23223	MAT 1:10	ꞌBa Ezequías, kui xi kuán naꞌenre Manasés. ꞌBa Manasés, kui xi kuán naꞌenre Amón. ꞌBa Amón, kui xi kuán naꞌenre Josías.
23228	MAT 1:15	ꞌBa Eliud, kui xi kuán naꞌenre Eleazar. ꞌBa Eleazar, kui xi kuán naꞌenre Matán. ꞌBa Matán, kui xi kuán naꞌenre Jacob.
23229	MAT 1:16	ꞌBa Jacob, kui xi kuán naꞌenre Kuse. ꞌBa Kuse, kui xi kuán xiꞌinre María xi kuán nare Jesús xi Cristo ꞌmi.
23231	MAT 1:18	ꞌBi= kuán nga kitsin Jesucristo: María xi kuán nare Jesús xi tijñangire kjua Kuse nga kuixanko. Tunga kionga kje tjindukojín xinkjin, María kisꞌeyaꞌmore kiꞌndi, kiꞌndi xi kitsjare Isennixtjintsjere Naꞌenchana.
23233	MAT 1:20	ꞌBa kionga je ꞌbitsaꞌen kitsikjaꞌetsjen Kuse, jngu ankjere Naꞌenchana kuatsejenre ngaya nijñare ꞌba kitsure: —Kuse xi ntjere David, bi kuin nga kuenikue María chjunri. Ngatꞌa kiꞌndi xi kui tjiyaꞌmore, kui xi kitsjare Isennixtjintsjere Naꞌenchana.
23249	MAT 2:11	ꞌBa ꞌbatsaꞌen jaꞌasꞌen niꞌyo ꞌba tsabe kiꞌndiu ko María xi nare mani. Tsikinyakunchꞌintꞌare kiꞌndiu nga kitsichjire, ꞌba kiskjexꞌa kaxare nga kitsjare kjuatjo kiꞌndiu. Kitsjare oro ko tjingusja xi ꞌñu chjire ꞌba ko ngijngu tsajmi xi nda jen xi mirra ꞌmi.
23271	MAT 3:10	Je tijñanda hachare Naꞌenchana nga kuate jamare yo. Meni ngayéje ya xi bi nda tu tsja, stisun ꞌba xanikjaꞌajin ndiꞌu.
23382	MAT 6:31	ꞌBa mani, bi nikjo tsa kuixun: “¿Mé= xi xina?”, “¿mé= xi sꞌia?” asa “¿mé= najñu xi xaja ngandaꞌe?”
23417	MAT 8:3	ꞌBa Jesús kitsu nga yanere ntsja xi tjiꞌmio: —Mejénna̱. Ngatamatsje ngani. ꞌBa ndekui ni chubabiu kuanda chiꞌin feꞌndujun xi kunre xutabiu.
23418	MAT 8:4	ꞌBa ꞌbatsaꞌen Jesús kitsure: —Tuꞌyá ꞌbe_ri nijmi. Tusa tꞌikaku_ri yojori naꞌmiu ꞌba taꞌe chje jotsaꞌen yatexuma Moisés, tuxi ꞌba tsaꞌen skuekixini xuta nga je kuandai.
23433	MAT 8:19	ꞌBa ꞌbatsaꞌen kitsitiñatꞌare jngu chjine kjuatexuma ꞌba kitsure: —Maestru, an kjuitjenngira̱ nituña ña kꞌuin.
23457	MAT 9:9	ꞌBa kionga Jesús je ꞌetjuni kio, tsabe jngu xuta xi Mateo ꞌmi, xi tijña ngaꞌnde ña tjubechjintjai tsajmi, ꞌba kitsure: —Ndetjenngina. ꞌBa ꞌbatsaꞌen Mateo tsisetjen ꞌba kitjenngi Jesús.
23489	MAT 10:3	Felipe ko Bartolomé; Tomás, Mateo xi kiskjebechjintjai tsajmi ngatꞌare Roma; Santiago kiꞌndire Alfeo, ꞌba ko Tadeo;
23535	MAT 11:7	ꞌBa kionga je inyafi ngani xutare Juan, Jesús ꞌetutsꞌinre nga kinchja ngatꞌare Juan, ꞌba kitsure xutankjiun: —¿Mé= xi tsanginchutsejen_ru ngaꞌnde tꞌaxin? ¿A jngu yanaxu xi titsiteya ntjo?
