23246	MAT 2:8	ꞌBa kionga je jako, kitsikasen Belén ꞌba kitsure: —Tangiun ꞌba nda tinyisjo kiꞌndiu. ꞌBa kionga je ku̱asjainu, ndekꞌenu nijmi, tuxi ko an kuitsichjini_ra̱.
23321	MAT 5:18	Ngatꞌa ꞌba xinkixi_nuu̱. Yejerañu tjin ngisa ngankꞌaa ko tꞌanangiu nijnguú letra ꞌba nijnguú punto xi kuaꞌindutꞌa kjuatexumo xjaꞌaxinre kaꞌnda nga ku̱ajngu yeje.
23323	MAT 5:20	Ngatꞌa ꞌba texin_nuu̱. Tjinnere nga ngisa nda sikꞌetjusun ngiso mé= xi Naꞌenchana mejénre nga ko mare chjine kjuatexuma ko xuta fariseo. Tsa bi ꞌba siꞌon, niñajanni kjuitjasꞌion ña batexuma Naꞌenchana.
23335	MAT 5:32	Tunga an xin_nuu̱. Tsa jngu xuta sikꞌejña chjunre ꞌba tsa chjunre bi kitsaꞌen kjuachajngi, kui= tsaꞌen nga saꞌen kjuachajngi chjunre. ꞌBa tsa kjaꞌe xuta kuixanko ngani chjun xi kitsikꞌejña xiꞌinre, kui xutabiu ꞌba nde tsaꞌen kjuachajngi.
23336	MAT 5:33	’ꞌBa ꞌba nde je kjinuꞌyo nga kikꞌinre xuta xi kisꞌe nixtjin kuatse jan: “Bi tu chu̱ba̱ nikꞌaxki ngatꞌa tseꞌe Naꞌenchana ꞌba tusa kuiyunengai en xi kꞌuin_ri. Tusa tikꞌetjusin mé= xi kꞌuin_ri Naꞌenchana.”
23345	MAT 5:42	Taꞌe_ri tsa tjin xi skuiꞌari tsajmiri, ꞌba xi skueyari tsajmiri, bi ꞌbechjaꞌnde_ri.
23359	MAT 6:8	Ngu bi ꞌba ñoꞌon jun jotsaꞌen xutabiu. Ngatꞌa Naꞌennu je kui tjun be mé= xi machjennu kionga kje chjaꞌajín_ru.
23408	MAT 7:23	Tunga an singojo_ra̱ xutabiu: “Niñajanni tsaꞌbexkun_nuu̱. Tusa tinyantꞌaxinnu jun xi chꞌo kjiñoꞌon.”
23423	MAT 8:9	Ngatꞌa ꞌba=nde an, tjin= xi batexumana̱ ꞌba ꞌba=nde tjinna̱ chasoldadu xi batexuma_ra̱. Kionga jngu xin_ra̱: “Tꞌin”, ngu fi. ꞌBa kionga kjaꞌere xin_ra̱ “Jabi”, ngu ndiba. ꞌBa tsa jngu chuꞌndana̱ xin_ra̱: “Tiꞌen tsajmibi”, ngu tsaꞌen.
23424	MAT 8:10	ꞌBa kionga Jesús kjintꞌe en xi kitsu xutabiu, tu ꞌba= kuánre ꞌba kitsure xuta xi tjenko: —Kjuakixi= xi xin_nuu̱. Nisajnguú xuta xi tseꞌe Israel ꞌbia̱ xi ꞌbitsaꞌen makjainre jotsaꞌen makjainre xutabi.
23509	MAT 10:23	ꞌBa kionga xuta xi tjin jngu naxinanda sjenngikenu, tusa tiyu ꞌba tangiun kjaꞌe naxinanda. Ngatꞌa xinkixi_nuu̱. Nde kje fetꞌaninu nga tetsumo ngayéje naxinanda xi tjin nangire xuta xi Israel tseꞌe kionga kjuaꞌe ngani Kiꞌndire Xuta xiꞌiun.
