞌenre Jacob.” ꞌBa Naꞌenchana bi Naꞌenre mikꞌen kuán, tu tseꞌe sani xi tjindukun.
24004	MAT 23:17	Jun xuta chikun ꞌba ka. ¿Ñáre xi ngisa chjire? ¿A ton xi oro ni=, asa ningu ña tijña Naꞌenchana xi tsichikuntaꞌen ton xi oro ni?
24006	MAT 23:19	Jun xi xuta ka kuon. ¿Ñáre xi ngisa chjire? ¿A chje=, asa altar ña Naꞌenchana tsichikuntaꞌen chje=?
24022	MAT 23:35	Tuxi jun xꞌanijinñu jinre xuta kixi xi je kitisten ngasun tꞌanangiu. Chꞌanira jinre Abel, kaꞌnda tseꞌe Zacarías kiꞌndire Berequías, xi jun kjinikꞌion tꞌa altar xi kjijña ngankjain ningu.
24024	MAT 23:37	’¡Jun xuta tseꞌe Jerusalén, xi nikꞌion nchja chinga profeta ꞌba ꞌbe_ru ndiojo xuta xi nikasennu! ¡A tu nkjin ndiya kuamejénna̱ nga sikꞌenduku_nuu̱ jotsaꞌen tjiuxaꞌndo nga ꞌbendungitsꞌu kiꞌndire, tunga bi kuakjainnu!
24028	MAT 24:2	ꞌBa Jesús kitsure: —¿A teꞌyañu ngayéje kibi? Ngu ꞌba xinkixi_nuu̱ nga nijnguú ndiojo sꞌe̱jñasunre ngijngu ndiojo. Kuixuya yeje.
24031	MAT 24:5	Ngatꞌa ne nkjin xi yaꞌa jaꞌenna̱ kjuaꞌe ꞌba kuetsu: “An= ña̱ xi Cristo”, ꞌba ne nkjin xuta kꞌuejñure.
24148	MAT 26:25	ꞌBa Judas xi singantsja, tsiningiyare: —¿A an= ña̱, maestru? —Ji xi je ꞌba kisji —kitsure Jesús.
24163	MAT 26:40	ꞌBa jaskan Jesús jendiba ngani ña tjindu xutare, ꞌba kjiyufe nga echu. ꞌBa kitsure Pedro: —¿A nijnguú chu̱ba̱ kichukjuanu nga tsiketsubachunkonu?
24168	MAT 26:45	ꞌBa ꞌbatsaꞌen jendiba ngani ña tjindu xutare, ꞌba kitsure: —¿A tojo tetsjujñafe=ñu ꞌba tenikjaꞌaya=ñu? Je jaꞌe chu̱ba̱ nga Kiꞌndire Xuta xiꞌiun ku̱angantsja ngaya ntsja xuta je.
24173	MAT 26:50	ꞌBa Jesús kitsingojore: —Amigu, tijngui xa xi jaꞌeni. ꞌBa kio nchja xi yakꞌa kitsitiñatꞌare Jesús ꞌba kitsuba.
24176	MAT 26:53	¿A bi ꞌye nga ku̱an skuiꞌa_ra̱ Naꞌenna̱ nkjin mi ankje, ꞌba kui sikasenfani ngandaꞌe?
24184	MAT 26:61	xi ꞌbi kitsu: —Kui xutabi kitsu: “An ku̱an=na̱ sikixuyaa̱ ningure Naꞌenchana ꞌba ján nixtjin skjenitjen ngañaa̱.”
24185	MAT 26:62	ꞌBa ꞌbatsaꞌen naꞌmi titjun tsisetjen ꞌba tsiningiyare Jesús: —¿A tumé singuaje ngatꞌare mé= xi inyabanejeri?
24209	MAT 27:11	Ngu Jesús sejña ngixkun xuta titjun Pilato, ꞌba kui ꞌbitsaꞌen tsiningiyare: —¿A ji= ni reyre xuta judío? ꞌBa Jesús kitsingojore: —Ji xi je ꞌba kisji.