23605	MAT 12:47	ꞌBa tjin xi kitsure Jesús: —Nari ko ntsꞌé inya ngandetsian. Mejénxure kjuakori.
23663	MAT 13:55	¿A bi tsa kiꞌndire chjine yo kibi? ¿A bi nare xi María ꞌmi? ¿A bi ntsꞌe mani Santiago ko Kuse ko Simón ꞌba ko Judas?
23741	MAT 15:39	ꞌBa kionga Jesús je kitsikixantꞌa xutankjiun, jaꞌasꞌen ngani ngaya barku ꞌba kiji nangi Magdala.
23744	MAT 16:3	ꞌBa nga tajñu, mixun ngañu: “Chꞌo chun ku̱an ngandaꞌe, ngatꞌa yufi inya ngankꞌaa.” Mankjinnu mé= xi matsejen ngankꞌaa, tunga, ¿ánñu bi kjimankjinninu xi tisꞌejñatsejen ngandaꞌe?
23772	MAT 17:3	ꞌBa kio nchjabiu tsabe nga Moisés ko Elías inyafako nijmi Jesús.
23773	MAT 17:4	ꞌBa ꞌbatsaꞌen Pedro kitsure Jesús: —Naꞌen, ¡á ndani nga ngaꞌe tetsuba! Tsa mejénri, sindaa̱ ján niꞌya kiꞌndi ngaꞌe, jngu xi tsiji ko jngu xi tseꞌe Moisés ꞌba ko jngu xi tseꞌe Elías.
23838	MAT 19:7	ꞌBa xutabiu tsiningiya ngani: —Tunga tsa ꞌbatsaꞌen tijña, ¿ánñu Moisés kitsjaꞌndeni nga jngu xuta ku̱an skjenitjenni jngu xujun xi tsu nga kitsikjetꞌa kjuabixanre, ꞌba ꞌbatsaꞌen ku̱an sikꞌejña chjunre?
23839	MAT 19:8	ꞌBa Jesús kitsure: —Ngatꞌa taja= inimanu, kui= kjuañu Moisés kitsijoꞌoni nga ku̱an sikꞌejño chjunnu. Tunga bi ꞌba tsaꞌen kisꞌenda kaꞌnda nga tutsꞌinre.
23847	MAT 19:16	ꞌBa ꞌbatsaꞌen jngu chanaꞌen kitsitiñatꞌare Jesús, ꞌba kitsure: —Maestru, ¿mé= xi tjinnere nga nda saꞌaa̱n, tuxi ku̱an sꞌe̱nina̱ kjuabenichun xi bi fetꞌa?
23851	MAT 19:20	—Ngayéjebiu je kitsikꞌetjusaa̱n —kitsu chanaꞌenbiu—. ¿Mé= xi chaja ngisana̱?
23875	MAT 20:14	Ngu chjube tonri ꞌba tꞌin. Mején=na̱ nde ꞌbatjin kꞌuechjini_ra̱ xi jaskan kafaꞌasꞌen jotjin teꞌbechjira̱ ji.
23882	MAT 20:21	ꞌBa Jesús kitsure: —¿Mé= xi mejénri? ꞌBa chjunbiu kitsu: —Kionga kuatexumai, taꞌeꞌnde nga jngu kiꞌndina̱ ngatꞌejña ngate kixiri ꞌba jngu ngate skjunri.
23893	MAT 20:32	ꞌBa ꞌbatsaꞌen Jesús tsakasenꞌñu ꞌba kinchjare nchjabiu, ꞌba kitsure: —¿Mé= xi mejénnú nga saꞌaa̱n ngatꞌanu?