23539	MAT 11:11	Kjuakixi= xi xin_nuu̱. Nijngu xuta xi tjin ngasunꞌndebi ngisa je ngisa nga ko mare Juan Bautista. Tunga kui xi ngisa ichi ꞌyare ña batexuma Naꞌenchana ngisa= je ngisa nga ko mare Juan.
23550	MAT 11:22	Tunga an xin_nuu̱. Nixtjin nga ku̱anre kjua ngasunꞌndio, ngisa= tse kjuanima xjoꞌo nga ko mare xuta xi tseꞌe naxinanda Tiro ko xi tseꞌe naxinanda Sidón.
23552	MAT 11:24	Tunga an xin_nuu̱. Kionga kjuaꞌe nixtjin nga ku̱anre kjua ngasunꞌndio, ngisa= tse kjuanima xjoꞌo nga ko mare xuta tseꞌe Sodoma —kitsu Jesús.
23594	MAT 12:36	ꞌBa an xin_nuu̱. Kionga kjuaꞌe nixtjin nga ku̱anre kjua ngasunꞌndio, kio= sja kuenda xuta ngatꞌare nga jngu jngu en xi tume chjire xi kinchja ngaꞌe ngasunꞌndebi.
23769	MAT 16:28	Kjuakixi= xi texin_nuu̱. Nga yakꞌa xi inya ngaꞌe bi kueya kaꞌnda nga skue nga kjuaꞌekatexuma Kiꞌndire Xuta xiꞌiun.
23799	MAT 18:3	ꞌba kitsure: —Kjuakixi= xi xin_nuu̱. Tsa bi siꞌindo inimanu ꞌba sikꞌantjaiyo yojonu joni jngu chiꞌndi chi, bi kuitjasꞌion ña batexuma Naꞌenchana.
23809	MAT 18:13	Kjuakixi= xi xin_nuu̱. Tsa ku̱asjaire xi kichajo, ngisa= tsja ku̱anre ngatꞌare kui, nga ko mare xi yachute ko yachan ñajan xi bi kichajo.
23815	MAT 18:19	’ꞌBa ꞌba nde xin_nuu̱. Tsa jó kuon xi tujngu kjiyuju kakún ngaꞌe ngasunꞌndebi ngatꞌare mé= xi mejénnú ꞌba xjaꞌa_ru Naꞌenna̱ xi tijña ngankꞌaa, kui= xi sjanu mé= xi xjoꞌo.
23840	MAT 19:9	Ngu an xin_nuu̱. Tsa jngu xuta sikꞌejña chjunre ꞌba tsa chjunre bi chajngi kitsaꞌentꞌare, ꞌba kjaꞌe chjun kꞌuejñako ngani, kui= xi kjuachajngi titsaꞌentꞌare chjunre. ꞌBa tsa kjaꞌe xuta kuixanko ngani chjun xi kitsikꞌejña xiꞌinre, kui xutabiu xi ꞌba nde kjuachajngi titsaꞌen.
23845	MAT 19:14	ꞌBa ꞌbatsaꞌen Jesús kitsu: —Taꞌeꞌnde_ru nisti kiꞌndiu nga ngatjendekunna̱, ꞌba bi ꞌbechjaꞌnde_ru. Ngatꞌa xuta xi ꞌba kun joni kiꞌndi nisti, kui= xi tseꞌe ña batexuma Naꞌenchana.
23854	MAT 19:23	ꞌBa ꞌbatsaꞌen Jesús kitsure xutare: —Kjuakixi= xi xin_nuu̱. Ne naꞌen tjinre tsa jngu xuta nyina kjuaꞌasꞌen ña batexuma Naꞌenchana.