24211	MAT 27:13	ꞌBa kio Pilato kitsure: —¿A bi tenuꞌye mé= xi inyatsu ngatꞌari?
24215	MAT 27:17	ꞌBamani, kionga je kuañajanni xuta, Pilato tsiningiyare: —¿ꞌYá= xi mejénnú nga sikꞌejñandai_nuu̱? ¿A Barrabás=, asa Jesús xi Cristo ꞌmi=?
24255	MAT 27:57	ꞌBa kionga je tjimaꞌña, jaꞌe jngu xuta nyina xi Kuse ꞌmi xi tseꞌe nangi Arimatea. Xi ꞌba nde xutare Jesús kuán.
24286	MRK 1:2	ꞌBitsaꞌen kuaꞌindutꞌa xujunre xuta chinga profeta Isaías: An tetsikasentitjunra̱ xutana̱ xi beꞌeya nijmi. Kui xi kꞌuejñandatitjun ndiyari.
24292	MRK 1:8	An tebatenda_nuu̱ ko nanda; tunga kui ko Isennixtjintsjere Naꞌenchana kuatendanu.
24300	MRK 1:16	ꞌBa tifaꞌa Jesús ngandai ndachikunre Galilea, kionga tsabe Simón ꞌba ko ntsꞌe xi Andrés ꞌmi. ꞌBa naꞌya tire inyakanikjaꞌajin nando, ngatꞌa kui nchjabiu xi ti= tsuba.
24301	MRK 1:17	ꞌBa Jesús kitsure: —Jun naꞌen, ndetjennginu. An saꞌen_nuu̱ nchja xi ꞌbeku xuta.
24308	MRK 1:24	—Ji Jesús tseꞌe Nazaret, ¿mé= xi tjinri ngatꞌa tsajain? ¿A jaꞌenikjekjuanii̱? ꞌBe=ña̱ ꞌyá= ni ji. Ji= ni xuta tsjere Naꞌenchana.
24313	MRK 1:29	ꞌBa kionga ꞌetju niꞌya sinagoga, Jesús kiji ko Santiago ꞌba ko Juan ndaba Simón ko Andrés.
24338	MRK 2:9	¿Méñu xi ngisa bi naꞌenre nga xin_ra̱ xuta xi bi ma fiu? ¿A nga xin_ra̱: “Je kuachatꞌari jeri”, asa nga xin_ra̱: “Tisetjen, chjube kuxta xi tetsjujñaye ꞌba titjajme”?
24343	MRK 2:14	ꞌBa kionga Jesús tifaꞌa kio, tsabe Leví xi kiꞌndire Alfeo, nga tijña ngaꞌnde ña tjubechjintjai tsajmi, ꞌba kitsure: —Ndetjenngina. ꞌBa Leví tsisetjen ꞌba kitjenngi.
24348	MRK 2:19	—¿A ma ꞌbendu kjindia xuta xi kjinikjintꞌe jngu kjuabixan, tsa xi xiꞌun kio tijñako ngisa? —kitsingojore Jesús—. Yejerañu xi xiꞌun tijñako, bi ku̱an kꞌuendu kjindia.
24354	MRK 2:25	Tunga Jesús kitsure: —¿A kje ꞌbexkiyajíun mé= xi kitsaꞌen David jngu nixtjin nga kui ꞌba ko xuta xi tjenko kuanaꞌenre ꞌba kuabojore?
24355	MRK 2:26	ꞌBa kui nixtjinbiu nga Abiatar naꞌmi titjun kuán, David jaꞌasꞌen ngaꞌnde tsjere Naꞌenchana, ꞌba kiskine niñuxtila tsje, xi tu naꞌmiu ma kjine; ꞌba kitsjare xuta xi tjenko ngayeje.
24361	MRK 3:4	ꞌBa jaskan tsiningiyare nchja xi yakꞌa: —¿Mé xi tixaꞌnde nga ñaꞌan nga nixtjin nga nikjaꞌaya, a tsajmi xi nda= asa xi chꞌo? ¿A sikꞌangiña jngu xuta, asa sikꞌenña? Tunga nchjabiu xiu tsikꞌendu.
24375	MRK 3:18	ꞌba ko Andrés, Felipe, Bartolomé, Mateo, Tomás, Santiago xi kiꞌndire Alfeo; Tadeo, ko Simón, xi mako nchja cananista,