23918	MAT 21:23	ꞌBa Jesús jaꞌasꞌen ngani ndetsinre ningu, ꞌba kionga tibakuya kio, kitsitiñatꞌare xi ngakure naꞌmiu ko nchja chingare naxinando, ꞌba kitsure: —¿Mé= kjuaꞌñu xi tjinri nga ma ꞌba teñeꞌen? ꞌBa ¿ꞌyá= xi kitsjari kjuaꞌñubiu?
23957	MAT 22:16	ꞌBa kitsikasen xuta xi tseꞌe nchjabiu ko yakꞌa xutare Herodes xi ꞌbi jaꞌetsure: —Maestru, ꞌya=ni nga kjuakixi= xi sji ꞌba nga ko kjuakixi bakuye ndiyare Naꞌenchana ꞌba nga bi kuenda ñeꞌen mé= xi tsu xuta, ngatꞌa bi tu isenre xuta ꞌmini_ri.
23965	MAT 22:24	—Ji naꞌen, Moisés ꞌbi kitsu nixtjin kuatse jan: “Tsa tjin xi kueya ꞌba bi sꞌe̱kore kiꞌndi chjunre, ntsꞌe= tjinnere nga kꞌuejñako ngani chjun kꞌanbiu, tuxi sjanire kiꞌndi ntsꞌe xi kꞌion.”
23977	MAT 22:36	—Maestru, ¿ñáre kjuatexuma xi ngisa tjun tijña ngajinre ngayéje kjuatexuma?
23989	MAT 23:2	—Chjine kjuatexuma ko xuta fariseo, kui= xi tjinre xa ngandaꞌe joni Moisés nixtjin kuatse jan, ngatꞌa kui= xi tsuya kjuatexumo.
24104	MAT 25:27	tsa tusa kꞌikori tonna̱ nchja xi tseꞌe banco. Meni kionga jaꞌaa̱, kixuntsjaa̱ tonna̱ ꞌba ko kiꞌndire tsakaiñu.”
24138	MAT 26:15	ꞌba kitsure: —¿Mé= xi kuaꞌenuu̱ tsa singantsja_nuu̱ Jesús? ꞌBa nchjabiu ꞌendako xinkjin ꞌba kitsjare kate ton xi plata ni.
24141	MAT 26:18	ꞌBa kui kitsure: —Tangiun ngajin naxinando ꞌba tangiun ndaba kui xutabiu ꞌba ꞌbi tꞌin_ru: “Maestru tsu: Je tjimatiña chubana̱, ꞌba niꞌyari kjuikꞌaxjia̱ sꞌi pascua nga ko xutana̱.”
24247	MAT 27:49	Tunga xi yakꞌa kitsu: —¿Mé= ñaꞌanni? Xutsijan tsa Elías kjuaꞌekꞌajentꞌa kru.
24254	MAT 27:56	ꞌBa xi inya ngajinre yanchjinbiu María Magdalena, María nare Santiago ko Kuse, ꞌba ko nare kiꞌndire Zebedeo.
24259	MAT 27:61	ꞌBa María Magdalena ꞌba ko María xi ngijngu ngankjain tsju tsikꞌendu.
24265	MAT 28:1	ꞌBa kionga jaꞌa nixtjin nga nikjaꞌaya, nga tjisꞌe isen ꞌbetutsꞌinre semana, María Magdalena ko María xi ngijngu kikutsejen tsju.
24311	MRK 1:27	ꞌBa ngatsiꞌi xuta tu kuakun=re, ꞌba tsiningiyare xinkjin: —¿Mé= kibi? Kjaꞌe tsaꞌen bakuya xutabi, joni tsa xa nkꞌa tjinre. ¡Kaꞌnda isennixtjin xi bi nda ꞌbexa=re ꞌba tsikꞌetjusunre!
24325	MRK 1:41	ꞌBa Jesús jaꞌanimare xutabiu, ꞌba kitsure nga yanere ntsja: —Mejénna̱. Ngatamandai.
24328	MRK 1:44	—Tuꞌyá ꞌbe_ri nijmi; tu tꞌin ꞌba tikaku_ri yojori naꞌmiu. ꞌBa tꞌikue kjuatjo xi baku nga je kuatsjejin jotsaꞌen kitsu Moisés, tuxi ꞌbatsaꞌen skuekixini xuta nga je kuanda ngani.