23859	MAT 19:28	ꞌBa Jesús kitsingojore: —Kjuakixi= xi xin_nuu̱. Tuꞌyañu xi tjenkona̱ ngandaꞌe, kionga kjuaꞌe nixtjin nga ku̱axatse ngayéje xi tjin ꞌba nga kuakutsejen Kiꞌndire Xuta xiꞌiun kjuajere nga kꞌuejña ngaꞌnde ña saꞌenre kjua xuta, ꞌba nde kui nixtjinbiu kuetsubo ngaꞌnde xi tejó mani nga siꞌan_ru kjua ntjere xuta tseꞌe Israel xi tejó kaꞌa mani.
23916	MAT 21:21	ꞌBa Jesús kitsingojore: —Kjuakixi= xi xin_nuu̱. Tsa makjainnu ꞌba bi jó ján kjuo kakún, bi tu kibi xi kitsikuaa̱ ya higuera ku̱annu siꞌaa̱n, kaꞌnda kui nindubi ku̱an kꞌuin_ru: “Texin kio ꞌba chanikjaꞌajin yojori ndachikun”, ꞌba ꞌba= ku̱an yaꞌa.
23938	MAT 21:43	Kui= kjuañu ꞌba texinni_nuu̱. Xjaꞌanu ña batexuma Naꞌenchana, ꞌba kuaꞌe=re ngaꞌndebiu xuta xi kjaꞌere xi sja tu.
23957	MAT 22:16	ꞌBa kitsikasen xuta xi tseꞌe nchjabiu ko yakꞌa xutare Herodes xi ꞌbi jaꞌetsure: —Maestru, ꞌya=ni nga kjuakixi= xi sji ꞌba nga ko kjuakixi bakuye ndiyare Naꞌenchana ꞌba nga bi kuenda ñeꞌen mé= xi tsu xuta, ngatꞌa bi tu isenre xuta ꞌmini_ri.
24070	MAT 24:44	ꞌBa kui kjuañu, tetsubando jun ngayeje, ngatꞌa Kiꞌndire Xuta xiꞌiun kjuaꞌe kionga jun bi techuya_ru.
24117	MAT 25:40	ꞌBa rey singojore: “Kjuakixi= xi xin_nuu̱. Jotsaꞌen nda kjiniko tuꞌya ntsꞌia̱ xi tjindu ngaꞌe, an xi ꞌba kjinikonuu̱.”
24122	MAT 25:45	ꞌBa ꞌbatsaꞌen rey singojo nganire: “Kjuakixi= xi xin_nuu̱. Jotsaꞌen bi nda kjiniko tuꞌyañu ngajinre xutabi, ninga aán ꞌba kjinikonuu̱.”
24134	MAT 26:11	Ngatꞌa xuta ni̱ma̱ tu i= kꞌuendujinntsjainu, tunga an bi ngaꞌe kuatejñajinntsjai_nuu̱.
24193	MAT 26:70	Tunga Pedro ꞌeꞌmotaꞌen yojore ngixkun ngatsiꞌi xi kio tjindu ꞌba kitsu: —Bi ꞌbia̱ mé= xi teꞌmi_ri.
24271	MAT 28:7	Tunga tanginfañu ꞌba ꞌbi tikꞌin_ru xutare: “Je jaꞌaya nganire ngajinre mikꞌen, ꞌba kui tifititjunnu nangi Galilea. ꞌBa kio xio.” Je kixin_nuu̱ en xi tjinni nga ꞌba xin_nuu̱.
24284	MAT 28:20	ꞌBa takuya_ru nga ngatatsikꞌetjusun ngayéje xi je ꞌene_nuu̱. ꞌBa kuatejñakontsjai_nuu̱ kaꞌnda nga kjue ngasunꞌndio.
24445	MRK 5:12	ꞌba isennixtjin xi bi ndabiu tsiꞌare Jesús: —Tikasennii̱ ña tjindu tjiuchinga, ꞌba taꞌeꞌndenii̱ nga kuitjasꞌenjin_ri̱.
24500	MRK 6:24	ꞌBa kui kiꞌndi chjunbiu ꞌetju, ꞌba tsiningiyare nare: —¿Mé= xi skuiꞌa_ra̱? ꞌBa nare kitsingojore: —Nindaku Juan Bautista chjaꞌa_ri.
24632	MRK 9:25	ꞌBa kionga tsabe Jesús nga ꞌñu nkjin xuta inyamañajan, jatiko isennixtjin xi bi nda, ꞌba kitsure: —Ji isennixtjin xi bi baꞌeꞌnde_ri nga nchja ꞌba xi kitsixtaya, an xinra̱ tꞌetukajin yojore chanaꞌenbi, ꞌba bi nde bitjasꞌenjinni_ri.
24712	MRK 11:3	ꞌBa tsa ꞌyá xi skuiningiyanu ánñu ꞌba teñaꞌanñu, “Naꞌennaxu sichjen ꞌba taꞌaxu sja nganiri”, tꞌin_ru.
24730	MRK 11:21	ꞌBa kio Pedro jaꞌetsjenre mé= xi kuán, ꞌba kitsure Jesús: —Naꞌen, chutsejen, je kixi ya higo xi chꞌo kikꞌin_ri.
24757	MRK 12:15	Tunga Jesús be=ni kjuajó nkjainre nchjabiu, ꞌba kitsure: —¿Ánñu chen teꞌbejñaninuu̱? Jngu ton ndenario ndekonu, tuxi skutsejenni_ra̱.
24830	MRK 14:7	Ngatꞌa xuta ni̱ma̱ tu i= tjindujinntsjainu, ꞌba ku̱an kuiseko tu kjiaꞌañu nga mejénnú; tunga an bi ngaꞌe kuatejñajinntsjai_nuu̱.
24975	LUK 1:13	Tunga ankje kitsure: —Zacarías, bi kuin, ngatꞌa Naꞌenchana je kjintꞌe nga kichukue, ꞌba chjunri Elisabet sꞌe̱re jngu kiꞌndi xiꞌin xi tsiji xi Juan kꞌuin_ri.
25245	LUK 6:30	Tuꞌyañu xi skuiꞌari tsajmi xi tsiji, taꞌe_ri. ꞌBa xi skjaꞌari xi tsiji, tojo ꞌmi_ri.
25272	LUK 7:8	Ngatꞌa ꞌba=nde an, tjin= xi batexumana̱ ꞌba ꞌba=nde tjinna̱ chasoldadu xi batexuma_ra̱. Kionga jngu xin_ra̱: “Tꞌin”, ngu fi. ꞌBa kionga kjaꞌere xin_ra̱: “Jabi”, ngu ndiba. ꞌBa tsa jngu chuꞌndana̱ xin_ra̱: “Tiꞌen tsajmibi”, ngu tsaꞌen.
25273	LUK 7:9	ꞌBa kionga Jesús kjintꞌe kibi, tu ꞌba= kuánre ꞌba kitsikuꞌbeya nga jako xutankjiun xi tjenngire, ꞌba kitsure: —Kjuakixi= xi xin_nuu̱. Nisa jngukjinjín xuta xi tseꞌe Israel ꞌbia̱ xi ꞌbitsaꞌen makjainre jotsaꞌen makjainre xutabi.
25292	LUK 7:28	ꞌBa xin_nuu̱. Nijngu xuta xi tjin ngasunꞌndebi ngisa je ngisa nga ko mare Juan. Tunga kui xi ngisa ichi ꞌyare ña batexuma Naꞌenchana ngisa= je ngisa nga ko mare Juan —kitsu Jesús.
25414	LUK 9:44	—Nda tasen ñojon mé= xi xin_nuu̱. Kiꞌndire Xuta xiꞌiun ku̱angantsja xuta.
25444	LUK 10:12	ꞌBa xin_nuu̱. Kionga kjuaꞌe nixtjin nga ku̱anre kjua ngasunꞌndio, kui naxinandabiu ngisa= tse kjuanima kjuaꞌaxtiu nga ko mare naxinanda Sodoma.