24338	MRK 2:9	¿Méñu xi ngisa bi naꞌenre nga xin_ra̱ xuta xi bi ma fiu? ¿A nga xin_ra̱: “Je kuachatꞌari jeri”, asa nga xin_ra̱: “Tisetjen, chjube kuxta xi tetsjujñaye ꞌba titjajme”?
24361	MRK 3:4	ꞌBa jaskan tsiningiyare nchja xi yakꞌa: —¿Mé xi tixaꞌnde nga ñaꞌan nga nixtjin nga nikjaꞌaya, a tsajmi xi nda= asa xi chꞌo? ¿A sikꞌangiña jngu xuta, asa sikꞌenña? Tunga nchjabiu xiu tsikꞌendu.
24375	MRK 3:18	ꞌba ko Andrés, Felipe, Bartolomé, Mateo, Tomás, Santiago xi kiꞌndire Alfeo; Tadeo, ko Simón, xi mako nchja cananista,
24422	MRK 4:30	ꞌBa kitsu ngisare: —¿Mé xi mangusun ña batexuma Naꞌenchana, asa mé kjuakusun sikjia̱n an tuxi ku̱an singusunña?
24478	MRK 6:2	ꞌBa kionga jaꞌe nixtjin nga nikjaꞌaya, Jesús ꞌetutsꞌinre nga yakuya niꞌya sinagoga. ꞌBa nkjin xuta kjintꞌere Jesús, ꞌba tu miningiyakun=re xinkjin: —¿Ñáñu kikjaꞌanire xutabi ngayéje tsajmi xi bakuya? ¿Mé= kjuankjinkakun xi kitsaꞌere, ꞌba ko kjuakun xi tsaꞌen?
24479	MRK 6:3	¿A bi tsa chjine yo kibi, kiꞌndire Marío, xi ntsꞌe mani Sandio, Kusio, ko Judo, ꞌba ko Simón? ¿A bi tsa nde i tjindujinnina ndichja ngayeje? Kui= kjuañu chꞌo kuánnire ngatꞌa tseꞌe ꞌba bi kuamejénre nga ku̱akjainre.
24500	MRK 6:24	ꞌBa kui kiꞌndi chjunbiu ꞌetju, ꞌba tsiningiyare nare: —¿Mé= xi skuiꞌa_ra̱? ꞌBa nare kitsingojore: —Nindaku Juan Bautista chjaꞌa_ri.
24542	MRK 7:10	Ngu Moisés kitsu: “Chakuin naꞌenri ꞌba ko nari”, ꞌba “Xi chꞌo kuetsure naꞌenre asa nare, kjuinikꞌen”.
24598	MRK 8:29	ꞌBa Jesús tsiningiyare: —Tunga jun, ¿jó mixun nga ꞌyá=niña̱ an? ꞌBa Pedro kitsingojo: —Ji= ni Mesías.
24611	MRK 9:4	ꞌBa tsabe Elías ko Moisés, nga inyafako nijmi Jesús.
24612	MRK 9:5	ꞌBa Pedro kitsure Jesús: —Naꞌen, ¡á nda ni nga ngaꞌe tetsuba! Ján niꞌya sindai̱: jngu xi tsiji, ꞌba jngu xi tseꞌe Moisés ꞌba jngu xi tseꞌe Elías.
24623	MRK 9:16	ꞌBa Jesús tsiningiyare: —¿Mé= xi techubasiko kui?
24631	MRK 9:24	ꞌBa tukjiaꞌa kiskiꞌndaya naꞌenre chanaꞌenbiu: —¡Makjainna̱ an; tisekona nga ngatamakjain ngisana̱!
24640	MRK 9:33	ꞌBa echu naxinanda Capernaum. ꞌBa kionga je tjinduya niꞌya, Jesús tsiningiyare xutare: —¿Mé= xi techubasini_ru ngaya ndiyo?
24660	MRK 10:3	ꞌBa Jesús kitsure: —¿Mé= xi kitsunu Moisés nga siꞌon?
24661	MRK 10:4	ꞌBa kitsingojo: —Moisés kitsjaꞌnde nga ku̱an sikꞌejña chjunre kionga jngu xujun xi je kitsikjetꞌa kjuabixanbiu sjare.