25568	LUK 12:40	ꞌBa=nde tetsubandantsjo jun ngayeje, ngatꞌa Kiꞌndire Xuta xiꞌiun kjuaꞌe kionga jun bi techuya_ru.
25612	LUK 13:25	ꞌBa kionga xi naire niꞌyo kuisetjen ꞌba kꞌuechja xuntjo, jun xi tenyo ngandetsian sikjanio xuntjo, ꞌba kuixun: “Naꞌen, chjuꞌinii̱ xuntjo.” Tunga kui kuetsunu: “Bi ꞌbexkun_nuu̱. Bi ꞌbia̱ ñá tsojon.”
25634	LUK 14:12	ꞌBa Jesús ꞌba nde jako xi kitsikjintꞌe, ꞌba kitsure: —Kionga sikintꞌe xuta nga kuechikue nga nyusen asa ngajñu, bi nikjintꞌe nchja xi nda yaꞌari ninga ntsꞌé ninga xingi ninga xuta nyina xi tjindutꞌa tiñari. Ngatꞌa tsa ꞌba siꞌen, kui nchjabiu sikjintꞌe nganiri ꞌba ꞌbatsaꞌen kꞌuetjusun mé= xi kitsaꞌe_ri.
25640	LUK 14:18	Tunga ngatsiꞌi kitsije kakunre. Xi tjun kitsure: “Biru ku̱an kjuia̱. Saꞌe fa tsatsia̱ jngu nangi ꞌba tjinnere nga kjuikutsejen_ra̱. Teꞌbetsꞌara̱ nga tije kakunnaa̱.”
25641	LUK 14:19	ꞌBa kjaꞌe xuta kitsure: “Biru ku̱an kjuia̱. Saꞌe fa tsatsia̱ ón nga tjiundija xi bakjan nangi ꞌba tefikutꞌayakofa_ra̱. Teꞌbetsꞌara̱ nga tije kakunnaa̱.”
25723	LUK 17:3	Tikuendo yojonu. ’Tsa ntsꞌé timajngije ngatꞌari, chukoye nga bi nda titsaꞌen. ꞌBa tsa sikꞌantjaiya kjuafaꞌetsjenre ꞌba kjuaꞌe ngani ngixkun Naꞌenchana, tichatꞌa_ri.
25754	LUK 17:34	’ꞌBa an xin_nuu̱. Kui nistjenbiu jó xuta xi kjiyusun ndekuini nachan, jngu xi stjube ꞌba xi ngijngu sꞌe̱jña.
25808	LUK 19:8	Tunga Zaqueo tsakasen nduju nga jako Naꞌenna, ꞌba kitsure: —Naꞌen. Masen sja_ra̱ xuta ni̱ma̱ mé= xi tjinna̱. ꞌBa tsa tjin xi je kitsaꞌentꞌa_ra̱ cheje, ñujun kaꞌa xi ꞌba kjiꞌi sja ngani_ra̱.
25826	LUK 19:26	ꞌBa xi rey kitsu: “An ꞌba xin_nuu̱. Ngatsiꞌi xi tjinre ngisa= tse kuaꞌe ngisare, tunga xi tsajainre, tusa stjukjaꞌare kaꞌnda xi tjinchire.
25993	LUK 22:60	Tunga Pedro kitsu ngani: —Naꞌen, bi ꞌbia̱ mé= xi teꞌmi_ri. ꞌBa ndekuini chubabiu, yejerañu Pedro tinchja, taꞌa kiskiꞌnda jngu chaxicha.
26104	LUK 24:44	ꞌBa saꞌe kitsure: —Mé= xi kuataꞌaa̱n, kui= xi kixin_nuu̱ kionga tsakatejñajin_nuu̱. Kixin_nuu̱ nga tjinnere nga kꞌuetjusun ngayéje xi kuaꞌindutꞌa ngatꞌa tsaꞌan xujun kjuatexumare Moisés ko xujunre nchja chinga profeta ꞌba ko xujun Salmos.
26164	JHN 1:51	ꞌBa ꞌba nde kitsure: —Kjuakixi= mé= xi texin_nuu̱. Xiañu nga stjuꞌi ngankꞌaa ꞌba nga ankjelere Naꞌenchana kuenijin ꞌba kꞌuetukꞌajentꞌare Kiꞌndire Xuta xiꞌiun.
26247	JHN 4:22	Jun bi ꞌyo ꞌyá= xi nichji_ru. Tunga ji̱n ꞌya=ni ꞌyá= xi nichji_ri̱, ngatꞌa ngajinre xuta judío= ndibani xi sikꞌangi xuta.
26298	JHN 5:19	ꞌBa ꞌbatsaꞌen Jesús kinchja ꞌba kitsure nchjabiu: —Kjuakixi= xi texin_nuu̱. Tumé ma tsaꞌen Kiꞌndire Naꞌenchana xi tu kuenda tseꞌe. Tu kui sani mé= xi tjibe nga titsaꞌen Naꞌenre, kui= xi tsaꞌen kui ngayeje. Ngatꞌa ngayéje mé= xi tsaꞌen Naꞌen, ndekuinire xi tsaꞌen Kiꞌndiu.
26303	JHN 5:24	’Kjuakixi= xi texin_nuu̱. Xi kuasen ñojon enna̱ ꞌba ku̱akjainre ngatꞌare xi kitsikasenna̱, kui= xi sꞌe̱re kjuabenichun xi bi fetꞌa. ꞌBa bi siꞌanre kjua ngatꞌare jere xutabiu, ngatꞌa je jaꞌaxtiu ngajinre kjuabeya ꞌba jaꞌasꞌen ña tjin kjuabenichun.
26304	JHN 5:25	Kjuakixi= xi texin_nuu̱. Kjuaꞌe= chu̱ba̱ ꞌba ngandaꞌe= nga je jaꞌe chu̱ba̱biu kionga mikꞌen kjuintꞌe jndare Kiꞌndire Naꞌenchana. ꞌBa xi kjuintꞌe, kui= xi sꞌe̱re kjuabenichun.
26352	JHN 6:26	ꞌBa Jesús kitsingojore: —Kjuakixi= xi xin_nuu̱. Kjiꞌyañu kjuakun xi kitsaꞌaa̱n, tunga bi kui kjuañu teminyisjaininuu̱. Tu Ngatꞌare= nga nda kitsitsenu niñuxtila xi kichinio, kui kjuañu teminyisjainiñuu̱.
26358	JHN 6:32	ꞌBa Jesús kitsu: —Kjuakixi= xi xin_nuu̱. Bi Moisés xi kitsjanu niñuxtila xi jendibajenni ngankꞌaa. Tusa Naꞌenchana̱ tsja_nuu̱ ngandaꞌe niñuxtila xi kjuakixi xi ndibajenni ngankꞌaa.
26373	JHN 6:47	Kjuakixi= xi xin_nuu̱. Xi ku̱akjainre ngatꞌana̱, kui= xi tjinre kjuabenichun xi bi fetꞌa.
26379	JHN 6:53	ꞌBa Jesús kitsu: —Kjuakixi= xi xin_nuu̱. Tsa bi xino yojore Kiꞌndire Xuta xiꞌiun ꞌba bi sꞌiu jinre, bi sꞌe̱ kjuabenichun ngajinnu.
26382	JHN 6:56	Xi skine yojona̱ ꞌba kꞌui jinna̱, kui= xi kꞌuendujinntsjaina̱, ꞌba an kuatejñajinntsjai_ra̱.
26484	JHN 8:34	ꞌBa Jesús kitsu ngani: —Kjuakixi mé= xi texin_nuu̱. Ngatsiꞌi xi inyamajngi je, kui= xi kuán chuꞌndare je.
26494	JHN 8:44	Chanayiu xi naꞌennu ꞌba kui tseꞌe_ru. ꞌBa jun mejénnú siꞌon jotsaꞌen mejénre kui. Xi ꞌndani nga tutsꞌinre kitsikꞌen xuta. Bi basen kixiko xi kjuakixi, ngatꞌa tsajain ngajinre mé= xi kjuakixi. Kionga nchja en ndesu, jo kun kui ꞌba=tsaꞌen nchja, ngatꞌa kui= xi ndesu ꞌba bakuya en ndesu.