24662	MRK 10:5	Tunga Jesús kitsure: —Moisés kitsiꞌindu kjuatexumabi ngatꞌa ne taja tjindu inimanu.
24692	MRK 10:35	ꞌBa Santiago ko Juan, kiꞌndire Zebedeo, kitsitiñatꞌare Jesús ꞌba kitsure: —Maestru, mejénni̱ nga sikꞌetjusunnii̱ kjuanda xi xjaꞌari̱.
24693	MRK 10:36	ꞌBa Jesús tsiningiyare: —¿Mé= xi mejénnú nga saꞌaa̱n ngatꞌa tsojon?
24708	MRK 10:51	ꞌBa Jesús tsiningiyare: —¿Mé= xi mejénri nga saꞌaa̱n ngatꞌa tsiji? ꞌBa xuta ko kitsingojo: —Naꞌen, mejénna̱ ku̱atsejen nganina̱.
24714	MRK 11:5	ꞌBa yakꞌa xi tjindu kio tsiningiyare: —¿Mé= xi teñoꞌon? ¿Ánñu kiꞌndi burru techjundañú?
24737	MRK 11:28	ꞌba tsiningiyare: —¿Mé= kjuaꞌñu xi tjinri nga ꞌbi teñeꞌen? ꞌBa ¿ꞌyá xi kitsjari kjuaꞌñu nga ma ꞌbi teñeꞌen?
24751	MRK 12:9	’ꞌBa, ¿jó mixun jun? ¿Mé= xi saꞌen xi naire nangiu? Ngu kjuaꞌetsikjesun nchjabiu, ꞌba kjaꞌe xuta sikeyare nangiu.
24761	MRK 12:19	—Ji naꞌen, ꞌba tsaꞌen kitsiꞌindu xujunna Moisés: “Tsa jngu xiꞌin xi je tsixanko chjun kueya, ꞌba tsa bi kisꞌekore kiꞌndi, jngu ntsꞌe xuta xi kꞌion kuixanko ngani chjun kꞌanbiu tuxi sjanire kiꞌndi ntsꞌe xi kꞌion.”
24768	MRK 12:26	Tunga ngatꞌare nga kjuaꞌaya nganire xuta, ¿a kje ꞌbexkiyajíun xujun xi kitsiꞌindu Moisés ngatꞌa tseꞌe ya naꞌya xi tjitijin ndiꞌi? Kionga Naꞌenchana kitsure Moisés: “An= ña̱ naꞌenre Abraham, naꞌenre Isaac ꞌba ko tseꞌe Jacob.”
24823	MRK 13:37	Mé xi texin_nuu̱ jun, ꞌba= xin tsiꞌi_ra̱: Tetsubachun —kitsu Jesús.
24907	MRK 15:12	ꞌBa Pilato kitsingojore: —¿Mé= xi mejénnú nga sikua̱ xuta xi reyre xuta judío ꞌmi_ru?
24935	MRK 15:40	ꞌBa=nde kio inya yakꞌa yanchjin xi kjin inyakutsejenni; ꞌba xi inya ngajinre yanchjinbiu María Magdalena=, María nare Kuse ko Santiago xi ma kiꞌndiu, ꞌba ko Salomé.
24942	MRK 15:47	ꞌBa María Magdalena, ꞌba ko María, nare Kuse nde, inyakutsejen ña kisꞌejña yojore Jesús.
24943	MRK 16:1	ꞌBa kionga je jaꞌa nixtjin nga nikjaꞌaya, María Magdalena, ko María nare Santiago, ꞌba ko Salomé, tsatse nanda xi ixi jen tuxi kuetsikajunni yojore Jesús.
24951	MRK 16:9	ꞌBa jaskan nga jaꞌayare Jesús, kionga tajñu nixtjin xi ꞌbetutsꞌinre semana, titjun María Magdalena kuatsejenre, xi tsꞌoxjejinre yatu isennixtjin xi bi nda.