26497	JHN 8:47	Xi Naꞌenchana tseꞌe, kui= xi basen ñojon en xi tseꞌe Naꞌenchana. Tunga bi Naꞌenchana tseꞌe_ru. Kui= kjuañu bi mejénninu basen ñojon enre kui —kitsu Jesús.
26501	JHN 8:51	Kjuakixi= xi xin_nuu̱. Tsa tjin xi sikꞌetjusun enna̱, niñajanni kueya.
26508	JHN 8:58	ꞌBa Jesús kitsingojore: —Kjuakixi= xi texin_nuu̱. Kionga kje tsinjín Abraham, jaꞌba je tejñaa̱ an.
26530	JHN 9:21	Tunga bi ꞌyee̱ jótsaꞌen kuatsejen nganire, ꞌba bi ꞌyee̱ ꞌyá xi kakjexꞌangi tuxkun. Tusa kui chjaningiya_ru. Je chinga. Ku̱an kui kueꞌesubanu nijmi ngatꞌa tseꞌe.
26551	JHN 10:1	ꞌBa Jesús kitsure: —Kjuakixi= xi texin_nuu̱. Tuꞌyañu xi bi xuntjare nchꞌare chutsango kjuaꞌasꞌen ꞌba tusa xin kjuaꞌasꞌenntjai, kui= xi chacheje xi mejénre kueko chutsango.
26557	JHN 10:7	ꞌBa ꞌbatsaꞌen ꞌba kitsu ngani Jesús: —Kjuakixi= xi texin_nuu̱. An= ña̱ xuntja ña faꞌasꞌen chutsango.
26603	JHN 11:11	Nga je ꞌba kitsu Jesús, kitsu ngisa: —Lázaro xi amiguna ña tikijñafe=, tunga kuitsikjaꞌa_ra̱.
26657	JHN 12:8	Ngatꞌa xuta ni̱ma̱ ngantsjai kꞌuendujinnu, tunga an bi ngantsjai kuatejñajin_nuu̱.
26673	JHN 12:24	Kjuakixi= xi texin_nuu̱. Tsa xujma trigo bi kꞌuantjaiya nga sꞌeyanijin, janda sꞌe̱jña tajngu. Tunga tsa kꞌuantjaiya, kio= nga sja chan xi ꞌñu tse.
26714	JHN 13:15	Je ꞌejña kusun_nuu̱, tuxi ꞌba siꞌanñu jo kitsiko_nuu̱.
26715	JHN 13:16	Kjuakixi= xi texin_nuu̱. Nijnguú chuꞌnda ngisa je ngisa nga ko mare naire. ꞌBa jngu xuta xi kisꞌexare bi ngisa je ngisa nga ko mare xi ꞌexare.
26719	JHN 13:20	Kjuakixi= xi texin_nuu̱. Xi skjebetjo xuta xi tsikasia̱n, kui= xi skjebetjona̱ an. ꞌBa xi skjebetjona̱, kui= xi skjebetjo xi kitsikasenna̱.
26720	JHN 13:21	Kionga Jesús je ꞌba kitsu, ꞌñu kuafore kakun ꞌba kitsu nga kitsikixiya: —Kjuakixi= xi texin_nuu̱. Jngu ñu jun xi singantsjana̱.
26732	JHN 13:33	Jun kiꞌndina̱, tojo kuatejñajin ngichi_nuu̱. kuijnyisjainuu̱, tunga ña kjuia̱ bi ku̱an kjuechu. ꞌBa nde texin_nuu̱ ngandaꞌe jo kixin_ra̱ xuta judío.
26749	JHN 14:12	’Kjuakixi= xi texin_nuu̱. Xi ku̱akjainre ngatꞌana̱, ndekui xa saꞌenni joni xi tetsaꞌaa̱n. ꞌBa ngisa= yaꞌe ngisa xa xi saꞌen xutabiu, ngatꞌa an tefi=ña̱ ña tijña Naꞌenchana.
26751	JHN 14:14	Tsa tjin xi xjoꞌo ngatꞌare jaꞌenna̱, sja_nuu̱.
26755	JHN 14:18	’Bi sikꞌendu suba_nuu̱, kjuaꞌekun ngani_nuu̱.
26757	JHN 14:20	Kui nixtjinbiu xio nga an tejñajin_ra̱ Naꞌenna̱ ꞌba jun tetsubajinnuu̱ ꞌba an tejñajin_nuu̱.
26762	JHN 14:25	’Texin_nuu̱ kibi yejerañu tejñajin ngisa_nuu̱.
26763	JHN 14:26	Tunga xi kuasekonu, Isennixtjintsjere Naꞌenchana xi kui sikasen ngatꞌare jaꞌenna̱, kui xi kuakuya yejenu ꞌba sikjaꞌetsjen yejenu xi texin_nuu̱.
26764	JHN 14:27	’Teꞌbejña_nuu̱ kjuaxiu. Kjuaxiuna̱ tetsja_nuu̱. Bi ꞌbatsaꞌen tsjaa̱ an jotsaꞌen tsja xuta ngasunꞌndebi. Bi on ngatjamare kakún ꞌba bi kun.
26765	JHN 14:28	Je kjinuꞌyo nga ꞌba kixin_nuu̱ nga kjuia̱ ꞌba nga kjuaꞌekun ngani_nuu̱. Tsa kjuakixi nga nimejénnuu̱ an, ꞌba=nde tsja sꞌe̱nu nga kjuia̱ ña tijña Naꞌenchana, ngatꞌa ngisa= ꞌñu je ngisa Naꞌenchana nga ko mare an.
26771	JHN 15:3	ꞌBa je tsjio jun ngatꞌare en xi texin_nuu̱.
26772	JHN 15:4	Tetsubajinntsjainuu̱, ꞌba an kuatejñajinntsjai_nuu̱. Jngu tjia bi ma tsja tajngu tu tsa tsajainre tutsꞌin. ꞌBa ꞌba nde tsaꞌen jun bi kuoꞌo tu tsa bi kuetsubajinntsjainuu̱.
26782	JHN 15:14	ꞌBa jun= ñu amiguna̱ tsa sikꞌetjusun kjuatexuma xi tetsja_nuu̱.
26799	JHN 16:4	Texinya_nuu̱ kibi, tuxi kionga kjuaꞌe nixtjinbiu, kjuaꞌetsjenu nga ꞌba kixin_nuu̱. ’Bi kixinya_nuu̱ kibi nga tutsꞌinre, ngatꞌa an tejñajin_nuu̱.
26801	JHN 16:6	Tusa ꞌñu kjimabare inimanu ngatꞌa ꞌba= texin_nuu̱.
26802	JHN 16:7	Tunga kjuakixi= mé= xi texin_nuu̱. Ngisa= ndani ngatꞌa tsojon nga kjuia̱. Ngatꞌa tsa bi kjuia̱, bi kjuaꞌe xi kuasekonu. Tunga tsa kjuia̱, sikasen_nuu̱ kui.
26815	JHN 16:20	Kjuakixi= xi texin_nuu̱. Xiꞌndañu ꞌba ku̱abanu, tunga xuta ngasunꞌndebi kjuatsja sꞌe̱re. Ninga ku̱abanu, tunga kjuabanu kjuatsja ku̱an ngani.
26818	JHN 16:23	’ꞌBa kui nixtjinbiu nimé nde xjaningiyaninuu̱. Kjuakixi= xi texin_nuu̱. Naꞌenchana sjanu tumeñu xi xjaꞌa_ru ngatꞌare jaꞌenna̱.