24952	MRK 16:10	ꞌBa María Magdalena kikeꞌere nijmi xuta xi ñatjen tsikꞌetsumako Jesús, xi ba tjindu ꞌba inyakjiꞌnda.
24989	LUK 1:27	ꞌBa kui kikun jngu chjun xungu xi María ꞌmi xi je tijñangi kjua nga kuixanko jngu xuta xi Kuse ꞌmi, xi ntjere rey David.
24990	LUK 1:28	ꞌBa ankje jaꞌasꞌen ngaꞌnde ña María tijña, ꞌba kitsure: —Tsiteꞌndara̱ ji xi je kisakuri kjuandare Naꞌenchana. Kui= tijñakori. ¡Ndari ji ngajinre ngatsiꞌi yanchjin!
24991	LUK 1:29	ꞌBa nga María tsabe ankjebiu ꞌba kjintꞌe enre, kuakunre ꞌba miningiyare yojore mé= xi tsunire kjuateꞌndabiu.
24992	LUK 1:30	ꞌBa meni ankjebiu kitsu nganire: —María, bi kuin. Ngu je kisakuri kjuanda ngixkun Naꞌenchana.
24996	LUK 1:34	ꞌBa María tsiningiyare ankjebiu: —¿Jótsaꞌen ku̱anni kibi? Ngu bi tjinna̱ xiꞌin.
25000	LUK 1:38	ꞌBa ꞌbatsaꞌen María kitsu: —An chuꞌndare Naꞌenchana= ña̱. Ngatjama ngatꞌana̱ jotsaꞌen ji je kikꞌinnaa̱. ꞌBa kionga je ꞌbi kitsu María, ankjebiu kiji ngani.
25001	LUK 1:39	Kui nixtjinbiu, María tsikꞌejñanda ꞌba ꞌñu kitsa kiji jngu naxinandare nangi Judea xi tijñajin ngijñacha.
25003	LUK 1:41	ꞌBa nga Elisabet kjintꞌe kjuateꞌndare María, kiꞌndiu kitsiteya ngaya ngatsꞌa, ꞌba kui kitse Isennixtjintsjere Naꞌenchana ngajinre.
25008	LUK 1:46	ꞌBa meni María kitsu: Nga ko fani inimana̱ tsichji_ra̱ Naꞌenchana,
25017	LUK 1:55	jotsaꞌen kitsuyatitjunre xuta chingana Abraham ko ntje xi jaskan sꞌe̱re kitsu María.
25018	LUK 1:56	ꞌBa María jánru sa tsikꞌejñako Elisabet, ꞌba jaskan kiji ngani ndaba.
25047	LUK 2:5	ꞌBa kio kikꞌetꞌa xujun yojore, ñatjen ko María, chjun xi tijñangire kjua nga kuixanko. ꞌBa María je tjiꞌyamore kiꞌndi.
25048	LUK 2:6	ꞌBa ꞌba kuán kionga je tjindu Belén, echu nixtjin nga María sꞌe̱re kiꞌndi.
25058	LUK 2:16	ꞌBa taꞌa kiji, ꞌba kuasjaire ngaꞌnde ña tjindu María ko Kuse ꞌba ko kiꞌndiu xi tikijña ña kjen tjiuba.
25061	LUK 2:19	Tunga María ꞌbejñatjo ngayéje kibi ngajin inimare, ꞌba nda tjinjin kakunre.
25064	LUK 2:22	ꞌBa kionga je kuajngu nixtjin nga tjinnere nga tsitsje yojore jo tsu kjuatexumare Moisés, kiko kiꞌndiu naxinanda Jerusalén, tuxi kuakunire ngixkun Naꞌenchana.
25076	LUK 2:34	ꞌBa ꞌbatsaꞌen Simeón kitsichikuntaꞌen, ꞌba kitsure María, nare Jesús: —Kui kiꞌndibi je kitukjaꞌajin tuxi skjenitjenni ꞌba sikixuni nkjin xuta xi Israel tseꞌe. Kuakutsejen ndiyare Naꞌenchana ꞌba nkjin xuta ku̱achꞌoke enre,